رواية اخرجتني من الظلام الفصل الثاني عشر12والثالث عشر13 بقلم ريتاج محمد
دلقتها على دماغه وهي بتقول بقرف :اما ابقى خدامه امك ابقى اتسهوك ينتن
جت تمشي لقت الي شد ايدها وشدها عليه وقعها في البسين
وهو بيقول:على كتالوجك كدة واحد واحد
المايه كانت عالية ومليكه بتخاف من المايه ومبتعرفش تعوم قعدت تطلع وتنزل
افتكرها بتمثل وقعد يضحك
لحد ملقاها بتدخل جوة الماية ومش ظاهرة
غيث اتصدم وجري ناحيتها بسرعه وشالها بين ايدية وطلع بيها من البسين وحطها عالارض
والناس اتجمعت قعد يضغط على صدرها كتير
لحد ما استجابت ليه وطلعت المايه الي بلعتها
غيث اول لما لقاها فاقت شدها لحضنه بقلق وهو
حاطط ايدة على شعرها
فضلوا كدة دقيقه لحد ما هي قعدت تكح جامد وزقته بعيد عنها وقامت خدت نفسها وطلعت على اوضتها من غير كلام
وقعدت عالسرير وهي مش مستوعبه انها كانت هتغرق
الي حصل قبل كدة لما نزلت البحر
حصل تاني
خوفها من تاني بيتجدد تجاه المياه
قامت قلعت هدومها
ولبست بنطلون بيتي واسع
وتيشرت بنص كم
ورمت نفسها عالسرير
ولفت نفسها باللحاف
وحاولت تنام
لقت الي جه وقعد عالسرير جنبها وهو بيقول :انا اسف
قامت اتعدلت وهي بتقول :انت دخلت هنا ازاي؟
غيث :الباب كان موارب
مليكه: طيب ماشي اطلع برة
غيث مسك ايديها وهو بيقول:انا اسف
،انا عارف ان هزاري غشيم والله
بس مكنتش اعرف انك مبتعرفيش تعومي
مليكه :انا مش مش بعرف اعوم ،انا بخاف من المايه
وعيطت وهي بتقول :انا كنت هموت وانت عمال تضحك
انا مش زعلانه منك والله ،انا عارفه انك كنت بتهزر
بس انا بخاف من المايه وكنت هموت
غيث بصلها بتردد واخدها في حضنه وهو بيطبطب عليها وبيقول بهدوء وحنيه وهو بيبوس راسها: انا اسف
مليكه حست بمشاعر غريبة
ناحيته هي بتحاول تكدبها
بعدت عنه بتوتر وهي بتمسح عيونها بكف ايديها
وبتقول :خ خلاص مفيش. حاجه
وكملت بشراسه عشان ميحسش بتوترها: بعدين انت انت ازاي تحضني كدة وتبوس راسي
غيث بضحك:عادي ، تحبي احضنك تاني
مليكه بغضب: على فكرة انت متربتش
غيث بضحك: وحياتك ولا شميت ريحتها
المهم تعالى نخرج
مليكه:دنت مستحليها بقى
يعني فطرتني وعايز تخرجني
ولا انت يتقلق منك
غيث ببسمه: براحتك الفرصة مبتجيش غير مرة واحدة
وجيه يمشي مليكه مسكت ايدة وهي بتقول:خلاص ياعم في أيه انت مابتصدق
استناني هلبس واجي
ابتسم عليها وخرج من الاوضة
راحت هي عند الدولاب عشان تغير هدوم. الشغل
وهي بتقول في نفسها:صعبه
صعبه اوي اكمل هنا
تفكيري كان غلط
انا اجي زيارة اة
اقعد فترة اة
لكن مش هعرف استقر في بلد. غير بلدي
رسلان وحشني اويي. ووحشني خناقاتنا هووووف
انا يومين وهرجع خلاص دا قرار نهائي
طلعت لبس والي كان عبارة
عن بنطلون واسع تلجي
وتيشرت بينك
وسابت شعرها
ولبست كروكس ابيض
ونزلت لغيث لقته هو كمان غير هدومه لبنطلون رصاصي
وقميص بيبي بلو
غيث بضحك وهو بيبص على الطقم بتاعها :يعني الطقم الحلو دة يتلبس علية دا
وهو بيشاور على الكروكس
مليكه بتناكه:ملكش فيه
واوعى بقى عشان اركب
وركبت العربية وهو ضحك عليها وركب
بص بالصدفه فالمرايا
شاف واحد راكن عربيته وراهم بالظبط وباصص عليهم
وملامحه مكنتش باينه
غيث قال فسرة بقلق:يارب الي فبالي ميكونش حصل
عشان كدة كل حاجه بنخطط ليها من زمان هتروح
ودور العربية وطلع وهو مركز مع المراية وفعلا الي حسبه لقاه
الراجل كان ماشي وراة
وغيث عرفه وضرب الدرسين بأيدة بعصبية وهو بيقول:شوية اغبييية ضيعوا مجهودنا
مليكه بفزع:في أيه
اي الي حصل
غيث حاول يهدى وهو بيقول :مفيش مفيش
اربطي حزام الأمان كويس
سمعت كلامه
وهو سرع وكان حريص انه ميدخلش في أي طريق صحراوي او طريق خالي
وفضلوا عالموال دا لأكتر من نص ساعه وفجاءة لقوا ضرب نار عليهم
غيث وهو بيجري يمين وشمال لما لقى مفيش حد
قال:وربي لهينكوا ياولاد ال****
ووجه كلامه بحدة لمليكه:افتحى التابلوة الي قدامك دا بسرعه هتلاقي مسدس هاتيه
سمعت كلامه بفرحه من الموقف
اي حد طبيعي لو مكانها هيترعب
بس فرحانه اول مرة تعيش جو اكشن
غير كدة هي حاسة بالأمان وهي معاه
حاسه انها مش هيحصلها حاجه
طول مهو معاها
ادته المسدس. وهو قال :بتعرفي تسوقي؟
مليكه بحماس:مش اوي
غيث:بتعرفي تسووووووقي
انجزي اة ولا لا
مليكه بتردد:اة
غيث : طب اسمعى انا هطلع من الشباك هضرب عليهم نار من هنا وانتي هتكوني قاعدة هنا بتسوقي
مليكه باستغراب:ازاي يعني ؟
يعني انا هقعد عالكرسي اسوق
وانت هتطلع من شباك نفس الكرسي ؟
لا طبعا مينفعش
غيث بعصبية:هو ايه الي مينفعش
دا شايفك وانتي راكبه معايا
يعني انتي هتكوني اول حد يجي فدماغه يموته
انجزي اقعدي يلااا
عشان اقوم اطلع من الشباك
مليكه بتردد:مينفعش والله صدقني
فجاءة لقت رصاصه عدت من جنبها صوتت بخضه
غيث بعصبيه:متخلصي
ولا انتي عايزة الجايه تبقى فنفوخك
وطلعه من الشباك
ومليكه نقلت مكانها لكرسية
وكانت خايفه تسوق لأن رسلان كان بيدربها
على شوارع صغيرة
بس جمدت قلبها لأن الموقف الي هما فيه عايز جمودة قلب سمت بالله وساقت بسرعه
عند غيث كان مطلع راسه ودراع واحد من الشباك بيضرب عليهم نار
والايد التانيه كان حاطتها على رأس مليكه بيحميها
مليكه ابتسمت لحركته
وزادت ف السرعه
غيث كان بيضرب نار بس العدو كان بيتفاداها
نشن عليه وضربه بالنار فنص راسه
بس فجاءة لقى تلت عربيات مليانه ناس جايه من وراهم وعمالين يضربوا نار عليهم
غيث ابتسم بسخرية وهو بيقول:ماطبيعي مش هيبعتولي واحد
عارفين انه مش هياخد في ايدي غلوة
بدأ يضرب عليهم وموت عدد كبير منهم
بس في طلقه جت فصدره
فتأوة بألم
مليكه بخضه وهي رفعاله راسها:في أيه
غيييث!!!!
غيث نزل راسها لتحت تاني وهو بيقول بحدة:مفيش حاجة خليكي مكمله سواقه
واتحمل الألم وقعد يضرب عليهم ومتبقاش غير واحد
بس وكان عمال بينزف ودمه بيتصفى
قال بصوت ضعيف لمليكه لأن الطلق خلص فمسدسه :افتحى المراية هتلاقي مابينها طلق
هاتيه بسرعه نفذت كلامه وهو عمر مسدسه وشد اجزاءة وضرب عليه بس الرؤية غروشت عندة وهو حاسس بارتعاشة ايدة ودمه بيتصفى
عينه بدأت تقفل ووقع جنب مليكه مغمى علية
مليكه صرخت بخوف:غييث
طبطبت على وشه بخوف وهي تقول:ياغيث ونبي رد عليا .....
الفصل الثالث عشر
عينه بدأت تقفل ووقع على مليكه مغمى علية
مليكه صرخت بخوف:غييث
طبطبت على وشه بخوف وهي تقول:غيث رد عليا
ماللك عدلته من عليها عشان تشوف ماله لقت هدومها وهدومه كلها مليانه دم
مليكه صرخت بخوف وعيطت وهي بتسندة وبتحاول تفوقه:غييث
انت ايه الي حصللللك ياررررب
طب طب قوم عشان خاطري
طب حتى قولي اعمل ايه طيب انا مش هعرف اتصرف من غيرك ،فتح عينك حتى اطمن عليك
بس غيث لا حياة لمن تنادي
مليكه عيطت بقوة وغيث شبه فحضنها وهي بتسوق
كانت بتعيط بغزارة ومكنتش شايفه قدامها من كتر الدموع ودخلت فطريق منحنى كبير اخرة تعرجات
وحفرة كبيرة
كانت بتحاول تغير اتجاة العربية بأي شكل عشان ميتقلبوش لكن معرفتش والعربية اخدت مجراها و انقلبت بيهم
عند رسلان
كان بيدي محاضرة ومرة واحدة جاتله نغزة فقلبه
حس انه مخنوق وعايز يعيط
فقال والخنقه باينه على صوته : هنقف هنا انهاردة ياشباب ونكمل المحاضرة الجايه
الكل بدأ يخرج لحد اخر حد
وهو قعد على الكرسي وحط ايدة ناحية قلبه وهو بيضغط عليه عشان النغزة تخف
لقى مرة واحدة دموعه نازلة زي الشلال من غير أي سبب
استغرب نفسه هو بيعيط كدة ازاي
ولية اصلا
وايه الي حصل يستدعي العياط من غير سبب دة
مسك موبايله بسرعه يتطمن على عيلته
اتطمن على امه وابوة وملك
وأنهم بخير
كتب رقم مليكه ورن عليها
بيدية جرس بس مبتردش
رن خمس مرات لكن مش بترد
رسلان بقلق وخوف: استر يارب
انا قلبي مش متطمن دي اول مرة متردش على الموبايل
من اول مرة وخاصتا انه بيديني جرس
بس مبتردش اوووف ورن تاني
بس بردك مفيش رد
رسلان بقلق:اوووووف متردي يازفته
اقسم بالله لما موبايلك يتفتح لطلع عينك يامليكه
عند ندى كانت في محاضرة
وبردك قاعدة ف أخر بينش
ومنكمشه على نفسها
وكان في بنتين قاعدين على مقربة منها
بي مش جنبها اتكلموا بهمس بس للأسف كلامهم وصلها
وكان كلامهم عبارة عن
البنت الاولي واسمها مها: شوفتي ياسحر البت الي اسمها ندى الي قاعدة هناك دي
بيقولوا عندها توحد دايما منكمشه كدة
ومبتتعرفش على حد ولا ليها ف اي حاجه خالص
سحر بطيبة:طب اسكتي
عشان كدة حرام و ممكن تسمعنا وهتزعل انتي صوتك عالى ممكن يوصلها
مها بضحك:ميوصلها هتلاقيها طرشة اصلا
وبعدين بطلي اللزاجه الي انتي فيها دي انتي كمان مش كل حاجه افضل اقولهالك تفضلي تقوليلي حرام ومش حرام
ندى عنيها دمعت لأنها مش اول
مرة تسمع كلام زي دة من حد دايما بتسمع كلام من دا كتير
مسحت دموعها ومسكت دفترها وبدأت تكتب الملاحظات ورا الدكتور
عند غيث ومليكه
مليكه كانت مخبوطه في راسها جامد وراسها مفتوحه وشبه فاقدة الوعي
وفي قطع ازاز دخلت في جسمها
ورجليها كانت محشورة
وغيث كان فوقها وكاتم على نفسها
ومكنتش عارفة تاخد نفسها
والدم مغرقهم
وغيث كان اتصاوب بردك غير إصابته الأولى
على مقربة من مكان وقوع عربية غيث ومليكه
كان في عربية فيها عيلة تركية
باين عليهم الثراء
الاب جاله تليفون فَ ركن العربية واستأذنهم ينزل يرد على الموبايل عشان دوشة الاولاد
نزل واتكلم في الموبايل
وهو بيلف
ووسط ماهو بيلف شاف حاجه سودة بتلمع من بعيد بس مش باينله اي هي
قرب شوية شاف العربية المقلوبة اتخض
وجري بسرعه على العربية عشان لو فيها ناس
وحاول يفتح الباب معرفش
كسر الازاز
لقى مليكه وغيث
فوضع صعب
والأصعب منه انه مش هيعرف يخرجهم من شباك العربية
جري بسرعه على عربيتة وقال لمراته تطلب الإسعاف بسرعه على هنا وتيجي وراه
وهي استغربت وحاولت تعرف منه في أيه بس كان هو مشي و
فعلا طلبت الإسعاف
وقالت للأطفال ميتحركوش من العربية هتنزل تشوف حاجه وجاية بسرعه
ونزلت جري بتدور على جوزها لحد ما لقته واقف عند عربية مقلوبة وبيحاول يطلع ناس منها
جريت عنده وهي بتحاول تساعدة يطلع غيث الي كانت فوق مليكه
لحد ما نجحوا وحطوة على الأرض وقالها تشوفه اذا كان عايش بما انها دكتورة
اماءت ليه وهي بتشوف شغلها
وقالتله :انه نفسه ضعيف اوي
ومتصاوب جامد فصدرة غير أصابه الحادثه
ولازم يتنقل عالمستشفى فورا لان دمه شبه بيتصفى
وحاولوا يطلعوا مليكه وعرفوا يطلعوها
وكشفت عليها بسرعه وقالتله انها حالتها مش أخطر حاجه زي غيث
بس لازم تتنقل عالمستشفى بسرعه
كانت ساعتها الإسعاف وصلوا
واخدوههم بسرعه على العربية وطلعوا المستشفى وهما
بيعملوا معاهم اللازم
بعد وقت كانوا وصلوا المستشفى
واخدوهم على العمليات هما الاتنين
لان حالتهم كانت طارئه
وبعد وقت كبير
كانوا طلعوا من العمليات
غيث كان في العناية المركزة اما مليكه راحت اوضه عادية وبعد وقت كانت بدأت تفوق من البنج
قالت بقلق للمرضة:غيث !
غيث عامل ايه
هو فين ؟
الممرضة مفهمتهاش
فمليكه سألتها بالتركي
والممرضة قالتلها ان حالته مش احسن حاجه وان هو دلوقت في العناية
مليكة قالت ودماغها تقيله: انا عايزة اشوفه
وديني اشوفة
انا حالتي مش خطيرة اوي زيه
الممرضة بنفي: ما بقدر مستحيل
مليكةة:هو ايه الي مستحيل
عايزة اتطمن عليه
الممرضة:انتي هلّا تعبانه بس تتشافى بإذن الله
بنوديكي لزوجك
هلّا بس إرتاحي
لإنو كمان هوِ ما فاق
بس يفيق بقلك تمام
وخرجت
ومليكه رجعت راسها لورا و....