رواية سلفي من نسل الشيطان
الفصل الخامس5
بقلم عادل الصعيدي
مياده اتأخرت عليا وهيا بتتختار العبايه
في اللحظه دخلت
اشوفها واتفاجات لما لقيتها مش قاعده
فضلت ادور عليها في قسم الملابس النسائي
فص ملح وداب
مش معقوله راحت فين دي !!!
واخر ما زهقت قررت أطلع بره استني
ولسه هلف جسمي
عشان اخرج لقيتها ورايا بتنادي عليا
وبصيت ورايا لقيت
الباب بتاع الاوضه اللي بقيسوا فيها اللبس بيتقفل
بصتلها وقلت ....
اي دي كنت فين كل دي يا مياده
ردت وقالت .. كنت بقيس العبايه هعمل عشان منرجعش نغيرها تاني
قلتلها ... طيب يلا
عشان اتاخرنا
ولسه هنمشي انا وهيا
ويدوبك مشينا مفيش ثواني
ووقفت علي صوت جاي من ورايا وبيقول
انتوا مستعجلين علي ايه لسه بدري
بصيت واتفاجا بماهر وراانا
بصيت ناحية مياده
اللي وشها بلحظه جاب كل الألوان
الوقت حسيت انها اتحرجت لما طلع ماهر واتكلم
قرب علينا وسلمت عليه
وابتسمت بتصنع قدامه
وقلت .. معلش اتاخرنا لسه ورانا شغل البيت
خرجت انا ومياده بره واحنا ماشين
حاسه انها مضايقه وساكته
واول مره احس من تعبير وشها انها مهمومه او مكسوفه مني لما طلع ماهر
بس الا متأكده منه انهم كانوا مع بعض
بصيت ناحيتها وقلت ....
هو اي حكايتك يا مياده ساكته ليه ومكشره
ارتبكت شويه وقالت...
لا مفيش منا معاكي اهو
بصتلها وعقدت حواجبي
وكشرت وقلت ...
بقولك إيه
انتي في حاجه مخبيها ومش عايزه تتكلمي
ايوه .. وتاخيرك دي وراه ماهر
بصتلي وتهتهت . وقالت....
انتي بتقولي يا بسنت
ممما كنتش مع حد بقولك...
رديت عليها وقلت..
بقولك إيه
انا فاهمه كل حاجه
وزي ما ماهر بيديكم هدايا ملابس داخليه وفلوس . عمل معايا كدا وانا هعرف اوقفه عند حد
وانا حاسه انك مخبي حاجه ومش عايزه تتكلمي . فاهمه
فضلت ساكته ومش بتتكلم
لمحت مطعم وكاتبين في صاله للعائلات
اخدتها ودخلت جوه وطلعنا
فوق لصاله العائلات
وحمدت ربنا ان مفيش حد قاعد
ولوحدنا فوق
طلبت الاوردر ووصل
. بصتلها وقلت انتي هتفضلي ساكته لحد امتي ..
بصتلي وقالت..
انتي عارفه ليه انا مكنتش عايزه اروح محل ماهر اجيب لحماتي الا هيا عايزه
بسبب ماهر
وانتي لما اللحيتي عليا
انا وافقت
ماهر بقاله فتره عايزني اروح المحل
ومش عارفه عايز ايه
وزي ما قالتي بعتلي ملابس
بس والله وقتها
اتكلمت مع جوزي بخصوص الملابس دي
وقالتله ماهر تصرفاته مش كويسه
كان رده قاسي عليا اووي
قالي بالحرف
انتي زي الستات الا بتفرق الأخوات من بعض اوعي تكوني زيهم
دي اخويا الكبير
وطول عمرنا عايشين مع بعض ما تبقيش فتنه
ومفيش واحده ست
هتقدر تفرق من بعض
يومها انا اتصدمت وتضايقت وخدت عهد بيني وبين نفسي ما اتكلمش خالص
وسكتت مياده بنص كلامها
واول مره احسها من تعبير وشها علامات حزن وحزن شديد اووي
وراه كبت وقهر مش عند أي واحده ست
ولمحت في عنيها الا رغرغت والدموع جواها
وشفايفها بتتحرك وعاجزه عن الكلام
حطت ايديها علي وشها بتسمح الدموع من عنيها قبل ما تنزل
بصتلها وقلت بنبره هاديه
مالك يا مياده انتي بتبكي
شالت ايديها من علي وشها
وبلحظه شلال دموع طلع منها
وكملت كلامها
صدقيني الا شوفتيه دلوقتي محصلش حاجه بينا كان بحاول يحضني
وانا بعدت عنه
صدقيني يا بسنت انا لو ليا بيت كنت زماني هربت وسبت معتز
بس انا خايفه ارجع بيت ابويا تاني
واشوف الذل اللي شوفته علي ايدين مرات ابويا
عمري ما دقت طعم الفرح الا الذل والمهانه هناك
انا اول واحد يطلبني للزواج معتز ومن غير تفكير ولا كنت اعرف هعيش فين
وافقت عشان اهرب من جحيم مرات ابويا صدقيني يا بسنت
سكتت مياده وانا اول مره احس اني غلطت اني خليتها تتكلم
ودمعت عيني
اخدتها بحضني عشان اخليها تهدي ..
وبعد ما هديت
قلت ليها ....
اسمعيني كويس
هو حاول معاكي بس اوعدك ما هخليه يقرب منك بس حطي ايدك في ايدك نكشفه قدام الكل
ووقتها هتشوفي الخير كله ...
واتفقنا انا وهيا نبقي عليه ونحاول نوقعه في شر اعماله
خلصنا اكل في المطعم
وطلعنا ومشينا
وصلنا البيت
وحماتي خدت عبايتها
وطلعت شقتي ومياده راحت شقتها كمان
وفجاه...