رواية حطمت كبريائه الفصل السابع عشر17والثامن عشر18بقلم دنيا امام
قاعده ميرڤت ومعاها مايا ونور
ميرڤت: اومال ست الحسن والجمال فين لسه نايمه
مايا: طبعا ماتلاقي سهرتهم كانت صباحي
نور: علي فكره جميله دي طيبه اوي انا معرفش انتو مش طايقنها ليه
مايا: اسكتي انتي ياختي
ميرڤت: ملكيش دعوه يا مقصوفه الرقبه انتي
نور: انا غلطانه اصلا اني قاعده معاكم
وتسيبهم نور وتطلع تتمشي في الجنينه وتخبط في شخص
نور: ا.ا.اناا ا.ا.سفه مخدتش بالي
رامي: دا انتي بتراقبيني بقي
نور: نعم
رامي: مالك خدتي الموضوع جد كده ليه بهزر
نور: طيب عن اذنك
رامي: خدي بس رايحه فين اوعي تكوني زعلتي
نور: حصل خير
رامي: طيب ممكن اتمشي معاكي
نور باحراج: ا.ا.اتفضل
رامي ويبص في عنيها: نور هو انتي عندك كام سنه
نور بكسوف: احم عندي 19
رامي ولسه هيتكلم يرن موبايل نور
نور: ايوه يا ذياد
ذياد: يلا يانور انا واقف بره الڤيلا
نور: ماشي انا جايه اهو
رامي: رايحه فين
نور: ذياد هيوديني الكليه علشان انقل فيها
رامي: كليه ايه
نور: هندسه
رامي: طيب انا صاحبي معيد في الجامعه وممكن يخدمكم
نور: متشكره اوي مش عايزه اتعب حضرتك
رامي ويبص في عنيها: دا انتي تعبك راحه
نور بكسوف: طيب يلا بينا ذياد بره
رامي: يلا بينا
ـــــــــــــــــــــــــــــــــــــــــــــــــــــــــــــــــــــــــــــــــــ
في الاوضه عند اياد وجميله
جميله تصحي وتاخد شاور وتلبس فستان اوف شولدر ابيض قصير وتصحي اياد
جميله: اياد اياد
اياد: مممم
جميله: اياد اصحي بقي الساعه 3
اياد: سبيني نايم ياجميله
جميله: حبيبي اصحي بقي يلا مش هتروح الشركه
اياد: حاضر ياجميله صحيت اهو
جميله: قوم خدلك شاور وغير هدومك وانا هنزل تحت اقعد مع ماما
اياد: طيب ملكيش دعوه بمرات عمي ومايا متتكلميش معاهم
جميله: حاضر يا حبيبي وتنزل جميله تحت تلاقي ميرڤت ومايا وفريده وريم قاعدين وتشوفها مايا وتبصلها بقرف تبصلها جميله باستفزاز وتقعد جنب ريم
جميله: اسفه يا ماما اني نزلت متأخر
فريده: ولا يهمك ياحبيبتي اياد صحي ولا لسه
جميله: ايوه لسه صاحي وهيروح الشركه دلوقتي علشان احمد كلمني وقالي انهم عايزين اياد ضروري
مايا تسمع اسم اياد تضحك بخبث وتقول
مايا: طيب ياجماعه عن اذنكم هطلع ارتاح شويه ف اوضتي
فريده: اطلعي يابنتي
وتطلع مايا بس علي اوضه اياد وتفتح الباب وتدخل من غير ماتخبط واياد يكون لسه طالع من الحمام ويكون عاري الصدر وتحضنه مايا من ضهره وهو يفتكرها جميله ويسيبها حضناه
اياد: وحشتيني الشويه دول
مايا: وتبوسه من ضهره وانت واحشني علي طول
يتخض اياد لما يسمع صوت مايا ويلف ويبعدها عنه وفي الوقت دا تدخل جميله وتلاقي اياد عاري الصدر ومايا واقفه قدامه
جميله بدموع: اياد ايه اللي بيحصل هنا
اياد: ج.ج.جميله حبيبتي استني هفهمك
جميله بصراخ: تفهمني اييييه
مايا: طيب يا اياد هجيلك وقت تاني وتضحك بخبث وتطلع من الاوضه
اياد: جميله والله العظيم كنت فاكرها انتي ولما سمعت صوتها لفيت وزقتها بعيد عني اقسملك بالله ياجميله
جميله:تعيط ومتردش
اياد يمسك ايديها بحب ويبوسها: والله العظيم ياجميله دا اللي حصل وانا مستحيل ابص لواحده غيرك صدقيني ياحبيبتي وعايز اعرفك ان مايا وامها مش هيسبونا في حالنا وهيحاولوا يبعدونا عن بعض ياجميله متسمحيش ليهم يدمرونا ياجميله
جميله بدموع: انا اسفه يا اياد بس مقدرتش اشوفها بتحضنك مقدرتش استحمل
اياد ياخدها في حضنه: عارف ياحبيبتي عارف
جميله: طيب يلا بقي البس هدومك علشان تروح الشركه احمد كلمني كتير علشان موبايلك مقفول وبيستعجلك
اياد: حاضر ياقلبي ويقوم اياد يكمل لبسه وينزل هو وجميله ماسكين ايد بعض وتشوفهم مايا وميرڤت وكل واحده فيهم تأقسم بأن تدمر حبهم
اياد: انا رايح الشركه يا ماما عايزين حاجه
مايا بدلع: اياد ممكن تاخدني معاك عايزه اشوف الشركه
اياد بقرف: معلش خلي السواق يوصلك
ميرڤت بغل: ومتوصلهاش معاك ليه
اياد بحده ونفاذ صبر: انا مبدخلش واحده العربيه غير مراتي هي اللي ليها الحق تركب معايا عربيتي
جميله بحب: طيب ياحبيبي روح انت علشان متتأخرش
اياد بحب: ماشي ياحبيبتي عايزه حاجه
جميله: عايزه سلامتك ياحبيبي
ويمشي اياد يروح الشركه
ـــــــــــــــــــــــــــــــــــــــــــــــــــــــــــــــــــــــــــــــــــ
في كليه الهندسه
رامي: انا كلمت اسر صاحبي وهو هيقابلنا هنا
ذياد: شكرا يارامي علي وقفتك معانا
رامي ويبص لنور بحب: متقولش كده وانا اطول اساعدك
نور تتكسف وتتقلب وجنتاها خجلا
رامي: اهو اسر جي اهو
اسر: اهلا اهلا برامي باشا منور الكليه كلها
رامي: حبيبي يا اسر عامل ايه
اسر: الحمد لله
رامي: احب اعرفك ذياد نور ودا بقي اسر صاحبي انا والشباب كنا في كليه واحده وهو دلوقتي معيد في الكليه
ذياد: تشرفنا يا استاذ اسر
اسر: الشرف ليا ومن غير استاذ
رامي: كنا عايزينك في خدمه يا اسر
اسر: في الخدمه يا صاحبي
رامي: نور 2 هندسه بس كانت بتدرس في لندن وعايزين ننقل كليتها هنا
اسر: هي قدمت علي طلب نقل من هناك
ذياد: ايوه الورق معانا وكل حاجه جاهزه
اسر: تمام هات الملف بتاعها واعتبرها في الكليه
رامي: متشكر اوي يا صاحبي
اسر: احنا في الخدمه ياصاحبي
رامي: تسلم طيب احنا هنمشي بقي
اسر: اتفضلوا في المكتب نشرب حاجه طيب
رامي: معلش مره تانيه يادوب نوصل نور الڤيلا ونروح انا وذياد علي الشركه
اسر: اخبار اياد ايه
رامي: تمام ابقي تعالي نسهر مع بعض في الڤيلا
اسر: باذن الله قريب
رامي: ماشي يا باشا نستأذن احنا بقي
ويمشي رامي وذياد ويوصلوا نور الڤيلا ويطلعوا علي الشركه
ــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا شريف نصار
جميله: مالك ياريم شكلك تعبانه
ريم: مش عارفه دايخه من الصبح وبرجع كتير
جميله: طيب اطلعي ارتاحي شويه
ريم: طيب ياحبيبتي هطلع وتيجي ريم تقوم تحس بدوخه ويغمي عليها
جميله بصراخ: ريييييم وتجري عليها جميله وتيجي فريده وميرڤت ومايا علي صراخ جميله
فريده: ياحبيبتي يابنتي مالها ريم
جميله بدموع: كانت تعبانه وقولتلها تطلع ترتاح بس اغمي عليها
فريده: طيب حاولي تسنديها معايا لحد الاوضه واتصلي باحمد يجيب دكتور ويجي بسرعه
جميله: حاضر وتسندها جميله مع فريده ويطلعوها الاوضه وتتصل جميله باحمد
ــــــــــــــــــــــــــــــــــــــــــــــــــــــــــــــــــــــــــــــــــــ
في الشركه عند الشباب متجمعين في مكتب اياد
ويرن موبايل احمد
احمد: دي جميله
اياد: طيب رد
احمد: الو
جميله بدموع: الحق ريم ياحمد اغمي عليها ومش عايزه تفوق
احمد بخضه: ايه طيب انا جي حالا
جميله: وهات معاك دكتور بسرعه ياحمد الله يخليك
احمد: طيب طيب جي حالا سلام
اياد: حصل ايه يابني مالك
احمد: ريم اغمي عليها ومش عارفين يفوقوها
محمد: اييهه طب يلا بينا بسرعه
رامي: يلا بينا
ويركب الكل في عربيه اياد ويروحوا علي الڤيلا
ــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا شريف نصار
يوصلوا الشباب ويجري احمد علي ريم
احمد: ايه اللي حصل يا جميله
جميله: معرفش اغمي عليها مره واحده
ويوصل الدكتور ويدخل عند ريم ومعاه جميله
ويكشف علي ريم وبعد وقت يطلع الدكتور
احمد: خير يادكتور
الدكتور: خير انشاء الله المدام بس ضعيفه شويه ودا غلط علشان الجنين
احمد: جنين
الدكتور: مبروك المدام حامل
احمد: بفرحه بجد يعني انا هبقي اب
اياد: ماشي يادكتور شكرا رامي وصل الدكتور
رامي: اتفضل يادكتور
فريده: مبروك يابني
احمد: الله يبارك فيكي يا ماما
ويدخل الكل عند ريم الاوضه ويباركلها وبعد وقت يطلع الكل ويقعد احمد مع ريم
ريم بفرحه: انا حامل ياحمد سمعت الدكتور انا هبقي ماما وانت هتبقي بابا
احمد: مبروك ياحبيبتي
ريم: الله يبارك فيك ياحبيبي
احمد: من هنا لحد ماتولدي مش عايزك تقومي من هنا
ريم: لا ياحمد انا كده هبقي زهقانه
احمد: اسمعي الكلام ياحبيبتي بلاش لعب عيال
ريم: حاضر ياحبيبي
احمد وياخدها في حضنه ويبوسها من شفايفها وبعد وقت تبعد عنه ريم: احم
احمد: لا بقي ماهو الحمل كده جي عليا بخساره
ريم: ههههههههه معلش
روايه (حطمت كبريائه)
البارت الثامن عشر
عند اياد وجميله
اياد: الدكتور قال ايه
جميله بفرحه: قال ان ريم حامل
اياد: مبروك ليهم ياقلبي عقبالنا
جميله: يارب ياحبيبي
اياد: مايا دي كلمتك تاني
جميله: لا ياحبيبي
اياد: طيب ياحبيبتي انا راجع الشركه
ويجي عليهم محمد ورامي
محمد: ماتخلص ياعم ولا انت ماصدقت جيت الڤيلا
اياد: دايما حاشرين نفسكم في اللي ملكمش فيه
رامي: طب يلا ياعم الحبيب ويشوف رامي نور جايه علي جميله ويقول: امتي بقي احب واتحب كده
تسمعه نور وتتكسف وتحط وشها في الارض
نور: جميله كلمي طنط فريده
جميله: حاضر ياحبيبتي
وتيجي نور عنيها في عين رامي وتحس ان قلبها بيدق بسرعه وتتكسف وتمشي هي وجميله ورامي عينه عليها لحد ماختفت
اياد: رامي انت يازفت
رامي:.........
محمد: انت يابني
رامي: هشششش
اياد: ايه اللي هشش انت يايلاااااا
رامي: هو فيه كده
محمد: هو ايه داا
رامي: ملااااااك
اياد: مين دي اللي ملاك الله يحرقك
محمد: ولاااااااااااااا
رامي بخضه: الله يخربيتك قطعت خلفي
اياد: تستاهل علشان تبقي تسرح تاني
رامي: طب يلا ياعم انت وهو نمشي
اياد: يلا يازفت
ـــــــــــــــــــــــــــــــــــــــــــــــــــــــــــــــــــــــــــــــــــ
في الشركه يوصل اياد ومحمد ورامي ويدخل اياد مكتبه وبعد وقت تدخل عليه السكرتيره وتخبط
اياد: ادخل
اميره: بشمهندس اياد في واحده بره عايزه تقابل حضرتك
اياد: مين هي
اميره: بتقول عامله لحضرتك مفاجأة
اياد: طيب خليها تدخل
اميره: حاضر
وتدخل مكتب اياد بنت بشرتها بيضه متوسطه الطول شعرها احمر متوسط الطول وعنيها رماديه لابسه فستان قصير جدا بفتحه كبيره من عند الصدر والكثير من لمسات التجميل
تالا: اياد حبيبي وحشتني
اياد بصدمه: تالا
تالا وتقرب عليه وتبوسه من خده ايوه ياحبيبي تالا ايه رئيك في المفاجأة دي
اياد: انتي نزلتي من امريكا امتي
تالا: لسه نازله حالا وجيت عليك علي طول علشان وحشتني اوي ايه ياحبيبي هو انا مش وحشاك ولا ايه
اياد: تالا معلش نتقابل وقت تاني لان انا مشغول دلوقتي ومش فاضي
تالا: ماشي ياحبيبي هبقي اعدي عليك في الڤيلا وكمان علشان تعرفني علي اهلك
اياد بتوتر: ل.ل.لاا متجيش الڤيلا وهبقي اجيلك انا
تالا وتحضنه: ماشي ياحبيبي باي
اياد: سلام وتمشي تالا ويتصل اياد برامي في مكتبه
اياد: تعالي بسرعه يارامي عايزك
رامي: طيب جايلك
ويروح رامي عند اياد
رامي: ايه يابني فيه ايه
اياد بتوتر: ت.ت.تالا نزلت مصر وكانت هنا دلوقتي
رامي بصدمه: انت بتقول ايييه
اياد: والله كانت هنا دلوقتي
رامي بخوف: طب هتعمل ايه دي ممكن تروح الڤيلا وكده هتحصل كارثه
اياد: لا لا انا قولتلها متروحش الڤيلا وانا هروحلها
رامي: وانت هتروحلها يا اياد
اياد: لازم اروحلها علشان متروحش الڤيلا
رامي: طب وهتعمل ايه هتقولها انك اتجوزت لو عرفت مستحيل تسكت
اياد بتوتر: مش عارف يارامي مش عارف
ـــــــــــــــــــــــــــــــــــــــــــــــــــــــــــــــــــــــــــــــــــ
عند ميس واريچ
اريچ قاعده سرحانه وتنزل دموعها
فلاش باك
الشخص: خلاص يا اريچ كل حاجه انتهت
اريچ: ليه بتقول كده انا مقدرش اعيش من غيرك
الشخص: قولتلك خلاص كل حاجه انتهت انا مبقتش بحبك ولا عايزك في حياتي
اريچ بصدمه: لا مستحيل انت بتحبني انا عارفه انك بتحبني وانا كمان بحبك اوي بس بطل كلامك دا بقي
الشخص بعصبيه: قولتلك مبحبكيش انا بكرهك يا اريچ بكرهك افهمي بقي وخلي عندك كرامه
اريچ بصدمه: كرامه فعلا عندك حق ومن اللحظه دي مش هتشوف وشي تاني
باااك
ميس: اريييييچ
اريچ بخضه: ايه ياميس
ميس: مالك ياحبيبتي بتعيطي ليه
اريچ تترمي في حضنها وتعيط: جرحني ياميس بعد ماحبيته ليه يعمل فيا كده ليه ياميس هو انا وحشه
ميس مين قال كده ياحبيبتي دا انتي قمر قومي بس كده وبطلي عياط متبكيش علي اللي تهوني عليه علشان دا ميتبكيش عليه
اريچ: حاضر وتمسح اريچ دموعها
ميس: هسيبك ترتاحي شويه
اريچ: ماشي ياقلبي
ـــــــــــــــــــــــــــــــــــــــــــــــــــــــــــــــــــــــــــــــــــ
ڤيلا شريف نصار في اوضه ريم واحمد
احمد: انا هروح الشركه ياحبيبتي عايزه حاجه
ريم: خليك معايا ياحبيبي مش لازم تروح تاني النهارده
احمد: انا لو عليا ياقلبي مش عايز ابعد عنك لحظه بس غصب عني عندي شغل كتير
ريم: ماشي ياحبيبي انا هنزل اقعد تحت مع ماما وجميله
احمد: انا قولت مفيش حركه يعني مفيش حركه انا هنزل ابعتلك جميله
ريم: ماشي ياقلبي
وينزل احمد تحت يلاقي فريده وجميله قاعدين
احمد: ماما انا هروح الشركه عايزه حاجه
فريده: لا ياحبيبي سلامتك
احمد: جميله ريم عايزاكي فوق
جميله: حاضر هروحلها
وتيجي عليهم مايا وميرڤت ويشوفهم احمد يتخنق ويمشي
مايا: مبروك ياطنط فريده لريم واحمد
فريده: الله يبارك فيكي
جميله: انا هطلع لريم يا ماما
ميرڤت: هو اذا حضرت الشياطين غابت الملائكه ولا ايه ياحبيبتي
جميله تبصلها ومتردش: ماما انا طالعه
فريده: اطلعي ياحبيبتي
وتطلع جميله لريم
ميرڤت: شايفه مرات ابنك يافريده
فريده: مالها مرات ابني ماهي ماتكلمتش اهي
ميرڤت: ماشي يافريده انا اللي غلطانه
فريده: لاحول ولا قوه الا بالله
ــــــــــــــــــــــــــــــــــــــــــــــــــــــــــــــــــــــــــــــــــــ
في الشركه يوصل احمد ويروح مكتبه ويدخل عليه رامي بمرح
رامي: مبروك يابو الصحااااااب
احمد: الله يخربيتك اعقل بقي
رامي: الله مش ببارك ياعم
احمد: الله يبارك فيك
رامي: اخوك مش طايق نفسه في المكتب
احمد: ليه حصل ايه
رامي: تالا نزلت مصر وكانت عند اياد في المكتب
احمد: يانهاار ابيض بتقول ايه
رامي: والله زي مابقولك كده
احمد: طب تعالي معايا عند اياد
رامي: لا ياعم انا مش ناقص روح انت
احمد: اخلص يا رامي
رامي: امري لله يلا بينا
ويروح احمد عن اياد هو ورامي
احمد: معقول تالا نزلت مصر يا اياد
اياد: ايوه
احمد: وهتعمل ايه
اياد: انا مش عارف ومش طايق نفسي
احمد: هي عرفت بجوازك
اياد: لا طبعا هتعرف منين
احمد: طب ناوي تقولها ولا هتعمل ايه
اياد: مش عارف مش عارف
رامي: قولها يا اياد انك اتجوزت وعرف جميله كل حاجه علشان تبقي عارفه لان تالا لو عرفت توصل لجميله وقالتلها قبل ماتقولها انت يبقي هتندم في الاخر روح لمراتك وعرفها يا اياد
ـــــــــــــــــــــــــــــــــــــــــــــــــــــــــــــــــــــــــــــــــــ
عند نور في اوضتها قاعده بتفكر في رامي
نور لنفسها: ليه لما بشوفك بحس اني مبسوطه وقلبي بيدق بسرعه معرفش ايه هو الاحساس دا بس بحب اشوفك علي طول وبحب الكلام معاك وبحب عنيك لما بتيجي في عنيا وبحبك ايوه حبيتك يارب اجعله نصيبي
عند مايا وميرڤت
ميرڤت: انا مش طايقه اللي اسمها جميله دي
مايا: ولا انا مامي انا مش قادره اشوفها مع اياد ولا قادره اشوف الحب اللي بينهم دا اعملي حاجه يامامي انا بحب اياد اوي
ميرڤت: اياد هيكون ليكي وكل حاجه هتكون ليكي قريب اوي
مايا: ازاي بس يا مامي
ميرڤت: هقولك