رواية زواج اضطراري الفصل الاول1والثاني2 بقلم اروي عادل
ناديه٠٠ توفيق هتسافر بكره
توفيق ٠٠ اه معلش انتى عارفه لازم اروح اشوف عيلتى
نادى٠٠ انا مش عارفه انتى ليه مش عايزنا نروح نزور بلدك ليه ..بنتك عندها ١٢ سنه لسه متعرفش اهل أبوها
توفيق٠٠ تانى يا نادية هتتكلمى فى الموضوع ده
أروى٠٠ بابا فى واحد عايزك بره
توفيق٠٠ مين ده
نادية٠٠ روح شوف مين
توفيق٠٠ ايه ده حسين اخويا انت عرفت هنا من فين
حسين يتحدث اللهجة التصعيدية
حسين٠٠ إللى يسأل مايتهش يا خوى.. مش تعرفنا
أروى٠٠ بابا هو مين ده
حسين٠٠ ايه ده كمان أحداك بت واحنا منعرفش.
ايه يا خوى مش ناوى تجولها انى ابجى مين
نادية٠٠ انا عايزه اعرف فى ايه يا توفيق هو أخوك ميعرفش انك متجوز عندم بنت
حسين٠٠ لع انا خابر أنه متجوز بس من بت عمه و عيندى منيها ٣ اولاد كمان
توفيق٠٠ اسكت يا حسين دلوقتى
نادية٠٠ يسكت ايه يعنى إللى بيقوله ده انت اتجوزت عليا
حسين ٠٠ لع انتى مراتو التانيه
نادية٠٠ توفيق الكلام ده بجد انطق توفيق رد عليا انت ساكت ليه
توفيق٠٠ عجبك كدا يا حسين
نادية٠٠ كلمنى انا ..الكلام حقيقى
توفيق٠٠ موضوع انى
( قطعته بغضب)
نادية٠٠ انا عايزه كلمة واحده بس اه ولا لأ
توفيق٠٠ اه بس الظروف
نادية٠٠ طلقنى يا توفيق
توفيق٠٠ انتى بتقولى إيه ناديه أفهمى
نادية٠٠. طلقنى ده اخر كلام عندى
ثم أزاحت دموعها بألم وهى تكمل حديثها
نادية ٠٠روح يا شيخ منك لله انا فى الآخر اطلع خطافت رجاله .
توفيق ٠٠ انتى مش فاهمه حاجة انا بحبك
نادية ٠٠ ملعون ابو الحب إللى مابنى على الكدب
حسين٠٠ ايه هتفضل كتير اكده تسترضاها طلجها و خليها تروح لحالها
نادية ٠٠ اسمع كلام اخوك و طلقنى دلوقتى. ..و خد اخوك و اطلع بره بيتى
حسين٠٠ تسدقى انك مرا قليلة الحيا
توفيق٠٠ حسين انت ايه إللى بتقول ده دى مراتى
نادية٠٠ كنت و إنما دلوقتى هطلقنى اما هرفع عليك قضية خلع انت فاهم
توفيق٠٠ نادية ماتعصبنيش
نادية٠٠ لا اتعصب و هات اخرك . انت لو عندك ذرة رجاله تطلقنى
كان كلام ناديه يجرح كرامة توفيق وخصوص كراجل صعيدى لم يستحمل اهانتها لذلك قال بحزن و بصرامه
توفيق٠٠ انتى طالق
أروى٠٠ بابا ليه كدا
توفيق٠٠ عجبك كدا ارتحتى ( نادية فى حالة صدمة )
أروى٠٠ بابا ايه إللى جاب الراجل ده عندنا هو اللى عمل كل المشكله دى. بابا خلى الراجل ده يمشى يا بابا
حسين٠٠ واه سامع بتك بتجول ايه على عميها و انت ساكت
نادية٠٠ اطلعوا بره
حسين٠٠ هات البت و يلا يا توفيق
نادية ٠٠ بنت مين إللى انت بتتكلم عليها
حسين٠٠ البت بتنا ولا انتى فاكره اننا هنسيبها ليكى
توفيق٠٠ يلا دلوقتى يا حسين ■■■■■■■■■
نبذه عن علاقة توفيق و نادية
تزوج توفيق ناديه و عاشوا مع بعض ١٣ عام دون ان تعلم ناديه ان توفيق ليه زوجه أوله
و أولاد
أنجبوا فتاة وحيده وهى أروى وهى بطلة روايتنا
أروى فتاه جميلة جدآ ذات ١٢ عام تدرس فى مدرسة لغات سنعرف كل شئ عنها بتدريج
■■■■■■■■■■
لنرجع لأحداث الرواية
بعد مرور اسبوع فى الصعيد
فى منزل حمدان التهامى
حمدان.. هى حصلت تتجوز على بت عمك لع و ايه حداك بت عينديها ١٢ و احنا منعرفش
توفيق٠٠ يا ابوى انت خابر انى مكنتش رايد أحكام بس سمعت حديتك و اتجوزتها عشان ارضيك بس ..بعدين يا ابوى انا معملتش حاجة تغضب ربنا ده شرع الله
حمدان٠٠ الحديت ده كلاته مالهوش عازه دلوقيت. المهم تجيب بتك تعيش وسط أهلها دى لحمنا برديك
توقيق٠٠ بس هى مع أمها
حمدان٠٠ مش انت طلجتها
توفيق٠٠ ده كان وقت غضب انا بقول
(قطع الكلام بحد)
حمدان٠٠ بعد الحديت إللى قالوا اخوك عنيها دى ماتنفعش تعيش حدانا ٠٠ انى خلاص جولت كلمتى ماعايزش حديت كتير فى الحوار ده تانى.. انما البت انى بعت إللى يجيبها من اسكندريه .. وهى على وصول دلوقيت
توفيق٠٠تقصد ايه يا ابوى
حمدان٠٠ الكلام إنتهى و انا أها بجول لكل اللى فى الدار مافيش حد يتحدت فى الموضوع ده تانى مفهوم
هنا دخلت أروى وهى تصرخ و عندما رأت توفيق
أروى٠٠ بابا الحقنى يا بابا
توفيق٠٠ اهدى يا حبيبتى اهدى
أروى ٠٠ الراجل ده اخدنى من المدرسة و قال انه عمى
توفيق٠٠ إللى بيحصل ده غلط ازاى تجيبوا البنت بطريقه دى ..انتم عارفين حالة امها دلوقتي عامله ايه
صاح حمدان بعصبيه
حمدان.. صفيه .. انتى يا صفيه
جاءت صفيه مسرعة
صفيه٠٠ نعم يا ابوى
حمدان٠٠ خدى البت دى من اهنه دلوقيت
صفيه٠٠ حاضر.. تعالى يا حلوه
أروى٠٠ابعدى ايدك عنى ..بابا فين ماما .بابا انت مش بترد عليا ليه بابا
( كانت أروى مرعوبه و بتتنفض )
حسين٠٠ شوفت يا ابوى البت بتحدت كيف سدقتنى دلوقتي
جمال٠٠ سيبك من حديتها شوفت البت شكلها كيف البت حلوه جوى جوى اكدا ليه اكيد امها حلوه مش حظنا المهبب
أحكام٠٠ واه تقصد ايه بحديتك ده يا ولد عمى أنى لحد دلوقيت مافتحتش خشمى واصل. باللى حوصل .
حمدان٠٠ خلاص انا جولت ماحدش يتحدت فيه الموضوع ده تانى
أحكام ٠٠ بس يا عمى
حمدان ٠٠ واه ما جولت خلاص يا أحكام
■■■■■■■■■■■
عائلة صعيدية ملتزمة بالعادات و التقاليد
جميع أفراد العائلة يسكنون فى نفس المنزل
بيت كبير يجمع فيه جميع أولاد حمدان التهامى و أحفاده
*حمدان كبير العائله كلمته سيف على رقاب الجميع
*اول الأبناء حسين شخصية غليظة القلب
الزوجه نجاح .أبناء حسين. جمال.سعيد.ابراهيم . رقيه
*الابن الثانى جمال شخصية عاديه
الزوجه نعمات. الابناء.زينب.كوثر.صفيه
*الابن الثالث توفيق شخصيه مستقره دائم السفر
الزوجه الاوله أحكام . الأبناء. اسامة.عاطف.حنان
الزوجه الثانيه نادية الابنه الوحيدة من نادية. أروى
* الابنه الاخيره صفية ارمله أبناء فارس. حامد.هدى
■■■■■■■■■■□□□
بعد مرور شهرين
▪︎▪︎▪︎▪︎▪︎▪︎▪︎▪︎▪︎
بعد محاولات كثيره من نادية للوصول لأبنتها دون نتيجة
صفيه٠٠ ابوى كنت رايده اتحدت أمعاك
حمدان٠٠ عايزه ايه يا صفيه
صفيه٠٠ أروى يا ابوى البت اكدا هتموت منينا لا بتاكل ولا راضى تبطل أعياط و نواح .. انا بجول نخليها تشوف أمها
هنا صاح بها حمدان بغضب
حمدان٠٠ صفيه انا جولت ايه قبل سابق
صفيه ٠٠ خابره يا بوى بس
حمدان٠٠ مافيش بس إللى انا جولتو يتنفذ
صفيه٠٠ طيب على الأجل جول لأحكام تخف شويه على البت دى لساتها لحمه حمرا
حمدان٠٠ عملت ايه أحكام تانى
صفيه٠٠ مبهدله أروى فى اريحه و الجايه
يابوى
■■■■■■■■■■
بعد مرور عامين
▪︎▪︎▪︎▪︎▪︎▪︎▪︎▪︎▪︎▪︎▪︎
أحكام٠٠ جولت ايه على العريس إللى جاى لحنان من مصر
توفيق٠٠ انتى خابره انه متجوز قبل سابق
وان مراته لسه على ذمتو .. و انه عايزها عشان الخلفه بس
أحكام٠٠ و ماله إللى هيكون معاها العيال هى إللى هتكون الست الدار و مراتو الأول عامله زى الأرض البور مابتطرحش
توفيق٠٠ يعنى عايزه حنان تكون زوجه تانية
أحكام٠٠ واه وفيها ايه .. دول ناس مبسوطه جوى جوى عندهم فلوس ياما و هتعيش فى فيلا فى مصر
توفيق٠٠ غريبة مع انك زمان قلبتى الدنيا لما عرفتى انى متجوز عليكى دلوقيت عايزه تجوزى بنتك مع ضره عادى
أحكام٠٠ ده مراتو ما بتخلفش..انما انا كان معايا ٣ منيك لما روحت اتجوزت عليا
توفيق٠٠ ما توجعش ادماغى ..شوفى ابوى عايز ايه و اعملوا
أحكام٠٠ ابوك أموافج
■■■■■■■■■■■
بعد شهر من جواز حنان و علاء الالفى
صفيه ٠٠ايه مالك يا أحكام
أحكام ٠٠ كنت بتحدت مع حنان من هبابه بتجول أن حماتها صعبة جوى معاها
صفيه٠٠ اه كان باين عليها يوم ما جت انت ماشوفتش كانت بتبص علينا بقرف كيف.
نجاح٠٠ المهم جوزها عامل ايه أمعاها
أحكام٠٠ بتقول أهم حاجة عيندى مراتو التانيه
نعمات٠٠ احنا قولنا الحديت ده قبل سابق ده راجل بحب مراتى .اتجوز حنان بس عشان الخلفه
صفيه٠٠ واه يا نعمات ما تلمى خشمك اللى بينقط سم ده
نعمات٠٠ واه انتو اكدا إللى يقول الحق فى الدار ده تزعلوا منيى
أحكام٠٠ خلاص يبجى خلى حديتك الماسخ ده لنفسك ياختى
■■■■■■■■■■■■■
بعد مرور ٤ سنين من زواج حنان و علاء
حنان دلوقتى عندها ٣ أولاد من علاء
.سندس.ساندى.اسر ...مازالت حنان تتلاقى أسوء معامله من جميع أفراد عائلة الألفى و خصوصآ زوجها و حماتها.. هى بالنسبال لهم مجرد الة لإنجاب الأطفال لعائلة الالفى بعد فشل الزوجه الاوله فى الإنجاب
■■■■■■
عائلة الألف
٠٠٠٠٠٠٠٠٠٠٠
رب الاسرة عزت الالفى راجل أعمال من أغنى أغنياء مصر
..الزوجة جيلان امرأه قويه سليطة تحب السيطره تعشق المظاهر ..
.الابن الاكبر علاء شاب عملى تزوج حنان فقط من أجل الخلفه بعد ضغط عائلته عليه
الزوجه الاولى ياسمين.. فتاه جميله لا تحب اتدخل فى أمور الآخرين محبوبة من الجميع
الابنه الصغيره شيرى .فتاه مدلعه مهوسة موضة وأزياء و الميكاب اهم حاجه عندها مظهرها العام
الابن الثانى#عمر شاب وسيم قوي الشخصية دائم السفر رغم صغير سنه لكن والده يعتمد عليه فى معظم أعمال الشركه خارج مصر.. جد جدآ فى شغله حازم ... لكن خارج الشغل هو شاب اجتماعى محبوب من جميع النساء لكنها رغم ذلك معروفه عنه انه عصبى صعب السيطره عليه ..حاد الطبابع.. مافيش حاجه عنده اسمها. لأ . هو كمان بطل مصر فى الملاكمة .. متعدد العلاقات النسائيه
■■■■■■■■■■■
جيلان٠٠ صباح الخير ياسمين
ياسمين٠٠ صباح الخير ياماما
جيلان ٠٠ حنان هو لسه الفطار هيتأخر
حنان٠٠ حاضر حالآ
سندس ٠٠تيته ممكن تمسحى خشمى
صاحت جيلان بغضب
جيلان٠٠ تعالى هنا ايه خشمى دى اسمه بقى فاهمه بقى ..
سندس٠٠ حاضر يا تيته بقى صح
جيلان٠٠ صح ... حنان .. حنان
حنان٠٠ نعم
جيلان٠٠ انا مش قولتلك قبل كده ماتتكلميش قدام الاولاد باللهجة بتعتك دى اهى البنت اتكلمت زيك..
حنان٠٠ انا اسفه مش هتكرر تانى
جيلان٠٠ و انا لسه هستنى تكرر تانى..اسمعى
يا ياسمين من النهاردة الولاد مسؤولية تعليمهم عليكى ..انا اساسا مش هستنا واحده جاهلة زى دى تعلم ولاد ابنى اللهجة المتخلفه بتعتها
ياسمين٠٠ حاضر يا ماما بس اهدى شويه اعصابك
■■■■■■■■■■
بعد مرور شهر
٠٠٠٠٠٠٠٠٠٠٠٠٠٠٠
حنان٠٠ لو سمحت انا عايزه اروح ازور اهلى فى البلد
علاء٠٠ مش وقته
حنان٠٠ فرح اخويا أسامة بعد أسبوعين ..
علاء ٠٠ قولت مش وقته مش توجعى دماغى
ياسمين٠٠ فى ايه يا حبيبى مالك متعصب ليه
حنان٠٠انا كنت عايزه احضر فرح اخويا
ياسمين٠٠ ومالو ماتروحى
علاء ٠٠ انت بتقولى ايه انا مش فاضى للكلام ده ..بعدين أهلها هيقولوا انى المفروض اروح معاها والكلام ده
ياسمين٠٠ معلش عشان خاطرى خليها تروح.
.و انت كمان يا حبيبى المفروض تروح معاها
علاء٠٠ خلاص عشان خاطرك بس .. بس هنروح قبل الفرح بيوم واحد
حنان٠٠ ( بفرحه) حاضر
■■■■■■■■■■
بعد أسبوعين فى الصعيد
بعد الفرح بيوم
علاء ٠٠ انا نازل اشترى حاجات ياريت يا حنان اول ما اجى تكون جاهزه عشان نرجع القاهره
أحكام ٠٠حنان انتى مش بتجولى انك رايده تشترى حاجات ليكى متروحى مع جوزك
علاء ٠٠ تمام لو عايزه تيجى يلا بس ماتتأخريش
■■■■■■■■■■
بعد ذهاب علاء الحنان بساعتين
تعرض علاء و حنان لحادث بالسياره التى على أثرها توفى علاء مباشرتآ
بينما توفت حنان بعد الحادث بأسبوع
لتسريع الأحداث
بعد وفاة علاء و حنان ٦ شهور
الفصل الثاني
بعد مرور ٦ شهور من وفاة علاء و حنان
فى فيلا الالفى
جيلان٠٠ خلاص انا مش قدره اعيش من غير ولاد علاء
عزت٠٠ والله وانا كمان
جيلان٠٠ طيب ما تتكلم مع عيلة حنان تانى
عزت٠٠ تانى ما انا كنت هناك الأسبوع إللى فات و الأولاد مش راضين يسيبوا خالتهم
جيلان٠٠ انا مش عارفه طلعت منين خالتهم دى كمان ..خلاص انا هرفع قضية حق الحضانة لأولاد
عزت٠٠ قانونآ الاولاد من حق أهل الأم
جيلان٠٠ يعنى أولاد علاء هيعيشوا معاهم لا مش ممكن دول عالم جاهله و متخلفه مش ممكن اسيب أولاد علاء ليهم
عزت٠٠ يعنى هنعمل ايه انتى فاكره انا مرتاح والأولاد بعيد عنى.. وانا عارف ان عيشتهم
و ثقافتهم غيرنا
تخيلى انهم مابيحبوش تعليم البنت
جيلان٠٠ لأ لأ مش ممكن انا عايز أولاد علاء ماليش دعوه أتصرف
عمر٠٠ مساء الخير..ايه ماما لسه مدايقه عشان موضوع أولاد علاء الله يرحمه
جيلان٠٠ انا خلاص مش قدره استحمل بعد الولاد عنى
عمر ٠٠ الضغط هيعلى عليكى تانى يا ماما كفايه بقى
عزت٠٠ انا اتكلمت مع عمدة بلدهم.. وهو كلم كبيرهم جد حنان الراجل قال دول ولادكم وقت ماتكونوا عايزين تشوفوهم اتفضلوا
عمر٠٠. ده مجرد كلام هو عارف انه صعب نزروهم بأستمرار.. احنا فى القاهرة هما فى قنا
جيلان٠٠ صح هما عارفين اننا مش هنعرف نروحلهم على طول
عمر٠٠ انا مش عارف علاء ساب الدنيا كلها وراح يتجوز من الصعيد خلاص يعنى مافيش بنات فى القاهرة عجبته
جيلان٠٠ كان عايز واحده توافق على وضعوا
و تكون زوجه تانى
عمر٠٠ بنات كتير تتمنى تكون واحده من عيلة الالفى حتى لو زوجه تانى و تالته كمان
عزت٠٠( بضيق) علاء كان عايز واحد ماتطلبش اي حقوق منه..تخلف و بس و تكون أم بالاسم.. لكن الأم الحقيقيه إللى ليها كل الحقوق كانت ياسمين انما حنان ماكنتش اكتر من خادمه فى البيت
جيلان٠٠ وهو وقته الكلام ده ..بعدين هى كانت تحلم انها تتجوز واحد زى علاء دى كانت ولا شكل ولا منظر
عمر٠٠ الله يرحمهم بقى مالهوش لازمه الكلام ده
جيلان٠٠ و بعدين يعنى فى الآخر مافيش حل للموضوع ده
عزت٠٠ والله عمدة البلد قالى على حل بس انا رافض الحل ده
جيلان٠٠ ايه هو
عزت٠٠ بيقولى اجوز ابنى لاخت حنان كدا تقدر تيجى تعيش هنا بالأولاد
عمر ٠٠ الراجل ده اكيد مجنون انا اخرتها اتجوز واحده جايه من وراه الجاموسه
عزت٠٠ انا قولتلك انا رافض الحل ده
جيلان٠٠ بس ده حل مش وحشه بالعكس
عمر٠٠ انتى بتقولى إيه يا ماما
جيلان٠٠ اسمعنى دى هتبقى مالهاش لازمه فى البيت زى اى كرسى.. هتبقى موجوده عشان أولاد وبس زيها زى اختها.. انت حياتك ماشيه زى ما هى عادى حتى لو فكرت تتجوز تانى مش تقدر تفتح بقها
عزت٠٠ ايه يا جيلان انتى عايزه الكون كله يمشى على مزاجك. ايه يا عمر ساكت ليه
عمر٠٠ ماما شكل أعصابها تعبان شويه لما تهدى هتفكر صح
جيلان٠٠ ماحدش حاسس بيا انا بموت كل يوم ..مش كفايه اتحرمت من ابنى كمان اتحرم من ولاده حرام عليكم ...اه ه ه
(فجأة شعرت جيلنا بتعب ثم فقدة الوعى)
عمر٠٠ مالك ياماما ..ماما ...بابا أطلب الدكتور
■■■■■■■■■
بعد ما فحص الطبيب جيلان
عزت٠٠خير يا دكتور
الدكتور٠٠ احنا مش اتكلمنا قبل كدا قولنا التوتر لأ على أقل الفتره دى
عزت ٠٠ واللهى هى إللى بقت بتتعصب من اقل خاجة
عمر٠٠ يعنى هى عامله ايه دلوقتى
الدكتور.. هى كويس دلوقتى بس أرجوكم بلاش تتعرض لأى ضغط عصبى الفتره دى..عن أذنكم
عمر٠٠ اتفضل يا دكتور
هنا جاءت شيرى و بخوف قالت
شيرى٠٠ مالها ماما..
جيلان٠٠ ماتخافيش ياحبيتى انا كويسه..ايه
يا عمر رأيك فى الموضوع إللى اتكلمنا عليه
عمر٠٠ موضوع ايه
جيلان ٠٠ إللى اتكلمنا فيه من شويه لحقيت نسيت
عمر٠٠ اه افتكرت ..طيب بعدين يا ماما نتكلم انتى تعبانه دلوقتى
جيلان٠٠ انا عايزه اسمع ردك دلوقتى رايحنى
يا عمر
عمر ٠٠ حاضر ..بس ارتاحى بقى
جيلان٠٠ كلم الناس يا عزت
شيرى٠٠ هو فى ايه
عزت٠٠ عمر مسافر الاسبوع إللى جاى ..بيقى نتكلم بعد ما يرجع من السفر
جيلان٠٠ انا لسه هستنا عمر لما يسافر ويرجع ..انت عارف عمر بيطول فى السفر
عزت٠٠ حاضر هكلمهم ممكن تهدى شويه بقى
عمر ٠٠ طيب عن أذنكم ..و سلامتك يا ماما
■■■■■■■■■■■■■
الصعيد فى بيت حمدان التهامى
٠٠٠٠٠٠٠٠٠٠٠٠٠٠٠٠٠٠٠
أحكام٠٠ عمى انى رايده اتحدت أمعاك
حمدان٠٠ عايزه ايه دلوقيت
أحكام٠٠ انت خابر ان عيال حنان متعلقين بأروى
وهى دلوقيت تاركهم و رايحه على المدرسة
حمدان٠٠ واه و أنتى بدك اعمل ايه دلوقيت
أحكام٠٠ أنى بجولك مالهاش عازا المدرسة هو من ميتا البت بتتعلم حدانا
حمدان٠٠ انتى جايه دلوقيت تجول. بلاها تعليم لأروى عشان عيال بتك.. توفيق خابر الحديتك ده
أحكام٠٠ انت خابر توفيق ماراضيش حد يتحدت فى موضوع علامها واصل
حسين٠٠ أنى مع أحكام انى مش خابر ليه توفيق موجف رأسه فى موضوع تعليم أروى من ميتا احنا بنعلم بناتنا
حمدان٠٠ انى أديت توفيق كلمة فى موضوع تعليم أروى و طول ما هو رايد يعلم أروى انا ماليش صالح بيها واصل
■■■■■■■■■■■■■■
صفيه٠٠ تعالى أهنه ..انتى خابر أحكام بتعمل ايه حدا جدك
أروى٠٠ عارفه
صفيه٠٠ بقى مخابرش جدك قالها ايه
أروى٠٠ عرفت
صفيه٠٠ واه مين جالك
أروى٠٠ مرات عمى نعمات
صفيه٠٠ يا ابوى هى لحقت تعرف ميتا
أحكام.. خير بتحدتوا على مين
صفيه٠٠ لا مافيش يا أحكام
أحكام ٠٠ و ست الدار قعده اكدا ليه .مافيش حاجه تعمليها
أروى٠٠ للاسف مافيش
أحكام٠٠ مافيش ازاى قومى اعملى وكل لعيل حنان
بسخريه قالت أروى
أروى٠٠ حاضر ايه خدمه تانى
أحكام٠٠ انتى بتتحدتى أمعايا اكدا كيف
أروى٠٠ هو انا اتكلمت اهو هخرس خالص فى حاجة تانى
صفيه٠٠ فى ايه يا أحكام ماتسيبى البنيه فى حالها
أحكام٠٠ مافيش حد مقوى جلب البت دى اخته فى الدار غيرك يا صفية
صفيه٠٠يعنى هيبجى انى و الزمن عليها كفيها عاد يا أحكام
■■■■■■■■■■■■■■
توفيق٠٠ ايه الحديت إللى اسمعتوا النهاردة فى الدار
أحكام٠٠ حديت كيف يعنى
توفيق٠٠ انتى اتحدتى مع ابوى على موضوع تعليم أروى تانى
أحكام٠٠ ايوه انى شايفه انه مالهوش عازا كل شويه رايح المدرسة و جاية من المدرسة بعد اكدا هتكون ايه يعنى اخرتها هنتجوز و تجعد فى الدار
توفيق٠٠ اسمها كليه مش مدرسة بعد اكدا هتكون دكتوره . واسمعى يا أحكام .عليا الطلاق منيكى لو اتكلمتى فى موضوع تعليم أروى تانى هتكونى طالق بتلاته فاهمه
أحكام٠٠ واه هى حصلت
توفيق٠٠ جولتلك قبل سابق و جولها تانى العالم كله فى كفه و أروى لوحدها فى كفه..كفايه شايف بتتعاملى أمعاها كيف و ساكت
أحكام٠٠ عندك حق ما هى بنت أمها و معزتها من معزة أمها مش اكدا
توفيق ٠٠ بالظبط اكدا ..معزتها من معزة أمها كويس جوى انك خابره اكدا زين
■■■■■■■■■■■■
إبراهيم ٠٠ جدى انا بدى اتحدت أمعاك
حمدان٠٠ خير
إبراهيم٠٠ انا عايز اتجوز أروى بنت عمى
حمدان٠٠ واه انت كمان
ابراهيم٠٠ تقصد ايه يا جدى بأنى كمان
حمدان.. فارس ابن عمتك صفيه طلبها منى
ابراهيم٠٠ بس أنى ابن عمها و احق بيها
حمدان٠٠ روح دلوقيت و نتحدت بعدين ..
خرج ابراهيم هو واضح الحزن على ملامحه
توفيق٠٠ هو مالو ابراهيم طالع من حداك زعلان
حمدان٠٠ بدو يتجوز أروى
توفيق٠٠ و ابراهيم كمان هو مخابرش ان جمال أخوه طلب يديها
حمدان٠٠ لا اكيد مخابرش اسمع يا ولدى عنيدك جمال.و فارس.و ابراهيم شاور روحك و جولى هتوافق على مين لبتك
توفيق٠٠ هسأل أروى الأول
حمدان٠٠ واه من ميتا واحنا بناخد رأيي البنيه فى حاجة زى اكدا
توفيق٠٠ ده شرع ربنا يا ابوى و حجها
حمدان٠٠ دلوقيت أهم حاجة بكره تقولى اختارت مين فيهم عشان نخلص بعد ما تشاور بتك
■■■■■■■■■■■■■
توفيق٠٠ تعالى يا أروى عايز أتكلم معاكى
أروى٠٠ والله انت ملخبطنى شويه تتكلم باللهجة الصعيدية وشويه تتكلم عادى زى انا
توفيق٠٠ معلش بحكم شغلى بسافر كتير عشان كل واحد بكلمه باللغه إللى يفهمها .. المهم انا كنت عايزك فى موضوع كده
أروى٠٠ نعم يابابا
توفيق ٠٠دلوقتى جمال و ابراهيم و فارس ٣ متقدمين ليكى المفروض تختارى واحد فيهم
أورى٠٠ بس يا بابا ٣ بعتبرهم اخواتى
توفيق٠٠ اسمعى يا أروى انتى عارفه جدك هو قالى اشوفك تختارى مين من التالته
أروى٠٠بابا انا لسه قدامى٣ سنين طب.ده غير السنه دى
كمان انا مش عايزه أتجوز دلوقتى غير لما أخلص دراستى
توفيق٠٠ يا بنتى مافيش حد هنا هيوافق تفضلى الفترة دى كلها من غير جواز دى عاداتنا يا أروى
أروى٠٠ يعنى مكتوب عليا اعيش طول عمرى كده
قالت جملتها ثم بدأت تنهمر الدموع على خديها
توفيق٠٠ طيب بتعيطى ليه دلوقتى
أروى٠٠ عشان مش عايزه أتجوز حد فيهم
توفيق٠٠ طيب أدى نفسك فرصه تفكرى بعد كدا نشوف
■■■■■■■■■■■■■
جمال٠٠ انتى رايحه فين دلوقيت
أروى.. رايحه أدى الشاى لجدى
جمال٠٠ واه و شعرك ظاهر ليه اكدا
أروى٠٠ ماهو مافيش حد غريب بره كلهم أولاد عمى وعمتى
جمال٠٠ بردوا البسى حاجه على راسك
و احترمى نفسك انتى و ماشيه
أروى٠٠ على فكره انا محترمه عن إذنك
مشيت خطوتين
فارس ٠٠ و جمال كان بيجولك ايه
أروى ٠٠ وانت كمان .ولا حاجه
فارس٠٠ ولا حاجه كيف مابشوفش انى اياك .. المهم انا مش جولت قبل سابق تلبسى هدوم واسعه عليكى
بنفاذ صبر قالت
أروى٠٠ حاضر هلبس حاجه اوسع و هلبس حاجه على راسى و هحترم نفسى فى حاجه تانى
تركته ثم مشيت كمان خطوتين
ابراهيم ٠٠ انتى حكايتك النهاردة .كل شويه هتوقفى مع واحد و بجولك ايه انى مابديش اكدا
أروى ٠٠ يالهوى انتو عايزين من ايه النهاردة من غير ما تتكلم . حاضر حاضر فى حاجة تانى
ابراهيم ٠٠ واه هو انى جولتلك حاجة
■■■■■■■■■■■■
صفيه٠٠ مالك يا بت اخويا
أورى٠٠ تعبت يا عمتى و اتخنقت
صفيه٠٠ واه ما تجولى فى ايه
أروى٠٠ موال كل يوم جمال و ابراهيم حتى فارس ابنك
صفيه٠٠ طيب اختارى واحد منيهم و اخلصى
أروى ٠٠ حتى انتى ياعمتى
أحكام٠٠ انتى يا بت يا أروى
أروى٠٠ نعم خير
أحكام٠٠ جومى جهزى العشا
أروى٠٠ بس النهاردة العشا مش عليا
أحكام٠٠ مش عليكى بس أنى بدى انتى إللى تعملى العشا..بعد اكدا تحمى عيال حنان قبل ما ينعسوا
صفيه٠٠ خليكى أهنه يا أروى انتى تعبان انى إللى هعمل العشا
أحكام٠٠ أنتى بتجويها عليا أكدا يا صفية
صفية ٠٠ بجويها عليكى كيف يعنى كل ده عشان حولت انى إللى هغمل وكل العسل
أحكام ٠٠ لع بس انتى أكدت بتكسرى كلمتى
أروى٠٠ خلاص هنا هروح اعمل العشا عايزه حاجة تانى يا مرات بابا .. مش عايزه اروح اولع فى نفسى عشان ترتاحى
أحكام٠٠ و اللهى تكونى رايحتى
صفيه٠٠ كفايكى عاد يا أحكام اكدا كتير
نعمات٠٠ سمعتوا الأخبار الجديدة
صفيه٠٠ فى ايه يا بومة
نعمات٠٠ أخوه علاء أتقدم لأروى رايد يتجوزها