رواية انا والمغرورة الفصل الثالث3والرابع4 بقلم اروي عادل
نرمين٠ انا مش فاهمه انتى ليكى عين تتكلمى ايه البجاحة دي
أسيل٠(ببرود) أيوه ليا عين عشان مافيش حد كاسر عينى .. و بعدين دى مش أسمها بجاحة دى أسمها ثقه
وعشان أنا واثقة أنى معملتس حاجة غلط جايه و عينى قويه
فؤاد٠ أسيل انا مش قولتلك ماتتكلميش
أسيل٠ ما انت شايف طريقتهم عايزنى اسمعهم بيتكلموا معاك كده و اسكت
فؤاد٠ خلاص ولا كلمة تانى.. انا أسف
يا جماعة
( كانت سميرة هنتكلم لكن أوقفها عمران وقال)
عمران٠ ( بلهجة صعيدية ) أنى مش رايد ولا كلمه دلوك ( ثم نظر إلى فؤاد وقال) انا مجدر مجيتك يا بيه لحد أهنه بس حضرتك شايف الوضع كيف
جدو٠ انا كنت جاى اطمن على الكابتن جاسر مش اكتر ..على عموم همشى دلوقتى و هاجى تانى عشان اطمن على كابتن جاسر ده بعد أذنك طبعآ
عمران٠ تشرف يا فؤاد بيه
( وهنا سأل حامد ابن عم جاسر )
حامد٠ ( بلهجة الصعيديه) مين البت إللى واقفه مع عمى عمران يا حاتم
حاتم٠ دى إللى خبطت جاسر بالعربية
حامد٠ واه بس حلو قوى يابوى خساره واللهى بنيه زى دى فى السجن
حاتم٠ هو ده وقته
☆☆☆☆☆☆☆☆☆☆☆☆☆☆☆
------------فى الغرفة جاسر ------------
سميرة٠ حمدالله على السلامه يا حبيبى
عمران٠ كيفك دلوك يا ولدى
جاسر٠ ( بألم) الحمدالله .بس هو ايه إللى حصل
حاتم٠ هو انت مش فاكر حاجة
جاسر٠( بتعب) لاء مش... فاكر ...حاجة .ايه ده انا حاسس بألم فظيع فى رجلى
حامد٠ ايه يا ولد عمى ما تجمد اجده
نرمين٠ حمدالله على السلامه يا حبيبى
طاهر٠ عامل ايه يا بطل دلوقتى
( اكتفى جاسر فقد بهز رأسه إليهم بتعب)
------------فى المساء----------
الدكتور٠ ايه يا كابتن عامل ايه دلوقتى
جاسر٠ هى رجلى مالها مش قادر أحركها فيها ألم رهيب
الدكتور ٠ حاضر انا هديك حقنة مسكن هتهدى الألم
سميره ٠ (ببكاء) ربنا ينت،قم منها إللى كانت السبب فى و،جعك
الدكتور٠ حاج عمران ممكن اتكلم معاك بره شويه
عمران ٠ حاضر يا دكتور
طاهر ٠ انا جاى معاك
------------فى غرفة الطبيب------
عمران ٠ خير يا دكتور
الدكتور٠ اسمع يا حاج عمران انا بحب اكون صرايح مع أهل المريض
طاهر٠ خير يا دكتور انت كده خوفتنا
عمران٠ ولدى فى حاجة يا دكتور
الدكتور٠ كابتن جاسر عنده كسر فى الحوض و كسر فى رجله الشمال كمان عنده أصابة خطيرة فى ركبته اليمين هتحتاج لعملية دى مش هنقدر نعملها غير بعد شهر على أقل و العملية دى إللى هتحدد هيكون فى عملية تانى أو لأ
عمران٠ ابنى هيقدر يمشى تانى يا دكتور
الدكتور٠ للأسف مش قبل سنه
طاهر٠ ازاى ده المفروض فرحو بعد ٣ شهور
الدكتور ٠ بس فى احتمال أن الحادثه تكون أثرت على الحاله الجنسية للمريض
( شاهقه عمران من الصدمة وهو غير مصدق ما يسمعو )
عمران٠( لهجة صعيديه) انت رايده تجول ايه يا دكتور ولدى ما يجدرش حتى يتجوز يعنى ايه أنى مش هيبجى ليا حفيد ده أنى معنديش غيروا هو إللى طلعت بيه من الدنيا كلاتها
الدكتور ٠ اهدى يا حاج انا مقولتش انه هيكون عاجز جن،سيآ أنا قولت فى أحتمال تكون الحادثة أثرت فيه لكن الكلام ده مش اكيد بس لازم يكون عندك علم بيه
طاهر٠يعنى تقصد ايه بكلامك يا دكتور
الدكتور٠ اقصد انكم لازم تأجلوا الجواز شويه لحد لما المريض حالة تتحسن و نعرف ايه الأضرار إللى سببتها الحا،دثه..على العموم انتو فى الآخر حرين فى قراركم
عمران٠ لاه جاسر هيتجوز فى ميعاده
طاهر٠ بس كلام الدكتور صح
عمران ٠ انا جولت الفرح هيكون فى ميعاده
( غادر عمران من غرفة الطبيب بسرعة ولم ينتظر ايه رد من طاهر أو الطبيب و خرج طاهر خلفو هو بينادى عليه)
طاهر٠ حاج عمران حاج عمران
عمران ٠ لو هنتكلم على ميعاد الفرح فبلاش لانى لساتنى عند كلامى
طاهر ٠ لا لازم نتكلم انت سمعت الدكتور قال ايه ... لازم نأجل الفرح
عمران٠ أنى مش هأجل الفرح جاسر ولا يوم واحد
طاهر٠ معلش يا حاج زى ما انت خايف على أبنك أنا كمان من حقى أخاف على بنتى
عمران٠ تقصد ايه
طاهر٠ ما أنا مش هجوز بنتى عشان تبقى عامله زى البيت الواقف
عمران٠ واه تقصد ايه ان ابنى مش راجل
طاهر٠ يا حاج عمران بنتى لسه صغيره ليه احكم عليه تعيش مع واحد ممكن مايقدرش يديها حقوقها كزوجه
عمران٠ أنى أجده فهمت خلاص يبجى كل واحد يروح لحاله و نفضها سيرة من الجوازه دى خالص
طاهر٠ انت بتقول يا حاج انا مقصدش كده
انا اقصد احنا نستنا لما جاسر يكون كويس
عمران٠ و افرض انا ولدى ماخفش ساعتها تجوله أمك العش ولا طارت .. لا يا أستاذ طاهر إللى مايشلش ولدى و هو تعبان ميلزمناش ولدى بحصتو
قال ما قاله ثم انصرف
☆☆☆☆☆☆☆☆☆☆☆☆☆☆☆
----------فى غرفة جاسر-----------
طاهر٠ يلا يا نرمين هنمشى
نرمين ٠ فى ايه يا بابا مالك
طاهر٠ يلا بقولك .. و اخلعى الدبله من أيدك
سميرة٠ ليه هو حصل ايه
طاهر٠ أسألى الحاج عمران
نرمين ٠٠ بس يا بابا افهم
طاهر ٠٠ من غير ماتفهمى انا بقولك كده ايه مش هتسمعى كلامى
( هنا خلعت نرمين الدبلة و حطتها على الطاولة وعينيها كلها دموع ..اما جاسر كان ينظر لها فى صمت و هو لا يفهم ماذا سحدث)
غادر طاهر و نرمين
سميرة٠ ايه إللى حصل يا عمران
عمران ٠ دى ناس معندهاش أصل
(ثم نظر إلى جاسر وقال )
عمران ٠ أوعى تزعل يا ولدى... بالله انا هجوزك وفى نفس الميعاد فرحك كمان وهعملك فرح الصعيد كلاته يتحدد عنه و هجوزك ست ستها كمان
جاسر٠ يا بابا انتى بتقول ايه.. فرح ايه.. و جوز ايه مش لما اقدر أقف على رجله الأول ..انا لو كانت وافقت على جواز من الأول كان خاطرك انت إللى كانت مصمم انى اتجوز
سميرة٠ ان شاء الله هتخف و هتقف على رجلك تانى و ترجع أحسن من الأول كمان
جاسر٠ مش باين يا أمى
عمران ٠ ماتجولش أجده يا جاسر .. يعنى دى أول أصابة تتعرضلها
جاسر٠ بس المردى صعبه اوى انت مش شايف رجلى عامله ازاى
عمران ٠ بس انت بطل و جدها و جدود كمان
يا جاسر ده اختبار من ربنا و انشاء الله هيعدى. بس انت احمد ربنا.. كمان انت احسن من غيرك بكتير
جاسر٠ الحمدالله . . ممكن بقى تروحو ترتاحوا فى البيت شويه
سميرة ٠ لا انا مش هسيبك لوحدك
عمران٠ أمك عنديها حق احنا هنجعد امعاك أهنه
جاسر٠لا يا بابا لازم ترتاحوا شويه شكلكم تعبان و كمان حاتم هيبات معايا النهاردة
سميرة٠ انا مش همشى
جاسر٠ عشان خاطرى يا ماما انا كده مش مرتاح وانا شايفكم بالحالة دى
عمران٠ خلاص يا جاسر . يلا يا سميرة
سميرة ٠ حاضر .
☆☆☆☆☆☆☆☆☆☆☆☆☆☆☆
------------بعد مرور أسبوع------غرفة جاسر
الدكتور٠ ايه أخبار النهاردة
جاسر ٠ الحمدالله
( بعد الكشف على جاسر و تغير على الجر،ح إللى فى الركبة قال)
الدكتور٠ الحمدالله فى تحسن ملحوظ
حاتم٠ الحمدالله
جاسر٠ دكتور بالنسبال الحا،دثه انا ليه مش فاكر إللى حصل
الدكتور٠ ده طبيعى يحصل خصوصآ بعد أصابة فى الرأس .. متخافش هتفتكر مع الوقت
(غادر الدكتور)
حاتم٠ انا مش عارف انت عايز تفتكر الحادثه ليه
جاسر٠ همو،ت و أعرف هى إللى أسمها أسيل كانت تقصد تضربنى بالعربية ولا لاء
حاتم٠يعنى هتعمل ايه لو عرفت
جاسر ٠ أقسم بالله ما هرحمها لو هى فعلآ كانت تقصدها
حاتم ٠ بصراحه انا كنت شكك انها تقصدها بس بعد ما عرفت انها هى إللى جابتك المستشفى فى عربيتها ..كمان جابتك فى أكبر مستشفى استثمارى فى مصر ٠٠
و سابت تليفونها رهن فى الحسابات عشان يقبلوا حالتك.. بعد كل ده ما أظنش انها تقصدها
جاسر٠ وممكن تكون عملت كل ده عشان تبعد عنها الشبهات
حاتم ٠ معقوله
جاسر ٠ ليه لأ دى بنت مجنونه قوية
و تعملها
حاتم ٠ بس دى بتتكلم بعين قويه أوى ٠٠دى اتخنقت معايا لمجرد قولتلها أنى مش مصدقها ده غير إللى عملتو فى نرمين ..لأ لأ . دى بتتكلم بثقه
جاسر٠ عارف طريقتها انت هتقولى
( هنا دق باب الغرفة )
فؤاد ٠ ممكن أدخل
حاتم ٠ فؤاد بيه طبعآ اتفضل
فؤاد٠ عامل ايه دلوقتى يا كابتن
جاسر ٠ الحمدالله هو انا اعرف حضرتك
حاتم ٠ ايه يا جاسر فى حد فى مصر مايعرفش رجل الأعمال المعروف فؤاد بيه المرشدى
جاسر ٠ ايوه انا شوفت حضرتك قبل
حاتم ٠ طبعا احنا قومنا بأعمال التصميم الهندسى للمنتجع المرشدى
( جاسر و حاتم عندهم مكتب للأستشارات و الأعمال الهندسية)
فؤاد ٠ اه انا كده افتكرتك انت المهندس حاتم صح
حاتم ٠ ايوه يا فندم . ده المهندس جاسر
فؤاد ٠ برفو مع انكم لسه شباب بس تصميم المنتجع كان هايل
جاسر ٠ بصراحة انا مستغرب من زيارة حضرتك ليه
فؤاد ٠ طبيعى . و لما تعرف أنا جاى هنا ليه مش هتستغرب أسيل بتكون حفيدتى
جاسر٠ انا كدا فهمت .. طيب عشان اوفر على حضرتك الكلام حفيدتك لازم تدفع تمن أفعالها
فؤاد٠ بس أسيل ماكنتش تقصد تأذيك
جاسر ٠ ماكنتش تقصد و حصل فيا كل ده . امال لو كانت تقصد كان هيحصلى ايه تانى اكتر من كده
( و هنا دخل عمران و سميرة)
سميرة٠ خير حضرتك جيت تانى لية يا فؤاد بية
عمران ٠( بتحذير) ولا كلمة تانى يا سميرة انتى فاهمه
فؤاد ٠ اسمعونى واللهى الموضوع كله كان صدفه أسيل بنت كويس و عمرها ما أذت حد
جاسر٠ مالهوش لازمه الكلام ده ..فى تحقيق شغال و هيعرفوا أن كنت تقصد ولا لاء
فؤاد ٠( بقهر)اسمع يا جاسر لو تحب تسافر تتعالج بره مصر انا مستعد ..لو عايزه اجيبلك أكبر أطباء العالم فى العظا و العلاج الطبيعى انا بردو مستعد كمان ايه تعويض انا تحت امرك .. بس بلاش القضية دى أسيل لو اتسجنت يوم واحد انا همو،ت فيها
( كان الصمت سيد الموقف بعد ما أثر كلام فؤاد فى الجميع ما كسر الصمت الا صوت عمران و هو يقول)
عمران٠ فؤاد بيه أنا عايزك بره فى كلمتين
( استغرب الجميع من طلب عمران )
فؤاد ٠ ممكن نروح نتكلم فى الكافتيريا
( غادرة فؤاد و عمران)
جاسر٠ راجل زى فؤاد المرشدي بيتهز ليه أكبر رجالة فى البلد .واحده مالهاش لازمه زى أسيل تخليه يقلل من قيمته و يحط نفسه فى موقف المهين زى ده
حاتم٠ واللهى فؤاد بيه صعب عليا
سميرة ٠ و انا كمان الراجل صعبان عليا
جاسر٠ حاتم انت كنت عارف انا فؤاد بيه جد أسيل
حاتم٠ اه هو دى مش أول مره يجى المستشفى يسأل عليك
☆☆☆☆☆☆☆☆☆☆☆☆☆☆☆
------------فى كافتيريا المستشفى-------
عمران ٠ أنى خابر أنك مستغرب انى رايد منك ايه
فؤاد٠ بصراحه اه
عمران. عشان كده انا هتكلم على طول بس الأول لازم تعرف حالة جاسر الصحية
( حكى عمران لفؤاد كل الكلام إللى قالوا الدكتور عن حالة جاسر بتفصيل )
فؤاد٠ انا فعلا أسف انا ماكنتش أعرف أن الحاله صعبه أوى كده
عمران٠ انت تعرف انا جاسر كان هيتجوز بعد شهرين بس بسبب حالته إللى انا حكيتلك عليها أبو نرمين عروسته فسخ الخطوبة
فؤاد ٠ انا بجد مش عارف اقولك ايه اي كلام مش هيعوض الحالة إللى فيها أبنك .
عمران٠ انت تعرف ليه انا حكيتلك كل حاجة عن حالة جاسر
فؤاد ٠ ليه
عمران ٠انا هخلى جاسر يتنازل على القضيه
فؤاد ٠(بفرح) بجد هتعمل كدا انا متشكر متشكر اوى و انا تحت امرك فى إللى انت عايزه
عمران ٠ وانا عايز اطلب ايد أسيل لجاسر أبنى
( الصدمة كانت واضح على فؤاد)
الفصل الرابع
عمران٠ انا عايز اطلب ايد أسيل لجاسر أبنى
( اتسعت عين فؤاد من الصدمة و غير مصدق ما يسمعو ).
فؤاد٠ انت بتقول ايه هو انا إللى سمعتو صح
عمران٠ ايوه صح
فؤاد٠ انت مش شايف إللى بتطلبو ده صعب
عمران ٠ مش اصعب من حالة إللى فيها جاسر
فؤاد ٠ بس ليه و انت بنفسك لسه قايل ان الدكتور حظرك من الجواز جاسر فى الوقت ده و أنه ممكن يكون... .
،(قطع عمران جملته بحده)
عمران ٠ كل ده بسبب حفيدتك .
فؤاد٠ ٠ طيب ممكن اعرف انت عايز تجوز ابنك من أسيل ليه
عمران ٠ لأسباب كتيره
أولآ. لأنى حلفت لطاهر أبوه نرمين ان فرح جاسر هيكون فى ميعاده و انا مابرجعش فى كلمتى واصل
كمان لازم اعرفو أن أبنى اتجوز إللى أحسن من بنته اكيد مش هلاقى زى أسيل جمال و حسب و نسب
ثانيآ عشان لو اتعرف عندنا فى البلد (الصعيد ) أن الحا،دثه أثرت على الحاله جاسر الجن،سية ده تبقى فض،يحه و كسره لكرامة ولدى و جواز جاسر فى الوقت ده هيقطع أي كلام فى الموضوع ده
ثالثآ. ان أسيل هى السبب فى ده كله
و لازم تتحمل نتيجه أفعالها
فؤاد ٠ طيب لو أسيل موافقتش على عرضك
عمران٠ بيقى مافيش تنازل على القضية
فؤاد ٠ يعنى عرض الجواز فى كفه و التنازل عن القضيه فى كفه تانيه
عمران٠ اعذرنى انا أب لازم أحافظ على كرامة ولدى وشكله قدام الناس و زى ما انت خايف على حفيدتك من السجن انا خايف على ولدى يتعرف عنه حاجه زى أجده
فؤاد٠ جاسر عارف حاجه عن الكلام ده
عمران٠ لا مايعرفش
فؤاد٠ طيب افرض الولاد رافضوا موضوع الجواز ده
عمران٠ انااقدر أخلى جاسر يوافق وانت عليك أسيل
فؤاد٠ تمام طيب افرض الولاد ماتفهموش مع بعض بعد الجواز
عمران ٠ ممكن يطلقوا بس مش قبل سنه يكون جاسر بقى أحسن
☆☆☆☆☆☆☆☆☆☆☆☆☆☆☆☆
-----------في المساء-------------فيلا المرشدى
( يجتمع محسن و المحامى و أسيل بعد ما حكى فؤاد على طلب عمران)
المحامى٠ أنا شايف الحل ده ممتاز
محسن٠ انا كمان
أسيل٠ ( بصراخ) انتو ايه إللى جرالكم و انت يا جدو ازاى تسمحلو يطلب منك طلب زى كده ده اكيد الراجل ده مجنون أو بيخرف
فؤاد٠ اهدى يا أسيل
أسيل٠ أنا مش عايز اهدى انت تروح دلوقتى تقولوا طلبك مرفوض احسن ما أروح انا و أبهدلهم و أعرفهم قيمتهم
محسن٠ ده معناه انك هتدخلى السجن
أسيل٠ ده يكون أحسن من أنى اتجوز واحد همجى زى إللى أسمه جاسر ده
محسن ٠انتى فاكره الموضوع لعبة انتى تحمدى ربنا أنهم اصلآ راضيين بيكى
فؤاد٠ محسن اسكت
محسن٠ انا مشى خلاص طالما كلامى مش عاجب حد
المحامى ٠ ماينفعش كده يا جماعة . أسيل صدقنى الجوز ده فى مصلحتك ده الحل الوحيد إللى ممكن يطلعك من القضية دى بالسلام
أسيل٠ قولت لأ أنا عندى اتسجن و محدش يتحكم فيا
( فجأه سمعوا صوت ارتطام بالأرض قوى
و عندما نظرت أسيل اتجاه الصوت كان جدها سقط على الأرضآ فاقد الوعى
و هنا صرخت أسيل من الصدمة ركض إليه محسن و المحامى و حملوا و ذهبوا به إلى المستشفى و أسيل خلفهم هى تبكى خائفه على جدها و برغم كل شيئ كان فؤاد هو نقطة ضعف الوحيدة لأسيل )
☆☆☆☆☆☆☆☆☆☆☆☆☆☆☆☆☆
------------فى المستشفى---------
( أسيل فى حالة إنهيار تام أمام الغرفة التى به جدها منتظره الطبيب يخرج )
أسيل٠ جدو عامل ايه دلوقتي
دكتور٠ السكر كان عالى اوى. كمان الضغط
محسن ٠ ده من ايه يا دكتور
دكتور ٠ اكيد كان متوتر من حاجه او زعلان
عشان السكر ارتفع فجأه
محسن٠ حالته ايه يا دكتور دلوقتى
الدكتور٠ هو احسن دلوقتى
أسيل٠ طيب انا عايز اشوفه ينفع
دكتور٠ اه طبعآ ينفع بس ياريت محدتش يزعلوا ولا حتى يدايقه الحمدوا ربنا أنا المردى جات سليمه
☆☆☆☆☆☆☆☆☆☆☆☆☆☆☆
-----------فى اليوم التالى---------------
أسيل ٠ جدو عامل ايه النهاردة
فؤاد٠ متخافيش قولتلك مية مره انا كويس
أسيل ٠ الحمدالله يا جدو بس أوعى تعملها تانى و اللهى انا كنت همو،ت من الخوفى عليك
فؤاد٠ ٠ بعد الشر عليكى ياحبيبتى
( هنا دخل الدكتوره و قامة بالكشف هى فؤاد)
أسيل٠ هو كويس
دكتوره ٠ كل تمام الحمدالله
فؤاد٠ طيب ممكن اخرج بقى
الدكتوره٠ انشاء الله ساعتين كده تحت الملاحظه و اكتبلك على خروج
☆☆☆☆☆☆☆☆☆☆☆☆☆☆☆
----------فى الجهة الاخره------من نفس المشفى
جاسر٠ بابا انت بتهزر صح
عمران٠ لاه بتكلم بجد
سميرة٠ يعنى خلصوا بنت الدنيا دى كلها
و ملقتش غير البنت دى
عمران٠ مالها البنت.. دى جمال و حسب ونسب
جاسر٠ و نسيت تقول و طول لسان و قليلة الذوق استفزازية و مغروره .مش كفاية إللى انا فيه ده بسببها
عمران٠ إللى انت فيه ده قضاء ربنا . بعدين انا كلمت جدها
سميرة٠ عشان كده طلعت كلمتو بره .
جاسر٠ بس انا مش موافق يا بابا
عمران ٠ يعنى هتكسر كلمتى
جاسر٠ العفو يا بابا بس دى حياتى
حاتم ٠اه صح مش قولت انت عايز تنت،قم منها خلاص اتجوزها و انت،قم منها براحتك
( لمعت عين سميرة ثم قالت)
سميرة٠ ايوه يا جاسر لازم تخليها تندم على إللى عملتو فيك
جاسر ٠ انا مش فاهم انتم ازاى بتفكروا فى جواز و انا بحالتى دى
عمران٠ طيب لو فكرنا فى حالتك انت مش محتاج حد ياخد باله منك و من طلباتك
جاسر ٠ ايوه محتاج ممرضة مش زوجه
عمران٠ و ليه ممرضة طالما أسيل موجوده اهو تكفر على عملتو أمعاك
جاسر٠ لا انا مش مقتنع بالكلام ده
( هنا دخلت الممرضة وقالت)
الممرضة٠ ممكن لو سمحتوا اغير على الجر،ح
عمران٠ تعالوا تتنزل نشرب حاجه فى الكافتيريا لحد ما تغير على الجر،ح
( غادر عمران و سميرة و حاتم)
بعد ما انتهت الممرضة من تغير على الجر،ح
ممرضة ٠ كده خلصت
جاسر٠ متشكر
( هنا دخلت أسيل دون سابق إنذار و هى مندفع و بغضب)
أسيل٠انت عايز ايه منى. من الاخر
جاسر٠ هو فى ايه . بعدين انا هكون عايز ايه منك انتى
أسيل٠ روح أسأل باباك
جاسر ٠ للأسف مقدرش اروح اسألو و البركة فيكى
أسيل٠ بس بقى شغل الكلام اللى مالهوش لازمه ده .وياريت تسيبك منه ... بعدين أوعى تفكر انى ممكن اتجوزك دى تنسها خلاص ولا حتى فى أحلامك تمام
جاسر ٠( بضحك) ايه الغرور و الثقه إللى انتى فيها دى واحده غيرك كانت تحمد ربنا أنها مش فى السجن دلوقتى
أسيل٠ لو فاكر انك بكلامك ده هتخوفنى تبقى غلطان انا مابخفش
جاسر ٠ أنصحك انك تخافى لأنى ناوى أربيكى من أول و جديد .. بالنسبال الجواز انا كنت رافض بس دلوقتى انا غيرت رأى .انا هتجوزك بس عشان أربيكى
أسيل٠ انت بتهددنى
جاسر٠ أه .. أستعدى فرحنا بعد شهرين مبروك يا عروس
أسيل٠( بصراخ) ده فى أحلامك
( خرجت أسيل مسرعة من الغرفة أثناء دخول عائله جاسر)
حاتم ٠ مالها دى.. هى أسيل كانت بتعمل ايه هنا
جاسر٠ سيبك منها المهم انا موافق على الجواز يا بابا
عمران ٠ واه ايه إللى غير رأيك بسرعة اجده
جاسر٠ لازم أوافق لأن لازم حد يقف البنت دى عند حدها
☆☆☆☆☆☆☆☆☆☆☆☆☆☆☆☆
--------------بعد يومين-------فيلا المرشدى
فؤاد٠ أسيل ممكن اتكلم معاكى
أسيل ٠ لو هنتكلم فى موضوع الجواز تانى فبلاش هتزعل منى و ترجع تتعب تانى
فؤاد ٠ لازم تفكرى يا حبيبتى
أسيل ٠ بس يا جدو انا مش عايزه أتجوز
فؤاد٠ اسمعينى الموضوع هيكون جوز بس على الورق
أسيل ٠ مش فاهم يعنى ايه
( حكى فؤاد حالة جاسر الصحية بالتفصيل لأسيل)
فؤاد٠ بعد فتره من الجواز تقولى محصلش نصيب و كل واحد يروح لحاله .. هتكونى مخسرتيش حاجة زى ما دخلتى الجوازه هتخرجى منها
أسيل٠ جدو انت عايزنى انا أسيل اتجوز بطريقه دى
فؤاد٠ مش احسن من السجن.وافقى
يا أسيل عشان خاطرى ياحبيبتى ابوس ايدك توافقى
( هنا بكى فؤاد من خوفو على أسيل)
أسيل٠ جدو انت بتعيط انا أسفه يا جدو بالله عليك متعملش كده فى نفسك
فؤاد ٠ أسيل انا همو،ت لو دخلت السجن حتى لو يوم واحد . عشان خاطرى وافقى
أسيل ٠(ببكاء) حاضر يا جد هعمل إللى انت عايزه بس امسح دموعك دى غاليه عليا اوى
( كانت أسيل مستعده تعمل أي شيئ مقابل أسعاد جدها)
☆☆☆☆☆☆☆☆☆☆☆☆☆☆☆☆☆
تم الاتفاق على الزواج بعد ٣ شهور انما كتب الكتاب بعد أسبوع.. قبل التنازل عن القضيه و ان كتب الكتاب يكون فى حدود العائلة حتى لا تعلم الصحافه
☆☆☆☆☆☆☆☆☆☆☆☆☆☆☆☆☆
--------بعد اسبوع ------فى المستشفى---
عمران ٠ هو لسه حاتم مجبش المأذون
سميرة ٠ انا مش عارفه ايه كتب الكتاب إللى فى المستشفى ما كنت تستنا لما جاسر يخرج بالسلام من هنا
عمران ٠ خير البر عاجله
سميرة ٠ آمال فين العروسه هى مستكبره تيجى تقعد معانا ولا ايه
محسن٠ لا يا هانم هى بس قاعدة مع صحابها فى كافتيريا لحد لما المأذون يجى عشان الزحمة فى الغرفة
حاتم ٠ المأذون وصل
عمران ٠ اتأخرت كده ليه
حاتم٠ الطريقة كان زحمة
عمران٠ طيب يلا يا فؤاد بيه
( دقائق و كان تم كتب الكتاب ثم نظره جاسر إلى أسيل بجمود وقال)
جاسر٠ ( بسخريه ) مبروك يا عروسه
( نظرات جاسر عصبت اسيل هى تعلم أنه يسخر منها بالكلامة )
حاتم٠ أيه رأيكم نسيب العرايس مع بعض شويه
( كان رد أسيل و جاسر فى نفس واحد)
أسيل و جاسر٠٠ لا
☆☆☆☆☆☆☆☆☆☆☆☆☆☆☆☆
---------بعد مرور ٣ اسابيع -------فى المشفى
(جاسر فى العمليات و بعد ٥ ساعات إنتهت العمليه
و تم نقل جاسر إللى غرفته من جديد فى المستشفى)
الدكتور٠ العملية نجحت الحمدالله
سميرة٠ الحمد لله
عمران٠ طيب هيحتاج عملية تانى
الدكتور ٠ لا مش هيحتاج ..
☆☆☆☆☆☆☆☆☆☆☆☆☆☆☆☆
-------------بعد يومين------فيلا المرشدى
فؤاد ٠جاسر عمل عمليه فى ركبته من يومين
أسيل٠ أعملو ايه يعنى
فؤاد ٠ أسيل انتى فاهمه انا اقصد ايه
أسيل٠ زياره تانى للمستشفى انا مش رايحه
فؤاد ٠ لا هتروحى
أسيل٠ يووو بقى يا جدو
( كانت بتخبط رجليها فى الأرض مثل الأطفال )
فؤاد٠ بكره هنروح المستشفى ده أخر كلام
( ثم غادر دون انتظار ردها)
الخادمة ٠ ست أسيل اصحابك مستنينك تحت فى الريسبشن
أسيل٠ طيب انا نازله ليهم
هاجر ٠ ايه انتى لسه ملبستيش انتى مش جاية معانا
أسيل٠ لا ماليش مزاج اروح فى أى حتة النهاردة
نوران٠ ليه بس انتى مش قولتى هنخرج النهاردة
أسيل٠ خلاص روحوا انتو
أيه٠ مالك يا أسيل
أسيل ٠ مخنوقة من الوضع إللى انا فيه
هاجر٠ تقصدى جوازك من جاسر
أسيل ٠ هو فى غيرو .. كمان جدو مصمم أنى اروح أزوره بكره فى المستشفى
نوران٠ طيب يا أسيل ما ده طبيعى هو دلوقتى بقى فى حكم جوزك
أسيل٠ ماتقوليش جوزى الكلمة دى بتعصبنى . لولا الظروف و تعب جدو انا ماكنتش أوافق ابدآ على البنى آدم ده ...
ده واحد همجى و متخلف
يارب امتى اخلاص من الموضوع ده بقى
أيه ٠( بسخرية) صحيح الدنيا دى غريبه أوى واحد زى جاسر بنات كتير تتمنى ترتبط بيه او حتى تتصور معاه .. سيب كل دول و يروح يتجوز أكتر واحده بتكرهو فى الدنيا
أسيل٠ و انت مدايقه عليه أوى كده ليه. ...أوعى تكونى من إللى بيتمنوا يرتبطوا بيه
أيه ٠ يعنى لو انا منهم هتسيبهولى
هاجر٠ ايه إللى انتى بتقولى ده يا أيه
أيه٠ ولا حاجه انا ماشية
( خرجت أيه دون أنتظار رد أصدقائها)
أسيل٠ هى مالها دى
نوران٠ مش عارفه
هاجر ٠ شكله أيه لسه معجبه بجاسر
أسيل٠ تبقى اتجننت أنا مش عارفه ايه إللى عجبها فيه
نوران٠ شكلك مش عارفه قيمة جوزك ده مجنن نص بنات مصر
( هنا ضحكه الجميع)
☆☆☆☆☆☆☆☆☆☆☆☆☆☆☆☆
-------اليوم التالى------------فى المشفى
دخل فؤاد و معاه أسيل صم ألقى التحيه على الموجودين
.و ظل الجميع يتبادلون أطراف الحديث.. بينما أسيل ظلت صامته هى تجلس على أحد المقاعد بجوار الشباك وهى تتطلع فى هاتفها غير منتبهة لأى أحد و كأنها غير موجودة
بينما كان جاسر ينظر إليه من الحين لأخر بغضب
فؤاد٠ و الدكتور ماقلش هتخرج أمتى من هنا
جاسر ٠ اول ما جرح ركبتى يلم
حاتم ٠ بعدها هيبدأ مرحلة العلاج الطبيعى
( هنا دخلت الممرضة )
ممرضه٠ ميعاد التغير على الجر،ح يا كابتن
(وقفت أسيل بسرعة وقالت )
أسيل٠ طيب يلا يا جدو نمشى
( هنا نظر الجميع لأسيل حينها شعرت بأحراج من نظراتهم لذلك فقالت)
أسيل٠ ايه بتبصولى كده ليه ... ده عشان الممرضة تغير على الجر،ح يعنى
( هنا تأكد جاسر أنها كانت منتبهة لكل ما يحدث لكنها كانت تطصنع عدم الاهتمام
و اللامبالاه )
سميرة ٠ يلا نطلع انا مستحملش اشوف جاسر بتو،جع
حاتم ٠ طيب يلا بينا نطلع لحد متغير على الجرح
( وهنا قال جاسر)
جاسر٠ رايح فين يا أسيل .
أسيل٠ هكون رايحه فين ماشيه
جاسر ٠( بخبث) أستنى انتى يا أسيل خليكى معايا
أسيل ٠ انت بتكلمنى أنا
جاسر ٠( بسخريه) هو فى حد هنا أسمه أسيل غيرك
أسيل٠ عايز ايه منى
جاسر ٠ ( بخبث) خليكى معايا و انا بغير على الجر،ح
أسيل٠ خلينى معاك بتاع أيه يعنى
جاسر ٠ ايه مش مراتى يعنى ينفع اتكشف على حد غريب
أسيل٠ ( بأستغراب)حد غريب ازاى يعنى بعدين انت هتغير على ركبتك بس
سميرة٠ هو فى ايه قالك عايزك تكونى معاه انتى مش مراته ولا ايه
( لسه أسيل كانت هترد عليها حينها أوقفها جدها وقال)
فؤاد٠ خليكى يا أسيل مع جاسر
أسيل٠( بغضب) حاضر
( عندما خرج الجميع من الغرفة . نظره جاسر لأسيل رأى جهها احمر من شدة الغضب و هنا ضحكة بخبث معلنآ انتصاره عليها)
( بتدأت الممرضه بتغير على الجر،ح و كانت أسيل واقفه بيعيد تتفادى النظر إلى الجر،ح وهنا قالت الممرض)
ممرضه٠ ممكن تقربى هنا تمسكى معايا
( و فجأه عندما اقتربت أسيل حدثه