رواية الصعيدي والعمياء الفصل الثالث3 بقلم نوران احمد مليجي
نور : لا حد يساعدني بدات كل حاجه تضلم في عيوني لحد ما حاسيت بايد بتلمسني وبتسحبني خدت نفسي وحضنته بخوف
نور بخوف : عمو عمو ده انت صح وقالت بدموع كنت خايفه اوي انا قولت خلاص كدا هو انت اتاخرت ليه كل ده
ماجد بغضب : اسكتي شويه معتسكتيش واصل اكده كيف يا مخبوله تخرجي لواحدك وانتي بحالتك دي لو كان حوصل ليكي حاجه عتكوني مبسوطه عاد اكده ... عيونك عتجول حاجات كتيره جوي لسانك مش جادر يجولها كيف اهلك يسيبوكي اكده من غير حد يساعدك
نور ضربته بدموع : انت متزعقليش انت مين انت عشان تكلمني كدا ياريت كان حصل حاجه انت مالك بيا ليه ساعدتني اصلا مين قالك اني عايزه اعيش في الحياه دي سبني امشي وسبني لوحدي انا عايزه افضل لوحدي ملكش دعوه بيا .... قلبي بيوجعني اوي كل نفس بتنفسه بيوجعني اكتر لو كنت سبتني كان زماني دلوقتى مرتاحه اكتر كل حاجه صعبه صعب اقوم من للسرير صعب انزل علشان اكل اللي بيحبوني سابوني واللي حواليا بيخدعوني ليه لازم اكمل يارب ليه الحياه صعبه اوي كدا
ماجد : اوجات كتيره جوي بنحس أكده معنعرفش انه خير لينا يا بت الناس جلبك بيوجعك من الغريب والجريب لازم تتصالحي مع نفسك وظروفك وطموحاتك وتكملي والا عتدمري حياتك اكده
جوليلي اسمك اي وساكنه فين شكلك من البندر جوليلي جايه لمين واوصلك
نور : انا اسفه جدا علي الكلام اللي قولته ولما ساعدتني في البدايه كنت بحسبك عمي عبدالله جدي اسمه عدلي تقريبا انا مش عارفه اي حاجه هنا
ماجد بعصبيه : يعنى بت عمي وعتعملي اكده في نفسك كدام الناس اي اللي يخرجك لواحدك بره الدوار وانتي بالحاله دي بس جدامي جدامي حسابنا في الدوار
وصلو لبيت عبدالله اللي لما شافها حضنها بخوف
عبدالله : اكده يا بتي تخوفيني عليكي اكده بردك اي اللي خرجك بره الدوار بس يا جلبي مالك اكده متبهدله ليه حوصلك حاجه انتي زينه شوفتها فين يا ماجد يا ولدي ده اني جلبت عليها المكان
ماجد : من النهار ده عتكون مسؤوله مني اني ومعتهوبش ناحيه اي حاجه من غيري ما تستأذني وانت خابر زين اني ممكن اعمل اي لو حديثي متنفذش
نور : وده ليه يعني ان شاء الله كنت جوزي ولا كنت جوزي اوعي تطلع جوزي وانا معرفش مثلا
ماجد بغضب : معتعرفيش تسكتي واصل اكده كلمه تانيه ومعتعرفيش ممكن اعمل اي
استخبت بخوف وري عبدالله : عمو معايا اصلا مش خايفه منك ولا تقدر تعمل حاجه ومش هسمع غير كلام عمو بس
ابتسم عبدالله : اهدي يا ولدي متعصبش اكده اني عفهمها بس دلوجيت يلا يا بتي اوصلك
ماجد : عتوصلها فين عاد يا بوي معتجعدش معانا اهنه في الجصر
عبدالله بخبث : للاسف جدك مصمم تفضل عنديه وجالي اجي اعيش معاهم في الدوار وهمس بصراحه يا ولدي فادي حاول يجرب منيها اكتر من مره وهي معتعرفش ما انت شايف حالتها عشان اكده هروح معاها وانت عارف اني مش طول الوجت معاها ما تيجي معانا
ماجد : ورايا شغل وقضايا عخلص واجي اطمن علي جدي وزي ما جولت مفيش خروج من غير اذني
في بيت عدلي في اوضه
فادي : عايزه اي يا مريم ما خليص جولتلك كنتي وجت حلو جضيناه مع بعض وانبسطي زيي معتجرفنيش عاد
مريم : لع وانت كنت واخدني عشان توجع وتكسر ابن عمك وبس أكده معتحبنيش واصل بعد ما خسرت اهلي وحبيبي كنا عنتجوز وكنت عتنغنغ في عزه وسبت كل ده عشانك وفي الاخر ترميني أكده
فادي : ارجعيله يا جطه لو عرفتي ومتوجعيش دماغي كانت تسليه حلوه وخلاص
مريم : معينفعش يا فادي اني حبله هعمل اي ولا عجول اي هعيش ازاي أكده
فادي : حلو جوي شوفي ابن مين ده بس خلاص هرميلك جرشين تسجطي اللي في بطنك ده وتغوري بعيد عني
شاف من بلكونه اوضته نور داخله ابتسم بخبث وقفل الفون
رن فون نور
رحمه : انتي فين يا مهزقه اي اللي بيحصل اسافر فجأه الاقي كل حاجه انقلبت بالشكل ده انتي فين انا نازله حالا
نور بدموع : انا في الصعيد عند جدو هخلي حد يبعتلك لوكيشن عملتي اي في مسابقه الملاكمه بتاعتك
رحمه : محدش سلم من تحت ايدي ولسه عرفت باللي حصل معاكي وناويه الزق فيكي الفتره الجايه ف اعملي حسابك علي مشاكل كتير وناس بتضرب كتير الفتره الجايه سلاموز يا قلبي
ابتسمت نور
فادي : كيفك يا بت عمي كنتي عتتحدثي مع مين عاد الجو بتاعك حاكم اني عارف بنات البندر الحاجات دي عادي معاهم مش اكده
نور : انا اسفه دي حاجه متخصكش ياريت تخليك في حالك عن اذنك
سحبها من ايدها وضمها
فادي : استني هنا يا بت عمي عنتحدثو شويه مع بعض معيزاش تتعرفي عليا عاد حاولت نور تبعده .... متحاوليش يا بت عمي مفيش حد عيسمعنا واصل اهنه مشغولين بجا مجولتيش انتي كيف زي الجمر أكده كنتي بتاكلي كارمل وانتي صغيره
سمعو صوت عربيه بعد عنها بسرعه
ماجد : اي اللي بيحصول اهنه واجف عندك أكده ليه وانتي ليه بره الدوار وشك ماله أكده
حاولت تمشي ناحيه الصوت ومسكت طرف جلبيته
نور بخوف : م م ممكن ت توصلني اوضتي لو لو سمحت ع عايزه ارتاح
بص ماجد لفادي بغضب ومسك ايدها يوصلها
ماجد : مال وشك مخطوف أكده عملك حاجه البغل اللي بره ده جرب منك جوليلي
نور بتوتر : م م مافيش حاجه انا انا انا عايزه ارتاح مش عايزه مشاكل بس بس هو ممكن اطلب طلب منك يعني ممكن تفضل معايا في المكان هنا يعني هكون مطمنه اكتر وممكن تاخد الفون تظبطه للمكفوفين وحط رقمك عشان لو حصل حاجه وابعت لصاحبتي رحمه لوكيشن المكان
بصلها ماجد بشك وعمل فعلا كدا وكل واحد دخل ينام
ماجد في اوضته : حكايتك غريبه جوي يا بت عمي ومعرفشي كيف جلبي اللي بيتحكم فيا بالشكل ده واني معاكي وبحس بحاجات غريبه جوي يا تري حكايتك اي جلبي رافض يبعد عنك كانو في سر معرفهوش نام وهو بيفكر فيها
في اوضه فادي : دخلتي دماغي جوي جوي يا بت عمي واظاهر ان مش اني لواحدي اللي اكده كانو في منافسه جايه بيناتنا يا ماجد وعسرجها منيك زي اللي جبلها وعاخد كل فلوسها وورثها من ابوها وابجا اغني منك ووجتها بس عزلك اكتر يا ابن عمي
تاني يوم : صحيت نور علي صوت عالي حاولت تنزل وسمعت صوت هي بتترعب منه جدا
وفجاه مسك ايدها سحبها وقعت علي الارض
حسام بغضب وعصبيه : انتي إزاي تعيشي في المكان ده مع الرجاله دول للدرجه دي بقيتي زباله وازاي متعرفينيش عنك اي حاجه ما تنطقي ولا متعرفش تتكلمي الا لما أمد ايدي عليكي
كانت بتترعش بخوف
نور بخوف : عمو عمو انت انت فين ا ابعدو عني طلعوه بره
ولسه هيمد ايده عليها لقي اللي مسكها و فجاه