رواية اسير الحب الفصل السابع7والثامن8 بقلم هايدي ناصر
فجأة مراد شاف ميان وقفت وحمدي واقف قصادها
مراد حس بحاجه غريبه نزل من العربيه وشافه وهو بيضايق ميان مراد دفشه على الأرض وضربه لكميه فى وشه مقامش منها
مراد لميان : انتى كويسه
ميان : اه شكرا
ثم ذهبت لبيتها ومراد لما اتطمن عليها ركب عربيته ومشي
ميان طلعت البيت ودخلت اوضتها وكانت مبسوطه اووى
ميان فى نفسها : بيحبنى علشان كده ممشيش بس لا أنا هوريه ده تعبنى كتير وجه وقتك يامراد ياشهاب
عند مراد كان ماشي مبسوط أن اليوم كان حلو وان ميان لبست الفستان اللى هو جابه واد ايه كانت جميله
مراد وصل فيلته ودخل الحمام اخد شور وطلع لابس بنطلون رصاصي وفلينه سودا واتمدد على السرير
واليوم عدى على ابطالنا وكلهم مبسوطين
تانى يوم فى الشركه ميان وصلت الشركه ومراد كمان وصل فى نفس الوقت واتقابله قدام الشركه مراد ابتسم وهو فى العربيه ولبس نضارته ونزل وميان جواها مبسوط اد ايه متعوده تشوفه فى أول يومها كل يوم ميان فضلت متصلبه مكانها ومراد قرب منها وهو داخل الشركه ميان شمت برفانه
ميان : يالهوى مش عارفه الاقي فيك عيب كله على بعضك بتقتلنى بس لا هو ناسي اللى عمله امبارح هى سايبه ولا ايه
مراد : صباح الخير
ميان : بجمود صباح النور
ثم ذهبت تلقائيا داخل الشركه
ميان فى نفسها : صبرك عليا
مراد ضحك عليها وهو داخل أنها حطت من البرفان اللى كان مع الهديه
مراد بتعجب فى نفسه : اكيد لسه زعلانه أنا عارف هصالحك ازاى
ميان طلعت لمكتبها وهى داخله لاقت نفس البنت اللى كانت مع مراد وبتقوله يابيبي ايوا هى اسينات الادهم
ميان فى نفسها : ودى جايا هنا ليه الصبر يارب
اسينات اخدت بالها من اللى داخل
اسينات لميان: اهلا انسه ميان
ميان : اهلا مين حضرتك
اسينات : أسمى اسينات
ميان : تشرفنا اى خدمه
اسينات : اه كنت عايزه اصمم فستان لحفلة خطوبتى
ميان انصدمت والشيطان شاطر ودخل دماغها على طول معقوله هتتخطب لمراد
ميان بضيق : اه وبعدين
اسينات : مراد قالى أنه انتى هتصمميه وانا شوفت العرض بتاعك امبارح يجنن وعايزاكى تصمم لى فستان حلو
ميان زادت عصبيه ولكن حاولت تتمالك نفسها : تمام حضرتك
اسينات : الو يابيبي _____ اه انت وصلت تمام أنا جايا
كل ده وميان سامعه اللى بيحصل وأفكارها بتقولها أنها بتكلم مراد
اسينات : معلش ياميان أنا لازم امشي
ميان فى نفسها اخيرا : اتفضلى
وخرجت اسينات وميان متعصبه جدا وعماله رايحه جايا فى المكتب راحت عند مراد لاقته قاعد مع اسينات
ميان : أنا بعتذر
وخرجت وهى هطق شرار
مراد : استنى ياميان وخرج وراها
ميان بضيق : نعم يامستر مراد حضرتك عايز حاجه
مراد : لا بس كنت
ميان : تمام أنا عندى شغل مهم ولا زم امشي ومشيت قبل ما مراد يوضحلها أنها أخته مش حبيبته
مراد اتنهد ودخل المكتب تانى
اسينات : شكلك وقعت بس فعلا تستاهل البت قمر
مراد : قصدك ايه لا لا مافيش الكلام ده
اسينات : طيب يامراد بس انا شيفاك واقع خالص وبكره تشوف أنا ماشيه لان محمد جاي من السفر ولازم أقابله فى المطار عايز حاجه
عند مراد بيتصل على تميم مش بيرد
مراد بعصبيه : يعنى ايه عندنا اجتماع بعد 10 دقائق وحضرته لسه مجاش وكمان مش بيرد على التليفون
على طريق تميم راكب عربيته وماشي بسرعه علشان متاخر وتليفونه بيرن وهو مش واخد باله فجأه تصطدم عربيته مع عربية تانيه
تميم نزل وهو متعصب : انت يا حيوان مش بتعرف تسوق بوظت العربيه
تنزل بنت من الجهة الأخرى من عربيتها وهى لابسه النضاره الشمسيه
عشق : جرا ايه ياجدع مالك حامي علينا اوى كده ليه مين اللى حيوان عربيتك خبطت عربيتي من ورا من اللى حيوان
تميم : لا انتى واحده مش متربيه خالص
عشق : مين دى اللى مش متربيه انت واحد قليل الادب ومش متربي واحد متخلف كمان انت اللى غلطان وبدل ماتعتذر جاي تقل ادبك
تميم قرب منها وقبض أيده : مين ده اللى متخلف وحيوان ومش متربي
عشق : انت
تميم كان هيرد عليها تليفونه رن
تميم : ايه يارسيل _____ خلاص أنا دقيقتين وهكون عندك
بت انتى أنا لولا انى متاخر كنت سويتك جثه هنا
عشق : هه يلا ياجبان خايف تواجهنى طبعا انت اللى غلطان
تميم تتنهد بعصبية ولبس النضاره بتاعته وركب العربيه ومشي بسرعه
عشق : واحد متخلف
مراد : رسيل تميم فين الوفد جاي وما فيش وقت
رسيل : أنا كلمت مستر تميم وقالى دقيقتين وهيوصل
ميان جات ودخلوا لقاعه الاجتماع وتميم وصل بعدهم ودخل
واحد من الوفد اللى قاعدين بيبص لميان ومركز معاها وهى قاعده
مراد : دى خطتنا للموضه واللى مسئوليه عنها الانسه ميان
انسه ميان اتفضلى اشرحي العرض
ميان خلصت
جين : روعه ياسنيوره ميان اكتير هلو انتى بتاخد العقل كل شيئ كان مدهش أمس
ميان : Thank you mister jean
جين : We want to met of night to celebrate of this sccesse
نحن نريد أن نجتمع باليل لنختفل بهذا النجاح
مراد : And we agree
واحنا موافقين مستر جين
جين : حسنا اراكى باليل انسه ميان وسلم عليها وهو بيبصلها بحب
مراد واقف عنيه هطق شرار وقاطعهم وهو بيسلم عليه وبيقطع سلامه مع ميان: حسنا مستر جين نراك على العشاء مع السلامه
تميم كان واقف كاتم ضحكته
جين : مع السلامه مستر مراد واستاذ تميم وانسه ميان
ثم ذهبوا
تميم راح على مكتبه ومراد فضل واقف يبص بغضب لميان وميان سابته ومشيت
ميان فى نفسها : خلى ست اسينات تنفعك هه
مراد واقف مسح رأسه بايده ومشي على مكتبه : اللهم طولك ياروح هو انا اخلص من تميم ووائل يجى جين دا ايه ده بس ياربي
جه وقت انتهاء العمل والكل مشي
باليل تميم وصل المطعم استقبل فيه الوفد وميان ومراد وصلوا فى نفس اللحظه
ميان لابسه فستان اسود قصير وبكم وجذاب اووى وهيلز فضى ورابطه شعرها ديل حصان وميك اب خفيف واكسسوار سلسله رقيقه وحلق فضى ومراد كان لابس بدله رصاصى وساعه سودا
مراد اول ما شافها اد ايه تخطف القلب بجمالها واد ايه هو بيحبها وبعدين راح عندها وهو متعصب من أن الفستان قصير ودخلوا المطعم
جين قام وقف واستقبل ميان وباس ايديها
جين : ياالله على الجمال اكتير طالعه بتجننى سنيوره ميان
مراد قاطع سلامه ومد ايده وسلم عليه ازيك يامستر جين
جين : صرت اكتير بخير لما شفتك انسه ميان
مراد بيتمالك أعصابه لانه على آخره
قعدوا كلهم وبياكلوا وبيحتفلوا
جين : انسه ميان تقبلى بهى الرقصه
ميان بصت لمراد اللى عنيه جايبه آخرها وافتكرت اسينات ووافقت
طول الوقت وجين بيخاول يتقرب من ميان
مراد جاب آخره وقام اخد ميان وشدها من ايديها ومشي ركب العربيه وراح على الشركه
فى مكتب مراد
ميان : انت ايه اللى بتعمله ده
مراد : هو ايه اللى أنا بعمله انتى ايه اللى بتعملى ده
ميان : انا مسمحلكش
مراد بعصبيه ضرب ايدهوفى الحيطه وحاصر ميان بدراعه الاتنين على الحيطه : هو ايه اللى بتعمليه ده انتى اتجننتى
ميان اتفزعت من صوته ثم اتنهدت : مستر مراد ارجوك
مراد : وايه الفستان القصير اللى حضرتك السله ده
ميان بتأتأ : انت مالك ده شيئ يخصنى وانا حره
مراد : لا مافيش حاجه اسمها حره
ميان بعصبيه : ليه بقى إن شاء الله
قاطعها مراد وهو ياخد قبله من شفايفها طويله وبعدين اتنفس وقرب منها وهو بيشم ريحتها واتكلم بهدوء: انتى ايه اللى بتعمليه ده ازاى تسمحي له يقرب منك
ميان بدموع : وانت ليه عملت كده
مراد : أنا عملت ايه أنا عملت غير انى _____
البارت_ 8
مراد اتعصب وقام اخد ميان من ايديها ومشي ركب العربيه وراح الشركه
فى مكتب مراد
ميان : ايه اللى عملته ده
مراد : ايه اللى أنا بعمله انتى ايه اللى بتعمليه ده
ميان : انا مسمحلكش
مراد مراد اتعصب وخبط ايدهوفى الحيطه وحاصر ميان بين دراعه الاتنين والحيطه : هو ايه اللى انتى عملتيه ده انتى اتجننتى
ميان اتفزعت من صوته ثم تنهدت : مستر مراد ارجوك
مراد بعصبيه : وايه الفستان القصير اللى حضرتك لابساه ده
ميان بتأتأ : انت مالك ده شيئ يخصنى انا حره
قاطعها مراد وهو يأخذ قبله من شفايفها طويله ثم اتنفس وقرب من رقبتها وهو بيشم ريحتها واتكلم بهدوء : انتى ازاى تسمحي له يقرب منك ليه عملتى كده
ميان بحزن : انت ايه اللى عملته ده
مراد : أنا عملت ايه أنا عملت ايه غير اني
قاطعهم رنين تميم
مراد اتنهد بعصبيه ورد على التليفون
الو
تميم : مراد ايه اللى عملته ده الوفد اضايق اوى أنت اخدت ميان وروحت فين تعالى بسرعه
مراد : يحرق الوفد وام الشغل أنا مش جاي ودعهم انت
تميم : وبعدين يامراد ده غلط على الشغل ممكن نخسر الصفقه
مراد اتكلم بصوت عالى : متتحرق على اللى جبينها اعملهم ايه وقفل التليفون
تميم : اتنهد بضيق امري لله
ميان : احنا لازم نمشي
مراد فضل واقف ساكت وهو متعصب وبعدين اتكلم
ميان انتى بتشوفينى انسان مش كويس
ميان : انت بتقول كده ليه ياستاذ مراد
مراد : بلاش استاذ واعتبرينى صديق وجوبيني بصراحه
انا فعلا إنسان وحش وبتشوفينى كده
ميان : هو انت فعلا اللى يشوفك يقول متعجرف وصعب وعمرك ما بتضحك لا انت فعلا ضحكت لما
مراد : لما ايه
ميان : لما كنا رايحين للسيشن و
مراد : اه انا فعلا اسف اوى للحصل
ميان : خلاص بلاش نفتكر الماضى بس انت قلبك طيب وعصبي اوى وده مش كويس يلا انا اتاخرت ولازم ارجع البيت
مراد : تمام يلا
نزل مراد وميان برا الشركه وركبوا العربيه ومراد وصلها بيتها ومشيى لما اطمن عليها وطلع غير هدومه واتمدد على السرير وافتكرت كلامها
مراد : انا فعلا عصبي وده من وقت اللى حصل معايا زمان بس خلاص ياميان أنا فعلا هنسى الماضى وارجع انسان تانى لازم ابدأ حياة جديده معاكى بس لازم اتاكد انك فعلا بتحبينى وانك عمرك ماهتتخلى عنى
ميان دخلت غرفتها وغيرت هدومها فتحت الشنطه علشان تاخد الموبايل ولاقت الورقه اللى مراد ادهالها فى الحفله فتحتها واتفاجأت من اللى مكتوب فيها
تميم : أنا بعتذر اوى لحضرتك سنيور جين
جين : شو ياللى صار كيف مستر مراد بيمشي بهى الطريقة ومعه سنيوره ميان
تميم معرفش يقولهم ايه وفجأه طلعت منه : مستر جين سنيوره ميان خطيبه سنيور مراد وانت بتعرف أنه بيغير اكتير وبيحبها
جين : اووه حصل خير مع السلامه سنيور تميم
تميم : مع السلامه سنيور جين
فى الصباح راح ابطالنا الشركه زى العاده
رسيل : مستر مراد الوفد وافق أنه يعقد معانا الصفقه ولازم نسافر باريس علشان نعمل المجله الجديده
مراد : تمام يارسيل جهزى كل حاجه هنسافر بعد تلات ايام
رسيل : تمام مستر مراد عندنا اجتماع برا الشركه بعد نص ساعه
مراد : تمام
ذهب مراد وتميم وميان الاجتماع
بعد ماخلصه الاجتماع ذهبوا كلهم إلى بيوتهم
تانى يوم
تميم يعنى ايه مصمم الديكور شغال مع خصمنا
الموظف : اه مستر تميم عملنا إجراء واتحققنا من والكلام اللى حضرتك قولت عليه وطلع صح
تميم : امم علشان كده كان فى خساره فى الشغل الفتره اللي فاتت
تمام روح انت وخلي الكلام ده محدش يعرف بيه انت فاهم
الموظف : أوامرك استاذ تميم
مراد وصل الشركه وشاف اسينات مع ميان وبيتكلموا
مراد اول ما اسينات شافته جريت عليه
اسينات : مراد حبيبي عامل ايه تعالى كنت عايزاك فى موضوع كده
ذهب مراد معاها وهو بيبص على ميان
ميان واقفه هتتجنن
فى مكتب مراد
مراد : ايه اللى عملتيه ده
اسينات ببراءة : ايه مراد عملت ايه
مراد وهو يكتم غضبه : قولتلك ميت مره الشغل غير البيت صح ليه بتكرريها
اسينات بخبث : امم كلام صح وقعت ومحدش سمى عليك
مراد : وبعدين معاكى بقى
اسينات : مراد ياحبيبى أنا عملت كده علشانك البنت لما بتغيير تفكيرها بيوقف تماما والعصبية تزيد وما فيش غير أنها تتكلم بعصبيه مع اللى بتحبه وبجمود مع البنت اللى بتغيير منها وانا عملت كده حبيت اشوف اذا كانت بتبادلك نفس الشعور ولا لا
مراد : هو انتى هتخلينى احب بالعافيه قولتلك مافيش حاجه من الكلام ده
محمد رجع من السفر ولا لسه
اسينات : اه رجع ااه فكرتنى احنا بنا معاد زمانه اتشوا تحت الشمس باي يا مراد
مشيت اسينات ومراد قعد يفكر فى كلام اسينات
مراد : معاكى حق أنا لازم اعمل كده بس ازاي
ميان راحت مكتبها وهى متعصبه جامد وخرجت من المكتب وهى خارجه قابلت وائل
وائل : اه كنت جايلك كويس انى قابلتك
ميان شافت مراد واتعمدت تضايقه
ميان : اه ياوائل فى حاجه
وائل : أااانا
ميان : اه فى ايه
وائل : انا عزمك على الغدا في الاستراحه
مراد واقف وهو مستني رد ميان ميان بصت لمراد ثم عاودت النظر لوائل
ميان : تمام ياوائل
وائل : بتتكلمى بجد
ميان بصت لمراد : اه بجد
وائل مشي ومراد كان رايح لميان ميان راحت ماشيه على مكتبها على طول
مراد : ماشي ياميان انتى اللى جنيتى على نفسك
ميان فى مكتبها : خليك تدوق من نفس الكاس
جه وقت الاستراحه ومراد طلع يشوف ميان هتروح فعلا ولا
وفجأة شاف ميان خرجت ووائل معاها
مراد اتعصبةلكن.تمالك نفسه ودخل مكتبه تانى
بعد الكل ما مشي من الشغل واليوم خلص مراد كان قاعد فى مكتبه والشركه فاضيه ميان بعد ما نزلت دورت على موبايلها ملاقتهوش رجعت الشركه تانى وطلعت المكتب وهى بتاخد الموبايل حست بحاجه غريبه وهى مرعوبه
طلعت من المكتب لاقت مكتب مراد منور و مراد لسه مامشيش راحت عنده المكتب لاقته اغمى عليه ميان جريت عليه وهى خايفه
ميان : مراد يامراد فوق مراااد
لكن مراد مافقش ميان طلعت البرفيوم بتاعها وقربته من أنفه وبعد شويه مراد فاق
مراد : ايه اللى حصل وانتى بتعملى ايه هنا
ميان حضنته اول ما فاق ودموعها بتنزل
مراد حس بكهرباء فى جسمه اول ما لمسته اول مره يحس الاحساس ده
ميان بدموع : انت بتعمل فيا كده ليه وبتشتغل فوق طاقتك ليه بتحب تتعبنى
مراد : ااانا ااانا
ميان ابتعدت عنه بدموعها أنا اسفه اوى ااانا
مراد : ولا يهمك
وقفت ميان واعتدلت ومراد وقف شويه وميان جات علشان تمشي الكهربا قطعت
ميان صرخت بصوت عالى
مراد : أهدى
ميان : مش قادره أنا بخاف من الضلمه اووى
مراد مسك ايديها : أهدى أهدى أنا جنبك
ميان بدأت تهدأ وفجأه البرق والرعد اشتغله ميان مسكت فى مراد وتبتت فيه اوى وهى دفنه رأسها فى صدره من الخوف
مراد خلاص مش قادر حاسس ان الدنيا بتلف بيه وجسمه بيتكهرب من قربها منه
ومن غير ما يحس حضنها جامد كانه بيقولها متبعديش
بعد ما الرعد خلص ميان حست بنفسها وبعدت عنه بهدوء
ميان : ااانا اسس اسفه
مراد اتكسف وبعد وشه وراح ناحيته المكتب
ميان : احنا هنمشي ازاى فى الضلمه دى هنفضل كده
مراد جاب شمع وولعه : ماقدمناش حل غير أننا تفضل هنا لحد الكهربا ماتيجي
ميان : يعنى ايه
مراد : يعنى لحد الكهربا ماتيجي هنفضل هنا
ميان راحت وقفت على شباك المكتب وفضلت تتفرج على المطر وهو بينزل
مراد : تعالى هتبردي
ميان : انا بحب المطر اوى تعالى نطلع
مراد : انتى اكيد مجنونه مطره ايه اللى تطلعى تحتها فى الوقت ده
بعد شويه الضوء جه ومراد ملاقاش ميان فى المكتب اول ما الكهربا جت
مراد بخوف : ميان ميان انتى فين ميان
فجأة يشوفها وهى ووووا