رواية ظننته حبا الفصل السابع عشر17والثامن عشر18 بقلم سحر السحرتي
: دكتور عادل لو الموضوع يخص حاله جديده مش هقدر امسك اي حاله دلوقتي لان اول ما اخلص المريضه اللي معايا مضطره اسافر
: لا الموضوع شخصي وخاص
:خاص ... خاص بمين
: بيا انا وانت
:ما فيش بينا شيء خاص
: طب لما نقعد ونتكلم مش هينفع واحنا واقفين
:اسفه مش فاضيه الفتره دي بحضر للسفر و بسلم الحالات اللي عندي لو تاجلها لما ارجع كل الحكايه هغيب 10 ايام
: هما وافقوا على الاجازه
:اه تفهموا ظروفي و متمسكين بيا لان في ناس كثير بتطلبني
:انا مش عايز غير نص ساعه عشان تاخدي وقتك في التفكير وتردي عليا بعد ما ترجعي
:حاضر اتفضل على استراحه المركز
بقلمي سحر السحرتي
*عرض عادل عليها الزواج
: ممكن تفكري كويس قبل ما تردي
: حضرتك تعرف عني ايه
:كل خير زميله ومحترمه
:و مطلقه بعد شهر من جوازي
*تغير وجه عادل من الصدمه وتردد في الكلام
:مط .... مطلقه وشهر بس
: اه يا ريت حضرتك تفكر بقى كويس وتبقى تشوف هتعرض علي اتجوزك ولا سحبت العرض
:لا هسحبه ليه
:عشان نظرتك دي ولو سمحت ما حدش يعرف هنا حاجه انا حبيت اوضح لك وبعدين دور حواليك هتلاقي في واحده هتم-وت عليك اظن جوازك منها هيكون ناجح اكثر مني استاذن
*كان جواد يراقبها وجدها لم تجلس معه اكثر من ربع ساعه وانصرفت ووجهها غاض-ب ووجه عادل مص-دوم فذهب ليستفسر عما حدث
:في ايه يا ابني وشك كأن حد دلق عليه ميه ساقعه
:هي جودي مطلقه وكمان بعد شهر واحد بس
:فيها ايه يعني
:وانت كنت عارف وما قلتش
:ده شيء شخصي هي اللي تقوله مش انا ... هيفرق معاك في ايه
:يفرق طبعا انا عايز اول جوازه ليا واحده بنت مش متجربه قبل كده ويا عالم اطلقت بالسرعه دي ليه ده حتى ما لحقتش تربعن
: ايه الكلام ده هو انت كنت عرفت ظروفها ما يمكن جوزها السبب
:مش عايز اعرف كفايه اللي عرفته
*ترك جواد وانصرف حزن على حال جودي لان تفكير بعض الناس مثل تفكير عادل
*بعد العمل تقابل معها
:يلا عشان ننزل تكملي بقيه الهدايا
:لا ما ليش مزاج اشتري حاجه هنزل اتمشى شويه في المول
:انت في حاجه مضايق-اك
: شويه مش قوي
:طب تعالي ننزل تفضفضي ولا عندك مانع
: بالعكس انت اكثر واحد بحب الجأله افضفض معاه
*وصلا الى كافيه بداخل المول
:مالك بقى زعلانه ليه
:ما فيش عادل اتقدم لي النهارده
:وده مزعلك
: لا رد فعله رغم اني كنت متوقعه بس انك تعيشه غير
:مش فاهم انت كنت عايزه توافقي عليه
: لا عليه ولا على غيره انا خلاص شلت فكره الجواز دي من دماغي اللي حصل لي خلاني رفض-ت الفكره تماما
:طب وقلتي له ليه كنت قلتي انك راف-ضه وخلاص
: حبيت اجرب رد فعله زي ما توقعت ولا وهم في دماغي وطلعت صح ..... احنا صحيح هنخلص امتى عشان احجز للسفر
:عشر ايام هتغيبي قد ايه
:زيهم عايز حاجه من هناك
:ترجعي بالسلامه ولازم تبلغيني اول باول كل حاجه لو كنت اقدر كنت جيت معاكي
:اتمنى ما ارجعش
: ايه ليه بتقولي كده
:قصدي ان ممكن عادل يعمل اشهار على موضوعي ونظره الناس هتختلف ليا
: لا عادل مش كده ولما ترجعي عندي مفاجاه لك
بقلمي سحر السحرتي
*مضت الايام وعادت جودي و استقبلها فريد في المطار
:حبيبي وحشتني
:وانت كمان
:بس ماما هتزعل مين اللي هتعمليه
:شويه و هتراجع نفسها وتعرف ان معايا حق خد بقى الشنط واطلع حاول تداريها
:ايه ده ما فيش حاجه ليا
: انت خليتني اكمل الشنطه السوداء دي كلها لك و قيسهم لو حاجه مش مظبوطه سيب التيكت عشان ابدلها
:اجمل كوتش في الدنيا
: يلا وصلني المستشفى
:على طول كده
: ما انا هقضي اليوم بيجهزوني وبكره العمليه وزي ما فهمتك ماما تيجي بعد ما اخلص و افوق
*مرت العمليه بسلام وخرجت جودي وجدت مها تنتظرها لكن رد فعلها غير ما توقعت
:جودي حمد لله على سلامتك يا حبيبتي مش المفروض اول ما توصلي تيجي في حضني مش على المستشفى
: خفت تمن-عيني
:من امتى بمن-عك عن ابوكي و اخواتك وكمان مريض ومحتاج لك
:هو فريد الن-دل ده قال لك برده قلت له يستنى
: لا خالك اللي قال لي كان جاي يقف جنب ابوكي فاتصل عليا عشان نروح سوا واكتشف اني ما اعرفش
:نسيت اأمن على خالي نسيت اصلا انهم ولاد عم
:اصل ما حدش جه وقف معاه من اخواته عيله اصيله
: مش غريبه المهم فارس عامل ايه
:كويس يا حبيبتي ريحي انت
:وبابا فهمي ما جاش معاكي
: كان عايز بس عارفه انه بيتض-ايق لما بيشوف صلاح قلت له ان هشام معايا
:وحشني بالليل هروح معاكي
:طبعا وانت لك بيت غير عندي
:وحشتيني يا مهاميهو
:انت اكتر فريد عنده دروس هيجي بالليل مع فهمي يروحنا
بقلمي سحر السحرتي
*تم شفاء جودي وحاله فارس بدات في التحسن وظلت توزع الهدايا على اخواتها من الجانبين لم تنسى سيلا وذهبت لترى باسل
:معقوله جايه بنفسك تشوفي باسل
: هههههه لا عايزه اشوف كرشه اللي انت بتشتكي منه
: هههههه انت مفكره ان ههنيه على لقمه الا لما انزله
:معقوله لحقتي
: حبيبتي ده من الشغل على الجيم بيرجع لما ادي للكابتن اوكي انه يسيبه يروح وكنت بطب عليه فجاه اشوفه بيعمل ايه
:اخص عليك كان نفسي اشوف الكرش
: مصوراه قبل وبعد عشان لو عملها ثاني هيبات بره لما ينزلوا
: هههههه والله ق-ادره
:ابقى انا واخده بالي من نفسي مع المذاكره وهو طفس رايح جاي على التلاجه وفي الاخر انام جنبه الاقيه حامل في الشهر الخامس ... و اصحابي يهروني تريقه اللي تقول لي واضح ان اكلك حلو واللي تقول لي ريحك من الحمل و قرفه يرضيكي
:طب ما اكيد اكلك حلو عشان كده بيحب ياكل
: هو انا فاضيه ماما اللي بتعمل لي اكل الاسبوع وهو بيخلصه في يومين بخليه يجيب من باره باقي الاسبوع
:و بيرضى
: هو يقدر يرفض هكلمه يجيب اكل عشان تتغدي معانا
: لا ما فيش لزوم انا كنت جايه لك عشان بعد شوية هرجع لك الفلوس اللي اخذتها منه مش عايزاها بس برده هديها لك انت
:لا دول حقك كفايه اللي عملوا فيك ومش هسمح لك ترجعيها لي او ليه وده اخر كلام ومش هنفتحه ثاني
*عاد باسل وكان يحمل الطعام الذي طلبته سيلا سلمت عليه جودي وهي تضحك
: عاش يا وحش ايه العضلات الجامده دي وفي مده قصيره واضح انك حبيت الرياضه
:شورتك الهباب
:نعم ... كان في جميع الاحوال هتنذلك الكرش بالرياضه يا اما بسك-ينه الشاورما السوري هههههه الرياضه احسن .... وبعدين مش هتبطل ترمي غلطك عليا ولا انت اخذت على كده عموما سيلا بتخلص حقي
:هو حقك بس اللي خلص ده حق امة لا اله الا الله
:تستاهل وخليها تسمع
:سمعت بس بسيبه يفضفض شويه كلمتين مش مشكله المهم الفعل
:طب اسيبكم يا عصافير الحب
:مش قبل ما تاكلي عملنا حسابك والا هياكله هو ونرجع نفس الدايره ونفس التمارين
: لا يا جودي ارجوك اقعدي انا اتنفخت او خذي اكلك معاكي
:طب ما تسيبيه ياكله في يوم ثاني
: مش بيقدر يقاوم يا ستي بيمشي وهو نايم يفتح الثلاجه يخلص اللي فيها
: هههههه طب خلاص هاكل احسن اعمل لكم مشكله
:احنا ما فيش عندنا مشاكل انا مسيطره ما تقلقيش
:ربنا يسعدك يا حبيبتي
: مش هنسمع اخبار حلوه عنك بقى
*ردت بابتسامه ساخره
:كان في دكتور اتقدم واول لما قلت له اني مطلقه بعد شهر فلسع
*نظر باسل لها بحزن هو وسيلا فكل واحد منهم كان السبب ولكنها اكملت
: ايه يا جدعان سديت نفسكم انا مش زعلانه الحمد لله بتقدم في شغلي بعمل مشاهدات عاليه و شايله موضوع الجواز من دماغي خاااالص
سيلا :جبت لنا حلو ايه يا باسل
:انت ما قلتيش
:من غير ما اقول عندنا اختي لازم تجيب من نفسك اتفضل انزل هات
بقلمي سحر السحرتي
:لا حلو ايه لازم امشي لسه هعدي على سلوى كويس اني اكلت معاكم سلام
*ذهبت لسلوى وروت لها ما حدث معها بالتفصيل و شعورها ان جواد يحبها وعند وصولها سوف يعترف لها
:مش عايزاك تعشمي نفسك جواد متردد و ضيعك من ايده زمان
: هو انت تعرفي حاجه يا سلوى
:لا بس خايفه عليك و خايفه يكون موضوع انك كنت متجوزه اخوه ده عائق بينكم لان ده تفكير معظم الرجاله
:انا كمان حاسه بقلق بس ما شفتهوش كان رقيق قوي معايا وحنين و بيهتم بكل حاجه بحبها غير اخوه خالص وغيرته عليا غيره حب مش سيطره
: بالراحه على نفسك يا جودي وهدي مشاعرك شويه
: ماشي هسيبك واعدي على بابا واخواتي
: ايه هو كله في يوم واحد خليكي معايا شويه وروحي لهم بكره
: مش عندك مذاكره وامتحانات عشان تخلصي ونشوف لك شغل معايا ونبقى مع بعض
: لا خطيبي مش موافق اسافر
:خلينا كده الرجاله بتتحكم فينا
:هههههه اجرب شويه تحكمات ولا انت بس
: انا خلاص بطلت اخلي حد يتحكم فيا
:يعني لو جواد قال لك اقعدي من الشغل هتقولي له لا
:طبعا لا ومليون لا توبه حرمت سلام بقى خليني اخلص اخر مشوار تقيل قوي على قلبي
: هو لسه قلبه جام-د من ناحيتك
:تخيلي ما دخلش عليا وقال لي حمد لله على السلامه ولا شكرا
:يمكن مكسوف منك
:صلاح بيتكسف اشك
*ذهبت الى والدها فتح الباب بفتور .... دخلت وسلمت على اخواتها وزوجه والدها و اعطتهم الهدايا ولعبت معهم قليلا
: بابا انا همشي و هسافر بكره
:مع السلامه
: كنت عايزاك في كلمتين
:تعالي جوه
:عايزه اسال سؤال واحد هو انا عملت حاجه خليتك بتتعامل معايا كده
:مش عارف يا جودي مش هقدر اجاوبك بس الحب مش بايدينا وانت بالنسبه لي عادي
: هو لما كنت وحيده كنت بتحبني ولما فارس وجوري اتولدوا خلص الحب
: تقريبا تقدري تقولي كده يمكن قلبي قاسي
*اكملت بدموع
: تحب ابطل اجي وما تشوفنيش ثاني او تسمع عني اي حاجه بدل ما انت بتتعامل معايا على اني شخص غير مرغوب فيه لاني بجد تعبت من طريقتك دي
: انت حره اللي عايزه تعمليه مش هلومك
:فهمت بعد اذنك لما احب اشوف اخواتي هكلم طنط تقابلني ولا ده كمان مش حبيبها
:لا دول اخواتك و واجبك تسالي عليهم
:واجبي وانت ما فيش واجب من ناحيتك ليا
:انت اتجوزتي رغم رفضي وادي النتيجه اتطلقتي ما كملتيش شهر
:معاملتك الجافه معايا من قبل ما اتجوز ما تحاولش تربط ده مع ده .... وكوني اتطلقت لانه كان بيض-ربني ما قدرتش استنجد بيك لاني كنت متاكده انك هترفض وتقول لي ده اختيارك .... ك-سر لي ايدي اللي انت ك-سرتها بس الحقيقه انكم انتم الاثنين كس-رتوا اكثر من ايدي ..... ينفع احضنك لاخر مره يمكن ما نتقابلش ثاني
*ارتمت بحضنه وكانها تحضن الصخر بلا حب او مشاعر ..... ابتعدت سريعا وخرجت سريعا وهي تبكي وتركت له المنزل وهي في قرارة نفسها انها اخر مره لن تطلب أن تراه مره اخرى
*عادت الى منزلها رات امها الدموع في عينيها
:في ايه يا جودي
*احتضنتها :هو ليه بابا مش بيحبني يا ماما هو انا عملت حاجه ما استاهلش اتحب
:ابوك مش بيحب البنات ولو سالتي مراته هتقول لك انه بيحب فارس عن جوري و هتق-اسي زيك واكثر كمان انت ربنا عوضك بفهمي انما هي لا قومي اغسلي وشك و وضبي شنطتك عشان بكره ورانا حاجات كثير
بقلمي سحر السحرتي
*عادت جودي وانتظرها جواد في المطار كان وجهه حزينا
*انتظرت جودي منه ان يقول لها وحشتيني لكنه كان جاف في المعامله والكلام بحساب كاول مره وصلت البلد
*استرجعت كلام سلوى ان تهدئ من مشاعرها ابتسمت له فقط لكنها ارادت الارتماء في حضنه
:حمد لله على السلامه
:الله يسلمك
:اجازتك كانت حلوه
:اما نقعد مع بعض هحكي لك
:استريحي وبعدين نبقى نقعد
: مالك يا جواد فيك حاجه
:ابدا إجهاد من الشغل
*لم تقتنع باجابته والتزمت الصمت إلى ان تكشف لها الايام عن السبب لكن لن تمر ايام وستكتشف سريعا
*وصلت السكن وصعدت لشقتها وبعد 10 دقائق نزلت لشقه جواد كي تعطيه حقيبه ارسلتها والدته معها
*طرقت الباب ففتحت جينا الباب وكانت ترتدي قميص نوم وفوقه روب لكنه ملفت النظر
ماذا تفعل جينا في شقه جواد
ظننته حبا
حلقة ١٨
*سالت جودي بتردد
:مش دي شقه دكتور جواد
:اه هي
: هو موجود
*ندهت عليه
:جواد حبيبي
:نعم يا حبيب ....
*خرج يرتدي قميص مفتوح عاري الصدر تماسكت جودي وحاولت التظاهر بالقوه لكنها تلعثمت في الكلام
: طن .... طنط بعتت الشنطه دي معايا لك ونسيت اديهالك
:طب اتفضلي
:لا ما فيش داعي شكلك مشغول
جينا :ما فيش مبروك
:على ايه
: اتجوزنا من يومين
:مبروك اسفه ما كنتش اعرف كنت مسافره ... مبروك يا دكتور اخيرا اكيد الدكتوره تستاهل انك تكسر عزوبيتك .... طب تعبت نفسك وقطعت شهر عسلك عشان تستقبلني
جينا :عادي يا حبيبتي انت اخته
:اكثر من اخته
*نظرت لها باستغراب
:تلميذته كمان اصله كان بيشرح لي
:اه فهمتك
:اتفضلي عشان ما اعطلكوش
*مع ابتسامه حزينه حاول جواد اغلاق قميصه وخرج ليتحدث معها خارج الشقه
بقلمي سحر السحرتي
:جودي استني عايز افهمك
:مش محتاجه تفهمني حاجه خطيبتك و اتجوزتها استاذن جايه تعبانه من السفر
*صعدت تبكي قلبها المك-سور بعد ان عشمت مشاعرها انها هانت سوف تندمج مع مشاعره ويصبح لها موطن كان هو بيده من قت-ل كل امل
*بدات تجلد نفسها
:مش من حقك تلوميه انت بتعيشي نفس الاحساس اللي عاشه لما اتجوزتي اخوه .... هو ما قالش انه بيحبك انت اللي عشمتي نفسك ..... سلوى قالت لك هدي مشاعرك لكن انت اندفعتي .... كل مره بتنصحك بتعملي عكس ما قالت ليه ..... كنت محتاجه حبه عشان يعوضك لكن ما لكيش حظ في الحب .... او يمكن انت ما تتحبيش .... ابوك نفسه قالها لك في وشك انت فعلا ما تتحبيش .... باسل محبكيش .... ابوكي ما حبكيش ...... جواد ما حبكيش ..... عادل كمان ما حبكيش .... انت نكره انت و لا شيء
*ظلت تلوم نفسها وضعت اغنيه على بالي لشيرين ستوري لحالتها
$حبيته بيني وبين نفسي وما قلتلوش على اللي في نفسي $ما اعرفش ايه بيحصل لي لما بشوف عينيه
$ ما بقتش عارفه اقول له ايه $ما اعرفش ليه خبيت عليه
$بضعف قوي وانا جنبه$ وبسلم عليه
$كل حب الدنيا دي في قلبي ليه في قلبي ليك$ ده انت اغلى الناس عليا روحي فيك
$ ده انت لو قدام عينيا اشتاق اليك
*ثم بعدها اغنيه بعد الفراق لحسين الجسمي
$ اكتر حاجه توجع في لحظه الفراق $حبيبك تلمحه ودموعه رافضه تطلع وكانه حالا فاق على ايد بتذب-حه
$وكأن ده عادي لا و اقل كمان من العادي$ والوقت ده كله في عمر الواحد راح على الفاضي
$وما بين لقاء وفراق $كأننا في سباق
$ده بيبكي وهو مفارق$ وده فارق وما هوش فارق$ مين فينا وفى بوعده وما خانش الاتفاق و اتبقى في مطرحه
*شاهد جواد هذه الاغاني وعلم انها تشير اليه وانها حزينه .... لكن لم يكن بيده شيء فهو لم يستطع مصارحتها بانه عشقها منذ صغرها .... ولم يتخطى انها كانت متزوجه شقيقه ....عندما قرر ان يصارحها ويرتبط بها هاجمته الافكار فلم يجد حل للتخلص من حبها سوى الزواج من جينا التي تاكدت ان عادل لا يفكر فيها فحاول كلا منهم لملمت شتات قلب الاخر
بقلمي سحر السحرتي
*شاهدت سلوى حالة الواتس لجودي فاتصلت بها
: ايه اللي حصل انت مش بتنزلي اغاني حزينه كده الا اذا في حاجه
*لم تجد سوى هذه السلوى لتخفف عنها فبكت و ازاحت الهم من فوق قلبها
: كنتي صح كنتي على طول صح وانا اللي دايما غلط
:ايه اللي حصل
: ضاع مني خلاص قلبي اتك-سر
:جودي اهدي و فهميني ايه اللي حصل
: اتجوز من يومين لو كنت اعرف وانا في مصر ما كنتش رجعت كده هقابله كل يوم وهي معاه فاهمه اشوفهم كل يوم و اتخيلهم مع بعض كل يوم
: اهدي يا جودي اهدي يا حبيبتي يا ريتني معاكي
:انا فعلا عشمت نفسي جامد
:ارجع واقول لك انه ما عشمكيش بحاجه هو مش غلطان
:عندك حق انا الغلطانه انا الوحشه انا اللي ما اتحبش انا اللي ما استاهلش
: انا ما قلتش كده
: انا بقول لنفسي كده
:جودي انا بقول لك كده عشان تعرفي تتعاملي معاه ما تحملهوش ذنب حاجه فهمتيها غلط
: المشكله اني مش هقدر اتعامل معاه سواء غلطان او لا ... جواد غير باسل حبي له مختلف
: لا يا حبيبتي اجمدي جودي الضعيفه بتاعه زمان خلاص راحت دلوقتي في جودي القويه اللي قدرت في سنه تثبت نفسها في شغلها عايزه ترجعي ثاني جودي ضعيفه الشخصيه اللي كان باسل بيحركها يمين وشمال
جواد اتجوز خلاص انتهى من حياتك فكري في نفسك ومستقبلك مش قلت ما فيش راجل هيتحكم فيا تاني
:اه قلت كان كلام وخلاص
: لا هيبقى فعل طب روحي نامي عشان تفوقي للشغل بكره
:لا بكره اجازه لسه
: خلاص اخرجي و اتفسحي وارمي احزانك
: انا هعمل كده
:هبله هانم
:نعم
: هههههه لسه قايلين هتبقي قويه
:هبقى قويه بس هبله هههههه ....مش عارفه لو مش في حياتي واحده صاحبه جدعه زيك كنت عملت ايه
: دايما كل اثنين اصحاب في واحده هبله بتوقع نفسها في مشاكل كثير والثانيه تلم من وراها
:شكرا على التقطيم سلام يا حبي
*شعرت بصداع من كثرة البكاء فدخلت على جروب السكن
:مساء الخير يا دكاتره حد لسه صاحي وعنده مسكن قوي بس يجيب من الاخر مصدعة جدا
رد عادل: حمد لله على السلامه عندي
:شكرا يا دكتور نازله اخده من حضرتك
*وجد جواد رسالتها وكانت شقته بجانب عادل فتح الباب قبل ان تطرق الباب وامسك يدها
:هو يصح انك تخبطي على حد دلوقتي
:سيب ايدي مصدعه و محتاجه دواء و هاخذه واطلع مش احسن ما هو يطلع .... وبعدين انت مالك بيا ما تخليك مع عروستك
: اطلعي يا جودي و هجيب لك المسكن
: مش عايزه حاجه منك وكمان ما تقولش اعمل ايه وما اعملش ايه ما بقتش اسيب حد يتحكم فيا خلاص
:يعني ايه الكلام ده
: يعني تدخل شقتك انا مش بعمل حاجه غلط اتفضل بدل ما حد يشوفنا ولا عايز الناس تجيب في سيرتي
*لم يجد مفر سوى الدخول بعد عندها القوي لكنه وقف خلف الباب يستمع لما يحدث فتح عادل الباب
: اتفضلي الدواء مال عينيك انت بتعيطي
: هههههه اه دموع الام
:مش فاهم
: اصل كنت بكلم ماما فيديو كول هي تعيط وانا بساعدها لحقت اوحشها و الوصايا العشره انت عارف فصدعت
:ما تدخلي تشربي حاجه
:انت شايف انه صح
: عادي احنا زمايل
: اما تتجوز وتبقى مراتك موجوده هدخل اشرب واكل كمان غير كده عيب
:مش قصدي بس احنا ناس متحضره
بقلمي سحر السحرتي
:تصبح على خير يا دكتور متشكره على الدواء
*كان جواد ينفجر من الغيظ من ذلك العادل الذي سمح لنفسه ان يدعو جودي للدخول
: ماشي يا عادل الكلب
*عادت جودي للعمل بكل نشاط كانت اكثر مرحا مع الجميع كانت تعمل بالنهار وفي المساء تذهب لتتدرب مع فرقه الفنون الشعبيه ولا تعود للسكن الا في المساء
*ابتعدت تماما عن جواد وفريقه رغم انه طلبها بالاسم لتنضم له لكنها رفضت وعادت الى فريقها مع عادل
*عندما يدخل جواد الجيم ليتدرب كانت تتركه وتخرج
*مر شهران على زواج جواد فطلبت جودي نقلها الى فرع اخر للمركز وبعد الحاح وافق المدير
*تفاجا جواد من طلب جودي لكنه تفهم السبب
*بعد مرور سنه على زواج جواد عاد الى مصر لتمضيه اجازته الصيفيه مع جينا
*لعبت الصدفه دورا فقد كانت اجازه جودي هي ايضا بعده بيومين فتقابلا على السلم وهي تصعد ومعها حقائبها
: حمد لله على السلامه صدفه غريبه انا سبقتك بيومين
: لو اعرف كنت نزلت في شقه جدو
: ليه يا جودي
:انت فاهم وعارف ليه كويس قوي
:انا كنت عايز اتكلم معاك
:طلبت مني كثير واعتذرت ....
*توجهت بنظرها لأخيها
: يا فريد انت هتعمل عليا ظابط و تشيلني الشنط عسكري عند حضرتك
:هي مش شنطك
*لم تعره اي اهتمام واكملت حوارها مع اخيها فتركها وذهب
:بس اللي فيها بتاع حضرتك و هشيلها هحتفظ باللي فيها
: ده انا اشيل الشنط وصاحبه الشنط كمان
:خلي لي شنطه اشيلها عشان اخذ اللي فيها
*نظرا للمتحدثه وجداها سيلا
:اهلا انت جايه عشان اللي في الشنط مش بنشوفك
:مش كنت بمتحن اخر سنه وخلصت خلاص و هقرفكم كل شويه لما تطردوني
:وده من ايه
: عشان اكل عندكم وباسل ياكل عند مامته
:مصلحجيه يعني
: ما تسيبها هي بتاكل من جيبك مش بيت ابوها
:و انا اكل ايه هههههه
:طب اطلع عشان تعبانه
باسل: ايه يا جودي جايبه لي معاكي ايه
:والله ما افتكرتك بشراب حتى
:يعني كل الشنط دي هدايا وما جبتليش حاجه
:انت بجح قوي ما اخوك جاي قبلي اكيد جاب لك ولا انت عايز من كله
:بس انا بشوف حاجاتك احلى اللي بتجيبيها لفريد
:اخويا واجيب له الدنيا انت اجيب لك باي مناسبه
:جوز اختك
:اختي نفسها قالت لي ما اجيبش حاجه ليك
: نعم هي قالت كده
سيلا : اه يا استاذ باسل عندك اعتراض
بقلمي سحر السحرتي
:ابدا يا ست الكل لو عايزانا نجيب لها هدايا موافق
: هههههه لا يا سيلا مسيطره
:عيب يا معلم اعملي حسابك هنسافر الساحل كام يوم مع بعض
:لا مش قادره
:انا مستنياك من ساعه ما خلصت امتحانات عايزه اسافر قلت اخليها معاكي وبابا وطنط مها جايين لكن فريد لا
:فريد مش مستني السفريه الفقريه بتاعتك رايح شرم
: معلش يا سيلا انا رايحه مع فريد
:نروح الاثنين انا اعزمك على الساحل وانت تعزميني على شرم
:اتفقنا
فريد :وانا
*احتضنته جودي انت اولنا يا حبيبي هو انا عندي كم فيري
:بلاش فيري دي بقى قدام حد بقى احلى ضابط تقولي فيري لو حد سمعك هبتي هتضيع
: ده بينا وانا اقدر بس لسه مش مصدقه انهم قبلوك
:يا بنتي ده انا لقطه دول كانوا بيقطعوا نفسهم عليا في الاقسام
: هههههه حساك دخلت قسم مشاه
:وحياتك دفاع جوي
:الله اكبر فيري يا جامد تستاهل الهدايا
*تركهم باسل وصعد لاخيه
:ايه يا عم جواد انت دكتور و جايب شويه هدايا صغيره تعالى شوف جودي مدربه و جايبه شنط وهدايا قد كده
: انا مش فاضي الف على هدايا مش عاجبك بلاش اجيب
:لا يا حبيبي عاجبني
:تعالى ادخل عايزك في موضوع
*دخل و عاتب جواد اخيه باسل على ما قاله عن جودي فاعترف باسل بالحقيقه وعلم جواد ما كان يفعله ولماذا ض-ربها
:هو انت ازاي متعلم ولما يحصل حاجه زي كده ترمي اللوم عليها
:انا قلت اعمل كده عشان اك-سر عينيها احسن تعايرني
:جودي تعايرك
:انت عارف الحاجه دي حساسه عند الرجاله
: فغبائك صور لك انك بتعمل الصح ده بالنسبه بض-ربك ليها امال لما قلت انها مقضياها عملت كده ليه
:مش عارف حسيت اني خسرتها فحبيت انت-قم منها
:في انتق-ام كمان اكثر من اللي عملته
:سيبك مني قعدت سنين عازب ولما تتجوز جايب واحده ايه فرسه
بقلمي سحر السحرتي
: دي مرات اخوك يا حيوان
:اعذرني سيلا معلماني الادب
: تستاهل
: بس امك مبسوطه قوي بيها صحيح هتسافر معانا
: فين ومع مين
*اتفق جواد ان يسافر مع باسل ولكن يتركها مفاجاه للجميع
*ذهبت جودي مع اسرتها لتمضيه عده ايام في الساحل كانت تلعب مع فريد وسيلا و يضحكان عندما يقوم فريد بحمل كلا منهما معا من و سطهما كل واحده بيد كالزكيبة بجانب خصره وهم يصرخون
:لا يا فريد مش عايزين ننزل الميه دلوقتي
:وانا قلت دلوقت اه الصغير بس الراجل وكلمتي تتسمع
*و قذفهم في الماء مع صرخات وضحكات و بدائا في رش الماء عليه .... الى ان امسك كل واحده ووضع يده فوق راسهم لتغطس كل منهم تحت الماء ..... ليجد من يمسك يده
:يا ابني حرام عليك هتفطسهم ده هزار رخم
*تفاجات جودي وهي تصعد على وجه الماء بجواد يمنع فريد مما يفعله
فريد :عشان خاطرك يا كبير وصلت امتى
: من شويه وجيت العب معاكم ايه فريقين
سيلا :كده ظلم انتم اقوى
جودي :احنا ما يهمناش احنا جامدين قوي
سيلا: لا مش هلعب معاكي هاخذ فريد وانت مع جواد
: لا انا اللي هاخد فريد
:مش انت جامده وفريد جامد يبقى كل جامد فريق
*وبداوا باللعب والضحك الى ان انضمت جينا معهم
:ليا مكان العب معاكم
جودي: اه اتفضلي مكاني انا تعبت و هطلع اريح
سيلا: استني يا جودي نجيب باسل ويبقى كل فريق ثلاثه
:لا سيبيه نايم انا تعبت من الميه وبعدين الاغنيه اللي شغاله بره دي جامده هطلع اعمل عليها شويه زومبا
:خلاص جايه معاكي انا عمري ما عملت معاكي زومبا
فريد :وانا كمان يلا نعمل مع بعض عن اذنكم
*ذهبا للرقص على اغنيه حماقي ادرينالين
$لمست ايدي عملت كونتاكت
$الكهربا مسكت في الشرايين
$زودت الأدرينالين $قلبي وعيني مش قادرين
$مشت قلبي على الخط
$ماراحش شمال وماشافش يمين
$انا هنجت اتبنجت $اتمزجت انا معمولي كمين
$الله عالبسمه البسمه
$والعود والرسمه الرسمه
$جايه في وقتها والله
$ماهي جت في اللحظه الحاسمه
$الله عالخفه الخفه
$والعود واللفه اللفه
كانت حركاتهم متناسقة وجميلة وكانوا سعداء ويضحكون لكن جواد يش-تعل من الغ-ضب في الماء لان الناس بدات الاقتراب من جودي والرقص معها فقرر الخروج من الماء وجذب فريد من يده
:انت راجل انت سايب اخواتك البنات بترقص على الشط مع الناس دي كلها
هل سيتشاجر جواد مع فريد ام ماذا سيحدث