رواية القصه واللي كان الفصل السابع7والثامن8 بقلم رحاب القاضي


 رواية القصه واللي كان الفصل السابع7والثامن8 بقلم رحاب القاضي

_ما ابشع ان قلب متيم بعشق احدهم يهتز لغير معشوقه، وما اجمل من حاضر يريد اصلاح الماضي..

_جاء لها وهي تجلس ع ذلك السور المطل ع النيل وهو يحمل بيده تلك الحقيبه المليئه بالطعام والمشروبات البارده... 

سالي بحماس
اتأخرت لي، وجيبت اي؟.. 

يحي وهو يجلس جوارها
لقيت مطعم قريب من هنا وجيبتلك بيرجر.. 

_تناولت منه الطعام واخذت تتناول ما به من شطائر بلتذذ شديد.. 

يحي بأبتسامه وحاجب مرفوع
انا جايب اتنين ع فكره.. 

سالي وفمها ملئ بالطعام
بجد! شكرا جدا.. 

يحي بغيظ
 ايي ي حجه انا جايب ليا واحد معاكي اي الفجع ده.. 

_ امسكت تلك الشطيره الاخري واعطتها له بوجه ممتعض.. 

يحي وهو يكتم ابتسامته
 شكراً، شكلك جعانه اووي.. 

سالي
 ااه جدا ماكلتش حاجه من الصبح... 

يحي بهدوء
 لي؟.. 

سالي ببتنهيده
عشان متخانقه مع نور وكنت لازم ابينلها اني جعانه وماكولش.. 

يحي بسخريه
كنتي زعلانه؟ يعني صالحتيها بعد الكلام الرخم اللي معرفش معناه اي اللي قالتهولك.. 

سالي ببرود وهي ترتشف مشروبها
ملكش دعوه.. 

يحي بهدوء
طيب.. 

سالي وهي تضيق عينيها بشكل مضخك
 انت روحت فين؟.. 

يحي ببرود
ملكيش دعوه، هاتي الكاتشب اللي عندك.. 

سالي بعند
 لا مش هديلك حاجه غير لما تقول كنت فين؟.. 

يحي باستفزاز
 مشوفتش فحشريتك دي ي شيخه... 

سالي ببراءه
فضول مش اكتر.. 

يحي بهدوء
فمشوار... 

سالي بغيظ
مانا عارفه مشوار تبع الشغل يعني؟.. 

يحي بتنهيده
لا مشوار خاص.. 

سالي بفضول
فين بقي؟.. 

_ نظر لها بحاجب مرفوع وهو يشير لها بان تعطيه مشروبه لتضربه به بقوه فـ كتفه، ثم تابعت تناول طعامها وهي تنظر امامها بحزن مصطنع.. 

يحي وهو ينظر لها بابتسامه جانبيه
كنت بقابل اخويا.. 

سالي بابتسامه واسعه
 بجد.. 

يحي بسخريه
هكدب عليكي يعني اي بجد دي... 

سالي بتبرير
 هي بتتقال كده مش قصدي اكدبك... 

يحي بسخريه
طيب.. 

سالي بهدوء
كده عرفت عنك معلومتين ان عندك اخت اسمها عائشه واخ، في اخوات تاني؟.. 

يحي بجمود
 لا.. 

سالي بفضول
اسمه اي اخوك؟.. 

يحي بملل
 ياسين.. 

سالي بابتسامه هادئه
يحي وياسين وعائشه انت اكبر واحد فيهم صح؟.. 

يحي بنفاذ صبر
هي هتطلع امتي؟.. 

سالي بعدم فهم
هي اي؟.. 

يحي بسخريه
البطاقه.. 

سالي بغيظ
غور طيب مش عايزه اعرف عنك حاجه انت اصلا عيل نكدي.. 

يحي بابتسامه هادئه
 متزعليش خلاص، انا ي دكتوره سالي مش الكبير عائشه الكبيره وانا بعدها وياسين اصغر منى قدك تقريبا، عائشه اختي عندها بنت اسمها قمر ع اسم ماما.. 

سالي بأبتسامه واسعه
 اي ده انت بتقول ماما مش امي او الحجه سوو كيوت اووي وانت بتقولها.. 

_ رمقها يحي بغيظ، ثم جذب منها تلك الشطيره التي تتناولها ووضعها ووضع خاصته بذاك الكيس.. 

يحيي
انا متربتش اني عاملك قيمه قومي يلااا.. 

سالي باعتراض
 مترخمش بقي والله جعانه.. 

يحي بحده
كلي فبيتكم قومي يلاااا.. 

سالي بغيظ وهي تتجه للسياره
 ابو شكل اللي يهزر معاك تاني ي غلس.. 

_ ذهب وصعد بجوارها فالسياره، وقادها بجمود وكانت هي تنظر للنافذه بملامح غاضبه.. 

يحي بهدوء
سالي.. 

اجابته بضيق
اممم.. 

يحي بخبث
في دكتور تجميل قريب من هنا اي رئيك نروح ندور ع مناخرك ونوديها ليه يحطهالك فوشك.. 

_ امسكت هي بانينة الماء الصغيره التي كانت موضوعه امامها بالسياره والقتها عليه بقوه، لينفجر هو ضاحكاً ع غضبها، فحين نظرت هي مجددا من النافذه وهي تبتسم بهدوء ع مشاكسته لها.. 

_ اوقف السياره رغماً عنه عندما اعترضت سيارته سياره اخري سوداء ضخمه محمله بأربع رجال ينزلون من سيارتهم يحملون اسلحتهم ويوجهونها عليهم.. 

سالي بخوف شديد واعين متسعه
 اي ده مين دول؟.. 

يحي بابتسامه هادئه
متخفيش محدش هيعملك حاجه، دول جايين عشاني وانا مستنيهم.. 

سالي بتنهيده
ي شيخ خضتني يعني دول صحابك.. 

نظر لها بعدم تصديق واردف وهو يشير لرأسها
 الدماغ دي دخلت طب ازااي افهم.. 

سالي بصياح ونظرات مزعوره
ينهار اسود يعني دول مش صحابك... 

_يحي وهو يهم بالهبوط ويتاكد من موضع سلاحه بملابسه..

يحيي
 لا مش صاحبي، خليكي هنا ومتتحركيش... 

سالي بدموع وهي تمسك زراعه
متمشيش انا خايفه.. 

يحي بابتسامه مرحه
طبيعي تخافي ده انا نفسي خايف.. 

نظرت له بدموع، ليردف بنفس نبرته المرحه
 محدش هيعملك حاجه المهم خليكي هنا ومتحشريش مناخيرك فدي كمان.. 

_ ابتسمت بهدوء، فحين هبط هو من السياره بهدوء شديد، ووقف امامهم وهو يشعل سيجارته..
 
واردف بهدوء شديد وهو ينفث دخانها
اتاخرتو ي شباب.. 

اردف احدهم بسخريه
 كنت باعت اجيبلك شجره ولمون عشان تقعد بمزاج مع المزه.. 

_ كانت هي تتابع ما يحدث وعيناها غارقه بدموع الخوف، وجسدها ينتفض بقوه وتتجسد امامها مشاهد متقطعه لفتاه صغيره تهرول بمكان ما وخلفها اربع رجال يلتفون حولها ويضحكون بشكل مرعب... 

يحي وهو يستدير للسياره ممجدداً
طيب دقيقه اسألها عايزه لمون ولا حاجه تانيه.. 

_ قبل ان يتقدم خطوه اخري، اطلق احدهم عليه رصاصه مرت بجانب رأسه جعلته يتوقف وهو يغمض عيناه بأنفاس متسارعه وابتسم بزاوية فمه واستدار لهم.. وهو يردف بجمود.. 

يحيي
عمر عزام قالكم تعملو اي؟.. 

اجابه الاخر بهدوء
قالنا نخلص عليك.. 

_ تقدم يحي منه بخطوات ثابته جعلت الاخر يهتز قليلاً.. واردف وهو يقف امامه مباشرتاً... 

يحيي
خلص يلاا عشان مش فاضي.. 

_ كاد الاخر ان يجيبه، ولكن كانت حركة يحيي المباغته الاسرع عندما لكم ذلك الشاب الذي يقف يتابع ما يحدث وثم اخرج مسدسه واطلق ع قدم الاخر منه، واطاح سريعا برأسه فانف ذلك الرجل الذي كان يحدثه بعد ان قام بلوي يده التي كان يحمل به سلاحه، فحين لكم بقدمه يد ذلك الرابع الذي كاد ان يطلق النيران عليه ولكنها اصابت الهواء.. واردف وهو يضع المسدس ع رأس كبيرهم واشار لذلك الذي يقف امامه.. 

يحيي
لو اتحركت حركه مش ع مزاجي هتكون الطلقه التالته النهارده فقلبك.. 

يحي وهو يطلق احدي الرصاصات ع قدمه، ليسقط الاخر متأوهاً بقوه، ثم دفع ذلك الذي كان يكبله بيديه.. واردف بحده..

يحيي
 تترمي جنبهم واي حركه مش ع مزاجي انت عارف هيحصلك اي، انتو لسه متعرفوش مين اناا.. 

_نظر له الاخر بغيظ، فحين ذهب يحي وجمع اسلحتهم جميعاً وقام بوضعها فالسياره الخاصه بهم وذهب واتكئ ع سيارته واخرح هاتفه وهو ينظر بهدوء شديد لهؤلاء الجالسين ارضا يتألمون بقوه.. 

يحي بضيق
وقت ده تقفل الموبيل ي خالد .. 

_ اعاد الاتصال باحدهم الذي اجابه سريعا.. 

يحي بجمود
 اسمع ي توني هبعتلك لوكيشن هتجيب الرجاله وتجيلي عليه بسرعه.. انا واقف ع قبل البنزينه اللي ع اول الطريق بشويه.. 

توني بهدوء
طيب ربع ساعه بالكتير وهنكون قدامك.. 

_ اغلق يحي معه وحاول يختلس النظر لها، ليجدها تضع رأسها ع نافذة السياره وتغمض عيناها بهدوء.. 
يحي وهو يعيد نظره لهؤلاء وهمس لنفسه: ربنا يهيديها.. 

ــــــــــ #بقلم_الكاتبه_رحاب_القاضي ــــــــ
_في منزل الهام والدة... 
_ذهبت لتفتح باب منزل والدها الذي كان يُطرق بعد ان وضعت حجابها، لتجد ذلك الشاب يقف امامها.. 

الهام بملامح يكسوها الضيق
 نعم؟.. 

اجابها الاخر بتوتر
 ااا انا كنت جاي عايز اتكلم مع عمي زينهم فكلمتين، بس كويس اني شوفتك.. 

الهام بحده
 انت عايز اي ي فاارس. واي كلامك ده؟.. 

فارس بغيظ
لا مش قصدي حاجه ي مدام انا كنت جاي اقولكم حاجه بخصوص سليم اخوكي... 

الهام بلهفه شديده
سليم هو كلمك؟ انت تعرف عنه حاجه؟.. 

فارس بحزن
لااسف لا بس في حاجه لازم تعرفوها.. 

الهام وهي تفسح له المجال للدخول
طيب تعالى اتفضل وانا هصحي بابا.. 

فارس بسرعه
 لا استني.. 

الهام بقلق قبل ان تغلق الباب
في اي قلقتني؟!.. 

فارس بجديه
 سيبي الباب مفتوح وتعالي اسمعي اللي هقوله انتي الاول.. 

الهام وهي تجلس ع احد المقاعد
خير؟.. 

فارس بتنهيده حزينه
من شهرين كده انا وسليم اتقبض علينا.. 

الهام بشهقه ونظرات مزعوره
اي اللي بتقوله ده وازاي محدش فينا يعرف؟.. 

فارس بجديه
طيب استني بس اوسمعيني.. 

اومئت له برأسها فتابع هو
 ابو نيره هو اللي طلب يتقبض علينا وطلعوني انا وبعتوه هو ع امن الدوله.. 

الهام ببكاء شديد
 ي حبيبي ي اخويا طيب هو عمل اي لكل ده وفينه دلوقتي؟.. 

فارس بحزن
 للاسف انا معرفش هو فين كل يوم بسأل عنه واستني اعرف عنه حاجه وقتها اجي واقولكم بس مفيش اي خبر عنه فقولت اجي اقولكم وتخلي جوزك بمعارفه بتصرف.. 

الهام ببكاء ونبره ساخره
شوقي مش هيعمل حاجه لانه مبيحبش سليم، وبابا لو عرف حاجه زي دي هيروح فيها، انا بجد مش عارفه اعمل اي.. 

فارس بجديه
انا موجود ي الهام وهفضل ادور عليه... 

الهام ببكاء
 شكرا ي فارس.. 

_ نظر لها مطولا بحزن ونظرات مؤنبه، فحين نظرت هي ارضا بحزن شديد.. 

نهض واردف بهدوء
 همشي انا ولو احتاجتي حاجه رقمي متغيرش انتي لسه حفظاه، ولو انا عرفت حاجه جديده هاجي هنا واقولكم.. 

الهام بسرعه
متقولش لبابا قوله سافر راح اي حته لحد منلاقيه.. 

فارس وهو يذهب للخارج
 ماشي سلام.. 

_ ودعته واغلقت الباب، وجلست تبكي بقوه ع شقيقها، فحين بقي هو بالخارج ينظر للباب بدموع متحجره.. 

واردف بصوت هامس حزين
ياريت اقدر اقولك انك وحشتيني ي حب عمري، وياريت اقدر اقولك انا اسف اني كنت السبب فاللي حصل لـ سليم.. 

_ ذهب سريعا من امام منزلها وهو يمسح عينيه بظهر يده... 

ــــــــــ #بقلم_الكاتبه_رحاب_القاضي ــــــــ

يحي بجمود
 فهمت هتعمل اي ي توني.. 

_توني هو ورجاله وهم ينظرون لهؤلاء الجالسين ارضا بشماته... 

توني
فاهم ي كبير والله مفي حد كبير غيرك، انت عملت في فخري بلطجي المناطق كلها كده لوحدك ده انت علمت عليه هو ورجالته والله كبير ولا اي ي رجاله.. 

_ ايده الجميع بقوه.. 

يحي بهدوء
طيب نخلص الموضوع طيب مش عايز غلطه مفهوم.. 

توني بجديه
 اعتبره حصل، انت هتيجي معانا.. 

نظر يحي بقلق لسالي التي مازالت ع وضعها
 لا انا هروح الدكتوره من طريق تاني، وانتو خلو بالكم.. 

توني
 تمام ي كبير.. 

_ ذهب يحي بأتجاه سيارته وصعدها سريعا، ثم نظر لها واردف باسمها عدة مرات ولكنها لم تجيب.. 

يحي بقلق
وقتك ده ي سالي.. 

_ قاد السياره عائداً لمنزلهم... 

ــــــــــــــــــــــــــــــــــــــــــــ

_ دلفت الهام داخل منزلها، ليهرول لها صغيرها يحتضنها بقوه.. 

الهام بابتسامه هادئه
 وحشتني ي حبيبي.. 

قبل ان يجيب الصغير، جاء صوته القوي وهو يردف بحده...

شوقي
 كل ده تأخير ي هانم.. 

الهام بملامح حزينه
معلش ي شوقي بابا كان تعبان شويه وروحت وديته للدكتور.. 

شوقي بحده 
متتكررش ي الهام مش وكاله من غير بواب هي فاهمه.. 

الهام بحده
 في اي ي شوقي مانا كلمتك مرديتش عليا.. 

شوقي بغضب
مرديتش عليكي يبقي متغوريش اي مكان غير لما اعرف.. 

الهام بضيق
بالله عليك انا فيا اللي مكفيني روح البلكونه شوف كنت بتعمل اي ولا مستني اي وانا هدخل انام.. 

شوقي بتوتر
هكون بعمل اي يعني فالبلكونه، بشم هوا بعيد عن النكد اللي عايشه معاكي ومع الست هانم اللي تحت.. 

_ حملت الهام صغيرها الذي كان ينظر لوالديه بحزن واتجهت لغرفتها، ولكنها استدارت له.. واردفت بابتسامه رقيقه مثلها... 

الهام
شوقي.. 

نظر لها واجابها بجمود
عايزه اي؟.. 

الهام بملامح هادئه
 متزعلش هنيم يوسف واجي اجهزلك العشا وارضيك.. 

ابتسم لها واجابها بهدوء
 ماشي مستنيكي.. 

_ ذهبت هي بصغيرها لغرفتها، ودلف هو مجدداً لشرفة منزله، لتتحول ملامحه للغضب وهو يري سيارة يحي تقف امام منزل مندور و... 

_ بالاسفل.. 
ـــــــــــــــــــــ
ـ وقف يحي بسيارته، ثم استدار لها وهو يضع يده بتردد ع وجهها الصغير.. 

واردف بهدوء
 سااالي. ساالي ي بنتي فوقي بقي.. 

_تنهد بضيق، ثم امسك بهاتفها الذي كان ع قدمها، وفتحه من خلال بصمة اصباعها، وما ان فتحه حتي رفع حاجبه بتعجب ما ان رأي صورته فهاتفها هل هي تحتفظ بصورته ولماذا، نظر لها مطولاً بتنهيده طويله، ثم خرج من تلك الصوره وبحث عن رقم نور الذي كانت تتصل به دوما ً وقام بالاتصال بها ولكن وجد هاتفها مغلق.. 

_ تنهد بضيق، ثم اخرج هاتفه وقام بالاتصال بصفيه التي اجابته سريعاً.. 

صفيه بخبث
 اي الشوق جابك تاني بالسرعه دي؟.. 

يحي بحده
تعالي ي صفيه ع شقة خالد.. 

صفيه بغضب
 نعمم انت فاكرني اي ان.. 

يحي بمقاطعه
 اهدي ي وليه، سالي تعبانه ومغمي عليها ومينفعش اطلعها للحج مندور بالشكل ده هيحصل قلق، فتعالي باتي معاها هنا وانا وخالد هنبات ع السطوح يلااا.. 

صفيه بقلق
طيب هغير هدومي وجايه علي طوال... 

_ اغلق يحي معها، ثم نظر لسالي مجددا.. واردف بابتسامه جانبيه...

يحيي
 انتي لو تعرفي انا هجيبلك مين يقعد معاكي هتقومي تجري دلوقتي.. 

_ هبط من سيارته، واتجه اليها فتح الباب ومال بجسده للامام واضعاً زراعه اسفل قديها والاخر اسفل ظهرها وجذبها برفق شديد للخارج واغلق الباب بقدمه وذهب للداخل، تحت نظرات شوقي المشتعله غضباً.. 

شوقي وهو يضرب يده بالخائط بقوه
وحياة امك لتكون اخر ليله ليك هنا .. 

_ ثم اخرج هاتفه و............ 

_ وصل امام شقة خالد طرق الباب بقدمه بقوه وهو ياخذ انفاسه بصعوبه، فتح خالد له وهو عيناه منتفختين وحمراويتين بقوه، ولكن صعق بقوه ما ان رأي يحي يحمل سالي بين يديه ويقف امامه.. 

خالد بغضب
 هي مالها؟ انت عملت فيها اي؟.. 

يحي بحده
 اوعي ي عم من قدامي ضهري اتقطم وبعدين اقولك.. 

_ افسح له خالد المجال ليدلف بها الاخر ووضعها داخل غرفته ع فراشه.. واردف بغيظ.. 

يحيي
ي شيخه بجد اي ده مصدقت تنام دي.. 

خالد وهو يجذبه من زراعه بغضب
سالي مالها ي يحي مش هسأل تاني.. 

يحي بتنهيده طويله
كانت معايا بره وانا وراجع عمر عزام باعت واحد اسمه فخري بيقول انه كان عايز يخلص عليا وهي شكلها خافت واغمي عليها.. 

خالد بحده
اقسم بالله انا كنت عارف ان هيحصل كده، طيب وانت عملت اي؟.. 

يحي ببرود
 ولا حاجه قومت بيهم وتوني هيظبط الدنيا وابقي اقولك بعدين ناوي اعمل اي، المهم انا كلمت نور تفتحلي عشان كنت اودي سالي تحت موبيلها مقفول.. 

خالد بتنهيده حزينه
مهو خالي اخد منها الموبيل قدامنا... 

يحي وهو يضرب ع رأسه بتذكر
 اااه صح، المهم انا كلمت صفيه.. 

خالد بأنكار
كلمت مين ي اخويا.. 

_ صدح صوت طرق ع باب شقته ليذهب ويفتح ويجدها صفيه التي دلفت للداخل، لتجد يحي وخالد امامها.. 

صفيه بقلق
 البت فينها، وحصلها اي؟.. 

يحي بجمود
 هي جوه خليكي جنبها وانا وخالد هنطلع نبات فوق.. 

صفيه بجمود
استني ي يحي عايزاك.. 

خالد وهو يتجه للخارج
طيب انا طالع انام ابقي خلي بالك منها ي صفيه.. 

_ ذهب خالد للخارج، فحين اغلقت صفيه الباب خلفه ووقفت امام يحي وهي تضع يديها بخصرها.. 

واردفت بحاجب مرفوع
كانت معاك بتعمل اي البت دي؟.. 

_يحي وهو يمرر اصابع يده بدقنه الطويله بعض الشئ قائلا

يحيي
 حاجه متخصكيش ومتصدقيش نفسك ي صفيه.. 

صفيه بغضب
 طيب ي عم الحبيب انا مش ببات فبيوت حد.. 

يحي بحده
البت فاقده وعيها جوه خلي عندك دم وخليكي معاها.. 

صفيه بسخريه غاضبه
حنين اووي، استني افوقهالك وامشي... 

يحي بسخريه ايضا
 هتفوقيها ازاي للاسف معندناش بصل هنا.. 

صفيه وهي تتجه لتلك الغرفه التي توجد بها سالي
 تعالي شوف هفوقها ازاي.. 

_ ذهبت صفيه للداخل، فحين وقف يحي امام باب الغرفه يتكئ بجزعه العلوي ع الباب وهو عاقد ساعديه امام صدره، فحين ذهبت هي وامسكت احدي زوجاجات المعطر خاصته وافرغت جزء كبير منها ع يدها ووضعته امام انف سالي، لتعقد الاخري حاجبيها بأنزعاج، فكررت صفيه ما فعلته مجددا، فحركت سالي رأسها يميناً ويساراً بأنزعاج.. 

يحي بتعجب
والله كويس ده انا كنت فاكر ده فالافلام بس.. 

صفيه وهي تربت ع يد سالي
 قومي يختي قلقتي الباشا عليكي... 

سالي وهي تفتح عينيها ببطئ
انا فين؟... 

صفيه وهي تربت ع يدها بهدوء
قومي انتي فالبيت في اوضة يحيي ونايمه علي سؤيره يا ست الدكتوره.. 

_ نهضت سالي سريعاً بفزع.. واردفت بصوت مزعور..

سالي
 يحي، فين يحي.. 

يحي وهو يقف امام الفراش واجابها بقلق
انا هنا اهو متخفيش.. 

سالي بدموع
انت كويس هما ضربو عليك نار.... 

يحي بابتسامه هادئه
 انا كويس اهو قدامك اهدي.. 

صفيه بغيظ
مهو زي القرد قدامك اهو ي ختي اهدي شويه.. 

_ نظرت سالي لصفيه بغضب وظهر الضيق ع وجهها الذي اصبح شاحباً اثر عدم تناولها للطعام، ثم نظرت ليحي بغضب.. وقالت.. 

سالي 
وكمان جايبها لحد هنا انتو البجاحه هتوصلكم لاي تاني.. 

_اتت لتنهض سريعا بغضب، ولكن اختل توازنها، ليذهب لها يحي بعفويه وقلق ويحاول اسنادها.. 
سالي وهي تدفعه بعيداً عنها...

سالي
 ابعد عني خليك جنب الهانم بتاعتك.. 

صفيه بحده
متعدلي كلامك ي حبيبتي انا جيت عشان هو كلمني وقالي انك واقعه من طولك.. 

سالي وهي تنهض مجددا بهدوء
بجد.. كتر خيرك.. 

يحي بحده
سالي اقعدي صفيه هتبات معاكي مش هينفع تنزلي دلوقتي عشان محدش ياخد باله من حاجه.. 

سالي وهي تتجه للخارج
معايا مفتاح هدخل ومحدش هياخد باله.. 

_ كادت ان تذهب ولكنها استدارت ونظرت لصفيه بغيظ.. واردفت... 

سالي
وانتي ي هانم هتباتي عندك ولا هتمشي.. 

_صفيه وهي تتجه للخارج بخبث تحت ضحكات يحي المكتومه ع غضب سالي..

صفيه
 لا همشي.. 

ثم نظرت ليحي واردفت بنبره رقيقه
هبقي استناك ي يحي.. 

_ وذهبت من امام سالي وهي تتميل بجسدها بشكل ملفت.. 

سالي وهي تنظر لها بغيظ وتقلد نبرتها
 هبقي استناك ي يحي.. 

يحي وهو يكتم ضحكاته
سالي.. 

سالي بغضب
عايز اي؟.. 

يحي بهدوء
ابقي خلي بالك وانتي نازله عشان لسه دايخه وكلي حاجه ونامي.. 

سالي بغيظ
 ملكش دعوه.. 

يحي بمرح
شوف مين بيتكلم ويقول ملكش دعوه حشريه هانم بنفسها.. 

_ امسكت احدي الفازات، وكادت ان تقذفه بها بغيظ.. ليردف سريعا وهو يضحك بقوه 

يحيي
بهزر ي صلاح احنا اسفين... 

_وضعت الفازه مكانها، واتجعت للاسفل وهي تنعته بصوت عالي...

سالي
 رخمم ومستفز.. 

_ ابتسم هو باتساع وهو يلقي بجسده ع الفراش، ثم بعد لحظات ذهب فثبات عميق.. 
ــــــــــ #بقلم_الكاتبه_رحاب_القاضي ــــــــ
_في منزل فرح

فرح بحده
يلا ي كريم افطر بسرعه عشان نلحق نحل باقي الواجب اللي معملتوش امبارح.. 

كريم بابتسامه بريئه
مانا كنت هعمله بالليل بس نمت.. 

_فرح وهي تمسك وجهه الصغير بكفيها وتردف بمرح... 

فرح
ااه منك ياللي بتفكرني بنفسي وانا صغيره انت.. 

كريم بمرح
 اي ي مامي هو انتي مكنتيش بتخلصي الواجب زيي.. 

فرح وهي تتناول بعض الفطائر
 لا ي حبيبي انا مكنتش بعمله خاالص.. 

_ضحك الصغيره بمرح، ثم هرول لمحمد الذي خرج من غرفته للتو وهو يتأكد من موضوع مسدسه.. 

كريم بمرح وطفوله
بابي مامي مكنتش بتعمل واجب وهي صغيره.. 

_محمد بابتسامه واسعه وهو يجلس معهم ع طاولة الافطار.. 

محمد
ماما مكنتش بتعمل اي حاجه وهي صغيره، كنت انا بعمله ليها.. 

نظرت له بشك محمد بمرح
 انكري لو تقدري.. 

فرح بغيظ
 كنت بتعمله فابتدائي بس وده كان سبب فشلي ع فكره لاني كان لازم اتعود اعمله لوحدي،بس البركه فيك.. 

محمد وهو يضرب كف بالاخر بابتسامه هادئه
لا حول ولا قوة الا بـ الله يارب بقي خير تعمل شر تلقي فالزمن ده.. 

_ابتسمت هي بهدوء، ثم اخذت صغيرها وقامو بأكمال مهامه الدراسيه.. 

محمد وهو يتناول الافطار
 خليل اخوكي ونهي مراته جاين بكره عندنا.. 

فرح بانزعاج
جايين لي؟.. 

محمد بهدوء
هو عزم نفسه اقوله لا متجيش... 

فرح بأنزعاج
لا يجي بيتك وانت حر.. 

_ تابعت هي ما تقوم به مع صغيرها، فحين صدح رنين هاتفه هو ليأخذه ويتجه للشرفه... 

محمد بهدوء
صباح الفل ي عمر باشااا.. 

عمر بجمود
اسمع ي محمد في بضاعه هتعدي من كمين بالليل عندكم تسيبها.. 

محمد
بس مش انا اللي هكون بالليل فالكمين.. 

عمر بحده
 اتصرف ي حبيبي المهم البضاعه تعدي هي مش كتير.. 

محمد بتنهيده ضيق
حاضر ي باشاا، المهم شوفتلي حكاية الواد اللي سألتك عليه... 

عمر بهدوء
الواد ده بعيد عنك وانصحك تبعد عنه لانه دلوقتي بقي تبع شغلنا ومعانا.. 

محمد بغيظ
بس ي باشا ا.. 

عمر ببرود
 اقفل دلوقتي مش فاضيلك، وهبقي اكلمك قبل متعدي البضاعه بشويه.. 

_اغلق عمر معه، ليتنهد محمد بغضب واطلق سبه لازعه ع عمر، ثم دلف للداخل، ليجلس ع مائدة الافطار مجدداً.. 

اردف بغضب
انتي ي زفته.. 

فرح بقلق
 نعم في اي؟... 

محمد بحده
 انتي هتردي عليا من عندك.. 

نهضت وذهب لتقف امامه... محمد بغضب
 الشاي ده مش حلو، انا من امتي بشرب الشاي بسكر كتير كده؟... 

فرح بتنهيده حزينه
ي محمد الشاي مظبوط زي كل يوم وانت شربت منه من شويه ومتكلمتش.. 

_امسك هو كوب الشاي وسكبه ع ملابسها بغضب ولحسن حظها لم يكن ساخن كثيراً.. وصاح بغضب

محمد
 لما اقول انه زياده يبقي زفت فاهمه ولا لا.. 

_ كتمت غضبها ودموعها وهي تري متابعة صغيرها لهم وهو يبكي بصمت واومئت برأسها بنعم... 

محمد وهو يذهب للخارج
يلا ي كريم هوصلك فطريقي.. 

_ذهب الصغير واحتضن والدتها بحزن، ثم اخذ حقيبته وذهب خلف والده، وذهبت هي وجلست تبكي بقوه ع تلك الاهانه التي تتعرض لها دوماً من زوجها، تذكرت ان غدا سيأتي شقيقها لهم فأبتسمت بمراره وهي تتذكر.... 

_فلاش بااااااااااك.. 
ــــــــــــــــــــــــــــــ
يحي بضيق
اسف اني جيبت الزفت ده. معايا فاول مقابله بينا.. 

اجابته بسرعه ونفي
 لا عادي طبعا، بالعكس ده لطيف وامور اووي.. 

ياسين بمرح
خلاص اقعد انا معاكي وخلي يحي يروح.. 

_ ضحكت هي بقوه تحت نظرات الغيظ من يحي تجااه الصغير.. 

يحي بغضب
كلمه كمان ي ياسين وهرميك بره الكافي كله.. 

ياسين وهو يتابع تناوله للعصير بغضب طفولي
 سكت اهوو.. 

يحي بهدوء وهو ينظر لفرح
اي اخبار الدراسه معاكي.. 

فرح بمشاكسه
ع فكره انت لسه سألني الصبح نفس السؤال، نَوع ي عمم.. 

يحي بمرح
ي ستي بمهد اصبري عليا.. 

_ ضحك الاثنين بهدوء.. يحي وهو يضع يده امام فمه من جهة شقيقه واردف بصوت هامس..

يحيي
 وحشتيني.. 

_ اخذت تفرك بيديها بتوتر وهي تنظر له بوجه احمر خاجل.. 

يحي بمرح
لا مش وقته والنبي احنا متراقبين وده عيل دماغه شمال بلاش الكسوف ده.. 

ياسين بملل
خد راحتك انا سمعت وطنشت اصلا.. 

_ ضحكت فرح ع ما تفوه به ياسين بقوه.. يحي وهو ينهض ويجذب فرح من يدها و ويتجهون لطاوله اخري.. 

يحيي
طيب مدام انت مفتح اووي كده اترزع لوحدك واحنا ع الترابيزه اللي جنبك.. 

فرح وهي تجلس ع الطاوله الاخري امام يحي
كده ياسين هيزعل ع فكره.. 

يحي بمرح
يتفلق المهم وحشتيني.. 

فرح باحراج
 انت برضو قولتلي كده من شويه.. 

يحي بجديه مرحه
 لا دي حاله استثنائيه يعني الكلمه دي هنعتمدها تتقال ع طول.. 

فرح باعتراض
لا ازاي يعني انا بتكسف وبابا ع فكره لو كان يعرف انك هتقولي كده مكنش هيوافق نخرج مع بعض.. 

يحي بمرح
خلااااص ي ستي هو انا قولت اي ده انا يدوب قولت وحشتيني.. 

فرح بتوتر شديد
برضو ي يحي.. 

يحي بابتسامه هادئه
خلاص مش هقول تاني.. 

تابع بهدوء
فرح هو انا بوحشك.. 

نظرت له مطولاً ثم صمتت وقال يحي بغيظ
لا والنبي؟ فهمت اي كده انا.. 

فرح بابتسامه هادئه
ااه بتوحشني واتلم بقي.. 

يحي بابتسامه واسعه
حاضر هتلم، تشربي اي بقي.. 

_ اخذ يتحدثون سويا بمرح، حتي عادت هي للمنزل..لتجد شقيقها ووالدها يتجادلون بقوه.. 

فرح بقلق
خليل انت جيت امتي ولي بتزعق كده؟.. 

خليل بحده
انتي موافقه ع ابن المكانيكي ي فرح ولا موافقه بمحمد، محمد بيحبك وانا متفق معاه ع انه هيخطبك بعد متخلصي المدرسه.. 

فرح وهي تذهب وتقف بجوار والدها
لا طبعا انا مش موافقه بمحمد ولا هوافق بيه، ده انسان اناني وعصبي ومتملك.. 

خليل بغضب
 انتي ازاي تتكلمي عن ابن عمك كده ي قليلة الادب.. 

عزت بحده
عندك ي ولد، انا ديما باجي معاك ع اختك عشان بقول انت الكبير وعارف اكتر منها، انما لحد ما عايز تتحكم فيها وكاني ميت مليش وجود فده مش هسمحلك بيه، وانا عارف محمد وعارف يحي ولما هجوز بنتي هجوزها لراجل زي يحيي مش ابن عمك اللي مش معاه غير التكبر وقلة الادب والسفا*له وانت خلاص قربت تبقي نسخه منه من كتر لمتك عليه.. 

خليل وهو يتصنع الهدوء
 ي بابا والله محمد عقل خلاص وبطل لعب العيال ده وهو اولي بفرح وهيخاف عليها ده من دمنا ومننا وبعدين انا مديله كلمه.. 

عزت بغضب
 وانت مجيتش واخدت رأيي فانك تديه كلمه ولا حتي تكبرني فمتستناش مني اكبرك.. 

خليل بغضب
يعني اي الكلام ده؟.. 

عزت بغضب
يعني خطوبة اختك اخر الاسبوع الجاي، هتحضرها يبقي بادبك قدام الناس مش هتحضرها يبقي تغور فداهيه.. 

نوال بغضب لفرح
 عجبك اللي بيحصل بسببك ده ي فرح.. 

عزت بحده
 نوال محدش له دعوه بفرح مفهوم.. 
ــــــــــــــــــــ
_ فاقت من شرودها وابتسمت بحزن وهي تمسح دموعها.. 

واردفت بحزن
ربنا يرحمك ي بابا، انت لو كنت موجود انا مكنش هيحصلي كل ده،ولا يحي كمان كان هيتأذي منهم زي ما حصل. 

ــــــــــ #بقلم_الكاتبه_رحاب_القاضي ــــــــ
_في ورشة مندور

مندور بابتسامه هادئه
طيب ع بركة الله ناوي ع امتي بقي.. 

توني بهدوء
ع الخميس الجاي الفرح هعمله هنا فالحته وسط اهلي وحبابي.. 

خالد وهو يربت ع كتفه
مبروك ي اسطا ربنا يتمملك بخير.. 

يحي بهدوء
 مبروك ي توني.. 

توني بابتسامه واسعه
الله ي يبارك فيكم عقبالكم.. 

مندور بنظرات خبيثه
قولهم واحد ماسكلي انه لسه صغير والتاني معدي التلاتين من 3 سنين وقاعد زي خيبتها.. 

يحي بمرح
اي يحج مندور، طيب واخد دور ابويا وقولنا ماشي تستحقه وبزياده، انما هتاخد دور الحجه كمان.. 

_مندور وهو يقذفه بعلبة المناديل التي كانت امامه ع المكتب.. 

مندور
حجه فعينك ي ولد.. 

_ قطع جلستهم دلوف احد رجال مندور وهو ينظر ليحي بقلق.. 

مندور بهدوء
 نعم ي اسامه في اي؟.. 

اسامه بتوتر
 في حاجه كده ي حج الحته كلها جايبه فسيرتها من صباحية ربنا.. 

مندور بقلق
 حاجة اي اتكلم ع طول.. 

تنهد اسامه واردف بضيق
 في حد ناشر فالحته ان الدكتوره سالي ويحي في حاجه مش تمام بينهم.. 

نهض مندور وضرب ع الطاوله امامه بغضب
مين اللي اتجرأ يجيب سيرة بناتي بحاجه زي دي.. 

يحي بغضب
اكيد الزفت شوقي.. 

خالد بجمود
استني ي يحي هو مقالش شوقي.. 

اسامه
معرفش مين قال كده محدش قال مين، بس بيقولو كمان ان يحي كان راجع بالليل متاخر والدكتوره معاه وكان شايلها و.. 

يحي بحده
اسامه خلاص.. 

مندور بنظرات ناريه ليحي
 الكلام ده حصل.. 

يحي بأنزعاج شديد
ي حج ا... 

مندور بحده
حصل ولا لا؟.. 

يحي بتنهيده غاضبه
حصل.. 

مندور بهدوء حاده
ودي تعتبر اصول؟.. 

يحي بملامح غاضبه للغايه
 لا.. 

مندور وهو يذهب للخارج
 تعالي ورايا وتقول حاضر وبس.. 

_ ذهب جميعهم للخارج.. مندور بصوت عالي للغايه تجمع حوله جميع المنطقه.. 

مندور
هما كلمتين هقولهم واللي هيعمل حاجه مش ع مزاجي بعدها ملوش مكان فمنطقة مندور العشري اللي خيره مغطي ع الكل.. 

_ دلفت صفيه خارج المقهي الخاص بها وايضا شوقي الذي كان ينظر لما يحدث بشماته، فحين دلفت زوجاته الاثنين ينظرون من شرفات منازلهم لما يحدث بفضول، وايضا سالي ونور وسعاد وكلاهما لم يفهم شئ..

 اردف احد الرجال
 خير ي حج مندور لي الكلام ده هو حد دايقك فحاجه احنا نجيبلك حقك وميقعدش وسطنا من دلوقتي.. 

مندور بغضب
 انا هقول اللي عندي، انا وحده من بناتي الحته كلها من الصبح عامله سيرتها لبانه فبوقها وعماله تقطع فيها وفربايتي.. 

 نظر الجميع لبعضهم بقلق مندور بحده
 اللي بيحصل معاه فيكم مشكله بيجيلي وانا بحلهاله، ويوم م بنتي حد جاب سيرتها بحاجه محصلتش محدش كلف نفسه يجي يسألني عن السبب ده انتو مسكتو سيرتها وفضلتو تذودو كمان كلام من عندكم.. 

صاحت احدي السيدات
بتقطع لسان اللي يقول كلمه عيب ع ست الدكتوره احنا بس بنقول اللي سمعناه، ومش مصدقين سوا الدكتوره سالي او الاستاذ يحيي مصدقناش ولا كلمه.. 

_ شهقت نور وسالي بصدمه وايضا سعاد التي ضربت ع صدرها بيديها بصدمه.. 

صاح شوقي بغضب
مهو اللي كان سبب فالكلام ده ي خالي الواد الغريب اللي انت مقعده وسط اهل بيتنا.. 

_ ابتسم يحي بغيظ وهو يقطم ع شفتيه السفله ويتوعد لشوقي بالكثير وهو متأكداً بأن شوقي هو المتسبب بذلك... 

مندور بغضب
ويحي مش غريب ده ابني اللي مخلفتوش ويتأمن ع الدهب ي شوقي.. 

نظر له بخبث وتابع
وكمان هو صاحب بيت هو اشتري مني الشقه اللي فالتالت زي خالد، يحي اللي قري فاتحة الدكتوره سالي من فتره ومستنين تخلص امتحانات ونعلن الموضوع.. 

_نظر الجميع له بتعجب، وبالاخص سالي التي اتسعت عينيها بصدمه ونور وسعاد الذين اتسعت ابتسامتهم بقوه..  بدأ الجميع يرسل التهنئات لمندور وليحي.. 

خالد بهمس ليحي
 انت طلبت ايد سالي من غير متقولي اخص.. 

يحي بغضب مكتوم
 اسكت مش ناقصه غباء.. 

_ نظر شوقي بغضب لمندور الذي نظر له بحده ودلف لمحله وهو يتاكل غضباً.. 

صاحت نور من الاعلي بمرح
بابا اطلع دقيقه عايزاك وهات فايدك يحي.. 

_نظر لهم مندور بحده، ليدلفون للداخل سريعا، وذهب مندور لمكتبه مجدداً.. 

_وضعت صفيه يديها بخصرها وهي تنظر بتهكم ليحي الذي كان يسيطر ع غضبه باعجوبه، ثم ذهب خلف مندور واغلق الباب بقوه.. 

يحي بحده
اي اللي حصل بره ده ممكن افهم.. 

مندور بجمود
 الاصول اللي انت معملتهاش.. 

يحي بغضب
 انا مش عايز اتجوز.. 

مندور بحده
وانا قولت هتتجوز سالي، انا مش برميها عليك انت ابني وهي بنتي ومش هختار لحد فيكم حاجه وحشه.. 

يحي بتنهيده غاضبه
 انا مقدر الموقف اللي كان بره بس كان يتحل باي وضع تاني غير الجواز.. 

مندور بغضب
كلام الناس مكنش هيسكت لو معملتش كده وبعدين انت هتقعد تبكي لحد امتي ع اللي عايشه حياتها وزمانها خلفتلها تلات اربع عيال، هاا رد؟.. 

 ذهب يحي بأتجاه الخارج مندور بجمود
انا مش هغصبك ع حاجه ولا انت اصلا بتتغصب ع حاجه قدامك لحد الليل فكر بعقلك مش بقلبك ورد عليا ووقتها نشوفلها حل تاني ي بني.. 

_ اومئ له يحي بهدوء نسبي وذهب للخارج، واخذ سيارته وغادر بها للامكان.. 
ــــــــــ #بقلم_الكاتبه_رحاب_القاضي ــــــــ
_في منزل مندور.. 

_ فتحت مرزوقه الخادمه بمنزل مندور باب الشقه لتجد خالد امامها.. 

مرزوقه
نعم ي سي الاستاذ خالد اناديلك الست سعاد... 

خالد بصوت هادئ
هي مرات خالي فين؟.. 

مرزوقه
 الست سعاد فالمطبخ جوه اناديها ليك.. 

خالد بسرعه
 لا انا عايزك تنادي نور.. 

مرزوقه باعتراض
لا معلش الحج مانع الست الصغيره انها تقابلك.. 

خالد وهو يعطيها بعض النقود
هما خمس دقايق ي مرزوقه.. 

مرزوقه وهي تتفحص النقود
خمس دقايق بس.. 

خالد بغضب مكتوم
 ان شاء الله، بس اسمعي قوليلها يحي عايزك فوق ضروري اوعي تجيبي سيرتي.. 

مرزوقه بايماء
 حاضر.. 

_ تركها خالد وذهب للاعلي، وقف امام السور الشبه قصير وهو ينتظرها بقلق، استمع لصوت خطواتها ع الدرج فذهب سريعا واختبئ خلف الحائط.. 

نور بمرح
 ي عريس عايز تتفق معايا بقي ع اي عشان نفاجئ سالي انا حافظه الحاجات دي.. 

نظرت حولها ولم تجد احد لتردف بقلق
ي عريس، يحي فينك ي سطا.. 

_ خرج امامها خالد وهو ينظر لها بابتسامه بلهاء، فتحولت ابتسامتها للغضب واستدارت لتذهب للاسفل.. 

خالد وهو يجذبها من يدها
استني ي نور واسمعيني.. 

نور بغضب ودموع متحجره
 مش عايزه اسمع حاجه منك، انا كنت محتاجه اسمعك وتقف قدام بابا وتقول عايزني انما انا مسمعتش غير انك مش عايزني وبس.. 

خالد بحده
والله الكلام ده محصلش انا بس مبحبش لاوية الدراع وانا وانتي متفقين.. 

نور بدموع
 لا متفقناش انا معرفش غير اني اتهنت واضربت قدامك وانت حتي مقدرتش تحميني ولا حتي تقول انا عايزها وهخطبها اي الصعب فالكلمتين دول.. 

خالد وهو يمسح ع وجهه بيده بغضب
الصعب فيا انا والغلط فيا انا استحمليني فتره بس ووالله هتجوزك.. 

نور ببكاء
 هو اي العيب اللي فيا مخليك مش متمسك بيا كده، ولا عشان انا اللي بسامحك وبحبك بزياده يب..
 
خالد وهو يحتضن وجهها بين يديه
متكمليش انتي اجمل واطيب بنت فالدنيا ومفيش وحده تملي عيني غيرك بس اديني بس شوية وقت هظبط فيهم اموري ووالله محد هيقدر يقف فطريق جوازنا.. 

نور وهو تمسح دموعها بشهقات متتاليه
احلف طيب.. 

خالد بأبتسامه هادئه
 وحياتك عندي ورحمة امي وابويا.. 

نور وهي تتجه للاسفل
طيب انا همشي عشان بابا زمانه ع وصول.. 

خالد بتنهيده
 انزلي ده انتي طلعتي عيني عشان اعرف اصالحك المره دي.. 

نور بغيظ
 ع الله بقي تتلم وتبطل ترخم عليا.. 

تابعت بمرح
هو يحي فين وامتي خطب سالي من بابا هاا؟.. 

خالد بضيق
 للاسف معرفش اي حاجه، بس شكل شوقي هو السبب فكل اللي بيحصل ده.. 

نور بمرح
 ده ربنا يسترها معاه ع احلي حاجه عملها فحياته.. 

خالد بابتسامه هادئه
 انزلي ي نور انزلي ربنا يهدكي.. 

_ هبطت نور للاسفل، فحين ذهب هو ووقف ينظر من الاعلي للاسفل وهو يشعل احدي لفافات التبغ خاصته، احتدت ملامحه ما ان رأي تلك الفتاه التي تدعي" مي" تدلف خارج منزلها بملابسه التي لا تليق بالحي التي كانت عباره عن بنطال جينز ضيق للغايه وبلوزه بنصف اكمام تصل لخصرها وتطلق لشعرها العنان.. 

خالد بضيق
ودي غايره فانهي مصيبه بمنظرها ده.. 

_اخرج هاتفه وقام بالاتصال بأحدهم الذي اجابه سريعا.. 

خالد يجمود وهو ينفث دخان سيجارته
 ايوه ي اسامه بس قدامك اهو مي بنت الحج عثمان الله يرحمه طالعه اهي عايزك تمشي وراها وتعرفلي هي رايحه فين ومن غير متحس بيك.. 

اسامه بأيماء
اعتبره حصل ي خالود.. 

_ اغلق خالد معه ثم القي بسيجارته ارضاً وضغط عليها بحزاءه وذهب للاسفل.. 
ــــــــــ #بقلم_الكاتبه_رحاب_القاضي ــــــــ
_ باحد الاماكن الشبه هادئه وخاليه من الماره ع النيل، كان يجلس ع سيارته وهو ينظر امامه بشرود وغضب شديد.. وضع يده ع عنقه واخرج ذلك السلسال الجلدي الذي كان يخفيه داخل ملابسه وقام بخلعه من عنقه وامسك بذلك الخاتم المعلق به، وامتلئت عيناه بالدموع وهو يتذكر امر ذلك الخاتم... 

_فلااااااش بااااك... 
ــــــــــــــــــــــــــــ
قمر بسعاده
ها ي فرح اختارتي اي.. 

فرح بحيره وهي تنظر لبعض الخواتم الذهبيه
 مش عارفه كلهم حلوين.. 

يحي بصوت هامس
 ياريت اقدر اجيبهملك كلهم.. 

فرح بهدوء
كفايه انك معايا ده عندي بالدنيا.. 

يحي بصوت عالي وعدم تصديق
 انتي قولتي اي قولي تاني وحياة امك.. 

_ نظر لهم الجميع بفضول، لترمقه هي بغيظ واحراج.. 

نوال بغيظ
اي شغل العيال ده في ناس حوالينا.. 

يحي باحراج
سوري ي طنط.. 

ثم اردف بحده مصطنعه لفرح
اخلصي ي ماما يلا مكنتش حتت دبله دي.. 

فرح وهي تكتم ضحكاتها
طيب متزوقش طيب.. 

_بالفعل انتقت فرح احدي الخواتم ليكون هو خاتم خطبتها، ثم تقدمت منها قمر وهي ممسكه باحدي الاسااور الرقيقه وقامت باعطاءها لها.. 

وهي تردف بحنان وابتسامه هادئه
 اتفضلي ي حبيبتي دي هديه بسيطه مني انا وعمك عادل، والهديه دي مش ع انك خطيبة ابني لا دي ع انك خلاص بقيتي بنتي زي عائشه بالظبط.. 

فرح بابتسامه واسعه ونبره رقيقه
ميرسي اووي ي طنط دي اجمل هديه وكلامك ده شرف ليا والله.. 

قمر وهي تربت ع كتفها
ربنا يسعدكم ي بنتي.. 

تابعت وهي تنظر ليحي
يلا ي عريس نقي دبلتك.. 

فرح بتوتر
ممكن انقيها انا.. 

قمر بهدوء
 طبعا ي حبيبتي اتفضلي.. 

_ ذهبت فرح وبدأ تنتقي له خاتم من الفضه وليس دبله.. 

_فرح بفضول وهي تريه ليحي الذي كان يرمقها بابتسامه شارده.. 

فرح
ها اي رئيك.. 

يحي بابتسامه بلهاء وهو ينظر لها وليس للخاتم
 حلو اووي.. 

فرح بتوتر
انت مبصتش عليه اصلا.. 

يحي بغمزه مشاكسه
 مش انتي اللي اختارتيه يبقي حلو اووي.. 

فرح بخجل شديد
طيب ممكن تبطل رخامه وتشوفه.. 

يحي وهو ينظر للخاتم بتعجب
 اي ده انتي مجيبتيش دبله.. 

فرح بهدوء
مانا لاحظت فمره لما كنت بتيجي تقابلني انك بتبقي لابس خاتم شكله حلو اووي، ولما جيتو تخطبوني كان اونكل عادل لابس الخاتم ده وانت مكنتش لابسه فعرفت انه بتاعه وانك بتحب الخواتم وانا حبيت شكله ع ايدك اكتر من الدبله... 

يحي بابتسامه واسعه
 يالهوي ع الاهتمام ي بركة دعاكي ي قمر.. 

_ ابتسمت فرح بخجل وهي تمد له الخاتم ليلتقطه منها يتفحصه جيداً بسعاده لا توصف.. 

_فاق من شروده وعيناه تهبط منها دموع جعلت عيناه حمراء للغايه، ثم قام بفك الخاتم من ذلك السلسال ووضعه بيده وهو يضغط عليه بيده الاخري ودموعه اصبحت متحجره بعينيه.. 

همس بصوت متألم
الحب اول ما يكون لجاجة.. 
تأتي به وتسوقه الاقدار.. 
حتي اذا سلك الفتي نُجج الهوي.. 
جاءت امور لا تطاق كبارُ.. 
نزف البكاء دموع عينك فأستعرْ.. 
عيناً لغيرك دمعها مدرْارُ.. 
من ذا يعيرك عينه تبكي بها..
ارأيت عيناً للبكاء تعارُ..
"ده قيس ابن الملوح اللي قال كده لـ ليلي معشوقته مش انا خالص🙈😁❤" 
_ تنهد يحيي بقوه ثم صعد سيارته عائدا للمنزل وهو عازم امره ع فعل شيئاً ما... 
ــــــــــ #بقلم_الكاتبه_رحاب_القاضي ــــــــ
_في منطقة مندور العشري... 
_ اوقف الدكتور احمد سيارته بذلك الحي الشعبي، ثم هبط منها وهو ينظر حوله يتنهيده طويله، مر من جواره احد الاشخاص.. ليردف هو بتسأل.. 

احمد
لو سمحت عايز اوصل للحج مندور.. 

نظر له الشاب بتفحص واجابه
 هتلاقيه موجود فالورشه اللي قصاد القهوه اللي هناك دي بس ع الله تلحقه قبل ميطلع بيته.. 

احمد بهدوء
 اوكي، شكرا.. 

_ صعد سيارته مجددا ودلف الي ذلك الممر الطويل ومنه الي تلك الساحه الكبيره التي تضم منازل ابطالنا، وقف بسيارته سريعا ما ان ظهر امامه ذلك الطفل الصغير، هبط من سيارته سريعا ليجد فتاه ما تحمل الصغير وهي تعنفه بهدوء.. 

احمد بقلق
هو كويس، am sorry بس هو طلع قدامي فجأه.. 

نظرت له الهام بعينيها الخضراويتين وابتسامتها الرقيه..واجابته وهي تشيح نظرها عنه..

الهام
 حصل خير حضرتك احنا اللي اسفين.. 

_ابتسم لابتسامتها الرقيفه، وكاد ان يذهب حتي قطعهم صوت صفيه الحاد.. 

صفيه بسخريه لازعه
 خير ي بنت زينهم واقفه عندك تعملي اي؟.. 

الهام بتنهيده غاضبه
 لا واقفه عندي ولا حاجه انا ماشيه اهوو اصلا.. 

صفيه وهي تتفحص احمد بنظرات غامضه
 مش تعرفينا مين الاستاذ.. 

الهام بضيق
 انا معرفوش اصلا ومش فضيالك ي ست صفيه بعد اذنك.. 

_ اخذت صغيرها وغادرت من امامهم عايده لمنزلها تحت نظرات احمد المتابعه لها.... 

صفيه بحده
 وانت تطلع مين ي استاذ.؟... 

احمد بجمود
انا جاي للحج مندور.. 

صفيه بحده
تطلع مين برضو.. 

_احمد وهو يزيل نظارته الشمسيه واردف بابتسامه صفراء..

احمد
 دكتور احمد البدري.. 

صفيه وهي تتركه وتغادر
اهلا وسهلا.. 

_نظر لها بتعجب، فهو لا يري مثل تلك الشخصيه سواء بالافلام فقد، وذهب الي مندور.. 

مندور وهو يصافحه بهدوء
 اهلا وسهلا ي دكتور احمد اتفضل.. 

_ثم صاح بأحد رجاله ان يجلب لهم احدي المشروبات.. 

مندور بجديه
انت عرفتني بنفسك انك دكتور وصاحب مستشفي وابن ناس محترمين خير بقي؟.. 

احمد بتوتر وهو يعتدل بجلسته
 احم، حضرتك واضح مخدتش بالك المستشفي بتاعتي دي هي اللي بتتدرب فيها الانسه سالي بنت اخت حضرتك.. 

مندور بأنتباه
 اااه معلش متاخذنيش انا اعرف انها بتدرب فمستشفي بس معرفش اسمها، مفيش دماغ اركز للحاجات دي.. 

احمد بأبتسامه هادئه
لا عادي ولا يهم حضرتك.. 

مندور بأهتمام
طيب خير برضو ي بني انت كده قلقتني اكتر؟.. 

احمد بهدوء
لا متقلقش حضرتك، الموضوع كله ان الانسه سالي انسانه محترمه ومجتهده جدا ومتفوقه وبصراحه كده انا معجب بيها وباخلاقها جدا وحاولت افتح معاها الموضوع بس هي ديما حاطه حدود فالكلام وفالتعامل، اجبرتني اني اسأل عنها من بره واعرفها من بره واجي اتقدم لحضرتك واخطبها.. 

_اتكئ مندور بظهر ع الكرسي الجالس عليه واجابه بجمود... 

مندور
والله انت فاجئتني ي بني بالموضوع.. 

احمد بسرعه
 انا عارف اني جاي لوحدي واهلي مش معايا انا والدي متقاعد عن العمل ووالدتي متوفيه واخويا حاليا بيدرس بره مصر فانا جيت اخد من حضرتك كلمه وهجيب والدي ونيجي نتفق.. 

مندور بابتسامه هادئه
والله ي بني مش عارف اقولك اي بس الدكتوره سالي بنتي مخطوبه.. 

احمد بوجه شاحب وهو يبتسم بعدم تصديق
اي مخطوبه؟!... 

مندور بجديه
 ايوه مخطوبه لابني يحي، واضح انك مسألتش عليها كويس.. 

احمد وهو ينهض ويبدو عليه الحزن بقوه
طيب استاذن انا، واسف ع سوء التفاهم ده ي حج.. 

مندور وهو يقف ويصافحه
حصل خير ي بني، اتفضل.. 

_اخذ احمد سيارته وغادر وهو غاضب بقوه، فحين انهي مندور بعض اعماله وذهب للاعلي لمنزله.. 

ــــــــــ #بقلم_الكاتبه_رحاب_القاضي ــــــــ
في منزل مندور بغرفة نور... 
_ جالسه علي سريرها وممسكه بهاتفها الجوال وتتحدث لاحدي صديقتها عبر الوتساب حتي جاء لها اشعار بأن احدهم يريد مراسلتها ع الانستجرام، لتغلق هي الوتساب واتجهت الي الانستجرام لتفتح تلك المحادثه واتسعت عيناها بصدمه وهي تراه هو عمر عزام يراسلها الان.. 

كان يرسل لها
عامله اي.. 

احابته بغيظ
 انت كمان ليك عين تكلمني تاني بعد اللي عملته فالحفله.. 

_ اخذت تنتظر اجابته لدقيقتين حتي اتاها رده الذي جعلها تستشاط غضباً.. 

عمر
 ايوه... 

كتبت له بغضب
 انت واحد بجح ومش محترم.. 

_ اغلقت المحادثه وقامت بحظر حسابه وهي تتنفس بضيق، نفضته من افكارها بصعوبه واخذت تتجول بهاتفها حتي صدح رنينه من رقم غير مسجل لديها.. 

اجابت بهدوء
 الو.. 

عمر بهدوء
 انتي قد البلوك اللي انتي عملتيه.. 

_نهضت واقفه من ع فراشها واردفت بانفاس متقطعه.. 

نور
انت اتجننت وجيبت رقمي منين و عايز مني اي؟.. 

اجابها ببروده المعتاد
قولتلك قبل كده عايزك.. 

اخذت نفس عميق واخرجته بهدوء واجابته بغضب
 وانا مش عايزاك وتحل عني انت فاهم، الا والله هقول لبابا واللي يحصل يحصل.. 

عمر بهدوء
 قوليله هتوفري عليا كتير ووقتها هتبقي كل حاجه فالنور ي نور.. 

نور بغضب
انا بقولك مش عايزاك انت مبتفهمش.. 

عمر بجمود
وانا عايزك ولسانك يتلم عشان لما تقعي بين ايديا مقطعهوش ليكي... 

نور بغضب
تصدق انا غلطانه اني برد ع اشكالك.. 

_ اغلقت الهاتف بوجهه وقامت بعمل حظر لرقمه.. 

نور بقلق
 نهار اسود انا شتمته يالهوي انا شتمت عمر عزام، بس هو يستاهل اي القرف ده... 

_دلفت ساالي للداخل ونظرت لها بتعجب.. 

سالي
انتي بتكلمي نفسك؟.. 

نور بتوتر
 اا لا بس فكك مني ي عروسه.. 

سالي بملامح حزينه
انا مش عروسه ولا عمري هكون عروسه ي نور. . 

نور بقلق
لي بتقولي كده ي سالي هو يحي يتقال عليه لا ده.. 

سالي بدموع
 اااه يتقال عليه لا مني انا من وحده بظروفي ي نور.. 

نور بهدوء
طيب مـ يمكن بابا قاله وهو موافق وعرف انك ملكيش ذنب و.. 

سالي بمقاطعه ونبره شبه حاده
لا ميعرفش لانه لو كان عرف مكنش خطبني محدش هيرضي يتجوز وحده زيي وانا مش عايزاه يعرف حتي لو هيوافق.. 

نور بعدم فهم
 لي كل ده مش مستاهله ي سالي... 

سالي وهي تمسح دموعها
هرفضه ي نور عشان مش عايزاه يعرف حاجه عني، عايزه ديما افضل فنظره انسانه عاديه بس مش عايزه حاجه اكتر من كده.... 

نور بغيظ
 سالي انتي عبيطه ومتخلفه والله.. 

_ صدح صوت طرق ع باب المنزل... 

سالي بضيق
 روحي افتحي مرزوقه روحت وامك وابوكي قاعدين يتكلمو جوه.. 

نور وهي تجلس ع الفراش
 لا روحي انتي ليطلع خالد وبابا مش طايقني اصلا.. 

_اومئت لها سالي وذهبت وهي تمسح دموع عينيها وتعدل من وضع حجابها، وفتحت الباب لتجده يقف امامها ينظر لها بجمود.. لا تعلم لما تلقائياً امتلپت عيناها بالدموع، فهربت من النظر له وافسحت له المجال ليدلف للداخل.. 

يحي بجمود
 الحج جوه.. 

_اومئت له بنعم، ليدلف هو للداخل امامها.. 

سالي بضيق شديد
جوه فالريسبشن هو ومرات خالي.. 

_اردفت كلماتها ودلفت الي غرفة نور مجدداً، لينظر هو لها مطولا بتنهيده طويله، ثم اطرق باب الغرفه التي يوجد بها مندور وزوجته ليسمح له مندور بالدلوف.. 

مندور بهدوء
كنت فين من الصبح انا فكرتك هتروح المصنع.. 

_نظر له يحي بصمت، ثم تنهد بقوه وهو يغمض عيناه بهدوء، ثم فتحهم ونظر لمندور.. 

واردف بجديه
انا عايز اتجوز سالي.. 

_ابتسم مندور باتساع، فحين كانت ملامح سعاد جامده.. 

واجابته بجمود
اقعد ي بني في حاجه كنا بنتكلم انا والحج عليها وانت لازم تعرفها.. 

جلس يحي امامهم واردف مندور بحده
خلاص بعدين انا ابقي اقوله ي سعاد.. 

سعاد بجديه
لا ي حج، يحي ابني وسالي بنتي ومدام هو دخل جد معاك اهو يبقي نبقي جد معاه احنا كمان.. 

يحي بعدم فهم
 هو في اي بالظبط؟... 

_نظر مندور وسعاد لبعضهم بحزن.. واردفت سعاد بدموع املئت عيناها.. 

سعاد
سالي مش بنت بنوت ي يحي.. 

_ نظر لها يحي بعدم تصديق، واحتدت ملامحه بغضب و... 

_ فماذا سيحدث.. 



الفصل الثامن 

تتألم ولكن لا تستطيع أن تتكلم ،وإن تكلمت لن تستطيع أن تشرح وإن شرحت لن يفهموا ،لذا فالصمت هو الحل الوحيد والأخير، وتذكر أن ‏لا أحد يستطيع أن يشعر بما ‏تشعر به ، فلا تتعب نفسك في التعبير... 

سعاد بنبره حزينه
سالي مش بنت بنوت ي يحي.. 

احتدت ملامحه بغضب واردف من بين اسنانه
شوقي صح؟.. 

مندور بتنهيده
انا عارف ان اللي خلاك تقول كده تصرفاته هو، وخوفها هي منه.. 

تابعت سعاد بتنهيده
شوقي كان السبب فاللي حصلها، انما اللي عمل كده اربع وحوش اربع حيوانات ميعرفوش يعني اي انسانيه ولا يعرفو ربنا.. 

يحي وهو يعتدل بجلسته واردف بعدم تصديق
اربعه ازاي يعني؟!.. 

سعاد بدموع هبطت ع وجنتيها واردفت بنبره تكسوها المراره
 هقولك، كانت عندها 12 سنه ابوها  مات من وهي بنت شهور، فكبرتها انا وامها هنا فالبيت ده كانت بالنسبالي بنتي حتي بعد مخلفت نور غلاوتها فضلت زي مهي عندي وعند الحج، ولما اتولدت زي اي ناس كبيره من فرحتنا قرينا فاتحتها ع شوقي، وهو اتعلق بيها بزياده لدرجة بقي فاكرها حاجه ملكه لوحده ومش بتاعت حد تاني، تعبنا معاه انه يبطل يدايقها بس هو فضل زي مهو.. 

اخذت نفس عميق وتابعت
فيوم كانت هي بنت 12 سنه وهو كان عنده 20 كان بيغير عليها من الهوا الطاير ولو عليه ميطلعهاش من البيت، وعيبه كان طايش وبيروح حتت مش تمام وملموم ع شوية عيال صيع... 

 امتلئت عيناها بالدموع وهي تتابع
 اليوم ده كان رايح لواحد من صحابه دول، شافها واقفه مع صحابها قدام مدرستها زعقلها فالشارع وخدها ومشي قال هيروح يشوف صاحبه ويجيبها ويجي، خدها وراح هناك ملقيش صاحبه بس كان ابوه ومعاه تلاته تانين عمرهم فالخمسين شوقي مشافش مين جوه مع ابو صاحبه، الراجل قاله هات اختك تستناك جوه مع الحجه وروح انت نادي صاحبك من ع اول الشارع، هو مداش خوانه وعشان كان ليه فلوس عند صاحبه وعايزهم دخل سالي جوه وهو راح يشوف صاحبه ويدور عليه ومطمن عليها انها مع ام صاحبه زي م الراجل قاله، هي لما دخلت مكنتش تعرف ان الست ام صاحب شوقي مش موجوده، ولما حاولو يعتدو عليها صرخت وحاولت تجري فكتمو بوقها وبكل مرض اربع رجاله اصغر واحد فيهم اكبر من ابوها يغتصبو بنت صغيره من غير رحمه ولا شفقه بعمرها وحالتها... 

_ كان يستمع لما تتفوه به سعاد، وصورتها وابتسامتها البريئة لا تخلو من امام عينيه، تجمعت الدموع بعينه وهو يستمع لما تتفوه به سعاد بعد.. 

تابعت وهي تمسح دموعها بحزن
 اما خلصو رموها فالشارع وهدوم مدرستها غرقانه بدم برائتها اللي نهشوها، كانت تعرف العنوان شافها راجل سواق تاكسي ساكن فالمنطقه هناك جابها وجه واول وحده شافتها بمنظرها ده صفيه جبتهالي كانت ي حبة عيني بتتنفض وشعرها مفلوت وهدومها متقطعه ووشها وجسمها كله كدمات، امها مستحملتش منظر بنتها الوحيده كده وقعت من طولها ومقدرناش نلحقها وماتت بحسرتها عليها، وسالي خدت سنه لا بتتكلم ولا بتخرج ولا اي حاجه وللنهارده من كل فتره والتانيه تصحي تصرخ من الكابوس اللي عاشته، شوقي اما جه الكل لامه وعاتبه واتفقنا السر يتكتم هنا عشان ستلي تخف وتعرف تعيش حياتها كويس، حاول شوقي بعدها يكلم سالي كانت تشوفه بتصرخ وتتنفض وكانه واحد منهم، هو مستحملش كل ده انه يشوفها كده وهو السبب، كان متهور بزياده راح بيت صاحبه وهو مش موجود وحط للاربع رجالع دول منوم ود*بحهم.. 

نظر لها يحي بعدم تصديق.. لتومئ هي براسها وهي تتابع
ايوه دب*حهم ولما مندور عرف وابوه الله يرحمه عرف دارو عليه ولا كأنه عمل حاجه ده غسل شرفه، بس للاسف هو كمان مكنش ده بالسهل عليه لدرجة انه لحد دلوقتي شوقي بكل المنظر اللي عامله ده اضعف واحد، نقطة دم ممكن تخليه زي العيل الصغير يخاف ويبكي.. 

مندور وهو يمسح دمعه فرت من عينه بطرف يده
دي القصه والحكايه اللي محدش يعرفها غيرنا هنا وصفيه وانت، ودلوقتي القرار ليك.. 

تنهد بقوه واردف بثقه وثبات
 القرار بأيد سالي هي اللي هتوافق او هترفض طلبي اللي طلبته من شويه ي حج مندور.. 

_ ربت مندور ع كتفه وهو يرمقه بابتسامه هادئه.. 

مندور بهدوء
 روحي ي سعاد نادي سالي ناخد رئيها.. 

_وقبل ان تنهض سعاد دلفت سالي للداخل بعينين دامعتين وخلفها نور التي تحاول تهدأتها.. 

سالي بحده
انا مش موافقه.. 

_رفع هو نظره لها، لا يعلم لما شعر بأنه لاول مره يراها الان هناك شئ بداخله يتحرك بقوه لها ولكنه ينكر وجوده وبقوه ايضاً.. 

مندور بجمود
 اهدي ي سالي انتي لسه معرفتيش حاجه عن يحي و.. 

سالي بحده ودموع هبطت بالفعل
ومش عايزه اعرف وانتو مش من حقكم تحكو حاجه عني لحد، مش من حقكم تحددو حياتي وتحكمو عليا اتجوز مين ومتجوزش مين، انا لا عايزه اتجوز ولا عايزه حاجه انا عايزه اكون لوحدي لاخر عمري ولو وجودي هنا هيسبب مشاكل انا هروح اقعد فبيت ابويا لوحدي.. 

_ اردفت بكلماتها وغادرت لغرفتها دون ان تنظر له حتي.. 

مندور بتنهيده غاضبه
ي حول الله يارب.. 

تابع وهو ينظر لنور بخبث
نور هي عرفت منين اننا بنحكي ليحي ع اللي حصل زمان.. 

نور بتوتر
هه، والله ي بابا مكنت بتصنت انا كنت معديه وقع ع ودني طراطيش الكلام يعني مش كله.. 

مندور بغضب
لا ي حبيبة ابوكي انتي كالعاده بتلمعي الاوكر وسمعتي وجريتي عليها تقوليلها.. 

نور بابتسامه بلهاء
والله اخر مره قلبك ابيض بقي ي مندوري.. 

مندور بغضب وحده
غوري من وشي بدل مديكي بالجزمه غوري.. 

_ ركضت نور للخارج، وذهبت الي سالي وجلست جوارها بغيظ.. 

مندور وهو يذهب مع يحي للخارج
انا هبقي اكلمها تاني وان شاء الله خير.. 

يحي بهدوء
لا ي حج انا بستاذنك اني ابقي اجي واكلمها انا.. 

تابع وهو يرفع نبرة صوته
 وبعدين ي حج قولها اني لسه عند طلبي وتفكر كويس.. 

_كانت هي بالداخل تجلس ع الفراش ودموعها تهبط دون توقف، وما ان استمعت لما تفوه به، حتي نظرت لنور بعدم فهم.. 

نور بمرح
ي سيدي سيدي والله الواد ده عسل.. 

_ كتمت سالي ابتسامتها وذهبت الي اسفل الفراش لتهرب من نظرات وحديث نور لها.. 

ــــــــــ #بقلم_الكاتبه_رحاب_القاضي ــــــــ
_ وفي منزل شوقي وبالاخص شقة لبني.. 

لبني بحده
 انت داخل تزعق لي كده هو حد عملك حاجه.. 

شوقي بغضب
لبني حلي عن دماغي انا عفاريت الدنيا بتتنطط قدامي دلوقتي.. 

لبني بسخريه
ولي كل ده، عشان الهانم بتاعتك اتخطبت ومعبرتكش.. 

_جذبها من مرفقها بقوه وقد اسودت عيناه بغضب جحيمي.. واجابها..

شوقي
 طولت ولا قصرت ي لبني سالي مش هتبقي غير ليا حتي لو كلفني اقتل ابن ال*** ده.. 

لبني بخوف
لي كل ده ي شوقي عملالك اي البنت دي عشان تعمل عليها كل ده، ومدام انت واقع فيها اووي كده اتجوزتني لي واتجوزت اللي مرميه فوق دي لييييي؟.. 

شوقي بغضب
عشان انساها اتجوزتك عشان اكبر فشغلي لما ابقي واخد اخت مرات عمر عزام وفنفس الوقت اتشغل عنها، واتجوزت الهام وانا واهم نفسي اني بحبها، بس قلبي لسالي وبس ومفيش جواه غيرها..
 
_ نفضت يدها منه ونظرت له بدموع والم قائله.. 

لبني بهدوء
 طيب مانا عارفه انك اتجوزتني مصلحه وانك مش راضي تطلقني شفقه وصعبانه عليك وانك عمرك محبيتني، بس مسألتش نفسك انا عارفه وحاطه جزمه فبوقي وساكته لي. 

_نظر لها بندم ع ما تفوه به، فحين رمقته هي من الاعلي للاسفل بسخريه.. 

وتابعت بدموع
عشان مليش غيرك بعد ربنا اسند عليه انا واختي، صفيه عامله فيها سبع رجاله فبعض بس يوم مانا اطلق وميبقاش في راجل فضهرنا هنبقي لقمه طريه للي يسوا وميسواش ي شوقي.. 

دفعته بكلتا يديها بقوه وصاحت به
بتحبها حبها ي شوقي واتجوزها، وانا قلبي هرميه تحت رجلي ومش هبص انا كمان غير لمصلحتي بس ورحمة ابويا بعد اللي قولته النهارده لعيشتي معاك هنا هتكون منظر ومانت مقرب مني ولا هتلمسني تاني... 

_ ذهبت الي غرفتها واغلقت الباب بقوه، ولا يصدر اي صوت سوا لشهقاتها المكتومه، تنهد هو بضيق شديد، ومسح هو وجهه بيده وذهب للشرفه يقف بها وهو يخرج احدي لفافات التبغ وينظر لشرفتها وقد اكتست عيناه بنيران الحقد مجدداً... 

ــــــــــ #بقلم_الكاتبه_رحاب_القاضي ــــــــ
_وفي فيلا ناصر الشهابي... 
_كانت دالفه الي خارج منزلها حتي اوقفها صوت والدها الحاد.. 

استدارت له واجابت بجمود
 نعم ي بابي.. 

ناصر بحده
 رايحه فين؟.. 

نيره بتنهيده قويه
 رايحه الجامعه هكون رايحه فين.. 

ناصر بجمود
طيب بعد متخلصي ابقي روحي لكارما عايزاكي.. 

اجابته بغيظ
 لو كارما عايزني فحاجه تكلمني فون او تيجي، انا مش هروح هناك.. 

ناصر بغضب
وبعدين معاكي متسمعي الكلام، وحاجه كمان تبطلي وش الخشب اللي بتصدريه لعمر ده لانه قريب اووي هيكون هخطيبك.. 

نيره بدموع متحجره 
وانا مش هتجوزه، انتو بعدتو سليم عني والله واعلم عملتو فيه اي، وانا مش هكون جزء من حياتكم المزيفه دي لو فيها موتي.. 

_ نظرت له بسخريه وذهبت للخارج، فحين تنهد هو بغضب واخرج هاتفه، وقام بالاتصال بابنته الكبري التي اجابت سريعا.. 

ناصر بحده
 كارما شوفي حل مع اختك والا والله مهطلعها من البيت.. 

كارما بجمود
 لا ي بابا خلاص انا هكلمها وبعدين صغيره مش فاهمه الدنيا.. 

اجابها هو ببعض الهدوء
سيبك منها، انتي عامله اي وجوزك عامل اي معاكي؟.. 

كارما بهدوء
 كويسين ي بابا، والشيمي امور شغله بدات تتعدل اهي.. 

ناصر بهدوء
طيب قوليله بقي يبطل شغل العيال، عشان لو اتمسك لا انا ولا عمر هنقدر نعمله حاجه.. 

كارما بسخريه حاده
انت مبقتش تقدر ي بابا بس عمر عزام يقدر ع كل حاجه اطمن.. 

ناصر بجمود
انا قولتلك وعملت اللي عليا.. 

كارما بنبره واثقه
 وانا بقولك اطمن... 

ــــــــــ #بقلم_الكاتبه_رحاب_القاضي ــــــــ
_وفي بيت مندور.. 

سعاد بأنزعاج
خلاص ي نور هقوله، مش عارفه حبك للكليه اللي طفح مره وحده ده.. 

نور بصوت هامس وضيق
تاني ي ماما مبقولك عندي امتحان مهم ولو مرحتش والله مهنجح فالماده.. 

سعاد وهي تقوم باعداد باقي الافطار
روحي ي مرزوقه ودي الشاي بره.. 

اومئت مرزوقه بنعم، فحين صاحت نور بغضب
ي ماما انا بكلمك.. 

سعاد بهدوء
 طيب روحي صحي سالي وانا هطلع اقوله.. 

نور بغيظ
 صحيتها قبل ملبس وقالتلي مش رايحه النهارده وطردتني ونامت.. 

سعاد بنبره حزينه
 لا حول ولا قوة الا بالله، ربنا يهون عليها.. 

نور بضيق
ي ماما بقي روحي قوليله هتاخر.. 

سعاد بنفاذ صبر
طالعه اهو ي ربنا ياخدك ويرحني منك ع الصبح.. 

_ ذهبت سعاد للخارح وهي تحمل بعض اطباق الطعام، ووقفت نور خلف الحائط تستمع لما يحدث.. 

مندور بحده
 قولت مش هتطلع من البيت يعني مش هتطلع.. 

سعاد بهدوء
انا معاك والله لا تطلع ولا تشوف الشارع حتي، بس كليتها ومستقبلها خليها بس تروح تمتحن وترجع تترمي فالبيت تاني.. 

_تنهد مندور بغضب وصمت.. سعاد وهي تربت ع كتفه بهدوء قائله..

سعاد
 انا عارفه انها غلطانه، بس احنا حيلتنا غيرها بلاش ندمرلها مستقبلها واللهي يرضي عنك وافق تروح تمتحن وترجع.. 

مندور بجمود
 عشان خاطرك انتي بس ي سعاد تمتحن وترجع.. 

سعاد وهي تقبل جبهته بهدوء
تسلم ي خويا ربنا ميحرمنا منك.. 

_ ذهبت سعاد للمطبخ، لتجدها تقف وعلامات الفضول تكسو وجهها.. 

نور بقلق
 ها قالك اي، رفض صح؟.. 

سعاد وهي تاخذ بعض الاطباق
روحي هاتي شنطتك وتمتحني وتخلصي وتيجي ع البيت.. 

نور وهي تحتضنها بقوه وسعادة
 ميجيبها اللي سوسو والله، ايدك بقي ع 300 جنيه.. 

سعاد بحده
ولا قرش واحد هتاخديه.. 

نور بحزن مصطنع
 عشان خاطري ي ماما والنبي والله مهاخد فلوس زياده تاني.. 

سعاد بنفاذ صبر
 روحي جوه فالبوك بتاعي تاخدي 300 بس ولو ايدك اتمدت ع اكتر هخلي ابوكي ميطلعكيش تاني خالص.. 

نور وهي تقبلها من وجنتها
 حاضر ي احلي سوسو فالدنيا.. 

_ ذهبت سعاد للخارج، لتجد خالد يجلس بجوار مندور.. 

خالد بهدوء
صباح الخير ي مرات خالي.. 

سعاد بجمود
صباح النور ي ابن الغاليه، اقعد افطر مع خالك لحد مجيبلكم باقي الفطار.. 

خالد بأيماء
 لا انا سبقتكم انا ويحي فوق.. 

_ ذهبت سعاد للمطبخ، لينظر خالد حوله.. ويردف بصوت هامس..

يحيي
 يعني ي حج البطاعه اللي فالمخزن مش هنسلمها للشيمي.. 

مندور بصوت هادئ ايضا
ايوه انا قولت لعدنان ع كل اللي حصل وهو قال مياخدش حاجه تاني من الباضعه دي وانا اتفقت مع سعيد الزيتي وهو اللي هياخد البضاعه ع طلبيتين وهيجي يستلم من هنا عشان الحكومه اللي مفتحه عنيها فكل حته دي.. 

خالد وهو يعتدل بجلسته
 طيب م عمر عزام هيدفع الطاق طاقين وهياخد كمان البضاعه دفعه وحده منديله ونخلص.. 

مندور بحده
 لا انا مش هتعامل مع عمر عزام فالشغل خالص، ده دمه سم والغدر فطبعه عادي وانا مش سكتي عمر عزام واللي زيه.. 

خالد بسخريه
ي خالي ماحنا بندي الشيمي والشيمي كلنا عارفين انه بياخد ويرمي فحجر اخوه.. 

مندور بحده
اديك قولت انا بدي الشيمي، ومش هتعامل مع عمر عزام لو اطبقت السما ع الارض، خلينا بعيد عنه وحبايب احسن.. 

خالد بهدوء
 تمام، انا اخد يحي وتوني ونروح المخزن نظبط الدنيا، عشان بالليل.. 

_ اومئ له مندور، وكاد خالد ان يذهب حتي وجد نور تدلف للخارج.. 

نور بتوتر وهي تنظر لوالدها
 انا هروح الجامعه ي بابا بعد اذنك.. 

مندور بنبره غاضبه
 تمتحني وترجعي ع طول فاهمه.. 

نور بغيظ مكتوم
 حاضر.. 

اشار مندور لخالد
انت ونازل خلي حد من الرجاله يوصلها.. 

خالد بهدوء
انا هوصلها وارجع ي خالي و.. 

قاطعه مندور بحده
 انا قولت حد من الرجاله ي ابن عمتها فاهم.. 

خالد بجمود وهو يتجه للاسفل
اللي تشوفه ي حج مندور.. 

_ ذهب خالد للاسفل، وخلفه نور التي رمقت والدها بحزن.. 

نور وهي تركض خلفه
خالد استني.. 

خالد بجمود
نعم.. 

نور بحده
 اي بقي الوش ده انا مالي... 

خالد بابتسامه جاهد لاخراجها
مفيش حاجه ي نور، تعالي هخلي اسامه يوصلك.. 

نور بابتسامه واسعه
طيب متزعلش، وابقي تعالي خدني وانا مروحه ونتغدي سوا.. 

خالد بحاجب مرفوع
انتي ي بت مش ابوكي قالك تمتحني وتروحي..

نور بابتسامه بلهاء
ي جدع وانا من امتي بسمع الكلام.. 

خالد وهو يدفعها امامه للاسفل
 قدامي ي مجننه امي انتي.. 

_هبط للاسفل وجعلها خالد تصعد بالسياره الخاصه باسامه، ثم وقف هو بالخارج مع اسامه يتحدث معه.. 

خالد بجمود
يعني هي راحت كافي وقعدت مع واحد متاكد من كلامك ده ي اسامه.. 

اسامه بجديه
 ايوه والله ي خالد زي مبقولك كده، وكمان صورتهالك صوره واحده بالفون عشان تتاكد.. 

خالد بجمود
 وريني كده.. 

_اخرج اسامه هاتفه، ثم قام بفتح تلك الصوره واعطاها لخالد الذي ضيق عيناه بأستنكار، وقام بتكبير الصوره ليري من هذا الذي معها، ثم ظهرت ع وجهه علامات الصدمه بل وكان اصابه صاعق كهربي.. 

خالد بعدم تصديق
مش معقول، بتعمل اي دي مع ابن ال*** ده.. 

اسامه بتوتر
 احمم هو مش ده الظابط اللي كان فالكمين بتاع العمليه اللي عدت ي خالد ولا انا بيتهيألي اللي اسمه محمد البحيري بس ايه علاقته بمي ويعرفها منين؟.. 

خالد بجمود
فكك ي اسامه ومحدش يعرف حاجه عن الموضوع، وابقي ابعتلي الصوره ع الوتس.. 

اسامه وهو يصعد السياره بالامام ونور بالخلف
تمام ي خالود اعتبره حصل.. 

_ ذهب اسامه بالسياره، فحين نظر خالد لمنزل تلك التي تدعي مي بغضب.. 

واردف بصوت هامس
ده انتي ايام اللي جابك سودا ي مي... 

ــــــــــ #بقلم_الكاتبه_رحاب_القاضي ــــــــ
_وفي منزل محمد البحيري.. 

محمد بابتسامه واسعه
 نورتو القاهره كلها والله ي جماعه.. 

خليل بملامح جامده
 والله ي محمد انا لولاك انت مكنت جيت.. 

اجابته زوجته باحراج
 اي الكلام ده ي خليل، هو ميقصدش ي فرح..

فرح بحده
ولا يقصد ي نهي انا مش مستنيه منه حاجه، ولو حد منور فهو انتي وجني بس.. 

خليل بغيظ
شايف طريقة مراتك ي محمد... 

محمد بسخريه
 مهي اختك اعملها اي؟... 

فرح بتنهيده ضيقه
 تعالي ي نهي نقعد جوه.. 

_ اومئت لها نهي وذهبت معها للداخل... 

خليل بضيق بعد ان غادرت شقيقته
محمد شد ع البت دي شويه خليها تتلم.. 

محمد بجمود
 سيبك منها دلوقتي، يحي... 

خليل باهتمام
يحي مين قصدك ع يحي ابن الميكنيكي؟.. 

محمد بضيق
 ايوه.. 

خليل انتباه
 ماله ده، مهو من يوم اللي حصل فالمنيا وهو مختفي.. 

محمد بسخريه
ظهر ي خليل.. 

خليل بغضب
 ظهر ازاي وفين، قولي ع مكانه وانا اربيه ابن ال*** ده... 

محمد بغضب
 ياريت ينفع، شوفته فكمين من بتاع شهر شهرين كده وعرفت انه شغال مع واحد من كبار تجار المخدرات هنا مندور العشري لو تسمع عنه.. 

خليل بقلق
 اي وده عرفه منين ده وبيشتغل معاه اي... 

محمد بغيظ
معرفش حاولت اعرف مقدرتش، انت عارف الناس دي محدش يقدر يزرع حد وسطهم بسهوله... 

خليك بحده
وعمر عزام مسألتوش لي؟.. 

محمد بضيق شديد
 مهو شكله شغال معاهم، بس خليت حد يراقبه من بعيد، بعيد عن المنطقه لما يشوفه طالع يمشي وراه، وعرفت انه بيقابل اخوه وبيديه فلوس تقريبا، وكمان داير مع بنت اخت مندور وعرفت من حد هناك انه خطبها، وكمان كانت في خناقه بينه وبين شوية بلطجيه الواد بيقولي صفاهم ع الارض.. 

خليل بضيق شديد
 اممم الواد ده عشان ميفتحش فالقديم عايز قرصة ودن.. 

محمد بسخريه حاده
يعم هو انا عارف اوصله ومقرصتش.. 

خليل بحقد
لا سيب الحوار ده عندي انا، عند اهله فالمنيا... 

_ بادله محمد الابتسامه بشر و...... تفتكرو هيعملو معاه ايه؟ 
ـــــــــــــــــــــ
_وعند فرح كانت تجلس بجوار النافذه تنظر لزوجة اخيها وهي تتحدث مع الصغار بمرح، رمقتهم بهدوء وشردت بذكرياتها... 

_فلاااااااش بااااااااااك... 
ــــــــــــــــــــــــــــــــ
_منزل مزين ببعض اشرطة الزينه، والمكان منظم بشكل جميل، ويجلس اقاربها واقارب يحي ع تلك المقاعد الموضوعه بجوار بعضها بنظام، وتجلس هي بفستانها الرقيق بجوار يحي الذي لا يكف عن التغزل بها وسعادته تظهر جلياً عليه... 

فرح بتوتر
 يحي اتلم الناس بتبصلنا... 

يحي بابتسامه هادئه
 مهو اكيد بيبصولنا مش عريس وعروسه اومال لو مبصوش لينا هيبصو لمين... 

فرح بغيظ
 طيب بطل بقي توترني عشان مسيبش المكان كله وادخل جوه.. 

يحي وهو يتلفت حوله
هو الواد ياسين فين؟.. 

فرح وهي تبحث عن ياسين بعينيها
مش عارفه تلاقيه بيلعب مع العيال، عايزه فاي.. 

يحي بجديه
يحيبلي مسمارين وشاكوش.. 

فرح بعدم فهم
عايزهم لي؟.. 

يحي بغمزه مشاكسه
هثبتك بيهم هنا عشان بصراحه مش قادر ابطل اقولك كلام حلو بحلاوتك دي.. 

_نظرت للجهه الاخري وهي تضحك بهدوء..... 

فرح بهدوء
يحي هي عائشه مالها؟.. 

يحي بضيق
جوزها انتي عارفه انه ظابط فالجيش زي مقولتلك، وبقاله كام يوم مكلمهاش وهي قلقانه عليه.. 

فرح بهدوء
 ربنا يرجعه ليها بألف سلامه.. 

_قطع جلستهم قدوم خليل منهم بملامحه المتهجمه... اردف بنبره حاده وصوت هامس ليحي..

خليل
 لو فاكر انك كده خلاص هتاخد اختي يبقي بتحلم، كلها مسألت وقت وبابا هيعرف ان ده اكبرغلط وهيفضها سيره.. 

_اغتاظ يحي من تلك الكلمات، ولكنه ابتسم له بهدوء.. واجابه... 

يحي
الله يبارك فيك ي خليل عقبالك.. 

خليل بابتسامه ساخره
خليل حاف كده ماشي ي ابن الميكنيكي كله بوقته.. 

_ تركهم خليل وذهب ليقف بجوار محمد الذي كان منذ ان جاء وهو ينظر لهم بغضب ونظرات ناريه، فحين هو ابتسم لفرح بهدوء وقد اشعلت كلمات الاخر نيران الغضب بداخله.. 

فرح بحزن
 ممكن متزعلش، انا اسفه.. 

يحي وهو يقبل يدها امام الجميع دون احراج وهمس لها بهدوء
 انا عمري مهزعل من حاجه طول مانتي جنبي.. 

_ينظر لهم بغضب شديد وعيناه تطق شرار الحقد والغيره.. 

خليل بضيق
خلاص بقي ي محمد انت مكنتش جيت ام الخطوبه دي وريحة دماغك.. 

محمد بحده
 لا جيت وبمزاجي عشان يوم ماخد اختك اندمها ع اللحظه اللي سابتني فيها،وع حرقة قلبي دي... 

خليل بضيق 
متقلقش والله وعد مني هبوظ ام الموضوع وهجوزها ليك زي ممتفقين.. 

محمد بغضب
ده غصب عنك انا مش بديلك الفلوس اللي عايزها وبخلي ابويا يعديلك غلطاتك فكلية الشرطه من غير محد يعرف وفالاخر يجي عيل زي ده ياخد خطيبتي.. 

خليل بغيظ
والله ي محمد والله محد هيتجوز فرح غيرك.. 
ـــــــــــــــــــــــ
_فاقت من شرودها ع صوت زوجة اخيها.. 

نهي بابتسامه واسعه
 اي ي بنتي السرحان ده كله؟.. 

فرح بابتسامه جاهدت لاخراجها
 معلش بس هموم الدنيا فوق كتافي والله ي نهي.. 

نهي بنبره حزينه
 مين سمعك، والله نفس الحال، انا لو وريتك جسمي عامل ازاي من ضرب اخوكي ليا هتتصدمي.. 

فرح بضحكه مريره
لا وحياة ابوكي انا عندي اللي مكفيني وحافظه اللي ممكن توريه ليا.. 

نهي بغيظ
 روحي ي فرح ربنا ياخد جوزك ع جوزي.. 

فرح بتنهيده حزينه
 اطمني اللي زي دول بيتبتو فالدنيا بايديهم واسنانهم.. 

_ ضحكت نهي بقوه وشاركتها فرح ايضا... 

ـــــــــــــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــــــــــــ
_في مخزن مندور.  
_يدلف هو وخالد وتوني داخل المخزن الخاص بأعمال مندور الغير شرعيه...نظر يحي بجمود لهؤلاء الرجال الذين اعترضو طريقه هو وسالي، كانو مقيدين بسلاسل حديديه ويجلسون ارضاً بوهن شديد فبعضهم مصاب بطلقات ناريه اثر شجارهم مع يحي واردف بهدوء..

يحيي
 ياريت الخدمه هنا تكون عجباكم.. 

توني بسخريه
والله يحي ده كريم اوووي، ده جابلهم دكتور عشان الخرفان اللي وقعت.. 

ضحك كلاهما بسخريه.. فخري بغضب
 انت تارك وحقك مش معايا، ولا انت مش قادى ع الحمار هتتشطر ع البردعه.. 

يحي بجمود
لا انا مستني الحمار بتاعك يجي يستلمك ي بردعه.. 

توني بمرح
ده انتو هتتعملكم حتت زفه هتخلي الحته كلها تعرف مين الكبير اللي ع حق.. 

خالد بضيق
طيب يلا منك ليه نشوف اللي ورانا.. 

_ذهب كلامها الي الجهه الاخري من المخزن.. 

خالد بحده
يحي الحج مندور لسه ميعرفش حاجه عن العيال دي فانا بقول نسيبهم ونلم الليله.. 

يحي بابتسامه خبيثه
مش هسيبهم غير لما يبانلهم صاحب... 

 خالد بقلة حيله ونفاذ صبر
براحتك ي يحي اللي عايزه اعمله، ويلا نخلص اللي ورانا عشان رايح اجيب نور من الكليه.. 

ـــــــــــــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــــــــــــ
_ وفي الجامعه عند نور.. 

نيره بضحك شديد
 ههههههه اقسم بالله انتي مش طبيعيه ي نور، يعني لا عندك امتحانات ولا حاجه واقنعتيهم ان عندك امتحانات عشان تنزلي الجامعه اللي مش بتنزليها فالعادي.. 

نور وهي تقف امامها خارج الجامعه
 اهو اي حاجه المهم اطلع من السجن اللي حطني فيه الحج مندور.. 

نيره بخبث
قصدك اي كذب وخلاص، انتي لو مكذبتيش فحاجه تبقي مش نور اللي اعرفها، صحيح فين سالي مجاتش لي؟.. 

نور بنبره دراميه
 سالي خدها الوبا ي بيه.. 

نيره بتدم فهم
 اي ده؟ يعني اي؟.. 

نور بغيظ
 بقلد هنادي فـ فيلم دعاء الكروان ي جاهله، ما علينا سالي شكلها وقعت ع جدور رقبتها فحد كده وحبته... 

شردت نور قليلا وتابعت بحزن
 واللي زي سالي كل حاجه معاها بتكون صعبه حتي فابسط الامور عندها بتكون اصعب الامور.. 

نيره بنظرات غاضبه
عمر عزام.. 

نور بغيظ
ي شيخه احنا ناقصين قرف عشان تجيبلنا سيرة البني ادم ده.. 
_ نظرت لها نيره بتحزير ان تصمت.. 

نور بقلق
 مالك ي بت اصفريتي كده لي؟.. 

نيره بصوت هامس من بين اسنانها
وراكي.. 

_اتسعت مقلتيها وانتفضت بقوه وكأن صاعق كهربائي اصابها.. 

نور بنبره مهزوزه
بس سيرته بتطري ع المكان يعني... 

_ابتسمت نيره بهدوء ع صديقتها الغير طبيعيه، فحين وقف هو بجوارهم وهو يرتدي نظارته الشمسيه كالعاده.. 

نيره بجمود
اهلا ي عمر بيه في حاجه؟.. 

عمر وهو ينظر لها ببرود
سوري ي نيره بس انا مش جاي عشانك.. 

ثم نظر لنور بابتسامه هادئه
انا جاي عشان نور، ممكن تسبينا لوحدنا شويه.. 

_اومئت نيره برأسها وكادت ان تذهب ولكن جذبتها نور من يدها وارغمتها ع الوقوف.. 

نور بحده
 انتي رايحه فين انتي كمان.. 

تابعت وهي تنظر لعمر بتحذير
وانت ي بني ادم انا مش قولتلك تبعد عن طريقي بس واضع انك زي مسمعت بتحب المشاكل.. 

عمر بابتسامه مستفزه
 وسمعتي اي كمان عني.. 

نور بغيظ شديد
 انت هتحترم نفسك ولا الم عليك الجامعه كلها.. 

عمر بنبره غاضبه
 لمي لسانك ي نور انا مش هسكتلك كتير.. 

نور بحده
مش مجبر تسكتلي ولا تتعامل معايا اصلا.. 

_اتت لتذهب ولكن جذبها من يدها بقوه لتعود واقفه امامه مجددا.. 

واردف بصوت هادئ وهوو ينظر لها من اسفل نظارته
 لا مجبر وانتي اللي اجبرتيني ع كل ده.. 

_جاء صوته الحاد كطوق نجااه لها، تعلم بانه سيغضب منها وسيعاتبها كثيرا ولكن دائما وجوده يجعل الامان يحاوطها.... 

_ذهب خالد اليهم وجذب نور خلفه، ووقف هو امام عمر وهو يرمقه بغضب تحت نظرات البرود من الاخر.. 

خالد بحده
 خير عايز اي؟.. 

_عمر وهو يضع يديه بجيبي بنطاله ورمقه من الاعلي للاسفل باستفزاز... 

عمر
ميخصكش حاجه بيني وبينها.. 

نور بغضب
احنا مفيش حاجه بينا انت اتجننت.. 

خالد بغضب شديد
اهي قالتلك يوم مهيكون في حاجه بينكم هتكون اتجننت ي عمر ي عزام.. 

عمر بنظرات غاضبه
لا مهو بقي في ومتجننتش اهو، ولا اي ي نور.. 

خالد بحده
 ملكش دعوه بيها انت فاهم، نور بنت الحج مندور خط احمر ليك وللي زيك.. 

عمر وهو يضع يده ع كتف خالد وهمس ببرود حاد
يعني خط احمر عليك انت كمان ماحنا منفرقش حاجه عن بعض.. 

_تهجمت ملامح خالد بغضب شديد، فحين ابتعد عمر عنه.. 

واردف بنبره تحذيريه
اخر مره اسمحلك تقف قدامي ي.. 

تصنع التذكر واردف ببرود مستفز
 اسمك خالد صح، اخر مره ي خالد.. 

_نظر انور بابتسامه ذات مغزي وغادر من امامهم.. 

نور بقلق
 يلا بينا ي خالد.. 

خالد بدموع متحجره
نور تتجوزيني؟... 

_نظرت له ببلاهه لعدة دقائق، ثم اطلقت زغروته عاليه لفتت نظر الجميع... 

خالد بغيظ
 يخبريت ام دماغك، انا اللي غلطان قدامي فضحتينا... 

نور بمرح
 قدامك ع المأذون صح قول اااه والنبي..

خالد بابتسامه واسعه
 بحبك ي نور... 

نور بابتسامه واسعه
وانا لا بحب ولا هحب غيرك.. 

ـــــــــــــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــــــــــــ
_في شركة عمر عزام.. 
_دلف لمكتبه بشركته الخاصه به وهو غاضب بقوه، خلع سترته والقاها ع الاريكه بغضب، ثم وقف امام النافذه المطله ع الخارج وهو يتنفس بصعوبه من شدة غضبه، حتي قطع نوبة غضبه دخول شقيقه له.. 

الشيمي بقلق
مالك ي عمر داخل تزعق وتتخانق مع الموظفين كده لي؟.. 

عمر بحده
في اي ي شيمي انت هتعلمني اتعامل ازاي فشركتي ومع موظفيني.. 

الشيمي بغيظ
 لا ي اخويا مقصدش، المهم كلم عندنان وقوله ان الطلبيات اللي عند مندور تلزمني، احنا لو ماخدناش الطلبيات دي هنخسر كتير... 

تنهد عمر بغضب وهو يجلس ع مقعد مكتبه الضخم
مهو ده كله بسبب غباءك، وعندنان قافش جدا فموضوع الشرطه اللي دخل بينا ده، وبعدين انت عارف هو بيحب مندور وبيحميه وده اللي مخليني شايل ايدي عنه.. 

تمتم الشيمي بسخريه وصوت هامس
 عندنان اللي حايشك عنه زمان ودلوقتي بنت مندور اللي هتجيبك الارض ي خويا.. 

عمر بحده
 بتبرطم بأي؟... 

تابع بجمود
 ع العموم اطمن انا خليت التجار اللي هياخدو من مندور البضاعه يدهولنا بس احنا كده خسرنا النص والنص ده راح فجيب مندور.. 

الشيمي بحقد
 كله من ال*** اللي اسمه يحي.. 

عمر بحقد شديد
 يحي ده طلع حكايته حكايه، ويتخاف منه.. 

الشيمي بفضول
 لي؟ اشمعنا يعني.. 

عمر بتنهيده طويله
عشان اللي اتعلمته من شغلنا انك متخافش غير من اللي الدنيا داست عليه هيبقي جاحد، انما يحي ده الدنيا هرسته، فتخيل انت بقي ازاي... 

ـــــــــــــــــــــــــــــــــــــــــــــــــــــــــــــــ
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــــــــــــ
_وبالمساء كان يحي عائداً من عمله ومعه التوني الذي تحدث قائلاً.. 

توني بسخريه
اقسم بالله البضاعه دي رايحه لعمر عزام... 

يحي بهدوء
 ميهمناش احنا اللي كسبانين.. 

توني بمرح
انا اموت وافهم دماغك دي احنا كسبنا قد تمن البضاعه مره كمان.. 

يحي بهدوء
هو انت مين اللي سماك توني؟.. 

توني بابتسامه ساخره
لا انا اسمي محمد ابويا الله يرحمه سماني محمد ودخلني كلية اصول دين وحاجات حلوه متجيش ع بالك بس الظروف الحوجه وقلة الفلوس رمتني ع سكتنا دي، اسم توني ده بقي امي كانت بتحب الافلام الاجنبي اووي فسمتني كده ع اساس اطلع شبه الاجانب.. 

يحي بتنهيده طويله
 وانت لا بقيت كويس زي م ابوك عايز، ولا بقيت اجنبي زي م امك نفسها.. 

_ ضحك الاثنين سوياً حتي وصل الي الحي الخاص بهم، تلقائياً رفع راسه ع نافذة غرفة سالي، ليجدها واقفه تنظر للسماء بشرود، وما ان انتبهت لصوت ضحكاتهم، حتي نظرت لهم بهدوء ثم دلفت واغلقت النافذه بقوه.. 

_توني بابتسامه هادئه وهو ينظر ليحي الذي يرمق نافذة سالي بملامح جامده.. 

توني
الدكتوره سالي متربيه معانا هنا فالحته وي بختك ي هناك بيها، انت تعرف لولا اللي بيعمله شوقي فاي حد يتقدملها مكنتش هتلحق تتجوزها من العرسان اللي كانت بتجيلها اخرهم امبارح الدكتور بتاع المستشفي اللي بتدرب فيها باين.. 

نظر له يحي باهتمام
دكتور مين؟.. 

توني بتوتر
 انا افتكر الحج مندور قالك.. 

يحي بجديه
دكتور مين ي توني اخلص؟.. 

توني بتوتر
امبارح جه واحد باشا كده فنفسه ومشي مدايق من عند الحج ولما سالته يطلع مين الجدع ده قالي ده دكتور اللي بتدرب عنده فالمستشفي الدكتوره سالي وجاي يخطبها، بس هو قاله انك خاطبها ومشاه وقفاه يقمر عيش... 

يحي بجمود وغضب لا يعلم سببه
 طيب انا هطلع انام... 

توني بهدوء
 وانا هروح تصبح ع خير ي كبير... 

_ذهب توني الي وجهة منزله، فحين رمق يحي نافذة غرفتها مجددا وهو يتنهد بضيق.. واردف لنفسه بغضب..

يحيي
 اما نشوف بقي حكاية الدكتور ده كمان.. 

ابتسم بسخريه وتابع وهو ينظر لنافذتها
 الاقيها من شوقي ولا من الدكتور ي حشريه هانم.. 

_ ذهب الي المنزل، ومنه الي شقة يحي التي مازال يقيم بها، خلع جاكيته الجلدي والقي بجسده ع الفراش، ثم اخرج هاتفه ليجد عدد كبير من المكالمات الوارده من شقيقه، تنهد بضيق وذهب الي موقع الوتساب اخذ يبحث بالاسماء عن شقيقه كي يحدثه ولكن لفت نظره من بين الاسماء هي.. ضحك بصوت هادئ وهو يقرأ اسمها الذي دونه بهاتفه بـ "دكتوره حشريه"، ثم قام بفتح المحادثه بينهم، ليجد ان بينهم رساله واحده فقد منها وكانت عندما راها ع السطح الخاص بالمزل ودون لها رساله بدفتر محاضراتها وقامت هي بالرد عليه هنا، راي بأنها اصبحت متصله الان.. 

ابتسم بتسليه وارسل لها
عامله اي؟... 

_ انتظر لبعض الثواني التي تحولت لدقائق حتي قرات الرساله، انتظر ردها ولكنها لم تجيب.. 

قطم ع شفتيه السلفه بغيظ وارسل لها مجددا
واضح ان التفكير فيا والبحليق فصورتي مخليكي مش عارفه تردي ع الرساله... 

_ع الجاب الاخر..قرأت هي الرساله التي ارسالها، لتشهق بقوه وتوتر.. واردفت لنفسها بخجل..

سالي
 اي ده هو عرف منين اني بفكر فيه وببحلق فصورته، لا اكيد هو بيستفزني كالعاده.. 

تنهدت بقوه واجابته
وحده زيي مش فاضيه للتفاهه دي اللي شغلاك.. 

_اخذت تنظر للهاتف وهي تراه استلم الرساله ويكتب لها الرد، تحولت ملامحها للغيظ وهي تري كم الضحكات التي ارسلها لها وخلفها تلك الرساله التي جعلتها تستشاط غيظاً والتي كانت.. 

يحيي
ع العموم ي انسه مش فاضيه فكري كويس عشان انا فرصه متتعوضش.. 

_ ارسلت له ذلك الملصق الذي يبتسم ببرود واغلقت الهاتف، ثم اخذت الوساده من جوارها وبدأت تضغط عليها بغيظ وغضب، ثم تذكرت حديثهم مجدداً حتي تحولت ملامحها سريعا للهدوء وهي تبتسم وتضع يديها ع وجهها بخجل... 

تنهدت بقوه واردفت بصوت واهن
 ياارب هونها ع قلبي ولو كان خير يكون ليا، بس انا لازم ارفض عشان كرامتي ومبانش اني واقعه عليه، وكمان يارب عشان هو لو كان بعد اللي عرفه عني مُحرج يقول لخالي انه مش عايزني فرفضي انا هيسهله الطريق ومش هكون تقيله ع حد، لكن لو تمسك بيها هيكون فعلا عايزني، ياارب يتمسك بيا بقي... 

_مسحت دموعها بظهر يدها، ووضعت رأسها ع الوساده، وابتسمت مجددا وهي تتذكره وتفكر به للمره التي لا تعلم عددها.. 

_اما هو ع الجانب الاخر كان يقف بنافذة غرفته وهو ينفث دخان سيجارته بضيق شديد وهو يستمع لرسالة شقيقه الصوتيه.. 

ياسين عبر الهاتف
 ابقي كلم عائشه النهارده ذكري وفاة معتز وانت عارف انها بتبقي مدايقه.. 

_ اغلق الهاتف والقاه ع الطاوله بجواره، وذاكرته تعود به للماضي... 

_فلاااااااااش باااك.. 
ـــــــــــــــــــــــــــــــ
_صدرت صرخه قويه من شقيقته، لينهض هو من ع فراشه سريعا ويذهب باتجاه غرفتها ومعه والديه وشقيقه الصغير.. 

عادل بقلق شديد
في اي ي بنتي بتصوتي لي كده؟.. 

عائشه ببكاء هيستيري
صاحبه.. مصطفي صاحب معتز كلمني بيقولي معتز استشهد ي بابا، هو اكيد هو قاله يعمل فيا كده عشان بخضني عليه صح؟.. 

قمر والدتها وهي تحتضن ابنتها ببكاء
 ي مصيبتي ي بنتي... 

عادل بحده
 استنو الانتو الاتنين وانت ي يحي خد تليفون اختك وكلم صاحبه ده شوفه يمكن فعلا بيهزر.. 

يحي وهي يأخذ الهاتف من شقيقته التي لا تكف عن البكاء
 حاضر، متقلقيش ي عائشه تلاقيه فعلا معتز بيهزر.. 

_اخذ الهاتف وغادر خارج الغرفه، وعاد بعد دقائق ودموعه تملأ عيناه وينظر لهم بخزي.. 

عادل بقلق
 طمنا ي بني قالك اي؟.. 

_نهضت عائشه التي كانت تجلس باحضان والدتها وامسكت يده واردفت برجاء وبكاء شديد..

عائشه
 يحي عشان خاطري ابووس ايدك قولي انه هزار والله يحي هموت قول انه بيهزر والنبي.. 

ضمها يحي بقوه له واردف ودموعه تهبط ع وجنتيه
 ادعيله ي عائشه هو راح فمكان احسن بكتير من هنا.. 

_لاحظ انهيار والدته وبكاء والده الصامت حتي شقيفه الصغير اخذ يبكي بقوه، ولكن كان النصيب الاكبر من الصدمه لعائشه التي انتفضت باحضانه واخذت تصرخ وتريد ان يبتعد عنها ولكنه لا يتركها بل ضمها له اكثر وهو يحاول تهدأتها.. 

عائشه وهي تمسك بقميص يحي من الخلف بقوه وتصيح بهستيريا
 لييي كده لييي يسيبني، هو قالي هيرجع ي يحي، هو كلمني وقالي هيرجع عشاني وعشان بنتنا قمر ي يحي.. 

_فاااق من شروده فتلك الذكري المؤلمه ودموعه تغرق وجهه وانفاسه متسارعه، مسح دموعه واخرج هاتفه وبحث عن رقم شقيقته ولكن قبل ان يهاتفها اغلق الهاتف مجدداً، وجلس ع فراشه وهو يضع وجهه بين يديه ويبكي بأنين مكتوم ثم نظر للهاتف.. 

واردف بحزن فاق الحدود
 مليش عين اكلمك ي عائشه، انا اسف اني مش قادر اكون جنبك، واني مقدرتش احميكي منهم زمان.. 

ـــــــــــــــــــــــــــــــــــــــــــــــــــــــــــــــ 
ــــــــــ #بقلم_الكاتبه_رحاب_القاضي ــــــــ
ـــــــــــــــــــــــــــــــــــــــــــــــــــــــــــــــ 
_ بعد عدة ايام... 
ــــــــــــــــــــــــــــ
نور وهي تدلف خارج غرفتها بعد ان اتمت ارتدااء ملابسها
 هي البت سالي مش جايه الكليه برضو النهارده ي ماما؟.. 

سالي وهي تدلف خارج المطبخ ممسكه بطبق كبير من الحلويات
 اااه مش رايحه، هروح من اول الاسبوع الجاي.. 

سعاد بأعتراض
 ي بنتي روحي اهو تغيري جو، وبعدين خالك مش هيعجبه النظام ده وانتي فهماني. 

سالي بغيظ
يعني اي ي مرات خالي هيغصبني اتجوزو بالعافيه... 

سعاد بنفاذ صبر
لا طبعا بس مفيش مبرر لرفضك ي سالي.. 

سالي وهي تترك الطعام من يدها وتذهب باتجاه الخارج
انا هقعد فوق شويه.. 

نور بخبث
اهربي اهربي.. 

_ تركتهم وذهبت للاعلي، مرت من امام شقته نظرت لها بضيق ودموع لمعت بعينيها ثم شعرت بحركه خلف الباب فهرولت للاعلي بخطوات هادئه، فحين دلف هو للخارح وهو يعبث بهاتفه ثم هبط للاسفل تحت نظراتها المتابعه له من اعلي الدرج، ثم تنهدت بضيق واكملت طريقها للاعلي... 

_ دلفت نور خارج منزلها، فوجدت يحي يهبط الدرج متجهاً للاسفل.. 

نور بمرح
 صباح الفل ي عريس.. 

يحي بهدوء
صباح النور.. 

تابع بجمود
هي سالي مش رايحه الكليه؟..

نور بخبث وحزن مصطنع
مع الاسف من يوم معرفت انك هتخطبها لا بتروح كليه ولا حتي التدريب بتاعها اللي فالمستشفي.. 

_ اومئ لها يحي بجمود وكاد ان يذهب للاسفل حتي اوقفته نور معترضه.. 

نور
 ع فين هو ده بس ردة فعلك؟.. 

يحي بحاجب مرفوع وملل
عايزه اي يعني؟.. 

نور بغمزه مشاكسه
 لالي لسه طالعه فوق دلوقتي.. 

يحي بابتسامه هادئه
لالي مين، واعملها اي؟.. 

نور بنفاذ صبر
 سالي ي يحي طلعت فوق لوحدها فرصه حلوه بقي تكلمها وتقنعها والنبي.. 

يحي ببرود
 ملكيش دعوه.. 

نور بغيظ وهي تتجه للاسفل
 تصدق انا غلطانه اللهي ياارب ترفضك ي رخم هي اصلا خسارة فيك ي باارد.. 

يحي باستفزاز
بس بس روحي شوفي خالد فين واجري ورااه.. 

_ احمر وجهها بغيظ فحين اخرج هو احدي لفافات التبغ خاصته واشعلها بهدوء.. 

لتردف بغضب وهي تتجه للاسفل
 منك لله ي خالد خليت اللي يسوا واللي ميسواش يتمهزأ بيا.. 

_ نظر لها هو بابتسامه واسعه ع تلك فاقدة العقل، وكاد ان يهبط هو للاسفل ايضا، ولكن توقف واخذ نفس عميق واتجه للاعلي مجددا، وصل الي هناك ليجدها تقف امام السور تنظر للاشئ، وقف خلفها بمسافه وكاد ان يتحدث، حتي صدح رنين هاتفها.. 

اجابت هي بصوت هادئ
السلام عليكم ي دكتور احمد.. 

اجاب الاخر بضيق
 وعليكم السلام ي دكتوره، اخبارك اي؟.. 

سالي بهدوء
الحمد لله بخير، انا كنت هكلم حضرتك او دكتوره نادين عشان اعتذر عن الغياب بتاعي و.. 

قاطعها الاخر بجمود
لا حصل خير المهم تكوني انتي كويسه.. 

سالي بهدوء
 انا كويسه الحمد الله، وشكرا ع سؤال حضرتك.. 

احمد بنبره حزينه
 لا متشكرنيش انا اللي حابب اعتذر منك ع سوء التفاهم اللي حصل.. 

سالي بعدم فهم
سوء تفاهم! سوري ي دكتور انا مش واخده بالي انت بتتكلم عن اي بالظبط؟.. 

احمد بتعجب
هو الحج مندور خالك مقالكيش اني جيت اتقدملك ومكنتش اعرف انك مخطوبه لابنه.. 

سالي بعدم تصديق
 تتقدملي انا؟!... 

احمد بنبره حزينه
 ايوه ي سالي وللاسف عرفت انك مخطوبه فعشان كده بعتذرلك.. 

سالي بتوتر شديد
 لا يعني انا محدش قالي و.. 

احمد بتنهيده
 حصل خير ي دكتوره اتمني تكوني بخير وترجعي تعوضي الحاجات اللي فاتتك فالتدريب.. 

سالي بتوتر واحراج
ان شاء الله ي دكتور.. 

_ اغلقت معه سالي ثم تنهدت بقوه.. واردفت بصوت شبه عالي..

سالي
 ياارب يعني الناس كلها تجيلها خُطاب تبقي مبسوطه معادا انا اشيل الهم ع دماغ اللي خلفوني ويجولي دفعه واحده كمان.. 

_ استدارت لتذهب للاسفل، ولكنها شهقت بفزع ما ان رأته يقف خلفها ويضع يديه بجيب بنطاله وينظر لها بهدوء شديد.. 

سالي بتوتر وانفاس متسارعه
اا انت هنا من امتي؟.. 

يحي وهو يتجه لها ويقف امامها ومزال يضع يديه بجيبي بنطاله
 من لما الدكتور كان بيطمن عليكي.. 

_تنهدت بضيق وكادت ان تذهب للاسفل.. حتي اوقفها بقوله الجاد...

يحيي
 هنحدد معاد الخطوبه امتي؟.. 

نظرت له واردفت بغيظ
 انا قولتلك ردي قبل كده اني مش موافقه.. 

يحي بهدوء شديد وهو يشير لنفسه بثقه
 وانا قولتلك اني فرصه متتعوضش.. 

سالي وهي تتجه للاسفل بضيق
 ع نفسك.. 

يحي بخبث
 انتي لي مستقله بنفسك وشايفه نفسك متسويش حاجه كده لي؟.. 

استدارت له واردفت بغضب
لا طبعا انا مش كده.. 

يحي بنبره حاده
اومال رافضه لي؟.. 

_توترت من نظراته المصوبه لعينيها، ونظرت للجهه الاخري وهي تضم كفيها لبعضهم.. 

واردفت بضيق
مش رفضاك انت انا مش عايزه اتجوز اصلا واظن خالي ومرات خالي قالولك لي.. 

يحي بجديه
انا شايف ده شئ ميعيبكيش فحاجه وبالنسبالي مش فارق.. 

لمعت الدموع فعينيها واردفت بنبره مهزوزه
لو سمحت انا مش عايزه اتكلم فالموضوع ده.. 

يحي بهدوء
 تمام وانا متكلمتش فيه انتي اللي فتحتي الموضوع اللي انا لا عايزه اتكلم فيه ولا اسمعه تاني اصلا.. 

سالي بضيق شديد
 انا مش عايزة اتجوز ي يحي.. 

يحي بهدوء
 بصي ي سالي اللي حصل زمان ده نحطه ع جنب وعايزك تبصي ع نفسك دلوقتي بنت مليون واحد يتمناها وانا بالمليون دول.. 

نظرت له بحاجب مرفوع.. فتابع هو بثبات
دكتوره ومتربيه كويس واموره وكيوت و.. 

سالي بخجل ظهر من تورد وجنتيها
 احترم نفسك.. 

يحي بابتسامه هادئه
 اللي قصدي اقوله ان وحده بالمواصفات دي كلها لو محتاجه وقت تفكر فيه بموضعنا يبقي تفكر فحاجه وحده بس، انا مناسب ليها ولا لا؟ يحي رد السجون اللي مكملش كليته وانتي كليه قمه مناسب ليكي ولا لا؟... 

_نظرت له بهدوء، فكلامه اعطاها الكثير من الثقه بنفسها التي فقدها بسبب ماضيها المؤلم.. 

اردفت بفضول
 انت مكملتش كليتك لي؟.. 

يحي وهو يضرب كف بالاخر بمرح
 لا حول ولا قوة بالله يارب حتي واحنا بنتكلم فموضوع مهم زي ده حاشره مناخيرك فاي حاجه وخلاص.. 

_ نظرت له بضيق وكادت ان تذهب للاسفل، ليجذبها هو من يدها بهدوء.. واردف بابتسامه واسعه..

يحيي
 استني ي حجه بهزر، انا كنت بدرس فحقوق وكنت الاول ع دفعتي 3 سنين وسيبت كليه ظروف اجبرتني ع كده.. 

سالي بهدوء
ظروف اي؟... 

يحي بجمود
 ظروف وخلاص مش مهم انك تعرفيها.. 

سالي بجمود
 طيب بص بقي لو انت عايزني بجد زي مبتقول يبقي تحكيلي كل حاجه عنك وكمان تعرفني ع اهلك وتجيبهم وتخطبني من خالي.. 

نظر لها مطولا بضيق اردفت هي بسخريه
 اي طلبي صعب للدرجه دي؟.. 

يحي بجمود
 ااه صعب ده انا اروح اتجوز صفيه اسهل.. 

سالي بغضب
 ااااه افتكرت، اهو عشان صفيه واللي شوفته قبل كده فـ والله لو جيبت بلدك كلها مش موافقه ي بتاع صفيه.. 

_ ضحك وهو يمسح ع وجهه بهدوء، فحين تركته وذهبت باتجاه الاسفل بملامح غاضبه.. 

يحي بهدوء
 طيب ع العموم فكري وقوليلي.. 

استدارت له وهي تجيبه بغيظ
قولتلك لااا.. 

يحي بهدوء مستفز
 لا اي انا بقولك تفكري وتقوليلي اختارتي الوان اي لشقتنا.. 

سالي بغيظ وهي تذهب من امامه
مستفز... 

_ نظر هو لها وهي تغادر بغضب منه بأبتسامه واسعه، ثم احتضن ذلك الخاتم الذي بيده الاخرى وتنهد بضيق... 

_وعاد به الماضي مجدداً... 
ـــــــــــــــــــــــــــــــــــــــ
دلفت فرح خارج غرفة شقيقته وهي تحمل بين يديها تلك الصغيره.. 

قمر بقلق
عائشه عامله اي دلوقتي ي فرح.. 

فرح بهدوء
 انا اتكلمت معاها ي طنط وحاولت اخرجها من المود ده شويه، وهي طلبت مني اخد قمر عشان هتنام شويه... 

يحي بتنهيده طويله
طيب كويس انها هتنام.. 

قمر وهي تاخذ الصغيره من فرح
طيب ي حبيبتي هاتيها عنك عشان متتعبكيش انا هدخل انيمها واجيلك متمشيش انا لسه مقعدتش معاكي والا هزعل.. 

فرح بابتسامه هادئه
حاضر ي طنط هستناكي.. 

_ذهبت قمر بالصغيره الي غرفتها تحت مراقبة يحي لها، ثم نهض وامسك بيد فرح.. 

واردف بهدوء
 تعالي اوريكي اوضتي.. 

فرح بتوتر
 ي بني انت وقته ده، انا هستني طنط هنا... 

يحي وهو يجذبها رغماً عنها لغرفته
اسمعي الكلام ي بت انتي.. 

_ دلف بها لغرفته وترك الباب مفتوح.. واردف وهو يقف بنصف الغرفه...

يحيي
 ها اي رئيك؟... 

_ ابتسمت فرح وهي تنظر للغرفه واساسها البسيط وتلك الصور الرياضيه التي تملأ الغرفه والوانها الهادئه واردفت بأعجاب.. 

فرح
جميله جدا وهاديه.. 

يحي بثقه
طبعا مش اوضتي.. 

فرح وهي تجلس ع مكتبه الذي يدرس عليه
تواضع لله مره فحياتك.. 

_ابتسم لها بهدوء، فحين اخذت هي تعبث بكتبه وكانها طفل صغير تحت مراقبته لها بهدوء.. 

فرح بحده وهي تمسك احد الاوراق
مين سما احمد دي اللي اسمها مكتوب ع الورق ده... 

يحي بتوتر وهروب
مين سما احمد دي؟... 

_ نهضت فرح وامتلئت عيناها بالدموع وكادت ان تذهب للخارج، ولكن ذهب هو خلفها وامسك يدها ومنعها من الخروج.. 

يحي بهدوء
طيب استني هقولك والله.. 

فرح وهي تعقد زراعيها امام صدرها بملامح غاضبه
مش عايزه افهم حاجه، انا عايزه امشي.. 

يحي ببعض الحده
 انتي شايفه ان ده وقته ي فرح للحركات دي خلي عندك دم.. 

فرح بسخريه
 لا اسم الله.. 

يحي بحاجب مرفوع وغضب
 ده ورق وحده زميلتي فالكليه و.. 

فرح بغيظ
وبيعمل اي معاك وتكلمها لي؟... 

يحي بغيظ
بتكلم اديني بتكلممممم مخلصتش كلام.... 

تابع بجمود
الفتره اللي عدت مكنتش بروح الكورس خاالص والدكتور طلب منها تديهم ليا وهي لما قابلتني اديتهوملي اصورهم وارجعهم ليها.. 

فرح بغيظ
يعني هتكلمها وهتديهم ليها تاني صح؟.. 

يحي بغمزه مرحه
 عرفتيها لوحدك دي؟... 

فرح بغضب وهي تذهب للخارج
 هزر براحتك انا ماشيه.. 

يحي بسرعه وضحك شديد
 استني خلاص والله هديهم للدكتور وهو يديهم ليها اي رئيك كده مرضيه.. 

فرح بنبره حزينه
 ااه مرضيه كده.. 

يحي بغمزه
 بس اي الحركات دي، بتغير ي باشاا؟.. 

فرح بحده
ااه بغير مش بحبك لازم اغير.. 

يحي بابتسامه واسعه وعدم تصديق
اي قولتي انك بتحبيني صح؟.. 

فرح بخجل وهروب
 انت شايف ان ده وقت الحركات دي خلي عندك دم.. 

يحي وهو يقلد طريقتها منذ قليل
لا اسم الله... 

_ ابتسمت فرح بهدوء وهي تشيح بوجهها للجهه الاخري... 

يحي بهدوء
 ها قولتي اي دلوقتي هاا اكديهالي بقي... 

_اخذت نفس عميق واجابته وهي تنظر له بهدوء وترمش بعيونها بشكل رقيق اكثر من مره..

فرح
 قولت اني بحبك ي يحي.. 

_ ما ان انهت ما تفوهت به حتي هرولت للخارج، وهي تنادي والدته للجلوس معها، فحين ابتسم هو بقوه وهو يضع يده ع قلبه الذي اخذ ينبض بقوه، لا يتذكر بان قلبه اصابه هذا الشعور من قبل... 

_ فاق من شروده وابتسامته الشارده ع صوت صفيه الذي جاء من. خلفه... استدار لها بعد ان اختفت ابتسامته واردف بجمود..

يحيي
 عايزه اي ي صفيه؟.. 

صفيه بحده
انا لا هقولك انت مش بترد عليا لي؟ ولا مطنشني لي؟ وزي مرميت كل حاجه ورا ضهري وطلعت ليك لحد هنا عشان تقولي اشمعنا البت دي اللي تتجوزها وانا لا؟، ولا اكمني انا خرج بيت وهي لسه بشوكتها، لا احب اقولك انها.. 

يحي بحده
 كلمه كمان عليها وهخليكي تمسكي لسانك فأيدك وانتي نازله.. 

صفيه بدموع
 ي يحي انت متعرفش حاجه انا ع الاقل كنت متجوزه انما هي هيلبسوك فيها.. 

يحي بغضب
اعرف كل حاجه ي صفيه واعرف ان اللي حصلها غصب عنها وانا معنديش مانع، وهتجوزها بأرادتي وطلعي نفسك من الموضوع عشان مقولش كلام يزعلك عن مين اللي كان عايز يدبسني فيه.. 

صفيه بدموع وسخريه
بقي كده ي يحي؟.. 

تابعت وهي تربت ع كتفه
لا الف مبروك ي عريس وربنا يهنيك بعروستك وابقي احكيلها ع فرح عشان دماغها متدوديش وتجيب زي حلاتي لما تشوف اسمها اللي مكتوب ع قلبك... 

_ تركته وذهبت للخارج، ولكنها استدارت وهي ترمقه بسخريه. واردفت.. 

صفيه
وابقي خلي بالك من شوقي مش هيهنيك عليها، اصل اللي يقتل اربعه عشان واحده مش هيسيبها بسهوله.. 

تركته وذهبت للاسفل، ليتنهد هو بضيق وهو يعلم بان القادم لن يمر مرور الكرام ع الجميع... 

فماذا يحدث.. 

تعليقات