رواية اسير الحب الفصل الحادي عشر11والثاني عشر12 بقلم هايدي ناصر
عشق : واووووو ايه الاكل اللى يجنن ده ياسوسو
سوزان : طب حاسبي ايدك كده لحد مااختك تيجي
عشق : يووووووووه هموووت من الجوع ياعالم
ثم دلفت البلكونه واقفه بزهق وهى تنفر إلى أن رأت تلك السياره الفخمه القادمه
عشق فى نفسها اوبااا ايه العربيه الجامده دى وبعدها رأت ميان تنزل من العربيه وورائها مراد ظلت واقفه فى الشرفه إلى أن ذهبت ميان للبيت وبقيت عشق تراقب مراد وفجأه شافته وهو بيتكلم فى الموبايل
مراد : ايه يافارس تمام جاي ثم ذهب بسيارته سريعا ودلفت عشق للداخل سريعا بعد أن تذكرت الاكل
عشق : ياهووو هموت جوع خلاص
ميان : ههههههههههه لسه زى مانتى همك على بطنك
عشق : هو فى حد يبقى عنده سوسو وميحبش الاكل اسكتى انتى عارفه حاجه
سوزان : ههه شوفتى اكيد لازم يلا يابنات
خرجت ميان بعد أن انتهت من تغيير ملابسها
عشق : كل ده حرام راعوا انى جعانه
سوزان : خلاص ياختى كلى فضحتينا
ميان : ههههههه دى ميته جوع خالص
سوزان: ههههه قوليلي ياعشق عملتى ايه فى الدراسه
عشق وهى تاكل بسرعه: تمام 👌كله تمام
سوزان : هههه طب اهدى شويه ايه مبتاكليش ولا ايه اللى يشوفك يقول محرومه
عشق: هو من ناحية اكل فانا باكل ومن ناحية محرومه فانا محرومه من الاكل الحلو ده ميان ناولينى الكوفته اللى عندك دى
ميان: لا كله الا دى دى بتاعتي انا
عشق: شوفتى ياسوسو مش عايزه تدينى حبه من طبقها اخص
سوزان: ههههه خلاص اهدوا خدى منى انا
عشق وهى بطلع لسانها لميان
مراد: يعنى ايه
فارس: اه كريم دلوقتى خلاص وقع وخسر صفقه مهمه جدا ليه كانت هترفع فى شغله جدا
مراد: امممم تمام كده كل حاجه ماشيه تمام وانت ايه الاخبار فى حد شك فيك
فارس: لا كله تمام ومافيش اى حاجه
انت هتسافر بعد بكره
مراد: اه هنسافر بعد بكره باريس علشان المجله
فارس: ترجع بالسلامه
مراد: تسلم
ذهب كلا من فارس ومراد
ادهم (والد مراد) : يعنى ايه هو هيفضل منشف دماغه ليه كل ده علشان حبيبت القلب
اسينات : بابا مراد مخنوق وتعبان وخصوصا لما عرف ان حضرتك كنت عارف وحضرتك عارف ان مراد مبيحبش الكدب ومن بعد اللى حصل وهو بيحاول يتجاوزه
ادهم: بس مش هى دى الحقيقه اه انا فعلا كنت عارف بس انا اول ماعرفت هو جه وواجهنى ومدانيش فرصه انى اشرحله انا مليش ذنب
اسينات: بابا سيبه على راحته
ادهم: يعنى ايه ابنى الوحيد عايش بعيد عنى ومقاطعنى حتى مش بيدينى فرصه ابرر موقفى
عند ميان
سوزان: قوليلى بقى ياعشق عملتى ايه فى الدراسه
عشق وهى خارجه من المطبخ ومعاها طبق حلويات: كل خير نجحت والحمدلله وبامتياز
قامت سوزان واحتضنتها وباركتلها ثم ميان
عشق: شكلكم كده مش عايزين من الحلويات هاكلها انا بقى
سوزان: ماشي يابنات انا داخله انام عايزين حاجه
ميان: لا ياماما ياست الكل تسلميلى يارب
دلفت سوزان لغرفتها وظلت ميان وعشق جالسان سويا وبعد ان انتهوا من مشاهدة مسلسلهم المفضل دلفوا الى غرفتهم
جريت عشق على السرير وتمددت وقالت: ياااه وحشنى السرير اووى
ميان: ههههه ليه كنتى بتنامى على الارض
عشق: نننن ياخفة دمك قوليلى بقى كنتى بتعملى ايه فى عربية مراد شهاب
ميان: ايه قصدك ايه
عشق: اممم انا شوفت كل حاجه
ميان: وشوفتى ايه بقى ان شاءالله هو كان بيوصلنى مش اكتر
عشق: اممم ماشي
ميان: قوليلى بقى عن دراستك والجامعه
عشق: يااااااه
ثم جاء اتصال قاطع حديثهم
ذهبت ميان وردت على الهاتف: الو
تميم: الو ايوا ياميان عامله ايه
ميان: الحمدلله فى نعمه
تميم: يارب دايما
ميان: فى حاجه حصلت
تميم: لا مافيش حاجه الحكايه ان مراد
ميان: فى حاجه حصلت
تميم: لا مافبش كل الحكايه ان مراد مضايق ومتعصب من حكاية مهندس الديكور والسفر خلاص ومحتاجين حد فى اسرع وقت ومراد متعصب اووى ومش عارف اعمل ايه
ميان: ولا انا طب بص احنا ممكن نتقابل بكره ونفكر فى الموضوع
تميم: تمام
اغلقت ميان الهاتف والتفت لتجد عشق تقف خلفها وتنظر لها بتركيز لتسألها: كنتى بتكلمى مين
ميان: انتى مالك واقفه وبتبصي كده ليه مش هتبطلى العادة دى
عشق: لا بصراحه قوليلى بقى كناى بتكلمى حبيبك مش كده
ميان: لا ده تميم
عشق بضيق: مش عايزه اسمع اسمه الراجل ده
ميان بتحقيق: ليه
عشق بتلقائيه: ده نافخ عضلاته وعامل فيها سلمان خان كده وهو اصلا قليل الادب مش بيحترم النساء
ميان: هههههه ابدا خالص ده اكتر واحد بيدافع عن المراه وبيحترمها جدا اتاى بس اللى متعاملتيش معاه
عشق: ولا عايزه اتعامل معاه ده قليل الذوق
ميان: ههههههههه قوليلي انتى خلصتى الجامعه
عشق: لسه فاضل سنه واخلص كلية الهندسه
ميان: ربنا معاكى وهتعملى ايه
عشق: هدور على شغل اتدرب لحد مااتخرج
عند سوزان: يااه ياحسن الحلم اللى حلمناه زمان بيتحقق واحده بواحده كنت دايما تقولى انى هخلى بناتى يعيشوا حياتهم باللى هما بيحلموا بيه وانك دايما هتكون جنبهم وادى ميان دخلت الجامعه اللى نفسها فيها وحققت حلمها وعشق دخلت كلية الهندسه اللى هى بتحبها كان نفسي تكون معانا وتحضر حفلة تخرجهم الله يرحمك يارفيقي فى الاخره شوفت نسيت اقولك ان ميان انا حاسه كده انها بتحب المدير بتاعها باين عليه محترم
فى فيلا كبيره يجلس رجل وهو يضع رجلا على رجل ويدخن سيجارته
مدحت: يابيه حضرة البيه كريم لسه ماجاش
شريف: يعنى ايه هيفضل صايع كده كل يوم راجع من البارات
ثم يقاطعهم دخول شاب فى العشرينات بهيبته
شريف: كريم كنت فين كل ده يااستاذ
دلف للداخل بخطوات كلها ثقه
شريف: ده ايه البرود اللى عندك ده الشركه خسرت اكبر صفقه واهمها وخسرنا ملايين وانت ولا هنا
جلس كريم على الاريكه المقابله لشريف وابتسم بسخريه وقال: ومين قالك اننا خسرنا كل حاجه بالعكس
شريف بنظرة تحقيق: قصدك ايه
كريم: قصدى انى عرفت مين السبب اننا نخسر كل ده وكمان عندى خطه تخليه يخسر اضعاف اللى خسرناه
شريف: يعنى ايه ومين ده السبب فى اللى حصل
فى ال
البارت 12
كان مراد يقف أمام شباكه الزجاجي الكبير وهو ينظر منه على المدينه كان يتذكر ما حدث معه بالماضي قرر أن يمحي ذلك من ذاكرته وان لا يجعل له أثر فى حياته واصل التفكير فيما حدث معه فى عمله ثم قال: خطتك اتكشفت يا كريم واستنى الضربة القاضية منى ودى هتبقى هديتي ليك
كانت مايان تجلس وهى ترسم بعض الازياء وقاطع تركيزها من تحدثها وهى تمسك بأحد التصاميم
عشق : واوووو ده يجنن شكله حلو اووى
قامت مايان من مكانها لتنظر فتبدلت نظرات الفضول إلى نظرات حزن
عشق : ده فستان زفاف وردي 🌸
فتحدثت مايان : اه ده بتاع اسينات لحفلة خطوبتها
عشق : مين دي
مايان : كانت موجوده فى حفلة الازياء اللى انا كنت المسؤله عنه وشافت العرض وطلبت منى اعملها فستان لحفلة خطوبتها
عشق : اااه
في الصباح في الكفيتيريا
على احد الطاولات كان يجلس تميم وهو ينظر لمايان التى اقتربت منه وقالت: صباح الخير
تميم : صباح النور
جلست مايان على الكرسي المقابل له ووضعت حقيبتها
تميم : تشربي ايه
مايان : قهوة مظبوط
تميم : لو سمحت اتنين قهوة مظبوط
ذهب الجرسون وتحدث تميم مع مايان بقلق : انا مش عارف هنعمل ايه خلاص السفر قرب والمفروض يكون فى مهندس ديكور للمجله و
قاطعته وهى تقول : متقلقش يا استاذ تميم انا لاقيت مهندس ديكور وممتاز
تميم : بجد ازاى وبالسرعه دي
أخرجت مايان السي فى واعطته اياه اخذه تميم وهو ينظر له ثم فتحه وقد بدت على ملامحه الصدمه كانت مايان تجلس وهى تنتظر رده فتحدث وقال : عشق 😳 عشق هى مهندس الديكور
مايان : اه
تميم : ازاى وهى اصلا لسه طالبه مش خريجه حتى
مايان : هى صحيح طالبه بس هى موهوبه ده غير انها واخده كورس فى الفوتوغرافي و الكومبيوتر ده غير انها بتدرس المجال وكويسه فيه
تميم : بس ده ممكن ميفدناش فى شغلنا
مايان : ازاى مش هيفدنا بالعكس ده اللى احنا محتاجينه
ثم تابعت حديثها وهى تعطيه الهاتف فأخذه منها فوجد بعض الصور التى التقطتها عشق مسبقا قديما
وقالت : وده جزء من تصويرها
تميم : بس دى مناظر طبيعيه مش ملابس يا مايان احنا فى مجالنا بنحتاج نركز على الموديل وتفاصيله علشان نوضح شغلنا للعملاء
مايان : طبعا وده شيئ مهم جدا ولو حضرتك ركزت فى الصور هتلاقى ان فعلا هو ده اللى عشق كانت بتحاول تظهره فى كل صوره
تميم : بس الاول لازم يوافق مراد على ده
مايان : إن شاء الله هيوافق
انتهى حديثهم وهم يشربون القهوة
انتهوا من جلستهم وذهبوا للشركة توقفت السياره أمام الشركه نزلت مايان من السياره وفى تلك اللحظه قد وصلت سيارة مراد أمام الشركه نزل من السياره ووضع نظارته الشمسية على عينيه بكل هيبه وبكامل اناقته انه دائما يهتم بمظهره جيدا كان له ذوق فريد فى اختيار برفانه الخاص وكل تفاصيل ملابسه
اقترب منهم مراد وهو يغلق زرار بدلته وهو يلقى عليهم قائلا: صباح الخير
فردو عليه : صباح النور
صافح مراد صديقه تميم وهو ينظر لمايان التى تقف وهى تنظر لهم بسعاده انها تعلم كم ان الصداقة الجيده تتخطى كلمة صداقة بل ترتفع لمكانة الأخوه كما تكون هى وصديقتها ساره
وانطلقوا جميعا داخل الشركه تميم بجوار مراد ومايان تلحق بهم من الخلف
تميم وهو ينظر لمايان : مراد انا عايزك فى موضوع
مراد : تمام تعالى ندخل المكتب ونتكلم
فى فيلا يبدو عليها الثراء الباهظ وقفت سياره فخمه أمام باب الفيلا
نزل شاب وسيم من سيارته
فى احد نوافذ الفيلا كانت تجلس اسينات والتى أسرعت لترى محبوبها القادم لمعت عينيها عند رؤيته واتجهت للمرأة وهى تأكد على مظهرها انه جيد ثم اتجهت للأسفل كانت تنزل على السلم وهى ترى حبيبها وهو يسلم على والدها والذي رأها فنظر لها بحب
ادهم : أهلا اهلا ازيك يا محمد عامل اية
محمد : الحمد لله يا عمى
ادهم : مصر نورت يا جدع كل ده
محمد : تسلم يا عمي هنعمل ايه بقى شغل
اقتربت اسينات منهم وجلست بجوار أبيها وهى تنظر له بحب ثم تحدثت : ازيك يا محمد عامل ايه
فأجابه قائلا : بخير الحمد لله
ثم اكمل كلامه وهو ينظر لادهم : انا جاي النهارده علشان نحدد يوم الخطوبه لو مافيش مانع نخليها على آخر الاسبوع
فتحدث اسينات : مش هينفع مراد كده مش هيحضر
فتعجبوا من حديثها فقال محمد : ليه
اسينات : فإن مراد هيسافر علشان المجله
تفهم كلامها ثم قال : خلاص نخليها اول ما يرجع من السفر
وافقوا على هذا الرأى
فى مكتب مراد كان يجلس مراد على مكتبه وهو ينظر فى ملف ثم تحدث : امم كويس بس لازم نختبرها الاول لأن دي مجله مهمه يا تميم
تميم : معاك حق خلاص هكلم مايان وقولها
ثم خرج تميم من مكتب مراد ثم دخلت رسيل المكتب وهى تقول : صباح الخير يا مستر مراد
مراد : صباح النور
رسيل : دي كل رسايل البريد اللى وصلت لحضرتك
مراد : ماشي يا رسيل شكرا
ثم ذهبت رسيل
ظل كل واحد فى الشركه يجهزون كل شيئ على اكمل وجه كان الموظفين بارعين فى عملهم لأن مراد كان يختاره بدقه
وائل وسيلا ومايان يقفون فى غرفة الملابس وهم يشرفون على الموديلات وائل تقبل رد مايان عندما اعترف لها بمشاعره تجاهها وأصبحوا اصدقاء
كان تميم برفقة عشق لاختبار موهبتها فى التصوير كانوا يجلسون فى غرفة تصوير
كانت عشق تقف وهى تعدل الكاميرا للتصوير دخلت إحدى العارضات وهى تقف بانحناء وقفت عشق تعدل من المظهر والفستان جيدا مع اضاءه مناسبه للموديل وبدأت فى التقاط بعض الصور انتهت عشق وقامت بوضع بعض لمساتها على الصور كان تميم يقف بجوارها يشاهد الصور بعد أن انتهت قامت بإعطاءه الصور
تميم : تمام كده بس الاول هيشوفها مراد ولو وافق يبقى أهلا بيكى فى شركتنا
نظرت له بثقه من عملها
ذهب تميم إلى مكتب مراد
فى مكتب مراد كان يجلس وهو يبدو عليه القلق ولكن شموخه وذكاءه يوجهه كيف يتصرف
دخل تميم وجد مراد واقف أمام النافذة وهو يضع يديه فى جيبه
تميم : مراد
فلم يجيب اتجه نحوه ووقف بالقرب منه ثم تحدث
تميم : مراد مالك فى ايه
ظل واقف وهو ينظر للامام ثم تحدث : شكله مش ناوى يجبها البر حابب يغرق نفسه
نظر له تميم بتفهم ثم قال : عمل ايه تانى
اتجه مراد نحو مكتبه ثم قام بسمك احد رسائل البريد واعطاه لتميم وهو يقول : باعت تهديد عامل فيها الرجل الخارق
تميم : هى حصلت لكده احنا لازم نبلغ البوليس
مراد وهو يجلس على كرسيه الخاص : لا مينفعش وبعدين انا مش خايف منه هو ولا يقدر يعمل حاجه
تميم : أنت ناوي على ايه
مراد : هندموا على كل اللى عمله وكل لحظه خيانه
تميم : مراد انت لسه منستهاش
مراد : هى بالنسبه لى ولا حاجه
تميم بشك : اومال بتتكلم عن اللى حصل زمان ليه
مراد : انا اللى حصل زمان لسه بيطاردنى هو سبب انى متعصب انت ناسي حصل ايه ده غير خيانته ليا لما هدم شركتي وحاول يدمرني وانت شاهد على كل ده يا تميم
تميم : عارف كل ده بس خلاص يا مراد ابدأ حياه جديده وهو اخد جزاته وخسر أكبر صفقه ليه
نظر مراد بخبث الجهة الأخرى وهو يقول : هو لسه شاف حاجه
نظر له تميم بصدمة وهو يقول : أنت اللى عملت كده
لم يجيب مراد عليه واختار الصمت بنظرة انتقام فاكمل حديثه : ليه عملت كده يا مراد
فزفر مراد بغضب : هو ايه اللى ليه عملت كده عملت ايه انا انت عارف كل حاجه من اولها واخر حاجه مهندس الديكور ولا كل ده نسيت هو بيحاول يعمل ايه تانى لا وكمان باعت تهديد و تقولى عملت كده ليه يا مراد كان لازم اخد حقي منه وانا معملتش حاجه لحد دلوقتى ومش هرحمهم نهائي كريم اختار كده وهو اللى بدأ الحرب معايا وهى انا هندمها على كل حاجه عملتها و
فى تلك اللحظه كانت تقف مايان وبيدها بعض الأوراق وهى تقف بتفاجئ
سكت عن حديثه عند رؤيته لها وهو ينظر لها
قام تميم ونظر إلى ما ينظر له فوجدها تقف مكانها مجمدة
كان يقف مراد وهو يبدو عليه القلق
بقطع حبل تلك النظرات تميم وهو يقول : فى حاجه يا انسه مايان
انتبهت لكلامه فقالت وهى تنظر إلى جهة أخرى: أ أنا شكلي جيت فى وقت مش مناسب انا بعتذر وكادت ان ترحل ولكن اوقفها ذلك الصوت الجهوري وهو ينادى باسمها
وتوقفت مكانها ثم التفتت ببطء وهى تنظر له بخوف
مايان : ن نعم يا استاذ مراد
ظلت تنظر له هل هذا حقا مراد الذي تعرفه انه يبدو على ملامحه شخص آخر شخص يبدو كالوحش وتلك النظره التى رأتها منذ قليل لا توحى إلى خير بل كان يبدو مخيف حقا
اغمض عينيه بغضب وهو يزيد من قبضة يده التى برزت عروقه ثم قال ......
ايه هو سر مراد ويا ترى هيقول ايه لمايان ومراد ناوي على ايه تاني