رواية غموض الحب الفصل الحادي والعشرون21 والثاني والعشرون22 بقلم لولا
واتصدم لما حس بابره بتغرز في رقبته ووقع مغمي عليه على الارض فاكمل رمزي بهمس بس كده خدوه ويلا هجيب انا الفلاشه من جوه وجاي
احد الرجال: تمام يلا شيله قصادي وبلفعل سندوا عمر ومشيوا بيه ورمزي دخل الاوضه وشد الفلاشه من اللاب توب ونزل معاهم بسرعه واكمل بهمس واحده واحده علشان محدش يحس بينا يا حيوان منك ليه حاسبوا عمالين تخبطوا في الحيط
احد الرجال بهمس متخافش خلاص قربنا اهو ننزل روح انت بس افتح باب العربيه بسرعه
الراجل التاني بهمس لو مكناش خدرناه فعلا مكناش هنقدر عليه باين عليه رياضي
رمزي بهمس حاد يا متخلف بقولكم ظابط... ظاااابط مبتفهموش
الراجل الاول بخوف يخربيت اهلك انا فاكرك بتهزر هو ظابط بجد ده احنا هيتقطع خبرنا لو صحي وعرفنا
رمزي طلع كيس قماش اسود ولبسه لعمر واكمل لا مش هيعرفنا مش هيفوق منا مانوصل للمكان اللي قاله اسر بيه ولو فاق ادينا حاطين على وشه حاجه متخافوش
ونزل فتح الباب واكمل يلا بسررعه اخلصوا
وبلفعل حطوا عمر في العربيه واتحركوا بيه وبعد شويه وصلوا لمكان فيه مخزن كبير واسر كان واقف عند الباب
رمزي بابتسامه خلصنا اهو زي ما طلبت مني بلظبط يا بااشا اي اوامر تانيه ??
اسر بابتسامه عفارم عليك يا رمزي ها جبت الفلاشه
رمزي اهي يا بيه اتفضل
اسر مسكها وحطها في جيبه وطلع فلوس واكمل بابتسامه امسك فلوسك انت والرجاله اهي والله مش خساره فيكم
رمزي بفرح تسلم يا بيه ربنا يخليك لينا يارب
احد الرجال بفرح : تسلم والله يا كبير نحطه لحضرتك فين
اسر فتح باب المخزن واكمل هاتوا وتعالوا ورايا وبلفعل شالوا عمر ودخلوا وراه فاكمل اسر اربطو في العمود ده وامشوا
رمزي تمام يا باشا يلا يا رجاله ساعدوني
وربطوا عمر في العمود فاكمل احد الرجال اي اوامر تانيه يا اسر بيه ???
اسر لا روحوا انتوا خلاص هقعد انا ورجالتي
رمزي بابتسامه تمام يا بيه تحت امرك
اسر بتحذير رفع صباعه واكمل واياكم حد في الدنيا كلها يعرف اي حاجه من اللي حصلت دي
رمزي بنفي لالا طبعا عيب عليك يا باشا احنا تحت امرك يلا هنمشي احنا
احد الرجال لو عوزت حاجه كلمنا يا اسر بيه
اسر تمام
وفعلا طلعوا واسر قعد وحط رجل على رجل وشاور لواحد من رجالته يفوق عمر بابره تانيه وراح الراجل وحط الابره في رقبته فاكمل اسر : ابعد عنه خلاص هو هيفوق لوحده وبالفعل دقايق وعمر ابتدى يفوق واكمل بصوت منخفض ودوخه ااه ... انا... فين
راح اسر مسك كوبايه المايه ودلقها في وشه فشهق عمر بخضه وبص قدامه وهو بينهج بتعب فاتصدم لما شافه واكمل اسر !!!! وتابع بعصبيه هو انت يحيوان يا
اسر بضحك بس بس اهدى كده لحسن ضغطك يعلى ولا حاجه تروح مننا ويحسبوك عليا بني ادم
عمر بعصبيه ده انت لو راجل فعلا تفكني واوريك اللي خايف يتحسب عليك بني ادم هيعمل فيك ايه مش تخدرني وتاخدني تربطني وانا مش واعي يحيوان يا ابن الكلب ...ده انت صبرك عليا انا ماصدقت انك بقيت قدامي وقسما بالله لاخلص منك الجديد والقديم من اول الحادثه بتاعتي لحد ضرب زينب بلقلم والله العظيم كله هيخلص
اسر بضحك الله هي اشتكتلك اوام كده ...وبعدين انت مال اهلك ?? اضربها مضربهاش دي هتبقى مراتي وانا حر وخلاص كلها كام ساعه بس وهتكون ليا انا قدام الكل واعمل فيها اللي يعجبني انت ايه اللي يدخلك بينا مش فاهم ???
عمر بعصبيه ده لما تشوف حلمه ودنك يا حيوان نجوم السما اقربلك من زينب وكام ساعه صح وانا اوريك هتبقى لمين بس فكني وخليك راجل ولو لمره واحده في حياتك مع اني اشك فكده اصلا
اسر بضحك افكك ايه بس اذا كنت انا جايبك هنا علشان افضل رابطك كده وبتأمل في جمالك لحد ما اكتب كتابي واروح انا وعروستي وغمز واكمل وتيجي الصباحيه كمان .. بعدها افكر اجي افكك لما الناس تيجي تبارك في صباحيتي وتمشي علشان تشوف حالك بقى وترجع شغلك تحمي الوطن ده احنا من غيركم ولا حاجه بردو ده انتوا خير اجناد الارض
عمر اتعصب اوي من كلامه وفضل يتحرك بعصبيه بيحاول يفك نفسه من الحديد واكمل بعصبيه : قول عليا مش راااجل لو اسمك اتحط جمب اسم زينب يا ابن الكلب هوريك بعد كام ساعة هيبقى فرحها وصباحيتها على مين والساعات اللي جايه بينا يا حيوان قسما بالله ما هسيبك يا اسررر
اسر بضحك اهدى بس متنفعلش انت مش هتعرف تفك نفسك حتى لو جبت اخرك فوفر صحتك احسن وبعدين بدل ماتشكرني ده انا جايبك احييك على تعبك اصل انا بشجع اللعبه الحلوه وانت الشهاده لله تعبت وروحت وجيت وجبت دليل وخططت بس للاسف المجهود مش كل حاجه وجيت انا في الدقيقه 90 خدت الماتش يبقى كل تعبك ده تعمل فيه ايه ??? هقولك انا تعمل فيه ايه وطلع الفلاشه ورماها على الارض وداس عليها بجزمته جامد فاتكسرت لكذا حته وتابع بشماته: ترميه في الزباله
عمر بعصبيه اه يا حيوان يا زبااااله
اسر بضحك وحقير كمان وضحك بشده وتابع مكنتش اعرف ان روحك مش رياضيه كده يا حضره الظابط اه انت متعود على النصر بس ميمنعش ان جات نكسه قبل كده فعادي بتحصل وزي مافي مقوله بتقول اعمل بذكاء وليس بجهد وانا فضلت اراقبك واجيب اخرك وسبتك طلعت كل طاقتك وخدت منك الماتش في اخر دقيقه اصل عيبك يا باشا انك مدرستش خصمك كويس قبل ماتلعب ضده وطلما وصلت لخيط مهم من بلاويا كده يبقى من باب اولي كنت راجعت تاريخ اي حد بيعاديني بلمره انا محدش بيعرف يوقعني واللي عايزه باخده ده غصب عن اي حد فا دي فاتتك بس معلش حظ اوفر للمره القادمه الخساره مش عيب
عمر بعصبيه ده انت اللي متعرفش وقعت قصاد مين ورحمه امي وغلاوة زينب وحبها في قلبي هتدفع تمن اللي عملتوا فينا غااالي اوي ده انت اللي مراجعتش تاريخي ومتعرفش مين عمر عزيز الهواري وممكن اقع اه عادي بس زي ما كان في نكسه جيه بعدها النصر ومش اي نصر ده نصر عظيم العالم كله شهد عليه ومعترف بيه ومن بعده علم بلدنا مرفوع فوق ومحدش بيقدر يعادينا وانا بوعدك يا اسر ان هقوم تاني وهخليك تتمنى الموت ومطلهوش وهكسر صوابعك اللي مدتها على حبيبتي دي تحت رجلي قدام الكل وهتجوز زينب ومحدش غيري هياخدها
اسر فضل يضحك واكمل بتقول ايه ?? وايه كمان ?? وضحك اكتر وتابع اكيد دخلوك حربيه علشان روح الحماس اللي عندك بجد مش معقوله الثقه اللي بتتكلم بيها وراح وقف قدامه وتابع بشماته انت خسرت يا عمر اعترف بلهزيمه مش عيب اصل انا اسر الخولي يعني متخلقش ولا هيتخلق اللي يعاديني ويكسب قصادي ابداا فا ده طبيعي سواء معاك او مع غيرك
عمر بصله بكرهه وتابع بتحدي انا واثق في ربنا انه هينولني مرادي وبكره نشوف مين اللي هيضحك في الاخر الماتش لسه مخلصش وفي عودة و ساعتها وعهد الله ماحد هيعرف يحوشك من تحت ايدي اشبع من صحتك علشان مش هقومك منها تاني
اسر اضايق من كلامه وثقته فضربه بلبوكس جامد خلى دماغه خبطت في العمود واتعور فاكمل بعصبيه اااه يا ابن الكلب ماشي صبرك عليااا ده انا هطلع عين اهلك والله العظيم مش هسيبك وهجيب حقي منك فكل حاجه عملتها وفكره انك بس هددت زينب وفكرت فيها انها زوجه ليك وبصتلها اصلاا... دي لوحدها ليها عقاب تاني خالص قسما بالله ماهسيب فيك حته سليمه
اسر بضحك انا كنت جايبك احييك على تعبك في التدوير ورايا انك وصلت لخيط ضدي واسيبك وامشي علشان حنتي بعد كام ساعه والله يا عمور بس انت اللي عصبتني فاضطريتني لكده .. او اتعصب ليه صح منا اسيبك تحلم وماله هي الاحلام بفلوس ???
عمر اتعصب لدرجه عروقه برزت واكمل قسما بالله انت لو واقف على حيلك قدامي زي الرجاله كده ودي حاجه انت اصلا متسمعش عنها ولا في قاموسك وفاكك الحديد ده من عليا بدل مانت مرعوب مني ورابطني كده مع اني مكسور ولوحدي لكنت وريتك مقامك بس الصبر يحيوان لسه مخلصتش انت عاديت عمر الهواري وهتعرف تمن اللي انت عملته ده قريب اوي
اسر بضحك ياابني كفياك عصبيه واحلام وكلام فاضي ووفر صحتك هو انت مش مستوعب ان خلاص كام ساعه وهكتب عليها وهتبقى مراتي رسمي وانت هتفضل هنا مربوط ومحدش يعرف عنك حاجه لا بجد انت صعبان عليا بس تفتكر زوزا هتفهم ايه بقى بعد ماخططت انكم تفضحوني ولقيتك اختفيت هل هتقول انك خلعت ولا انك سبتها لوحدها في الوضع ده مع اسر لان خلاص مش هتعرف تهرب مني ها تفتكر هتفكر في ايه وهتعيط ازاي من خذلانها منك
عمر اتوجع من كلامه واكمل بعصبيه زينب عمرها ماتفكر اني اتخليت عنها هي عارفه انا بحبها قد ايه وهرجع وهمسح دموعها وهمحيك انت من حياتنا ولو وصلت اني اقتلك وادخل فيك السجن هعملها بس زينب ليا وهتفضل لياا ومحدش غيري هياخدها وانا وانت عارفين قلبها مع مين كويس اوي وعمرك ماهتشوف منها حتى نظره ترضيك
اسر بضحك لا عاجبني حماسك بس انا ميفرقش معايا قلبها مع مين عادي ياعمور مبرووك عليك يا سيدي قلبها وانا مبروك عليا هي نفسها وغمز وتابع بضحك فاهمني بقى
عمر اتعصب اوي وضربه بدماغه بقوه واكمل بعصبيه متتكلمش عنهااا كددده يحيوااان يا زباااله قسما بالله يا اسر ما هسيبك حسااابك تقل بلجااامد علشان بس فكرت انهاا ليك بلشكل دده
اسر بوجع اااه يا حيوان وحط ايديه على دماغه لقاها جابت دم فتابع بعصبيه ماشي يا عمر ماشي انا هوريك ازاي متكلمش عنها كده ده انا مش هتكلم بس ده انا هعيشك بحسرتك لما تشوف عياالي منها كمان و
عمر بعصبيه ومقاطعه في احلاااامك ده عشم ابليس في الجنه بلظبط قول عليا مش راااجل ومستاهلش النجوم اللي على كتفي لو زينب بقيت لحد غيري ..انا بحمي وطن كامل وبروح معنديش مانع اني اخسر حياتي واموت مقابل الوطن ده يعيش ويفضل بخير مبالك بحب عمري اللي مخلياني اعيش واشوف الدنيا فيها حاجه حلوه يتعاش علشانها اساسا وعينيه اتجمعت فيها الدموع وتابع والله العظيم تلاته هقررهالك تاني انا لو هموت او ادخل فيك السجن مقابل انها متبقاش ليك هعملها عادي بس زينب تفضل بخير
اسر بضحك شوفوا بردو مش راضي يستوعب طب هاتوا المفاجاه يا رجاله يمكن يصدق الواقع شويه
وواحد من رجالته دخل ببنت بتعيط وباين عليها التعب ورموها على جمب فعمر اتصدم لما شافها
واكمل اسر بشماته: ها ايه رايك بقى انت كنت ليك عندي 3 مفاجات خدت منهم لحد دلوقتي اتنين الاولى اني كشفتك وعرفت خطتك والتانيه سلمى اللي انت حلفت تحميها مني والتالته هتبقى زينب وهي مراتي
عمر بعصبيه يحيوان يا ابن الكلبيب بتدخل بنت ملهاااش ذمب بينااا ليه سيبها تمشي وانا ...وسكت بوجع وقهر
اسر بضحك اه كمل كمل وسمعنى بقى الكلام الواقعي اللي احب اسمعه انك مش هتتحرك ولا هتحاول تهرب ولا هتعمل البطولات اللي كنت بتحكيها دي كلها صح لو صح فانت ذكي يا عمر بيه وتستاهل النجوم اللي على كتافك مش هقول عليك زي مانت قولت لا ... انت كده زي مابيقولوا عرفتها وهي طايره ووفرت عليا كلام كتير وترجمت من نفسك انك لو حاولت تهرب ده لو عرفت يعني من رجالتي او تنفذ كلامك وتوقف الفرح دي هيحصلها ايه وشاور على سلمى وتابع الرجاله طمعانه فيها من دلوقتي والله ومسكتهم بلعافيه
سلمى بعياط انا اسفه يا اسر بيه ووالله العظيم مش هقف قصاد حضرتك تاني بس ارجوك سبني اروح ومتأذنيش وانا
اسر بمقاطعه وعصبيه هششش مسمعش صوتك نهااائي قولتلك ملكيش عندي اعزار فاتسكتي خاالص انتي حطيتي نفسك وحياتك مع عمر وضددي اشربي بقى حياتك اللي جايه هيبقى شكلها ايه وهو اللي هيحددها على فكره لانه قدامه حلين لو نفترض عرف وهرب من رجالتي او وقف فرحي وهو مكانه عادي لاي سبب من الاسباب انتي هتفضلي عينك مكسوره من اللي هيحصلك بسبب افعاله انما الحل التاني تفضلول تونسوا بعض لحد ما نمشيكم بخير بس ده لما انا اقول امتى بعد فرحي على زينب
عمر اتوجع اوي من كلامه وحس بحيره وتوهه وقهر مش طبيعي وبيتردد قدامه شكل زينب وخوفها وشكل سلمى اللي وقعت في كل ده بسببه فتابع بوجع وهو مضطر : مش ههرب يا اسر ولا هوقف الفرح سيبها ومتخليش حد يأذيها سلمى ملهاش ذمب
اسر بضحك الله طب وحب عمرك اللي بتعيش علشانها
عمر تنهد بوجع واكمل بقهر : حب عمري تحت رعايه اللي احسن مني ومنك وانا صليت وطلبت وآمنت انه قادر يحميها ويجمعنا فاهو هيتصرف ومش هيسمح انها تتأذي وتتجوزك مستحيل لان الطيور على اشكالها تقع وزينب حته مني انا ومش هتكون ليك وده ثقه في ربنا
اسر بضحك فوضت امرك لله يعني لا برافو مؤمن يا حضره الظابط
سلمى بعياط وخوف عمر .. عمر ارجوك متخليش حد يأذيني انا مرعوبه و
عمر بمقاطعه ووجع: متخافيش يا سلمى قولتلك قبل كده وهقررهالك انا مش هسمح لاي حاجه تأذيكي مهما حصل وهفضل جمبك لحد ماتخرجي من هنا مستحيل اسيبهم يأذوكي ثقي فيا انتي اختي الصغيره
سلمى ابتسمت بفرح من بين دموعها وهزت راسها بماشي كتير وتابعت شكرا يا عمر حقيقي شكراا
عمر بوجع ده انتي اللي حقك على راسي من فوق ولو فضلت اعتذرلك ليوم ما اموت مش هوفيكي حقك انتي كل اللي انتي فيه ده بسببي وانا لو اختي مش هسمح حد يمس شرفها فمستحيل اسيبك تتأذي لو على موتي ومستحيل اسمح اي بنت يحصلها كده اصلا حتى لومعرفهاش مبالك انتي اللي مشوفتش منك الا كل خير فتاكدي حتى لو حياتي خربت مش هسمح حياتك انتي تضرر ولا حد يقربلك
اسر بابتسامه شامته : كده برافو انت عرفت مفروض تعمل ايه واصيل يا حضره الظابط وضحك وتابع لوم حب عمرك بقى انها مسمعتش كلامك وراحت قالت موافقه تتجوزني علشان توقعني وحطتكم فكل ده يلا همشي انا علشان حنتي قربت ....وطبعا لولا الضيقه اللي انت فيها كنت عزمتك بس تتعوض في سبوع الاولاد انشاء الله يا عمر بيه فرصه سعيده وشاور لرجالته يخلوه بالهم ومشي والرجاله طلعوا وقفلوا عليهم ووقفوا برا
وعمر اتوجع من كلامه اوي ومرديش يرد عليه هي فعلا لو كانت زينب سمعت كلامه مكنش كل ده حصل فغمض عينيه ودمع بصمت ووجع
سلمى بدموع والله ما اعرف عرف كل ده ازاي حقك عليا دموعك وحياتك اللي بتخرب قدامك دي بسبب خوفك عليا
عمر بدموع مش انتي السبب هو كان بيراقبني وعرف كل حاجه ده انتي االي حقك عليا وملكيش ذمب فكل ده اصلا علشان تبقي 20 سنه وحياتك بتبوظ بسببي كده ياريتها زينب سمعت كلامي مكناش وصلنا لكل ده
سلمى بدموع والحل يا عمر هتسيبه يتجوزها ????
عمر بوجع ودموع مش عااارف مش عاارف اتصرف ازاي واعمل ايه حقيقي مخي وقف
سلمي قربت منه لان رجليها وايديها مربوطين بحديد طويل وطبطبت عليه واكملت بدموع ادعي ربك اللي لا بيغفل ولا بينام مش هيسيبكم ربنا حنين
-----------------------------------------
عند زينب الساعه بقيت 5 الصبح ومستغربه ازاي عمر طول في الصلاه كده ومكلمهاش فكانت عماله تتصل بيه مش بيرد فقلقت وقررت تطلع تشوفه
وبلفعل لبست الاسدال وطلعت لقيت باب الاوضه مفتوح وفونه على السرير وهو مش موجود فاستغربت اوي
زينب بخوف هيكون راح فين دلوقتي ده وليه سايب فونه ..اعمل ايه يارب دماغي مش سيباني في حالي وقلبي واجعني اوي وهو تعبان وقالي هصلي واكلمك ولو مكلمنيش يبقى مفروض نام راح فين دلوقتي وليه سايب الاوضه واللاب مفتوحين لالا انا لازم اقول لسيف يشوفه فين
ونزلت جري وراحت اوضه سيف خبطت ودخلت لقيته نايم فاتوترت اوي وغمضت عينيها بخوف واكملت وهي بتهزه سيف .. سيف ممكن علشان خاطري تصحى اقولك حاجه مهمه
سيف بنوم اممم عايزه ايه تاني
زينب بدموع والخوف اتملك منها اكملت : سيف قوم شوف عمر فين عمر مش في اوضته والساعه 5 وسايب الاوضه مفتوحه وفونه فوق وانت عارف هو مكسور وتعبان و
سيف قام مخضوض واكمل بمقاطعه وبحده ازاي مش فوق يعني هيكون راح فين مش فاااهم ??? يعني جيه ونزل تاني ولا ايه ?????
زينب بدموع معرفش والله بس هو مش فوق و
مكملتش زينب كان سيف جري بسرعه على السلالم وطلع فوق السطح وهي وراه فدخل الاوضه استغرب بشده واكمل وهو سايب فونه والاوضه والانوار مفتوحين ليه ???
زينب بدموع واللاب كمان بص
سيف بص على اللاب وشاف القهوه واكمل بخوف لالا كده في حاجه غلط الانوار شغاله وباب الاوضه مفتوح وسايب فونه واللاب شغال والقهوه زي ماهي شوفي هدومه كده
زينب فتحت الدولاب بسرعه لقيوا هدومه موجوده فاكملت بصدمه يعني ايه ???
سيف بخوف مش عارف مش عارف ممكن يكون فين ...كده مرجعش بيته في حاجه غلط مش قادر افهمها ولو نازل مشوار على الاقل كان هياخد فونه ويقفل الباب اللي انا شايفه ده كانه اضطر يمشي فاجاه فساب كل حاجه زي ماهي
زينب الخوف زاد اوي جواها واكملت بدموع طب والحل هتعمل ايه كده يا سيف عمر تعبان وانت عارف مالوش حد غيرنا هنا وعيطت
سيف بتنهيده تقدري تقوليلي بتعيطي ليه ??
زينب بعياط مرعوبه عليه انا خايفه يا سيف الوقت اتاخر وهو غمضت عينيها وتابعت زي زي اخويا يعني فحقي اقلق
سيف تنهد بعمق واكمل اخوكي ااه طب اتفضلي انزلي وانا هدور عليه وهطمنك علشان انا حنين ومش عايزك تفضلي قلقانه على اخوكي
زينب بعياط لا مش هنزل هفضل هنا مستنيه تجيبه واطمن عليه الاول
سيف بحده زينب مااالك في اييه انتي حنتك بعد كام ساعه خلاص انتي مستوعبه ولا مش مستوعبه ????? علشان تصرفااتك مش راكبه خاالص على اختيارااتك واللي بتعمليه
زينب بعياط وخوف ابوس ايدك سيبك مني ومن كل اللي بيحصل في حياتي انا استاهله وشوف عمر فين عمر مالوش غيرنا وميعرفش حد هنا يا سيف ابوس ايدك طمني عليه وبعدها هقعد احكيلك كل اللي انت عايزه علشان خاطري وانهارت عياط
سيف حضنها يهديها وتابع بحزن وهو بيطبطب عليها وهي منهاره بس بس اهدي والله مش هسيب حته الا وادور فيها لحد ما االاقيه واطمنك وحط وشها بين ايديه وتابع ده عمر يا زينب يعني لو حصله حاجه كاني حصلي انا كمان هو وحسام عندي واحد ومستحيل يجيلي نوم وانا معرفش فينه متخافيش هنزل دلوقتي حالا اغير هدومي وهروح ادور عليه وعارف انك بتحبيه بس مش فاهم ليه مصممه تتجوزي اسر قوليلي يا زينب هددك بعمر صح ??? مش انتي عايزه تتجوزي اسر علشان عمر ???
زينب بدموع ووجع هقولك كل حاجه بس امانه عليك مش وقته انا مرعوبه في فكره يكون حصله حاجه هو تعبان اوي والله وانا حتى لو اتجوزت اسر فانا استاهل فعلا لان دي اختياراتي انما عمر مالوش ذمب فأي حاجه فخايفه عليه اوي
سيف بستغراب انا مش فاهم منك حاجه
زينب بدموع هفهمك كل حاجه بس لما عمر يجي ارجوك يا سيف انا عارفه مهما زعلت مني مش هيهون عليك ابداا دموعي فبترجاك بدموعي رجعلي عمر بسرعه رجعهولي قبل ما حياتي تدمر اكتر وبصت للارض بتوتر وتابعت بعياط انت صح انا اه بحبه ومحبتش غيره وهو كمان بيحبني اوي بس خاف يقولك زي منا بلظبط بهابك ومقدرتش اقولهالك بس انت عارف اختك ومربيها على ايدك وكنت متاكد اني بحبه وبيحبني فارجوك رجعهولي وانا وهو تحت امرك وهنقولك كل حاجه انت عايز تفهمها وانا والله عارفه انك عمرك ما كنت هتعارضني لما اقولك اني بحبه لاني عارفه غلاوه عمر عندك قد ايه بس خوفي منك كاخويا الكبير وخوفه هو انك القائد بتاعه خلانا نسكت مؤقتا بس وغلاوتك عندي مرتبطش بيه والكلام ده هو انا اصلا لسه عارفه قريب انه بيحبني ساعه الحادثه عمر من بدري بيعاني بسببي وبسبب غبائي يا سيف وعيطت بانهيار
سيف بوجع على شكلها اكمل طب اهدي اهدي حقك عليا وانا عمري ماكنت هعترض على علاقتك بعمر انا معنديش اعز منه ياخدك يا زينب وهبقى مطمن اوي عليكي معاه بس فاهم تفكيركم فعلشان كده عاذركم وطلما مكنتوش مرتبطين من زمان من ورايا فخلاص هزعل ليه وانا عارف وواثق ان عمر هيصونك وعمره مايأذي اهل بيتي ولا يخون ثقتي فيه وعارف بيعزني ازاي فهيتقي الله في اختي وكنت واثق اصلا انكم بتحبوا بعض من زمان وساكتين وانا هروح علشان ارجعهولك مش هرجع غير وهو معايا يا زينب متخافيش عليه عمر راجل وقد اي حاجه هو فيها ميتخافش عليه وهو كده كده اخويا ومكنتش هسيبه وهدور عليه وارجعه
زينب حضنته واكملت بعياط واثقه فيك انك هترجعهولي يا سيف ارجوك رجع عمر قبل الفرح وساعدنا نكون مع بعض انا مضطره اكمل الفرح بس لو جيت انت وعمر حاجات كتير هتتغير وحقك عليا يحبيبي يعز عليا زعلك مني ده انت نورعيني وزعلك مني كان بيموتني بس والله غصب عني
سيف طبطب على ضهرها واكمل عارف يحبيبتي وواثق ان في سبب قوي يخليكي تعملي كده لاني عارف بتحبيني ازاي وانا عندك ايه و عمري ما ازعل منك ده انتي بنتي يا زينب انا كنت بضغط عليكي علشان تتكلمي انما عمري ما اشيل منك ولا اسيبك في الوضع ده لوحدك ابدا ولا هسمحلك تتجوزيه انا هنزل دلوقتي ومش هرجع غير بعمر علشان اجوزك ليه مش لاسر خديها مني وعد يا زينب
زينب بعياط وفرح يارب ينورعيني يارب يسمع منك وحضنته اكتر واكملت انا بحبك اوي يا سيف شكرا انك فهمتني
سيف بحب وانا بموت فيكي ينورعين سيف وباس جبينها وتابع بس متبينيش اوي كده انك فرحانه انا اخوكي الكبير بردو
زينب ضحكت من بين دموعها واكملت حاضر من عيني
سيف بضحك ده عينك هي اللي فضحاكي يلا هنزل انا البس واروح اشوف هعمل ايه
زينب بحب هستناك
سيف بحب طب انزلي تحت وريحي شويه لحد ما اجي
زينب هزت راسها برفض واكملت هقعد هنا شويه روح انت بسرعه ارجوك الوقت مش في صالحنا
سيف هز راسه بتمام ونزل بسرعه يلبس وهو بيكلم يونس في الفون وزينب دخلت الاوضه وفتحت الدولاب ولقيت صوره ليه هو ومامته فمسكتها وخرجت قعدت على الارض في السطح واكملت بدموع سيبتني وروحت فين يا عمر انا اسفه حقك عليا كل ده بسببي .. احساس ان اسر عمل فيك حاجه مش راضي يروح من بالي حاسه اني اذيتك للمره التانيه بغبائي وعيطت اكتر وتابعت انت فين يحبيبي سيبت زينب وروحت فين يا عمر انت عارف اني بطمن في وجودك وبستقوى بيك وفضلت تعيط وجسمها بيتنفض بخوف من اللي جاي
تحت قدام شقه عز واقف سيف بعد ما غير هدومه لقميص وبنطلون وبيخبط ففتحت شهد
شهد بستغراب سيف !!؟ ايه يحبيبي في حاجه ولا ايه
سيف اندهي يونس يا شهد انا كلمته وزمانه جهز
يونس خرج وهو بيزرر القميص وتابع خلاص اهو هلبس الكوتش وخلاص
ياسمين خرجت وهي لابسه الاسدال لان كانت بتصلي وتابعت بستغراب ايه ده رايحين فين الساعه دي
سيف بتنهيده عمر
شهد وياسمين بخوف في نفس واحد: مالو عمر ???
يونس بتنهيده رجع وبعدين ملقيهوش في الاوضه والوضع غامض شويتين كوبايه القهوه زي ماهي واللاب وباب الاوضه مفتوحين والنور شغال وحتى فونه وهدومه فوق فمش عارفين ايه خلاه ينزل او حصل ايه فرايحين ندور عليه لان زي مانتوا عارفين هو مكسور وتعبان ومالوش حد هنا غير امه وماتت الله يرحمها واهله مش في الصعيد
ياسمين بخوف يعني ايه ماهو مش معقول هينزل وهيسيب كل ده كده ... دي تصرفات واحد جري فاجاه مش واحد مقرر حتى انه يروح مشوار
شهد بخوف ده حتي لو تغاضينا عن كل ده هو سايب فونه ليه ??? مش معقوله حتي لو مستعجل يسيبه
سيف بحيره ما هو ده اللي بفكر فيه
ياسمين بدموع عمر اكيد اتخطف
كلهم اتصدموا فاكمل سيف بستغراب اتخطف ايه انتي هبله مين هيخطفه وليه اصلا ???
ياسمين رايحه تتكلم مسكت ايديها شهد وتابعت وهي بتبرقلها بتسكتها بس يا ياسمين عبط خطف ايه هو مسلسل هشش اسكتي خاالص سيف هيلاقيه هو ويونس باذن الله
يونس بضحك يلا يا عم سيف دي شكلها مطبقه على مسلسل لحس مخها
سيف حس ان كلامها صح لان مفيش تفسير للي شافه بس تنهد بعمق واكمل يلا
شهد بخوف طب زينب يا سيف عرفت ???
يونس بستغراب مال زينب بلموضوع ده ??
سيف بضحك الله هو انتي كمان عارفه
ياسمين بخوف الله يخربيتك يا شهد هيموت البت لالا منعرفش حاجه هنعرف ايه يعني
شهد بصدمه وهمس انا ايه اللي هببته ده يانهاار اسود علياا مش تسكتيني زي ما سكتك
سيف بحده هو في ايه انتوا كمان هو انا عزرائيل كل واحد تقف تقطع في الكلام قدامي وتخاف تنطق و اااه ياختي عارف ومش عبيط وفاهم بتتكلموا على ايه وطلما انتوا كمان عارفين اتفضلوا اطلعوا لزينب فوق السطح سكتوها لحد مانيجي ونجيب روميو اللي موته نفسها عياط بسببه الله يحرق دماغهم في الارض لو رجعولي من زمان مكناش وصلنا لكده وبص ليونس وتابع يلا يا ابني انت كمان
يونس بصدمه هي زينب بتحب عمر اصلا! !!!!!
سيف بضحك اه ده على الله خالص يلا يا يونس هفهمك في الطريق وشدوا ونزلوا بسرعه
وشهد وياسمين بصوا لبعض ونطقوا في صوت واحد : اسر خطف عمر
ياسمين بعياط يانهار اسود طب والعمل ??? كده زينب هتتجوز اسر ومش هيلحقوا يلاقوا عمر وحياتها هتدمر اكيد عمر جاب دليل ضدده فخطفه علشان ميفضحوش
شهد بعياط معرفش يمكن بس يلا نطلع نشوفها مش وقته الكلام ده
وبلفعل طلعوا لقيوا زينب بتعيط وحاضنه رجليها والصوره جمبها فجريت عليها ياسمين وخدتها في حضنها وتابعت بعياط بس يحبيبتي اهدي استهدي بالله هيرجع والله هيرجع
زينب بعياط ووجع اسر اذاه بسببي يا ياسمين عمر مش موجود دلوقتي بسببي اناا وبسبب غبائي... مني لله ياريتني سمعت كلامه من الاول ياااريتني يارب وبصت للسما واكملت بعياط عقابني انااا يارب ارجوك كفايه عليه انه يتيم ولوحده وتعبان ارجوك يااارب يكون بخير انا الغلطانه انا مش هو وفضلت تضرب ايديها بقوه على الارض
شهد بعياط وخوف بس بس اهدي ينورعيني والله هيرجعلك وهيبقى بخير وهتتجوزيه وهنشيل عيالكم كمان ربنا مستحيل يخذلكم ابداا لا مش دي النهاايه
زينب بعياط الغلط مني انا يا شهد الغلط مني انااا عمر الله واعلم فينه دلوقتي وانا السبب هو مراحش مشوار ولا اضطر ينزل عمر كل حاجه في اوضته بتدل ان اسر خده من هنا فاجاه لان كل حاجه زي ماهي منه لله رينا ينتقم منه بس اثبت ازاي كده ده خلاص حنتي بعد كام ساعه يااارب اتصرف ازااي قولولي انا مش عايزة اتجوزه وفكرت شويه وتابعت بعياط وانهيار لالالااا انا مش هتجوز اسر يا ياسمين مش هتجوزه يا شهد مش هقدررر مش هقدرر اكون لحد تاني ولا اكسر عمر بلشكل ده انا استاهل عقابي ده لانه حذرني بس هو ميستاهلش ابدااا ان يشوفني مع حد غيره لالا مش هقدر
ياسمين بعياط بس يحبيبتي علشان خاطري اهدي ووالله ربنا مش هيخذلك ومش هتتجوزيه ياعمري لا متقوليش كده بعد الشرر
شهد بعياط ومين قالك هيشوفك مع حد غيره لا يحبيبتي مش هيحصل ربك كبير اهدي وادعي ربك يلاقوه وكله هيتحل
زينب بدموع عارفين عمر قالي ايه وبصت قدامها بوجع وتابعت ودموعها بتنزل بصمت :ده قالي انا ماليش غيرك يا زينب وقالي بوعدك هكون ليكي انتي ومقدرش احب غيرك وانتي وامي احلى حاجه في حياتي ودلوقتي انتي بس اللي فضلالي واختارلي فستاني وفضل يحبني عمره كله ويدعي اكون نصيبه وفضل يدور وهو تعبان على دليل ينقذني من اسر وقالي لو هموت مش هسمحله ياخدك مني وهعااقبه انه ضربك بلقلم كل ده علشاني انا. . وانا اصلا السبب فكل ده اااه يااااربي اااه قلبي قايد ناار عليك يحبيبي وعيطت بانهيار فحضنتها شهد وفضلت تطبطب عليها وهي بتعيط زيها ومش قادره تتكلم
ياسمين بعياط قومي يا زينب قومي اغسلي وشك واتوضي ونصلي كلنا ان ربنا يرجعه لينا بالف سلامه
شهد بعياط اه انا كمان شايفه كده قومي يا زينب قومي قولي لربنا انا مليش غيرك يارب انت تساعدني وترجعه ليا
زينب بدموع عمر كان واثق ان ربنا هيحلها وهنكون سوا قالي هي من اولها لاخرها بايد ربنا وربنا مش هيفرق بين اتنين ليهم نفس النيه وانتي شبهي انا مش شبه اسر
ياسمين بدموع وعمر صح يا حبيبتي قومي بدموعك واندهيه وهيسمعك احنا ملناش غيره خلاص هو يقدر
زينب بدموع هزت راسها ب حاضر واكملت يلا هنصلي سوا
شهد بدموع جدعه يحبيبتي يلا
وقوموها بلفعل ونزلوا شقه عز واتوضوا وصلوا مع بعض ان ربنا يرجع عمر بخير ويكتبهم لبعض وزينب كانت بتصلي بقلبها اوي ودموعها مغرقه وشها وشهد وياسمين حاسين بيها وموجوعين عليها
---------------------------------------------
تاني يوم الصبح عند عمر
عمر مكنش قادر ينام وعمال يفكر يتارا زينب عامله ايه وايه احساسها وهل ممكن تفكر صح انه هرب واتخلى عنها بس لا زينب بتحبه وبتثق فيه طب هيعمل ايه وهيتصرف ازاي ومش قادر يتقبل فكره انها لحد غيره وموجوع اوي ولا عارف هينقذها من اسر ازاي وسلمى دي اللي ملهاش اي ذمب لازم يحميها زي ما وعدها ومستحيل يسمع انها تتأذي
وفاق على صوت سلمى
سلمى بحزن واحشتك ??
عمر تنهد بعمق وتابع مبتروحش من بالي علشان توحشني زمانها مموته نفسها عياط وبتلومها وبتتخانق مع دماغها ومش قادره تدوق النوم
سلمى بابتسامه يبختها ان حد بيحبها للدرجه دي انا طول الليل ابص عليك وانت بتدعي واقول امين على كل كلامك وبتمنى فعلا من كل قلبي ربنا يستجيبلك ويفرحنا بيكم
عمر بدهشه هو انتي منمتيش ???
سلمى بحزن بصراحه خوفت ومقدرتش انام
عمر خوفتي من ايه انا صاحي ومكنتش هسمحله يخلي حد يقرب منك نامي كفاياكي علشان متتعبيش
سلمى قربت منه وقعدت قدامه واكملت بدموع سيبك مني انا بخير هتعمل ايه يا عمر الفرح بكره
عمر عينيه دمعت واكمل مش كنتي بتسمعي دعايا وبتقولي امين يبقى اكيد سمعتيني وانا بقول ان استودعتها لله وهو مستحيل تضيع عنده الودائع هيردها ليا انا واثق فيه يا سلمى
سلمى بدموع اللهم قوي ايمانك بس انت مش شايف اللي احنا فيه ده احنا ممعناش فون ولا قادرين نفك نفسنا ولا حتى لو قدرنا نفك نفسنا هنعرف نهرب من الحيوانات اللي برا ولو حاولنا وفشلنا هيأذوني و
عمر بمقاطعه مش هخاطر بيكي يا سلمى متخافيش وغلاوه زينب عندي مش هسمح لحد يأذيكي الحيوان ده لما عمل فينا كده كان غدر بيا وخدرني انما لو كنت واقف على حيلي مكنش هو ولا عشره زيه يقدروا عليا فانتي هتفضلي بخير وهنفذ وعدي ليكي مفيهاش نقاش وبلنسبه للوضع اللي بقينا فيه ... تنهد بعمق وتابع موسى مكنش عارف ان ربنا هيشق علشانه البحر بس كان واثق ان ربنا معاه وهيدخل وانا نفس الوضع هتتحل ازاي ??ورحمه امي ما عارف افكر اصلا بس هتتحل مستحيل ربنا يوجعني في زينب انا ماليش غيرها يا سلمى وهو وعدني بيها لما كنت كل مره اصلي واطلب منه يديني اشاره انها ليا ويرد عليا علطول فمستحيل يجي اسر ولا 100 زيه ويكسر وعد بيني وبين ربنا ... وغمض عينيه بوجع وتابع انا بس مش قادر استحمل كلامه ولا نظرته ليا انه هياخدها مني كل ما افتكر كلامه عنها وكمان انها زمانها بتعيط وخايفه اتقهر من ضعفي وقله حيلتي وانا مربوط كده
سلمى بعياط حقك عليا وغلاوتها عندك اهدى وبلاش توجع في نفسك كده هتاخدها باذن الله وهاجي فرحكم كمان بس كمل على ايمانك ده ومتيأسش وانا جمبك يا عمر وهنعدي كل ده والله ربنا كبير انت صح ويارب يديك على قد ايمانك بيه
عمر بحب ودموع يارب بجد يسمع منك ربنا وحقيقي مش عارف اشكرك ازاي انتي مفيش منك في الزمن ده واحده غيرك كانت فضلت تدعي عليا انها وافقت تساعدني
سلمى بدموع بلعكس انت انسان محترم جداا وفعلا كنت هتوفي وعدك بس هو انسان زباله وعكس كل توقعاتنا انا مش زعلانه منك ولا بلومك انت ضحيه زيي وانا متفائله بربنا خير انه هيحلها وهساعدك لحد ما تكون مع اللي بتحبها
عمر بتنهيده يارب بجد يسمع منك ربنا
ورجع بذاكرته فلاش باااااك
لما قعدها على السرير وهي لسه بتعيط وخايفه واكملت بتقطع ع عمر ا انا مش .. مش عاا يزة اتجوز اسر ار جو ك
عمر جاب شال ولفه عليها وقعد جمبها وباس راسها واكمل بحنان بس يحبيبتي اهدي والله محدش هيقدر ياخدك مني لا اسر ولا غيره متخافيش طول مانتي معايا يا زينب
باااااك
ودموعه نزلت بوجع وتابع حقك عليا على الرعب اللي زمانك عايشه فيه كل ما معاد الفرح يقرب ورعشه جسمك بسبب خوفك من اللي جاي وانا مش جمبك لانك بتطمني بوجودي .. قلبي قايد نار من قله الحيله والوجع وانا حاسس بيكي وبدموعك ومش قادر ادخل ورفع عينيه لفوق وتابع بدموع ارجوك يارب انت احن عليها مني الطف بيها ومتخليهاش تتجوز البني ادم ده ارجوك
------------------------------------------
عند زينب واقفه في البلكونه وهي لابسه دريس ستان ابيض وطرحه بيضه وفيه تاج صغير وحاطه ميكاب سيمبل وبتعيط وهي بتكلم سيف
زينب بعياط اومال هيكون راح فين يا سيف ارجوك دور عليه كويس
سيف بحزن وحياتك عندي ماسبتش مكان مروحتوش من اقسام لمستشفيات بدور بصورته محدش يعرف عنه حاجه حتى بطاقته ومحفظته فوق عندنا مش معاه فمحدش هيتعرف عليه بسهوله حتى لو لقاه انا قلبي واجعني بجد وابتديت اقلق
زينب بعياط وخوف يااربي طب هيكون راح فين يا سيف والله العظيم انا تعبانه اوي ومرعوبه لوحدي و امك نكدت عليا واجبرت عليا البس الدريس واحط زفت في وشي وانا مش طايقه نفسي ولا طايقه حد وكلمه كمان هفركش كل ده على دماغهم
سيف بعصبيه يااااريت كان ينفع ياااريت بس اعمل في اهلك اييه ولسانك اللي اتسحبتي منه مضطرين نكمل لحد مانشوف عمر فين وتفهميني هتوقفي بيه فرحك ازاي انما غير كددده هتقوليلهم ايه يا هانم ردييي هتلعبي بسمعتك وتقولي مش عايزاه قبل فرحك بيوم لييه ما اللي حصل ده كله انا كنت عارف وواثق انه هيحصللل بس صممتي وركبتي دماغك وادينااا كلنا بندفع تمن غلطتك
يونس جمبه اكمل بهمس بس يا سيف اهدى عليها مش كده هي مش ناقصه
زينب بعياط وهي منهاره: معترفه انا اللي غلطانه ومتربتش ومسمعتش كلامك انت وعمر واستاهل كل اللي يجرالي وكل كلامك صح دي غلطتي لوحدي فخلاص سيبك مني يخش اولع انا ومترجعش غير بعمر سواء لحقتني او لا عمر مالوش ذمب ارجوك يا سيف
سيف بوجع يحبيبتي انا مش قصدي اقولك كده بس غصب عني انتي حطتينا في موقف صعب وانا بقول كل ده خايف عليكي وعلى حياتك والله العظيم زي ما خايف علي عمر انتي بردو اختي وحته مني
زينب بدموع عاارفه والله نيتك ايه ده انت ابويا واخويا يا سيف عمري ما افهمك غلط بس انا حاليا مش خايفه على حد غير عمر سيبك مني خالص وارجوك هات عمر انا هموت عليه ومش قادره اطمن انه حتى بخير ولالا وعيطت بانهيار
سيف بوجع غمض عينيه وتابع حاضر يا زينب وعدتك مش هرجع غير بيه وهنفذ وعدي ليكي اهدي وبطلي عياط
زينب بدموع هاته وتعالى بسرعه يا سيف انا محتجالك اوي
سيف بحزن حاضر يحبيبتي حقك عليا وانا جمبك متخافيش والله مش هتتجوزي اسر وهرجعلك عمر
زينب بدموع ربنا ميحرمنيش منك يحبيبي المهم دلوقتي عمر يرجع ودي بنسبالي بلدنيا طمن قلبي عليه ارجوك يا سيف والله حاسه هموت من الخوف
سيف تنهد بوجع وتابع هرجعهولك وهتتجوزيه والله اهم حاجه ادعي كتير انتي بس
زينب بدموع بكلم ربنا كل دقيقه والله ويارب يستجيب
سيف بحب يارب يحبيبتي يلا هقفل انا وانتي امسحي دموعك واهدي متبينيش حاجه ابوس ايدك محدش هيقول كل ده لو اتعرف انك بتحبي واحد غير اسر او حسوا انك مجبوره على الجواز هيقولوا عليكي كلام مش هقدر اسمعه ففكري ان سمعه عيلتك كلها هتتبهدل الناس ملهاش الا الرغي يا زينب فمتبينيش انك مغصوبه على الكلب ده نهائي واكيد عمر بيدور على دليل ضد اسر غير اللي انتي عايزه تحكهولي انه ازاي عمر لو لاقيناه هيقدر يوقف الفرح فعلشان كده مش لاقينه باذن الله يكون بيدور فمشي بسرعه ونسي حاجته متخافيش عليه
زينب بدموع حاضر يحبيبي متخافش مش هبين حاجه انا فاهمه طبعا متقلقش ويارب فعلا يكون كلامك صح ونلاقيه بسرعه يا سيف يارب وعيطت بصمت
سيف بحب يارب يحبيبتي يلا باي
زينب باي
وعيطت بانهيار وحطت ايديها على بوقها بوجع
(( لانها عارفه ان عمر لقى الدليل وبعده اختفى وعايزة تقوله انها شاكه ان اسر خطفه بس مش عايزة تتسرع لان مفيش دليل ضد اسر قدام الناس وسيف هيجي يضربه ويتهمه من غير دليل واضح والكلام هيكتر عليها ان ليه اصلا اسر يخطفه وفي بينهم ايه يوصل لكده ففكرت انها تعرف بنفسها من اسر عمل لعمر ايه انما مش هتقول لسيف عليه ))
ودخلت ياسمين واكملت بحزن ها لسه معرفش حاجه عنه
زينب بدموع هزت راسها ب اه
نور دخلت لانها كانت عرفت من شهد وتابعت بدموع حقك على راسي بس دلوقتي طنط نرمين عايزاكي فمضطرين ننزل وباذن الله ربنا هيفرح قلبك ومش هيخذلك ابدا
زينب بقهر ودموع يارب يانور يارب بجد
وشهد مسحتلها دموعها بحزن وخدوها ونزلوا وسط الناس في شقه جدها كان الكل متجمع والاغاني شغاله بصوت عالي جداا
ثريا بفرح اهي نورت عروسه الغالي ايه القمر ده يا بت يا زينب
والستات زغروطوا بفرح
زينب ابتسمت بضيق وقعدت في مكانها وسكتت
ثريا بستغراب مالها يا ام سيف هو حد مضايقها ولا ايه
نرمين بحرج لا طبعا ازاي ده تلاقيها متوتره عروسه بقى يا ام اسر مالك هنكون مضايقينها ازاي بس ده احنا كلنا فرحانين بيها
صافيه بحب قومي يا زينب علشان ترسمي الحنه اللي انتي عايزاها جوه في الاوضه
زينب بضيق مش عايزه يا تيته انا مبحبش الكلام ده لما بتبقي قربت تروح شكلها مبيعجبنيش واصلا بطلت ومحدش بيعملها دلوقتي
ياسمين اه انا معاها في الراي مبقاش حد بيعملها فعلا بلاش منها يا تيته احسن
عايده بحب خلاص على راحتها بس قومي انتي والبنات كده ارقصوا وافرحوا دي حنتك و اخر ليله ليكي هنا انهارده
زينب بحده ودموع ماقولت مش عايزه اتنيل واعمل اي حاجه اصلا هو بلعافييه ????
ياسمين اتصدمت من طريقتها واكملت بتوتر وضحك مصطنع خلاص يحبيبتي محدش بيجبرك كفاياكي توتر هو انتي اول واحده تتجوز اهدي يا عمري
نرمين بحده انتي ماالك يابت في ايه هي قالت ايه مرات عمك لكل ده
زينب بتنهيده عميقه :مقالتش انا اعصابي تعبانه شويه
واسر طلع يحط الحاجه السقعه على الارض واكمل امسكي يا ام سيف الحاجه اللي طلبتيها اهي
نرمين بحب انشالله يخليك ليا يا ابني تعبتك
والبنات كلهم بصوله بقرف مش طايقينه فاكملت شهد بهمس انشالله ياخده ونريح كلنا يارب
نور وياسمين رفعو ايديهم واكملوا : اللهم امين يارب
زينب بجمود اسر من فضلك عايزه اتكلم معاك شويه
البنات استغربوا فاكمل اسر بحب ومالو يحبيبتي عيوني وبص لنرمين وتابع عن اذنك ياما هتكلم معاها شويه
نرمين بحب روح يا ابني دي هتبقى مراتك خلاص
اسر بحب تسلمي ياست الكل ودخل اوضه تانيه جمب الصالون وزينب دخلت وراه وتابعت بسخريه لا بس حلو اوي دور الادب والاخلاق اللي عمال تعمله قدامهم ده لا حقيقي برافو وبصراحه متفاجئتش اصل انت زي الحربايه بتعرف تتلون حلو اوي وسقفت بايديها
اسر بابتسامه ولسه بلوقت هتكتشفي حاجات تاني وهعجبك اكتر
زينب بضحك اهو ده بقى اللي بيسموه عشم ابليس في الجنه
اسر برفعه حاجب مالك يا زينب في ايه ما تتظبطي
زينب بحده لا ده هي دي الحقيقه وانا وانت عارفين اني مش بقبلك فا كفيانا بقى استعباط على بعض علشان انا جبت اخري خلاص وهي كده كده حياتي خربت
اسر والمطلوب ???
زينب بدموع حبيبي فين يا اسر ??
اسر بحده افندم ??? قولتي ايه ???
زينب مسكته من قميصه واكملت بعصبيه ودموع بقولك حبيبييي فييين اااه حبيبيي وانت عااارف كويس اوووي اني محبتش حد غيررره ومن كتر ما بحبه وديت نفسي في دااهيه مع واااحد زباله زيييك ومسمعتش كلااامه خليك رااجل وقولي مكانه وعملت فيه ايييه
اسر بعصبيه انا راجل غصب عن اهلك نفر نفر وهعرفك ازاي تبقي بجحه وتقولي على راجل تاني قدام اللي هيبقى جوزك كده
ورايح يضربها بلقلم مسكت ايديه واكلمت بعصبيه ودموع ده في احلامك انك تضربني تاني او اتجوزك كفايه اوي اللي عمر هيعمله فيك بسبب القلم الاولاني انا زينب الرفاااعي يا حيوان زينب الرفاااعي اللي رجاله البلد كلها تحلم بنظره مني بس .. ده انت كده خدت اكبر من حجمك بكتير ان اتقال اني هتجوزك قدامهم بس ده مش هيحصل ولو اخر يوم في عمري انت فاهم
اسر مسك دراعها جامد واكمل كلها بكررره بس وانا هعرفك مين اللي حيوان وهوريكي هعمل فيكي ايه على قله ادبك دي يا بنت الرفاعي وابقي وريني عمر بتاعك ده هيعمل ايه ساعتها ده تلاقيه هرب وسابك وجايه تلبسيها ليا تقريبا مش مستوعبه انه طلع خاين وغدر بيكي
زينب عصبيه ودموع انا اخون نفسي ولا اخونش عمر .. عمر ده نورعيني وحب عمري ومستحيل يهرب ويسبني مستحييل انت اللي اكيد راقبته وعرفت انه خد دليل ضدك يا تاجر السلاح يا مجرم فعملت فيه حاجه بس قسما بالله يا اسر لو مطمنتنيش عليه انا هخرب الدنيا فوق راس اللي خلفوك ومش هسكت
اسر بضحك ولا هتعرفي تعملي اي حاجه هاتي اخرك ووريني كده هتقولي وتعملي ايه انا واقف اتفرج اهو وابقي قابليني لو حد صدقك بس عايزك تبقي جامده وبتردي على اللي هقوله عليكي لو فكرتي تتهميني كده قدام الناس ولا تقولي عني حاجه
زينب بصتله بكرهه واكملت : متفكرش علشان انت خدت عمر مني اللي هو مصدر قوتي هقع وانهار تحت رجليك واترجاك واخليك تذلني بلعكس انا بنت ب 100 راجل اتربيت وسط رجاله واحد منهم ظابط شرطه والتاني ظابط جيش وعارفه اوي يعني ايه قلب اقوى من الحديد من اللي شوفته في اخواتي عمرهم ما خافوا ولا هابوا حد ويوم ماحبيت حبيت نسخه تانيه من سيف في شجاعته وقوته وحبه لبلده فمش زينب الرفاعي اللي تضعف يا اسر انا حبيت واحد هتجوزه واعيش من غيره اغلبيه الوقت وهعتمد على نفسي في غيابه من بيت لاولاد لمسئولياات فتبقى غلبان اوي لو فاكر غياب عمر هيضعفني بلعكس هقوى اكتر وهحط عيني في عينك ومش هتكسر ده اللي اتعلمته من اخويا وحبيبي وانت اه روحي في ايدك لانك ماسك عليا نورعيني واغلى حد عندي بس والله ما هضعف ولازم عمر يرجع يلاقي حبيبته قد التجربه اللي كانت فيها ويعرف انها يعتمد عليها تكون مرات ظابط جيش وتشيل مسئوليه من غير مايخاف عليا لاني هقعد من غيره بلشهور فانت اه اتجرأت وخدت عمر مني واحييك جداا واقولك عاش انك قدرت تعمل كده لانك قلبك ميت اوي انك تخطف النقيب عمر عزيز الهواري بس متزعلش لما يرجع ويردلك االقلم عشره ويهينك ويجيب حقي وحقه منك قدام الكل فالو منتظر مني اني اترجاك تبقى غلطان ده انا هقوى اكتر وانت اللي هتترجاني اخليه يرحمك ومش هخليه يرحمك هي بس مسأله وقت وانا ولو اضطريت اقتلك علشان يرجع هعملها ده عمر يا اسر ولما الموضوع بيتعلق بعمر ببقى زي القطه اللي بتخربش اي حد يقرب لعيالها علشان كله الا عمر يحيوان
اسر بابتسامه لا حلو اوي عجبتني اللقطه دي ..تعرفي واخده منه ايه تاني غير شجاعته وقوته ?? روح الحماس اللي عنده وضحك وتابع انتي وهو نفس الطموح بلظبط بس معلش كلها بكره وتفوقوا من الحلم سوا
زينب بعصبيه اخلص وقولي عمر فيييين وعملت فيه ايييه يا اسررر
اسر بضحك هوريكي بس مش علشان خايف منك والكلام الاهبل اللي قولتيه ده لا علشان تقللي روح الحماس اللي عندك شويه زي ماهو اتعدمت منه خالص وتسكتي لحد مانخلص الفرح وبعدها هسيبه يعيش حياته وفتح الفون ووراها صور ليه وهو مربوط في العمود ودماغه متعوره (( رجالته كانت بعتاها ليه ))
زينب اتصدمت ودموعها نزلت بصمت واكملت بوجع عمرر
اسر شال الفون واكمل بتمثيل لالالا مقصدش اعيطك اوي كده حقك عليا اخص عليك يا اسر اخص حد يعيط عروسته يوم حنتها بلشكل ده. ورايح يحضنها
زينب بعصبيه ودموع ابعد عني يا حيوان ومتفكرش مجرد تفكير تقرب مني ومسكته من قميصه خبطته في الحيط واكملت والله العظيم تلاته وحياه حبي لعمر لهندمك على اللي عملتوا فيه ده يا حيوااان عملك ايييه علشان تفتح دماااغه كده ياللي ربنا ينتقم منككك
اسر بضحك بس بس اهدي مش كده صحتك يحبيبتي كل الحوار الحماس والطموح عنده كانوا عالين اوي زيك كده فقولت اديله ضربه يمكن تفوقه لا اكتر ولا اقل
زينب بعصبيه يحيوان يا زباااله ولفتت نظرها اللازقه اللي حاطتها على دماغه فاكملت بشماته وطبعا دي رد سياده النقيب عليك حتى وهو مربوط مش كدده وشدت اللزقه جامد فصرخ اسر بوجع وتابعت بابتسامه شامته: من واقع خبرتي كممرضه دي اكبر واعمق واجمد بكتيير تسلم راسك يا حضره الظابط والله
اسر بضحك اه هو انتي فعلا ممرضه شاطره هي اعمق واكبر بكتير اه بس مش علشان بيرد عليا ده علشان قولتله ان هو خد قلبك بس انا ميهمنيش قلبك وهاخدك انتي نفسك فمستحملش فكره قربي منك وضربني فانا مش زعلان منه معزور وحقه والله لسه مش مستوعب فكره انك لحد غيره بس معلش بلوقت هيستوعب ...اه لو كنتي سمعتي كلامه يا زوزا مكنش حصل كده بس نعمل ايه غبيه بس والله بحبك انتي وغبائك
زينب كانت مصدومه من كلامه وقلبها وجعها اوي وحست انها فعلا السبب فكل ده والسبب ان اسر يقف يستفز عمر بيها ويوجعه ويخليه يغير بلشكل ده فدموعها نزلت بغزاره بصمت وهي سرحانه
اسر تؤ تؤ تؤ مبحبش اشوف دموعك يا زوزتي لو كنت اعرف ان انا لما اخلي حد يتسنط عليكم ويعرفني خطتكم هتعيطي وروحك تبقى مش رياضيه كده كنت مبعتوش بس علشانك مش علشان ابن عزيز اصل انتي دموعك غاليه عليا اوي
ورايح يمد ايديه يمسحها فبعدت زينب وفهمت ان الساعه كانت بتاعت حد من رجالته واكملت بدموع وبحده قولتلك متفكرش تقرب مني غور من وشي مش عايزة اشوف وشك
اسر رايح يتكلم فاكملت بعياط وعصبيه بقوووولك غووور انت مبتفهمشش
اسر بضحك طالع طالع خلاص بس اخر كلمتين هقولهملك اتعدلي كده وامسحي دموعك واتقبلي اني كلها بكره وابقي جوزك ولو مستنيه امل ان عمر يرجع فاتبقي بتحلمي لان انا بهدده بسلمى اللي ساعدته ضددي لو رجع او فكر يوقف الفرح هخلي رجالتي يعتدوا عليها وهو اكيد مش هيخلي البنت تتأذي بسببه ولو انتي هنا فكرتي تعملي حاجه ولا تقولي لسيف هخلص عليه هو هناك وكده كده محدش هيعرف مكانه وبصلها بسخريه وتابع عن اذنك يا عروسه وطلع
زينب بعصبيه ودموع اااه يا ابن الكلب يا مرريض هو الزباله ده جنس ملته ايييه هو مبيحسششش???? مبيفهمشش??? مفيش حد بيجبر حد كده ده حقيقي عايز يتعالج ومريض وقعدت بانهيار على الارض وتابعت اعمل ايه منك لله يا اسر منك لله وانا اكتر واحده غلطانه واتلام حقيقي وعيطت بشده وخرجت لقيت الكل متجمع ومشغالين الاغاني وهي في عالم تاني ودايخه اوي ومش بيجي في بالها غير شكل عمر وهو مربوط على العمود ومتعور وافتكرت تهديدات اسر ووقعت مغمى عليها قدام الكل
« غموض الحب »
البارت الثاني وعشرين
الكاتبه /Lola
وزينب وقعت مغمى عليها قدام الكل
نرمين بخوف جريت عليها واكملت زينب بت يا زينب مااالك فيكي ايه انتي ياابت ردي علياا متوقعيش قلبي
شهد بخوف راحت وفضلت تخبط على وشها وتابعت بدموع زينب انتي كويسه يحبيبتي ردي علياااا ...زينب ابووس ايدك ردي عليناا وفضلت تهزها علشان تصحى
نور طفت الاغاني واكملت بخوف وهي بتوطي جمبها يجماعه حد يشيلها معانا زينب ... زينب ارجوكي انتي كويسه
ثريا بصت لابنها وتابعت بخوف تعالى يا اسر شوف عروستك مالها وقعت فاجاه من طولها يحبه عيني
اسر اوعي ياما اوعي هتسيبوها على الارض كده يعني
مازن كان نازل فاكملت ياسمين بحده ودموع اوعى انت كده ابن عمها يشيلها مازن تعالى بسرعه شوف زينب
مازن دخل الشقه واكمل بصدمه ليه مالها زينب ???
نرمين وشهد وسعوا ليه فتابع بخوف وسايبينها واقعه كده انتوا اتجننتوا ووطى شالها بين ايديه وتابع بحده لاسر اوعااا .. اوعاا من وشي كده عايز اعدي
اسر خد جمب فمازن دخل بيها الاوضه وحطها على السرير براحه وتابع بحده عملتوا ليهاا ايه يوصلهااا لكده ماقولنا طلما مش عايزاااه خلاص هو بلعافيه
وياسمين فكت طرحتها من عند الرقبه شويه علشان نفسها واكملت بدموع الموضوع ده من اوله لاخره غلط ده حقيقي
مازن بحده تقوم بلسلامه ولو قالتلي مش عايزاه هطربقها على دماغ اللي خلفوهم انا هستنى تروح مننا ولا ايه
واسر دخل واكمل بحده لم نفسك وحط لسانك جوه بوقك محدش اجبرها توافق هي من نفسها اللي قالت راضيه بيا
مازن بعصبيه انت يالا ايه اللي دخل اهلك الاوضه هي مش زينب نايمه وطرحتها اتفكت شويه ولا انت كتبت عليها كمان منا عايز افهم بس ????
ثريا بستغراب من عصبيته: في ايه يا مازن اسر قلقان على زينب دي خلاص كام ساعه وتبقى مراته محصلش حاجه لكل ده يعني مش وقته خناق ياابني
مازن بعصبيه لا حصل كتيير الاصول مبتقولش ان يدخل وهي نايمه وياسمين فكت طرحتها انا يا ابن عمها لما شوفت كده لفيت وشي من عليها وهغور اطلع برا هي مش فرجه كله داخل الاوضه وشاور على الباب وتابع بعصبيه غور اطلع بقى وهنطمنك لما نعرف مالها
شهد دخلت واكملت بدموع انا خليت احمد يروح يجيب دكتوره هناء هنا
مازن بتنهيده كويس جدعه عرفتي تتصرفي بسرعه الواحد دماغه مش فيه حقيقي وقعد على الكرسي وتنهد بعمق
ثريا طب معلش يا ابن هنقعد ومش هخليه يبص عليها بس علشان نطمن حقك عليا انا
مازن بتنهيده وهو لو خرج يعني والدكتوره مشيت وطلعنا طمناه هيحصل ايه
اسر ببرود لا معلش هقعد لحد ما اطمن عليها بس مش هبص اصل الاصول اصول بردو
مازن نفخ بضيق وسكت ودقايق وجات الدكتوره فتابع احمد ايوه هنا اتفضلي يا دكتوره
فاكمل مازن بحده طب يلا نطلع لحد ما تكشف عليها ولا دي كمان فيها نقاش ??? ومسكه من قميصه وتابع وهو بيخرج بيه يلا يحبيبي يلا مش حفله هي
وخرج بيه واحمد وراهم وقفل باب الاوضه
ياسمين كانت كاتمه ضحكها بلعافيه من طريقه مازن وهو بيخرجه وبصت لزينب وابتسامتها اختفت بحزن عليها فباست جبينها واكملت في سرها ربنا يهدي نار قلبك ويريحك يارب ينورعيني
والدكتوره بدات تكشف عليها وسط قلق نرمين وعايده وصافيه والبنات ولقيوا الباب بيخبط ففتحت شهد لقيت جودي
جودي بخوف ايه مالها زينب فيها ايه سمعت انها اغمي عليها من الستات اللي جايه تبارك
شهد بهمس وحزن خشي الدكتوره لسه بتكشف عليها
جودي دخلت وقفلوا فاكملت بقلق مالها يا طنط حصل ايه فاجاه كده
نرمين بدموع والله ما اعرف يابنتي وقعت فاجاه من طولها
جودي بقلق طب انشاء الله يطلع توتر زياده علشان فرحها خير باذن الله
ياسمين بضيق والله لو يتلغي او يتاجل يبقى احسن
عايده بتنهيده مبقاش ينفع يابنتي خلاص كل حاجه جهزت والناس عرفت
جودي بحزن بختها قليل علطول زينب حتى يوم مافرحت يحصلها كده
ياسمين بضيق جودي اسكتي هنتكلم بعدين وهتبقي رايك من رايي انتي متعرفيش حاجه
نرمين بستغراب متعرفش ايه يعني مش فاهمه
نور بتوتر تقصد ان زينب كانت رافضه وفاجاه رضيت والفرح جيه فاجاه فكل دي تفاصيل جات ورا بعضها ضغطتها فمفروض صح كانت ترتاح بس مش اكتر
نرمين بتنهيده حزينه واهو اللي حصل حصل خلاص كلها بكره وتتجوز وترتاح في بيتها بس نطمن عليها دلوقتي اهم حاجه
الدكتوره بتنهيده البنت جالها انهيار عصبي ايه يوصلها للمرحله دي ???
كلهم اتصدموا وصافيه شهقت وتابعت اييه وده هيجيلها من ايه ده كمان
نرمين بخوف ودموع يعني ايه يا دكتوره هي كويسه صح ?? بنتي كويسه ?? ابوس ايدك طمنيني
الدكتوره بتنهيده مكدبش عليكي البنت اعصابها تعبانه اوي والضغط وطي جداا وهعلقلها دلوقتي محلول ولازم ترتاح في السرير ومنا لبكره انشاء الله تتحسن
ياسمين تنهدت بحزن وتابعت ده فرحها بكره يا دكتوره
الدكتوره بستغراب وايه يوصل عروسه للمرحله دي من التعب النفسي لو ضاغطين عليها في اي حاجه خفوا من عليها شويه صحتها بلدنيا ده مش منظر واحده فرحانه بجوازها
نرمين بدموع ينورعيني يابنتي وعلى بختك وقعدت جمبها من الناحيه التانيه وباست جبينها وتابعت بدموع لو مش عايزه تتجوز دلوقتي هاجل المهم صحتها
ياسمين بلهفه اه ياريت يا مرات عمي بجد تبقي عملتي الصح والله
عايده بس يا ياسمين انتوا اتجننتوا ده كلها كام ساعه خلاص هنقول للناس ايه مينفعش طبعا يا نرمين انا عارفه قلبك واكلك على تعب بنتك بس فعلا مينفعش ده كلام رجاله مينفعش نرجع فيه
نرمين بدموع والبت تعبانه طيب هجوزها ازاي بلوضع ده
الدكتوره وهي بتركب لزينب الكانيولا تابعت انا رايي استني لبكره وشوفيها هتقدر ولالا وممكن تكتب كتابها وتروح علطول بس علشان فعلا هتلاقوا 100 علامه استفهام لو معملتوش الفرح بكره عن اذنكم ربنا يطمنكم عليها يارب
نرمين بدموع يارب يادكتوره تسلمي تعبناكي
وطلعت الدكتوره وتابع مازن بحمحمه احمم احم
ففهمت ياسمين قصده وغطت زينب ولفت الحجاب حلو
ومازن واحمد واسر دخلوا
احمد بقلق ها مالها زينب
شهد بدموع انهيار عصبي وضغطها واطي اوي وعلقتلها محلول اهو هنشوف منا لبكره صحتها وصلت لايه
احمد نفخ بضيق وتابع انا بجد مش عارف اقول ايه لا حول ولا قوه الا بالله وقعد بضيق واضح
مازن بتنهيده طب وده منظر واحده هتقدر تتجوز بكره ???
اسر لو مقدرتش نكتب علطول وخلاص
احمد بحده انا عايز اعرف انت مستعجل علي ايه هي هتطيرر
اسر بحده انت مالك انت اصلا بلموضوع حد خد رايك
احمد قام مسكه من قميصه واكمل بعصبيه مالي ايه يحيوان يا زباله انت عبيط يلاا ولا ايه زينب دي زي نور بلظبط وقسما بالله انا لو بايدي مجوزهالكش اصلااا انت مين انت علشان تناسب عيله الرفاعي اسااساا
اسر بعصبيه منا ممكن امسك فيك وعهد الله وما اسيب فيك حته سليمه بس انا عامل احترام للناس اللي واقفه فاحترم نفسك معايا احسنلك يا احمد
مازن شده من احمد وتابع بضحك ده على اساس ايه ياروح امك ان انا هسمحلك تمس شعره منه مثلا ???
عايده بحده بس يا مازن خلااص عيب انت وهو ده في بيتنااا
مازن بعصبيه انتي مش سامعه قله ادبه انا مش عارف ماسكين فيه على ايه بلااا قرررف بس كله الا اخويا يا روح امك ده خط احمر و ولا انت ولا عشره زيك يقدروا يعملوا معاه حاجه
اسر مسك مازن من قميصه وتابع بعصبيه انا مبخافش من حد وقسمااا بالله يا مازن كلمه كمان ومش هعمل احترام لحد خاالص علشان انت و اخوك زودتوهاا اوي
ياسمين بخوف مازن .. مازن سيبه خلاص مش عايزين مشاكل علشان خاطري
مازن بعصبيه ده على اساس ايه انا اللي هخاااف منه مثلااا ده لا هو ولا اهله يقدروا يعملموا معانا حاجه وريني اخرك مش هتعمل احترام لحد ازاي
احمد رايح يمسك فيه فمسكته شهد لانها خايفه يضربه جامد وتيجي ناحيه قلبه فتابعت بدموع وخوف : علشان خاطري متدخلش وسيبك منه ابوس ايدك مش ناقصين مصايب كفايه بنت عمك اللي تعبت ومش قادرين نطمن عليها لحد دلوقتي اعملي خاطر يا احمد ارجوك
عايده بحزن اسمع كلامها يا ابني بنت عمك خايفه عليك كفاياكم يا مازن ارجوك يا ابني الواحد اعصابه خلاص مبقتش مستحمله و فينا اللي مكفينا اختصروا اسر خالص ومالكوش دعوه بيه اعتبروه مش موجود ومتخربوش على زينب دي اختكم
احمد تنهد بحزن وقرب شهد ليه وباس راسها وتابع خلاص اهدي متعيطيش مش هكلمه علشانك والله ومسح دموعها فشهد ابتسمت من بين دموعها وتابعت ربنا يخليك لينا يارب وانت كمان يا مازن سيبه علشان خاطري
مازن زقه بضيق وراح قعد على كرسي بعيد عنه وهو متعصب جداا من اللي بيحصل لزينب من ورا اسر فبص لياسمين فهمستله علشان خاطري خلاص فتنهد بعمق وسكت بضيق
ثريا دخلت وتابعت مشيت الناس يا نرمين قولتلهم خلاص علشان البت تعبانه فكفايه كده انهارده قالت ايه الدكتوره لما جات
نرمين بتنهيده انهيار عصبي وضغطها واطي اوي
ثريا بصدمه يامورك يابنتي وايه يوصلها لكده حصل ايه يا اسر ما كانت بتتكلم معاك وزي الفل قبل ماتقع من طولها
اسر اتصدم بسؤال امه ((وهمس لنفسه لييه يا امي ده هما مخدوش بالهم من الموضوع ده تقومي تفكريهم انتي))
فاكمل مازن بضيق ولما هي كانت زي الفل وبتتكلم معاك قبل مايغمى عليها زي ما امك بتقول يا اسر باشا ايه يوصلها للانهيار العصبي علشان نفهم بس ????
احمد بضيق : ايوه صح قولتلها ايه انت بقى يوصلها لكده ???
اسر بتوتر لا هي كانت بتكلمني عادي على تفاصيل الفرح هنكون قولنا ايه يوصلها لكده يعني مستحيل انا حقيقي معرفش مالها زيي زيكم اصل بلعقل واحده عايزاني وعايزها وهي قدامهم اللي طلبت مني نتكلم سوا فهكون قولت ايه يتعبها مش فاهم
شهد وياسمين ونور عارفين انه كداب وفهموا ان قالها حاجه على عمر فعينهم دمعت بصمت وحزن عليها
جودي بحزن ربنا يطمنا عليها يارب زينب متستاهلش كل التعب ده ... والله صعبانه عليا اوي
نرمين بحزن يارب يابنتي يسمع منك ربنا
ودقايق وزينب ابتدت تفوق وهمست بصوت منخفض جدا وتخريف عمر .. عمر انا .. بحبك وعينيها دمعت وتابعت بنفس الصوت انا اسفه يحبيبي انا السبب و
ياسمين قاطعتها بخوف لانها سمعاها علشان قاعده جمبها واكملت وهي بتحضنها بس بس يحبيبتي انتي صحيتي ??? زينب انتي صحيتي صح فوقي كده ابوس ايدك
زينب فتحت عينيها ببطئ وتابعت بدوخه وتعب ااه دماغي مش قادره
نرمين بدموع مالك ياقلب امك انتي كويسه ??
زينب هزت راسها ب اه ببطئ وتابعت كويسه .. كويسه متخافيش
اسر بابتسامه حمدلله على سلامتك يحبيبتي
زينب شافته اتعصبت كانت عايزه تقوم تطلع كل غلها منه فيه بس كتمت مشاعرها وغمضت عينيها بقهر وعيطت بصمت فياسمين حضنتها وطبطبت عليها بحزن واكملت بس بس اهدي علشان خاطري
مازن قام وقف وراح عندها وتابع اوعي يا مرات عمي ثواني
نرمين قامت فقعد مازن جمب زينب ومسك دراعها وشدها من حضن ياسمين وتابع بحده عملك ايه يوصلك لكدده يا زينب ???
زينب بدموع قصدك ايه يعني مش فاهمه
مازن بعصبيه لا انتي فاهمه قصدي كويس اوي فمش عايزين نستعبط على بعض قوليلي عملك ايه وانا قسما بالله لو طلع اسر اللي ورا كل اللي انتي فيه ده مش هجوزك ليه لو اطبقت السما على الارض
زينب بصت لاسر بخوف لانه كان بيقرب ناحيتها وبتستخبى منه في مازن على قد ما تقدر فتابع اسر بخبث قوليله يحبيبتي لو انا فعلا عملت حاجه قوليله ومفيهاش اي مانع لو كل واحد اتعاقب على افعاله لو غلط دي الاصول ومفيهاش نقاش
زينب فهمت انه بيهددها لو غلطت وقالت هيعاقبها على افعالها وهيأذي عمر فاكملت بعياط وعصبيه شديده : معملتش يااا اسررر انت معملتششش انا اللي تعبانه و اوڤر ومحدش ياااخد علياااا ابووس ايدييييكم
شهد عيطت من شكلها وحطت ايديها على بوقها بقهر لانها فهمت عملت كده ليه
نور بدموع ووجع جماعه خلاص محدش يضغط عليها هي كويسه ده توتر عادي وطبيعي علشان هتتنقل لحياه جديده كفايه ارجوكم خلاص
مازن بعصبيه افهمي انا خايف عليكي متخليهوش يخوفك انا في ضهرك واخوكي يا زينب واخواتك الكل بيعملهم الف حساااب لا اسر ولا مليون زيه هيعملوا قصاااد عيلتنا حاجه فانطقي وقولي عملك ايه ومتخاافيش
زينب بعياط وقهر : افهمني انت انا حياتي متعلقه في اسر اقسملك بالله لو متجوزتوش فعلا هموت بحسرتي انا بس اللي اعصابي تعبانه شويه وعارفه انك خايف عليا ده انت اخويا يا مازن وياما شيلت همي زي نور واحمد بلظبط وابتسمت بقهر وتابعت متخافش على اختك انا محدش بيقدر يجبرني على حاجه انا هتجوزه بمزاجي علشاان فعلا حياتي في ايده فاهمني
نور وشهد وياسمين بس فهموا تقصد ايه وكانوا موجوعين علشانها جدا وبيعيطوا بصمت فاكمل مازن بحزن نفسي افهمك يا زينب انا مفهمتكيش ومش قادر افهمك كلامك بيعكس نظره عينك المقهوره والتعبانه وشكلك ده انتي خسيتي ووشك بهت مش انتي زينب بنت عمي لالا في حاجه غلط انا مش قادر افهمها
زينب بابتسامه حزينه مفيش اي حاجه انت بس قلقان زياده ولو على شكلي فا ده اجهاد من اللي بعملوا الفتره دي علشان الفرح جيه بسرعه بس انما مفيش حاجه متخافش
احمد بحزن عليها لانه شايف زي مازن انها مقهوره ومش فرحانه : زينب انتي فعلا عايزه اسر وراضيه بيه متاكده ???
زينب هزت راسها ب اه وبصت لاسر وتابعت بوجع وقهر ايوه يا احمد عايزاه اصل اسر عمل معاايا مواقف كتير حلوه فيستاهل اكون معاه واردله كل ده القيراط ب 24 قيراط فالازم اول خطوه اللي هنعملها بكره دي
اسر بابتسامه مفيش بينا كده يعمري احنا واحد
زينب بابتسامه طبعا اومال
احمد ومازن مكانوش فاهمين كلامهم وحاسين ان في حاجه غامضه في الموضوع عكس البنات كانوا فاهمين وموجوعين جدا الا جودي طبعا كانت مستغربه بردو
فاكملت نرمين بحب يعني يابنتي هتقدري تقومي على رجلك ولا ايه
زينب فكرت تاجل شويه فعلا بس قاطعها اسر لما قال ااه طبعا انتي مش شيفاها زي العسل اهي ولسه بكره هتبقى احسن كمان وبصلها بخبث وتابع ولا ايه يا زوزا
زينب بقهر والدموع متحجره في عينيها اه زي ما احنا بكره يا ماما انا كويسه
ثريا بفرح طيب على البركه يا بنتي ربنا يتمم فرحتكم على خير يارب
مازن بتنهيده براحتك يا زينب انا قولتلك رايي ودي حياتك
وطلع واحمد خرج وراه فتنهدت زينب بحزن
فتابعت صافيه بحب طب روحي يابنتي اطلعي اوضتك ارتاحي وخدي البنات معاكي الليله دي اقعدوا مع بعض
زينب هزت راسها ب تمام وسكتت فاكملت نور بحب طب يلا يا ياسمين يلا يا شهد ساعدوني نشيل سناده المحلول ونسند زينب ونطلع فوق وانتي كمان يا جودي اقعدي معانا
جودي بحب ما هقعد طبعا علشان نودع زوزا في اخر يوم ليها هنا
زينب دمعت فتابعت ياسمين بضيق هشش اسكتي خالص مش وقتك يلا نطلع الاول بس
وبلفعل طلعوا وقعدوا زينب في سريرها وقعدوا حواليها ومسكت زينب الفون تكلم سيف بس مكنش بيرد
شهد بحزن طب اهدي شويه طيب وريحي
زينب بدموع اهدى ايه يا شهد اهدى ايه ده اللي منه لله رابط عمر بحديد في عمود وضاربه في دماغه ياشهد وعمر تعبان لوحده اصلا
جودي بصدمه نعم انا مش فاهمه حاجه ??!!!!
ياسمين بصدمه الله يخليكي ما وقته صدمات اهدي دلوقتي كده علشان اعصابي تعبت واتوترت وبصت لزينب وتابعت بتوتر انتي بتقولي ايه يا زينب اسر عمل فعمر كده بجد ???
نور بدموع يمكن بيضحك عليكي ايش عرفك انه صادق يعني ده مجرم وحيوان
زينب بدموع وعلشان مجرم وحيوان فيعملها عادي وللاسف وراني صوره عمر يعني مش كداب
شهد بدموع يحيوان يا زباله ده بجد انا مش عارفه اعبر عن صدمتي بكلام وحاسه بيكي والله مفيش كلام هيوفي خوفك ووجعك بس ادعي ربنا كبير وقادر
زينب بقهر ودموع حياتي ادمرت خلاص عمر محدش يعرف مكانه ومش هيعرف يهرب من رجاله اسر ولو هرب هيأذوا سلمى اللي ساعدته ياخد دليل ضده فعمر حفاظا على البنت اللي ملهاش اي ذمب مش هيتحرك
ياسمين بدموع غصب عنه والله غصب عنه وعلى عينه ميتحركش عمر ميتزعلش منه يا زينب حقك عليا والله بس حقيقي مش هينفع يحاول دي فيها شرف بنت ملهاش ذمب
زينب بدموع ووجع منا عارفه مين قالك بعد اللي عرفته عايزاه يحاول عمر فعلا مينفعش يتحرك سلمى ملهاش اي ذمب دي خافت عليا وساعدته علشاني اكيد مش علشان عمر يجي ينقذني من اسر هدمر انا حياه بنت
نور بدموع ملهاش حل غير اننا ناجل الفرح من هنا ونتحجج باي حاجه لغايه مانفكر في حل
زينب ضحكت بقهر ودموعها بتنزل واكملت مكنش حد غلب يا نور وتنهدت بوجع وتابعت اسر زي ما ماسك سلمى تهديد على عمر فهو بردو ماسك عمر عليا وقالي لو حاولت اعمل حاجه واجل الفرح او حتى اعرف سيف هيأذيه
شهد قعدت واكملت بدموع لالا انا اعصابي تعبت واتوترت منك لله يا شيخ حسبي يالله ونعم الوكيل فيك يا بعيد ربنا ينتقم منك
جودي بصدمه انا قلبي واجعني من الكلام ايه كل الاحداث دي بتهزري صح انتي بعد كل ده هتتجوزي مجرم! !!!! ده انا خوفت منه من كلامك يا زينب اوعي تعملي كده اوعي
زينب بعياط وانهيار انا السبب يا جودي انا اللي وصلت نفسي لكده ده ماسك عليااا عمر ومحدش فيكم كلكم عارف يعني ايه عمر بنسبالي ده انا لو هموت روحي فدااه ومستحيل اسمح لاسر يأذيه وتقبلت واقعي خلاص اني لاسر مش لعمر وسيف لو فضل يدور عمره كله مش هيعرف مكان عمر ولا عمر ينفع يحاول يجي ولا انا ينفع احاول اوقف الفرح انا بقيت مضطره خلاص وده الامر الواقع
نور بدموع لالا اكيد ربنا ليه رأي تاني استهدي بالله مستحيل تتجوزي اسر لا
زينب بدموع مش هلوم ربنا لانه انا الوحيده السبب ربنا استجابلي يوم ما لقيت عمر بيحبني زي ما بحبه وبقينا سوا بعد صلاه سنين ان يحبني زي ما بحبه اللي بعد كده ده انا اللي اختارته واستغبيت فيه واديني بدفع تمن غبائي وحقيقي خلاص كل الطرق اتقفلت قدامنا حاولنا كتير وحاربنا كتير وعدينا بحاجات كتير بس النصيب غلاب انا دلوقتي بس فهمت يعني ايه اتنين روحهم في بعض والنصيب بعدهم عن بعض وكان ليه رأي تاني وعيطت بقهر وتابعت احنا مش لبعض يا نور ودي مكتوبه من فوق علشان كده مهما حاولنا نغيرها مش راضيه تظبط معانا ابداا
شهد بدموع زينب انتي ازاي فقدتي الامل اوي كده
زينب بقهر ودموع انا تقبلت الواقع يا شهد لان انا فعلا هكمل جوازي علشان اسر يسيب عمر مستحيل اسمح يحصله حاجه تاني بسببي حقيقي كفايه اوي كفاايه اذى ليه بسببي ده يتيم ولوحده ومالوش حد
ياسمين بدموع على اساس ان عمر مش هيتقهر اكتر لما يلاقيكي في حضن غيره ??? انتي بتفكري ازااي لالا هنلاقي حل بس مينفعش تتجوزي اسرر بعيداا عن اي حاجه ده مجرررم انتي اتجننتي
زينب بدموع ووجع وعلشان مجرم فانا عارفه انه هيأذي عمر لو مسمعتش كلامه وعمر هيتقهر اه زي منا هتقهر بس حياته بنسبالي اهم حاجه في الدنيا انا استاهل لان دي عواقب افعالي وبلنسبه لجوازي من اسر وهو شخص زباله كده ومجرم فمتخافوش عليا اسر عمره ماهيأذني لانه مريض بيا مش هقول بيحبني لان ده مش حب الحب اجمل واحلى وانقى بكتير من مشاعره المريضه والمتحكمه واللي عايزه كل حاجه تمشي على كيفها فعلشان مريض بيا مش هيأذيني
شهد بدموع متهيالك ده قدر يضربك بلقلم وهونتي عليه عادي هو اه مريض بيكي بس شهوه يا متخلفه زي اي راجل بنت دخلت دماغه وعايزاها يعني دي مشاعر حيوانات مش بشر بتعرف تحب او مهوسه بواحده لا ده لما يزهق منك وياخد اللي عايزه هيطلقك ويرميكي وهيشوف غيرك يحاربها لحد مايمتلكها ويكسرهاا ده مررريض انتي هتعملي في نفسكك ايه يا زيينب ارجوكيي فكري بعقل
زينب بقهر ودموع للاسف عندك حق وكل كلمه قولتيها صح بس انا مفيش قدامي غير الحل ده على الاقل عمر هيفضل بخير لان وجوده جمبي بيأذيه
جودي بحزن ربنا يطبطب عليكي وعليه ويجمعكم ويحصل حاجه تغير كل ده
زينب بتنهيده عميقه ويأس: اتمنى
شهد وهي بتمسح دموعها تابعت بحب طب ايه رايك بقى انك هتتجوزيه وهتشوفي
زينب ضحكت بدموع واكملت انا عايزه اشوف والله
شهد ابتسمت بحب واكملت تعالي بقى اعملك رسمه صغيره كده ونحتفل بحنتك بس على حضره الظابط باذن الله
ياسمين بحب انا بردو ده رايي نقعد مع بعضنا كده قاعده بنات و كده كده احنا هنام عندك انهارده ونرسملك حنه واخر اليوم نصلي كلنا سوا بيقين ان ربنا هيحلها
زينب بحزن يارب يسمع منكم بس وحياه عمر ماليا نفس لأي حاجه انا عارفه انكم عايزين تخرجوني من المود شويه بس حقيقي قلبي قايد نار عليه ومش هقدر اطلع ده من بالي مهما حصل انا قلقانه وهفضل كده وحتى سيف مش راضي يرد عليا يقولي وصل لفين وده علشان معندوش حاجه يقولها ومش عايز يخوفني
شهد بتنهيده حزينه : طبيعي هو سيف هيلاقيه فين ده تلاقيه داخ السبع دوخات والله بس متيأسيش عمر تحت رعايه ربنا اللي احسن من الكل ووالله ربنا هيحميه وهيرجعه لينا سالم باذن الله قولي يارب
زينب من كل قلبها بدموع: يارب يااارب ماليش غيرك يااارب ارجوك
جودي بحزن يارب يحبيبتي ربنا يطمنك عليه وسيف يجي باذن الله يكون معاه خبر حلو يارب يلاقيه بجد عارفه صعب بس بتمنى يمكن يعطر فيه مين عالم
زينب بدموع والله بتمنى فعلا يحصل كده هطير من فرحتي واصلا سيف قالي مش هيجي غير بعمر فاهو هيفضل يدور هو ويونس لان التلاته صحاب اوي من زمان ويروح اقرب فندق مكان ما وقف تدوير يريحوا شويه وينزلوا يكملوا فمش هيجي خالص غير بيه ده هيموتوا عليه زيهم زيي والله
ياسمين بحزن حقهم عمر طيب وابن حلال ومالوش غيرهم هنا وصحاب عمره وزيه زي اخوهم
نور بحزن ااه لو يعرف ان اسر اللي وراها
زينب بخوف اوعوا اوعوا حد قلبه يوجعه عليااا وتفكروا تعرفوا سيف اي حاااجه سيف لو عرف مش هيسكت غير لما يطلع روح اسر في ايده لحد ما يقول مكان عمر فين بس ساعتها منضمنش لما يقولوا ان هيفضل عمر بخير فارجوكم بلاش اصعب عليكم ابوس ايديكم سيف مش هيتفاهم ولا هيسكت
ياسمين بحزن لالا متخافيش مش هنعرفه حاجه والله
شهد بحزن محدش هيقوله حاجه والله اهدي
نور قعدت جمبها حضنتها وتابعت محدش هيقوله وخلاص متعمليش فيها تعبانه بقى هنحتفل بردو
زينب ابتسمت بتعب وباست جبينها واكملت انا مش قادره اتحرك احتفلوا وانا جمبكم اهو
شهد بحب عادي وماله هنحتفل وانتي قاعده وراحت جابت الحنه وتابعت تعالي اكتبلك اسم العريس يابت يا زينب
زينب بتنهيده حزينه وهو فينه العريس بذمتك
شهد بحب هيجي والله هيجي وهتشوفي ومسكت الحنه وتابعت يلا قومي غيري بس ويلا البسي بيجامه بدل الفستان اللي يخنق ده
زينب بتنهيده طب ساعدوني اقوم
ياسمين بحب تعالي يحبيبتي يلا وبلفعل قوموها وساعدوها تغير لبيجامه نص كم وبرموده ولموا شعرها في ضفيره طويله ونيموها تاني على السرير ترتاح فتابعت شهد بحماس يلا يا عروستنا نزلي تيشرتك شويه
زينب هتكتبيه فين مش فاهمه ??
شهد بحب الاسم بيبقى فوق تحت عضمه الترقوه عند مقدمه الصدر علطول
نور بضحك اه دي لسه قايمه من حصه الاحياء وجايه تتفلسف علينا
شهد بضحك الله ماهي اسمها كده صح اومال اقولها ايه يعني بس يابت اسكتي انتي وسبيني اركز دي ممرضه وفهماني
زينب بضحك طيب اخلصي ياختي اهو فشهد كتبت اسم عمر بلانجليزي بلحنه ورسمت قلبي وظللته في نهايه الاسم فكان شكلها جميل جدا
ياسمين بحب قمرر اوي بجد شكلها تحفه تسلم ايدك يابت يا شهد
شهد بحب تسلميلي يا روحي امسكي بقى تيشرتك يا زينب لحد ما تنشف
زينب مسكته وبصت للمرايه الدموع اتجمعت في عينيها وتابعت تحفهه بجد ايه القمر ده تسلم ايدك وعيونك يارب
نور بضحك الميكاب ارتيست بتاعتنا دي
شهد ابتسمت بحب واكملت حبايب قلبي تسلمولي ويارب اجهزكم كلكم وافرح بيكم مع اللي قلبكم اختاره اللهم امين
فقالوا وراها بحب وتمني : اللهم امين وابتسمت زينب والدموع في عينيها وتابعت والله مش بحب الحنه بس دي حقيقي جميله اوي اوي
شهد بضحك عدي الجمايل بقى علشان مكنتيش عايزة ترسمي شوفتي الجمال
ياسمين بحب اه بجد جميله حاجه رقيقه وحلوه بدل الفرح اللي بيعملوه فكل جسمهم ده
زينب بحب تسلمولي يا بنات ربنا ميحرمنيش منكم ابدا يارب وواقفتكم جمبي انا وعمر حقيقي مش هنساها ليكم عمري كله وانكم بتحاولوا تفرحوني ومش سايبني لدماغي كده
ياسمين بحب بس يا هبله انتي اختنا ده واجبنا تجاهك مش حاجه تذكر انها جِميله
شهد بحب بلظبط كده وخدي بالك غمزت وتابعت بضحك منتظره راي حضره الظابط فيها
البنات ضحكوا فاكملت زينب بضحك والله انتي مهزقه وعايزه تتربي
شهد بضحك الله اومال انا كتباها علشان مين مش علشانه هو يشوفها
زينب بضحك ويشوفها ازاي انشاء الله هو بكم ومقفول اللي هيتلبس قدامه اصلا
نور بضحك مثلي مثلي ميته في هواه قدامنا وماهتصدق تتجوزه اصلا وعايزة تعمل فيها القادره اللي هتطلع عينه
زينب ضحكت واكملت بمثل فعلا وابتسمت بحزن وسرحت وتابعت ده هو يبقى نصيبي بس وانا لو عايز عيني متغلاش عليه والله العظيم
البنات بحب وتمني : اللهم امين يااارب
وفضلوا قاعدين معاها طول الليل يهزروا ويحاولوا يخلوها تبطل تفكر شويه ولبسوا كلهم بجايم شبه بعض وفضلوا مع بعض اليوم كله وصلوا سوا في نهايه اليوم
----------------------------------------------
صباح تاني يوم « الفرح »
زينب واقفه بتكلم سيف في الفون فاكملت بصدمه اه يعني ايه بردو ???
سيف بتنهيده حزينه وتعب : يعلم الله قلبت الدنيا انا ويونس في حاجه غلط يا زينب احنا مستحيل نلاقي عمر ده كده موجود في مكان احنا مش عارفين نوصله نهائي ومش بيتحرك منه ده احنا بقالنا يومين جبنا اسيوط كلها اما اتهدينا انا مقهور عليه وعليكي اوي والله ومش قادر اجمع ممكن يكون فين وبيعمل ايه كل ده
زينب والدموع اتحجرت في عينيها اكملت يعني خلاص ?? خلصت مش كده ???
سيف غمض عينيه بحزن وتابع انا مش ساكت متنسيش ان ده اخويااا يعني بعيداا عن حكايتكم دي كلها انا مش هسيبه ومش هيهدالي بال غير لو رجعلنا بالف خير بس فعليا مش لاقيه لحد دلوقتي تقدري تفهميني بقى هتعملي ايه في فرحك ده ????
زينب بقهر لالا ولا حاجه هكمل عادي وانا راضيه واسر بيحبني متخافش عليا انت بس امانه عليك لما تلاقي عمر قوله يسامحني واني غصب عني ومتخليهوش يجي يحط عينيه في عيني يا سيف ارجوك مش هستحمل ومش هينفع ساعتها يكون في بينا حتى سلام وغمضت عينيها ودموعها نزلت بصمت
سيف بحده انا مش عارف اقول ايه والله العظيم انتي خليتي الواحد في نظر نفسه قد كده يامااا قولتلك بلااش يا زينب وانا في ضهرك ولو حصل ايه مش هسمح تتجوزيه بس ارفضي وقولي لا ده يبقى دافع ليااا اقول مش عايزااه واقف ضد الكل روحتي وافقتي معرفش ليه ولو حتى علشاان عمر كنتي تقدري تقوليلي ولا تقوليله ونحلها مش تروحي تقولي مواافقه
زينب بدموع ااكلام ده معتش ليه لازمه خلاص يا سيف انا قولت فعلا لعمر وحذرني ونبهني من كل ده بس انا صممت واستاهل ومعترفه اني غلطت انت بس امانه عليك تقوله زي منا قولتلك قوله اني محبتش ولا هحب حد غيره قوله زينب بتموت فيك بس النصيب غلاب قوله هي مسمعتش كلامك وعملت كده من البدايه من حبها فيك وخوفها عليك قوله هتبعد عنك علشان تفضل بخير بس عمرها ماكانت تتمني يوصل بينا الحال لكده واخر حاجه ان ميجيش يشوفني تاني خالص حقيقي مش هقدر احط عيني في عينيه مش هقدر مشوفهوش واخده في حضني واقوله طمني يا عمر انت بخير?? مش هقدر ما اقولوش واحشتني يحبيبي واخبي لهفتي عليه بس ساعتها هيبقى غلط في حق نفسي قبل اسر لاني هبقى متجوزه وشايله اسم راجل تاني خلاص فارجوك قوله يسامحني ياسيف والله غصب عني وعيطت بانهيار
سيف اتوجع من كلامها واكمل انا بجد مش عارف اقولك ايه لساني عاجز عن الرد ومش بايدي اجي اوقف الفرح ولو وقفته هقول ايه قوليلي ??? انا مش قااادر اشوف اختي بتدمر حياتها كده وساااكت ربنا يسامحك حسستيني بلعجز والقهر ومش هقدر اعمل اي حااجه وبموت بلبطئ وانا شايفك كده
زينب بوجع ودموع روح شوف صاحبك يا سيف انا خلاص في الفندق وحياتي اتحددت هجهز وانزل علشان كتب الكتاب
سيف بوجع حسام عندك ???
زينب بتنيهده مليانه وجع : لا قالي انا ورايا تحقيق مش فاضي للمهزله دي وعنده حق حقيقي مش زعلانه منه
سيف بوجع عليها زينب .. زينب حبيبتي اخوكي مش قصده كده بس مش حابب يشارك في الفرح ده وانا معاه في الراي لان كلنا ضدك وقولتلك مش هطبل للغلط بس هو ميعرفش انك ضحيه
زينب بدموع وانا مش زعلانه منه والله انا فاهمه ان حسام بيحبني وزعلان مني علشان شايفني بدمر حياتي ومعملتش لكلامك انت وهو حساب وحقه
وسمعت امها بتنادي عليها علشان تجهز فتابعت وهي بتمسح دموعها: باي يا سيف ماما بتنادي متنساش اللي قولتهولك ارجوك
سيف بتنهيده مليانه وجع : باي وقفل وتابع ليونس لو السما اطبقت على الارض لازم نلاقي عمر وانفذ وعدي لزينب ...اختي لو اتجوزت اسر حياتها هتخرب يا يونس انا مقهور عليها ومش قادر اعمل حاجه
يونس بحزن زينب غلطت غلطه دفعتها التمن هي وعمر كبير اوي بس اعتبرها عيله واتسرعت وانا معاك ويارب ربنا ما يخذلنا ابداا
سيف بحزن يارب بجد
-------------------------------------------
عند عمر قاعد حزين وقلبه واجعه اوي ومش قادر يتخيل ان خلاص خسر حب عمره اللي فضل يحلم بليوم اللي هيكون معاها فيه.. خسرها وللابد بعد ما كان خلاص هتكون نصيبه وفكر الدنيا ضحكتله وبتراضيه بعد فقدان والدته بس فاق على وجع صعب اوي
عمر بوجع ودموع اااه بجد ياريت اجيلك يا امي اهون من احساسي اللي حاسه دلوقتي ده حقيقي مش قادر يارب دماغي هتنفجر من التفكير وقلبي قايد نار من الوجع ازاي يارب انا واثق فيك متسبينش ولا تشمت فيا حد ادخل بترجاك
سلمي بدموع حقك على عيني يا عمر والله حاسه بيك وبوجعك ياريت اقدر اساعدك ياريت ربنا يطبطب على قلبك وقلبها اللهم امين يارب
عمر بوجع لالالا يا سلمى ولا حاجه في الدنيا كلها قادره تعوضني عن زينب ووجودها جمبي قادر يعوض الدنيا كلها ده هي الامل اللي كنت عايش علشانه وبتمناها عمري كله انا مش قادر استوعب انها خلصت خلاص انا واخد وعد من ربنا انها ليا ازاي كل ده كان وهم ?? ازاي عشت عمري كله مستني سرااب وبحب حاجه مش بتاعتي! !!!! ازاي يا سلمى بعد مادعيت بيها عمري كله اسر ياااخدها من وبلاسلوب ده بجد قلبي قاايد ناار انا اازاي خسرت قصاد اسر وهياخدها مني بجد ويجي يشمت فيا انه امتلكها لالالا مفيش حاجه هتقدر تشفي وجعي يااارب
سلمى بدموع بتلومها ???
عمر بوجع مقدرش الومها الوم مين وهي خاطرت بنفسها وحياتها وسُمعتها علشااني اه هي مسمعتش كلامي بس كل ده من حبها فيااا ده هي وافقت اسر علشان بتحبني اوي وخايفه عليا انا حافظ زينب وعارفها ..تعرفي لما سبنا بعض مره كان بسبب اني قولتلها متوافقيش وانا هقف لاسر فمرضيتش وصممت توافق من خوفها انه يأذيني فا دي الومها ازاي وهي كانت عايزه تتجوزه وتضحي بنفسها علشاني قوليلي يا سلمى ???!!! وكنت واثق انها مش هتقدر تبعد عني فقولت قدامها اني هخطب بنت خالتي وعارف انها هتطلع تتخانق معايا علشان غيرانه مع اننا كنا سايبين بعض بس كنت عايز ده يحصل علشان اقولها احنا بنحب بعض وهنتصرف سوا بس مش هسيبك لغيري وفعلا طلعت ساعتها واتخانقت معايا من كتر غيرتها لفكره اني لغيرها فانا عمري ما افهمها غلط او الومها بس هي مقدرتش تستحمل فكره اني لغيرها انا كراجل ودي اصعب بنسبالنا استحملها ازااي يارب بجد !!!
سلمى بدموع انا عشت عمري كله اسمع عن الحب الحقيقي كتير وفي الحواديت والافلام بس اول مره اشوفه في الواقع بس ليه قصص الحب الحلوه زيكم بتنتهي نهايه قاسيه ومؤلمه كده انا عايزه افهم
عمر بوجع انتي بتساليني انا ?? ياريتني اقدر اجاوبك بس لما استوعب ان زينب مش ليا الاول علشان لحد دلوقتي حاسس اني بحلم ومستحيل دي تكون الحقيقه
سلمى بدموع ربنا يصبر قلبك بجد يا عمر
عمر فكر وتابع سلمى بقولك ايه عندي حل هو مخاطره بس والله العظيم متخافي مش هسمح لحد يأذيكي هخرجك انتي من هنا اول حاجه بس تسمعي كلام بلحرف الواحد وتنفذيه
سلمى قربت منه واكملت بخوف ايدي على كفتك بس الله يخليك تكون واثق من ترتيب اللي هتعمله علشان لو غلطنا ومسكونا انا هتأذي
عمر بحب متخافيش انا عرفت عددهم لما دخلت الحمام بليل فباذن الله هنقدر وقولتلك انتي اختي الصغيره وانا جمبك ومش هسيبك غير وانتي بخير
سلمى بحب تمام قول
عمر فضل يحكيلها وهي سمعته بانتباه بعدين اكملت بتوتر تمام ربنا يستر
عمر بحب هيستر المهم تكوني سريعه فاللي قولتهولك ها حفظتي الرقم وعنواني ???
سلمى بحب وحماس ااه ومستنيه تتصل بيا اجي كتب كتابك انت وزينب طبعا معزومه
عمر بحب قولي يارب يسمع منك ربنا بجد ومن غير عزومه انا من النهارده اخوكي الكبير
سلمى بحب رفعت ايديها وتابعت يارب اللهم امين يا غالي وربنا يخليك ليا يارب
عمر بحب تسلميلي يارب هبدا هاا
سلمى بعدت عنه شويه وقعدت وتابع عمر بحده انت يابني انت وهو ياللي براااا ... انت يااا عم
واحد دخل واكمل بحده نعم عايز ايه
عمر فكني عايز ادخل الحمام
عاصم بحده ماخلاص هو كل شويه
عمر بحده انت عبيط ولا مجنون ولا ايه حكايتك هي بمزاجنا دي كمان وبعدين منتا كل شويه تفكنا ندخل وترجع تربطنا عملنا ايه يعني مش فاااهم
عاصم بحده خلاص خلاص كفاياك صداع وراح فكه وطلع المسدس من جيبه وتابع قوم اخلص قدامي يلا
عمر قام بيمشي وعاصم وراه رافع عليه المسدس وفي حركه سريعه مسك منه المسدس بايديه السليمه وضربه في دماغه بقوه فوقعه على الارض وصرخ بقوه ورفع عليه المسدس وتابع بحده يلاااا يا سلمى اقفي ورا ضهري
سلمي بخوف الحديد يا عمر ماالك !!!!
عمر بانتباه اه صح ابعدي شويه خلي الحديد طويل واانتي بعيد عنه اخلصي بسرعه
سلمى عملت كده وعمر ضرب نار على الحديد فا اتفك وهي جريت وقفت وراه وال 3 رجاله التانيين دخلوا بسرعه فاكمل عمر بعصبيه مسدسك انت وهو على الارض ياروح امك منك ليه علشان مفرغش المسدس ده في دماغ اللي خلفوه
سلمى بضحك رايي تسمعوا كلامه ده ظابط جيش يعني مش اول مره هيعمل كده فا ده مش مجرد تهديد
عاصم بخوف عمر بيه انا ماليش دعوه سبني امشي ارجوك ووالله العظيم ما هقول اي حاجه لاسر و
عمر بمقاطعه وعصبيه بس يحيوان يا زبااله اخرس خالص مسمعش صوتك ما من شويه صوتك كان مسمع في المكان وعامل فيها رئيس عصابه حصل ايه ??? يعيني على الرجاله لما تقلب نسوان واتعصب وتابع اخلصص انت وهو قسما بالله هقتله لو منزلتوش المسدسااات وضربه في رجله ضربه بلفعل
فصرخ عاصم بوجع واكمل بعصبيه يحيوان منك ليه نزلوا المسدسات انا بين ايديه
عمر بعصبيه اومال فاكرني بهزر ولا ايه
احد الرجال اسمه هيثم تابع بخوف خلاص خلاص هننزلها اهو يلا انت وهو سيب مسدسك
وبلفعل التلاته حطوا المسدسات على الارض
عمر براافو حبايبي شااطرين يلا كل واحد يطلع فونه ويحطه مع المسدسات وارميهم برجليك ناحيتي اخلللللص
عاصم بخوف اسمع كلامه واخلص يا هيثم ابوس ايدك
فهيثم لم التليفونات وحطهم على الارض وبلفعل رماهم ناحيه عمر
عمر شد الراجل اللي معاه لورا شويه وتابع يلا يا سلمى ورفع المسدس على الراجل واكمل بحده اللي هيمنعها تعدي قسما بالله لا هخليه يقابل وجه كريم ارجع ورا انت وهو يلاااا
هيثم بخوف حاضر حاضر ارجعوا ورا اخلصوا
وبلفعل رجعوا لورا وسلمى خدت ال 3 مسدسات وال 3 فون وبصت لعمر بامتنان شديد وتابعت بدموع هستناك يا عريس علشان نكمل فرحتنا وهعمل زي ماقولتلي بلظبط شكرا جداا يا حضره الظابط
عمر بحب مفيش شكر بين الاخوات ويلا بسرعه يا سلمى الوقت مش في صالحنا حياتي انا وزينب واقفه علي اللي هتعمليه دلوقتي
سلمى هزت راسها بحاضر كتير وطلعت تجري بكل قوتها وسابت عمر معاهم وفضلت تجري بكل طاقتها لحد ما طلعت ولقيت طريق فيه بحر وعربيات رايحه جايه ف رمت المسدسات في البحر وتابعت بدموع ارجوك يارب خليني اساعده زي ما ساعدني بترجاك نلحق ونوقف الفرح ووقفت عربيه وركبت بفرح انها اخيرا نجت من اسر ومسكت فون منهم فتحته لقيت اسر باعت يسأل عن الاخبار فكتبتله كله تمام يا بيه متقلقش
ودخلت على جهه الاتصال وكتبت رقم سيف اللي حفظته من عمر وتابعت بتوتر يارب يكون صح ومكتبتش حاجه غلط ارجوك علشان هتخرب لو مكنش ده رقمه واتصلت
سيف بتنهيده ايوه مين ??
سلمى بلهفه حضرتك الرائد سيف الرفاعي ???
سيف بستغراب ايوه انا خير
سلمى بفرح الحمدلله يارب كل خير بكلمك من طرف عمر بيه
سيف بفرح عمر! !!!! انتي تعرفي عمررر !!!!
سلمى باستعجال ااه ااه اعرفه هيفهمك بعدين المهم يا سيف بيه عمر مخطوف اسر خطفه في مخزن وحاطط عليه حراسه وكان بيهدده ان ميحاولش يهرب والا هيأذيني وهتفهم كل ده ليه بعدين الملخص هو محتاجك جداا دلوقتي هربني انا وخاف يمشي معايا يفضلوا يطاردونا او يبلغوا اسر من اي حته ومنقدرش عليهم لوحدنا ويرجعوا يهددوا بيا ويأذوني انما هو كده واقف محصارهم وقالي انا اهرب واكلمك علشان تروح تاخده بسرعه وتلحقوا زينب اخت حضرتك قبل ماتتجوز الحيوان ده
سيف كان مصدوم ومش مستوعب ازاي اسر عمل كل ده وازاي الجحود وصل بيه لكده بس مكنش وقته فتابع بلهفه قوليلي عمر فينه بسرعه ده انتي جيتي وجبتي معاكي استجابه صلاتي وصلاه العيله كلهااا والله روحي ربنا يباركلك ويفرح قلبك
سلمى بدموع فرح الفضل يرجع لعمر بيه والله بعد ربنا وهدي الفون للسواق يفهمك بلتفاصيل .. قوله يسطا على مكان المخازن اللي جوه الشارع ده يجي هنا ازاي الله يخليك
السواق تمام هاتيه الو يا فندم
سيف معاك الرائد سيف الرفاعي اتفضل سامعك
السواق تحت امرك يا فندم
وحكاله العنوان بلفعل وسلمى مشيت في طريقها لبيت العمر بتاع مامته علشان خاف عليها تروح بيتها في الوقت ده وقالها ان هتلاقي المفتاح تحت السجاده اللي قدام الباب وسيف راح هو ويونس بسرعه في طريقهم لعمر
---------------------------------------------
في القسم عند حسام
حسام قاعد مرجع ضهره لورا وتابع اسمك ايه وعندك كام سنه ??
البنت بتوتر احلام خالد 23 سنه يا بيه
حسام عندك عيال يا احلام ??
احلام اه يا بيه معايا مروان وليلى تؤام عندهم 3 سنين
حسام اممم طب مش الاولى تخلي ابو مروان الحكم يتخفف
عنه شويه بدل ما هيلبسها لوحده ولا ايه ??
احلام بتوتر والله يا بيه لو كنت اعرف حاجه كنت قولتلك بس انا معرفش اي حاجه انا اتفاجئت لما الحكومه جات قبضت عليه مسعد مش بيعرفني شغال مع مين اصلا
حسام اتعدل في قعدته وحط ايديه على مكتبه واكمل وده اسمه كلام يعني في واحده متعرفش جوزها شغال مع مين ???
احلام بتوتر اه يا بيه معرفش
حسام بحده انتي هتسعبطي عليا يا روح امك ولا ايه قسما بالله انا لحد دلوقتي ماسك نفسي بلعافيه عن اني موركيش وشي التاني انما هتستعبطي هزعلك مني بلجااامد علشان انا وعهد الله جبت اخري من جوزك ومن قضيته الخرا دي ايه هو انا مش ورايا غيركم ولا ايه !!!!!
احلام اتخضت من عصبيته واكملت بخوف ودموع يا بيه انا قولتلك الحقيقه انت ليه مش راضي تصدقني انا لو اعرف مين اللي شغال معاه كنت قولت لحضرتك اومال انا هحب ابهدل جوزي ليه يعني
حسام بحده انا كنت محترم بس انتي مصممه تخليني اتعصب على اهلك انهارده يابنتي انا كل ده معتبرك زي اختي مش عايز اهزقك جوزك اتسمم من الطفح اللي انتي جبتيه وكان في المستشفى بيموت اتفضلي اشرحيلي بقي السم ده دخل الاكل ازاي انتي حطيته ???
احلام بخوف ودموع ايه لا طبعا هو انا هقتل ابو عيالي ليه
حسام بعصبيه يارب صبرني طب السم دده وصل الاكل ازاي ???
احلام بعياط معرفش ومش هعرف ومشيني علشان عيالي والنبي
حسام بحده اومال مين اللي يعرف ياروح امك مش فاهم هي امي اللي عامله الاكل ولا ايه ???لا فوقي معايا كده علشان انتي لو مقولتيش كلام يعجبني هتشرفينا هنا شويه
احلام بدموع طب احلف لحضرتك بايه اني فعلا معرفش حاجه
حسام لا من غير ماتحلفي مش مصدق لان لو مش انتي اللي مسمماه يبقي حد حطله السم ودخل بيتك فانتي عايزه تحلفي احلفي للصبح مع نفسك انا بصدق كلام يدخل العقل مش حلفان فبلاش تدخلي ربنا في النص علشان صدقيني انتي اللي هتخسري كتير بلحلفان الكدب وانا بردو مش هصدق
احلام عيطت بحزن وخوف وسكتت مش عارفه تقوله ايه
فاكمل حسام بتنهيده خلاص خلاص اهدي متعيطيش يا ام مروان يعني انتي متعرفيش اي حاجه عن القضيه دي
احلام فرحت انه صدق دموعها واكملت اه يا بيه معرفش اي حاجه خالص صدقني
حسام بتنهيده اهدي طيب انا مكنتش مصدقك الصراحه لان اي حد ممكن يعيط ويحلف ويقول محصلش فاحنا نعرف الكداب من الصادق ازاي يعني بس دموعك صادقه فخلتني اصدقك وبلعكس انا متعاطف معاكي اكتر اكيد صعبه عليكي جداا حته انه اتجوز عليكي دي
احلام اتصدمت واكملت اتجوز! !!! اتجوز مين ???
حسام بستغراب ايه ده هو انتي متعرفيش ان القتيله زينه محمد انور الله يرحمها كانت مراته وحامل وقتلها
احلام بصدمه مين اللي قال الكلام ده لحضرتك هو مسعد ولا مين ???
حسام بتنهيده لا طبعا مرضيش يقول كده انا عرفت من تحرياات عملتها في المنطقه وفاكراك عارفه اصل الكل بيتكلم مش فاهم ايه يوصله انه يموت مراته دي من غير نقاش اعدام تعرفي لو كان مشترك بس كان الحكم اتخفف من عليه شويه بس هو اللي عايز كده اتاريه مش راضي يعترف وساكت اه طبعا تلاقيه فاهم انه يقتل مراته فيها اعدام بس خلاص خليه ساكت مع نفسه بقى انا هقفل القضيه على كده ومسك القلم
احلام بدموع واندفاع لا يا باشا متقفلش القضيه على كده اكيد في حاجه غلط اصلا مسعد ميعرفش البنت دي غير مني انا لما قولتله ايه اصلها وفصلها حتى هو سالني عن عنوانها لانها ساكنه قريب من بيتي وقالي بيعرف كل ده عنها علشان عجبت الامبراطور فعايز يعرفها اكتر يعني مش مراته علشان ياخد اعدام فيها زي ما بتقول
حسام ابتسم لان خطته نجحت وتابع الله مانتي طلعتي عارفه حاجات اهو مين بقى الامبراطور ده ????
احلام اتصدمت انها اتكلمت واكملت هو.. هو حضرتك كنت بتوقعني ???
حسام بابتسامه تخيلي .. اه كنت بوقعك شغلي بقى علشان كده قولتلك متدخليش ربنا في النص علشان انتي اللي هتخسري كتير واختفت ابتسامته وتابع بحده اخلصي مين الزفت ده كمان
احلام بدموع والله فعلا كل اللي اعرفه انه واحد من برا البلد ومسعد بيتواصل معاه بلفون بس وبيقوله شغل وبينفذه ودي كانت اول مره يقوله يقتل انما هو جنسيته ايه حتي معرفش
حسام ويعرف زينه منين طلما مش من هنا ??
احلام لا ماهو جالنا زياره بس وحياه عيالي كنت ساعتها عند امي هو طلب من مسعد ان ميكونش في حد في البيت وشافها معديه ودخلت دماغه فحتى مسعد قالي اتصاحب عليها واجيب رقمها واقولها ان جايلها عريس ميترفضش بس هي قالت مش عايزه تتجوز واللي سمعته انه بعت رجالته خطفوها وودوها ليه واعتدى عليها علشان يكسرها وفضل يعاملها بلاسلوب ده ومخليها عنده فتره لنفسه ومحدش سال عنها لانها يتيمه وعايشه في الشقه لوحدها واختفت فتره لحد ما رجعت تاني تظهر في البلد وشوفتها كانت تعبانه ووشها متغير بقولها مالك يا زينه فيكي ايه حسبنت عليا وعلي جوزي ومشيت روحت قولت لمسعد قالي ملناش دعوه هي مشكلتها مع الامبراطور مش معانا محدش قالها ترفضه فانا قولتله ليه حصل ايه راح حكالي فانا اتصدمت انه عمل فيها كده فبعدين سمعت انها حملت من الامبراطور ده فقال لمسعد روح اقتلها وخلص عليها لان لو جابت اللي في بطنها ده هيروح في داهيه وهتفضحه بانه ابنه فمسعد بلفعل قتلها بس من ورايا والله انا عرفت كل ده بعد كده واتصدمت بلحكومه فعرفت كل اللي حصل
حسام بصدمه ااه يا ولاد الكلب كملي كملي ده انتوا ليله ابوكم سودا انهارده والاكل ده بقى ازاي وصله السم ???
احلام بدموع جالي واحد وقالي انه تبع الامبراطور وجاي يديني فلوس علشاني انا والعيال لانه مقدر وضع مسعد وطلب مني قهوه وانا قومت اعمله ورجعت فا الاكيد هو اللي حط السم لانه عارف هروح زياره لمسعد
حسام اممم علشان مسعد ميعترفش عليه
احلام بدموع بلظبط كده ووحياه عيالي انا كده قولتلك كل اللي اعرفه فعلا
حسام تمام ورفع فونه وتابع للعسكري دخلي مسعد حالا
العسكري مسكه ودخل بيه وتابع تمام يا فندم مسعد اهو
حسام تمام اتفضل خد الباب في ايدك
وطلع وقفل فاكمل حسام بتنهيده بص بقى علشان تريحني واريحك ام مروان احسن منك بكتير ووفرت عليا مناهده طويله هي حاجه واحده عايز اعرفها منك ونخلص خالص من وش اهلك ده
مسعد بتوتر اتفضل يا باشا
حسام بتنهيده مين هو الامبراطور ??
مسعد بخوف يخربيتك يا احلام قولتي ايه ولما يأذي عيالنا منك لله يا بعيده
احلام رايحه تتكلم فاكمل حسام بحده هششش انتي متنطقيش تاني خلاص دورك خلص وبص لمسعد وتابع قول هو مين وعيالك في عيني ومحدش هيقدر يقربلهم في قانون يحميهم انما هتفضل ساكت صدقني محدش غيرك هيخسر فاخلص انا تعبت من الضرب فيك والله العظيم مين الزفت ده وايه جنسيته
مسعد بتوتر هو مش اجنبي انا كنت مفهم احلام كده علشان هو طلب مني معرفش حد انه مصري
حسام بستغراب وده ليه ??
مسعد لانه معروف عالميا وليه نفوذه وعلاقات كتير بس محدش يعرف شكله الحقيقي غيري انا ورجالته
حسام بتنهيده وايه علاقته بزينه ??
مسعد بنت من بنات كتير في علاقاته بس دي طولت معاه حبتين وحملت منه فطلب مني اخلص عليها وده السبب اللي انا جيت فيه هنا
حسام واسمه ايه الراجل ده
مسعد بتوتر عيالي ومراتي يا حسام بيه ارجوك ده كان هيسممني و
حسام بمقاطعه انطق ومتخافش هما ملهمش ذمب وخدها مني كلمه حمايه عيالك ومراتك من مسئوليتي ومش هسمح لحد يأذيهم
مسعد بتوتر اسمه آسر الخولي يا باشا صاحب شركات الخولي دوليا وتاجر في الممنوعات عالميا واسمه الحركي الامبراطور
حسام قام وقف واكمل بصدمه نعممم اسررر مين ?????
مسعد بخوف اسر الخولي انت تعرفه يا بيه ????
حسام بخوف اعرفه ايه !!!؟ ده فرحه على اختي انهاارده منكم لله ماقولتلكم ده لا الله يحرق دماغكم في الارض انا لازم اتحرك دلوقتي حااالا
وكلم صاحبه وتابع مراد خليك في مكتبي مع مسعد لحد ما اجي بسرررعه .. هفهمك بعديين مش وقته سلااام
ونزل بسرعه جري ياخد اذن من النيابه بلقبض عليه
------------------------------------------
عند عمر سيف وصل هو يونس
وسيف طلع مسدسه وبيمشي بحذر بعدين شاف المخزن وراح ضرب الباب بكل قوته بلرجل ففتح على اخره
عمر بتعب اخيرااا جيت يا سيف
سيف بخوف ايه ده يخربيتك انت كويس. ???
يونس جري عليه سنده وخد منه المسدس ورفعه مكانه وتابع بخوف عمر انت كويس
عمر بخوف وتعب كويس يلا بسرعه هما مش معاهم مسدسات ولا تليفونات هاتوا عاصم بس علشان يعترف عليه واطلعوا نقفل على الباقي لازم الحق زينب
سيف بضحك لا يااا جدع بقيت تتقال زينب بكل سهوله دلوقتي قدامي يا حيوان ده انت وهي صبركم عليا اما ربيت اهلكم مبقاش انا سيف الرفاعي
عمر بضحك منتا عارف اللي فيها بقى يا صاحبي ده انا اخوك ووالله موافق تعاقبني وتربيني زي ما انت عايز بس ابوس ايدك وحياه امك تجوزهالي يا قائد
سيف بضحك دلوقتي بقيت صاحبك واخوك والقائد ..انت ياالا اسكت. مش عايز اسمع حسك نهائي بجد علشان على اخري منك يلااا دلوقتي مش وقته الكلام ده بعدين نتعاتب
يونس وهو رافع المسدس تابع انهي واحد اللي هناخده
عمر هو ده اللي انت رافع عليه المسدس هاته ويلا
يونس قومه وخده وهو رافع عليه المسدس والرجاله كانت رافعه ايديها بخوف وخرجوا بعاصم بس وقفلوا عليهم المخزن
سيف بحب بعيدا عن اني مش طايقك بس عاش فكرتك في تهريب البنت وانك تحاصرهم لحد ما اجي اخدك فكره حلوه اوي بس بجد وقعت قلبي عليك اقسم بالله يا عمر كنت بموت من قلقي ولا اكن ابني اللي مش لاقيه
عمر عمل التحيه واكمل بضحك تلميذك يا قائد لازم اجيب الافكار دي طبعا من عشرتي معاك وابتسم وحضنه وتابع بحب وحقك عليا على قلقك ده يا غالي والله عارف انك اكيد اطمرمطت علشان تلاقيني الحمدلله خلصت على خير ده انا كنت بموت من قهرتي بجد
سيف بضحك هو ده حقيقي الا اطمرمطت قسما بالله ما كنت برتاح ولو وقفت دققتين تتصل بيا چوليت تعيطلي وتندب تخليني اقوم اقلب الدنيا من تاني
عمر بضحك يحبيبت قلبي كنت واثق انها مش ساكته يلا ابوس ايدك البت هتروح مني
سيف بضحك وهو بيسنده يلا يا حيوان وخد بالك انت اتجرااات زيااده قدامي بس ساكتلك لاجل الشده اللي انت فيها مش اكتر مع اني اشك انك تعرف تتنيل اصلا بلوضع ده .. ده انت مبقاش فيك حته سليمه صعبان عليا والله ياض يا عمر هتخلي شكلنا وحش وضحك بشده
عمر بضحك عيب عليك يا قائد مش عمر اللي يتقاله الكلام ده
سيف بضحك لا ماهو واضح على شكلك من غير ماتقول انت بس تقوم بلسلامه واربيك علي حاجه حاجه براحتنا علشان انت حارق دمي ومن ضمنهم جرائتك قدامي دي
عمر ضحك وتابع ياباشا براحتك وبعدين انا جريئ دلوقتي بستغل اننا في موقف صعب انت مش هتركز معايا فسبني بالله اخد راحتي مره علشان انا بسبب ام خوفي اني منطقش ده البت هتروح مني اهو
سيف بتنهيده كويس انك عارف ان سكوتكم احد اسباب الخراب االلي انتو ا فيه اصل كلكم محسسني ان سيف ده عزرائيل
يونس بضحك الهيبه بردو يابرو الهيبه .. طب وبعد الموقف الصعب ما يهدى ياعمر هتتكلم قدامه عادي ??
عمر بضحك هتبقى مراتي خلاص بقى يا يونس يعني براحتيي ياا ناااس انا تعبببت وجبت اخري كفااايه
سيف بضحك يقل راحتك يا بعيد
عمر بضحك مش اكتر من كده يا قائد بقى الواحد جاب اخره
سيف بضحك مش بقولك صعبان عليا يلا اخلص العربيه اهي اركب عايزين نلحق وفهمني في الطريق ايه حكايه اسر وليه خطفك علشان دماغي خلاص جابت اخرها
عمر حاضر هقولك بس بسرعه وحياه امك وركبوا العربيه ومشيوا رايحين الفرح
--------------------------------------------
في مكان الفرح
اسر كان واقف لابس بدلته وجاهز ودخل علشان ياخد زينب وامه والستات زغرطوا بفرح وكانت زينب خلصت وطالعه حقيقي اميره بفستانها والحجاب والتاج والميكاب الهادي كانت كل حاجه جميله بس عكس نظرتها هي كانت شايفه نفسها لابسه كفن وباهته ومش حلوه وحياتها بتدمر
نرمين بفرح تعالى خد عروستك يا اسر يلا
اسر اتقدم لعندها ومسك ايديها باسها فشدتها منه بقهر وبصتله وعينيها مليانه دموع فقرب منها وهمس احترمي نفسك وعدي يومك على خير علشان الناس وباس جبينها وهي غمضت عينيها بقهر وعيطت بصمت في وسط فرحه الستات وهما بيزغرطوا ومسك ايديها واتحركوا
تحت في القاعه الكل كان متجمع وقاعدين مستنين العريس والعروسه فاكملت نور بدموع يعني خلاص زينب هتتجوز الحيوان ده
شهد بقهر انا مش قادره انا حاسه نفسي هموت بحسرتي مبالك هي
ياسمين بدموع ربنا يعينها ويقويها على ابتلائها يارب
جودي بحزن دي حياتها مش مجرد ابتلاء بجد الواحد مش عارف يقول ايه ربنا يهدي نارها
ياسمين بدموع ياريتني بجد اقدر اوقف الفرح بس مش بمزاجي خلاص هي خلصت
شهد بدموع حقيقي مس قادره اصدق ولا استوعب
ودخلت زينب واسر من القاعه وهو ماسك ايديها زي العريس والعروسه والكل وقف يسقفلهم والاغاني اشتغلت وهي ماشيه معاه في الممر مش شايفه ولا سامعه حاجه غير صوت عمر وهو بيكلمها انها ليه هو وبس وانه هيفضل جمبها وشكله وهو مضروب على العمود والاصوات حواليها كانت عاليه اوي بس هي مش سامعه ولا مستوعبه حاجه ماشيه مغيبه مستسلمه للواقع وساكته
ووصلوا للترابيزه اللي هيعملوا عليها كتب الكتاب وقعدت واسر جمبها وابوها قدام اسر وبدائو في كتب الكتاب
وزينب دموعها نزلت بقهر ووجع وتابعت خلصت خلاص بس انت مجتش يا عمر ومش بلومك يحبيبي بلعكس ده انا السبب فكل اللي احنا وصلنا ليه بس وحياتك عندي غصب عني مش كل الحكايات بتخلص بلنهايه اللي بنتمناها بس احنا ساعينا كتير اننا نكون مع بعض وكل حاجه كانت ضدنا بس انا بحبك .. بحبك وبموت فيك ومحبتش ولا هحب غيرك ياريت لو اقدر اشوفك لاخر مره بس هتفضل من انهارده ولقدام اقرب الناس لقلبي وابعدهم عن عيني وغمضت عينيها وعيطت قهر وتابعت ازاي هكون لواحد تاني يارب ازاي! !!!!
فاقت على صوت المأذون وهو بيسألها يابنتي انتي موافقه ??
زينب تنهدت بعمق وبصت لاسر اللي بصلها بحده فدموعها نزلت ورايحه تنطق
عمر وسيف ويونس جم ودخلوا القاعه بسرعه فاكمل عمر بلهفه وخوف وهو بينهج من الجري لاااا يا زيينب متوافقيش
زينب شافته قامت وقفت بسرعه ودموعها نزلت وهي مش قادره تصدق انه قدامها وتابعت بعياط من الفرح عمررر !!!