رواية ظننته حبا الفصل الثالث3والرابع4 بقلم سحر السحرتي
: وحضرتك مفكر اني هخرب بيتي و انولها غرضها ابقى مطلقه زيها وطبعا مفكره ان زي ما اهلها لقوا واحد اهبل برياله يقبل ببنتهم ما فيش مانع اني كمان الاقي واحد زيك
*امسكها فهمي من زراعها بعصبية
: ناهد انا ما اتعودتش امد ايدي على واحده ست ما تخلينيش اعملها معاكي احنا بنتكلم و بنتناقش بلاش حد فينا يغلط ويطول لسانه على الثاني خلينا نحترم بعض والتعامل يكون متحضر سواء كملنا او انفصلنا
:واضح انك مخطط للموضوع صح و عاوزني اقول لك طلقني بس عمري ما هنفذ اللي في بالك انت وهي اما اشوف العدل اللي هتنفذه بينا هيبقى شكله ايه وطبعا ليا شروطي
بقلمي سحر السحرتي
:انت عارفه ان ما حدش يتشرط علي
:انت مش من حقك تتكلم هتوافق على كل شروطي يا اما هعمل لكم فضيحه انت والست هانم خطافة الرجاله واقول انكم كنتم ماشيين مع بعض حتى وهي متجوزه وطبعا الف مين هيصدق وهو مغمض واكيد طليقها منهم
:انت ازاي بقيتي كده انا حاولت نتفاهم بهدوء ده حقي مش بشحت منك
: ربنا ما يوريك الست لما بت-دبح بس-كينه واحده ثانيه وخصوصا ان ما لحقناش نعيش مع بعض وبنتك لسه سنتين جاي دلوقت تتجوز قصرت معاك في ايه فهمني
:ما قصرتيش بس قلبي مش بايدي دي اول حب ليا
:ولما هي اول حب اتجوزتني ليه وعايز تظلمني
: قلت اكمل حياتي واعيش بما اني خسرتها بس اول ما عرفت انها اتطلقت ما قدرتش
*كانت ناهد تح-ترق من الداخل لكنها ترتسم القوه امامه فها هو زوجها الذي عشقته من اللحظه الاولى التي راته وهو يتقدم لخطبتها يذبح-ها بس-كين بارد ولا يهتم سوى بنفسه كطبع باقي الرجال الانانيه المطلقه ولكنها قررت ان تصبح امراه قويه لها و لابنتها اكملت
:خلاص يبقى اخذ حقي وتسمع شروطي
:اتفضلي بس يكون بالمعقول
:لو الوضع ما عجبنيش هتطلق واخذ كل حقوقي وزياده شويه زي انت ما قلت
: حقك ايه كمان
:لو اطلقنا اكيد من حقي اتجوز زي البرنسيس بتاعتك
:ناهد لو سمحت من غير ما تغلطي فيها
:انا ما غلطتش موافق على الشرط ده
:ازاي عايزه تتجوزي وبنتي يربيها راجل غريب
*ضحكت ضحكه ساخره
: امال انت هتعمل ايه مع بنت المدام عموما هو مين قال لك ان في حد غريب هيربيها
:مش فاهم
:لو اتطلقنا اكيد مش هخليها تعيش مع زوج ام وما افتكرش هلاقي واحد لقطه زيك يرضى يربي عيال غيره
:انت بتقولي ايه عايزه ترمي بنتك عشان تتجوزي انت ام ازاي
:هو انت عايز تتجوز و تتبسط و عايزني اترهبن على بنتك هو لما اقول لك هديها لك تقول لي بترميها هو ده اللي عندي في حاله طلاقنا وما تخافش هحاول استحمل الوضع قبل ما افكر في الطلاق
:موافق
بقلمي سحر السحرتي
:اظن عشان اضمن حقي وما ترجعش في كلامك تكتب لي وصل امانه بحقوقي اذا اتطلقنا اقدر اخده
: نعم انت عارفه اني راجل ملتزم بكلمتي
: و اضمن منين انك لما تتجوزها ما تلعبش في دماغك حقي الاول قبل ما تتجوز ولا انت ناوي على الغدر بما انك رافض
:هي وصلت لكده عمري رجعت في كلمه معاكي
: هههههه هو انا لحقت اجربك او اعيش معاك وصل الامانه يتكتب قبل ما تكتب كتابك عليها
:ازاي انا كنت مخدوع فيكي
: كل ست جواها جبروت مش بيظهر الا لو حد ضغط عليه وانت فجرته بس احب انبهك انت وهي اكيد هتشربوا من نفس الكاس هفضل حياتي كلها مستنيه اللحظه دي
:مش فاهم يعني ناويه تعملي ايه
:بكره الايام تفهمك وتدور عليكم
*تزوج فهمي من مها في منزل العائله فهو ايضا يسكن مع اخوته فاشترى شقه من احد اخويه واصبحت مها وناهد في نفس العقار مع اخوة فهمي ووالديه
*لم يقصر فهمي مع مها في كل طلباتها هي او ابنتها فقد كان سعيدا جدا معها وخاصه انه بدا يتلمس النجاح في عمله
*بعد زواجه من مها لم يستطع العدل بين ناهد ومها فقد كان قلبه يميل كل الوقت لمها ويكن لها كل الحب .... كذب على نفسه حين ظن ان باستطاعته ان يعدل بين امراه ملكت قلبه واخرى لا يشعر بوجودها
*استمر الحال سنتين حتى انجبت مها ابنها فريد لم تحتمل ناهد اهمال فهمي لها وفرحه كل العائله بولده منها فطلبت الطلاق
فهمي: و اشمعنى دلوقتي ما انت مستحمله الوضع ده بقالك سنتين ايه اللي اتغير
:خلاص ما بقتش قادره استحمل اهمالك ليا
:ما انا بعدل بينكم انت يوم وهي يوم
:انت بتعدل في نومك جوه البيت بس .... لكن مفيش عدل في حبك في ضحكتك حتى فرحتك باولادك منها غير فرحتك باول بنت جاتلك
:دي اوهام في دماغك انت كل شويه معيشاني في نكد انا زي ما بجيب هنا بجيب هنا
: و رفضك اني اخلف ثاني
:قلت كفايه الحمد لله عندي بنت وولد
:اه الولد اللي انت طاير بيه هو وبنتها و سايب بنتك انت مش عايزني اخلف ثاني عشان ما يبقاش في حاجه تربطك بيا اكثر من كده انا همشي و ورقتي توصلني عند بابا
:ناهد اهدي انا متمسك بيكي انت وسيلا بنتي
بقلمي سحر السحرتي
:وانا خلاص اخذت القرار من حقي اعيش و اتجوز واحد بيحبني ويهتم بيا زي جناب الهانم اللي لقت حظها معاك
: انت بتقولي ايه
: بقول الحقيقه تنكر انك بتدلعها وكل كلام الغزل والحب لها لكن انا كل اللي بسمعه شكرا ... كثر خيرك .... وبس ما فيش وحشتيني كم مره اسمعك بتقول لها يا حبيبتي عمرك ما قلتها لي حتى قبل ما تتجوزها انت ظالم ومش مسامحاك ....انا ايه اللي يجبرني استحمل عيشه زي دي طلقني
: مش هسيب سيلا تعيش مع زوج ام
:مش يمكن يطلع احسن منك عليها زي ما بتعمل مع جودي
:مش هسيبها مهما حصل
: هو ده كل اللي فارق معاك حتى ما حاولتش تتحايل عليا شويه عموما هي معايا لما ابقى اتجوز هرجعها لك زي ما قلت ورقتي توصلني مع كل حقوقي
:ده اخر كلام عندك
: اه كفايه السنين اللي ضاعت من عمري وانا بحاول احافظ على البيت وانت عمرك ما حاولت زي ما تكون محاولاتك انك تطفشني واديك نجحت
: انت بتقوليلي الكلام ده
: اه بواجهك بالحقيقه و افتكر ان الدنيا دواره وحقي هاخده مهما طال الزمن
:خلاص اللي تشوفيه جهزي شنطتك عشان اوصلك
:سؤال وعارفه اجابته هي لو مها هي اللي طلبت تطلق هتوافق بسهوله كده
*نظر لها بخجل ولم يستطع الاجابه
:شفت انت حتى ما حاولتش تسيبني اهدى يومين او تكلم حد يتوسط لك عندي عشان اغير رايي انت كل دقيقه بتثبت لي اني اخذت القرار المناسب
*ناهد كانت مجروحه ليس لانه كان يهينها بالكلام لكن الاهانه كانت بالاهمال ... كانت بحبه لمها فقررت الابتعاد عن هذه الحياه المسمومه التي تسبب لها الالم في كل لحظه
*لم تكن ناهد سيئه الخلق او تتمتع بالحقد لكن جرحها ما جعلها فيما بعد تعد ابنتها للانتقام من فهمي وزوجته لما تسببه لها
*الحقيقه لم تعامل ناهد كلا من جودي او فريد معامله سيئه بل كانت تحبهم فهم اطفال لا ذنب لهم
*ايضا مها كانت تحب سيلا وتتعامل معها بكل حنان فهي ابنه فهمي زوجها وحبيبها ومن يتكفل بتربيه ابنتها بكل عطف وحنان ولولا الظروف لم يكن فهمي ليتزوج غيرها
*ذهبت مها لمنزل والد ناهد لتتحدث معها في عودتها
بقلمي سحر السحرتي
: اسفه يا مها انا فعلا ما شفتش منك حاجه وحشه لا انا ولا بنتي بس بجد معامله فهمي غير منصفه و جارح كرامتي حاولت اتحمل بس للاسف لكل انسان طاقه وانا طاقتي خلصت
:انا اسفه عارفه اني كنت السبب بس صدقيني انا رفضت الجواز منه لكن بابا واخويا اللي غصبوني على الجواز
:هو لسه في حد بيغصب حد دلوقتي على الجواز
:اه بابا صعب جدا
:عايزه تفهميني انك كنت رافضه تتجوزي فهمي وانت بتحبيه
:عارفه انك مش مصدقاني بس مش محتاجه اقول لك الكلام دلوقتي وانت رافضه ترجعي مش هيفيد بحاجه بس انا بعتذر لان بسببي بيتك اتخرب وهو ده كان سبب رفضي لفهمي لكن هو اصر ارجوك ارجعي واللي مزعلك هنصلحه
: اللي مزعلني انه مش بيحبني تقدري تزرعي حبي في قلبه
:للاسف الحب مش بايدينا
:انا كمان عايزاك ما تزعليش مني لان في يوم من الايام هاخذ حقي
*لم تنتبه مها لهذه الكلمات فقد اعتبرتها كلمات امراه مجروحه لا تعي ماذا تقول
*انتهت المقابله بينهم على اصرار ناهد على الطلاق فعادت مها لفهمي تبلغه
*شعر فهمي براحه كبيره من هذا القرار و اقنع ضميره انه حاول معها وكذلك زوجته وكان اكثر اقتناعا انه لم يقصر معها فقد اعتقد انه عندما يوفر لها الطعام والشراب وكل مستلزمات الحياه فهو قد ادى كل واجباته
*مرت الايام كانت سيلا تذهب لمنزل والدها في الاجازه الاسبوعيه كانت ناهد تملا افكار سيلا بما تريده ضد ابيها وزوجته فلقد انتظرت حتى تصبح سيلا في سن تستوعب كلامها وتنفذ ما تمليه عليها
*كان والد فهمي ويدعى فريد الذي سمي فهمي اسم ولده حبا واحتراما له يمتلك شقه كبيره في الدور الارضي يجتمع فيه كل الاحفاد للعب سويا
*كان لدى فهمي اخ يدعى سعد وكان لديه ولدان وفتاة جواد يكبر جودي بثمان سنوات وباسل يكبرها بخمس سنوات وفتنة تكبرها بعشر سنوات
*كانت جودي عندما تلعب مع الاولاد تفتعل سيلا الشجار و تضربها لكن جواد كان دائم الدفاع عنها لانها اضعفهم ولان عمه اوصاه بها لانها تعتبر غريبه وسطهم
*كان جواد دائم الاهتمام بجودي فاعتبرته اخيها الاكبر
*مرت الايام اصبحت جودي في عامها ال 12 وطلب والدها رؤيتها
مها: لا يا هشام اشمعنا افتكر دلوقتي بقى له سبع سنين رافض يصرف عليها او يشوفها رغم انها كان نفسها تشوفه
بقلمي سحر السحرتي
هشام: ربنا انتقم منه اتجوز ومراته بتخلف بنات وتموت اول ما يتولدوا
: اللهم لا شماتة بس هو اللي ظلم نفسه
:المهم هتخلي جودي تروح له
:معاك تروح وترجع و اوعى تسيبها يا هشام لو سمحت
*ارتدت جودي اجمل فستان وذهبت وهي فرحه لمقابله والدها لكنها عندما دخلت المنزل تراجعت للخلف خائفه
هل سيتغير حالها وترى والدها ام ستعود لامها من الخوف
ظننته حبا
حلقة ٤
*تذكرت عندما دفع-ها والدها بكل قس-وه من فوق السلم فاختبات خلف خالها فشعر بخوف-ها
:تحبي نرجع لماما
:لا يا خالو انا نفسي اشوف بابا قوي وحشني
*كان يقف والدها على السلم واستمع ما قالته فشعر بالذن-ب لما فعله وابتعاده عن ابنته الوحيده التي رغم فعلته ما زالت تكن له الحب وان والدتها لم تملا قلبها بالكراه-يه له
*رات جودي والدها فاسرعت وصعدت درجات السلم وكادت ان تس-قط لكنه احتضنها بحب واشتياق وهي ايضا فلام نفسه اكثر على هذا الغباء .... فحضن ابنته اجمل من انجابه للولد الذي لا يعلم ايضا ان كان سيصبح في حنانها ام لا
:وحشتني يا بابا
:وانت كمان يا قلب بابا
: انا كنت نايمه امبارح فرحانه اني هشوفك جوري جات لي في الحلم بتسلم عليك وبتقول لك هي مش زعلانه منك
بقلمي سحر السحرتي
*كانت هذه الكلمات سي-وف تم-زق قلبه هو و خالها الذي استمع لبراءه هذه الطفله التي ظل-مت من اقرب انسان لها
*قال صلاح بكل حزن و حس-ره
:طب انت زعلانه مني
:لا طبعا انا اكبر من جوري اكيد سامحتك قبلها ... بس لو بطلت تشوفني هزعل منك ومش هسامحك ابدا
:لا يا حبيبه قلب بابا انا هاخدك تعيشي معايا على طول
: لا ما اقدرش اسيب ماما وفريد اخويا لسه صغير وانا اللي بخلي بالي منه عشان الكبيره واختي سيلا من بابا فهمي
:بابا فهمي انا بس اللي بابا
هشام :صلاح لو سمحت بلاش تشد على البنت او تلوم عليها انت راميها بقى لك كم سنه وفهمي عوضها عن جح-ودك و اقل حاجه تحترموا بيها تنادي له بابا
: بس انا ابوها مش هو
:يبقى تأدي دورك اللي اهملته سنين وسيبها تحدد مين فيكم يستحق تنادي له واحمد ربنا انها جايه بقلبها الابيض مش شايله منك ومن اللي حصل واظن مش سهل تشوف اختها بتم-وت قدام عينيها والسبب معروف
: هشام انت ابن عمي بلاش تق-سى عليا انت عارف انها عاداتنا وما قدرتش اتم-رد عليها
:اشمعنى انا اتم-ردت ولما رضيت ربنا كرمني بعد الثلاث بنات بولد
:انت عشت بعيد عن ابوك انما امي واخواتي كانوا زن فوق دماغي
:وانت متعلم ازاي و معاك شهاده ده انت مهندس حتى خليت ايه للجهله
:انا اتعلمت درس عمري وربنا عاق-بني و اختك ربنا عوضها بالراجل والولد
: اختي ما كانتش بتتمنى الولد كانت راضيه بقدر ربنا
: انا عايز اعوض جودي عن كل اللي عملته
:اظن مفكر انها تسيب امها و تيجي تعيش معاك
:ده حقي هي اتجوزت راجل ثاني
:صلاح نبرتك دي مش مستريح لها ما تنساش انك ماضي تنازل عن حضانه جودي
:قصدك تحرمن-ي منها
:هو انا حرم-تك منها دلوقت مين جابها اول ما طلبت رغم انها 100 مره تطلب تشوفك وانت اللي كنت بترفض نسيت ولا افكرك
: لا ما نسيتش و ندمان وعايز اعوضها ارجوك شوف لي حل
:الحل الوحيد انها تجيلك في الاجازه تقضيها معاك غير كده هيبقى ظ-لم لامها
بقلمي سحر السحرتي
:وانا راضي تفتكر مها هتوافق
:طول ما انت كويس مع جودي عمرها ما هترفض هي بتتمنى انك تعاملها كويس
:معقوله بجد
: انت فاكر ايه هي كان ممكن ترفض وحقها بس هي بنت اصول
: اشكرها واعتذر لها على اللي عملته فيها وروح انت وانا هوصل جودي بنفسي وهبقى اروح استلمها و ارجعها ايام الاجازه كفايه تعبك لحد كده
:ما فيش تعب بكفر عن ذنبي اني غص-بت اختي تتجوزك
*مرت سنه بعد لقاء جودي مع والدها كان يهتم بها هو وزوجته وتغيرت العلاقه بينهم كثيرا للافضل واحيانا كانت توافق مها ان تنام جودي عند والدها
*وذات يوم كانت جودي نائمة فوق ساق والدها
:بابا جوري بتقول لك هتجيب توام بنت وولد سمي البنت جوري
:نعم بتقولي ايه
:اللي سمعته
:انت عارفة هجيب لك ايه لو فعلا الخبر ده صحيح
:انا مش عايزه حاجه المهم تبقى مبسوط
*دخلت زوجته وعيونها ممتلئه بالسعاده
:انت مبسوطه كده ليه
:لسه راجعه من عند الدكتور و بشرني اني حامل في توام بس لازم انام على ظهري عشان يكمل
*بابا بص لي و الفرحه ماليه عينيه وقال
:عارفه لو بنتين مش هزعل و هسمي واحده منهم جوري
*تحققت رؤيه جودي وانجبت زوجته فتاه وصبي وكان صلاح عند وعده فقد اسماها جوري والولد فارس
*لكن دوام الحال من المحال فقد اه-مل جودي ولم يعد مهتما برؤيتها
*كانت جودي قد تمت عامها ال 15 وفي مرحله احتياج الى والدها او والدتها لكن كلا منهم منشغل بحياته
*بدات جودي سن البلوغ و بدات علامات الانوثه تظهر عليها واصبحت جميله لكن شخصيتها كانت ضعي-فه استغل باسل ذلك وبدا في التقرب منها
*ذات يوم كانت جودي تلعب مع باقي الاولاد في شقه الجد كالمعتاد فهمس باسل في اذنها
:جودي اطلعي الروف عايزك في كلمتين
:ما تقولهم هنا انا قربت اكسبهم في الكوتشينه
:لا حاجه سر بيني وبينك ومش عايز حد يعرف
:ماشي اطلع دقيقتين اخلص و احصلك
:بس ما تقوليش لحد
بقلمي سحر السحرتي
*بعد عده دقائق تسحبت جودي وصعدت لكن لاحظها جواد الذي كان مهتم بها ويحافظ عليها حتى من نفسه
: نعم يا باسل عاوز ايه بس بسرعه احسن هيبداوا دور جديد
:لا اقعدي عشان الموضوع مهم
*امسك يدها وقربها من فمه وقبلها قبله رومانسيه اذابت مشاعرها و الهب-تها
:ايه ده انت بتعمل ايه
: انا بحبك يا جودي وعايز ارتبط بيكي
: بس انا لسه صغيره على الجواز ولسه في ثانويه
:من جاب سيره الجواز احنا هنرتبط ولما تخلصي نبقى نتجوز بس بلاش حد يعرف احسن يبعدونا عن بعض ويفرق-ونا وانا ما بقتش اقدر استغنى عنك
: ها انت بتقول ايه
: فكري وردي عليا
*شعرت بسعاده غريبه وذهبت وهي وجهها احمر من الخجل و اسرعت واتصلت على سلوى صديقتها المقربه
:الحقيني يا سلوى باسل قال لي انه بيحبني وباس ايدي
: وانت مبسوطه قوي كده ليه هو انت بتحبيه مش كنت بتقولي ان كلهم عادي الا جواد
:جواد زي اخويا الكبير وبصراحه باسل امور وبحس ان البنات هتم-وت عليه
: انت ما رضيتيش عليا انت بتحبيه
: مش عارفه بس انا اول مره حد يقول لي كده و حاسه اني طايره
:طب خلي بالك من نفسك لاني مش مستريحه للي اسمه باسل ده
:ليه كده
:من اللي كنت بتحكيه
:انت فاهمه واحد زيه قرب يتخرج من هندسه يسيب كل البنات و يختارني انا معناه ايه
:هو خطبك
: لا هنرتبط على ما اخلص
:طلبك من اهلك و قراتم فاتحه على الاقل
: لا ده عايز ارتباطنا في السر عشان ما يفرقوناش
:شفتي لو طلبك واجل الجواز لبعد ما تخلصي يبقى جد ومحترم انما كده هو بيحاول يلعب بيكي
:بس انا حبيته
:امتى
: هو ايه اللي امتى
:حبيتيه امتى وانت كان كل كلامك عن جواد ومعاملته الكويسه وانك بتتمني راجل زيه
:سلوى بقول لك ايه اقفلي دلوقتي قلبتي مزاجي وانا كنت مبسوطه
:الكلام عشان مش على هواكي عايزه تقفلي براحتك انا خايفه عليك غوري ما تبقيش تحكي لي حاجه ثاني
:استني بس يا سوسو انت زعلتي
: لا بس عايزاك تاخذي بالك هو بيضحك عليك عشان لسه صغيره
:انا ثانويه عامه مش صغيره
:يبقى تركزي بقى خلينا نخلص من الهم ده
*اغلقت الخط معها وجدت رساله من باسل
: وحشتيني فكرتي ارجوك ما تكس-ريش قلبي
*ارسلت له رساله هي الاخرى دون وعي فهي ما زالت مراهقه
:وانت كمان وحشتني
:افهم من كده انك موافقه
:اه موافقه
:اعملي حسابك نتقابل على الروف بكره عندي كلام كثير عاوز اقوله لك
:لا عندي دروس بكره كثير مش هقدر
*في نفسها
:ايوه كده يا جودي اتقلي شويه
:ما ليش دعوه اتصرفي لازم اشوفك الغي درس منهم
: ما اقدرش ماما لو عرفت هتبقى مشكله و يفرق-ونا قبل ما نبدا خليها بعد بكره
:خلاص يا قلبي هفضل سهران يومين على ما اشوفك
*ظلت طوال الليل لم يغمض لها جفن تفكر في باسل وكلامه و ظنت انها تحبه
*دخل جواد على باسل غرفته
:ممكن افهم جودي كانت بتعمل معاك ايه على الروف
:كان في حاجه بشرحها لها عندك مانع
:باسل ابعد عن جودي مش عايزين مشاكل مع عمك وبعدين هي لسه صغيره حرام عليك بلاش تضحك عليها
:بصراحه البنت احلوت قوي
:باسل انا بحذرك ابعد عنها
: هبعد عنها في حاله واحده
:ايه هي
:لو انت بتحبها مش معقول هقرب من حبيبه اخويا انا عندي اخلاق برضو
:يا ابني دي اختي الصغيره وبخاف عليها
:يبقى خلاص ما تقرفنيش وخليك في حالك لو حصل مشكله انا مسؤول اشيلها
:مش هسيبك تضحك عليها
: انا مش بضحك عليها وهي كمان اعترفت انها بتحبني
: ايه بتحبك
:اه هتفرق حبيبين
*خرج جواد من غرفه باسل مصدوم من حب جودي لباسل ورفض الاعتراف انه يحبها بل يعشقها بجنون منذ كانت صغيره
*بعد يومين في الموعد المحدد صعدت جودي لمقابله باسل فقام باحتضانها
:وحشتيني قوي
:عيب كده يا باسل ابعد احسن هنزل
:بقى لي يومين ما شفتكيش ايه مش من حقي اصبر نفسي على ما تبقي في بيتي
:لا مش من حقك تلمسني *ودفعته بكلتا يديها و اسرعت بالنزول
بقلمي سحر السحرتي
*كانت مشاعرها متض-اربه لا تعرف ماذا تفعل في مثل ذلك الموقف هل هي سعيده ام غاضبه مما فعل هل يجب ان توبخه ام تسامحه
*لم تجد سوى صديقتها سلوى تلجا اليها
:يعني حضنك بدايتها مش صح
:ما انا زقيته و سبته ومشيت دلوقتي هو بعت رساله بيقول انه زعلان مني اعمل ايه
:تروحي تبوسيه و تاخديه في حضنك
:نعم بتهزري
هل سلوى فعلا جاده بمقالته لجودي وماذا ستفعل جودي مع باسل