رواية حبها مختوم في قلبي الفصل الثامن8الاخير بقلم سوار
مانا مش هقدر استحمل حياة الفقر دي معلش لو الحال ده ما تغيرش انا هسيب البيت !!
الام بعصبيه وهي بتحدفها بالسفنجه : حياة فقر ايه يا اختي يا اللي بتتكلمي عنها وانتي قاعده تحت المكيف..؟.. وبتاكلي اندومي بفلوس ابوكي ؟
كيان وهي بتهر..ب من الشبشب : بسم الله الرحمن الرحيم يا ماما هوا في ايه؟.
الام بعصبيه : في أن الهانم قاعده مرتاحه في سريرها ويتاكل اندومي وما بتساعدنيش وبتقول حياه فقر
كيان وهي بتمثل البكاء : ما هو يا ماما انا مش لاقيه حاجه عشان اعيش بطله زي الـ روايه والاقي بطلي ده انتو حتى مخلييني مش محتاجه حاجه !!
الأم وهي بتقلع السفنجه التانيه وبتحدفها : ما انتي لو بتنزلي تكنسي قدام البيت كان شافك زمانك عبدو واتجوزك !!
كيان بغيظ : عبدو مين اللي اتجوزه ده كفايه اسمو
الأم وهي بتتنهد : اهو انتي اللي بتعيبي في اسمه ده مش لاقياه !!
كيان وهي بتشهق : قصدك اني بايرة يا ماما؟
الأم بتلقائيه : اه
كيان بدموع : طب شكرا متشكره ليكي اوي
الأم ببرود : العفو... وامسكي المكنسه دي اكنسي غرفتك والله ما عرفتهاش مقلب زباله ولا غرفه... وبتطلع تسيبها
كيان بصوت عالي : اهو بقى دي حياه الفقر البقول عليها مش كان زماني عندي خدامه بتكنس لي!!
كيان بابتسامة : الله يا ست الكل ريحه الاكل وصلتني تسلم ايدك
الأم بغيظ : للأكل بدون ما ننده تيجي طايره وقبل شويه بندهلك نص ساعه عامله فيها مش سامعه
كيان وهي بتحاول تغير الموضوع : الله ايه ده طابخه سمك !!
الأم وهي بتضر..بها على ايدها : ابعدي ايدك الكبيرة دي عشان ابن اختي حبيبتي بودا اللي بتتريقي على اسمه جاي
كيان وهي بتختنق بشوكه السمكه : كح كح كح كح الوليمه الجميله دي عشان عبدو !!
في الوقت ده بيرن الجرس الباب
الأم بهدوء : امشي افتحي الباب دي مواعيد جيه ابوكي من الشغل
كيان بتجري على الباب وبتفتحه
كيان بابتسامه : ايدك على ميتين عشان فتحت البا...وبتختفي ابتسامتها... عبدو !!
عبدو بابتسامه : اه عبدو اللي بتتريقي على اسمه ورافضه تشوفيه افتكرتيني حد تاني ولا ايه؟؟
كيان بتوتر وهي بتضحك ضحكه ورطه : عبدو لاا انا ما بتريقش عليك انا كنت كنت كنت
عبدو وهو بيكتم ضحكه بقوه من منظرها : ايوه سامعك كنتي ايه؟
كيان بتهر..ب ايوه يا ماما جايه اهوووو
الأم من المطبخ : يا بتتتتت انا ما ندهتلكيييييش٠
بتبص عليه بابتسامة بلهاء وهو بينفجر من الضحككك
كيان وهي بتربط الكوتشي بتاعها بدموع : خلاص انتم زهقتم مني واتخليتوا عني في وقت ضيقتي عشان مش معايا كاشات ووقت الكاشات كنت بنتكم
الأب باستغراب : كاشات ايه يا بنتي الله يسترك انا حياتي كلها ما عرفتكيش غير وانتي معكييش فلوس وبتشحتي مني
الأم ببرود : اه وكل البكاء والدموع والانهيار ده عشان رايحه تشتغلي؟
كيان وهي بتحضن ابوها بتلاعب : وانا اشتغل ليه وانا عندي ماي لاف دادي؟
الأب بيبلع ريقه بتوتر وهو بيبص على زوجته اللي بتهددوا بعيونها
الأب بهدوء : كيان هتتأخري على الشغل
كيان بصدمه : برضو شغل؟... طب ماشي!!.... وبتفتح الباب وبتمشي بزعل وهوب بتتزحلق بالميه اللي على السلم وبتقع على وشها
كيان بوجع : ااااه الله يخر..بيتك يا خالتو ام عبدو ده وقت تغسلي السلالم
عبدو بينزل جري بسرعه على الصوت : اييييييه ده كيان انا اسف انا كنت بغسل السلالم بتاعتنا والميه وصلتلكم وانتي ما خدتيش بالك عشان بقالك فتره مش بتنزلي
كيان بتبصله بعصبيه وهي بتلتقط شنطتها من على الأرض وبتمسح فستانها من التراب وبتمشي
عبدو وهو بيرجع شعره لورا : وهوووب هوب الجوله التانيه هتبدأ
كيان بغيظ : وانا هفضل استني لحد امتى
السكرتيره : لحد ما المدير يجي... اهو جاء وبتشاور عليه
كيان بتبص على المدير اللي جاء داخل ولابس نظارات شمسيه ومسرح شعره
عبدو بفرحه وهو بيحاول يمشي من قدامها بهيبه : بتبص عليا كده اوي دي شكلها انبهرت بيا ومعرفتنيش
كيان بضحك للسكرتيره : ههههههه المدير ده مسقط بنطلونه بتاع البدله زي عبدو ابن خالتو ام عبدووو
عبدو بيسمعها وبيرزع الباب بغيظ وبيقعد وبيتصل على السكرتيره تدخلها وبعد مسافه بتدخل كيان وبتقعد
عبدو وهو بيقلع النضاره وهو بيصنع الجديه : انا مقولتلكيش اقعدي على فكره
كيان بتبصله لثواني بعدها بتنفجر بالضحك : ههههههه عبدو ده انت انا كنت عارفه والله اصل مين هيطلع مدير لايت كحيان كده غيرك؟!
عبدو بيبصلها بابتسامة بلهاء لثواني : مدير لايت !!.. وكحيان كمان!!
خديبجه بشهقه : بقى عبدو ابن ام عبدو طلع مدير شركه !!
كيان بغيظ : تخيلي وبابا وماما ضحكوا عليا وخلوني اشتغل عنده وكمااااان واسطات !!
خديجة بتلقائيه : ما اكيد واسطات يا بنتي ده انتي راسبه وفصلوكي مش معاكي شهاده اصلا!!
كيان بغيظ : شكرا يا خديجه أهم حاجه حب الناس !!
خديجه بهدوء وهي بتصطنع الجديه : بصي هقولك حاجه انتي مش ملاحظه لحاجه الكل بيلمحها لك... انتي وعبدو يعنيييي..
كيان بعدم فهم : انتي بتتكلمي كده ليه؟..ما تتكلمي بصوت عبدو موته الراجل العادي بتاعك... بعدين مالنا انا وعبدو
خديجه بغيظ : والله انتي غبيه.. ركزي معايا كويس.. عبدو بيحبك يا بت من وانتي في اللفه وبيحاول يقرب منك بس انتي رافضاه والكل عارف وانتي كسـ..ـرتي بخاطره اوي على فكره
كيان بشهقه وهي بتفتكر وبتربط الأحداث : لا ده مستحييييل!!
عبدو بحزن وهو منزل راسه وماسك شنطته : انا خلاص قررت اسافر البنت الوحيده اللي حبتها من واحنا صغيرين واللي تعبت وكافحت وبقيت اشتغل عشان اعيشها هانم مش
ام عبدو بحزن : بيقولوا ملكه يا ابني مش هانم
عبدو بحزن : اه صح متشكر يا أمي.. عشان اعيشها ملكه مش عايزاني وبتتريق عليا في الطالعه والنازله عشان البنطلون وعشان اسمي
ابو كيان بحزن : لااله الا الله يا ابني طب ما تجرب ترفع البنطلون يمكن توافق بيك
عبدو بحزن : مش مقاسي ولا هيدخلوا اكتر من كده لو رفعتهم دلوقتي والله دول كانوا بتوعي لما كنت في الثانويه وابويا كان مشتريهم لي قبل مايتو.ف يعني ذكرى من الوالد
ام كيان بحزن وهي بتربت على كتفه : شهامه يا عبدو شهامه ابن بار ماشاء الله وبتقدر الحاجه
عبدو بحزن : يلا السلام عليكم انا ماشي
كيان بتطلع وبتبص عليهم باستغراب : اييييييه ده با جماعه اللي بيحصل هنا في ايه؟؟؟
ام كيان بحزن : تعالى شوفي ابن خالتك مسافر خلاص ومش ناوي يرجع
كيان بفرحه وهي بتسرح : بجد يعني هيغترب؟؟!
ابو كيان بحزن : اه والله بجد هيغترب الريف بتاعت امك نسيت اسمها
كيان بخيبه : وانا اتوقع ايه من عبدو؟
الكل بيبصلها بعصبيه وعبدو بيبصلها بحزن
عبدو بحزن : لو خلصتي تجر..يح فيا انا ماشي
كيان بخوف من أنه يمشي : استنى مش هخليك تمشي لو مشيت هبور!!
الكل بفرحه وصدمه : يعني اييييييه موافقة عليه؟؟؟
كيان وهي بتصطنع الكسوف : اللي يشوفه با
خديجه وهي بتخبطها بقوه من كتفها : يا بت بطلي تصطنعي الكسوف وقولي انك موافقه
كيان بتقع على وشها من الخبطه
كيان بغيظ : والله وشك فقر عليا يا عبدو كل ما اشوفك أقع على وشي
في قاعه تعج بـ الناس وترتفع فيها صوت الزغاريط
كيان بهمس : لما تنزل على ركبتك عشان تلبسني الخاتم حاول ترفع البنطلون شويه عشان ميتزحلقش منك !!
عبدو باستغراب مع نفس الهمس : وانا المفروض انزل على ركبتي اساسا؟؟؟
كيان بغيظ وعصبيه : ايوه طبعا امال كنت متفقه معاك على ايه يوم قرايه الفاتحه.؟
عبدو وهو مش فاكر : اه ايوه ايوه صح انا فاكر طبعا بس كنت بهزر معاكي ههه
وجات لحظه تلبيس الخواتم وكيان بتغمز لعبدو وهو ما بيفهمهاش بس ما بيركزش
عبدو بينزل على ركبته بسرعه : تقبلي تتجوز.... ايه ده الخاتم !!..... الخاتم وقع يا جدعان الخاااااااااتم
كيان بتحط ايديها على وشها باحراج والكل في القاعه بيقعد يدور معاهم على الخاتم..
🌹🌹🌹🌹🌹🌹🌹🌹🌹🌹🌹🌹🌹🌹 💚 مرحبا بكم ضيوفنا الكرام 💚هنا في كرنفال الروايات ستجد كل ما هوا جديد حصري ورومانسى وشيق فقط ابحث من جوجل باسم الروايه علي مدوانة كرنفال الروايات وايضاء اشتركو في قناتنا👈علي التليجرام من هنا يصلك اشعار بكل ما هوه جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹🌹
💚 مرحبا بكم ضيوفنا الكرام 💚
هنا في كرنفال الروايات ستجد كل ما هوا جديد
حصري ورومانسى وشيق فقط ابحث من جوجل باسم
الروايه علي مدوانة كرنفال الروايات وايضاء اشتركو في قناتنا👈علي التليجرام من هنا يصلك اشعار
بكل ما هوه جديد من اللينك الظاهر امامك