رواية جواهر الفصل الحادي عشر11 والثاني عشر12 بقلم هبه احمد

جواهر / اركبى ابت بسرعة

أميرة / على الكلية صح

جواهر / غلط هنروح نتمشى شوية 

أميرة / انتى دماغك فيها أية 

جواهر / فيها فأر بيتنطط ليكى شوق فى حاجة

أميرة / اعدمك لو اتكلمت انا اتخرست خلاص 

جواهر / كدة احبك وهاشربك عصير قصب

أميرة / لا انا عوزة شيبسي بالفلفل الحار افش غلى فيه

جواهر / حاضر على جنب يااسطى أنزلى ابت

أميرة / نهار احوس احنا هنا ليه مش معقولة انتى بقيتى وطنية فجأة و جاية تتبرعى بالدم انا عندى جفاف عوزة اللى يتبرعلى فى عرضك بلاش

جواهر / اتكتمى ابت بقولك اقعدى هنا بلاش تتحركى من مكانك لحد ما اجاى

اميرة / اقعد فين الا تكونى هتتفقى مع حد على بيع كليتى ولا فص من كبدى انا معاكى خطوة خطوة يارب جيب العواقب سليمة انا غلبانة

جواهر / يخربيتك هتفضحينا افصلى يا بنت عنبر

أميرة / حاضر و مشت وراها

جواهر  / ممكن اشوف الضابط اللى فى العناية لو سمحتى

مديحة الممرضه / حاضر ادخلى البسى الهدوم اللى جوه واقلعى السندل و هم خمسة دقائق تكونى ادامى

جواهر / حاضر اشكرك

مديحة / هاتى فونك الحلو ده اكلم زوجى اليتيم منه معاكى رصيد 

جواهر / اتفضلي اتكلمى براحتك 

مديحة / ربنا يجعل شفاه على ايدك هو انتى قريبته

جواهر / الصراحة لا اعرفه معرفه سطحية

مديحة / ماشى ادخلى خفيف خفيف يا سطحية 

فى العناية المركزة

.........................

جواهر/ ازيك يا ظبوط مالك الف سلامة عليك بلاش تموت الا لما تسامحنى على الكفتة اللى انا أكلتها انا اسفة قوم بالله عليك الا هو اللى زيك يتعب ازاى وليه سيبوا التعب لينا اه قبل ما امشي قاوم زمان امك او مرأتك أو حد من اخواتك محتاجك تقف جنبه انت عندك عزيمة قوية اجمد وحارب علشان تفوق وتكمل مشوارك انا ماشية اشوفك على خير ولا اقولك اللى زيك مش بيشوف الناس المطحونة اللى زينا سلام عليكم لو سامعنى ارجوك سامحنى على نص كيلو الكفتة منكرش أن طعمة كان حلو اوى و مسكت ايده يالهوى هو الجهاز دة اتكهرب و بيطلع صوت ليه هامشى الا تتحسب عليه بنى ادم و انت ظبوط زى العسل وخرجت تجرى 

مديحة / مالك هو انتى شوفتى عفريت خرجت تجرى تجيب الدكتور 

جواهر / ابوس دماغك انتى ما شوفتنيش ولا انا دخلت العناية

مديحة / شكلك غلبانة زيى امشى ربنا يوفقك ولاد الحلال خدى فونك اهو

جواهر / جرت و السندل فى أيدها ومسكت ايد أميرة يلا بسرعة من هنا

أميرة / هو انتى كنتى عند الظابظ ياوقعة سودة لو كنتى قتلتيه

جواهر / قتلت مين د هو ميت لوحده تعالى هاتلى سندوتشات اى حاجة انا جعانة اوى

أميرة / كله الا انى ادفع فلوس ساعتها انا بتحول لواحدة هبلة 

جواهر/ اقسم بالله افتح دماغك

أميرة / طب و النبى نمشيها شيبسي وبسكويت

جواهر / اوكية وعصير قصب كمان

أميرة / مهو يوم اسود من أوله 

جواهر / على دماغك ياجزمة 

قدامى

فى العناية المركزة

دكتور قدرى / هو أية اللى حصل انت بخير حمد الله على سلامتك

مديحة / يوضع سره فى 

دكتور قدرى/ بعد الكشف على ماهر الحمد لله انت تمام بكرة تروح اوضة عادية

ماهر / عوزة البنت اللى كانت هنا من شوية

دكتور قدرى / هو كان في حد عند المريض

الممرضه مديحة / لا محدش جة انا قاعدة هنا من الصبح

ماهر / عوز فونى ممكن 

مديحة / كل حاجاتك مع صاحبك السمين شوية هو كان هنا الصبح و مشى اقولك فى رقم لأختك هاكلمها وابلغها انك بقيت كويس

ماهر / عوز افضل لوحدى ممكن

مديحة / حاضر  دكتور قدرى هات فونك اكلم اخت المريض

دكتور قدرى / ما انتى معاكى فون و من الغالى

مديحة الممرضه / قل اعوذ برب الفلق انا مش معايا رصيد انا حتة ممرضة غلبانة إنما انتم ماشاء الله معاكم على قلبكم اد كده 

دكتور قدرى / يخربيتك خدى الفون وافصلى

مديحة الممرضه / هات ما انا مش هاصرف عليكم اكلم الواد عبده الاول و مسكت الفون وكلمت زوجها وبعدها كلمت نسمة اللى قعدت ترقص وتغنى وتضحك وتصرخ كله فى وقت واحد 

فارس / مالك يا هندسة هو انتى اتجننتى

نسمة / ماهر فاق الحمد لله الممرضة لسة مبلغانى

كريمة / عوزة اروح لابنى دلوقت

فارس / البسوا بسرعة هنروح كلنا 

هانى / كلم فكرى فى موضوع زوجه من رقية 

فكرى / انت مقتنع بكلامك ولا هتتزوجها شفقة علشان هى انظلمت 

هانى/ لا و الله احنا كبرنا ومحتاجين الونس ومن اللى ياخد باله مننا 

فكرى / عندك حق والله طب مش عيب انك تعمل حاجة وماهر بين الحياه و الموت 

هانى / انا مش هاعمل فرح ولا شبكة كل الحكاية هنكتب كتابنا وبعدين الدخلة بعدين

فكرى / مبروك عقبالنا انا و ماهر

هانى / المفروض تفكر تتزوج انت كمان الونس حلو 

فكرى / هتروح معايا نشوف ماهر الا انت عملت أية فى موضوع النقل 

هانى / اتلغى شكلى هاكمل معاكم فى القسم المخروب دة

فكرى / كل شيئ مقدر و مكتوب عند الله 

هانى / ونعم بالله العلي العظيم يلا اركب 

فكرى / تعالى ناخد كفتة نتغدا بيها 

هانى / لا مستحيل أوفق

فكرى / ليه يافقرى

هانى / انا بح....... .