رواية احببته رغم كبريائي
الفصل السادس والعشرون26والسابع والعشرون27
بقلم مريم احمد
تاني يوم
كانت حبيبة صاحية و كانت حسه انها مبسوطة و كل شوية تبص على البوكية و هي بتفتكر جملته و هو بيقولها
مروان ..." البوكية دا معمولك مخصوص "
ابتسمت و سمعت صوت رسالة من الواتس
خدت تليوفنها تشوف مين و لاقيته مروان كاتبلها
مروان..." صباح الخير يا حبوبي "
ف ثواني اول م قرأت كلمة " حبوبي " سمعت صوت ضربات قلبها و ابتسمت و هي مش عارفة ترد عليه ولا لا
كانت كاميليا قاعده جمبها
بصتلها و هي بتقولها
حبيبة...كامي
بصتلها كاميليا و هزت راسها بمعنى في ايه
اتكلمت حبيبة بارتباك و هي بتقولها
حبيبة...بصي ه..هو دكتـ...قصدي مروان...
اتكلمت كاميليا و هي بتقولها
كامليا...م تتكلمي يا حبيبة انا مش فاهمه منك حاجه
ادتلها حبيبة التليفون و سكتت
و كاميليا شافت الرساله و ابتسمت و بصت لـ حبيبة بعدم فهم و هي بتقولها
كاميليا...طيب في اي بقى ..ردي عليه
شقهت حبيبة بصدمة و قالتلها
حبيبة...ارد على مين يا كاميليا لا طبعا
استغربت كاميليا و قالتلها
كاميليا...مش فاهماكي
ردت حبيبة و هي بتقولعا
حبيبة...انا هتكسف ارد عليه
ردت عليها كاميليا و هي بتقولها
كاميليا...حبيبتي انسي حوار انه دكتور الجامعة عشان دا بقى حوار قديم دلوقتي انتوا قاريين فاتحة و هو ف اتفق مع عمو و اسلام ان اول م يخلصوا تأسيس الفرع الجديد الخطوبة هتتم بإذن الله
ادتلها كاميليا التليفون و قالتلها بتشجيع
كاميليا...ردي عليه يا حبيبة
دخلت الشات و كتبتله و هي متوترة و قالتله
حبيبة..." صباح النور "
بصت لـ كاميليا و قالتلها
حبيبة...رديت
هزت كاميليا راسها بابتسامة و رجعت تحدف لـ نوح البلونة تاني عشان ميعيطش
رن تليفون حبيبة و كان مروان
بصت حبيبة لـ كاميليا و قالتلها
حبيبة...انا مش هرد
سكتت كاميليا بنفاذ صبر و مروان رجع يرن تاني و كل دا و حبيبة ساكته باصة لـ شاشة التليفون و لأسمه و بس
خدت كاميليا منعا التليفون و فتحت المكالمة و حبيبة قالتلها بصوت واطي عشان مروان ميسمعش
حبيبة...ايه الي انتي عملتيه دا
شاورتلها كاميليا بتحذير و سابتها و راحت لـ حنان الي كانت بتناديها
سمعت حبيبة صوت مروان الي كان بيقولها
مروان...الو ؟
ردت حبيبة بصوت واطي و هي بتقوله
حبيبة... الو
حب انه يعصبها و جالها صوته الي كان بيقولها
مروان...خير سنه عشان تردي ؟؟؟
رفعت حاجبها بضيق لما سمعت صوته الي بيسخر منها و قالتله بابتسامة
حبيبة... مش بقولك بتحب تتهزق
جالها صوته الي كان بيقولها بسخرية
مروان... انتي عارفه يا بت انتي ان مفيش حد فكر بس مجرد تفكير انه يتكلم معايا .. مش بس يناقشني لا يتكلم حتى
سكتت حبيبة و هي عايزة تضحك
فضلوا ساكتين يجي 30 ثانية كدا ..ف اتكلم مروان و هو بيقولها
مروان... هو انتي ساكته ليه ؟
ردت عليه و هي بتقوله
حبيبة...هقول ايه
ضحك مروان و هو مش مصدق ان دي هي هي نفس الشخص الي بترد عليه و مبتسبش حقها
سمع صوتها و هي بتصرخ ف نوح الي كان ماسك البوكية و بيشد الفراشات و هي بتقول
حبيبة...لااا ولاااا سيب البوكية يالااا
رمت التليفون و راحت بسرعة خدت منه البوكية و هي بتعدل الفراشات الي فيه و بتقول لـ كاميليا
حبيبة...تعالي يا كاميليا خدي الواد دا
سمع صوت نوح الي بدأ يعيط
جت كاميليا و خدته و و هو كان بيشاور على البوكية و بيعيط
بعدت حبيبة البوكية عنه و هي ماسكاه بإيديها الاتنين و كأنها بتحميه منه و قالتله بتحذير
حبيبة...اياك تمسك البوكية تاني ياض انت
كان بيضحك و هو سامع خناقتها مع الطفل الي سنه ميكملش سنه حتى
راحت خدت التليفون و البوكية و دخلت البلكونة
ضحكت حبيبة و قالتله
حبيبة...انت لسه هنا دا انا قولت انت قفلت
سمعت صوته و هو بيضحك و بيقولها
مروان...بتتخانقي مع الواد ليه يا بت انتي
قالتله حبيبة بحزن و هي بتبص للبوكية
حبيبة...يا مروان كان هيبوظلي البوكية
رد عليها بحب و هو بيقولها
مروان...يبوظ البوكية من هنا و تلاقي بوكية جديد موجود من هنا
ابتسمت بفرحة و قالتله
حبيبة...ميرسي
ضحك و هو بيقول
حبيبة...هترجع تاني تقولك ميرسي بس
ردت عليه حبيبة بزهق و هي بتقوله
حبيبة....بقولك ايه انت رغاي و انا عايزه اروح افطر يلا سلام
بص للتليفون بصدمة من الي سمعه و قال
مروان...الو ؟ الووو؟
هز راسه يمين و شمال بأسى و قفل المكالمة
...سبحان الله و بحمده سبحان الله العظيم
دخلت حبيبة المطبخ و خدت من كاميليا الأطباق و خرجوا يحطوها على السفره
اتكلمت كاميليا و هي بتقولها
كاميليا...شوفتي بقى لما كلمتيه محصلش حاجه ازاي مش كدا احسن بدل م كان يزعل و تتخانقوا
ردت عليها حبيبة و هي بتاخد شريحة طماطم من الطبق الي لسه حطاه ع السفرة
حبيبة...يا بت دا واض رغاي اوي
اتصدمت كاميليا منها و قالتلها
كاميليا...اوعي يا بت تكوني قولتيله الكلام دا
ردت عليها حبيبة بزهول و هي بتقولها
حبيبة...اومال يعني اموت من الجوع ايييه عايزه افطر مش بني ادمه انا !!!
حطت كاميليا ايدها على وشها بأسى منها و حبيبة قالا لـ نوح الي كان من الواضح انه زعلان منهاا
حبيبة...عايز البوكية ؟
بصلها نوح و كأنه بيقولها ايوا
راحت قالتله و هي بتغيظه
حبيبة...لأ
بص نوح لأمه و عيونه دمعت و راح معيط و حبيبة فضلت تضحك عليه جامد
خدته كاميليا و قالتلها
كاميليا...يا بنتي حرام عليكي
خدته حبيبة منها و باس خده و قالتله
حبيبة...خلاص متزعلش
بس نوح كان برضو بيعيط و هو صعبان عليه نفسه منها
راحت حبيبة قالتله بزهق خفيف
حبيبة... خلاص بقى عشان مزهقش
مسحتله دموعه و قالتله
حبيبة...انت عارف ان حبيبة بتحبك صح
سكت نوح و بطل عياط و هي طبطبت عليه و ادته لـ كاميليا
و راحت خدت باقي الاطباق و ودتها للسفرة
ندهت حنان على كل الي ف البيت و اتجمعوا عشان يفطروا
...لا اله الا الله وحده لا شريك له له الملك و له الحمد يحيي و يميت و هو على كل شئ قدير
في التجمع
نزلت مليكة بسرعة و راحت لأخوها المكتب و هي بتقوله
مليكة...أبيه أبيه أبيه
ساب الشغل الي كان بيتاعبه على اللاب توب و بصلها و هو بيقولها بخضة
مروان...ايه يا مليكة في ايه !!
ابتسمت و قالتله
مليكة...ممكن اخرج انا و حبيبة
رفع حاجبه باستنكار و قالها
مروان...و أبيه لأ!!
ضحكت مليكة و قالتله
مليكة...مقصدش بس اصلي يعني شايفاك مشغول
ابتسم و هز راسه بالموافقه و قالها
مروان...كلميها قوليلها طيب
هزت راسها و قالتله بفرحة
مليكة...شكرا شكرا شكرا
ضحك و قالها
مروان....عفوا عفوا عفوا
ضحكت و خرجت من المكتب و راحت لأوضتها تجيب تليفونها عشان تكلم حبيبة
....سبحان الله و بحمده سبحان الله العظيم
عند حبيبة كانت ف البلكونة بتشرب شاي رن تليفونها و كانت مليكة
ردت فورا و هي بتقولها بابتسامة
حبيبة...كوكي
ضحكت مليكة و قالتلها
مليكة...عاملة ايه يا حبيبة
حبيبة...الحمدلله و انتي عاملة اية
مليكة...الحمدلله
سكتت حبيبة و مليكة اتكلمت و هي بتقولها
مليكة...انتي فاضية
هزت حبيبة راسها بمعنى ايوا و قالتلها
حبيبة...ايوا
ردت مليكة و هي بتقولها بفرحة
مليكة...طيب انا استأذنت أبيه ان انا و انتي نخرج و هو وافق و قالي اكلمك
قفلت حواجبها باستغراب من ان مليكة استأذنته عشان حبيبة كمان تخرج ..كل الي كان ف بالها سؤال واحد بس
"هو ماله ؟"
فاقت من تفكيرها على صوت مليكة و هي بتقولها
مليكة....الو
ردت حبيبة بابتسامة و قالتلها
حبيبة...ماشي يا كوكي موافقة طبعا
ردت عليها مليكة بصوتها الي كله فرحة و قالتلها
مليكة...اوكيه هبقى اعدي عليكي بالعربية على الساعة خمسه كدا ماشي
هزت حبيبة راسها و قالتلها
حبيبة...ماشي
و اتكلموا شوية و بعدين قفلوا المكالمة
و حبيبة دخلت من البلكونة و هي ناوية تروح لـ كاميليا
لاقيت رضوى ف وشها ف قالتلها
حبيبة...كاميليا فين يا رضوى
شاورتلها رضوى ناحية المطبخ و حبيبة راحتلها
حبيبة...كاميليا
بصت كاميليا لـ حبيبة و رجعت بصت لكناكة القهوة تاني عشان القهوة متبظش
كاميليا...ايه يا حبيبة
راحت حبيبة شدت كرسي و قعدت و مسكت تليفونها و هي بتقولها
حبيبة...حصلت حاجة مش عاجباني
استغربت كاميليا و قالتلها
كاميليا...في ايه ؟
ردت عليها حبيبة و هي بتسألها و بتقولها
حبيبة...هو انتي و انتي مخطوبة لأسلام و كنتي بتستأذنيه قبل م تخرجي ؟
هزت راسها بتأكيد على كلام حبيبة بس قالتلها بتصحيح
كاميليا...بصي لو كنت بخرج من اهلي كنت بقوله من باب انه يبقى عارف يعني لكن لو خارجة مع صحابي او كدا ف برضو كنت بقوله و هو كان بيوصلني و يستنى ف اي كافية لحد م الخروجة تخلص و يجي يروحني البيت و لو كان عنده شغل كان بيوصلني و يروح الشركة و بعدين يرجع يروّحني البيت تاني
ابتسمت حبيبة على اخوها و هي بتقول
حبيبة...دا انتي يا بختك عمري ف حياتي م هلاقي حد طيب زي اخويا ابدا
ضحكت كاميليا و بعدين سألتها و هي بتقولها
كاميليا...بس ايه الي حصل يعني؟
حكتلها حبيبة الي حصل و هي مضايقة و كاميليا قالتلها
كاميليا...كبري دماغك شوية يا حبيبة
بصتلها حبيبة بغضب و قالتلها
حبيبة...يا كاميليا دا تحكم
هزت كاميليا راسها يمين و شمال بنفي و قالتلها
كاميليا...يا حبيبتي هو مقالكيش مفيش خروج غير لما تكلميني دا مجرد ان البت راحت تستأذنه زي م بتستأذنه انها تخرج قبل م يخطبك يعني الموضوع مش زي م انتي فاهمه خالص
بصتلها حبيبة باقتناع و قالتلها بفرحة و هي خارجة من المطبخ
حبيبة...اوكية
ابتسمت كاميليا و فجأه سمعت صوت القهوة بصت لاقيتها فارت قالت بصوت عالي نسبيا عشان حبيبة تسمعها
كاميليا...كتر خيرك يا حبيبة
و رجعت بصت للبوتجاز الي اتبهدل من القهوة بأسى و قالت
كامليا...هرجع اغسلك تاني
....استغفر الله العظيم و اتوب اليه
عدى الوقت و حبيبة خرجت هي مليكة
و مليكة قالتلها بابتسامة
مليكة...انتي عارفة ان انتي اول صاحبة ليا اخرج معاها
كملت بتصحيح و هي بتقولها
مليكة...اصلا انا معنديش صحاب يعني هي كانت واحده بس الي هي سما و فجأة مبقتش تكلمني
سألتها حبيبة باستغراب و هي بتقولها
حبيبة...و انتي مبتكلميهاش ليه
هزت رايها بعدم معرفة و قالتلها
مليكة...عشان انا قولت انها مش عايزه تصاحبني تاني ف عشان كدا مبتكلمنيش
استغربت حبيبة من تفكيرها بس قالتلها
حبيبة...يعني انا لو مكلمتكيش مثلا هتفهمي اني مش هايزه اصاحبك تاني ؟
ابتسمت مليكة و سكتت و حبيبة قالتلها
حبيبة...غلط يا مليكة ..لازم تكلميها يمكن عندها سبب يخليها متكلمكيش مينفعش تحكمي على الناس من غير م تسمعي اسبابهم الاول
هزت مليكة راسها يمين و شمال برفض لكلام حبيبة و قالتلها من غير م تاخد بالها
مليكة...هما السبب ف اني ابقى كدا
استغربت حبيبة و قالتلها
حبيبة...انا مش فاهمه حاجة
اتصدمت مليكة من الي قالته و قالتلها و هي بتغير الكلام
مليكة...بقولك ايه تعالي نمشي انا زهقت
استغربت حبيبة لأنهم لسه جايين مكملوش ساعة و الكافية دا مليكة هي الي اختارته كمان
حست ان مليكة ليها حكاية بس محبش انها تضغط عليها عشان متزعلش و قالت انها لو حابه تتكلم هتتكلم
وصتلها مليكة تحت بيتها بعد م اعتذرتلها على انها نهت الخروجة مرة واحده كدا
ابتسمت حبيبة و قالتلها
حبيبة...خليكي عارفة اني ديما موجودة معاكي طول م انا عايشه ف لو حبيتي تبعتيلي و تتكلمي عن اي حاجة مزعلاكي اتصلي بيا من غير تردد
بصتلها مليكة و متكلمش و حبيبة سلمت عليها و نزلت من العربية طلعت بيتها
سرحت مليكة ف كلام حبيبة شوية و هي عيونها مدمعة
خدت منديل و مسحت دموعها و دورت العربية و هي رايحة على بيتها ووووو
27
عدت الأيام و و مروان و حبيبة اتخطبوا
و حبيبة كانت ابتدت انها تحب مروان الي اول م ايناس قالتله على خطة حبيبة مبقاش بيظهر غروره نهائي
كان انهاردة قراية فاتحة مايفين
قررت حبيبة انها تكلم مليكة و تقولها تيجي معاها هي و كارولين
مسكت تليفونها و رنت عليها ،معداش ثواني و مليكة ردت و هي بتقول
مليكة...بيبو
ابتسمت حبيبة و قالتلها
حبيبة...بقولك ايه
ردت مليكة عليها و هي بتقولها بتركيز و اهتمام
مليكة...في ايه ؟
حبيبة...انهارده قراية فاتحة واحده صاحبتي الي هي مايفين م انتي عارفاها
هزت مليكة راسها بمعنى ايوا و حبيبة كملت كلامها و هي بتقولها
حبيبة...ايه رأيك تيجي معايا انا و كارولين
اتوترت مليكة شوية و بعدين قررت انها هتوافق و كدا كدا كانت دكتور مودة قايلالها انها لازم تختلط بالناس عشان تعرف انها تتغلب على خوفها
اتكلمت و هي بتقولها
مليكة...طيب هستأذن أبيه الاول
حبيبة...ماشي
ابتسمت مليكة و قالتلها
مليكة..يلا سلام
حبيبة...سلام
و قفلوا المكالمة و مليكة راحت لأوضة المكتب لأخوها
خبطت على الباب و سمعت صوته الي اذنلها بالدخول
دخلت و هي بتقوله بترجي
مليكة...أبيه ممكن طلب
رد عليها و هو مركز ف الورق الي قدامه
مروان...اطلبي
ابتسمت و قالتله
مليكة...ممكن اروح مع حبيبة قراية فاتحة صاحبتها بليز
هز راسه بنفي و قالها برد ميقبلش اي نقاش
مروان...لأ
اتحولت تعابير وشها للحزن و قالتله
مليكة...طب ليه بس يا أبيه م انا هبقى مع حبيبة
بصلها و هو بيقولها برفض
مروان...لا انتي هتروحي ولا حبيبة هتروح
ردت عليه و هي زعلانه و بتقوله
مليكة...يا أبيه احنا مش هنتأخـ....
قاطعها بحدة و هو بيقوله
مروان...جرا ايه يا مليكة انا قولت لأ يبقى لأ
دمعت عيونها بحزن و راحت اوضتها
اتصلت بـ حبيبة
ردت عليها حبيبة الي كانت محتارة بين شنطتين
حبيبة...كويس انك اتصلتي بصي انهي احسن على دريس لونه ازرق الشنطة البيضة ولا البيج؟
ردت علبها مليكة الي صوتها كان حزين و قالتلها
مليكة...اسكتي يا حبيبة ابيه مش موافق
قفلت حبيبه حواجبها باستغراب و قالتلها
حبيبة...ليه
هزت مليكة راسها بعدم معرفة و قالتلها
مليكة...قالي لا انتي ولا حبيبة هتروحوا
استغربت حبيبة بس مهتمتش و قالتلها
حبيبة...خلاص نبقى نخرج انا و انتي وقت تاني
هزت مليكة راسها بمعنى تمام و قالتلها
مليكة...طيب هقفل انا بقى دلوقتي
ابتسمت حبيبة و قالتلها
حبيبة...ماشي يا حبيبتي
و قفلن المكالمه
ندهت على رضوى بصوت عالي عشان تسمعها
و رضزى راحتلها
رضوى...في ايه
مسكت حبيبة الشنطتين و قالتلها
حبيبة...انهي احلى
شاورت رضوى على الشنطه البيضة و قالتلها
رضوى...دي
هزت حبيبة راسها و حطت التليفون و المحفظة و المفاتيح ف الشنطة
قالتلها رضوى باستغراب
رضوى...هو انتي رايحة فين
ردت عليها حبيبة و هي بتقولها
حبيبة...قراية فاتحة مايفين
هزت رضوى راسها بمعنى ماشي و خرجت راحت للصاله
سمعت صوت رسالة من تليفونها
شافت الرسالة لاقيته مروان الي كان كاتبلها
مروان..." اياكي تنزلي يا حبيبة "
اضايقت جدا من صيغة الأمر الي بيتكلم بيها و قررت انها متفتحش الشات اصلا و كأنها مخدتش بالها من الرساله عشان هي اكيد مش هتسيب صاحبتها عشان شوية اوامر من البشمهندس
و نزلت و الشارع هي و كارولين الي كانت مستنياها بالعربية
ابتسمتلها كارولين و قالتلها
كارولين...دا انا قولت دكتور مروان مش هيرضى يخليكي تيجي
ورتلها حبيبة الرسالة و متكلمتش و كارولين قالتلها بصدمه و تحذير
كارولين...حبيبة مينفعش كدا
بصتلها حبيبة بزهول و قالتلها
حبيبة...حاضر هسيبه يتحكم فيا يا كارولين
هزت كارولين راسها يمين و شمال بقلة حيلة و قالتلها
كارولين...خلي بالك انا مش مطمنه
ضحكت حبيبة بخفة و سخريه و متكلمتش
...سبحان الله و بحمده سبحان الله العظيم
بعد م بعتلها الرساله ساب التليفون ف المكتب و راح لأخته عشان متعيطش
خبط على باب اوضتها بس مكنش في رد
رجع خبط تاني بس برضو مكنش في رد عرف انها اكيد ف البلكونه
و بالفعل كانت هناك راحلها البلكونه و كانت بتعيط
قالها بحب
مروان...انتي عارفه اني مبحبش اشوفك بتعيطي صح
بصتله مليكة بحزن و رجعت بصت للزرع تاني
ابتسم و قالها
مروان...يا كوكي انا خايف عليكوا
ردت عليه بقهر و هي بتقوله
مليكة...من ايه يا ابيه انت اكتر واحد عارف اني مبخرجش و ف الاخر ترفض كدا
اتنهد بحزن عليها هو استحاله يقولها انه خايف يخليهم يروحوا هناك و هو عارف انه ليه اعداء كتير و طبعا هيستغلوا الدوشة الي هتبقى هناك و هو مش هيكون معاهم عشان يحميهم هو اصلا مخلي شوية حراس يراقبوا تحركات حبيبة عشان برضو يطونه سبب ف انهم يحموها
ابتسم مروان و قالها
مروان...وعد مني اول م افضى من الشغل هاخدك انتي و هي و هخرجكوا خروجة حلوة
مسحت دموعها بابتسامة و قالتله
مليكة...ماشي
ابتسم و متكلمش
....لا اله الا الله وحده لا شريك له
راح مكتبه تاني و اتفاجئ لما لاقى 10 اتصالات من الحارس الي بيراقب حبيبة
اتصل عليه و قاله باستغراب
مروان...في ايه يا فتحي
رد عليه فتحي و هو بيقوله
فتحي...الهانم يا مروان بيه نزلت من ساعة كدا و راحت لـ بيت مليان انوار و غالبا فرح
كور ايده بغضب لـ درجة ان عروق ايده بانت و قاله بغضب مكتوم
مروان...ابعتلي اللوكيشن
قاله فتحي بطاعة
فتحي...اوامرك يا باشا
و قفل المكالمة و بعتله اللوكيشن و مروان خد مفاتيح عربيته و نزل و هو الغضب عاميه
....لا اله الا الله وحده لا شريك له
اما عند حبيبة كانت مبسوطة جدا لـ مايفين و كانت بتتصور معاها هي و كارولين
و كارولين دخلت البلكونة تتكلم ف التليفون
قالت حبيبة لـ مايفين بابتسامة
حبيبة...مبارك يا مايفين
ابتسمتلها مايفين و قالتاها
مايفين...الله يبارك فيكي يا بيبو
ابتسمتلها حبيبة و كان لسه هتتكلم بس سكتت لما لاقيت كارةلين راحتلها و على وشها تعابير القلق كلها و بتقولها
كارولين...حبيبة عربية دكتور مروان تحت البيت
اتصدمت حبيبة و حست ان قلبها وقف من خوفها لما سمعته و هو بيقول لـ كريم و مايفين
مروان...الف مبروك
ابتسم كريم و قالتله
كريم....الله يبارك ف حضرتك يا دكتور مروان
هز مروان راسه بمجاملة و قال لـ حبيبة بغضب مكتوم
مروان...من غير كلام كتير عشان متجيبيش التهزيق لـ نفسك اتفضلي امشي ووووو