رواية مجنونه بالاجبار الفصل الحادي عشر11والثاني عشر12 بقلم اروي عادل
(لم تشارك ماليكه فى حديثهم و ذهبت بعيد عنهم كأنها مش موجوده .كان واضح انها تخطط لشئ ما وهنا قال حاتم )
حاتم٠٠ احنا لازم نفكر احنا عايزين ايه دلوقتي و نرتب كل حاجة حسب أولوياتنا
أسر٠٠ أول حاجة نثبت أن ماليكه لسه عايشه
حاتم ٠٠ عشان يحصل كدة لازم اطلب أذن تشريح جثة البنت إللى ادفنت مكان ماليكه. هنعمل لها تحليل DNA بعد كده كل حاجة سهله. بس هيبقى فى مشكله
نسرين٠٠ ايه هى
حاتم ٠٠ بابا اكيد هيعرف أنى طلبت تشر*يح الج*ثه
أسر٠٠ كده يبقى لازم والدك يعرف أن ماليكه عايشه
حاتم٠٠ كده او كده لازم بابا و ماما يعرفوا انا مقدرش اشوفهم بيتوجعوا انا عارف علاجهم و مخبيه عنهم
أسر٠٠ صح هى فين ماليكه
نسرين ٠٠ شوفتها داخل الأوضة إللى هناك دى من شويه
حاتم٠٠ انا هدخل اشوفها
أسر٠٠ معلش بعد أذنك ادخل ليها أنا . انا بردوا لسه دكتورها
نسرين٠٠ د.أسر عنده حق .هو اكتر واحده عارف حالتها
حاتم٠٠ تمام اتفضل
◇■◇■◇■◇□◇■◇■◇■
خبط أسر على الباب بعد كده دخل ثم قال
أسر٠٠ انتى لسه زعلانه منى...... ماليكه انتى كمان مش عايزه تردى عليا ...... ماليكه ردى عليا .. طيب اتخنقى معايا . زعقى . طيب حتى اصرخى بس ارجوكى بلاش تسكتى
( كانت ماليكه فى صمت تام حتى انها لم تنظر إلى أسر .. وهنا جذابها أسر إليه بالقو*ة و حضنها حاولت ماليكه تدفعوا بعيد عنها لكنها فى الاخر استسلمت الى حضن أسر بدأت فى البكاء كانت دموعها تنهمر على خديها بغزارة مثل خيوط العنكوبت الشفافه )
أسر٠٠ ششش اهدى . و هفهمك انا ليه روحت لحاتم
ماليكه٠٠ ابعد عنى انت خونت ثقتى فيك
أسر٠٠ ماليكه انتى عارفه كويس اوى انى عملت كده لمصلحتك
ماليكه٠٠ مصلحتى و لا عايزه تخلص من همى
أسر٠٠ بردوا بتقوليها تانى يا ماليكه..
ماليكه٠٠ آمال عملت كده ليه . و متقولش عشانى
أسر٠٠ لأ هقول لانى فعلآ عملت كده عشانك. عشان خايف عليكى
ماليكه ٠٠ من ايه و عشان أيه
أسر٠٠ عشان لو جرالى حاجه ماتكونيش لوحدك
ماليكه ٠٠ ليه بتقول كده يعنى هيجرالك ايه
أسر٠٠ مش مهم انا بقول كده ليه٠٠ المهم انك تكونى بأمان . و الامان انك تكونى مع أهلك
ماليكه٠٠ مكرم الطحاوى هد*دك مش كده
أسر٠٠ سيبك من ده كله و اسمعى كلامى كويس
ماليكه٠٠ مش هسمع كلامك غير لما أفهم فى ايه
أسر٠٠ خلاص بقى يا ماليكه .يلا نخرج بره لحاتم
ماليكه٠٠ مش قبل ما اعرف انت مخبى عليا ايه
( هنا مسكت ماليكه أسر من ذراعه لكن أسر سحب ذراعه منها بسرعة كان واضح عليه الألم لانه كان يوجد جر*ح فى ذراعه وهنا قالت ماليكه )
ماليكه ٠٠ مال ايدك
أسر ٠٠ مافيش
ماليكه٠٠ لأ انت فى حاجه فى أيدك
أسر٠٠ قولتلك مافيش حاجة
( وهنا قربت ماليكه إليه و فكت زراير القميص
حاول أسر يوقفها لكنها اوقفته و عندما نزعت عنه القميص كان يوجد جر*ح فى ذراعه )
ماليكه ٠٠ من ايه الجر*ح ده
أسر٠٠ ده جر*ح عادى . كان مريض فى المستشفى فى حالة هيجان و حاولت السيطر عليه انجرحت
ماليكه٠٠ انت بتكدب عليا . يا أسر صح . مكرم و السروجي بعت حد يأذيك صح . عشان كده خايف عليا ... يعنى همآ أذوك بسببى
أسر٠٠ ماليكه عشان خاطرى بلاش تحملى نفسك ذنب اختيارات الآخرين . انا إللى اختارت اكون معاكى زى ما ملك اختارت تدافع عنك . دى اختياراتنا أحنا مسؤولين عنها
ماليكه٠٠ قولى حصل ايه
أسر٠٠ خلاص يا ماليكه
ماليكه٠٠ قولى حصل ايه او عمرك ما هتشوف وشى تانى
أسر٠٠ هقولك
٠٠٠٠٠٠٠٠٠
[[ فلاش باك ]]
٠٠٠٠٠٠٠٠٠
فى المستشفى
الممرضة٠٠ د. أسر المريض إللى غرفة ١٣ فى حالة هيجان و بيكسر اى حاجة قدامه
أسر٠٠ ده تبع دكتور مين
الممرضة٠٠ د.أيهاب بس هو مش موجود
أسر٠٠ طيب انا جاى
٠٠٠٠٠٠٠
فى غرفة المريض
( المريض فى حالة هيجان و بيكسر كل ما هو أمامه حاول المسؤولين الأمن فى المستشفى السيطره على المريض دون فايده و هنا جاء د.أسر)
أسر٠٠ لازم المريض ياخد حقنة مهدئ بسرعة
( عندما كان أسر يعطى المريض حقنة طلع المريض سكين من جيبه و حاول يط*عن بيها أسر . عندها صرخت الممرضة فالتفت أسر عندها اتجرح فى ذراعه . هنا مسك رجال الأمن المريض و اعطتوا المريض المهدئ )
٠٠٠٠٠٠
فى غرفة استراحة الدكاتره
(الممرضة بتعالج جر*ح أسر عندها جاءه د.سامح)
سامح٠٠ انا سمعت إللى حصل انت كويس
أسر٠٠ الحمدالله
سامح٠٠ بس الجر*ح كبير محتاج خياطة على الأقل خمس غرز
أسر٠٠ عارف
( هنا قامت الممرضة بتقطيب الجر*ح )
سامح٠٠ بس مش غريبه ان مريض يكون معاه سكينه فى المستشفى. وصلت للمريض ازاى السكينة دى
أسر٠٠ لأ و الغريب اكتر ان كان فى كذا حد فى الغرفة ما هجمش غير عليا انا
سامح٠٠ غريبه فعلآ
( هنا وصلت رساله الى أسر على التليفون بعد ما قرأه الرساله قال)
أسر٠٠ كده واضحت
سامح ٠٠ فى ايه
أسر٠٠ مكرم الطحاوى باعت رساله بيقولى فيها
نص الرساله
مكرم الطحاوى.. حمدالله السلام المردى جات سليمه عشان دى مجرد قرصة ودن صغيره. عشان تفكر و تحسبها صح
وتقولى ماليكه فين. عشان المره الجاى مش هتلحق تفكر.
(أنتهت الرساله)
سامح٠٠ ده شروع فى قت*ل . هتعمل ايه يا أسر
أسر٠٠ لازم افكر ازاى اخلى ماليكه تكون فى أمانه
سامح٠٠ اسر في ناس بتحاول تقت*لك
و انت بردوا بتفكر فى ماليكه
أسر٠٠ دى ماليكه يا سامح
سامح٠٠ أسر انت بتحبها ( هز أسر رأسه و قال)
أسر٠٠ ايوه بحبها
سامح٠٠ انت عارف انك الدكتور النفساني و عارف ان ده غلط . كمان ما ينفعش مشاعرك تتحكم فيك
أسر٠٠ كل ده انا عارفو بس اعمل ايه حبتها
سامح٠٠ أيشمعنا هى انت عرفت بنات كتير قبل كده
أسر٠٠ والله ما انا عارف . بس كل إللى اعرفوا انى مقدرش أعيش من غيرها
سامح٠٠ طيب هتعمل ايه فى مكرم
أسر٠٠ هروح اقابل اللواء سليم المحمدى او الرائد حاتم المحمدى .لازم يعرفوا ان ماليكة عايشه . هى هتكون بأمان مع أهلها اكتر من وهى معايا
[[ انتهاء الفلاش باك ]]
٠٠٠٠٠٠٠٠٠٠٠٠٠٠٠٠٠٠٠٠
الرجوع للوقت الحالى
٠٠٠٠٠٠٠٠٠٠٠٠٠٠٠٠٠٠٠٠
ماليكه٠٠ انا خلاص تعبت مش قادرة استحمل . انا خلاص هرجع للأهلى . و هبعد عنك سدقنى مش هسبب ليك اي مشاكل تانى
( كانت ماليكه مرعوبه على أسر لذلك كل ما كانت تريده فى ذلك الوقت تبعد المشاكل عن أسر لذلك قال اسر
أسر٠٠ يعنى ايه انت عايزه تبعدى عنى. طيب ما انتى كده بردوا بتمو*تنى فرقتى ايه عن مكرم
ماليكه٠٠ أسر انت لو جراك حاجة انا همو*ت فيها .
أسر٠٠ بعد الشر عليكى . اوعى تجيبى سيرة المو*ت تانى . سدقنى كل حاجه هتعدى طالما احنا مع بعض .
ماليكه٠٠ ( هزت رأسها بالموافقة و مسحت دموعها و هنا قرب ليها أسر و حضنها من الخلف أغمضت ماليكه عينيها كانت فقد تسمع صوت أنفاس أسر وهو يهمس فى أذنها و يقول )

أسر٠٠ بحبك.
ماليكه٠٠ حضنك هو الامانه بالنسبالى
( على صوت رن هاتف أسر فاقت ماليكه و هى بين أيد أسر ثم نظرت له بخجل لانه مازال لم يرتدى قميصه ثم قالت)
ماليكه٠٠ انا طالعه بره اكيد حاتم قلقانه عليا
أسر٠٠ استنى البس القميص ولا انتى عايزه اخوكى يدخل عليا و انا قلع القميص عشان ساعتها هو اللى هيقت*لنى بجد مش مكرم
( ضحكت ماليكه و هى تنظر إللى الارض ثم خرجت ماليكه و أسر من الغرفة و هى مبتسمه و حضنت اخوها حاتم ثم قالت)
ماليكه٠٠ و حشتنى يا حاتم
حاتم٠٠ ياه لسه فكره
نسرين٠٠ شكل د. أسر دكتور شاطر قدر يغير مودك بسرعة
ماليكه٠٠ و انتى كمان يا نسرين وحشتنى .اتجوزتوا
نسرين٠٠ من بقك إلى المأذون الشرعي يارب
( ضحكه الجميع على جملة نسرين
ماليكه٠٠ ليه كده انتو مرتبطين من زمان
حاتم٠٠ ماما مش قادره تتخطى أزمة مو*تكم. حالتها بجد صعبة رافضه اي فرحه تتدخل قلبها
ماليكه٠٠ يا حبيبتى يا ماما . انا عايزه اشوفها
أسر٠٠ لازم نتفق تشوفها ازاى مكرم
و ذ السروجي مراقبين الكل
حاتم٠٠ يبقى لازم ماليكه تقدم بلاغ فيهم الأول ده الضمان الوحيد إللى هيخلى مكرم و السروجي ميقدروش يقربوا منها
أسر ٠٠ انا فهمت قصدك.. لو فى بلاغ رسمى من ماليكه بتتهم فيه ابن مكرم و ابن السروجي مش هيقدروا يعملوا حاجه ليها لان لو ماليكه جرالها أى حاجة ساعتها أول حد هيكون متوجه اليه الاتهام هو مكرم و السروجي
حاتم٠٠ بالظبط كده
ماليكه٠٠ بس انا مش هقول حاجه على اغتصاب ملك
( حاتم افتكر اغتصاب ملك لذلك تغيرت ملامحه لغضب )
نسرين٠٠ انا عندى الحل.. ماليكه تحكى كل إللى حصل بالظبط من غير ما تذكر الاغت*صاب
ماليكه٠٠ بس انا مش عارفه انا هقدر اعمل كده ولا لاء
أسر٠٠ لازم تكونى قويه عشان مش يستغلوا وجودك فى المستشفى ضدك
هنا تحدثت ماليكة بقو*ة
ماليكه٠٠ ما تخفش عليا انا بردوا لسه ماليكه
حاتم٠٠ هى دى اختى و بنت اللواء سليم المحمدى إللى انا اعرفها
أسر٠٠ طيب المشكله التانيه هنوصل للنيابه ازاى لأنهم مراقبين حتى النيابه . و ليهم عيون فى كل حته
حاتم٠٠ يعنى همآ هيراقبوا حتى النيابه ما أظنش
أسر٠٠ الناس دى ممكن تعمل اي حاجة و كل حاجة
حاتم ٠٠ انت كده مديهم أكبر من حجمهم هنآ ما يقدروش يقربوا من النيابة
أسر ٠٠ يا سيدى. معلش خدنى على أد عقلى . لانى متأكد اننا متراقبين
حاتم٠٠ طيب لو كلامك صح انت دخلت قابلتنى فى النيابه ازاى و انت متراقب
أسر٠٠ دخلت متنكر و غيرت فى حمامات
حاتم ٠٠ يبقى ماليكه تدخل متنكره
ماليكه٠٠ انا ممكن البس نقاب وخلاص
أسر٠٠ خلاص بكره الصبح ماليكه تطلع على النيابه
حاتم٠٠ و انا هقول لبابا و ماما كمان لازم بابا يحضر التحقيق
أسر٠٠ و لحد ده ما يحصل ماليكه هتفضل هنا و بكره انا هاخدها على النيابه بنفسى
◇■◇■◇■◇■◇■◇■◇■
فى فيلا السروجي
( خناق عامر السروجي مع مكرم الطحاوى )
عامر٠٠ انت جاى تقولى دلوقتى انا الدكتور أسر اختفى من امبارح
مكرم٠٠ رجالتى شافوا النهاردة طالع من النيابة مع اخوه ماليكه
الفصل الثاني عشر
مكرم ٠٠ رجالتى شافوا النهاردة طالع من النيابة مع اخو ماليكه
عامر٠٠ امتى الكلام ده
مكرم٠٠ الصبح
عامر٠٠ جاى تقولى دلوقتى.. انا مش قولتك تخلص على الدكتور ده
مكرم٠٠ انا بعت واحد عشان يخلص عليه بس شكلو زى القطط بسبع أرواح
عامر٠٠ شكلك خرفت يا مكرم .
مكرم٠٠ اعمل ايه تانى . انا مراقب كل العايله و الدكتور كمان و كل مكان كانت ماليكه تعرفوا انا مراقبه . و بردوا هى مالهاش اى أثر .. اعمل ايه تانى
عامر٠٠ ماتعمليش حاجة انا إللى هعمل . اخوها فين دلوقتى
مكرم٠٠ اخو مين
عامر٠٠ مكرم مش عايز غباء. اخو ماليكه فين دلوقتى
مكرم٠٠ هو دلوقتى موجود فى الفيلا بتاعتهم
عامر٠٠ طيب لما طلع مع الدكتور . راحوا فين
مكرم٠٠ مش عارف. هربوا من المراقبة
عامر٠٠ رجالتك خلاص مابقوش ينفعوا
مكرم٠٠ أوعى تنسى ان اخوها ظابط شرطه اكيد هيكون سهل عليه يهرب من مراقبة رجالتى
عامر٠٠ طيب و الدكتور ماهو بردوا عرف يهرب منهم ..المهم من دلوقتى رجالتى همآ إللى هيكونوا المسؤولين عن مراقبتهم ٠ العيال دى اكيد بتخطط لحاجة
مكرم٠٠ يعملوا الل عايزين يعملوا
مش هيقدروا يثبتوا حاجة . حتى ملف إللى فى المستشفى إللى باسم ياره اتسر*ق من المستشفى
.كمان مش هيقدروا يثبتوا ان ملك اتقت*لت لان الكل صحابهم شافوهم همآ بيقعوا فى البحر مع بعض.. يعنى مافيش دليل واحد بيثبت ان ملك أغت*صبت او اتقت*لت
عامر٠٠ و كلام ماليكه نفسها
مكرم٠٠ ممكن التشكيك فى كلامها دى بنت مجنونه المهدئات و جلسات الكهربا لحست دماغها ..ده غير انها ما بتعرفش تتكلم كلمتين على بعض
عامر ٠٠ بس العيار إللى ميصبش يدوش
و انا ليا سمعتى فى السوق
مكرم٠٠ ماتخفش ساعتها هنقول انها بنت شمال و متأجره من منافسين لينا فى السوق كمان هى هربانه من أهلها من ٣ سنين . . ده غير انها مريضه نفسيآ .
عامر٠٠ هههه برافو عليك دماغك لسه شغاله .. بس بردوا هيكون احسن لو وصلنا لماليكه الأول بدل الدوشه دى كلها
مكرم٠٠ تمام بس لازم يكون البديل موجود عشان تعرف انى جاهز لكل حاجة
( ضحكوا الاثنين)
◇■◇■◇■◇■◇■◇■◇■◇■
فى فيلا المحمدى
(جالسوا جميعآ على مائدة الطعام لتناول العشاء
وبعد الانتهاء .قال حاتم )
حاتم٠٠ عايز اتكلم معاكم فى موضوع مهم
مرفت٠٠ لو بسبب خطوبتك من نسرين انا موافقه نروح نتكلم مع أهلها
سليم٠٠ انا مبسوط انك وافقتى
مرفت٠٠ انا مش كنت رافضه ..بس ماكنتش مستعدة اتكلم فى الخطوبة و انا بالحالة دى . بس فكرت لحد امتى إللى راح مش هيرجع تانى
حاتم٠٠ مافيش حاجة بعيده على ربنا سبحان الله .. و ممكن اللى راح يرجع تانى
سليم ٠٠ و نعمه بالله
مرفت٠٠ خلاص اتفق مع نسرين وشوف اليوم إللى هنروح نزروهم فيه
حاتم٠٠ بس مش ده الموضوع إللى كنت عايز اتكلم فيه معاكم
سليم٠٠ آمال ايه الموضوع
حاتم٠٠ انا مش عارف ابدء ازاى .. او اقول ايه
مرفت٠٠ فى ايه يا حاتم قلقتنى
حاتم٠٠ ماهو موضوع صعب و انا لما عرفت كان صدمه بالنسبالى
سليم٠٠ فى ايه يا حاتم هو الموضوع ده فى خبر وحش لدرجدى
حاتم٠٠ خبر وحش و خبر حلوه اوى اوى كمان
مرفت ٠٠ يبقى قول الوحش الأول
حاتم٠٠ ملك مش ما*تت غرقانه
تطلع كل من ميرفت و سليم بأستغراب و صدمه
سليم٠٠ انت بتتكلم عن ملك أختك. انا مش فاهم انت عايز تقول ايه
حاتم٠٠ بابا ملك اتق*تلت
(صرخت ميرفت فى حاتم )
مرفت٠٠ انت بتقول ايه ملك بنتى انا اتقت*لت
سليم٠٠( بحزن) ليه يا حاتم بتفتح موضوع ما*ت من زمان ليه يابنى
حاتم٠٠ عشان دى الحقيقه إللى عرفتها النهاردة
ميرفت٠٠ عرفتها من مين.. مين إللى قالك كده
حاتم٠٠ ماليكه
سليم٠٠ انت اتجننت اكيد.. ماليكه ما*تت
يا حاتم
حاتم٠٠ ده الخبر الحلو ماليكه عايشه .
سليم ٠٠ انا لولا عارفك كويس كنت قولت انك شارب حاجة
حاتم ٠٠ باب اقسم بالله ماليكة عايشه
مرفت٠٠ ماليكه عايشه ازاى ... حاتم انت بتلعب بأعصابى ليه يابنى حرام عليك
حاتم٠٠ و الله يا ماما ماليكه عايشه
سليم٠٠ازاى احنا كلنا كنا موجودين و هى بتدفن يبقى عايشه ازاى
حاتم٠٠ انا بردوا ماسدقتش لما عرفت النهاردة و بس والله هى ماليكه
ميرفت٠٠ انت عايز ... تقول انك شوفت ماليكه
حاتم٠٠ والله يا ماما شوفتها و اتكلمت معاها و أخدتها في حضنى كمان
سليم٠٠ اكيد واحده شبها يابنى انا دفنت ماليكة بأيدى
حاتم٠٠ بابا هو انا مش هعرف اختى .
سليم٠٠ طيب ازاى
ميرفت٠٠ مش مهم اى حاجه دلوقتى . اشوفها يا حاتم عايز أتأكد .. سليم ممكن تكون هى فعلآ ماليكه
سليم٠٠ اهدى يا ميرفت اكيد فى حاجه غلط لو هى ماليكه طيب كانت فين الفتره دى كلها
حاتم٠٠ لما تعرفوا إللى حصلها هتأكده انها ماليكه
( حكى حاتم ماذا حدث مع ماليكه وملك دون ذكر أغت*صاب ملك ثم دخلت ميرفت فى نوبة بكاء هستيري أفقدها الوعى و عندما استعادة وعيها قالت و هى تبكى بمرارة أم انحرمت من ابنتها سنين
ميرفت٠٠ اشوف بنتى .بالله عليك يا حاتم خدنى عندها
سليم٠٠ اهدى يا ميرفت خلينى اعرف افكر
ميرفت٠٠ فكر . فكر بس خدونى عند بنتى
حاتم٠٠ ماينفعش يا ماما بس ممكن اخليكى تكلميها
سليم٠٠ ياريت يابنى انا كمان نفسى حتى اسمع صوتها
(اتصل حاتم بأسر )
حاتم٠٠ الو د.أسر
أسر٠٠ الو خير حصل حاجه
حاتم٠٠ لأ خير.. بس ماما و بابا عايزين يكملوا ماليكه
هى معاك و لا لأ
أسر٠٠ اه هى لسه معايا. ثوانى انادى عليها
(عندما عملت ماليكه ان أمها معاها على الهاتف أمسكت ماليكه الهاتف .وقفت مكانه كأن أصابها شلل تام كان الاسبيكر مفتوح عندما قالت ميرفت)
مرفت٠٠ ماليكه .ماليكه . ماليكة انتى سامعنى ماليكه
كانت ماليكة تستمع إلى أمها بصمت و دموعها تنهمر على خديها بغزارة.
ميرفت ٠٠ردى عليا انا ماما يا حبيبتى . ماليكه ساكته ليه ردى على أمك
( لم تسمع ميرفت غير بكاء ماليكه الذى بدأ يعلو كان صوت بكاء مثل السكين الحاده التى تنغرز فى صدر ميرفت و سليم
مرفت٠٠ ردى عليا بالله عليكى تردى عليا يابنتى
سليم ٠٠ طيب عشان خاطرى انا بابا ردى يا ماليكة
ميرفت ٠٠ ماليكة بالله عليكى تبطلى عياط
و تردى عليا
هنا أخيرآ استجمعت ماليكة قوتها و قالت
ماليكه٠٠ طيب ما انتى كمان بتعيطى
( كان صوت ماليكه علاج لجميع أوجاع ميرفت صرخت بألم عندما سمعت صوت أبنتها لذلك قالت بو*جع
مرفت٠٠ اه ه ه ه يابنتى ..... سليم صوت هى ماليكه يا سليم بنتى عايشة
ماليكه ٠٠ ايوه انا ماليكه يا ماما ممكن كفايه عياط بقى
هنا أزاحت ميرفت دموعها و قالت
ميرفت ٠٠خلاص خلاص مافيش عياط تانى من النهاردة
سليم٠٠ ماليكه انتى ماليكه
ماليكه٠٠ بابا . اسف بالله عليكم تسمحونى ٠٠ انتم و حشتونى أوى
سليم٠٠ وانتى كمان يا حبيبتى .. أقسم بالله إللى عملوا فيكى كده لأخليهم يتدفعوا التمن كل لحظه و*جع عشتيها بعيد عننا .. خليهم يتمنوا المو*ت الف مره على عملوا فيكى
ميرفت٠٠ انتى ساكته ليه اتكلمى عايزه اسمع صوتك اتكلمى يا ماليكه
ماليكه ٠٠ اسفه يا ماما انى مقدرتش احافظ على حياة ملك و الله كان غصب عنى ان مقدرتش أحميها
مرفت٠٠ بس بس . ده قضاء ربنا هو عايز كده و ملك فى مكان أحسن عند ربنا ..
ماليكه ٠٠ يعنى مش زعلانه منى
مرفت٠٠ ماليكه انا و بابا عمرنا ما زعلنا منك لا قبل كده و لا دلوقتى و لا حتى بعدين
سليم٠٠ انتى بنتنا أمورتنا الصغنونه ماينفعش حتى نزعل منك
حاتم٠٠ خلاص يا ماليكه لازم تنامى بدرى النهاردة عشان تكونى فايقه لمشوار النيابه بكره
ميرفت٠٠ طيب استنا خليها تتكلم معانا شويه
سليم٠٠ خلاص يا ميرفت انتى هتشوفيها بكره
ميرفت ٠٠ طيب مع السلامة ياحبيبتى
ماليكه٠٠ مع السلامة يا ماما
(أنتهت المكالمة )
....
ميرفت ٠٠انا مش مسدقه نفسى هو احنا كنا فعلآ بنكلم ماليكه
سليم ٠٠ ايوه يا ميرفت كانت ماليكه
ميرفت٠٠ انا حاسه قلبى هيوقف معقوله ماليكه عايشه
حاتم ٠٠ ايوه ياماما عايشه و هتشوفيها بكره
ميرفت٠٠ حاتم لسه زى ماهى ولا اتغيرت
حاتم٠٠ متغيرتش لسه جميلة زى ماهى. بس منكرش انها عقلت كتير عن الاول
سليم٠٠ كفايه كلام بقى .ممكن تطلعى فوق تاخدى علاجك
ميرفت ٠٠ انا خلاص لاقيت علاجى النهاردة بس حاضر .هروح اخد العلاج
( غادرة ميرفت لغرفتها بينما قال حاتم
حاتم٠٠ مالك يا بابا
سليم٠٠ ميرفت فرحانه بخبر رجوع ماليكه
و نسيت خبر ان ملك ما*تت مقت*وله
حاتم٠٠ كلنا فرحانين ان ماليكه لسه عايشه. رغم حزننا على ملك
سليم٠٠ بس انا مش قادر افرح . بنتى ما*تت مقت*وله و التانيه فضلت ٣ سنين فى مستشفى الأمراض النفسية و العقلية . طيب افرح ازاى قولى
حاتم٠٠ عندك حق و انا كمان اول معرفت عملت زى حضرتك كده . كنت ناوى اروح اقت*لهم كلهم . لولا ماليكه و الدكتور أسر
سليم٠٠ و د.أسر مش شايف انه غريب إللى بيعملوا مع ماليكه .. و ازاى تسيب أختك معاه لوحدها
حاتم٠٠ ماتخفش على ماليكه مع أسر . أسر بيخاف عليها اكتر منى كمان .. لانه بيحبها . ماليكه كمان بتحبو
سليم٠٠ كبرت ماليكه بقيت بتحب كمان
حاتم٠٠ خلاص مبقتش البنت الصغيره اللى عندها ١٨ سنه
سليم٠٠ اختك وحشتنى اوى يا حاتم
◇■◇■◇■◇■◇■◇■◇■◇
فى المطعم القديم
( ماليكه مش مسدقه نفسها انها اتكلمت مع أمها و أبوها)
ماليكه٠٠ هو صح انى كنت بتكلم دلوقتى مع ماما وبابا صح ولا ده كان حلم
( و هنا قرصها أسر من خدها فقالت )
ماليكه٠٠ أى انت بتقرصنى ليه
أسر٠٠ عشان تسدقى ان ده مش حلم
ماليكه٠٠ بس وجعتنى
أسر٠٠ عارف و مقصوده
ماليكه٠٠ اه يعنى انت تقصد توجعنى .طيب ليه
أسر٠٠ عشان اصالحك بعدها بطريقتى الخاصة
( هنا قرب إليه أسر)
ماليكه٠٠ أسر انت هتعمل ايه .
(اقترب أسر منها و حط أيده على خدها ثم رفع شعرها من على وجهها فأغلقت ماليكه عينيها

ثم قبلها أسر برفق استجابت له ماليكه فجأة سحبت نفسها للخلف ثم قال أسر )
أسر٠٠اديقتى
( اتكسفت ماليكه و هزت رأسها بالنفى)
أسر ٠٠امال مالك
ماليكه٠٠ المفروض ده ما يحصلش
أسر٠٠ عارف بس اعمل ايه طول ما انتى معايا مبعرفش السيطر على نفسى
ماليكه٠٠ انا هدخل انام
أسر٠٠ بتهربى
ماليكه٠٠ ( بخجل) بس بقى يا أسر
.
( عندما حاول أسر الاقتراب منها أكثر.
ركضت ماليكة على الغرفة و اغلقت الباب خلفها و هنا ضحك أسر و قال)
أسر٠٠ يا جبانه
◇■◇■◇■◇■◇■◇■◇■
فى صباح اليوم التالى
فى النيابه
( دخلت ماليكه النيابه مع أسر متخفيين كانت ماليكه ترتدى النقاب وهنا قال أسر)
أسر٠٠ ادخلى الحمام اقلعى النقاب
( دخلت ماليكه الحمام قلعت النقاب عندما خرجت كان فى انتظارها الدكتوره ميرفت اللواء سليم المحمدى و الرائد حاتم . اترمت ماليكه فى أحضان أمها و أبوها هى تبكى بحر*قه بألم الاشتياق وهنا قال حاتم)
حاتم٠٠ كفايه الناس بتبص علينا
سليم٠٠ خلاص الكل يمسح دموعه مافيش عياط بعد النهاردة
ميرفت ٠٠ عندك حق خلاص الضحكه رجعت لينا تانى
سليم٠٠ ماليكه انتى مستعده انك تتكلمى فى النيابة
ماليكه٠٠ مستعده يا بابا
ميرفت٠٠ طيب خليها معايا شويا
سليم٠٠ هنرجعلك تانى. اه صح اكيد انت د.أسر
أسر٠٠ ايوه انا
ميرفت٠٠ انا لو شكرتك العمر كله على إللى عملتوا مع بنتى مش هديك حقك
سليم٠٠ جميلك ده هيكون دين فى رقبتى العمر كله
أسر٠٠ العفو أى حد مكانى كان عمل كده ..
سليم ٠٠ لأ أى حد مكانك كان قال و انا مالى.
أسر٠٠ على عموم مش وقت الكلام ده دلوقتى
سليم٠٠ عندك حق يلا بينا
( امام غرفة الاستجواب وقفت ماليكه و هنا جاء ظابط أشار لها بدخول عندها اقترب منها أسر وهو يقول )
أسر ٠٠ ماتخفيش انا معاكى و أنتى أدها
لازم تكونى قويه لو عايزه تاخدى ملك و حقك