رواية انا والمغرورة الفصل الثالث عشر13والرابع عشر14 بقلم اروي عادل
حامد. أنى هوريكى الكل*ب ده هيعمل فيكى ايه
( كان ينظر إليها نظره شهوانيه و هو يقترب منها و هى ترجع للخلف وعندما حاول لمس و جهها صفعتة بقوة على وجهة ثم دفعتو بعيد عنها و خرجت تركض من الأسطبل
☆☆☆☆☆☆☆☆☆☆☆☆☆☆☆☆☆☆
-----------فى غرفة جاسر-----
كانت أسيل تجلس و تفكر فيما حدث من حامد كانت أيضآ خائفه من ان يكرر فعلتو مره أخرى وهنا قررت ان تتحدث الى حد
☆☆☆☆☆☆☆☆☆☆☆☆☆☆☆☆☆
----------فى غرفة سميحة----------
أسيل٠ تيته كنت عايزه اتكلم معاكى
سميحة٠ خير يابتى
أسيل٠( بتوتر) فى حاجة حصلت النهاردة .. انا مش عارفه أتصرف ازاى فيها
( كان الكلام يخرج منها بصعوبة)
سميحة٠ خبر ايه يا أسيل جلجتينى ( قلقتينى)
أسيل٠ النهاردة و انا بربط أصيلة فى الأسطبل
( حكت كل ما حدث من حامد لسميحة وهنا صرخت سميحة من الصدمة و قالت)
سميحة٠ يا مرارى يا وجعة سودة عليكى
يا سميحة احفادك هيقت*لوا بعض .. جوليلى يابتى بالله عليكى انتى جولتى لجوزك حاجة
أسيل٠ لا يا تيته واللهى انا مقولتش لأى حد جيت اتكلم معاكى انتى الاول
سميحة ٠ اسمعينى يابتى بالله عليكى متجولى لأى حد وأنى هجيبلك حقك لحد عنديكى
أسيل٠ حاضر يا تيتة هدى بس وانا مش هقول لحد
سميحة٠ ربنا يخليكى ليا و يحفظك من كل سوء
( هنا قبلة أسيل رأس سميحة و قالت)
أسيل٠ أنا أسفة ان عارفه انى كلامى دايقك بس حضرتك الوحيده فى البيت هنا إللى انا برتاح فى الكلام معاها
سميحة٠ لا يا حبيبتى انتى عملتى عين العجل( العقل) انك جيتى تحكى أمعايا
أسيل٠ طيب عن أذنك يا تيته
سميحه ٠ روحى يابتى ربنا يكملك يجعلك
☆☆☆☆☆☆☆☆☆☆☆☆☆☆☆☆☆☆☆
---------فى غرفة جاسر-------فى المساء
شادية٠ ستى سميحة بتجولك تعالى اتعشى
أسيل٠ لا انا شبعانه
شادية ٠ بس انتى على فطورك من صباحية ربنا
أسيل٠ قولتلك مش جعانة .. بس أعمليلى كوبية قهوة عقبال ما اخد دش
☆☆☆☆☆☆☆☆☆☆☆☆☆☆☆☆☆
-------فى الصاله -----------
( يجلس على مائدة الطعام عمران و سميرة و سميحة)
عمران٠ مالك ياما سرحانه فى ايه
سميحة٠ مافيش ياولدى
دخل جاسر هو يحمل حقيبته
جاسر٠ سلامو عليكم .
سميرة ٠ جاسر حبيبى حمدالله على السلامه
عمران٠ حمدالله على السلامه يا ولدى انت ماجولتش ليه انك جاى
جاسر٠ انا ماكنتش جاى لأن عندى شغل كتير بس اتصلوا عليا فى النيابة بخصوص قضية أسيل لازم تروح بكره النيابة
عمران٠ طيب تسيب شغلك و تيجى ليه كنت اتصلت بيا وانا بعت معاها ولد عمك
جاسر٠ ماينفعش دى بردوا مراتى
عمران٠ مراتك اول مره اسمعك تجولها
سميرة. سيبك من كلام ابوك و تعالى جانبى أكيد انت جعان
جاسر٠ لأ أكلت فى الطريق وانا جاى .. بس عايز انام
( هنا أنتبه جاسر لوجود سميحة التى كانت فى دنيا تانيه )
جاسر ٠ جده . جده .جده
سميحة ٠ أيوه يا ولدى حمدالله على السلامة
جاسر٠ انتى مالك يا جده
عمران . هى على الحالة دى من صباحية ربنا
جاسر ٠ انتى تعبانه
سميحة٠ لاه يا حبيبى أنى بس فكرى مشغول بحاجه أجدة
جاسر٠ ايه يا جده ليكون حب جديد
سميحة ٠ واه يا بوي شوفت ولدك و حديدته
يا عمران
جاسر ٠ سورى يا جده
سميحة ٠ اهو لسانه اتعوج زى مراتو بيجول سورى
جاسر ٠ صح آمال فين أسيل
سميرة ٠ فى أوضتها . انا بعتلها شادية عشان تيجى تتعشا لكنها بتقول شبعانه
جاسر٠ طيب انا داخل ارتاح
سميرة٠ روح يا حبيبى
☆☆☆☆☆☆☆☆☆☆☆☆☆☆☆☆☆☆
------ غرفة جاسر----------
( عندما دخل جاسر الغرفة لم يجد أسيل لكنه سمع صوت فى الحمام وعلم انها بداخل .. وهنا جلس على الفراش منتظر خروجها وهو متشوق لرأيتها٠٠ اتسعت عين جاسر عند رأها وهى خارجه من الحمام ترتدى قميص نوم قصير اسود عارى الصدر يظهر جميع مفاتينها و فى يديها فوطة بتجفف بها شعرها .. و فجأه صرخت أسيل عندما رأت جاسر أمامها.. وهنا ركض جاسر أليها و وضع يده حول خصرها و يده الأخرى على فمها لكتم صراخها وقال)
جاسر٠ اخرسى هتف*ضحينا انا هشيل ايدى و أوعى تصرخى
( هزت رأسها بأعجاب ثم شال أيده من على فمها لكنه مازال يده الأخرى حول خصرها)
أسيل٠ انت قليل الأدب ازاى تدخل عليا
و انا كده
( كان جاسر يتأمل إللى جسدها متجاهل كلامها)
أسيل٠( بخجل) انت بتبص فين جاسر
بعد أذنك متبصليش كدا . جاسر عيب على فكره
جاسر٠ تعرفى انك جميلة أوى
(أزدادت خجلآ و أحمر وجهها وهى تنظر على الارض قائله)
أسيل٠ بس بقى
جاسر٠ تعرفى شكلك كده ممكن يجننى
( هنا فلتت منه و أخذت البجامتها من على الفراش دخلت الحمام مسرعه و هنا قال جاسر )
جاسر٠ على فكره انا هشيل باب الحمام ده خالص عشان بعد كده ما تلاقيش مكان تهربى منى فيه

(بعد ما خرجت أسيل من الحمام )
أسيل٠ حمدالله على السلامه
جاسر٠ الله يسلمك ..... أسيل كتفك عامل ايه
أسيل٠( بسخريه) ياااه لسه فاكر
جاسر ٠ ان كنت بطمن عليكى من ماما
أسيل٠ غربية مع أنى معايا تليفون و بيقول الو بردوا
جاسر ٠ من غير تريقه مش انتى إللى أهتمامى بيكى مدايقك
أسيل٠ و انت ما صدقت مش كده
جاسر ٠ تعرفى انت بجد محتاجه دكتور مجانين
أسيل٠ يعنى انا مجنونه صح
جاسر٠ بصراحه أه
أسيل ٠ ( هى بتضحك) اوكى .. وانا هوريك الجنان إللى على أصلو بيكون ازاى
( هنا مسكت المخدة لتضرب بها جاسر هو يركض فى الغرفة وهى وراه بالمخدة )
أسيل٠ عشان تقول عليا مجنونه تانى
جاسر٠ خلاص .. خلاص والله انا أسف
أسيل٠ مش هسيبك
( هنا مسك جاسر رجله وقال)
جاسر٠ أه رجلى
أسيل٠ فى ايه مالها رجلك
جاسر ٠ تعبتنى فجأه
أسيل٠( بحوف) انا أسفة انا إللى خليتك تجرى مش عارفه ازاى نسيت ان رجلك وجعاك .. طيب تعالى أرتاح على السرير
( جلس جاسر و أسيل على الفراش
و هو يضحك على سذاجتها)
أسيل٠ لسه رجلك و جعلك
( وهنا وضع جاسر رأسه على رجل أسيل
و هو يقول )
جاسر ٠( بأبتسامه) كده أحسن
أسيل ٠انت بتضحك على ايه . جاسر انت بتكدب عليا و رجلك مش وجعاك صح
جاسر ٠ بصراحه صح
أسيل٠ جاسر لو سمحت قوم من على رجلى
جاسر ٠ لأ انا مرتاح كده
( كان جاسر نائم على رجلها و يتأمل وجهها
و هنا قالت)
أسيل ٠( بخجل) جاسر انت بتبصلى كدا ليه
جاسر٠ تعرفى انك حلوه أوى وانتى مكسوفة و خدودك محمره
( هنا حطت أسيل يديها على عين جاسر من شدة الخجل )

جاسر٠ ممكن تشيلى أيدك عايزه أشوفك
أسيل٠ لأ
جاسر٠ وبعدين بقى ( هنا رن هاتف ) طيب ممكن أشوف مين بيرن عليا
أسيل٠ اشوفلك أنا ( هنا تغيرت ملامح أسيل عندما رأت هواية المتصل )
جاسر٠ مين
أسيل ٠ خد شوف بنفسك
( ثم بعدت رأسه من على رجلها وقالت )
أسيل٠ أنا عايزه انام
( استغرب جاسر من التغير أسيل لكنه عندما رأى أن نرمين هى من تتصل به فهم سبب تغير أسيل)
جاسر٠ أسيل ممكن نتكلم شويه
أسيل٠ لا معلش انا عايزه انام دلوقتى
جاسر ٠ تعرفى انا لولا عارفك كويس كنت قولت انك غيرانه
( هنا قامت أسيل كانت متعصبه حين قالت)
أسيل٠ أنا غيرانه انت بتحلم و اغير من مين .. من واحده زى نرمين انت مجنون
جاسر٠ بس انا مقولتش انك غيرانه من نرمين
( شعرت أسيل بأحراج من اندفعها )
( هنا أمسكها جاسر من ذراعيها و طبع قبله قوية على خدها ثم قال)

جاسر٠ تصبحى على خير
( وضعت يديها على خدها و مكان القبلة لم تتحرك كأنها مازالت لم بتستوعب ما حدث)
☆☆☆☆☆☆☆☆☆☆☆☆☆☆☆☆☆☆☆
---------فى صباح اليوم التالى-----------

( عندما فتحت عينيها كان جاسر محاوطها بذراعة هى تنظر إليها بأعجاب و عندما بدأ جاسر فى الاستيقاظ أغلقت أسيل عينيها مطصنعة النوم)
( أول ما جاسر فتح عينية رفع ذراعه من على أسيل ثم قال)
جاسر٠ أسيل. أسيل٠ أصحى
أسيل٠ نعم
جاسر٠ قومى فى ميعاد عندك فى النيابة النهاردة
أسيل٠ اه قولتلى عشان كده حضرتك جيت من القاهرة
جاسر٠ ملكة الاعتراض مش وقته خالص الكلام ده احنا اتأخرنا البسى بسرعة
☆☆☆☆☆☆☆☆☆☆☆☆☆☆☆☆☆☆
--------فى النيابة ---------------
الظابط٠ مدام أسيل طابور العرض المجرمين قدامك فى حد من الخاطفين فيهم
أسيل٠ اه تانى واحد على اليمين و الخامس
الظابط٠ متاكده
أسيل٠ متأكدة
الظابط٠ اكتب يابنى . تم التعرف على المتهمين فى قضية اختطاف أسيل .............. ممكن تمضى
جاسر٠ الموضوع كده خلاص
الظابط٠ممكن تحتاج شهادتها فى المحكمة
جاسر٠ ممكن نمشى و لا فى حاجه تانى
الظابط ٠ لأ اتفضلوا
☆☆☆☆☆☆☆☆☆☆☆☆☆☆☆☆☆
-------فى السيارة-----------
جاسر٠ عايزه تروحى فين
أسيل٠ أنا
جاسر٠ هو فى غيرك هنا . قوليلى تحب تروحى السوق السياحى
أسيل٠ تانى حرمت
جاسر ٠ ماتخفيش المردى انا معاكى
أسيل٠ اوكى
جاسر٠ بس الأول نروح اى مطعم نفطر بصراحه انا جعان اوى
أسيل٠ وانا كمان
( بعد ما تناولوا طعام ذهبوا الى السوق السياحى و بعدين إلى معبد الكرنك كان يوم أكثر من رائع لقد استمتعوا باليوم .حتى جاء المساء فى كافيتريا
☆☆☆☆☆☆☆☆☆☆☆☆☆☆☆
-------كافيتريا-----------
جاسر٠ كان يوم حلوه جدآ انا أستمتعت بصراحه
أسيل٠ وانا كمان
جاسر ٠ تعرفى ان دى أول مره أروح فيها معبد الكرنك
أسيل٠ بتهزر صح
جاسر٠ واللهى بجد .. وانتى دى أول مره مش كده
أسيل٠ لأ تالت مره
جاسر٠ لاء واللهى . جيتى مع مين بقى
أسيل ٠ صحابى و مع ... ( سكتت فجأة عندما تذكرت أنها كانت تأتى مع والديها )
جاسر٠ سكتى ليه . كنتى بتجى مع صديق ولا حبيب
أسيل٠ أنا عمرى ما كان عندى حبيب
جاسر٠ انت عايزه تفهمينى واحده جميله زيك عمرها ما كان عندها حبيب مش معقوله
أسيل٠ دى حقيقه فعلآ
جاسر ٠ يعنى انا أول راجل فى حياتك
أسيل٠ تصدق أه
جاسر٠ مالك بتقوليها و انتى مدايقه
أسيل٠ لا واللهى أبدآ بس كنت حاطه شروط للراجل إللى هرتبط بيه ...اكتشفت دلوقتى انها طارت
جاسر ٠ وايه هى الشروط ست الحسن والجمال فى فارس احلامها.. قوليلى ممكن تكون موجوده فيا
( ضحكت وهى تقول)
أسيل٠ مش ممكن
جاسر ٠لا بجد عندى فضول أعرف
أسيل٠ ان الراجل إللى هيرتبط بيا لازم اكون انا أول ست فى حياته زى ماهو هيكون أول راجل فى حياتى
جاسر٠ على فكره مش لازم تكونى أول ست فى حياة الراجل إللى هترتبطى بيه .. بس لازم تكونى انتى أخر ست فى حياته
أسيل٠ يمكن يكون كلامك صح . بس انا مؤمنه انا الإنسان بيحب مره واحده فى حياته . يعنى ازاى اكون بحب شخص إديلو كل مشاعرى بعدين أرجع أعيش نفس المشاعر مع شخص تانى
جاسر٠ يعنى كلامك معناه ان الانسان ماينفعش يحب مرتين
أسيل٠ طبعآ لأ احنا بنقابل الحب الحقيقة مره واحده فى حياتنا
جاسر٠ لو حب مره تانيه
أسيل ٠يبقى مابحبش فى المره الأوله
جاسر٠ طيب ايه رأيك انا أعرف واحد بيحب إتنين فى نفس الوقت
أسيل٠ ليه هو قلبه ده شقة للأيجار ..
( ضحكة جاسر على كلامها)
( فجأة و من غير مقدمات سألت أسيل جاسر)
أسيل٠ انت حبيت كام مره فى حياتك .. قصدى اكيد انت حبيت كتير فى حياتك
( شعرت أسيل بأحراج من طرح هذا السؤال بينما ضحكه جاسر بخبث على سؤالها )
جاسر ٠ ولا مره
أسيل٠ هتكدب من أولها
جاسر ٠ لا و اللهى بتكلم بجد
أسيل٠ و نرمين
جاسر٠ انا عمرى ما حبيت نرمين
أسيل٠ يا سلام انتو كنتوا مخطوبين
جاسر٠ اختيارى لنرمين كان بالعقل
و شوفتها هتكون زوجه مناسبة ليا من كل النواحى عشان كده قررت ارتبط بيها
أسيل٠ طيب و الاتصالات إللى بينكم
جاسر٠ لأننا أصدقاء انا اعرف نرمين من و انا عندى ١٨ سنه يعنى من ١٠ سنين و انا بعتز بيها كصديقة
أسيل٠ صديقة بس
جاسر ٠ صديقه وبس .. اي استجواب تانى
أسيل٠( بأحراج) استجواب ايه انا سألت سؤال عادى
جاسر ٠ ( بخبث) انا عارف انه عادى .طيب يلا نمشى
أسيل٠ اوكى
☆☆☆☆☆☆☆☆☆☆☆☆☆☆☆☆☆☆☆☆
----------فى عزبة المطيرى----------
( انتهازت سميحة فرصة عدم و جود عمران و جاسر فى المنزل و ذهاب سميره للنوم
و حكت سميحة لنعمات ما فعلو حامد مع أسيل )
نعمات٠ دى كدابه ولدى مايعملش أجده دى بتفترى عليه
سميحة٠ وطى حسك( صوتك) أنى
ما عايزاش فضا*يح
نعمات٠ كأنك مصدقة الحديد ده عاد
سميحة٠ البنيه هتكدب ليه
نعمات٠ واضح جوى انها بتعمل أجدة عشان تعمل مشكلة و ترجع على مصر .. لكن لأ أنى مش هسيبها ترمى بلاها على ولدى
سميحة ٠ جولتلك وطى حسك
نعمات٠ لا ياما انى مش هسكت لما اشوف المصراوية رايده ايه من ولدى
☆☆☆☆☆☆☆☆☆☆☆☆☆☆☆☆☆
-
---------فى السيارة --------فى نفس الوقت عند أسيل و جاسر
جاسر٠ خلاص وصلنا
أسيل٠ جاسر انا كنت عايزه أنزل القاهرة جدو وحشنى أوى
جاسر ٠ تحبى تنزل معايا بكره
أسيل٠ ياريت و ماتخفش أنا مش هدايقك فى حاجه انا هقعد عند جدو و انت راجع الأقصر تانى تيجى تاخدنى من عند جدو
و ارجع معاك
جاسر٠( بسخرية) ياسلام على أفكارك العظيمه ..لو سمحتى بلاش تفكرى تانى .
أسيل٠ أنا بس مش عايز اشغلك بيا
جاسر ٠ انا كده كده كنت هخدك معايا القاهرة بس كنت مستنى لم أوضب الشقه الاول
أسيل٠ أحلف بالله
جاسر ٠(بضحك) بالله ملكة الاعتراض ممكن تنزلى بقى احنا وصلنا
أسيل ٠ انت مش نازل
جاسر ٠ لأ رايح اشوف هشام و مش هنتأخر
☆☆☆☆☆☆☆☆☆☆☆☆☆☆☆☆☆☆
----داخل المنزل عند نعمات و سميحة
نعمات٠ جولتلك انى مش هسكت
( و هنا دخلت أسيل .ركضت نعمات إلى أسيل أول ما شوفتها ومسكت ايدها و قالت بصوت عالى )
نعمات٠ تعالى أهنه يا وش المصايب
أسيل٠ فى ايه يا ست انتى سيبى ايدى
نعمات ٠ أنى خابراكى زين و خابر الاعيب النسوان دى ..انتى عايزه اى من ولدى
أسيل٠ ابعدى ايدك عنى .. أبنك ده أنا كان ممكن أوديه فى ستين داهيه . احمدى ربنا انى لحد دلوقتى ساكته و ماتكلمتش
( وهنا جائت سميرة و سعاد على الصوت )
سعاد٠ فى ايه ياما
سميرة ٠ فى ايه صوتكم عالى ليه
سميحة ٠( بخوف) يا مرارى وطى حسكم لحد يسمعنا .. ربنا يشندل حالك يا نعمات
أسيل٠ عشان خاطرك انتى بس يا تيته
انا مش هتكلم و هدخل أوضتى كمان
نعمات٠ واه تعالى أهنه انى مش هسيبك غير لما تجولى الحج ( الحق) أنك انتى بتفترى على حامد أن كل ده ملعوب منيكى
سميرة٠ تقصدى ايه بكلامك يا نعمات
نعمات٠ مرات ولدك بتجول انى حامد ابنى اتحرش بيها
سميرة ٠ يا نهار أسود لأ مش ممكن
نعمات٠ شوفتى انتى كمان مش مصدقه كيف دى بت كداب وشها مكشوف و قليلة الربايه( التربيه) كمان
أسيل٠ لأ انتى ست قليلة الأدب و شكلك مابتفهميش بالذوق . اذا كنتى فاكره ان سكوتى ضعف منى تبقى ست هبلة انا لحد دلوقتي محترمه الموجودين. لكن اقسم بالله لو
( قطعتها نعمات)
نعمات٠ ايه هتضربنى
أسيل٠ اه
سعاد ٠ انتى اتجننتى تضربى مين ده انا إللى هسمح بيكى الأرض
( هنا حاولت سعاد تضرب أسيل لكن أسيل لويت ذراعها للخلف صرخت سعاد من الألم )
(و هنا جاء صوت جاسر و هو يقول)
جاسر٠ أسيل انتى بتعملى ايه
الفصل الرابع عشر
أسيل٠ انتى بتعملى ايه .
( كان الكل مصدوم عند رؤيت جاسر حاولت نعمات٠ تستغل الموقف )
نعمات٠ الحقنا يا جاسر مراتك غلطت فيا كانت عايزه تمد يدها عليا لما بنتى سعاد كانت بتحوشها عنى ضاربتها
( كانت أسيل مازالت مسكه ذراع سعاد)
جاسر٠ أسيل سيبيها . أسيل٠ أنا قولتلك سيبيها
( تركتها أسيل)
جاسر ٠٠ انتى ايه إللى جرالك .. ماتردى عليا ساكتة ليه . انطقى فيه ايه
سميحة٠ مافيش يا جاسر
سميرة ٠ خد مراتك و ادخل أوضتك دلوقتى يا جاسر
( استغرب جاسر من سكوت أسيل كغير العادة)
جاسر ٠ هو في ايه ممكن حد يفهمنى
( كانوا ينظرون إلى بعضهم فى صمت)
حد فيكم ينطق و يقولى في ايه
سعاد٠ أنى اجولك يا ولد عمى
سميحة ٠ اقفلى خشمك يا بت
( نظره جاسر لأسيل وقال )
جاسر٠ ( بعصيبة) عملتى ايه خليتى الكل مش قادر ينطق
سعاد ٠ مراتك بترمى بلاها على حامد بتقول انه حاول ( قطعتها سميرة و قالت)
سميرة٠ اخرسى بقى ولا كلمة تانى
نعمات ٠ تخرس عشان هتجول الحج(الحق)
( و هنا اتسعت عين جاسر كانت عروق يديه بارزه من شدة الغضب بدأ بفقد السيطرة على نفسه حين مسك أسيل من ذراعها وقال)
جاسر( بصراخ) حاول ايه .. أسيل انطقى حاول ايه

( هنا صرخت أسيل من وجع قبضتة يده التى كانت تعتصر يديها وهنا جريت سميحة و سميرة عليها )
سميحة ٠ سيبها يا جاسر هى معملتش حاجة
سميرة ٠ سيبها ياجاسر
جاسر٠ مش قبل ماتقولى حاول يعمل ايه
( صرخت سميحة و قالت)
سميحة٠ مش هتجول حاجه انى محلفها متجولش لحد
جاسر ٠ متقولش لحد على ايه .. ماتنطقوا
ولا انتم عاوزين تحننونى
( خافت سميحة من رد فعل جاسر لذلك طلبت من سميرة الاتصال بعمران)
نعمات٠ انا هجولك يا ولدى مرات بترمى بلاها على حامد بتجول انه حاول يته*جم عليها.. انت تصدقك ان ولد عمك يعمل أجدة
( وهنا وصل جاسر لحد الإنفجار هو لا يصدق ما يسمعو .. هو ايضآ يعلم أن أسيل ليست امرأه كاذبة )
جاسر ٠ ( بغضب) أسيل هو حاول يعت*دى عليكى ( بصراخ) أنطقى

( أنتفضت أسيل برعب من صراخ جاسر ثم تحدثت لأول مره وقالت بصراخ)
أسيل٠ أه أرتاحت كده
نعمات٠ مصدقهاش دى كدابه ده ملعوب منيها
جاسر٠ ( بصراخ) اخرسى ولا كلمة تانى... فين حامد
نعمات٠(بخوف) خبر ايه عاوز ولدى ليه
جاسر٠ هقت*لهولك
( صرخت كل من سميحة و سميرة٠ ونعمات بينما أسيل كانت واقفه مثل الجماد بلا حركه )
سميرة٠ جاسر اهدى يابنى عشان خاطرى
و أستعيذ بالله من الشيطان
تجاهل جاسر كلام سميرة اتجاه إللى الباب ليخرج ليبحث عن حامد حينها أوقفو عمران و صلاح)
عمران٠ رايح وين يا جاسر ..
( هنا نظر جاسر لصلاح وقال)
جاسر٠ اخوك فين
صلاح٠ خبر ايه يا جاسر فهمنى يا ولد عمى
جاسر٠( بغضب) قولتلك الزفت أخوك فين
صلاح٠ جولى حامد عمل ايه و انا أجيبلك حجك منيه
جاسر٠ انا مش محتاج حد يجيبلى حق ..
انا مش عاجز و حقى هجيبوا بأيدى
عمران٠ يبقى الكلام إللى قالتو أمك صوح
سميرة٠ عمران اوعى تسيبو يخرج
عمران٠ تعالى نقعد نتكلم بالعقل و بلاش التهور
جاسر ٠ دى مافيهاش عقل ده شرفى
سميرة ٠ شرفك ايه هو ملمسهاش
جاسر٠ بس حاول دى عندى بمو*ته
عمران٠ اهدى يا جاسر لازم نتأكد من الكلام إللى قالتوا أسيل
نعمات٠ ده كلام عين العجل ( عقل) نتأكد الاول
جاسر ٠( بعصبية ) أسيل ما بتكدبش طالما قالت حصل يبقى حصل
نعمات٠ يعنى انت مصدق واحد حاولت جبل(قبل) سابق تقت*لك و تدهسك بعربيتها و مكدب ابن عمك إللى من د*مك
جاسر٠ أه انا مصدقها
(نظرت أسيل الى جاسر كأنها بتشكروا على ثقتو فيها و هنا قال عمران)
عمران٠ اسمع يا جاسر انى مش عاوز فضا*يح ... انت طول عمرك عاقل ايه جرالك دلوك
جاسر٠ هو ده موضوع محتاج للعقل
عمران٠ طيب أهل البلد هيقول ايه لما يشوفوك بتتعارك مع ابن عمك
صلاح ٠ عمى عنده حج انى بنفسى هروح أجيب حامد لحد أهنه مشاكل عايلة المطيرى تتحل جوه دار عايلة المطيرى
عمران٠ روح يا صلاح هات حامد..
( ثم نظره إللى جاسر) وانت يا جاسر هتقعد اهنه .. لحد لما يجى حامد مش هتتحرك من مكانك انت فاهم
جاسر ٠ بابا انا لو شوفتوا هقت*لو
عمران٠( بعصيبه) جاسر ..حامد هيجى و أنا بقولك اهو أوعى تقربله .. ايه هتكسر كلمتى
( هنا أمتثالا جاسر لأوامر عمران)
عمران٠ أسيل تعالى معايا عايزك
جاسر٠ عايزه ليه
عمران٠ عايز اتكلم معاها . فيها حاجه دى
( اخد عمران أسيل داخل إحدى الغرف)
عمران٠ احكيلى كل إللى حصل
أسيل٠ الأول انا عايزك تعرف انا ماكنتش حبة كل ده يحصل
عمران٠ عارف سميره قالتى ان نعمات هى إللى كبرت الموضوع
( هنا دخل جاسر)
عمران٠ انت بتعمل ايه هنا
جاسر ٠ ايه مش حقى اعرف ايه إللى حصل مع مراتى
عمران ٠ يبقى تقعد من غير ولا كلمة .. يلا قوليلى يا أسيل ايه اللى حصل
( نظرت أسيل الى جاسر بإحراج)
عمران٠ بصلى انا و ماتخفيش قوليلى حصل ايه من حامد
( كانت أسيل بتحاول تتكلم لكنها كانت تعرف ان الكلام سيكون صعب على جاسر لذلك كان الكلام يخرج منها بصعوبة كأنها طفله صغيره لسه بتتعلم الكلام )
أسيل٠( بتوتر ) أنا كنت فى الأسطبل
جاسر٠ كنتى بتعملى ايه هناك
أسيل٠ كنت بدرب على ركوب الخيل
جاسر ٠(بغضب) نعم ومين بقى إللى كان بيدربك
أسيل٠ حامد
جاسر٠( بصراخ) نعععععم
عمران٠ جاسر ممكن تسكت عشان نفهم
أسيل٠ هو كان بيعرفنى أركب الخيل ازاى بالكلام بس يعنى كان بيقولى اعمل ايه بالكلام
جاسر٠ و اللهى كلام بس
عمران٠ جاسر هتسكت ولا تطلع بره
جاسر٠( و هو يجز على اسنانه) اتفضلى كملى
أسيل٠ امبارح كنت مع أصيلة الفرسه ساعتها حامد قالى............. ( حكت أسيل كل ما حدث) أزداد جاسر غضب بعد ما سمع كلام أسيل
جاسر٠ اقسم بالله ما هسيبو
عمران٠ اسمعينى يابنتى هو لمسك
(هنا تحولت عين جاسر للون الدم وكانت جميع عروق جسده بارزه من الغضب)
أسيل٠ لأ ماحصلش هو أول ما حاول يقربلى انا ضربتوا بالقلم و زقيتوا بعيد عنى و سيبتو و جريت
(و هنا جاء صلاح و قال )
صلاح٠ عمى انا جبت حامد
( دون اى مقدمات ركضه جاسر إليه و لكمة على وجهه أكثر من مره ثم ركله برجلو . كان الجميع فى زهول بينما عمران و صلاح بيحاول الإمساك بجاسر لكنه كان مثل الثور الهائج.....
لم ينتبه أحد على أسيل الذى سقطت على الارض فاقدة الوعى

.وهنا صرخت سميحة هى تقول)
سميحة٠ ( بصراخ) أسيل
( أنتبه الجميع إللى أسيل الملقاة على الارض كان اول من ركض إليها جاسر و حاول يوفقها ثم حملها و ذهب بها إلى غرفتها
☆☆☆☆☆☆☆☆☆☆☆☆
-----فى الغرفه-------
وهنا جابت سميرة برفان و وضعته على أنفها بدأت تفوق اول ما فتحت أسيل عينيها بدأت فى البكاء بهستريا و هنا حضنتها سميرة و سميحة٠ بينما جاسر لم يستحمل رؤيتها بهذه الحال
لذلك غادر الغرفة
☆☆☆☆☆☆☆☆☆☆☆☆☆
-----فى الصالة-------
بينما كانت تجلس نعمات تبكى بجوار حامد هى تمسح الد*ماء من على وجهه و هنا أقترب عمران من حامد وقال.
عمران٠ انت اتجرئت و حاولت تعت*دى على مرات جاسر لو كدبت هعرف
نعمات٠ ولدى مايعملش أجده
صلاح٠ اسكتى ياما بجى
عمران٠ صلاح انت عارف حاجه
( كان جاسر واقف لكن لم ينتبه أحد له)
صلاح٠ هو قالى انه ميال لأسيل انى واللهى بهدلتوا و كمان حذرته انه و جولتلو بيعد عن مرات جاسر
حامد٠ سامحنى يا عمى الشيطان ضحك عليا
(وهنا هج*م عليه جاسر مره أخرى و لكمة بقو*ه على فمه فكسر بعض من أسنانة الاماميه)
عمران٠( بحازم) كفايه يا جاسر
جاسر٠ خلاص وانا مش محتاج اكتر من كده. انك تفضل طول عمرك لما تبص لوشك فى المرايا تندم الف مره انك أتجرئت
و فكرت فى مراتى
( قال ما قاله ثم غادر)
عمران٠ حامد انى مش عايز اشوف وشك تانى و أهنه فى الدوار ولا فى العزبة كلاتها
حامد ٠ انت بتطردنى من أملاك ابويا
نعمات٠ اقفل خشمك .. سامحو يا عمران ده عيل و غلط
عمران ٠ أنى مش هغير كلامى اطلع بره العزبة كلاتها يا حامد ده اخر حديد عندى . مش عاوز من حد كلمة تانى
☆☆☆☆☆☆☆☆☆☆☆☆☆☆☆☆
-------غرفة جاسر----------
(داخل جاسر الغرفة وقال)
جاسر٠ يلا قومى لمى هدومك هنمشى دلوقتي
سميرة٠ رايح فين يا جاسر
جاسر٠ راجع القاهرة
سميحة٠ انت عايز ايه تانى بعد إللى عملتو كفايه بجى يا ولدى حرام عليك
جاسر٠ انا كده كده كنت مسافر الصبح
. و أسيل كانت جايه معايا
أسيل٠ أه يا تيته احنا كنا فعلآ مسافرين بكره
سميرة ٠ طيب يبقى خليك الصبح
جاسر٠ معلش مش قادر اقعد هنا ولا دقيقة تانى
سميحة ٠ براحتك ياولدى .. يلا احنا
يا سميرة
☆☆☆☆☆☆☆☆☆☆☆☆☆☆☆☆
-------فى -صاله--------
عمران٠ جاسر سافر
سميرة٠ اه صمم انه يسافر النهاردة
عمران ٠ أول مره جاسر يكسر كلمتى
سميرة٠ اكيد مايقصدش هو بس كان معمى من الغضب .. انا كمان أول مره أشوفوا بالحالة دى أنا عارفه أن إللى عملو حامد كان غلط كبير.. بس إللى عملو جاسر كان اكبر من الطبيعى ولا انا متهيألى
عمران٠ الحب يعمل اكتر من كده
سميرة٠ تقصد ايه
عمران٠ أبنك بيحبها
سميرة٠ معقوله بعد إللى عملتو فيه
عمران٠ هو الحب كده زى القدر
☆☆☆☆☆☆☆☆☆☆☆☆☆☆☆☆☆☆
---------فى السياره جاسر------------
فى الطريق من الأقصر إلى القاهرة لم ينطق جاسر بكلمة)
أسيل٠ ودينى عند جدو
جاسر٠ احنا الفجر بكره ابقى أوديكى تقعدى يومين عند جدك .. يلا انزلى شقتى هنا
☆☆☆☆☆☆☆☆☆☆☆☆☆☆☆☆☆
-------بعد ثلاث ايام فيلا المرشدى-----
أسيل عند جدها بقالها ثلاثه لم يأتى جاسر يخدها زى ما قال لها ولا حتى أتصل بها
فؤاد٠ انا عايز أفهم مالك
أسيل٠ مافيش حاجه يا جدو
فؤاد٠ طيب حصل حاجه من جاسر أو من أهله
أسيل٠ محصلش حاجة يا جدو انا كويسة
فؤاد٠ طيب قومى اخرجى انا اتصلت بأصحابك يجوا يخدوكى
أسيل٠ ليه بس يا جدو هيجوا يغلسوا عليا
( وهنا دخلت هاجر)
هاجر٠ ايه ده انتى لسه ملبستيش
ايه يا جدو انتى مش قولتلها انى جايه
فؤاد ٠ لسه كنت بقولها
أسيل٠ انا مش عايزه اخرج
هاجر٠ هتخرجى يعنى هتخرجى يلا آية
و نوران مستنينا تحت
أسيل٠ هتروحوا فين
هاجر٠ احنا هنروح نفطر فى النادى زى زمان بعد كده هنظبط اليوم مع بعض
أسيل٠ خلاص هلبس..
☆☆☆☆☆☆☆☆☆☆☆☆☆☆☆☆☆☆
-----------النادى-----------
أسيل٠ بصراحة المكان هنا وحشنى أوى
آية٠ و أخبار جاسر ايه
أسيل٠ إية أهدى و حيات أبوكى هى مش ناقصاكى
إية٠ فى ايه هو بلاش أسأل على كابتن جاسر
أسيل٠ أه ياختى بلاش و بعدين تسألى عليه بتاع ايه
هاجر٠ الله و اكبر ايه ده انت بتغير يا قمر
أسيل٠ أنا اغير تبقى عبيطه لو فكرتى كده
إية٠ على العموم عادى انا ممكن أسأل نرمين عن أخباروا
نوران٠ ما تلمى نفسك يا آية شوية فى ايه
أسيل٠ تقصدى ايه انك تسألى نرمين
إية ٠ ( بخبث) يعنى انا كنت بشوفوا فى النادى مع نرمين و لم سألت نرمين قالت انهم ممكن يرجعوا لبعض
هاجر٠ انتى ايه إللى بتقولى ده
إية ٠ ما كلكم عارفين الكلام ده ايه عاملين نفسكم مستغرابين ليه دلوقتي . احنا كلنا شوفنا جاسر فى النادى مع نرمين
أسيل٠ الكلام ده بجد
هاجر٠ سيبك من الكلام ده .. ده كلام بنات على الفاضى
//---‐-----------//
(( كانت نرمين تجلس على طاولة فى النادى عندما شافت أسيل من بعيد و قالت لصديقتها))
نرمين٠ انا هروح أحرق دمها و ارجعلكم تانى
//---------------//
نوران٠ مش هى دى نرمين إللى جايه علينا
نرمين٠ صباح الخير . إية كنت عايزاكى
هاجر٠ انتو من أمتى صحاب انتى و أية
إية ٠ من فترة احنا بنروح مع بعض نفس الجيم
نرمين٠( بخبث) ايه ده مدام أسيل أنتى هنا
أسيل٠ ليه هو المفروض أكون هناك ولا حاجة
نرمين٠ ايه ده ماكنتش أعرف أن دمك خفيف
أسيل ٠ و أديكى عرفتى ممكن أعرف حضرتك مين
نرمين٠ مستحيل انتى مش عارفانى احنا اتقابلنا قبل كده. انا نرمين خطيبت جاسر
أسيل٠ السابقة .. نسيتى تقولى خطيبتو السابقة
( أدايقت نرمين )
نرمين٠ أه سورى خطيبتو السابقة كويس كده
أسيل٠ شاطره
نرمين٠ على العموم حمدالله على السلامة رجعتى من الأقصر أمتى
إيه ٠ من كام يوم كده
نرمين٠ غريبة مع أنى لسه كنت بكلم جاسر ماقليش انك رجعتى انا كده هزعل منه اوى
( حاولت أسيل تكون طبيعيه رغم أنها غضبها من كلام نرمين )
أسيل٠ لا معليش متزعليش من جاسر
انا إللى طلبت منه مايقولش لحد انى جيت من السفر و هو يا حبيبى أستحاله يكسر كلمة انا قولتها
نرمين ٠( بغضب) طيب عن أذنكم
أسيل٠ ايه انتى مش كنتى جايه عايزه إيه فى حاجه
نرمين٠ أه بعدين بقى
أسيل٠ باااى
//------‐----------//
على طاولة تجلس نرمين مع أنجى صديقتها)
أنجى٠ عملتى ايه
نرمين ٠ طلعت مش ساهله
أنجى٠ انا قولتلك أسيل المرشدى لسانها متبرى منها الكل عارف كده
نرمين٠ مش عليا هى لسه ماشفتش منى حاجه..استنى كدا
أنجى ٠ هتعملى ايه
نرمين٠ هتصل بجاسر
(مكالمة هاتفيه )
نرمين٠ الو يا جاسر عامل ايه
جاسر٠ تمام الحمدالله
نرمين٠ آمال انت فين
جاسر٠ فى الشغل خير فى حاجه
نرمين٠ بصراحه انا فى النادى شوفت أسيل
جاسر٠ أسيل مراتى
نرمين٠ أه و كنت عايزه اسلم عليها بس هى قابلتنى وحش أوى
جاسر٠ هى فى النادى دلوقتى
نرمين ٠ أه
جاسر٠ طيب سلام انتى دلوقتى
( قفل السكه دون انتظار ردها)
( إنتهت المكالمة )
أنجى ٠ فى ايه
نرمين٠ مش عارفه بس شكلو اتعصب
//--------------------//
( طاولة أسيل و أصدقائها)
هاجر٠ بس بصراحة برافو عليكى يا أسيل ردك على نرمين كان قصف جبهة من العيار التقيل
أسيل٠ كانت فاكره انها جايه تعمل عليا نمره تشرب بقى
( وهنا رن هاتف أسيل )
أسيل٠ هرد على التليفون
( مكالمة هاتفية )
أسيل٠ الو
جاسر ٠ الو انتى فين
أسيل٠ بتسأل ليه
جاسر ٠ انتى هتردى سؤال بسؤال . انطقى انتى فين
أسيل٠ فى النادى
جاسر٠ من غير ما أعرف
أسيل٠ أيه المشكلة
جاس٠( بعصبية) طيب انا رايح على البيت لو وصلت البيت و انتى مش هناك هاجى أجيبك من شعرك من قلب النادى فاهمه
أسيل٠ لأ مش فاهمه
جاسر٠(بصراخ) أسيل انتى عارفه انى بتكلم بجد فبلاش تعصبينى احسنلك
( ثم قال ما قاله و قفل السكه)
(انتهت المكالمة )
أسيل٠ مجنون ويعملها...