رواية جواهر الفصل السابع عشر17والثامن عشر18 بقلم هبه احمد
فكرى / اصل الاخ دة افتكر حرامية الكفتة لما قالت حضرة الظابظ
هانى / انا فعلا لمحت واحدة تشبهها لما كنت انا ورقية بنجيب لبس للولاد امبارح وكان معاها واحدة الظاهر اختها
ماهر / تعالى معايا ورينا المكان اللى كانت فيه
فكرى / أهدى يا ظبوط هى هتفضل هناك من امبارح دى اكيد روحت
ماهر / انا متأكد انها موجودة وجت عندى فى المستشفى وهى الوحيدة اللى طبطبت عليه و عطتنى امل فى الحياة لما كنت فى العناية
هانى / نهار اسود هو انت طلع قلبك بيحس زينا انا كنت فاكره لضخ الدم بس
فكرى / عيب كدة بلاش تكسفه والله كبرت بقيت بتحب يا ظبوط
ماهر / غور يا واطى انت وهو من هنا
فكرى / يلا يا ابنى خليه مع نفسيته شوية لو رحت للصياد ابقى خدنى معاك
هانى / وانا كمان و النبى
ماهر / انت متأكد انك شوفتها
هانى / الصراحة أيوة بس رقية والولاد كانوا معايا وهى زى الشبح اختفت بسرعة راحت فين ماعرفش
ماهر / هنروح للصياد على الساعة 3 علشان اللواء خيرى عاوزنا كلنا فى اجتماع ربنا يستر خايف ما احضرش فرح نسمة
هانى / هتحضره بأمر الله
جواهر / فى جمعية ب 1000جنية مع ام عبده هتدخلى فيها بنص دور و انا بنص هى عشرة ادوار أية رأيك
أميرة / لا مش هاقدر انتى عارفة عنبر ظنانة عوزة فلوس
جواهر / فكك منها هى كدة هتدخلى معايا عوزة اجيب حلق لفرحة انا كنت وعدتها لما تنجح هاجيب ليها واحد
أميرة / بكدة هنسهر ساعتين زيادة
جواهر / مفيش مشكلة الحمد لله خلصنا امتحانات و مش ورانا حاجة على الأقل نرتاح من صراخ المبرشم اخوكى
أميرة / اخويا دة طلع بتاع مزاج جامد
معتز / ياريت نشتغل اد ما بنتكلم
جواهر / هات حد فى الصالة كلها بيطلع ربع الإنتاج اللى بنطلعة وبعدين تعالى اتكلم معانا
معتز / انتى ليه ردك معايا ناشف اوى
جواهر / نعم يامستر ليه شايفنى قاعدة بتكلم مع حد انا فى حالي مش بحب اللكلك الكتير
هند / خف شوية يا مستر دى هى وأميرة شايلين شغل الصالة كله
معتز / هو انتى اشتغلتى المحامى بتاعها
هند / دى شهادة حق
عديلة / كلام هند صح جواهر فنانة فى شغلها و اميرة افضل سنجر دى جوكر الصالة سيبهم يشتغلوا بلاش تخسرهم
معتز / كلكم باقيتوا محامين و سأبهم ومشى بيبرطم
أميرة / متشكرة يا جماعة
هند / على أية دى شهادة حق بس نصيحة منى كاخت معتز دة تعبان وبصيته ليكى مليانة غل و غيظ خلى بالك من نفسك
جواهر / انا معايا ربنا هو القادر على بعد اى ضرر عنى يلا على شغلك
أميرة / انا خايفة كلام البنت هند صح
جواهر / حد هيسهر يا جماعة
عديلة / كلنا علشان بكرة الجمعة إجازة
جواهر / معاكم بأمر الله
صادق / دخلى لابنك ياكل
عنبر / بتبرطم هو انا هاخدمة
صادق / هو دى شغلتك يا مدام
عنبر / لا د كدة كتير اوى اوف
صادق / طااااااااخ بالقلم على وشها ما انتى لو كنتى مراعية بيتك وولادك مكنتش بنتك كرهت تقعد معاكى ولا ابنك بقى مدمن
عنبر / ابنى بيبرشم بس مش مدمن وبنتى انت اللى مدلعها
صادق / طااااااااخ بالقلم و قعد يضرب فيها كتير تكونى تحت رجل ابنك لحد ما يخف وكمان باب اوضتة يفضل مقفول بالمفتاح لحد اما يخف ويرجع زى البنى ادمين دى تعليمات الدكتور
عنبر / حاضر ابوس ايدك بلاش ضرب وشى اتبهدل
صادق / انا نازل اجيب لوازم البيت علشان متخرجيش من الشقة طول ما ابنك بيتعالج
عنبر / حاضر من عنيه
جليلة / اطلع اشوف فى أية يا عمى شكل صادق بيضرب عنبر
الحاج منصور / لا خليه يأدبها بنتى ناقصة تربية
جليلة / اصلنا دلعناها وهى صغيرة
الحاج منصور / غلط كان لازم تتحمل المسؤولية وتعرف يعنى اية بيت وزوج واولاد انا مشوفتش بنتى طبخت فى يوم فى شقتها هى رامية الحمل عليكى وعلى بنتها الغلبانة
جليلة / انا رضية ياعمى المهم تكون هى مبسوطه
الحاج منصور / اتصلى اطمنى على البنات شكلهم اتأخروا
جليلة / هما هيسهروا فى الشغل
الحاج منصور / ربنا يسعدهم هانزل اصلى العصر عوزة حاجة
فرحة / عوزة اندومي
جليلة / هاعمل للكل بيتزا بس بلاش اندومي
فرحة / حاضر هاساعدك
ماهر / يلا يا بنى الصياد كلمنى بيقول منتظرنا
هانى / هنروح المصنع ولا البيت
ماهر / هو فى المصنع وانتم مش عاوزين عزومة حنة نسمة بكرة
هانى / عقبالك انت و جنية البحر
فكرى / دى ش.........
رواية / جواهر
الفصل ( 18 )
___________
ماهر / هو فى المصنع وانتم مش عاوزين عزومة حنة نسمة بكرة
هانى / عقبالك انت و جنية البحر
فكرى / دى شبح الصراحة
هانى / الصراحة شكلها واعية وعارفة دى اخدت طقم خروج ب 540 البياعة كانت بتقول ب الف جنية
ماهر / لما انت مركز كدة معاها كنت كلمنى كنت جايت
هانى / و الله على ما تذكرت انها هي كانت مشت
فكرى / حصل خير لو ليك نصيب فيها هتقابلها تانى ملكش نصيب يبقى ربنا له اراده فى كدة يلا هنروح بعربية واحدة
ماهر / ماشى يكون احسن و هنرجع هنا تانى
رقية / يلا بأولاد الغدا جاهز
شهد / نستنا أبية هانى
شروق / انا جعانه وعندى تسميع قرآن و مش بعرف اسمع و انا جعانة
عاصم / بقولك يا حبيبتى خدى زوجك وروحى شقتك الحمد لله احنا نجحنا وانا باشتغل وشهد وشروق قاعدين فى البيت متخفيش علينا
رقية / عاوزنى اخون الأمانة مستحيل اسيبكم واعيش بعيد عنكم و بعدين هانى مرتاح هنا و هو اللى مصمم نفضل هنا مع بعض و لو حصل ورحت شقتى هتكونوا معانا مش عوزة اسمع كلام فى الموضوع دة تانى
عاصم / حاضر اصلى خايف ليكون عمى هانى قاعد معانا غصب علشان يرضيكى
رقية / شهادة حق هو حد كويس عنده دين واخلاق يلا الغدا هو هيتغدا برة مع اصحابة يلا ابنى جعان اوى
شروق / انا عوزة بنت و تكون جميلة زيك وتنام معايا على سريرى
رقية / كل عطايا ربنا جميلة ولد ولا بنت الحمد لله
عاصم / بابا وحشنى اوى
رقية / بابا موجود فينا كل واحد فينا واخد جزء من ماما وبابا ربنا يرحمهم
شروق / الحمد لله اننا مع بعض وهنفضل مع بعض
رقية / عوزاكم تنجحوا وتكونوا حاجة اتشرف بيها ماشي
هانى / انزلوا يارب الصياد ميكنش هرب من العزومة
ماهر / مهو ندل ويعملها
فكرى / د واقف فى شباك مكتبه
ماهر / اركن العربية يابنى
هانى / سابهم وطالع يجرى على السلم بعد ما معتز خلى الغفير يفتح البوابة
فكرى / الزفت هانى مش عوز يكبر
ماهر / كلنا كبرنا دكمان كام شهر هيبقى اب
فكرى / من غير ما يعزمنا على زواجه
ماهر / احنا عارفين ظروف زواجه اهو وفر علينا تمن الهدية
فكرى / انا اخر مرة كنت هنا من اربع سنين المكان هنا بقى كلة شركات وبيوت ماشاء الله
ماهر / بيوت واسعة و شوارع واسعة يلا قدامى
جواهر / هند عوزة اشرب
.هند / الكولدير اللي هنا ميته خالصت و الكلودير بتاع المية التانى جنب مكتب مستر معتز هاتى هاجبلك تشربى حد عوز يشرب يا بنات
شمس / بنت اد جواهر مش متعلمة و متزوجة و زوجها طفشان ايوه عوزة اشرب
معتز هو و ماهر هانى و فكرى فى المكتب
هند / تعالى معايا يا زفتة نجيب المية
جواهر / روحى لوحدك و اخلصى
هند / حاضر يا مفترية و راحت تجيب المية
معتز / هو انتى جاية تعملى أية هنا
هند / باخد مية للبنات تشرب
معتز / لا مفيش مية روحى كملى شغلك
هند / الجو حر واحنا شغالين من الساعة 7 الصبح وهنفضل ل7 بالليل يعنى 12 ساعة شغل
معتز / دة شيئ ميخصنيش
هند / كدة هتكره البنات فى الشغل هنا
معتز / فى ستين داهية ياجى غيركم
جواهر / جت على الصوت العالى هو فى أية
هند / معتز باشآ عوز يعمل عمى المهم ادام الضيوف اللى عنده وبيقول مفيش حد هياخد مية
جواهر / هاتى الازايز يابنتى احنا طافحين الدم فى المخروبة دى لولا البنات دى كنت فلست يا مستر يا مسلم هو دينك بيقولك أننا نقعدنا عطشنين اربع ساعات وقعدت تملى فى الازايز وتناول هند وشمس وأميرة
فكرى / يخربيتك ياصياد انت مفترى مش كفاية هما شغالين لحد دلوقت
ماهر / تعالوا نشوف فى أية
جواهر / انا عن نفسى اخر يوم ليه هنا
أميرة / معاكى يا ابلتى
معتز / ما ب........