رواية عائلة الدمنهوري
الفصل السادس6
بقلم تسنيم محمود
.. واخيرا وصلو كريم وكريمان ولقوا المأذون جه
كريمان لكريم :ما تبوظ ام الجوازه دي اللي يباركلك
كريم :تؤتؤ انتي خلاص هتبقى ملكي انا
كريمان :مش انت قولت لو عايزه ابوظ الجوازه هبوظها
كريم :مهو انا قولت وانتي قولتي انا موافقه استحملي بقى
الجد :هو انتوا جاين هنا تتكلموا يلا يا كريم علشان تكتب الكتاب
كريم :حاضر يا جدي
وبدأ المأذون يكتب الكتاب وانتهى هذا العقد القرآني على جمله المأذون الشهيره بارك الله لكما وبارك عليكما وجمع بينكما في خير تعالت الزغريط في المكان والكل كان فرحان لان أكبر اتنين من أحفاد الدمنهوري اتجوزا
كريمان ده كله كانت في صدمه مش مصدقه انها إتجوزت
الجد وهو بيحضنها :مبروك يا قلبي
كريم :خيانه اي ده بتخونيني عيني عينك كده
كريمان :براحتي علفكره
كريم :اتقي غضبي يا كوكو احسن انا غضبي وحش
كريمان وهي بتنفخ :انت عايز مني اي
كريم :انا عايزك كلك على بعضك كده
كريمان بكسوف ووشها بقى شبه الطماطم بتحاول تغير الموضوع : علفكره ده جدي يعني عادي برحتي احضنه وابوسه واعمل اللي انا عايزاه
كريم بغضب :برحتك يا كريمان انا ماشي علشان ورايا شغل
الجد :شغل اي يا حبيبي انت النهارده كان كتب كتابك يعني المفروض تاخذ مراتك وتخرجها
كريم :ورايا شغل يا جدي
الجد :انا قولت كلمه يا ابن أحمد ولازم تتنفذ
كريم بنفاذ الصبر :حاضر يا جدي يلا يا كريمان
واخذها وراحوا على البحر وده المكان المفضل لكريم
كريمان :انا اسفه يا كريم اني اتكلمت معاك بالطريقه دي
كريم :.....
كريمان :متبقاش قفوش بقى اختك وغلطت لازم تصالحها
كريم بصدمه :اختك! ماشي يا كريمان انا قبلت اسفك
كريمان :ايوه كده انت شطور
كريم :شطور! هو انتي قاعده مع ابن اختك
كريمان :انا مش قصدي كده
كريم :خلاص
النادل :هتطلبو اي يا فندم
كريم :واحد قهوه ساده وعصير مانجه
النادل :تمام يا فندم حاجه تانيه
كريم :لا شكرا
كريمان بنرفزه وصوت عالي :هو انت ليه بتطلبلي من دماغك
كريم بغضب :صوتك ميعلاش يا كريمان تاني احنا في الشارع
كريمان بصوت عالي :انت لي بتتحكم فيا
كريم :قولتلك صوتك ميعلاش اي مش بتفهمي
وقام وشدها من درعها وركبها العربيه وركب هو كمان وبدأ يسوق بسرعه كبيره جدا لغاية اما وصلو البيت ونزل من العربيه وشدها ودخل بيها البيت وضربها بالقلم علشان كانت بتشتمه لدرجه انها وقعت على الأرض من شده الضربه وقعدت تعيط
الجد :اي اللي انت بتهببه ده يا كريم
كريم :لو سمحتم محدش لي دعوه انا واحد بيربي مراته علشان هي متربتش
الجد :اي اللي انت بتقوله ده ياض انت اتهبلت ولا اي
كريم:ملكمش دعوه
وشد كريمان من ايديها وقومها واخدها وطلع بيها الغرفه
الجد لأحمد والد كريم :شايف ابنك يا احمد بيعمل اي
احمد :والله انا معرفتش اربي انا اسف يا بابا
الجد :اطلع دلوقتي هاتلي الواد ده علشان انا اللي هربيه
احمد بخوف على ابنه :حاضر يا بابا
........ عند كريم وكريمان في الغرفه
كريمان بعياط : انت اي اللي انت عملته ده انت مستوعب انت عملت اي انت واحد مجنون عقليا انت مين انت علشان تتحكم فيا انت اصلا تزعقلي ليه وبصفتك مين
كريم :انا جوزك وانا اعمل اللي انا عايزه
كريمان :انت مينفعش تبقى جوزي انت واحد متخلف ومجنون انت اتعصبت كده علشان قولتلك انت لي بتطلبلي من دماغك اومال لما اعمل حاجه كبيره هتعمل اي
كريم :هكسر دماغك وقولتلك صوتك ميعلاش
كريمان :انت واحد مجنون افتح الباب انا مينفعش اقعد معاك ثانيه واحده
كريم :......
كريمان :والله انت واحد بارد ورخم وقليل الأدب ومتربتش ومجنون والله مجنون
احمد والد كريم وهو بيخبط على باب الغرفه :افتح يا كريم افتح يا ابني
كريم راح فتح الباب
كريم :نعم يا بابا
احمد:هو انت خليت فيها بابا تعالي جدك عايزك
كريم :حاضر
ونزل كريم علشان يكلم جده
كريم :نعم يا جدي
الجد :تعالي يا راجل يا كبير يا عاقل
كريم استغراب :في اي يا جدي
الجد :هو من أمتي في راجل بيمد ايده على بنت
كريم: انا بربيها
الجد :هو انت تعرف أي عن التربيه اصلا علشان تربيها انا غلطان اني جوزتها لواحد زيك
كريم : قصدك اي يا جدي اني معرفش حاجه عن التربيه
الجد :قصدي انك مش متربي يا كريم وانا هربيك من الاول وجديد وضربه بالقلم
كريم بصدمه حط ايده مكان القلم وسابهم وطلع غرفته
والجد طلع لكريمان
كريمان كانت قاعده على الأرض عماله تعيط وآلاء كانت عماله تهديها
الجد :اطلعي بره يا لولو
آلاء :حاضر يا جدي
الجد راح قعد جنب كريمان واخذها في حضنه انا اسف يا بنتي انا اللي جوزتك غصب عنك لواحد مشافش التربيه
كريمان بعياط :متتاسفش يا جدي
الجد :طيب قومي تعالي علشان تروحي غرفتك
كريمان: ماشي يا جدي
وقامت معاه علشان تروح غرفتها
كريم :اي ده انت واخدها على فين يا جدي
الجد :ملكش دعوه بيها تاني هي رايحه غرفتها واياك تكلمها انت فاهم
كريم :بس..
الجد : مبسش انا مش عايز اسمع صوتك خالص لغايه اما اعيد تربيتك تاني
كريم :...
.................. انتهى البارت...................
(روايه عائله الدمنهوري)
البارت السابع
الجد: يلا يا كوكو علشان تنامي
كريمان :حاضر يا جدي
الجد وهو بيمسح لها دموعها :لا لا متعيطيش غير الا لما اموت لكن طول ما انا عايش مش عايز اشوفك بتعيطي كده
كريمان :بعد الشر عليك يا جدي ربنا يخليك ليا يارب
الجد :ويخليكي ليا يا حبيبت قلبي يلا تصبحي على خير حبيبتي
كريمان :وانت من اهل الخير يا قلبي
وبعد كده الجد اخد بعضه وراح علي غرفته علشان ينام وكريم مكنش عارف هو عمل كده ليه يا ترا هو بيزعق لها علشان هو مجنون زي ما بتقول ولا علشان اي بالظبط وبعد تفكير كبير نام وكريمان كانت قاعده على السرير بتحاول تفهم هو ليه عمل كده هي مكنتش متوقعه منه كده وقعدت تعيط لغايه اما افتكرت كلام جدها( لا لا متعيطيش غير الا لما اموت لكن طول ما انا عايش مش عايز اشوفك بتعيطي كده) كريمان قامت مسحت دموعها وراحت في النوم
......... في صباح تاني يوم كريم صحي من النوم اخد دش ولبس واتوضي وصلي ونزل راح الشغل من غير ما يفطر معاهم كالعاده اول اما وصل المستشفى
الأمن :انت ممنوع من الدخول يا دكتور
كريم :ليه أن شاء الله
الامن :دي أوامر يا دكتور
كريم بنرفزه :أوامر من مين بقى
الامن :من دمنهوري باشا
كريم في نفسه :اما نشوف اخرتها يا دمنهوري باشا
اخد بعضه وروح اول اما وصل البيت طلع على غرفته علطول والدته سماح استغربت ان هو جه بدري وطلعت وراه وخبطت على الباب
كريم :مين
سماح :انا ماما يا كريم
كريم :اتفضلي ادخلي يا ماما هو انتي بتستأذني علشان تدخلي
سماح :اه يبني لازم
كريم :في حاجه يا ماما
سماح :مالك يا كريم يا ابني
كريم :مفيش حاجه يا ماما
سماح :اي اللي مفيش لما اقولك مالك يا كريم تقول ايه اللي حصل انت مش طبيعي يا ابني
كريم بنرفزه :هو انتم كلكم بقيتو شايفني مجنون اي بشد في شعري ولا بخربش في الحيطان
سماح :ان مش قصدي كده يا ابني اي اللي حصلك متغير انت عمرك ما مديت ايدك على بنت حته لما آلاء كانت بتغلط كنت بتقول لابوك متضربهاش اتكلم معاها وفهمها لكن انت تضرب بنت ليه اي اللي حصل عملت اي يخليك تضربها
كريم :والله انا مش عارف انا عملت كده ليه والبنت معملتش حاجه كبيره لدرجه اني اضربها وقالها اللي حصل
سماح :طب انت بدل ما انت عارف ان هي معملتش حاجه كبيره لدرجه انك تضربها بتضربها ليه
كريم :مش عارف والله انا اسف بس لي جدي بيعاقبني بالعقاب ده ليه بيعمل فيا كده
سماح باستغراب :عقاب ايه انا مش فاهمه حاجه
كريم :جدي منعني من دخول المستشفى يا ماما
سماح بصدمه :يلهوي هو اه قال هيربيك بس مش كده
كريم :كده كده بايظه يعمل اللي يعمله بقى انا كده كده هسافر واسيبلكم البلد كلها