رواية احببته رغم كبريائي الفصل الثاني والثلاثون32 بقلم مريم احمد
تاني يوم كان مروان ف الشركة بيراجع شوية ورق
جتله رساله من الفيسبوك
ساب الورق الي مكانش مركز فيه اصلا كان بس بيفكر ف انه ازاي يخلي حبيبة تبطل تمثيلها دا
مسك تليفونه يشوف في ايه لاقى اشعار ان حبيبة ردت على تعليق كارولين الي كانت عاملاها تعليق على بوست السوشي و هي بتقولها
كارولين..." سوشي ايه الي اجيبهولك دا غااااالي "
كانت حبيبة عاملالها ريأكت احزنني و قالتلها
حبيبة..." بس انا عايزة سووشييي😭 "
ابتسم عليها و خد مفاتيح عربيته و نزل من الشركة و هو ناوي يروح لأحسن مطعم بيعمل سوشي و يجبلها السوشي الي هي عايزاه
وقف بالعربية قصاد محل فخم جدا و اول م نزل من العربية استقبلوه احسن استقبال و ف ثواني كان مدير المطعم بنفسه بيرحب بيه
اسماعيل...اهلا اهلا يا مروان بيه
هز مروان راسه و متكلمش و اسماعيل قاله
اسماعيل...ايه الي جابك بس كنت اطلب الاكل و ف ثواني يكون موجود
رفع حاجبه بغرور و ابتسم و هو بيقوله
مروان...مضايق اني جيت ولا ايه
اتوتر اسماعيل ان يكون مروان فهمه انه مضايق و هو كان قصده ان يعني مروان طلباته اوامر
اتكلم اسماعيل بتوتر و ارتباك و هو بيقول
اسماعيل...لا طبعا يا مروان بيه مش القصد دا انـ...
مكلمش جملته لما لاقى مروان بيضحك و بعدين قاله
مروان...خلاص خلاص
ابتسم اسماعيل و سكت و مروان قاله
مروان...وصي الشيفات يجهزوا صينية سوشي حجم عائلي و ميتأخروش عشان معنديش وقت كتير
هز اسماعيل راسه بطاعة و قاله
اسماعيل...حاضر يا مروان بيه حالا يكون الاوردر موجود
هز مروان راسه و قال للحارس الشخصي ليه
مروان...شوف الحساب كام
هز الحارس راسه بطاعة و مروان خرج من المطعم و هو بيرن على حبيبة
رن مرة و اتنين و هي مردتش
نفخ بزهق و رن المرة التالته و الي ردت فيها و هي بتقوله بضيق
حبيبة...خير انا مش قولتلك مينفعش تكلمني ؟؟
جالها صوته و الي كان بيقولها بأمر
مروان...اخرسي يا بت انتي و اسمعي لما ارن عليكي كمان شوية تنزلي ولا تنزليلي سبت بيتكوا دا ماشي
استغربت و قالتله
حبيبة...ليه ؟
رد عليها و هو بيقولها
مروان...من غير كلام كتير
سكتت و مردتش بس ابتسمت لما افتكرت خناقاتهم الي كانت كل شوية
حبت انها تتخانق معاه و قالتله و هي بتحاول تمنع ابتسامتها
حبيبة...اسمع يا دكتور انت ..اياك ترن عليا تاني فاهم
رد عليها و هو بيقولها
مروان...لأ مش فاهم و اخرسي بقى عشان من عايز اقفل السكة ف وشك و تزعلي
ابتسمت بفرحة لأنه خايف على زعلها
اما هو ف خد شنطة الاوردر من الحارس و قالها
مروان...سلام و قفل المكالمة و راح للعربية
...لا اله الا الله وحده لا شريك له له الملك و له الحمد يحيي و يميت و هو على كل شئ قدير
بالرغم من انها قالتله ميتصلش بيها تاني بس هي كانت طول الساعة و نص الي عدت مستنية اتصاله
صلت العصر و لاقيت تليفونها بيرن
خدت تليفونها بسرعة بس قبل م ترد رسمت على تعابير وشها الجدية و فتحت المكالمه و هي بتقوله
حبيبة...انا مش قولتلك متتصلش بيا تاني !!
سمعت صوته و الي كان بيقولها
مروان...خلصي يا حبيبة معنديش وقت لازم ارجع الشركة
هزت راسها بطاعة و قالتله
حبيبة...طيب حاضر
و دخلت البلكونة نزلتله السبت
لاقيته ماسك شنطة كبيرة مكنتش عارفة ايه
سألته باستغراب و هي بتقول
حبيبة...ايه دا؟
مردش عليها سابلها الشنطة ف السبت و كتبلها قبل م ياخد عرليته و يمشي
مروان..." بألف هنا يا بوبه ♥️ "
سمعت صوت رسالة من تليفونها سابت السبت على الطربيزة و راحت خدت تليفونها لاقيت رسالة مروان الي خليتها تستغرب اكتر
خدت الشنطة من السبت و اتفاجئت لما لاقيت رسمة للسوشي على الشنطة و اسم مطعم و من شكل الشنطة و علبة الأكل باين ان المطعم غالي اوي
اتوترت انها ازاي هتردله فلوس الأكل دا كله شالت العلبة و دورت على الفاتورة الي فيها سعر الاكل و هي متوترة انها تشوف السعر بس ملقتهاش
جت حنان و هي بتقولها
حنان...يا بت انتي انا مش بنادي عليكي !
بصتلها حبيبة و متكلمتش و حنان خدت بالها من الاكل و قالتلها باستغراب
حنان...ايه دا
ردت عليها حبيبة و هي بتبص للسوشي و بتقولها
حبيبة...سوشي
قفلت حواجبها باستغراب و قالت
حنان...و جبتي منين فلوس لكل الكمية دي!
هزت حبيبة راسها بنفي و قالتلها
حبيبة...لاقيت مروان من ساعة بيكلمني و بيقولي لما ارن عليكي نزلي السبّت و لاقيت الشنطة دي
استغربت حنان و قالتلها
حنان...ايه مناسبتها يعني
هزت راسها يمين و شمال بعدم معرفة و بعدين بصت لأمها بزهول و قالتلها
حبيبة...من كام يوم كنت منزله بوست بهزر فيه انا و كارولين اكيد. شاف البوست عشان كدا جابه
بصتلها حنان بلوم و قالتلها
حنان...شوفي بقى الصينية دي بكام
حبيبة...اكيد اتكلف اوي
هزت حنان راسها و قالتلها
حنان... كلميه اشكري طيب
هزت حبيبة راسها و قالتلها
حبيبة...حاضر
اتكلمت حنان و هي بتقولها
حنان...انا عارفة اي الي انتي بتاكليه دا ..دا محدش فينا بياكله غيرك
اتكلمت حبيبة بزهول و قالتلها
حبيبة...هتجنن و اعرف ازاااي مش بتاكلوه بجد
بصتلها حنان بزهق و قالتلها
حنان...يا شيخة اتنيلي
هزت راسها بطاعة و قالتلها
حبيبة...حاضر
و خدت تليفونها و دخلت اوضتها
رنت عليه و كانت متوقعه انه مش هيرد عليها بس رد و هو بيقولها
مروان...ايه يا بيبو
ابتسمت و قالتله باحراج
حبيبة...شكرا يا مروان
ابتسملها و قالها
مروان...مفيش شكر ولا حاجة المهم يكون الاكل كان حلو
اتكلمت و هي بتقوله
حبيبة...بس انا مش هقدر اكله غير لما تقولي تمنه يا مروان
اتصدم و قالها
مروان...ايه الكلام الاهبل الي انتي بتقوليه دا!
ردت عليه باحراج و هي بتقوله
حبيبة...يا مروان السوشي دا غالي اوي و انت كمان جايبه من مطعم شكله غالي
رد عليه و هو بيقولها بابتسامة
مروان...مش مهم اي فلوس المهم انك تكوني فرحانة
ابتسمت و قالتله
حبيبة...شكرا ليك
ابتسمتلها و رد عليها و هو بيقولها
مروان...العفو يا بوبة
ابتسمت و متكلمتش و مروان قالها انه هيقفل عشان يكمل مراجعة الورق و قالها كمان تبقى تسلم على ابوها و امها
كانت مبسوطة اوي و خرجت قعدت على السفرة و بدأت تاكل السوشي الي بتحبه جدا
بس سابت الأكل مرة واحد و هي بتقول لنفسها
حبيبة...و بعدين يا حبيبة كدا مش هقدر امثل عليه اني مضايقة منه تاني هتبقى قلة ذوق اوي يعني
بصت للأكل و خدت قطعة سوشي و اكلتها و قالت
حبيبة..اتصرف ازاي انا بقى دلوقتي خايفة يقول عليا اتصالحت باكله
اتأففت بعدم معرفة بس حبها للسوشي خلاها ترجع تكمل اكل تاني و متفكرش ف الي جاي
...لا اله الا الله وحده لا شريك له له الملم و له الحمد يحيي و يميت و هو على كل شئ قدير
في النادى كانت مليكة و سما قاعدين على طربيزة و جمبهم زرع و اشجار
اتكلمت سما و هي بتقولها
سما...مالك يا كوكي ساكته كدا ليه
بصتلها مليكة و قالتلها و هي الحزن باين عليها
مليكة...حصلت خناقة و ابيه ساب خاطيبته هو اصلا قالنا و قالها كذا مرة انه ميقصدش يزعلها بس بصراحة هي زعلانه و انا زعلانه عشان انا كنت بحبها جدا انا و ماما و كنا صحاب
هزت سما راسها و قالتلها
سما...طيب م تكلميها يا مليكة مش معنى انها مبقتش خطيبة اخوكي يبقى خلاص متكلميهاش
هزت مليكة راسها و بصت على الانسيال الي ف ايديها الي علية اول حرف من اسم حبيبة
قد ايه كانت مبسوطة انهم صحاب
فاقت غلى صوت جرت كرسي و اتفاجئت لما لاقيت روان الي قالتلهم
روان...يااه شوفتوا الصدف فاجئتوني بجد انكوا هنا
بصت لـ سما و قالتلها
روان...مكلمتينيش ليه يا سما م انا من الاسبوع الي فات بقولك تعالي نخرج ؟
روان بصت لـ مليكة و هي بتقول
روان...او يبقى بقى مليكة هانم عندها مانع
ضحكت بسخرية و هي بتقول لـ مليكة
روان...يا بنتي هو انتي ديما بتخافي مني كدا
مسكت السكينة الي كانت موجودة ف طبق البيتزا الي قدام ماليكة و وجهتها ناحييتها و هي بتقولها
روان...لاتكوني شايفاني قتـ ـالة قتـ ـلة بمشي أقتـ ـل ف الناس و خايفة اقتـ ـلك
سخريتها من مليكة خلتها تتوتر اكتر و هي بتفتكر تنمر زمايلها عليها و هي صغيرة
رجعت تاني بصت لـ روان الي كانت بتضحك و بتقولها
روان...حقيقي بدأت اشك انك عندك قلة ثقة ف نفسك
ابتسمت و بصت لـ مليكة و قالتلها
روان...اوعي تكوني بتتعالجي نفسيا يا بت يا كوكي !!
دمعت عيون ماليكة الي كانت عمالة تفرك ف ايديها بتوتر و هي بتحاول تمنع نفسها من العياط
سمعت سما الي بتقول لـ روان بغضب و حدة
سما...خير يا روان ايه الكلام التافهه الي انتي عمالة تقوليه دا ؟؟؟
ردت علبها روان بنفس الحدة و هي بتقولها
روان...مالك زعلانه اوي كدا ليه انا الي صاحبتك ف الاول مش هي فوقي
ردت عليها سما بغضب و مليكة استغلت انهم بيتخانقوا و خدت شنطتها و مشيت فورا قبل م دموعها تنزل قدامهم و الي بالفعل دموعها غرقت وشها و هي بتعيط بغزارة و خدت عربيتها و قررت تروح لـ مودة و هي تقريبا مش شايفة الطريق من كتر م الدموع مالية عيونها ووو