رواية معشوقتي الفصل الخامس عشر15 السادس عشر16 بقلم عائشه الكيلاني
فتحت الباب و بصت له بصدمة و حرج و عصبية مشاعر ملخبطة حمزة من رغم صدمته بس مباينش دا
حمزة بهدوء:ـ رحاب موجودة
هاجر هزت راسها:ـ هى في الجنينة اتفضل الجنينة من هنا
هاجر طالعت و هو راح لى رحاب
حمزة بمرح:ـ انا بحبك و كل حاجة بس ميقولش ليا يا خالي
رحاب:ـ اخيرا جيت اقعد
حمزة قعد
رحاب:ـ اي الحكايه بقا هى تقول متجوزين و انت بتقول قدام العيلة بحبها اي الحكاية
حمزة اتنهد بحزن:ـ مفيش حكاية هي جدعة و وقفت جانبي بس بطريقه غلط و انا نقذت الموقف مش اكتر
رحاب بصت له بابتسامة:ـ لو ليكم نصيب في بعض يبقا الدنيا كلها مستحيل تقف قصادكم انت بتحبها يا حمزة و دا باين عليك و عليها
يبقا ليه لا و خايف ليه اصلا
حمزة:ـ واحد مدمن و جوزك عارف يديني اخته الوحيدة علشان تمرمط معايا ولا علشان نبقا اتنين مدمنين
رحاب بعصبية:ـ مانت اتهببت اتعلجت و خفيت خلاص اقفل بقا على الصفحة السودة دى ربنا بيسامح و انت توبت يبقا ليه متفكرش تبني أسرة
حمزة:ـ و نجيب بنت و اتجوز عليها علشان مجبتش الواد صح زى ما ابويا و عمي عملوا
رحاب:ـ انت جاي تعصبني ولا جاي ليه افهم حمزة يا حبيبي صوابعك مش زى بعضها و بعدين
حمزة:ـ شرع الله معاكي بس ربنا قال بالمعروف بالعدل مش نظلم بنات الناس حتي المفروض انتي الى تقولي الكلام دا
رحاب:ـ و انت مش جلال يا حمزة انت مختلف عنهم انت تقدر تعمل الى بابا معرفش يعملوا
حمزة:ـ اتجوز اربعة بقا
رحاب:ـ لا فايق و رايق حمزة احنا لازم ننسا في الاخر هما أهلنا مينفعش نحسبهم ولا ينفع نعيش طول الوقت نحمل اعملهم لينا الى حصل حصل و خلاص
حمزة:ـ انا و هاجر صعب نبقا لبعض صعب احنا مننفعش لبعض لا دلوقتي ولا بعدين
هاجر كانت دخلة و سمعت كلام حمزة حطت العصير على التربيزة و خرجت طالعت على اوضتها طبعا كانت لبست اسدال و حطه الطرحة على شعرها
فضلت تعيطي بانهيار:ـ مش ذنبي مش ذنبي انه عندي مش ذنبي اني اتولدت بيه انا ليه بتعقب على حاجة مليش ذنب فيها ليه
دخلت التواليت و فتحت الماية و قعدت تحتيها
تحت في الجنينة
حمزة شارب شرفا من العصير
رحاب:ـ انت كويس العصير مش عجبك
حمزة:ـ لا حلو اوي بعدين مانا بشرب اهو
رحاب:ـ اومال كرمشت وشك ليه اكيد فيه حاجة
حمزة:ـ لا والله طعمه حلو
حمزة شارب العصير كله و شرب وراه الماية:ـ اول مرة اشوف عصير حادق كدا بس طعمه حلو
اعتماد من بره:ـ يا مرارررري عوض عليا عوض الصابرين يااارب ااانتي يا هااااجر
رحاب بضحك:ـ ههه اكيد هاجر عملت مصيبة و مش هنخلض و هكذا البيت كل شوية خناق ل مع كريم او مع هاجر و اوقات مع علي
اعتماد:ـ نهار اسود البت حطت ملح في العصير بدل السكر علشان لم اقول هترجعي من اول يوم محدش يتكلم هتفتحي بيت ازاي هتفتح بيت ازاي دى
هاااا الفرخ مسكرة ليه حطيت سكر للفرخ مكان الملح يخيبتك و يا ميلة بختك في عيالك يا اعتماد يا الى هتموت مجلوطة من هاجر و عميلها يا اعتماد يا ناااس محدش ياخد البت دى و هديلو مليون جنيه لا كدا كتير أيوة يخدو هاجر و كريم هداية مفيش حد مريحني في البيت دا غير قلب امه علي ابني الكبير العاقل الراسي مش المجانين دول
رحاب:ـ يادي النيلة و الف.ضايح لسه لم كريم يجي هتسمع الف...ضايح الى على اصلو
كريم جاه و راح اوضه و خرج متعصب:ـ هااااااجررر انتي يا زفتة
اعتماد:ـ اتهدو بقا انتوا مش بتتهدو ليه
كريم:ـ قوليها هى بصي يا امي بصي القميص الابيض بتاع بصي كاش ازاي ولا التيشيرت بصي بقا بطيخي دى مقلبني في لبسي يامي انزلي يا جبانة
حمزة بصدمة:ـ اي دا
رحاب:ـ البيت و ناسه و الخمس سته الى احنا منهم كل يوم في الصدع دا و لسه لم علي يجي
حمزة عط لرحاب الهدية و مشي
بليل في اوضة هاجر
اعتماد:ـ طب انتي بتعيطى ليه دلوقتي كريم مقالش حاجة
هاجر بدموع:ـ انا مش زعلانة من حضرتك ولا من كريم بس انا تعبت يا امي من زمان و انا بشوف نظرات الناس و بسمع تنمرهم عليا ماما هو انا ممكن يكون ليا عيلة زيك و زي رحاب و غيركم انا و انتوا عارفين ان البهاق مستحيل يروح من عندي انا تعبت من العلاجات الى مش جايبة اى نتيجة الحمدلله انا مش معترضة بس انا تعبت انا تعبانة اوى اوى يا امي حتي رحاب بخاف تدخل عليا تشوفني بالشكل دا بخاف اوى انا مش وحشة بس انا تعبت و انا كل يوم بحط المكياج علشان محدش يقرف ولا يخاف من شكلي تعبت
هاجر افتكرت حمزة
هاجر بدون واعي:ـ شافني شافني يا امي شافني بشكلي الحقيقي وشي و شعري انتهاء انتهاء كله انتهاء يامي
اعتماد مش فاهمة هى تقصد اي بس حضنتها و هاجر قعدت تبكي بقهرة و انهيار و صوت بكها بيعلي اعتماد بتبكي عليها بقهرة
عند حمزة فهو عند عادل
عادل ببرود:ـ هببت اي
حمزة:ـ دائما ظلمني
عادل:ـ لا مانا عارف ما تتكلم ياض يا تمشي هو انا ناقص
حمزة:ـ في بير
عادل:ـ انت ق.تلت قت.يل ولا اي فهمني
حمزة:ـ هقولك
حمزة حك كل حاجة لعادل بس على انه مش قصة واحد صاحبه
عادل ببرود:ـ و بعدين
حمزة:ـ بس كدا
عادل:ـ لا تعايرني ولا اعايرك هو طبعا زفت و قبلته بع.يوبه و هى مش ذنبها
حمزة:ـ اول مره تقول حاجة صح
عادل:ـ يبقا يتكل على الله و يتجوزها
حمزة:ـ افرد رفضت بقولك شافها و اكيد هتحسب حاجة غلط زى شفقة مانت عارف دماغ البنات
عادل:ـ دماغهم اخر ارف زى عملي الاسود اختي كدا
حمزة قام:ـ اول مره اروح من عندك فرحان و هادي كدا ربنا يهديك يشيخ و اخلص منكم يارب
حمزة مشي و عادل قعد يشتغل
في الفيلا
الاب:ـ تانى هى اختك مش بتزهق مرة تسنيم و دلوقتي اخوها
اعتماد:ـ اه بس عمرو بيحب هاجر
الاب بشك :ـ و اشمعنا دلوقتي هاجر بقت حلوة و بعدين دا أمنه على بنتي ازاى
علي:ـ بابا معاه حق مستحيل اى حد يقول عايز هاجر يخدها احنا مش لقينها في الشارع
كريم:ـ ادعمك الموضوع يتقفل يا امى و محدش يقول لهاجر
هاجر دخلت:ـ خالتي كلمتني النهاردة و قالت ان عمرو عايز يتجوزني انا فكرت و موافقة
الفصل السادس عشر
هاجر:ـ خالتي كلمتني النهاردة في الموضوع ده انا موافقة لانى مش ها لقي احسن من عمرو اتم شوية بس انا مش ملاك يعني
الاب بغضب:ـ انتي بتقولي اي هاا بتقولي اي
هاجر:ـ الى سمعته يا بابا انا عايزة اتجوز عمرو
كريم راح ليها و مسك شعرها بغضب:ـ و احنا من امتي بنتكلم بالبجاحة وقلت الادب دى
هاجر بآلام:ـ اااه
الاب بغضب:ـ اخرسوو و سيب اختك
كريم ساب هاجر و خرج علي مسك ايديها و راحوا لى الجنينة
علي بهدوء منفي تمام العصبية الى جوه:ـ افهم بقا
هاجر:ـ انت اختارت شريكة حياتك سبوني انا كمان اختار الى بحبه
علي:ـ هو مش المفروض نلم نفسنا اي قلت الادب دى حبي حد من سنك عمرو ملقتيش غير دا
هاجر بصت له:ـ مش يمكن عايزاه لانه هيقبلني على حقيقتي زى ما انا شكلي عارف شكلي يا علي انا حاسه اني مش من حقي اتشرط.... شافني شافني على حقيقتي كنت بحسبه كريم اتفاجات بيه شاف شعري و وشي شافني في الحقيقة تخيل بقا واحد زى حمزة هيفكر يجيلي بعد الى شافوا هو برضو حقه يحب و يتجوز واحدة حلوة ما هو الحب لوحده مش كفاية الشكل كمان مهم و انا ناقصني الحته دى الشكل
ما هو محدش بيخد كل حاجة
علي:ـ اي الهبل الى بتقوليه دا يا حبيبتي انتي زى القمر و جميلة مش ناقصك حاجة علشان تقبلي حاجة مش عايزها زى عمرو دا
هاجر:ـ ما هو حكايتي غير حكايتك انا حتي معرفش اذا ممكن القدر يخلينا نشوف بعض صدفة ولا لا
علي:ـ انتي عامله في نفسك كل دا علشان حمزة!
مين دا اصلا علشان تنهاري و تخدي قرارات توصلك لسابع أرض طالعي الى في دماغك دا يا هاجر انتي ست البنات متعلقيش قدرك بحد الى عايزو ربنا هو الى هيكون ماشى يا حبيبتي
هاجر هزت راسها بهدوء علي قبل راسها و دخلوا جوه
الاب:ـ لسه مصممة على قرارك
هاجر:ـ انا اسفة يا امى بس مش ها قدر اكون مع انسان مش بحبه عمرو مش بشوفو غير اخويا انا مش هقدر اتجوزو عن اذنكم هطلع اوضي
في بيت اشرف خال رحاب
مديحة:ـ طبعا يا حنان مثلتي على الواد القلب الحنون
حنان:ـ لولا انكي في بيتي انا كنت مسحت بيكي الارض انتي بتغلطي فيا في بيتي ابنك اهو اشبعي بيه
حمزة:ـ بس انتي و هى ... انا مش راجع مع حضرتك لانكي شكيتي فيا و اهانتي كرامتي
مديحة:ـ و هو انت من امتي ليك كرامة اصلا يا سبب وكستي
حمزة:ـ طب مش رايح معاكي في حته
حنان:ـ خلاص بقا يا حمزة و هى ندمانة اهي
حمزة قعد:ـ هروح بس بشرط تقنعي بابا يجوزني هاجر اخت علي
مديحة:ـ مستحيل طبعا البت دى تدخل بيتي ولا اسلم عليها بالصدفة دى كانت هتلبسك مصيبة دى مجنونة و احنا مش اد اهلها
حنان:ـ انا غلطانة قوم يلا فضي الشنط و اطلع نام فوق منعطلكيش يا مديحة
مديحة اتنهدت بقلة حيلة:ـ موافقة بس علشان خاطرك لكن انا مش بطيق اعتماد دى وليه قوية و مفترية انا عارفه اختك مستحملها ازاي
حمزة رجع البيت مع مديحة و تانى يوم راح لى جلال و قال انه عايز يتجوز هاجر جلال في الاول اتصدم و قال يجرب جلال كلم محمد و خد معاد منه و تاني يوم راح له و قال له ان حمزة عايز يتجوز هاجر
بليل في الفيلا في اوضة هاجر
اعتماد:ـ ابن مديحة لا
كريم:ـ يامى بصراحة كدا مديحة اهون من اختك و بعدين الواد كويس و اهبل
هاجر:ـ بس انا موافقة يا بابا
علي بعصبية:ـ هو انتي مفيش لا افكر كل ما يجي زفت موافقة مفيش على لسانك غير الكلمة دى عنستي مثلا و احنا منعرفش
هاجر:ـ بس انا موافقة بجد المرة دى و بكامل ارادي
علي:ـ بس متجيش في الاخر تغني و يا ابوي كنت منعتني و يا اخويا كنت مش عارف اي انا على اخري عن اذنكم
علي طالع على اوضه
كانت رحاب قعدة اودام المرايا بتلعب فى شعرها و سرحانة فتح الباب و دخل و هى محستش بيه
علي حضنها من وراء:ـ سرحانة في اي يا رورو
رحاب اتسعت عينها:ـ انت جيت امتي و ازاي محستش
علي:ـ لسه جاي حالا بس الجميل سرحانه في اي
رحاب قامت قعدت على الكنبة:ـ مفيش حاجة بس بفكر في حياتنا و التغيرات الى حصلت فيها و هبة الى قلبها محزنة و حمزة الى عايز يتجوز معرفش ازاي
ودت وشها الناحية بحزن و خوف:ـ انا نفسي اغمض عيني و افتحها القي ابني قدامي خايفه اوى مش هرتاح غير لم اسمع صوته و كمان مش هرتاح غير لم هبة حياتها تكون افضل و
علي مسك وشها بكفوف ايديه:ـ انتي اتغيرتي اوى يا رحاب مفيش حاجه مستهلة خوفك دا انا سبق و قولت اني مش عايز غيرك
رحاب نزل ايديه:ـ لكن انا عايزة يا علي ايوة انا عايزة طفل يملي حياتي عايزة يكون ليا عيلة عايزة اكون ام و دا حقي علي انت لو مش فارق معاك ف انا فارق معايا
علي قعد جانبها و حضنها و اتنهد بهدوء:ـ يا بنتي اهدى بقا و انسي شوية يا رحاب انا لم صدقت ان كل حاجة اتحلت انتي شايلة هم و خايفة ليه و بعدين انا مش عايز غيرك و بالنسبة الطفل ف انا لسه مشوفتوش علشان احبه
رحاب بعدت عنه و بص له بخوف علي حط رأسها على رجله و فضل يملس على شعرها بحنان:ـ مش عايزك تخافي أو تشيلي هم بكرا خلينا في النهاردة منحبسيش نفسك في الماضي و الى جاي خلينا في النهاردة يا حبيبتي
رحاب هزت راسها بهدوء و قلق و غمضت عيونها
بعد يومين جلال و عيلته كانوا في الفيلا علشان موضوع جواز حمزة و هاجر اتفقوا على كل حاجة تحت غيظ اعتماد الى بتفكر بفركش الموضوع لان مش بتحب مديحة و كريم و علي رحاب طبعا ف هى ماشاء الله عليها مش فاهمه اي حاجة بعد اسبوع تم خطوبة حمزة و هاجر و الكل كان فرحان معاد خالتهم و عيالها بعد شهرين تم زواج حمزة و هاجر و طبعا كانت زى القمر و تم الفرح على خير
في الفيلا في اوضة علي
علي:ـ ممكن تهدي بقا
رحاب بتهز رجليها بغضب:ـ هاجر اتجوزت تقدر تقولى دى هتقعد هنا على اى اساس افهم بس ولا انا كيس جوفة في البيت دا و بعدين انا مش مجنونة علشان اهد يا علي
علي بعصبية:ـ انتي فعلا مفيش فايده فيكي ست نكد
رحاب لفت وشها له:ـ نكد علشان بحبك
علي:ـ دا مش حب دا شك يا روحي شك انتي بتشكي فيا
رحاب:ـ انا سبق و قولت انى مش مطمنة لبنت خالتك دى نظراتها طريقه كلامها معاك انت بقيت بتتكلم معاها اكتر ما تتكلم معايا انت الى اتغيرت اوى يا علي مش انا انت مبقتش تحبني
علي مسح على وشه:ـ و بعدين في ام دى هرمونات هتفضل منكدة عليا سبع شهور انا قولت مش عايز عيال البت كل يوم تتحاول و تقول كلام و حاجات مش موجوده اصلا
.... طب انتي بتعيطى ليه دلوقتي يا حبيبتي
رحاب بدموع:ـ ابعد عني و متقولش الكلمة دى انتي بتخوني يا علي و لو البت دى ممشيتش انا الى هسيب البيت و اروح بيت ابويا مش انت عايز كدا حاضر هتصح مش هتلقيني
علي اتجها ليها:ـ هنخرف في الكلام يا حبيبتي والله ما في بينا حاجة و بعدين ما هى كانت اودامي لو كدا كنت اتجوزتها لكن انا اتجوزت الى بحبها و حلمت اني اكمل حياتي معاها و الحمدلله حلمي اتحقق
مسك ايديها و قبلها:ـ والله العظيم انا بحبك اوى و عمري ما تخيلت اني اكون مع حد غيرك انا عارف ان غصب عنك و انكي مضغوطة بس مش لدرجة الشك يا رحاب و بعدين ابوكي و عمك انا ذنب اهلي اي مالي بيهم
رحاب سحبت ايديها بغيظ:ـ اخر مرة تتكلم عن اهلي كدا
علي:ـ هو انا اتكلمت انتي عايزة تجننيني
رحاب:ـ مممم عايز تجبلي ضرة يا حبيبي مش كدا
علي راح البلكونة و هو بيبرتم و رحاب راحت وراه
و في بيت حمزة
هاجر بعصبية:ـ اطلع بره يا اصوت و الم عليك الناس انت اتجننت
هاجر واقفت اودام المرايا مسكت ازازة الفونديشن فتحت و لسه هتحط
حمزة مسك منها الازازة :ـ والله مانتي حطه حاجة
مسك ايديها و قبلها:ـ هاجر انا نفسي اشوفك من غير الى بتحطيه في وشك انتى حلوة من غير حاجة و انا بحبك من غير حاجة مش شوية مكياج الى هيخلوني احبك عمرها ما كانت بالشكل
هاجر رفعت نظرها له:ـ هو انت مش شايف اهو يا حمزة دا وشي و دا شعري عايز تشوف اي ال
حمزة:ـ انتي مكبرة الموضوع على فكرة ليه مصرة تحكمي على نفسك بالتشوه مع انى مش شايف اى حاجة من كلامك دا انتي زى القمر و دا مش كلامي تو دا ملامحك الى بتقول كدا انتي حبتني و وثقتي فيا مع ان انا مش كامل الاوصاف و مع ذلك اتجوزنا
هاجر:ـ لان كل انسان مننا محتاج لفرصة دا لو ندمان بجد و انا شوفت الندم في عيونك و شوفت الحب و الامان فيهم مع ان المفروض العكس
حمزة:ـ انا عمري ما ها ندم على حبي ليكي انتي الحاجة الوحيدة الى حلوة في حياتي
هاجر:ـ بس انت ليك عذر علشان تتجوز التانية صدقيني حتي لو عملتها مش هزعل حقك
حمزة بغيظ ممزوج بعصبية:ـ يعني يوم فرحنا تقولي الكلام الغريب دا انتي يا بنتي عايزة اي علشان افهم
هاجر واقفت اودامو:ـ شايف الكنبة الحلوة الى بره دى تروح نام عليها و متصدعنيش لانى مصدومة فيك بقا ترقص مع هبة يا حمزة و انا ولا انكي موجودة و ترقص مع رحاب ليه هاا ادني سبب واحد ترقص مع رحاب و هبة
حمزة ببرود:ـ المفروض انهم اخواتي عادي يعني
هاجر:ـ اطلع بره يا حمزة
حمزة بص ليها ببرود:ـ امرك
هاجر ربعت ايديها و لفت وشها الناحية التانية حمزة شالها
هاجر:ـ ا
حمزة:ـ بس يا بت المجانين انا ناقص كفاية اخواتك الى مرارو عيشتي في فترة الخطوبة افصليي ستات هم ابو الجواز على الى عايز يتجوز
تاني يوم في الفيلا
تسنيم بتتلق الزيت على السلم:ـ ورني بقا هتحمي ابنك ازاي يا روح الروح
تسنيم جريت على اوضتها بعد شوية رحاب اتجهت للسلم و و هى بتتكلم في الفون و مش مركزة فجأة اتشنكلت و .....