تمنى بتوتر _عبد الرحمن متقدملك
وصراحه بقى انتي لازم توافقي
بدهشه_نعاااااااااااااااام دا ف المشمش
بعد يومين
ببسمه_بارك الله لكما وبارك عليكما وجمع بينكم في خير ومودة ورحمه
المأذون مشي
ببسمه_الف مبروك ياقرع
بضحك_مش هرد عليك عشان انت اكبر مني بسنه
_الف الف الف الف مبروك يحبيب اختك لولولولولولي
فرحانه
_مالك ياولية
اشحال عارفه الي فيها
_فرحنالك ياض
_الف مبروك يابودة
بضحك_الله يبارك فيك ايها السايح ههههههه
مش قادر
بقرف_كتكوا القرف عيله متنمرة
قعدوا شوية
وعبد الرحمن بص لفريدة كتير الي هو مش يلا عشان نمشي ؟
قالت برفعه حاجب وغيظ_ايه بتبصلي كدة ليه
مش خلاص كتبت كتابك عليا
عشان تحميني
اتفضل بقى انا بايته هنا
بكز على سنانه_يلا يفريدة متعصبنيش
تمنى بسرعه_ايوة يافريدة اسمعي كلام عبد الرحمن وروحي مع جوزك
_مش رايحه انا فحته انا اصلا مكنتش عايزة الجوازة دي
عبد الرحمن ببرود_طب وبالصلاهُ عالنبي كدة
اوعيلي ياتمنى
وراحلها وشالها
على ايدة وهو بيسأل_حد عايز حاجه قبل ما نمشي ؟
الكل ضحك فخرج هو من الباب وهي عماله تزعق فية يسيبها وترفس
حطها ف العربية من قدام ودخل بسرعه وقفل ماسوجر العربية
وركب وطلع بالعربية
فريدة بغضب _انت عبيط ايه الي انت عملته دا
_ششش مش عايز اسمع صوتك
عشان انتي بتنرفزيني
_بقولك ايه نزلنننننننيييي
انت اطرش بقولك نزلنييييي بقى
واكملت بتهديد _واقسم بالله لو منزلتني دلوقت لصوت واقول خاطفني
_أعلى ما فخيلك اركبيه ،مباخافش
فريدة نزلت الازاز وقعدت تصوت وتقول _الحقونااااااااااااااااااااي خاطفني
ياناااس الحقوناااااي
كان في عربية شرطه معدية
وقفوا ونزلوا راحولهم بسرعه
الظابط بغضب وصوت عالي _انزليييي ياروح امك دنت هيطلع *****امك دلوقت انزلي
هي بشماته_ايوة انزلوا يازباله
عبد الرحمن بحدة_انتي تخرسي وانت عايز ايه بروح امك وبتكلمني كدة ليه
_روح امك! طب انزلي انزلي
كدة محضر خطف ومحضر تعدي على سلطات
_نازلك حاضر
ونزل من العربية
وهو بيقوله بغضب_سمعني بقى كنت بتشتم مين
_بشتمك انت ...هيكون مين
وهو بيحك ايدة فدقنه_اممم
وانت عارف انا مين بقى عشان تبقى واثق كدة وانت بتشتمني؟
_هتكون مين يعني عيل ابن و***
مترباش ؟
_لا العقيد عبد الرحمن عز الدين
ياروش
_فين الي يثبت دا يبابا
طلعله الكارنيه وحطه فعينه وهو بيقول _امسك شوف اصلي بكذب على ****
شاف الكارنيه واتأكد انه ظابط فقاله بأحترام _انا اسف يباشا بس يعني هي كانت بتصرخ
_يعم مراتي وحامل وهرموناتها طافحه على اهلي
_انا اسف يباشا اتفضل والف مبروك
_انا هعديلك الي عملتوا بمزاجي عشان مكنتش تعرفني
_انا اسف يباشا مرة تانية
ومشي
وعبد الرحمن ركب العربية تاني وهو بيقول بنبرة لا تحمل النقاش_مسمعش صوتك طول منا ماشي
ولما نوصل ليا تصرف تاني معاكي
بلامبالاه_يعم اتهد
وصلوا البيت
ونزلوا وطلعت معاه بهدوء
فتح باب الشقه ودخلوا
فقالت بأستغراب_هو احنا مش هنعيش مع عيلتك
_لا ومش عايز كلام
اتفضلي ادخلي غيري
ولا شوفي هتعملي ايه
دخلت الاوضة
وفتحت الدولاب لقت هدوم
اخدت منهم ودخلت الحمام تاخد شاور
وخرجت لبست وقعدت عالسرير وهي ماسكه موبايلها
عبد الرحمن دخلها وهو بيبصلها بهدوء_قومي اعمليلي حاجه أكلها
_متعمل لنفسك ؛كان حد قالك اني الخدامه الفلبينيه الي جابهالك ابوك ؟
_ايوة يعني هتقومي ولا لا ؟
_لا
_هو ايه الي لا
انا جعان
_متاكل هو حد ماسكك
_اللهم طولك ياروح
طب يلا يافريدة قومي اعمليلي اكل
_اي المقابل
مسح على وشه بضيق _ انتي عايزة ايه
_شوكلاته
_ماشي هجبلك
بس قومي عشان مكلتش حاجه من الصبح
قامت بتناكه وهي بترفع كتفها بتكبر وتقول_والله انا مش عارفة من غير انتوا اصلا كنتوا هتعملوا ايه
ودخلت المطبخ وبدأت تعمل الاكل
وهو نزل اشتري شوكولاته وطلع
دخل المطبخ كانت هي واقفه بتعمل وبتدندن
قال ببسمه_فريدة هو انتي سامحتيني
ردت بجمود_لأ بس بحاول اتأقلم لحد ما نتطلق
اكيد مش هفضل وشى فوشك طول الوقت
ومش هنتكلم
بدهشة _نتطلق؟
_اة ،انت بنفسك الي كنت قايل انه جواز مؤقت
عشان تحميني ولا انت عندك رأي تاني؟
_سيبيها على الله
يمكن منتطلقش مين عالم ،يمكن تحبيني
ضحكت بقوة_دا عند ام ترتر ان شاء الله
بقولك ايه شوف انت رايح فين عقبال ما الاكل يجهز
يلا
خرج قعد فالريسبشن وهو وطلع علبة السجاير وبدأ يشرب
خلصت هي الاكل وحطته عالسفرة وهي بتقول _يلا عشان ناكل
راح قعد عالسفرة
وابتدا ياكل قالت هي _انت جبت الشوكولاته ولا لا؟
_لا
بصدمه_نعم ؟
يعني انت خليتني اعملك الاكل وقولتلي هجيبلك وف الآخر متجيبليش ؟
_اه ومفيش شوكولاتات
وعايزك تتعودي بعد كدة تعملي الاكل منك لنفسك عشان انا جوزك !.
_جوزك ؟ طب اوعى
وربنا منت طافح ولمت الاكل
من قدامه ولسه هتمشي
عبد الرحمن بضحك_يخربيت عفانه امك
دنتي نتنه اقعدي حطي الاكل خليني اكل
انا جبتلك الشوكولاته
_طب ماكان من الاول
وحطت الاكل تاني
ياسااااتر عليكي بومه
يخربيت الي يهزر معاكي تاني
_يعم انا مبحبش الهزار
ريح بقى
ومش هتاكل غير ما تديني الشوكلاته والا وربنا من واكل
طلع الشوكولاته من ايدة بغيظ وهو بيديهالها ف وشها _اهي اهي يانتنه اهي خدي
_هات
انا قايمه كل ولم الاكل
انا مش خدامه عندك
وكملت بمكر _لكن لو عايزني بقى اشيلك الاكل هيكون بمقابل ايه رأيك ؟
_لا انا هشيله انا شكرا جدا ليكي
ولخدماتك
_براحتك
ودخلت الاوضة
وجابت كتاب وقعدت تقرأ فيه عالسرير
شوية ولقت عبد الرحمن داخل وهو معاه كوباية سموزي وبيشرب وجه قعد جنبها عالسرير
فريدة بتزمر_انت معملتليش معاك ليه
هو مش انا طفحتك؟
بمكر_عايزاني اعملك سموزي زيي هيكون بمُقابل
ايه رأيك
_اي دا ايه العفانه دي عايز مقابل عشان تعملي عصير ؟
بضحك_بتعلم منك
بقى !
_مش عايزة منك حاجه خلاص
بضحك_بهزر معاكي ،انتي فاكراني معفن زيك ولا ايه ادخلي هتلاقي في جوة ف الخلاط
صبيلك قبل ما يسخن
_مش عايزة
_براحتك
_اوووف وقامت صبتلها ورجعت
قدعت عالسرير
بتلاعب_يلا بقى هاتي المقابل
_مقابل ايه ؟
_السموزي
_لا
بغمزة_طب هاتي بوسه وهستغنى عن المقابل
_غور يلا
_هو محدش قالك انك لازم تسمعى كلام جوزك حبيبك !
_حبيبي
غور يلا وبعدين لا محدش قالي ومفيش بوسه وقوم بقى عشان عايزة نام
_طب منا كمان عايزة انام هو انتي لوحدك يعني ؟
_ايوة انا عايزة انام ف طبيعي انام هنا
لكن انت تنام
روح اوضة الاطفال او نام عالركنه برة او الكنبه برة
اي حته غير هنا
_لي يعني كان حد قالك ان السرير. بأسمك ولا ايه
انا هنام هنا
_لا انا الي هنام هنا
_طب منيش متحرك من هنا
_طب اقسم بالله منا متحركه من هنا
_طب وربنا لنا نايم هنا
وخلي بالك انا حلفت وانتي حلفتي
فلازم تنامي جنبي
_اوووووووووووووووووووف وحطت مخدة كبيرة مابينهم وكملت_
اتخمد بقى وشدت اللحاف عليها ونامت
وهو نام من غير لحاف(غلبان والله )
عند لؤي
كان فشغله مطبق والمفروض يروح
بص ف الساعه لقاها ١١
رن على تمنى
_الو
_الو
_انتي روحتي ولا لسه ف الشغل؟
_لا لسه ف الشغل
قدامي شوية أوراق اراجعها وهروح
_طب انا هعدي عليكي اخدك
واروحك ماشي
_يبني منا معايا عربيتي
هو تبذير بنزين وخلاص
_اصلا
طب ايه
_نتقابل بكرة
واحنا عند فريدة
_ اشطه
_برأيك زمانهم اتصالحوا ولا لسه مش طايرين بعض
_والله بشخصية فريدة دي ف احب اقولك انهم زمانهم بيولعوا ف بعض مش طايقين بعض بس
_الله يبشرك بالخير
طب بص انا هقفل دلوقت
اراجع الورق بسرعه عشان كتير
وابقى ارن عليك وانا ماشية
_طيب سلام
سلام
عدا الوقت وكانت مروحه متأخر والساعه كانت ٢
ف فكرت انها مينفعش ترت علية دلوقت
فروحت عالبيت
ودخلت وبصت على هدوء البيت وهي حزينه فريدة اتجوزت حتى لو جواز مؤقت بس اتجوزت
وخالتها ماتت ربنا يرحمها
دخلت المطبخ عملتلها اكل وأكلت وطلعت اوضتها غيرت ونامت
تاني يوم
فريدة صحيت الصبح وهي حاسه بحاجه مكلبشه فيها
فتحت عينها لقت........
الفصل الثاني عشر
صحيت الصبح وهي حاسه بحاجه مكلبشه فيها جامد
وحاسه بدفئ غريب
فتحت عينها لقت عبد الرحمن فوشها
فضلت بصاله بتتأمل فيه ومشت ايدها على شعره الناعم ببسمه
قال وهو مازال مغمض عينه _حلو مش كدة
فريدة بصدمه_هو ايدة الي حلو ؟
_جوزك
بتوتر _اااا
وكملت بتتويه_بعدين لحظة انت ازاي تحضني كدة
اوعى خليني اقوم اوعى
وجت تقوم شدها عليه اكتر
وقت فوقه
فريدة بتوتر_ما تسيبني
عايزة اقوم
_تؤ
_طب اوعى بقى وزقته جامد وقامت
بوجع_يخربيت امك
متجوز راجل
فين الانوثة يابت ايدة
_عشان تحرم بعد كدة
وراحت خدت لبس من الدولاب
ودخلت الحمام
وبعد قليل خرجت
وهي لابسه
قال وهو مربع ايدة ورا راسه وبيتفرج عليها وهي بتسرح شعرها_رايحه فين
_راحه فداهية تاخدني
_طب متتكلمي عِدل بدل مقوم اعدلك انا
ها رايحه فين ؟
بضيق_هف راحه الجامعه
بضحك_يوم صباحيتك
_صباحيه زفت على دماغك
اة هروح عايز ايه ياعني
_يبنتي انتي ليه كل كلمه اقولهالك تردي بهجوم
هو انا متجوز طور ؟
_هو كدة ان كان عاجبك
_عاجبني جدا
تعالى بقى شديني اما اقوم
_لي اكتع
_متنجزي
_يووووووه
وراحت ناحيته ومسكت ايدة وهي بتشدة بس كان منشف نفسه جامد
ومرة واحدة شدها عليه وباس خدها وهو بيقول _ماتخديش على طريقتي الحلوة دي معاكي عشان انا قلبتي وحشه ،ببقى عامل زي التايمر
لو الوقت المحدد خلص بقلب جامد
انا اسايبهالك بس نصيحه متسوقيش فيها
تمام؟
قالت بتوتر من لهجته الحادة_ماشي
_شطورة
قالها وهو بيربت على شعرها
قام وقبل ما يدخل الحمام قال_متمشيش غير لما انزل
هاخدك ف طريقي
_شكرا
هعرف امشي لوحدي
_احنا لسه كنا بنقول ايه ؟
_طيب ماشي ياريت تخلص بسرعه
ونزلت عملت فطار وحطته عالسفرة وهو نزل وكان لابس وفطروا وخدها وخرج
ركبوا العربية وطلع عالجامعه بتاعتها
وقف وهي نزلت
_خلي بالك من نفسك
_حاضر
_تخلصي وترني عليا احي اخدك
_ماشي
_متقفيش مع حد متعرفهوش
_طيب ،حاجه تاني؟
بضحك_لا يلا امشي
بعد ما مشي
جت مريم وهي بتقول ببسمه_اوعى بقى
ارتبطوا صح انا اصلا كنت حاسه انه بيحبك
_لا اتجوزنا
بصدمه_نعم انتي بتهزري صح
اتجوزتوا امتى
ومقولتليش ليه
بت بقولك ايه انا عايزة أعرف كل حاجه خلتكوا تتجوزا
يلا بسرعه
_بصي بما ان باقي نص ساعه عالمحاضرة هحاول الخصلك الموضوع .......وحكتلها كلها حاجه
مريم بصدمه_يعني انتي كنتي مخطوفه و يسرى دلوقت محبوسة وعبدة وإيهاب طلعوا ظباط
وعبد الرحمن بيحبك واتجوزك عشان يحميكي
ايه الفيلم الهندي الي انتوا فية دا
يلهوي
بت بقولك ايه مبروك الف مبروك يلا عالمحاضرة
دي مش جوازة دي
فريدة ضحكت عليها ودخلوا المحاضرة
وبعد وقت كانوا خلصوا
_بقولك ايه انا همشي انا بقى
_ليه يابنتي ما في محاضرة تانيه لسه
_ما المفروض تمنى هتجيلنا وكمان عيله عبد الرحمن
_ااااه لا يبقى روحي وانا هبقى اسجلك المحاضرة
وابعتهالك
_حببتي
يلا عايزة حاجه وحضنتها
_سلامتك
ومشيت
وفريدة رنت على عبد الرحمن يجي ياخدها
والوقت الي كانت مستنية فيه عبد الرحمن كان في شخص بيراقبها ولما عبد الرحمن وصل
ركبت معاه وطلعوا بالعربية
والشخص دا كان في عربية مستنياة ركبها
وطلعوا وفضلوا ماشيين ورا عربية عبد الرحمن
عند تمنى كانت خلصت شغل وروحت البيت لبست
فستان فيروزي لحد الركبه وعملت شعرها ديل حصان وهيلز بيضة
وخرجت ركبت العربية وراحت على بيت عبد الرحمن
ولؤي نفس الكلام خرج من شغله راح البيت لبس قميص اسود وشمر كمه لحد الكوع وبنطلون اسود وجزمه سودة وراح على بيت عبد الرحمن لأنهم كانوا متفقين على المعاد الي هيروحوا فين هناك
اتقابلوا قدام البيت
ف ابتسم لؤى وهو بيقول بحب_قمر
تمنى بكسوف_ميرسي
امال فين اختك واستاذ معتصم ؟
_رنيت عليهم من ساعه قولتلهم نروح سوا قالولي هيجوا لوحدهم زمانهم بيلبسوا
_اه طيب
هو لي مفيش صوت لفري وعبدة ؟
_تلاقيهم نايمين
رني الجرس
رنت الجرس لكن محدش رد
وقعدوا ربع ساعه يخبطوا ويرنوا الجرس وبردك محدش رد
فقالت تمنى_يمكن مش فالبيت
_يوم الصباحيه؟
_يمكن معرفش
رن علي عبدة كدة وانا ارن على فريدة
رن علية كتير لكن بيدية جرس ومش بيرد
وهي بترن على فريدة نفس الحاجه
تمنى بقلق_لت كدة انا بدأت اقلق
في عربية عبد الرحمن
فريدة كانت باصه ف مراية العربية وقالت بصدمه _عبد الرحمن العربية دي ماشية ورانا من بدري
انا خايفه
عبد الرحمن بص فالنهاية لاحظ ا٦نها فعلا ماشية وراهم فقال بهدوء عشان ميخوفهاش _اهدي مفيش حاجة تلاقي نفس الطريق بس
ودخل من شارع جانبي
والي حصل ان العربية دخلت وراه ف الشارع الجانبي
فريدة بخوف وهي ماسكه ف دراعه_عبد الرحمن انااا خايفه اااااااااااااه
صرخت لما العربية خبطتهم من ورا
عبد الرحمن بدأ يسرع جامد وهو بيطمن فريدة
ودخلوا على طريق صحاري
ف العربية التانية بدأت تضرب نار
عبد الرحمن بعصبية وهو حاطط ايدة على دماغها بيحميها_انزلي تحت بسرعه وناوليني المسدس من التابلوة بسرعه انجزي
فريدة سمعت كلامه بخوف وهي بتعيط
وادته المسدس وهي بتترعش
مسك ايدها وراسها وهو بيقول _متخافيش
مفيش حاجه هتحصل
لما اتأكد أن مفيش حد قدامه ساب العربية تمشي لوحدها
وطلع نصه من الشباك وهو بينشن عليهم وضرب على كوتشات العربية
فريدة كانت حاطه ايدها على ودنها من الخوف وبتعيط
وفي تبادل ضرب نار
وعبد الرحمن بيضرب وهما يضربوا
وقف العربية لما اتأكد انهم على بعد كبير منه
وخد نفسه
ومسك ايدها وهو بيقولها _اهدي اهدي
خلاص مفيش حاجه اهدي هما بِعدوا
بس لقى مرة واحدة تلاته قدام العربية وبيشاورولوا ينزل وماسكين حديد مسك ايدها وقالها_انا نازل مهما يحصل متنزليش تمام وان شاء الله مش هيحصل حاجة قالتله برعب وهي بتمسك ف ايدة_ونبي متمشيش ونبي
_خليها على الله ،يس مهما يحصل اوعي تنزلي اتفقنا
هزت رأيها بماشي
ونزل
وحصلت خناقه جامدة
وفضلوا يضربوا بعض بس برغم بنيه جسمه الضخمة
مقدرش عليهم لأن الكترة تغلب الشجاعه
وقعدوا يضربوا فية
جامد بالحديد الي كان معاهم
وجسمه كله كان بينزف
وضربوة على دماغه وقع عالارض شبه ميت
وفريدة كانت بتلطم وتصرخ عشان يسيبوة
من جوة العربية
سابوة وراحوا لهدفهم راحوا ناحية فريدة الي كانت بتصوت
فتحوا العربية وطلعوها غصب عنها وهي بتصرخ وتعيط
عند عبد الرحمن كان مرمي عالارض مش قادر يتحرك
وكان حاسس بحاجه دافية نادله على وشه حط ايدة على دماغه لقى د$م ، مكنش شايف قدامه من كتر الد$م
بس لما سمع صوت فريدة بتصرخ كل الي كان همه ينقذها
؛الرؤيه كانت مغروشة قدامه
بس كان قادر يشوف نسبيًا المسدس الي كان قدامه قعد يزحف لحد ما وصله ومكنش شايف
فصوب وضرب وهو مش عارف هو ضرب فين
سمع صرخه فريدة _اااااااه .......