رواية ريدي
الفصل الثاني2
بقلم سروش بشار
طيب رايكم شنو اوضح ليكم ماما وبابا اتعرفو كيف و سبب انفصالهم شنو طيب شوفو ماما وبابا من طبقتين مختلفتين وطريقه تفكرهم زتها كانت مختلفه ودا سبب مشاكلهم 😪😪 بابا مولود في امريكا اسره عز و اتولد وفي خشمو معلقه من دهب اتربي علي القروش و التحرر الاجنبي 😪😪اما امي بت عاديه شدييد اتولدت في السودان واتربت في السودان من اسره وضعها المادي مرتاح نوعا ما 😪😪هم قارين بث في حدود البعيشهم بث حتي ما مكلفين نفسهم يشتغلو كدا و يبقو اغنياء شدييييد 😍😍بث ماما كان عندها هدف انو لازم تبقي دكتوره كبيره ومشهوره وعندها سمعه 😍😍كانت حفاره شدييييد وشاطره ماشاء الله اتخرجت بي اونر من جامعه الخرطوم 😍😍و ابوها سفرها تحضر في جامعه من احسن الجامعات في امريكا نزلت هناك عند عمتها و عمتها هي السجلت ليها في الجامعه امي نزلت دراسه ماما بي طبعاها ما عندها اخطلاط في الناس كدا اغلب وقتها بتحب تملاهو بالكتب والقرايه رسميه وجديه شديييد حتي مع زملاءها 😅😅 صادف انو بابا كان دكتور ماما في الجامعه اتعرفو هناك وحبه حبه اتجذبو لي بعض ماما من الطالبات المثيرات للاهتمام و بابا دكتور شاطر وفي نفس الوقت وجاهات للاخير 😍😉وشويه شويه حبو بعض شدييييد 😍😍حبو بعض لي درجه انو حاربو الدنيا علشان يكونو مع بعض اهل امي ما رضو وخاصموها بث هي ما اهتمت بالموضوع واهل بابا برضو قالو ما عايزين واحده اهلها ما رضين بث بابا اختار انو يفضل مع امي انزوجو و عاشو احلا سنتين في حياتهم وهم اول سنتين عملو كل شي مجنون ممكن يعملوهو اتنين متزوجين عايشين في امريكا و عاشو كل لحظاتهم بالملي😍😍 بث شويه شويه بدت المشاكل تظهر بث كانو ماسكين في يدين بعض وماف واحد بقدر ينوم والتاني زعلان منو كانو بتشاكلو بي جاي و برجعو يتصالحو بي جااي عايشين حياتهم و مبسوطين بث اختلاف المفاهيم بقت بتاثر في علاقتهم بابا ماخد الفهم الامريكي ما بحب المسؤليه عايز يعيش حياتو طلعات و اصحاب و سهرات وكان متفق مع امي انو اول خمسه سنين ما عايز اولاد ابوي كان سبهلالي شدييد😪😪 عكس امي كانت زوله رسميه و بتعرف الصح والغلط والمسؤليه اول مشكله ليهم كانت في شنو في انو ماما عايزه تشتغل علشان تملي اوقات فراغها وبابا رافض علشان كدا حاسس انها بتنقص من قيمتو كراجل وبعدين هم ما محتاجين لي مرتب زايد وماما كان نفسها تشتغل ماهي ما ضيعت سنين في القرايه و تعب وسهر و امتحانات علشان في الاخير تستلم شهاده و تقعد في البيت 😪😪اما تاني مشكله كانت في قصه السهر و الطلعات و التاخير مرات
ابوي ما برجع البيت للصباح و امي بتكون مقلقه عليهو يحليلها وقاعده منتظراهو و كل مره بتتكلم معاهو في الموضوع دا بث هو لاحياء لمن تنادي😪😪 و تالت مشكله انو ابوي كان بثق في اولاد اهلو ثقه عمياء وكل ما ماما تقول ليهو فلان عملي كذا وكذا بطلع ليها حجه وفهم انو فلان ما قاصد شي وانو الحركات دي عادي و بتحصل وانها ما تشتغل بيهو و تتجاهل البحصل و بستفزها بي قصه انها متربيه في السودان وعليتها شويه متخلفين علشان كدا صعب انها تتواكب مع الناس في امريكا وماما كانت بتزعل شدييييد من كلامو لها 😔😔وشويه شويه المشاكل كترات و كل يوم لازم يكون بينناتهم نقاش و كواريك ابوي بقي بكره البيت ومرات بغيب اسبوع وما برجع علشان يتفادي الكواريك و المشاكل 😪😪وامي ندمت انها اتزوحتو وبقت بتتضايق من وجودو معاها بتحس انها مخنوقه بث بتتزكر كل مره انها ما عندها عين تاني ترجع لي اهلها ولا كمان بتقدر تقعد براها فما ليها غير تصبر عليهو 😪😪مرت فتره كدا واتصالحو ورجعو حلوين بث ماما لخبطت في حبوبها و حملت بي ودي كانت اكبر صدمه لي ابوي ما كان نفسو يجيهو ولد لانو شايف الاولاد مسؤليه هو ما بقدر عليها في عمرو وهو لسه شاب وعايز يستمتع في حياتو 😪😪بابا من قبل ما اتولد ما كان متقبلني نهائي حاول اكتر من مره يقنع ماما تنزل الجنين😢😢 بث ما قدر وربنا اراد و جيت علي الدنيا بث الغريبه وما كان متوقع بابا يوم ولادتي كان مع امي في المستشفي مع انو قال لي امي اذا ولدتي انا ح اخليك وما ح ارجع تاني بث قلبو ما طاوعو يبعد و يخلي زوله حبها من جواهو 😔😔 بعد الولاده ومن التعب وكدا ماما اغمي عليها😭😭 فاول زول شالني كان هو بابا مع انو ما كان بعرف يشيل لانو ما شال شافع قبل كدا ولا كان بحب الشفع ف عولقني عولاق 😂😂😂 بث الحنيه كانت في عيونو ظاهره 😍😍ومن يومها حباني شديييد وقرر انو ما حيبعد مننا انا و امي كان بساعد امي في شيلي حتي وقف سهر وطلعات كان بحاول اكتر شي يقعد معانا في البيت بلعب معاي طول اليوم و تعاملو مع امي اتحسن حتي المشاكل اختفت😊😊بث بعد سنتين ماما اكتشفت انو بابا في الفتره الكانو بتشاكلو فيها كان بمش لي واحده تانيه ماما ما قدرت تتحمل فكره انو بابا خانها وطلبت منو الطلاق هو رفض وبكي ليها واعتزر ليها و اتاسف وقال ليها انو ندمان علي اللي عملو 😔😔بث ماما كانت مصره في رايها لانو خلاص طلع من نفسها قدر ما حنثها ما وافقت في الاخير ما كان قدامو شي غير يطلقها 😔😔ماما وبابا اطلقو او بالاصح ماما خلعتو لبابا لانو ما كان راضي يطلقها وما طلقها الا بعد رفعت عليهو دعوه ومحاكم و جرجره حتي اطلقو وكل واحد قلبو مكسور وزعلان 😪😪 ماما ما اتحملت تقعد هناك فجات وجابتني معاها السودان كان عمري سنتين و بطبعي من انا صغيره انطوائيه وما بدخل في الناس بي سرعه وعاقله و واعيه شدييد بث ست المشاكل شكاااله لمن بهناك وبشاغب تحت تحت 😂😈نزلنا السودان وماما خاته في راسها انو بعد ابوها اتوفي ناس بيتهم سامحوها اتصلت بي اختها الساكنه المعموره بث للاسف اختها ابت
تستقبلها في بيتها ماما حاولت كل اخوانها وكل مره بتقفل السماعه والحزن ظااااهر عليها😔😔 انا كنت زعلانه لييه بابا ما جا معانا لانو كنت متعلقه بيهو شدييييد 😭😭مع انو ماما قالت لي انوو بابا عندو شغل و حيحصلنا المهم ماما اجرت ليها عربيه وشحنت عفشها و طلعنا بحري لانو ماما كان عندها بيت هناك سجلو ليها ابوها قبل يموت عملنا خشوه لي مرت كبيره كدا في الطريق ماما شالت منها المفاتيح و طلعنا البيت طويل وصلنا وماما فتحت البيت دخلنا العفش هو بيت حلوو كبييير و مبني حلو بث كان فيهو جنس وشخ وغبار و داير تجديد 😪😪 ماما مسكتني من يدي وقالت لي تعالي ارح بيت الجيران لانو البيت شكلو ما فيهو مويه 😪😪مشيت معاها و حضنه معاي اسنوبي 😍😍(دبدوبي الخاص لونو ابيض كدا طولي او اقصر مني حبه بابا جابو لي في اخر عيدميلاد لي ومن يومها ما فارقتو اليوم كلو معاي اي طلعه بكون معااي 😍😍 وتقريبا هو اخر هديه جابها لي بابا 😢😢)مشت دقت باب جيرانا طلع ليها ولد كدا تقريبا اكبر مني بي خمسه سته سنين 😒😒ماما سلمت عليهو وقالت ليهو معليش يا ولدي نحن جيرانكم العلي اليمين ديل جينا الليله من امريكا بث لو اتفضلتو علينا بمويه صحه تبقو ما قصرتو 😊😊والولد جرا لي امو جوه و جانا راجع قال لينا اتفضلو جوه اتفضلو😁😁 امي قالت ليهو لالا مستعجلين والله😊😊 قال لينا عليكم الله اتفضلو يا خالتو 🙆🙆ماما قالت ليهو والله ياولدي لو جيناكم في ظروف احسن من كدا....
امو جات لقتنا لسه وقفين في الباب قالت ليها عااد كيفن احسن من كدي تعالو خشوو ما تخجلونا ما بيناتنا 😅😅ماما جات دايره تدخل بس انا ماسكه ليها فستانها الود دنقر لي تحت وقال لي اسمك منو يا عثل 😊😊صريت ليهو وشي و اتغطيت بي فستان امي😂😂 ماما قالت لي بيان ما تتعاوري سلمي صريت ليهو وشي زياده 😂😂قامت شالتني و دخلنا مع المره بيتهم جووه بيتهم حلو ومرتب و اساسو راقي المره دخلت المطبخ وجابت لينا معاها عصير و مويه معدنيه انا قاعده جمب امي و حاضنه دبدوبي ماما فتحت لي المويه و ادتني اشرب منها شربت و نزلت براحه رجعتها و رجعت مكاني 😅😅والله ست البيت ظريفه و وناسه وبتحب الناس ماما ما حست علي الزمن وهي بتتونس معاها بعد فتره جات بت حلبيه كدا مبقبقه ومدردمه زي كوره البولنق 😂💔لابسه ليها فستان شكلها اكبر مني بث ما بي كتير خالتو ست البنات قالت ليها سلمي يا رنو جات سلمت علي امي و مدت لي يدها عاينت ليها مسافه وصريت ليهو وشي حتي مديت لها يدي 😂😂ركبت في الكرسي و جات قعدت جمبي انا زحيت منها حبه زي الحاجه الكعبه 😂😂 قالت لي يا بت اتي اثمت منو 😕😕عاينت ليها وصريت ليها وشي😑😑 قالت لي امي بتت ما بتعرف تتلم ؟؟!😕😕 امي قالت ليها بتعرف بث علشان الجو بقي ليها غريب والناس جداد عليها فما ح تتكلم الا تاخد عليكم شويه😅😅البت سكتت وبقت قاعده تلعب بي زراير فستانها وناس امي قاعدين يتونسو البت قالت لي اديني دبدوبك دا العب بيهو معاك حضنتو شدييد وقلت ليها لا ما بديك ليهو 😑😑 مسكتو من اضانو علشان تشيلوو مني ما قدرت بث شرطت لي حته من اضانو زعلت منها زعل و تعال شوفو الدق دقيتها دق مسكتها من شعرها و جريتها تحت كراعي و لبعتها لبيع في ضهرها لمن قالت بث 😂💔امي جات مسكتني قالت لي بيان ما كدا كان ما دبدوب هو عيييب ما صح انا ما ربيتك كدا 😠😠قلت ليها ماما تلتاتو لي مااام بث تلتعو لي زي ما تان بث 😭😭😭😭😭😭قالت لي بياان انتي مش كبيره دا شنو حركات البيبي دي😠😠 قلت ليها ماما انا ما دايره اتعد هنا وديني لي بابو😭😭😭( بابا ) قالت لي يا بت بدقك 😠😠خالتو قالت ليها لالا خليها هي رونق العايزه دقه البخليها تجابد في حق الناس شنو😂😂 ماما قالت ليها لالا ياخ هو نحن ضيوف المفروض بيان تحترم ناس البيت و تتعامل مع الناس انا عايزاها تفهم انو الحاجه بتشاركو فيها الميه😪😪 خالتو قالت ليها خليها لسه صغيره والله بتعرف لمن تكبر😅😅 ماما قالت ليها والله ما كدا بث علشان الدبدوب دا بزات غالي عليها لانو اخر هديه جابها ليها ابوها فما بترضي زول يقرب عليهو حتي انا😅💔خالتو قالت ليها شكلو بتحب ابوها
شدييييد بث ليه ما جا معاكم😊😊 ماما قالت ليها والله لانو نحنا منفصلين 😊😊خالتو قالت ليها يا ساتر يا ساتر ولييه كدا و بيناتكم طفله كان تمدقي قرضه و تقبضي فيهو علشان بتكم😱😱 ماما قالت ليها والله انا فكرت في الموضوع دا بث لقيت مصلحت بتي في الانفصال ما عايزها تطلع زي ابوها ما مسؤله ولا ليها في عادتنا و تقاليدنا عايزها تتربا هنا وتاخد ادابنا و اخلاقنا 😊😊خالتو قالت ليها تصدقي عندك حق هناك ماف تربيه انتي تربي و المدرسه تخرب 😂😂ماما قالت ليها اي والله وخلاص السيره بقت تجيب سيره و الكلام بجيب كلام لحد ما المغرب اذن ماما قالت ليهم خلاص يا جماعه نستودعكم الله😊😊خالتو قالت ليها ويين الليله تبيتو معانا هنا الليله😂😂 ماما قالت ليها لا والله ماف داعي بث خالتو حلفت الا نبيت معاهم لانو بيتنا وسخان و كلو غبار قالت لينا انو بيتهم فاضي و كبير وما عندها غير طارق و رونق ماما قالت ليها ربنا يحفظهم ليكم 😊😊ماما قالت ليها بالجد ماف داعي عمو متولي جا قال ليها لا في داعي بيتكم الليله ماف زول بقدر بقعد فيهو علشان كدا خليكم الليله معانا لانو بيتكم عندو مشكله في الكهربه والمويه الا بكره اجيب ليكم ناس يصلحوهو ليكم 😊😊ماما قالت ليهم ما بتقصرو والله الله يخليكم😊😊 خالتو جهزت لينا غرفه وقالت لينا امشو ارتاحو بتكونو تعبانين و نحنا ماشين عليها كدا جاتني رنو ومعاها طارق اي واحد اداني قطعه شوكلاته عاين ليهم ومسكت يديني علي نظام انا ما عايزه ماما قلت بيان يا عثل ما تبقي كعبه عانيهم جابو ليك شنو شيليهم عاينت ليهم مسافه رنو قلت لي تيليها انا بابا جاب لي واحته تيرها 😊😊شلتها و صريت ليهم وشي ومشيت مع امي 😂😂نوقف هنا و نشوف الباقي للبارت الجااي ان شاء الله 😊😊