رواية ريدي
الفصل العاشر10
بقلم سروش بشار
طارق سكت وما اتكلم 😯😯معاذ جا قال ليهم شباب شباب تعالو مرسلننا اما احنا بهناك
جونا البنات طبعا سيطرنا علي الطابق الفوق مشنا انا وريل عملنا عشره اكياس اندومي و تلاته اسبكتي ولسه ما كفيناهم 😂😂 المهم بي جاي و بي جاي اكلناهم و مشت عملت ليهم كيكه قدره قادر (كيك الكاكاو بكريمه الكراميل)😍😍 و شااي و مشنا نشرب و نتونس و نضحك احلا لمه بنات ياخ اتصورنا و رسلت الصور في قروبنا حق بنات الجامعه نوف قالت لي جايه عليكم اصلا هي ساكنه قريب مننا قلت ليها خلاص ثمح بعد ربع ساعه جاتنا بي توب البيت وبالجردل حقها 😂😂 قلت ليها دا شنو يا بت طبعا الحاله مزريه بالتوب و البجامه 😂😂 قالت لي زحي كدا ولا كدا دفرتني و دخلت قفلت الباب و لحقتها طبعا حالتنا كلنا بالبلا اللي بالجلباب و اللي بالبجامه وما ادراك يلا نوف ولا استخارت قعدت في الارض ويا انصاف مدني قولي هااااي 😂😂 دق وغنا و زغريد خلي بالنيه المشكله ما هنا المشكله الفنانه رونق العروس زاتها و عاد تزغرد ساااي والرقيص اسكت خلي 😂😂قلت ليها رنو يا بت ما تفضحينا خلي الخفه و هي تشيل و تزغرد غيتو الله يهديها سااي خفيفه خفه السواااد 😂😂 ياخ كان يوم من الموووت😍😍 المسا بنات جيرانا فرو فضلت ريل وبنات اهل رنو وزعنا بنات اهل رونق في الغرف اما انا و رونق و ريل نمنا في غرفتي قبل ماننوم ريل شالت جوالها و قعدت تخلط 😒😒 و رنو اتصل عليها ياسين 😪😪بقيت انا قاعده ساااي مشيت وقفت في الشباك و بقيت بعاين علي القمر بث الساعه الالقي ليك طارق واقف في الشباك وبعاين لي والله ولا شفت وشو ذاتو زي الناس 😪😪 جري قفلت الشباك و مشيت رقدت اتخمدت نومت😂😂 تاني يوم كان عندنا مشوار السوق طلعنا اناو ورنو ريل ومتاب مع معاذ بدري مشينا السوق و جينا قريب المغرب لانو غير السوق مشينا شوفنا ليها الفستان تتصور بيهو بعد العقد و طبعا لفلفت بينا خمسميه محل 😂😂وفي النهايه واحد عجبها ماف😂😂 و برضو خشينا مركز التجميل شيكنا علي الميك اب حق العرس اخترتو ليها انا بس طلع واااو 😍😍قلت للميك اب انو بما رنو لونها ابيض ومع الحبسه فتح اكتر😍😍 اللوك لازم يكون بسيط علشان يظهر ملامح جمالها ماف داعي تردمي ليها وشها جير و حاجات اما بالنسبه للروج يكون كبدي دااكن علي لون البوكيت حق الورد المهم قعدت اوصف ليها حتي فكره شغل الحواجب و فكره الكونسيلر و الكنتور المهم اشتغلت معاها فكره الميك اب كامله طلعت خطيييييره😍😍بعد داك مسحوهو ليها و طلعنا مشينا المهم رجعنا منتهين صلينا المغرب و مشينا عملنا لينا حاجه اكلناها و جينا قعدنا حبه كدا العشاء اذن انا مشيت طوالي اتوضيت صليت و مشيت رقدت نومت تاني يوم صحيت بدري دخلت الحمام اتسوكت واخدت دوش و اتوضيت وطلعت صليت و لبست وجهزت نزلت تحت لقيت ماما نايمه في الكنبه قلت ليها بوووثي نايمه هنا ليه😍😍 قالت لي نزلت اصلي الصبح حاضر و صليت و قعدت اسبح لمن نومت😊😊 قلت ليها الليله ماشه الشغل 😢😢قالت لي لا اخدت اجازه الاسبوع دا لانو ست البنات محتاجه لي😊😊 قلت ليها امممم كويس والله يلا انا ماشه 😊😊قالت لي والشاي 😕😕قلت ليها بشرب قهوه من الكافي الجديد وانا في الطريق😊😊 قالت لي كويس خلي بالك من نفسك😍😍 قلت ليها وانتي كمان يلا سلااام😍😍 ومشيت اصلا الشارع فااضي لانو انا كنت طالعه بدري مشيت لحد الكافي بي رجليني اصلا هو ما بعيد😍😍 طلب قهوه ساده شلتها و
مشيييت عندي روايه كدا خاتاها في الشنطه طلعتها وبقيت بتسكع في الطريق و بشرب و بقرا لحد ما وصلت المحطه 😪😪 اشرت لي حافله و ركبت مشيت الجامعه الزمن بدري ما كان في ناس كتار مشييت الكفتريا جيعانه من الصباح طلبت لي كرسبي بالفطير و قلت ليهو يكتر الفطير و الصوص عزاني يااخ😍😍المهم مشيت قعدت وبقيت بقرا و باكل طاخ في زول خبطني في راسي😪😪رفعت راسي لقيتو دا يمان 😒😒قال لي اصبحنا واصبح الملك لله من الصباح😒😒 قلت ليهو والله جيعانه اعمل شنو😂💔 قال لي اطلبي لي معاك تاكلي براك كيف😂😂 قلت ليهو ماعندي ليك قروش😝😝 خطف مني الساندوتش وقال لي لاكن عندك قروش لي نفسك😏😏قلت ليهو هو اصلا فضل نص تتهني بيهو بث بعدين ما تنسي فطوري عليييك😌✋قال لي اهااا الاتكاليه ظهرت لاكن دا الانا دايرو زاتو هو انا لاقي اني اعزمك😂😍 لاكن بشرط😉😉 قلت ليهو شنو😁😁 قال لي انا البحدد نفطر وين😅😅 قلت ليهو يعني ما عايز تعزمني من كفتريه الجامعه😍😍 قال لي اكيد لا هو انا لمن لقيت لي مزه زيك اعزمها اجي اعزمها كفتريه الجامعه😂😂 قلت ليهو طيب نشوف ح تعزمني وين 😍😍شويه كدا والشله بدت تتجمع مهند و احمد و ايمن و عسجد ونهي و نوف وشهدو غيث و حسام و عمار كلهم لمو و قعدنا نتوتس كدا لمن زمن المحاضره قرب و مشينا حضرنا مخاضراتنا و طلعنا الفطور يمان كان عازمني 😉😉 قمت فضحتو قلت ليهم ما شفتو يا جماعه يمان قال عازمنا فطوور الليله و عاملها ليكم موفاجاءه 😂💔يمان بقي ساكت وبحمر لي😂😂 حسااام قال ليهو اوووو الجلابي ظهر😂😂 نهي قالت ليهو حبيبي دا كلو علشاني صح 😍😍 شهد قالت ليهو يا هيك الاصحاب يا بلاش 😂😉مهند قال ليهو بث ان شاء الله في مكان برا 😂😂قلت ليهو كيف دا كلامك اصلا قال عازمنا برا😂😂يمان قال للشباب تعالو معاي طرف لحظه😊😊 غيث قال لي والله يا بيان شكلو كان ناوي يعزمك براك لاكن درعتيها فيهو درعه كعبه بث الله يستر 😂😂يمان قال ليهم تعالو سرييع ولا بقلب العزومه بنات بث😊😊 كلهم مشو معاهو 😂😂قال ليهم شوفو انا اكل ليكم كلكم كدا ما عندي يا ندق الشير و نمشي محل هااي و ناكل اكل هااي 😒😒يا ادفسكن فته و ترتاحو😂😂 مهند قال لي يمان الله انا فته اكتفيت من المره الفاتت انا معاك في الشير😂😂 حسام قال لي يمان انت تعزم ونحن ندق الشير غيتو ما حنك طول ما البنات ماشين 😂😂 غيت قال ليهم مش بيان و نوف موجودين اصلو ما خساره فيهم😂😂 احمد قال لي غيث هوووي طلع نوف من راسك فاهم😂😂 حسااام قال ليهو غيييره شدييييده😂😂 يمان قعد يغني غيرتو علي بريدا علي بريدا انا غيرتو علي بريدا علي بريدا 💃💃بحسسني انو بريدني ريدا شدييييده 💃💃غيث قال ليهو بطل تعرصه يا يمووو لو كبسووك و دقوك ماف زول بحجزك 😂😂 يمان قال ليهم ما خوتكم عفنه يلا المزز ديل منتظرنتا ارح ليهم بعد دا 😂😂جونا لقونا اتمكيجنا و اتظبطنا طلعنا معاهم انا و عسجد ركبنا مع يمان هي قدام وانا ورا اما بقي البنات ركبو مع مهند لانو عربيتو كبيره حسام واحمد جو مع غيث المهم كلنا نزلنا في اطالي بيتزا 😍😍 حجزنا طاولتين و قعدنا كلنا وديك يا ونسه وضحك و مشاغلات فطرنا و رجعنا الجامعه خلصنا محاضراتنا نهايه الدوام
مشيت للعميد كلمتو انو عندنا مناسبه في الايام الجايه دي و ما حاقدر اجي 😊😊 قال لي طوالي ما عندك مشكله اصلا امك اتصلت علي و كلمتني 😊😊قلت ليهو شكرا ما بتقصر😊😊 قال لي ولو العفو يا بتي استاذنت منو ومشيت رجعت البيت لقيت خالد كان طالع بي عربيتو وانا داخله علي اللفه كدا رفع لي يدو و رفعت ليهو يدي 😊😊 لقيت ريل متكمكمه بالتوب و جايه من الدكان قالت لي بياااان 😳😳قلت ليها ريلوووو هلا والله😍😍 قالت لي اييه الانا شفتو دا😳😳 قلت ليها ايه الانا شفتو دا ايه البيحصل دا 💃👏قالت لي دا ما وقت تقعدي تغني لي فيهو 😒😒 قلت ليها اها اعمل ليك شنو يعني😂😂 قالت لي دا منو اب نظاره دا السايق عربيه توسان سودا دا 😍😍يااخ قرررض اقسم بالله انضف من سمعه حبوبتي😍😍 قلت ليها همك النضافه بث😂😂 قالت لي يااخ وجيييييه جكسي طبي يووخ 😍😍قلت ليها اها وانا اعمل ليهو شنو😒😒 قالت لي بعرفي من وين و كيف ومتين 😉😉قلت ليها دا تقريبا صاحب طارق اما بعرفو من وين دي ما تساليني منها لانو في الحقيقه انا ما بعرفو اتلاقينا مرتين او تلاته في بيت ناس خالتو ومره في بيتنا لكن ما قاعده اتكلم معاهو😊😊 قالت لي خلاص ما تظبطي لي معاهو يا خ عثلل 😂😂قلت ليها انتي هبله هو انا ما بعرفو اظبط ليك ساااي 😒😒قالت لي ما دا احسن شي علشان ما يكون في تنافس بينا وكدا 😂💔قلت ليها اقسم بالله كلمه واحده في الموضوع دا بشلتك😪😪 قالت لي خلاص سكتنا😂😂 اها بث ما وريتك😉😉 قالت ليها ما توريني 😑😑 قالت لي موضوع خطييير و بهمك😉😉 قلت ليها اها شنو 😕😕قالت لي قبيل جانا طارق😉😉 قلت ليها وين بيتنا؟؟! 😳😳قالت لي اي بث كان واقف في الحوش و ما دخل رسل طلال ينادي ليهو ماااب و انتظرها في الحديقه حقتكم المهم هي اول ما طلال جا وقال ليها طارق منتظرك برا تعالي شوفي الكبكبه جرت ليهو حفيانه عديييل وقفت معاهو فتره اتكلمو كداااا في البدايه كان منفعل بس شويه و هدي نحن ما قدرنا نعرفهم بقولو في شنو لانو كانو واقفين بعيد مننا بس مركزين مع حركاتهم المهم بتكلمو قريب النص سااعه بعد داك هو فات وهي جات بتتبسم سااي 😕😕 قلت ليها اها ويعني انا اعمل ليهم شنو😊😊 قالت لي اجي يا بيبو شنو تعملي ليهم شنو وبعدين ماب دي انا ما مرتاحه ليها 😒😒قلت ليها ليه مالها 😅😅قالت لي شكلها منشنه ليهو و دايره اشلبو انتي مالك مخك طخييين كدا😑😑قلت ليها اصلا هم كانو مربطين و حصل شي و انفصلو فعادي انو يفكرو يرجعو لي بعض🌚💔 قالت لي كيف يعني وانتي ح تقعدي ساكته كدا 😳😳قلت ليها انا دخلي شنو يرجعووو لي بعض يخلو ما بهمني لاهي بتهمني ولا هو بهمني حريقه فيهم الاتنين 😊😊 قالت لي انتي جنيتي يا بت طارق دا ما بتستاهلو واحده غيرك 😒😒 قلت ليها بث هو ما بستاهلني و انا استاهل الاحسن منو 😊😊ريل عليك الله قفلي لي موضوع طارق دا لانو بضايقني فشنو لو عندك كلام عنو وعايزه تقوليهو امسكي ليك اي زول و قوليهو ليهو😊😊قالت لي رااحتك يلا اصلا وصلنا قلت ليها اي يلا خشي دخلنا البيت لقيت ناس رنو والجماعه ديل سلمت عليهم وطلعت فوق غرفتي غيرت وجيت تحت قعدتا مع البنات في الصاله شويه كدا طلال جاني جاري قال لي زووولتي زووولتي 😍😍 حضنتو وقلت ليهو مصااارين هااارتي انت 😍😍 قال لي ماما قالت ليك تعالي ليها😊😊قلت ليهو حاااضر عيوني ليها بث ارح معاي فوق البس عبايتي و نمشي سوااا 😉😉قال لي خلاص ارح سريييع علشان طالع مع معاذ و الود الطويل😂😂 قلت ليهو الود الطويل دا منو 😂😂 قال لي طارق😅😅 قلت ليهو اهبل انت بتقول ليهو الود الطويل دا اخوك يا متخلف 😂💔رنو قالت لي براحه علي الشافع هو اصلا اول مره يشوفو يعني لسه ما متعود عليهو😂😂 قلت ليها ما حنك المهم لبست عبايتي و طلعت و انا شايله طلال و بتونس معاهو في الباب لاقيت خالد طالع مع معاذ 😂😂 طلال قال لي خالد عمووو كيكوو و مدا ليهو يديهو خالد جا شالو مني قال ليهو اهلين يا بطل كيفك اليوم 😍😍 طلال قال ليهو كويس وانت يا عمو خالد قال ليهو بخير بدامك بخير و غمز لي 😉😉طبعا بقيت مخلوعه😳😳 دا مالو دا يا ربي ما اديتو وش دخلت طوالي البيت......