رواية غموض الحب الفصل الخامس عشر15والسادس عشر16 بقلم لولا
عز الدين شافه واقف قدام البيت بعيد شويه اتصدم
فنزل بسرعه وراح ناحيته وتابع بخوف وبحده ايه اللي جابك هنا امشي غور وعرفت البيت ازاي
صلاح بحده ميخصكش عرفت ازاي وجيت اشوف ياسمين ومش همشي الا لما اشوفها
عز الدين بتوتر صلاح .. صلاح ابوس ايدك متعمليش مشاكل ياسمين اقسم بالله مش هنا راحت كليتها
صلاح يبقى استناها انما مش همشي غير لما اشوفها بقالنا سنين من هي لحمه حمرا بنقولك عايزين نشوفها وانت معندكش دم ولا احساس
عز الدين بعصبيه جاي تشوفها بعد ايه ما كفياك قرف بقى خلاص فات اوان كلامك ده ولو ياسمين فعلا غاليه عندك وبتحبها 1% سيبها في حياتها هي ماصدقت اتعودت واتاقلمت على الوضع ده
صلاح بحزن انا ندمان يا عز حقيقي حقك عليا بس سبني اشوفها واسلم عليها وكاني واحد صاحبك ارجوك دي اخر حاجه فضلالي
عز الدين بتنهيده طب عموما هي فعلا مش هنا سبنا كام يوم علشان عندنا كتب كتاب نور بنت اخويا وابقى تعالى هقول انك صاحب ليا وجاي من سفر وعايز تزورني وسلم عليها وعلى عيالي علشان محدش ياخد باله
صلاح بفرح تمام وانا موافق وتابع بتحذير بس بلاش تخلف بوعدك ده معاايا بدل منا كمان اطلع واطي وندل وافضح كل حاجه
عز الدين بتنهيده لا هوريهالك بس غور دلوقتي ومشوفش وشك
صلاح بتنهيده تمام خلينا على تواصل تقولي اجي امتى
عز الدين بضيق تمام اتفضل بقى قبل ماحد يشوفك مش ناقص مشاكل واسئله ملهاش لازمه
صلاح لبس نضرته واكمل تمام سلام مؤقتا ومشي
عز الدين بضيق داهيه تاخد وتريحنا
وبص للسما وتابع بحزن عارف اني من الاول مكنش ينفع اعمل كده بس اعمل ايه اضطريت يارب
فلاش باااك من 22 سنه في يوم ممطر والجو برد الناس كلها كانت مقفله الشبابيك وقاعدين مشغلين الدافايات وكانت الساعه قرب 12 نص الليل
صافيه هو جوزك مجاش كل ده ليه يا لبنى
لبنى بقلق وهي حاطه الفون على ودنها: والله يا ماما مش عارفه اتاخر اوي وبرن عليه مش بيرد. نهائي
منصور اهدي يابنتي خير انشاء الله تلاقيه جاي
يونس كان عمره 6 سنين وقتها فاكمل ماما بصي انا مش فاهم دي
لبنى بقلق باست خده وتابعت اصبر يا حبيبي هفهمك كل حاجه بس اطمن على بابا لسه مجاش
يونس ساب الكشكول وقعد في حضنها فحضنته وباست راسه وبتحاول بردو تكلم عز الدين
وكل ده عز الدين كان واقف عند الباب سامعهم وقلقان يخبط اهله يرفضوا قراره فبعدين قرر يخبط والبنت اللي على ايديه ابتدت تعيط
ففتحت لبنى واكملت بلهفه اخيرا يا عز كنت فين ك وسكتت لما شافت البنت بتعيط وتابعت بستغراب مين دي
عز الدين بتنهيده هقولكم دلوقتي ودخل
عايده بستغراب بنت مين دي
عز الدين بتنهيده معرفش بس
منصور بحده وبمقاطعه واما انت متعرفش جايبها معاك ليه
عز الدين بتنهيده بص يابا انا عارف اني ممكن اتهاجم بلقرار اللي خدته ده بس بصراحه البنت صعبت عليا صغيره اوي والجو بره صعب
لبنى بصدمه مش فاهمه يعني ايه مرميه في الشارع وصعبت عليك لييه فين اهلها هما رموها !!!!!!
عز الدين بحزن اه ده حقيقي اللي شافته كطفله محدش يتحملوا ناس معندهاش قلب وانا راجع البيت لقيت عربيه سودا تبان بتاعت ناس اغنيا ومبسوطين كده الا ان واحد منهم خرج وهو شايلها وراح راميها على جمب ومشي
كلهم اتصددموا فاكملت لبنى بدموع ياحول الله يارب دي عيله .. طلما مش عايزين تخلفوا بتتنيلوا ليه وتجيبوهم ذمبها ايه الملاك دي
منصور بحزن حرام كنت تسيببها في الجو ده كانت ماتت بس دي مسئوليه كبيره يا عز وديها لدار ايتام يا ابني
ايمن بحزن ده رايي انا كمان مينفعش تفضل
صافيه بحزن هي البت صعبانه عليا منهم لله اهلها بس يحبيبي لو خليناها هنسمع كلمه من ده ومن ده واحنا مش ناقصيين
عز الدين بحده هو ايه اللي هتسمعوا كلمه ما يغور الدنيا كلها احنا مالنا بكلام الناس بقولكم دي طفله واترمت وسط المطر وصعبت عليا وانا قدام ربنا هتكفل بيها انتوا مش قابلين حاجه زي كده انتوا احرار ومش هدخلكم بيت تاني
صافيه بحزن يابني هو احنا بنقولك كده علشان كلامك ده بجد اخص عليك
معتز خلاص يجماعه خلوه يربيها هو حر واهو يكسب ثوابها
منصور بحده يابني الناس مش هتسيبنا في حالنا ميصحش
عز الدين بحده خلاص هسيبهالكم انا خالص
لبنى بدموع لالا يحبيبي خلاص خليها وانا هربيها مع يونس مفيهاش حاجه انا راضيه دي ملاك حرام تتبهدل في دار الايتام مش الاهتمام اللي هو عندهم بردو ومدت ايديها تاخدها
عز الدين ابتسم بحب وادهالها واكمل لصافيه بعدين انا ولبنى عايزين نخلف وحاولنا كتير نلاقي ادويه وروحنا لدكاتره كتير بعد يونس لان استغربنا التاخير مع اننا مخلفين قبل كده وكلهم قالوا ان معندناش مشاكل والحاجات دي بتاعت ربنا وادي يونس 6 سنين ولسه محصلش حمل يمكن ربنا بعتلي البنت دي تعوضنا
نرمين بحب خلاص يجماعه سيبوها هو عايز يتكفل بيها ودي مسئوليته محدش ليه انه يدخل
عز الدين بلظبط كده وبص لي لبنى لقاها بتلاعب في البنت وبتسكتها فابتسم
لبنى بحب عسوله خالص بسم الله مشاء الله ربنا يحميها وبصت لعز وتابعت متخافش عليها خلاص هي والله زيها زي يونس
منصور بتنهيده طيب يابني عقلك في راسك تعرف خلاصك انت حر
صافيه بحب باذن تبعتلك كل الرزق وربنا يجبر بخاطرك ويسهلك كل صعب يا ابني زي ما انت حنين علي الكل كده
عز بحب اللهم امين يارب
لبنى بابتسامه ها هتسمي الصغننه ايه
عز الدين بابتسامه ياسمين
لبنى باعجاب حلو اوي بجد
عايده بحب اه جميل ياسمين
يونس بحماس ماما وريني النونو ممكن ??
لبني بحب ممكن طبعا يا نورعين ماما وقعدته على الكنبه وحطت ياسمين على رجله وبصتلهم وابتسمت بحب
يونس بفرح دي جميله خالص بصي صغننه ازاي
لبنى ضحكت واكملت ماعلشان نونه بكره بقى تكبر وتبقى قمر شبهك وباست خده
عز الدين مسك ايديها وقومها وباس جبينها واكمل لبنى انا مش عايزك تكوني مضايقه او بتعملي حاجه مجبره عليها
لبنى بابتسامه انا امتى عارضتك في قرار علشان اعارضك دلوقتي ??? بس عموما انا معاك جدا البت بسم الله مشاء الله ملاك وانا كان نفسي في بنت وربنا بعتهالي وطبطبت على كتفه وتابعت بحب مش زعلانه يحبيبي متخافش والله
عز الدين ابتسم بحب واكمل ربنا يخليكي لينا يحبيبتي بجد
وجاله فون فتابع طب ثواني هعمل مكالمه
لبنى بحب روح وراحت قعدت مع يونس وياسمين
في البلكونه عز رد بعصبيه واكمل نعمين خييير
صلاح بعصبيه انت وديت البنت فين فاكر ان انت كده بتعاقبني بيهاااا يعني
عز بسخريه لا وانت الصادق انا بنفذ شرطك ياسمين من انهارده متخصكش وبنتي انا وبس ومحدش ليه دعوه بيها في الدنيا كلهااا فتنساها احسنلك وتبعد عن حياتنا
صلاح بحزن طب اشوفها مره واحده بعدين خدها
عز الدين بحده انسى يا صلاح ومشوفش رنه اهلك عليا تاني وقفل الفون وبص للسما وتنهد بحزن شديد ودموعه نزلت
باااااااك
عز الدين بدموع كفايه اوي اللي شوفته منك زمان يا صلاح مش هسمحلك تدمر نفسيه ياسمين دلوقتي كمان
----------------------------------------------
في عربيه احمد
احمد ما كفايه تصوير صدعتيني يا جودي الله يحرقك
جودي بضحك انت مركز معايا ليه يابارد
احمد يا شيخه اتنيلي قال مركز قال اصل صوت الكاميرا مش واضح كل ثانيتين محسساني انجلينا جولي بتتصور جتك الارف
جودي بضحك يلا يا معفن انا مفيش اجمل مني .. مش عارفه باليتينا بيه ليه يا ياسمين
ياسمين بضحك بس يحيوانه ده كتر الف خيره جاي يوصلنا ومستحملك انتي ورخامتك
احمد بضحك هي مجنونه كده علطول
ياسمين بضحك ااه خصوصا لما يوصلنا يونس بتفضل طول الطريق تتصور وتيك توك انما مازن بيتعصب فبتتخرس خالص
احمد فضل يضحك واكمل وربنا تستاهل
جودي بضحك ياربي غيظاكم للدرجه دي بس معلش انا مشطشطه من يومي
احمد بضحك قصدك انتي كلاون من يومك وبتضحكينا ده حقيقي
جودي بضحك شايفه مهزق ازاي يا يااسمين
ياسمين بضحك معلش استحملي علشان بيوصلنا حقك عليا انا بدل مايوقف العربيه وينزلنا نكمل مشي
احمد بحب لا عيب عليكي انتي من لحمي ودمي احنا ننزل جودي اه انما انتي لا
جودي ضربته في كتفه واكملت بضحك اصل واكله ورثك جودي
احمد بضحك لا فاقعه مرارتي انا الصحه بنسبالي اهم من الفلوس بكتير
ياسمين فضلت تضحك واكملت الف سلامه على مرارتك يا ابن عمي حقك عليا مش هدبسك معاها تاني
احمد بضحك اهو كده انتي بتفهمي يابت يا سمسم وربنا اوديكي انتي بس عينيا ليكي
جودي بضحك حوش حوش انا اللي هموت واجي معاه
ياسمين بضحك يابنتي اتخرسي عايزين نوصل بلسلامه
جودي بضحك حاضر مؤقتا علشان ليا مصلحه بس
احمد بضحك طول عمرك يابنتي بتاعت مصلحتك عادتك ولا هتشتريها
ياسمين ضحكت واكملت والله انتوا فظاع
احمد بصلها وتابع المهم انتي هترجعي امتى
ياسمين وهي بتظبط الطرحه تابعت على 5 كده
احمد حد هيجيبكم طبعا ???
ياسمين بابتسامه اه مازن متخافش
احمد بتنهيده تمام دخلي شعرك بقى اللي طلعتيه اكتر مش دخلتيه خالص
ياسمين بضحك بتهزر وفتحت المرايه قدامها ولقيت فعلا شعرها خارج فظبطت الطرحه وتابعت بس كده زي الفل
احمد بصلها واكمل اه تمام كده ووقف العربيه واكمل وصلنا خلي بالكم من بعض
ياسمين بحب ماشي تعبتك يا احمد
احمد بحب بس ياهبله تعبك راحه وضحك وتابع انتي بس
جودي بضحك ماشي تشكر يا عم احمد
احمد بضحك يخش يطمر بس
ونزلوا واتاكد انهم دخلوا فاتصل كلم صاحبه عزيز ومشي بلعربيه
------------------------------------------
فوق السطح عند سيف وعمر
سيف بتنهيده بس خلاص فمضطرين بقى
عمر بتنهيده خد بالك انا حذرتك من المهمه دي بس انت بقيت بتستعبط اوي ومبترفضش ولا بتعترض على اي حاجه كأن عمرك ده رخيص وبردو بتوافق بغيرها وغيرها
سيف عمر هتكلم معاك بعيدا عن الشغل لان كلامك ده في الكتيبه حقيقي بيعصبني هو احنا رايحين نعمل ايه ???
عمر بتنهيده فاهم بس في مهمات بتبقى ..
سيف بمقاطعه ماهو مينفعش بقى اقول بتبقى اللي انت رايح تقولها دي اما انا هقول لا وغيري يقول لا نسيبها تخرب يعني ولا ايه ???
عمر سيف انا مش قصدي كده بس بردو الحمل كله ميبقاش عليك لوحدك هي مش بلدك انت بس المفروض يبقى في احساس من القاده التانيين شويه
سيف وهو بيرجع ضهره لورا اكمل انا ماليش دعوه بحد هما احرار انما انا اللي بيطلب مني بعملوا مقدرش ارفض علشان مش سيف االرفاعي اللي يتجاب في سيرته انه خايف من المهمه زي القاده التانيين وانا بلفعل مبخافش
عمر بتنهيده انا مبتكلمش عن شجاعتك وعارف انك مبتخافش بس انا خايف عليك فكر في عمرك مش عيب ولاضعف انك لما تلاقي حاجه ممكن تموتك بعد الشر عليك تقول لا والله مش عيب
سيف بتنهيده فكك من كل ده اديها عدت الحمدلله اللي عدى اللي فات يعدي اللي جاي
عمر بتنهيده بردو مش هتتغير ولا هتسمع لحد غير دماغك .. طب ياسيدي علشاان امك دي فكر فيها لو حصلك حاجه تموت وراك
سيف بتنهيده ربك مبينساش حد يا عمر وبينزل صبر من عنده ومحدش بيموت ناقص عمر هي محطات وكله مكتوب ينزل في محطته
عمر بحزن الف بعد الشر عليك ربنا يديك طوله العمر هو انا اتبقى ليا غيرك
سيف حضنه واكمل بحب ربنا ميحرمنيش منك يا غالي
عمر طبطب على ضهره وتابع بحب ولا منك يارب وضحك وتابع ويهديك علشان حاسس اني امك بقلقي ده
سيف بضحك ده حصل بجد
زينب طلعت وشافتهم ابتسمت بحزن ومشيت بلصينيه وحطيتها على التربيزه فلفتت انتباهم
عمر شافها نفخ بضيق ومبصش في وشها
سيف بحب اخيرا ياختي صحيتي
زينب بابتسامه كنت مطبقه والله يا سيف وتعبانه اوي
سيف فتح ايديه فقعدت جمبه وسندت راسها على صدره فتابع بحب وهو بيبوس راسها ولا يهمك يحبيبتي المهم نمتي كويس ؟؟؟
زينب اتوجعت من تجاهل عمر ليها وبصت لسيف وتابعت بحزن اه متقلقش عليا يحبيبي
سيف بستغراب مالك يا زينب في ايه مزعلك
زينب بابتسامه مفيش يحبيبي ازعل ازاي وانت هنا يعني طب ده والله يبقى اخص عليا
سيف ابتسم واكمل طب متثبتنيش وقولي في ايه مالك بجد
زينب بتنهيده ضغط في الشغل وعدم انتظام في النوم وحاجه اخر ارهاق بس فمودي مش رايق
سيف بتنهيده: على سيف يازينب؟؟؟ مش بالعها بس عموما خدي اجازه واخرجك واوديكي الحته اللي تعجبك
زينب ابتسمت واكملت بحب ربنا يخليك ليا يارب ياغالي
سيف بخبث ويخليكي ليا وافرح بيكي قريب يارب
عمر غمض عينيه بحزن وسكت
زينب بحزن بتداريه اكملت يارب يحبيبي تسلملي
عمر بتنهيده متبقيش تطلعي وتتعبي نفسك انا همشي كده كده
سيف برفعه حاجب تمشي تروح فين
عمر رايح بيتي هروح فين يعني
زينب بقلق لا انت مينفعش تروح وانت
عمر بمقاطعه كتر الف خيرك يا انسه زينب انا مقدر خوفك عليا ومحبتك الاخويه بس انا مش هرتاح غير في بيتي
سيف بحده انت عبيط يالا ومين هيخلي باله منك في بيتك انت لوحدك وايدك مكسوره وتعبان
عمر بتنهيده متقلقش عليا بنت خالتي مش هتسبني
زينب بصتله بغيره وسيف اكمل برفعه حاجب عمر مالك ماتظبط كده هي بنت خالتك هتغيرلك وتدخلك الحمام ولا ايه
عمر بابتسامه ااه عادي منا هتجوزها
زينب اتصدمت ومنعت دموعها بلعافيه فتابع سيف بستغراب تتجوزها !!!!! ده ازاي قررت كده فاجاه ومن غير ماتقولي مش فاهم
عمر بتنهيده سيف انت القائد بتاعي اغلبيه الوقت وفي بينا تعامل بحدود في الشغل اكتر من كونك اخويا في العادي فاكيد مجاش فرصه اقولك
زينب بوجع ابتسمت بلعافيه واكملت هو انت مش بلصدفه قولتلي انها اختك في الرضاعه وضحكت بتمثيل
عمر بضحك ااه بس انا مقصدش اسماء لانها فعلا اختي واكتر انا اقصد بنت خاالتي التانيه دول من قريه تانيه والبت بتحبني وانا بصراحه تعبت من القاعده لوحدي وعايز استقر ويبقى معايا واحده تسندني وتشاركني حياتي
سيف بستغراب انا معاك بس انت بتحبها ؟؟؟
عمر بتنهيده طول عمرك بتقول مش كل حاجه الحب ولا كل اللي بنحبهم بيليقوا علينا او يستاهلوا الحب ده فانا يمكن مش بحبها بس بتقبلها وبلعشره هحبها لانها بتحبني وهتصوني ومش شايفه غيري وبتتمنالي الرضا ارضى
زينب قلبها كان قايد نار ومنعت دموعها بلعافيه وتابعت بابتسامه سيف هنزل انا يحبيبي عندي شويه حاجات اعملها ابقوا كلوا هاا
سيف واخد باله من عينيها بس مبقاش فاهم في ايه وازاي عمر اتحول فاجاه كده فاكمل بتنهيده روحي يحبيبتي وطبطب على كتفها
زينب قامت وتابعت بقهر مليون مبروك يا حضره الظابط ابقى اعزمنا
عمر بابتسامه اكيد طبعا اول الناس
زينب ابتسمت بوجع ونزلت وسمحت لدموعها تنزل بغزاره
سيف بتنهيده متظلمش بنات الناس وتتسرع
عمر بتنهيده متخافش عليا يا سيف انا عارف بقولك ايه ومش عمر اللي يجي على بنت ملهاش ذمب الجواز للاستقرار وانا فعلا عايز ده ومفيش واحده بحبها فطلما عايز اتجوز بختار بنت مناسبه وهي فعلا مناسبه
سيف اتنهد بحيره وتابع ربنا يختارلك اللي في الخير ويريح قلبك يا عمر وتابع في سره انا واثق ان زينب وعمر بيحبوا بعض وواضح جداا في عينيهم حصل ايه وصلهم للمرحله دي !!!!!!!
عمر بتنهيده حزينه انا وانت يا غالي
----------------------------------------------
عند يونس قاعد قدام النيل وبيفتكر فلاش باك من 3 سنين
لبنى بحزن حتى انا مش عايز تقعد معايا يا يونس اخص عليك
يونس بحزن ماما حقك عليا بس ارجوكي انا تعبان ومش قادر اتكلم والله ما قادر
لبنى خدته في حضنها واكملت بدموع حقك عليا يا يونس حقك عليا من كل وجع في قلبك صدقني حاسه بنار بتكويني وانا شيفاك تعبان ومش عارفه اشيل وجعك ده منك بس صدقني ياابني حاسه وشايفه ولامسه كل وجع فيك
يونس بابتسامه حزينه وانا عارف حاجه زي كده محدش غيرك بيفهمني اصلا
لبنى باستر راسه وتابعت بلهفه طب قولي يا ابني قولي حاسس بايه دلوقتي متسكتش وخرج اللي جواك انا هسمعك
يونس تنهد بوجع واكمل حاسس اني عشت في وهم .. عشت احلم بليوم اللي تحبني ربع حبي ليها وتكون معايا قدام الكل وابتسم بسخريه وتابع مع اني عارف انها عمرها ماحبتني ولا هتفهم يعني اي حب حقيقي اصلا.. حاسس ان نفسي اخرج قلبي من مكانه وارميه علشان برغم اني راجل طول بعرض بس الاحساس ده بيموتني ومخليني مش مستحمل حتى النفس اللي بتنفسه .. تعبان علشان خاطر مضطر اعيش طبيعي قدام الكل واحط جزمه في بوقي ومتكلمش واظهر عكس مشاعري واحساسي .. انا مش عارف الوم مين يا ماما ??? هو حبي ليها ده انا السبب فيه ولا ربنا حطه في قلبي ???? انا على حد علمي مس بنختار نحب مين ومين لا انا اكيد مش حابب اوجع نفسي واحب انسانه مش مقدره حبي ليها ولا تفهمه اصلا بس منا بحبها طب اعمل ايه ??? الحب مش مفروض ياذي ولا يوجع الحب المفروض هو احلى حاجه في الدنيا بس انا من يوم ما حبيتها حاسس ان في سحر او لعنه صابوني انا لا عارف اخليها معايا ولا عارف انساها واعيش .. المفروض اعمل ايه علشان ارتاح يا امي قوليلي بجد انا مش قادر
لبنى حضنته وعيطت فاكمل بدموع والله العظيم مش قادر واتهديت وتعبت من التمثيل اعمل ايه يارب انا مش بعترض بس انا حاسس بلعجز والضعف بجد انا مش قد التجربه دي
لبنى بدموع استهدى بالله يابني استهدى بالله يحبيبي ده ربنا بيحبك فبيجربك في الغالين عليك وحطت ايديها على خده وتابعت بابتسامه بدموع قريت مقوله بتقول وهل يبتلى الانسان الا في من يحب؟؟؟!!! ده اصعب ابتلاء يحبيبي وانت قده وطبيعي تحس بلضعف اومال اسمه حب ليه ??? انت لو مضعفتش علشان دي حبيبتك وانت مش قادر تيجي عليها ولا تكرها ولا حاجه من الحاجات دي يبقى ازاي بتحبها ??? ماهتبقى زيها زي اي حد بس طول عمره الحب بيلازمه ضعف ومش عيب يحبيبي انت كل اللي تعملوا ادعي .. ادعي ربنا يا يجعلها نصيبك يا يشيل حبها من قلبك خالص
يونس بدموع بدعي صدقيني بس باجي عند النقطه دي مبقدرش اقول يشيل حبها من قلبي انا فعلا عايزها بس مش هقدر اكون معاها فهماني مش قادر حقيقي اشوفها لغيري بعيني كده ولا قادر اقربها خلاص هي خلصت وانا عارف انها خلصت بس مش عايز اصدق
لبنى بدموع فهماك يحبيبي ربنا يهدي نار قلبك ووجعك ينورعيني ويطبطب عليك وقادر يعمري يديك سؤال قلبك لاجل صدق مشاعرك والحاحك عليه والله قادر اطلبه كتير يا يونس وهيستجيب والله ربك لا يعثر عليه امر ده هو حاطط كل الحب ده جواك لاجل انها نصيبك انت باذن الله وهيحصل وهتفتكر وتقول ماما قالت وعيطت وتابعت وبعدين انا بردو مش قادره اشوفك كده يا يونس مش قادره اشوفك تعبان انا بموت الف مره من قله حيلتي ومسحت دموعه وباست جبينه
يونس ابتسم بحزن وتابع ربنا يسمع منك يا غاليه بجد وميحرمنيش منك ابداا
لبنى بدموع وحب ولا يحرمني منك يا ابن قلبي ونورعيني وباست جبينه
يونس حضنها وباس راسها وتابع حقيقي الواحد لولاكي كان دخل في اكتئاب وضحك
لبنى بحب مش ولبنى موجوده يا دكتور
يونس بضحك ده والله انتي اللي دكتور وكلامك وحضنك السكر ده اللي بيبقى دوايا علطول ده يبخت عز بلقمر ده كله والله وغمز
لبنى بضحك ياحيوان يا جزمه اتلم يا واد انا امك عيب
يونس بضحك طب بالله كل اللي يشوفك يتصدم انك امي هو في ام قمر كده
لبنى ضحكت وتابعت وهي بتحضنه يا قلب امك انت يارب يديمك ليا انت واخواتك واشوفك عريس مع اللي قلبك اختارها يا يونس يا ابني واشيل عيالك
يونس بحب في حياتك يا ست الكل اللهم امين
لبنى بحب عايزاك كل ما تتعب ولا تزعل تيجي تكلمني وتحكي من نفسك هاا انا سرك وسندك وصاحبتك وكل حاجه
يونس بحب انتي فعلا كل حاجه وباس ايديها وتابع من غيرك بجد الواحد يموت
لبنى بحب بعد الشر عليك يانورعيني وياخد من عمري ويديك وابتسمت وتابعت يلا اروح انا بقى اعمل الرز بلبن لحسن ابوك بيتوحم عليه من امبارح
يونس بضحك روحي يحبيبتي خلصي وهاتيلي طبق هاا
لبنى بضحك من عيوني يحبيبي بس كده
بااااااااااك
يونس دموعه نزلت وتابع ياريتك هنا انا بجد مكسور كلمه قليله .. مش مستوعب لحد دلوقتي انك فعلا مشيتي اصلا .. انا لسه بدور عليكي احضنك واحكيلك انا فعلا من غيرك موت وبموت كل يوم وعايش جسد بس من غير روح ودخلت في اكتئاب وبقى عندي لا مبالاه واتهديت يا امي ... انا كنت كلي حيويه وبعدك اطفيت ربنا اختبرني فكل الناس اللي كانت غاليه عليا انا مكنتش مستحمل تجربه واحده اصلا دلوقتي خسرت كل حاجه ومش عارف اعمل ايه ولا اروح فين ولا اريح قلبي ازاي انا حقيقي حاسس اني تايه وغريب ووحيد في وسط عالم مليان ناس انا مش بخير يا ام يونس مش بخير ياريتك فضلتي انا ضعفت ومبقتش قادر اشيل واكتم جوايا حتى البنت اللي حبيتها من كل قلبي عمرها ما حبتني والدنيا استكترها عليا وربنا ابتلاني ابتلاء كبير اوي بحبي ليها ده .... لاني مش عارف المفروض اكرها ازاي وابدء منين انا بس مهدود من كل حاجه وحاسس عايز اختفي ..عايز دماغي تبطل تحسبها .. عايز قلبي يبطل يوجعني انا اه ساكت وعادي قدام الكل بس جوايا حرب كل يوم لا يعلمها الا الله انا ابويا عايش اه ربنا يديه طوله العمر بس بعدك يا امي انا فعلا اتيتمت ودموعه زادت واكمل مكنتش اعرف هتسبيني وتكسريني بدري اوي كده انتي كنتي كل حاجه فعلا
--------------------------------------------
في البرنده الستات متجمعه ومشغلين اغاني وبيسقفوا وبيحتفلوا ب نور
واحده منهم بضحك بت يا نور يخيبك مش ناويه تتخني شويه
نور بضحك والله يا طنط حاولت بس كل محاولاتي بائت بالفشل
الست بضحك لا كلي كويس كده لحمه وفراخ وفواكه انتي عروسه وجسمك مصغرك خالص
عايده بحب بس والله قمر فكل حالاتها
نور بابتسامه وحب باست خدها واكملت يخليكي ليا يارب
عايده بحب ويخليكي ليا ينورعيني وافرح بيكي
الست بحب طبعا بسم الله مشاء الله عليها هي قمر بس تتخن حبه كده وهتبقي زي الفل حتى ليها هي لان كده ضعيفه اوي
صافيه بحب اه هي ضعيفه شويه وهنكشف باذن الله علشان صحتها انما هي عاجبه قاسم فكل حالاتها وده المهم
الست بحب ربنا يخليهم لبعض يحبيبتي
صافيه بحب يارب اللهم امين
شهد انتوا نكد ليه ماتقومي ترقصي كده يابت يا نور ده انا ذاكرت بسرعه علشانك هو احنا هنقضيها تسقيف بس ولا ايه
نور بحرج لا انا اتكسف ارقص ياختي اقعدي ساكته
شهد بضحك شوف البت قال بتتكسف قال قومي ياختي واخلصي مش انتي العروسه وبعدين مفيش رجاله عادي
عايده بحب ماتقومي يا نور عادي يحبيبتي
نور بضحك لالا بجد قومي انتي طيب يا شهد
شهد هقوم بس ارقصي معايا
نور بضحك طب ماتقومي لوحدك بطلي رخااامه
شهد لا اتكسف لوحدي اخلصي
الست بضحك ماتقومي يا نور الله
نور طب شغلوا الاغاني
شهد شغلتها ومسكت ايد نور وقومتها ورقصت معاها لحد ماتتعود والناس كانت بتسقف وبتزغرط وسابتها شهد وبقيت بترقص قصادها ونور رقصت هي كمان
واحده من الناس وهي بتسقف اكملت بضحك حلويات والله ربنا يحميكم
صافيه بضحك ايه المواهب دي يا بنات مخبين علينا فين الكلام ده
عايده بضحك لا وكانوا مكسوفين
نرمين بضحك ربنا يسعدهم يارب والله عسلات
وسقفوا وزغرطوا
بعد شويه نور همست جمب ودن شهد طب هقعد انا ها جمبي وجعني
شهد لالا خليكي والله بترقصي حلو ورقصت معاها ولفتها والناس كانت عماله تزغرط وتسقف بفرح وبهجه والاغاني عاليه
على اول الشارع احمد كان داخل مع عزيز صاحبه
عزيز بستغراب ده عندكم فرح ولا ايه
احمد ياض اختي هيتكتب كتابها فا الحريم بتهيص شويه والجو ده
عزيز ااه الف مبروك يغالي
احمد بحب الله يبارك فيك تعالى هطلع انا اجبلك اللاب توب وانزل
عزيز بحب تمام
ودخلوا فاحمد شاف البرنده لانها جمب البيت وصاحبه كان معاه فا صاحبه حط عينه في الارض بسرعه بحرج واحمد اتعصب فاكمل ثواني يا عزيز طالع وهنزلك تعالى ادخل استناني في الحوش
عزيز بتفهم وحرج اه طبعا حاضر ودخل قعد بلفعل
واحمد طلع شقتهم بسرعه وهو متعصب وبص من البلكونه واتصل بنور مشافتش فونها فاتصل بشهد
شهد لمحت فونها بينور فاكملت بنهج لالا تعبت خلاص ارتاح شويه وراحت تمسك الفون
نرمين بضحك ما حقك ايه يابت كل الحلويات دي
شهد بضحك دي اقل حاجه عندي
نور بضحك وغمز ده هيبقى يبخته
شهد بضحك بس يحيوانه اتلمي
وشافت الفون استغربت انه احمد فبعدت شويه علشان الاغاني وردت
احمد بحده ايه ساعه منا ماتردي
شهد بستغراب مالك يا احمد في ايه مكنتش سمعاه ولما شوفته بينور مسكته في ايه
احمد بحده ما حقك هتمسعيه ازاي في المسخره دي
شهد بستغراب انت بتقول اييه
احمد بحده بصي فوق كده
شهد رفعت راسها لقيته باصص من بلكونه شقتهم وشكله مبيبشرش بلخير خالص فبلعت ريقها بتوتر وهو تابع بعصبيه اظن عرفتي انا فين فانتي ونور تطلعولي دلوقتي حالا
شهد بقلق حاضر بس
وملحقتش كان قفل السكه
شهد بقلق يامراري عملناله ايه ده ربنا يستر
واحمد دخل من البلكونه وراح جاب التاب نزل اداه لعزيز
عزيز بابتسامه حبيبي تعبتك اخلص واجبهولك علطول
احمد بابتسامه واحد يا غالي براحتك
عزيز بابتسامه تسلم والله يلا عايز حاجه
احمد بابتسامه سلامتك يحبيبي وطلع تاني وعزيز مشي
في البرنده
نور بقلق اه عايزنا ليه يعني
شهد وهي بتكلمها في ودنها من صوت الاغاني العالي وتسقيف الناس اكملت بخوف معرفش بس كان متعصب اوي فا يلا اخلصي نشوفه عايز ايه وننزل تاني
نور نفخت واكملت بتوتر ربنا يستر يلا
في شقه ايمن الباب كان مفتوح
شهد بقلق نور ادخلي انتي الاول
نور بخوف لا والله انتي الاول
شهد بتوتر لالا متهزريش كفايه انا اتعصب عليا خشي انتي وانا جايه وراكي هروح فين يعني
احمد طلع واكمل طب ما اجيلكم انا اسهل ؟؟؟
شهد ونور اتخضوا وصوتوا فاكمل احمد بعصبيه صوتك يحيوانه منك ليهاا
شهد بتوتر حاضر حاضر سكتنا خالص في ايه بقى
احمد بحده اتنيلوا ادخلواا
نور دخلت بخوف هي وشهد واحمد رزع الباب فغمضوا عينيهم بتوتر
نور بقلق وهمس شهد انتي في ضهري ها
شهد بقلق اممم في ضهرك اومال
احمد قعد وهما واقفين قدامه واكمل بحده انا مش عايز اهري كتير علشان قسما بالله انا على اخررري بس هو سؤال واحد عايز اسأله انتوا حد عرف يربيكم ؟؟؟؟؟
هما الاتنين سكتوا لان مش فاهمين قصده
فاكمل احمد بعصبيه ماترودو هو انا بكلم نفسيي ؟؟؟؟؟؟
شهد ونور اتخضوا فاكملت شهد بقلق طب احنا .. احنا عملنا ايه يا احمد منا مش فاهمه والله
احمد بعصبيه انتوا ايه القرف اللي كنتوا بتعملوا تحت ده هاااا ينفع اجي بصاحبي من الشغل علشان اديله حاجه يشوف الهوانم بيرقصواااا وياااريت رقص عادي
نور بخوف يا احمد والله احنا ستات بس مكنش في رجاله قاعدين
شهد بتوتر اه هو لو في رجاله كنا قمنا ده احنا كنا مكسوفين من الستات نرقص وفي رجاله اكيد لا يعني
احمد بحده مكسوفين اااه لا ماهو كان واضح انكم مكسوفين ... اومال لو مش مكسوفين كنتوا هببتوا ايه هااا بس العيب مش عليكم العيب على الكبار اللي سايبينكم ترقصوا بلشكل ده في الشارع كده
نور بدموع يا احمد البرنده منها للبيت وحوالينا شجر وزرع محدش كان هيشوفنا غير اهل بيتنا فحقيقي مكناش نقصد
احمد بعصبيه انتي دماغك تعبانه ولا ايييه وافرض حد جيه لجدك ولا من طرف اي حد وجيه ينادي ولا حد نزل من فوق وشافكم هو اصلا حتى لو اهل بيتك محلل انك ترقصي قدامهم كده ولا ايييه ده احنا عيال عم في بعض وشباب ماتتعدلواا
نور سكتت بحزن فاكملت شهد بحزن خلاص يا احمد مش هتتقرر تاني والله مكنش في نيتنا في حاجه احنا رقصنا ساعه خطوبتها فقولنا عادي
احمد بحده كنتوا ستات في بعض وفي الشقه مش في البرنده احنا هنعبط ولا ايه ده كفااايه منظري قدام صاحبي وانتوا بترقصوا بلمنظر ده خليتوا الراجل نفسه اتكسف واحرجتوني مستحملتش انه شاااافكم كده انتوا ليه بتعصبوا الواحد وانتي بلذات وشاور على شهد
شهد بصدمه ليه مالي انا والله مش
احمد بمقاطعه وبحده هششش مش عايز رغي كتير علشان متعصبش عليكي شدي بلاستر واتكتمي انا كلامي واضح رقصك انتي غير نور.
شهد اتحرجت واكملت بتوتر خلاص يا احمد مش هتتقرر والله وبصت في الارض بحرج
احمد ماهي كده كده مش هتتقرر علشان مفيش نزول خلاص
نور بصدمه احمد متهزرش منزلش ازاي الناس جيالي انا
شهد بحزن احمد والله خلاص عرفنا غلطنا سبنا ننزل بس علشان نور و
احمد بمقاطعه وبحده انا قولت مفيش زفت نزول عايز واحده فيكم تفكر تنزل ولا تعدي عتبه الباب وانا اقطعلها رجلها خلص الكلام على كده خلاص
وقام دخل اوضته ورزع الباب
شهد اتخضت واكملت بضيق اوووف طب والعمل
نور قعدت بحزن واكملت مش قولتي نرقص ادينا رقصنا ياختي اتبطي بقى واقعدي جمبي
شهد بحزن والله بجد اخوكي ده نكد
نور بس ياشهد احنا فعلا غلطنا بيقولك صاحبه شافنا اكيد اتحرج منه احنا في الصعيد مش التجمع يتقاال عليه ايه يعني واهل بيتو بيعملوا كده واحمد راجل مستحملش
شهد بحزن بس واالله مش قصدنا كل ده هو احنا عارفين هيجي معاه حد
نور بتنهيده اهو اللي حصل .. وضحكت وتابعت لا وبيقولك انتي رقصك غير نور حقه الصراحه انتي بطل ورقصك لا يعلى عليه وفضلت تضحك
شهد اتحرجت وزغدتها بايديها وتابعت بس يابت اتلمي واسكتي يحيوانه وقامت بحرج واكملت هعمل قهوه اعملك معايا
نور بضحك ماشي ياختي اعملي ماهي مفيهاش نزول خلاص
شهد بضحك بلظبط كده
ودقايق وطلعت عايده فتحت الباب بلمفتاح وتابعت بستغراب مالكم طلعتوا ومنزلتوش تاني ليه
نور بحزن احمد زعق علشان رقصنا وقالنا مننزلش تاني
عايده طب والناس دي ميصحش .. احمد .. يا احمد
احمد خرج وتابع خير في ايه ؟؟؟ وبص مشافش شهد فاكمل بحده هي شهد فين ؟؟؟
شهد بضحك من وراه اكملت وراك ياغالي كنت بعمل قهوه
احمد قسما بالله لو كنتي نزلتي كنت
شهد بضحك من غير ما تكمل انا اديني قاعده متنيله اهو وقعدت جمب نور وتابعت عيب عليك انا مُطيعه
احمد بسخريه مطيعه ااه ده غصب عنك كده كده متقدريش تنزلي
شهد بضحك يا ابني متعصبنيش عليك
احمد ولا تعرفي تعملي حاجه وقصري علشان مش طايقكم
شهد بضحك بيموت فينا
نور بضحك اووي باين ولا يبين اكتر
عايده بحب طب علشاان خاطري انا يابني سيبهم ينزلوا علشان الناس بس عايزاها
احمد امي خاطرك على راسي من فوق بس قفلي انتي الموضوع ده علشان خاطري
عايده بحب معلش ارجع بس في كلامك علشان امك وخدها مني كلمه مش هيرقصوا خالص والله
احمد لا مفيش نزول خلاص كفايه من الصبح بتهيصوا
عايده طب بص
احمد بمقاطعه قولنا لا ومحدش ينادي عليااا تاني بتنيل براجع حاجات تبع الشغل مش هفضل ارغي ساعه في موضوع مفيهوش نقاش واتقفل بنسبالي اصلا خلاص
ودخل اوضته وقفل
نور بضحك انسي خلاص من امتى يعني بيرجعوا في كلامهم رجاله الرفاعي كلها
شهد بضحك والله على رايك
عايده بتنهيده طب هنزل انا ياختي للناس وكانك تعبانه شويه
نور طيب روحي
ونزلت وشهد ونور قعدوا يتكلموا
واحمد طلب شاي قامت شهد تعملوا وهي بتتكلم مع نور
----------------------------------------------
عند حسام في القسم
حسام كان قاعد قدام اللاب بتوب بيعمل حاجات وفونه رن فمسكه ورد
حسام ايه يحبيبتي خلصتي تحضير شنطتك علشان المصيف ؟؟
امنيه بحماس اه لسه مخلصه اهو وقعدت وتابعت بالله اتهديت من رص الشنطه بس انا مجهودي قليل اوي ياحسام
حسام بضحك من رص الشنطه لا انا الله يكون في عوني بجد
امنيه بضحك انت بتتريق عليا يا حسام بالله فعلا بتعب بسرعه اوي
حسام بضحك ده انا اللي نفسيتي بتتعب من كلامك متكمليش واخرسي خالص
امنيه برفعه حاجب ونفستيك تتعب ليه انشاء الله
حسام بضحك بتخيل شكل حياتنا بعد الجواز وشقتنا متبهدله وانتي واقفه في النص بتعيطي ومنكوشه ومش قادره تكملي
امنيه بتوتر يابني طب وليه توترني من فكره الجواز طيب ده انا كنت ابتديت احب الفكره علشانك
حسام بضحك ليه انتي كان عندك عقده ولا ايه
امنيه بضحك طبعاا اصل انا اخري اعمل حاجات خفيفه كده وست الكل بتعمل كل حاجه من اكل لمسح وغسيل فمش متخيله بجد اسكت ياحسام متوجعش بطني سيبها لوقتها
حسام بضحك داعيه عليا امي ودعواتها استجابت اه والله
امنيه بضحك بلذمه حماتي القمر دي تدعي عليك !!! ليه انشاء الله
حسام بضحك علشان دخلت شرطه
امنيه فضلت تضحك واكملت يخربيت فقرك بجد لالا متقلقش بتحبك وبتدعيلك فربنا كرمك بيا
حسام بضحك اممم انتي هتقوليلي
امنيه متقدرش تنكر اصلا وبعدين منتا هتساعدني
حسام بضحك اعمل ايه ياختي??
امنيه بضحك هتساعدني ايه في ايه
حسام بضحك كان بي ودي والله بس انا برجع من القسم فاكر بيتنا بلعافيه وساعات بتلغبط فيه ويادوبك اشوف السرير بحضنه حضن مطار
امنيه فضلت تضحك واكملت انت مش هتبقى صالح على فكره
حسام بضحك انا حسام ابقى صالح ليه مثلا
امنيه بضحك سخيف والله
حسام ضحك والباب خبط فاكمل امنيه هقفل معاكي دلوقتي باي وتابع ادخل
العسكري عمل التحيه واكمل تمام يا فندم سياده العميد هنا وعايزك
حسام بستغراب العميد !!! هو جيه ؟؟؟ غريبه ده ليه فاجاه كده ؟؟؟
العسكري بتوتر اه يا فندم علشان سعد حد حاول يقتله في السجن
الفصل السادس عشر16
العسكري بتوتر اه يا فندم علشان سعد حد حاول يقتله في السجن
حسام بصدمه نعممم وتابع بحده انت بتخرف تقول ايه امتى حصل الكلام ده وازاااي !!!!!
العكسري بتوتر معرفش يا فندم انا لسه عارف من زمايلي حالا
حسام نفخ بغضب شديد واكمل طب خلاص خلاص روح انت دلوقتي
العسكري عمل التحيه وخرج فاكمل حسام بضيق اهبب ايه دلوقتي انا ????? يا شيخ منك لله
وخرج راح في اتجاه مكتب العميد وخبط
العميد ادخل
حسام دخل بحرج واكمل طلبتني يا فندم تحت امرك
العميد بشئ من الحده اقعد يا حضره الظابط
حسام قعد واتنفس بهدوء واكمل اولا يا فندم انا لسه عارف الخبر زيي زيك حقيقي ومش عارف ده تم ازاي
العميد بحده واما انت متعرفش مين اللي يعرف يعني ???? في ايه يا حضره الظابط انت بتهبب ايه هنا ???? هي زريييبه
حسام يا فندم انا شغال على القضيه وعدمته العافيه ومش راضي ينطق اعمل ايه تاني منا مش ماسك فانوس علاء االدين
العميد بحده دي مش مشكلتي انت مسكت حاجه ولازم تخلصها انا سلمتك القضيه علشان بثق فيك وزمايلك كلهم اللي ادتهالهم قبلك معرفوش يخلوا يفتح بوقه انما من امتى حسام الرفاعي قضيه بتقف قدامه مش فاهم
حسام بتنهيده حقك عليا يا فندم وانا اوعدك هخلصها وغصب عن اهله هيعترف
العميد بحده هو اتنيل اتنقل على المستشفى ومعاه العساكر يرجع وتشوف شغلك يا حسام كفايه كده طولت اووي
حسام بتنهيده واالله يا فندم شغال وبدور ورا اهله مفيش خالص حتى قولت هجرب استجوبهم وهخلي ناس تراقبهم الفتره الجايه علشان لو حد راح شافهم
العميد فكره كويسه يمكن حد فيهم يخاف على سعد من منظره اللي انت عملتوا فيه ويعترف
حسام بتنهيده اتمنى والله يا فندم حقيقي شغال على قد ما اقدر بس فاتتني حته محاوله القتل دي
العميد بتنهيده المهم اللي جاي وخلي بالك كويس لان الموضوع غامض حبتين فمتصدقش اي كلام هيقولوا
حسام اكيد يا فندم هي الشغلانه جديده عليا منا عارف كده طبعا متقلقش بس هو كان هيموت ازاي ???
العميد بتنهيده الغريب ان عن طريق اكل مسمم بس الاكل ده مراته اللي جيباه فمعتقدش انها هتموته
حسام رجع ضهره لورا وتابع مراته !!!؟ دي كده احلوت اوي
----------------------------------------------
عند ياسمين وجودي
جودي برجاء: معلش معلش اخر صوره بليز
ياسمين بضيق يابنتي هحدف الفون في وشك اتصورتي فكل ركن مش كده
جودي بضحك يابنتي خلاص قربنا نتخرج وهنفارق الجامعه بودع المكان الله
ياسمين بضحك يا شيخه اتنيلي بلا قرف اهو ده الفراق فعلا اللي انا بتمنى اعيشه
جودي بضحك طب اسكتي ومتضحكنيش وصوري
ياسمين بابتسامه اهو يخش يطمر
جودي باعجاب تحفهه علشان انا فيها اصلا
ياسمين بضحك نرجسيه اوي
جودي بضحك اه ده من زمان تعالي اتصوري معايا وحضنتها واتصوروا صور كتير
وفون ياسمين رن فطلعته من شنطتها واكملت جودي ده مازن يلا نخرج زمانه جيه
جودي بحب حاضر يلا
وبلفعل خرجوا فكان مازن واقف ساند على العربيه وقاسم جمبه
مازن بابتسامه واحشتيني
ياسمين بحب انت اكتر ها عملت ايه في موضوع الارض
مازن اركبي بس ونحكي يلا
وبلفعل ركبت جمبه وجودي جمب قاسم ومشيوا
مازن ولا حاجه يا ستي لفينا وجبنا ناس تشتغل فيها ووافقوا بس اختلفنا في السعر وطلبوا فلوس زياده اول شهر ده وعمك قاسم عمل فيها شهم وحط الزياده
قاسم بضحك تصدق يالا انك حيوان
مازن بس بالله علشاان عايز اولع فيك من ساعتها
قاسم بضحك شايفه يا ياسمين مبيطمرش خالص في اشكاله
ياسمين بحب فيها ايه يحبيبي دفع مكانك الزياده انتوا اخوات من امتى في فرق بينكم
مازن ياسمين انا اخوه في اي حاجه الا دي انا ابويا نفسه مبقبلش يحطلي جنيه من جيبه لو سلف من قاسم اه انما مش يدفعهم هو وعموما هيرجعولوا انهارده منا ما اروح هجبهم من الدولاب شايل فلوس وهياخدهم
قاسم عليا الطلاق انت دماغك تعبانه بجد
مازن بضحك بس يحيوان طلقت البت من قبل ماتتجوزها
قاسم انا بجد مبهزرش يا مازن في ايه احنا من امتى في بينا كده
مازن بتنهيده في ان ريحني يا قاسم اعتبرني دماغي تعبانه كفايه الفلوس اللي هستلفها منك وانت بتجهز شقتك وفي عرض جنيه
قاسم حبيبي احنا اخوات اللي عندك عندي انا بتعامل من غير حدود علشان عارف ان مفيش بينا فرق
مازن بحب تسلم يا غالي ده العشم بردو بس ريحني
ياسمين بستغراب فلوس ايه اللي هتستلفها منه وليه اصلا
مازن بصلها وابتسم واكمل علشان الدهب
ياسمين بستغراب دهب ايه مش فاهمه
قاسم بضحك استوعبها ضعيف
مازن بضحك او مش قادره تتخيل اصلا
ياسمين بستغراب مازن في اي بجد فهمني بتضحكوا على ايه
مازن بحب اصل انا نويت ان كام يوم وافاتح اهلي في اني عايز اتجوزك يا ياسمين فا ده دهبك بتاع خطوبتنا
ياسمين بدموع فرح ايييه !!! بتقول ايييه انت بتتكلم جد?????
جودي بتفاجئ بتهزر صح
مازن بضحك لا والله بتكلم جد انتي بتعيطي ليه اهدي يخربيتك بقولك هفاتحهم لسه
ياسمين بعياط وفرح لالا بجد انا مش قادره اصدق مش قادره اصدق مبسووطه مبسوووطه اوي واتنططت وهي قاعده وبتسقف
مازن بضحك بس بس يا مجنونه يخربيتك وابتسم وباس راسها وتابع بحب ربنا يديم فرحتك وميحرمنيش منك ابداا يا غاليه
ياسمين بدموع وحب ولا منك ينورعيني بجد حقيقي انت فرحتني اوي انا مش قادره استوعب والله العظيم حاسه نفسي بحلم .. مازن مازن اوعي تكون بتهزر ولا انا بحلم والله اموت فيها
مازن بحب بذمتك اقدر اهزر في حاجه زي دي ورفع ايديها باسها وتابع كفايه بقى سنين مشاعرنا جوانا اعتقد جيه الوقت اننا نخرجها ومنعملش حساب لاي حد واخدك في حضني وامدح فيكي من غير ما اخاف او يبقى في قيود
ياسمين عيطت واكملت بحب انا بجد بحبك وبحب اليوم اللي حبيتك فيه وبحب محاولاتك كلها علشاني يبختي بيك يامازن
مازن بحب ده انا اللي يبختي بيكي بجد يا سمسمتي
ياسمين بحب قلب سمسمتك والله
جودي بحب زغرطت واكملت بفرح مليووون مبروووك يا عروسه
ياسمين بفرح بالله مش مصدقه اللقب اخيرااا يااارب ...ورفعت ايديها وتابعت يارب يارب وحياه حبيبك النبي لتسهلها وتخليها تتم على خير يااارب
قاسم بضحك واقعه واقعه يعني
مازن بضحك من الدور الخمسين منا عارف
ياسمين بضحك من ال 10000 وحياتك
مازن بضحك ااه ضامنه اني بحبك بقى فبتقوليها من غير خوف
ياسمين بحب اكيد طبعا ماهو الطبيعي ان صنف ادم ده عموما ميعرفش ان البنت بتموت فيه مهما عشقته لانه لما بيعرف بيتنمرد عليها ويتقل حتى لو بيحبها هتلاقيه ساعات جيه عليها وهو عارف ان كده كده هيتراضو انما انت يا مازن حبتني حب خلاني مأمنه ليك على قلبي وروحي وحياتي وعارفه انك عمرك ماهتستخدمهم ضددي ولا تندمني اني وريتك غلاوتك جوايا واصله لفين لانك بتحبني زي مابحبك واحن عليا من نفسي
مازن بصلها بحب وباس ايديها وتابع علشان انتي تستاهلي الحب فعلا يا ياسمين ربنا يديمك ليا وميحرمنيش منك بجد
ياسمين بحب ويديمك ليا يا غالي
قاسم بحب ربنا يخليكم لبعض يحبيبي
مازن بحب ويخليك لينا يا قلب اخوك
ياسمين بحب ويخليك لينا يا جوز اختي
قاسم بضحك اختك طب ده عيب في حق مازن الكلام ده
مازن بضحك لا ماهي العيله كلها اخوات ياسمين اما هتجبلي شلل
ياسمين بضحك متقولش العيله كلهاا بس ... انت لا طبعا
مازن بضحك لا هو كان ناقص انا كمان الصراحه
جودي بحب بجد بحب علاقتك انت وقاسم ببعض اوي مفيش كده دلوقتي
مازن بحب ده حقيقي الصاحب اللي يكون زيه زي الاخ ده نادر الايام دي وانا حقيقي عمري ما احتاجت قاسم وملقتوش
قاسم بحب يسطا عيب الكلام ده اديك قولت احنا اخوات
جودي بحب ايه اجدع موقف عملوا معاك يا مازن
مازن بحب لا هو كتير الصراحه بس اقربهم موقف حلو اوي مع المدير لما قاسم كان شغال معاايا في حسابات الكافيه انا اتاخرت مره جامد اوي وروحنا متاخر بسببي فا المدير جيه يخصملي لانه عارف انا اللي بتاخر احيانا راح قاسم قالوا لا انا اللي اخرته المره دي واتخصمله هو بدالي
جودي بتعجب ايه ده طب ويعمل كده ليه
مازن بحب كنت ساعتها داخل جمعيه بقبضي ومكنش ينفع يقل من حاجه فشالها هو مكاني
ياسمين بحب بجد قاسم ابن اصول ومتوقعه منه عادي ربنا يديمكم لبعض يارب
قاسم بحب انا مستغرب انك لسه فاكر الموقف ده لان بجد انا اي حاجه بعملها معاك بعملها بدافع الحب والاخوه فمش بفضل فاكرها لان ده طبيعي بين الاخوات
مازن بحب ده العشم بردو يا قلب اخوك
ومشيوا بلعربيه لحد ما وصلوا البيت
قاسم بحب يلا عايز حاجه
مازن سلامتك يا غالي بس تعالى اطلع نتغدا سوا
قاسم لا الف هنا ورايا حاجات كتير عايز الحق اخلصها يلا سلام يحبيبي
مازن بضحك ايوه يا عم عريس بقى
قاسم بضحك بلظبط كده
جودي بحب يلا همشي انا يا سمسم باي
ياسمين بحب باي يحبيبتي
ومشيت
مازن بغمز يلا يا مزتي اطلعي
ياسمين بضحك اتلم طيب ومتغمزش كده علشان بقلق منك
مازن بضحك لا القلق مش دلوقتي. متخافيش
ياسمين بضحك والله مش هرد عليك احسن
وداخلين شاف الدكتور نازل
مازن بخوف في ايه يا دكتور هو في حد تعبان
الدكتور متقلقش خلاص خير عدت الحمدلله ده اخوك بس مفيش حاجه
مازن بخوف نعممم انت بتقول ايه مالو احمد ??????
ياسمين بخوف تعالى نطلع نشوفه انت لسه هتسال
الدكتور يابني والله ماتخاف بقى زي الفل
لكن مازن طلع بكل سرعته وياسمين وراه ودخل اوضه احمد شافه قاعد وعايده جمبه من ناحيه ونور من الناحيه التانيه وشهد قاعده قدامه
مازن بخوف مالك ياض فيك ايه
احمد بتعب مفيش يحبيبي الضغط علي شويه بس خلاص متقلقش انا بخير دلوقتي والله
عايده خدته في حضنها وطبطبت عليه وتابعت بحزن الحمدلله يابني بسيطه متخافش اخوك بخير
مازن بحده مخافش ايه وزفت ايه هو ايه اللي يخلي ضغطه يعلى اصلا ماقولنا خلوا في ام اهتمام
شهد بحزن والله يا مازن كان كويس ومفيش حاجه هو فاجاه تعب كده وجبناله الدكتور
مازن بحده اعمل حسابك هنروح لدكتور عدل وهتابع معاك
احمد رايح يتكلم فتابع مازن بحده ومفيش نقاااش
وخرج
ياسمين بصت عليه بحزن بعدين بصت لاحمد وتابعت الف سلامه عليك يا احمد
احمد ابتسم بتعب واكمل الله يسلمك يارب
وخرجت وراه لقيته واقف في البلكونه وباصص لفوق فحطت ايديها على كتفه وتابعت بحزن حقك عليا احمد ميقصدش يهمل صدقني يحبيبي بتحصل الضغط بيعلى ويوطى فاجاه
مازن بتنهيده انا تعبت يا ياسمين هو مش قادر يفهم اني بخاف عليه اكتر من نفسي بحبه اكتر من نفسي انا ممكن افديه بروحي عادي وبصلها وتابع احمد ابني مش اخويا انا بجد بترعب عليه الدكتور بتاعه منبهني ان نفسيته تفضل بخير لان اي حزن ممكن يأثر عليه وانا والله بحاول اوفرله الهدوء ده على قد ما اقدر بس هو مش فاهم ولا هيفهم
ياسمين بحزن يحبيبي هو غصب عنه محدش بيحب يحس انه عيل كله خايف عليه احمد مبقاش صغير يا مازن ده راجل وبكره وبعده يفتح بيت هو مش متقبل فكره انكم كلكم خايفين عليه وعايزينه يهتم وبتزنوا كده زيه زي العيال هو تعب من الاحساس ده كتر الف خيره بردو
مازن بوجع مهما يكبر هيفضل بنسبالي اخويا الصغير وابني ومقدرش اشوفه تعبان او فيه حاجه احنا كلنا بنعمل كده من خوفنا عليه مش قصدنا نحسسه بكده
ياسمين بحزن عارفه والله هو بنسبالك ايه وهما كمان بيحبوا ازاي بس خلوا مسئول من نفسه شويه متحسسهوش انه فيه حاجه خطيره وتخلوه يضايق
مازن بحده انتي بتعصبيني ليه ماهي حاجه خطيره فعلا ..اخويا عنده مرض مزمن وفي القلب ماهي فعلا خطيره وفعلا الاهمال فيهااا ب وسكت بحزن وتابع والدموع متجمعه في عينيه الاهمال فيها بيموت يا ياسمين وغمض عينيه وتابع بصي انا مش قادر اتكلم انتي مش هتفهميني وحقك عليا مقصدش اتعصب عليكي بس اعصابي تعبانه شويه
ياسمين بحزن يحبيبي انا فاهمه قصدك وعارفه انه حالته خطيره بس الدكتور مبيقولش للمريض بتاعه مهما كان عنده ايه من امراض كتيره .. انت هتموت وحالتك اتاخرت لا بيقوله قول يارب في امل خير انشاء الله فانت من حقك تخاف علي اخوك طبعا بس من غير ماتحسسه بان الموضوع كبير لان ممكن ده يتعبه اكتر علشان هيركز مع تعبه انما لو اتعالمتوا طبيعي حتى على الاقل نفسيا هيبقى احسن من كده لان هيحس انه عايش طبيعي زي اي حد
مازن تنهد بوجع وتابع هحاول يا ياسمين
ياسمين طبطبت على كتفه وتابعت بحزن خير والله ادعيله
مازن بحزن يارب بجد يااارب
----------------------------------------------
في بلكونه شقه معتز واقف سيف وباصص للسما وسرحان قطع شروده نرمين وتابعت بابتسامه ممكن اقعد شويه يا حضره الظابط
سيف لفلها وتابع بحب ياسلام ده انتي تنوري وتقعدي جوه قلب حضره الظابط
نرمين بضحك طيب يا بكاش وقعدت على الكرسي وهو قعد قدامها فمدتله كوبايه القهوه
سيف بحب تسلمي يا غاليه تعبتي نفسك
نرمين بحب تعبك راحه يحبيبي
سيف وهو بيبص في ساعته تابع هو حسام لسه مجاش
نرمين بتنهيده لا ده بتاع الليل واخره ده
سيف بتنهيده ربنا يعينه ماسك قضيه مش سهله اليومين دول
نرمين بستغراب وانت عرفت منين ياخويا
سيف بضحك لا عيب لما تقولي لسيف الرفاعي كده ده انا مترشح للمخابرات
نرمين بضحك انت بتراقب اخبار اخوك يا سيف والله لو عرف هيعملها حوار وهيزعل
سيف بتنهيده اسمها خايف عليه .. خلينا واقعيين حسام اللي هيفضلكم
نرمين اتصدمت وتابعت والدموع متجمعه في عينيها انت ايه اللي بتقولو ده قطع لسانك
سيف بتنهيده ماما حبيبتي سيبك من عمري خالص ده بايد ربنا بس فعليا حتى هنا حسام معاكم علطول عكسي انا فمش عايزه يحط نفسه في حاجات هتأذيه
نرمين بوجع خايف على اخوك مش كده
سيف اه طبعاااا
نرمين ابتسمت بسخريه وتابعت بوجع بس مستحرم على ام تخاف على ضناها وكل ما تعيط ولا تخرج اللي جواها تسكتها بكلمتين
سيف تنهد بحزن واكمل حقك عليا انا مقصدش بس قوليلي اعمل ايه اانا بايدي ايه
نرمين بلفهه تسيب شغلك
سيف بتنهيده طب وده اسمه كلام ده ???? اسيب شغلي ايه بس يا ماما اسكتي الله يرضى عنك وضحك
نرمين بحزن اممم اضحك اضحك عليك ايه انت اصلا وتنهدت بحزن وتابعت بكره يا سيف لما تبقى اب هتفهم خوفي ده
سيف باس ايديها وتابع بحب والله حاسس بيكي وفاهم بس اعمل ايه ده اختيار اختارته ولازم اكمله للاخر
نرمين بدموع يابني ده انا بشيل هم يوم رجوعك بفضل ادعي الايام تطول علشان متمشيش هفضل اتحرم منك لامتي بس
سيف باس جبينها ومسح دموعها وتابع والله ماتوجعي قلبي انا اديني قاعد لسه اهو حقك عليا بجد وباس ايديها
نرمين بحزن مش ناوي بردو تتجوز يا سيف ولا تقولي مين اللي انت بتحبها
سيف غمض عينيه بحزن وتابع لو بتحبي سيف فعلا بلاش السيره دي وقام دخل من البلكونه
نرمين بدموع هموت واعرف ايه واجعك كده يابني يارب يريح قلبك ويفرحني بيك يا سيف
---------------------------------------------
بعد ساعتين في بيت عز الدين شهد قاعده بتذاكر على التربيزه وياسمين بتاخد شاور وعز الدين قاعد مع العيله تحت
باب الشقه اتفتح ولقيت يونس بيدخل فشافها وتابع مساء الخير
شهد بحب مساء النور ايه يحبيبي كل ده فينك
يونس مفيش يا شهد كان ضغط شغل بس
ودخل اوضته وقفل فتنهدت شهد بحزن وقامت وراه وخبطت على باب اوضته
يونس ادخل
شهد دخلت لقيته قلع جاكت البدله وواقف فاتح الدولاب بيجيب هدوم فاكملت بحزن يونس ممكن اقعد معاك شويه
يونس لفلها واكمل بابتسامه ايه يحبيبتي قولي
شهد بحزن انت فين ومالك فيك ايه
يونس قفل الدولاب وقعد واكمل بتنهيده انا اهو يا شهد موجود ومفيش اي حاجه انا زي الفل
شهد بدموع ظاهريا بس
يونس بستغراب نعم ??
شهد بدموع زي ما سمعت انت زي الفل ظاهريا بس انما انت داخليا مش بخير حتى مش موجود زي مابتقول انت اه هنا بجسدك انما روحك مش معانا .. يونس انت اطفيت وساند نفسك علشاني انا واختك انما انت مش بخير نهائي
يونس تنهد بوجع واكمل وهو بيبص للارض روحي ذاكري يحبيبتي وسيبك مني خالص انا بخير
شهد راحت قعدت على ركبتها على الارض قدامه ورفعت وشه ليها وتابعت بدموع لا انت مش بخير لحد امتى هتفضل مخبي مشاعرك عننا كلنا وبتختفي من وسط اللمه ودايما لوحدك قولي يا يونس قولي فيك ايه كفاياك تشيل وجعك لوحدك
يونس بصلها بحب والدموع اتجمعت في عينيه واكمل كبرتي يا شهد
شهد بدموع اه كبرت وبقيت فاهمه وعارفه كل حاجه انت بس اللي مش قادر تشوفني كبرت حكم انك ابويا قبل ماتبقي اخويا بس انا والله مش قادره اشوفك تعبان كده قلبي بيتقطع من العجز اني مش قادره اخليك كويس زي الاول
يونس بحزن طب انا اثرت معاكي انتي او اختك في حاجه يا شهد فخدتي بالك
شهد بدموع عمرك والله عمرك ما اثرت انا مش بكلمك علشان تأثير ده انا يبختي بيك انا وياسمين .. ده انا مليش غيرك ومبتسندش غير عليك طول مانت جمبي بحس الدنيا كلها مش قادره تخوفني بيقولوا عليا قادره وباخد حقي واحنا بنهزر بس ميعرفوش ان دي الحقيقه انا معايا اب قبل ما يكون اخ عودني ان اللي يكلمني مسكتلوش واجيب حقي منه وهو في ضهري طول ما مغلطش في حق حد انا بقوى بيك يا يونس ومسنوده عليك وليا ضهر عمره ما مال ... انا بكلمك علشان عايزة اخويا يضحك عايزه اخويا يتبسط ويفرح زي مابيفرحنا عايزه اخويا يبقى ليه حياته اللي يقدر يعيش علشانها انا عايزه اخويا يا يونس فاهمني ؟؟؟
يونس قومها وخدها في حضنه وغمض عينيه بحزن وطبطب على ضهرها وتابع بحب ربنا ميحرمنيش منك ابدا يحبيبتي والله فاهمك بس صدقيني صعب ارجع نفس يونس القديم دلوقتي خالص حقك عليا بس والله علشانك هحاول ارجع يونس اللي انتي عايزاه ومسح دموعها وباس جبينها وتابع اهدي مش عايز اشوف دموعك دي تاني
شهد بحزن طب قولي اللي انت فيه ده من ايه
يونس ابتسم بحزن واكمل هنتكلم كتير بس مش دلوقتي لما اكون قادر حقيقي هتكلم
شهد بحزن بذمتك هتتكلم ولا هتستصغرني
يونس بحب استصغرك ايه بس ده انتي كبرتي وعقلتي وبقيتي عروسه
شهد بحب خلاص هستنى نتكلم وبما اني كبرت وبقيت عروسه جوزني بقى يلا اتخنقت من ثانوي
يونس بضحك انسي الكلام ده مفيش جواز
شهد بضحك هو انا اللي اعملوا فيك هتطلعوا عليا ولا ايه
يونس بضحك اه احنا على العهد سوا .. وتابع بتمثيل يعني بذمتك عايزه تتجوزي وتسيبي يونس يا شهد
شهد بحب ينورعيني لا طبعا مقدرش وحضنته
وهو ضمها ليه اكتر وباس راسها وتابع بحب يارب يفرحني بشهادتك بعدين اشوفك بلابيض ينورعيني
شهد بحب يارب يجلب شهد انت
ياسمين كانت واقفه شيفاهم وحزينه اوي على نفسها فابتسمت وتابعت مش يلا تيته قالتلي الغدا جهز
يونس بصلها وانتبه لوجودها وتابع بحب ماشي يحبيبتي جايين
شهد بحب ماشي يلا هنروح ناكل خمس دقايق يا دكتور تغير هدومك وتنزل لو منزلتش هنكد عليك وهفضل اعيطلك للصبح
يونس بضحك اوامر يا قلب الدكتور
ياسمين بضحك خطيبها انت واخد بالك
يونس بضحك اه اومال .. مراتي الاولى دي
شهد بحب والاخيره يا عمري
يونس فضل يضحك واكمل والاخيره ياستي ولا تزعلي
ياسمين بضحك يخربيتك هتبوريه جمبك يعني
شهد بغيره مايبور يحبيبتي ده راجل مفيش حد هيفتح بوقه انما مين دي اللي حظها من السما وامها بتدعيلها تاخد الجمر بتاعنا ده
يونس بضحك يحبيبت قلبي وانا مقدرش ازعلك هبور ولا تزعلي
ياسمين بضحك هو علشان جمر متخليهوش يتجوز يا شهد يخرابي عليكي
شهد بضحك طبعا يابنتي ماهو مفيش واحده تليق بجمال اخويا عايزاني اجوزة اي حد وابوظ نسله ولا ايه
ياسمين بضحك لا ازاي خليه قاعد جمبك ومنشوفش نسل خالص
شهد بحب ده اللي هيحصل كده كده مش كده يا دكتور
يونس بضحك كده يا قلب الدكتور
شهد بضحك طب يلا غير وتعالى ها
يونس بحب حاضر
وطلعوا وياسمين كانت زعلانه بس مبنيه عكس مشاعرها فاكملت بحب شهد انا هظبط الطرحه ونازله روحي انتي وقوليلهم اننا جايين
شهد بحب حاضر متتاخريش
ياسمين تمام .. الا صحيح احمد اخباره ايه دلوقتي
شهد تنهدت واكملت الحمدلله بخير نشكر ربنا اكلته انا ونور وخد ادويته وبقى كويس دلوقتي .. هنزل انا بقى متتاخريش
ياسمين هزت راسها بتمام ودخلت اوضتها وقفلت الباب بعدين قعدت وراه وسمحت لدموعها تنزل بانهيار واكملت انا بجد تعبت .. تعبت وقلبي واجعني ياريتني كنت موت ولا كان حد جابني هنا انا طول الوقت حاسه نفسي غريبه وعايشه وسطهم وباخد حق مش من حقي مش عايزه اعترض يارب بس انا محطوطه في حياه حقيقي اصعب من تحملي وقدرتي .. انا مين وفين اهلي وهل ليا اخوات ولالا ومين ابويا وامي انا اتحرمت من القاب كتير اوي انا مش قادره اعيش طبيعي واتغضى عن وجعي ده ببين للكل اني عادي بس من جوايا ولا مره كنت عادي وولا مره حسيت نفسي فعلا ياسمين الرفاعي وضحكت بسخريه واكملت انا اصلا معرفش المفروض اسمي يبقى ايه انا حاسه بلغربه والوحده بطريقه صعب تتوصف اه بحبهم كلهم بس دول مش اخواتي ولا دول عيال عمي ولا ده بابا .. انا مين وفين اهلي يارب ?? وعيطت
بعدين لقيت فونها بيرن وكانت شهد فكنسلت وقامت غسلت وشها ونزلت كأن مفيش حاجه علشان محدش ياخد باله بس من جواها هي مش كويسه
-------------------------------------------
بعد يومين وتحديدا يوم كتب كتاب نور وقاسم البيت كله نازل طالع بيجهز واصوات البهجه ماليه المكان
في اوضه نور كانت بتجهز ومعاها البنات
نور بحب ها ايه رايكم
ياسمين باعجاب زي القمر بجد بسم الله مشاء الله عليكي
شهد بحب تحفهه بس اقعدي بقى اخلصلك الميكاب الناس زمانها جات
نور بتوتر انا بجد خايفه ملحقش نخلص
جودي بحب اسكتي بس انتي وهنلحق اهو يلا يا شهد ابدائي
شهد بحب حاضر اهو
نور شهد الله يخليكي ركزي حاسبي تلغبطي حاجه
شهد يابنتي متعصبنيش عليكي وتخليني اسيبك والله
ياسمين بضحك معلش يا شهد علشان خاطري انا كمليلها انتي اشطر واحده فينا بتعرف تعمل ميكاب والبت عروسه سامحيها غلطت
شهد بضحك علشاانك انتي بس يا قلب اختك .. ها يا مضروبه احطلك فوق عينك ايه
نور بصي متافوريش انا عايزه ميكاب نود فحطي بقى الوانات النود فوق عيني وروج نود بردو
شهد ااه خلاص فهمت قصدك وبلفعل بدات تعملها
ياسمين بستغراب مالك يا زينب قاعده ساكته ليه
زينب بتنهيده مفيش يحبيبتي مرهقه شويه بس
جودي مالك الف سلامه عليكي في ايه
زينب بابتسامه من الشغل يا جودي عادي يحبيبتي حبه ارهاق طبيعي متخافوش عليا بس وركزوا مع عروستنا
ياسمين بحب عقبالك يارب يا قلبي
زينب بتنهيده تسلمي يا غاليه
جودي بذمتك يا ياسمين ايه رايك في فستان نور مش احلى من التاني
ياسمين باعجاب والله يابنتي تحفه واحلى ومحترم 100 مره
شهد لوت بوقها واكملت اوف شولدر ومحترم
جودي بضحك حقك ماانتي مشوفتيش قميص النوم االلي كانت عايزة تنزل بيه
ياسمين فضلت تضحك بشده فاكملت جودي بستغراب مالك يابت بتضحكي ليه
ياسمين من بين ضحكها اكملت: كل .. كل ما افتكر شكل يونس وهو بيوطي عينيه في الارض ومكسوف من لبسها اموت من الضحك ان كانت عايزه تنزل بيه عادي قدام الكل
نور بضحك ما خلاص يا سخيفه
شهد بضحك مش قااارده هو يونس شاافك ???
نور بضيق اه ياختي وهزقتي
شهد بضحك فينك يا قاسم تيجي تشوف حاجتك اللي اتفضحت
كلهم فضلوا يضحكوا فاكملت نور بضحك يلا يا حيوانه يا جزمه اتلمي
شهد بضحك اتلم ايه بس يخربيتك ده انا من كلامهم اتكسفتلك اصل طلما يونس حط عينيه في الارض يبقى الموضوع كبير
جودي بضحك اوي
شهد بضحك منا عارفه انتوا هتقولولي على اخويا
زينب بضحك وعلى كده اخوكي عارف انك لابسه بلوزة نص كم
شهد وهي بتعمل ميكاب نور اكملت يابنتي يونس عارف اني مش محجبه فهيزعق ليه مثلا انما لو في حجاب اكيد مكنتش هلبسها يعني .... انا مبحبش اتخانق معاه بجد
ياسمين بضحك لو فكرت تعارضه يبلعها لسانها
شهد بضحك اه بلظبط كده فبتقي شره احسن
جودي بحب بس بالله البلوزه تحفه وشيك اوي
شهد بعتتلها بوسه في الهوا واكملت بحب تسلميلي يحبيبت قلبي
وبصت لنور تابعت ها شوفي كده
نور بصت في المرايه وتابعت باعجاب تحفههه بجد تسلم ايدك يا شوشتي
شهد بضحك على الله يطمر
نور بضحك هيطمر متقلقيش
ياسمين باعجاب بس كده زي القمر شعرك ويڤي وعملتي الميكاب ولابسه السلسله والحلق والدريس والشوز خلصنااا اخيراا
نور بفرح بجد مبسوطه اوي اوي بجد
زينب بحب ربنا يسعدك اكتر واكتر ينورعيني
نور بحب حبيبتي يا زوز انا وانتوا يارب
جودي بحب حقيقي فعلا المكياب تحفه بقيتي عروسه بحق وحقيقي مبروووك يحبيبتي
نور بحب الله يبارك فيكي يارب يا جوجو
ووقفت شافت نفسها فستانها ستان اوف شولدر مطرز ببساطه عند الصدر وماسك عليها وواسع لتحت وساده ورقيق جداا مع شعرها والتوق من الخرز البسيط اللي بيزينه وهو ويڤي والهيلز البيضه والميكاب كانت جميله جداا
ووقفوا البنات ظبطوا هدومهم والميكاب واستعدوا للنزول
ياسمين بحب خلصتوا كلكم خلاص ???
شهد بحب اه الحمدلله خلاص
جودي بحب طب ايه شوفتوا قاسم جيه ولالا لسه ???
زينب بحب مازن هيطلع ياخدها يديهاله في البرنده كلهم جم تحت شوفتهم من البلكونه بس مخدتش بالي من قاسم الصراحه
ياسمين بحب اه طيب يلا اكيد زمانه جيه
وخلوا نور تطلع اول واحده من الاوضه وكلهم وراها بيزغرطوا بفرح
عايده كانت في الصالون شافتها اكملت باعجاب وفرح ايييه القمر ده كله بسم الله مشاء الله .. الله واكبر عليكي ياقلب امك وحضنتها وتابعت بدموع بجد زي القمر مليوون مبروووك يحبيبتي
نور بحب باست ايديها واكملت الله يبارك فيكي ياست الكل بس بلاش عياط والنبي
عايده بدموع من فرحتي بيكي والله متوقعتش الايام تجري واشوفك عروسه
نور حضنتها واكملت بحب والله علي قلبك بردو يا عايوده
عايده ضحكت واكملت بحب ده كده كده يا قلب عايوده
مازن طلع واكمل هاا خلصتي يا
وسكت منبهر بشكلها فابتسم وتابع بحب ايه الجمال ده كله
نور حضنته واكملت بحب حبيبي ربنا يخليك ليا يارب
مازن الدموع اتجمعت في عينيه واكمل حقيقي مشوفتش ولا هشوف في جمالك ربنا يحميكي ينورعيني الف الف مليون مبرووك وباس جبينها
نور بابتسامه وحب الله يبارك فيك يا غالي
احمد دخل واكمل باعجاب ايه الحلاوه دي هو مازن بس اللي يتحضن ولا ايه
نور ضحكت وحضنته واكملت بحب لا وانت كمان هو انا ليا غيركم
احمد باس ايديها واكمل بحب حقيقي طالعه اميره ايه الحلاوه دي كلها
نور ضحكت واكملت والله هتخلوني اتغر في نفسي
احمد بضحك ما حقك تتغري انا قولت انتي خساره في قاسم محدش صدقني
مازن بضحك طب احترم نفسك يا حيوان واتلم
احمد بضحك اه ماهو مين يشهد للعريس
عايده بضحك طب يلا ياخويا انت وهو علشان الناس زمانها جات تحت
نور قاسم جيه يا ماما
عايده بحب اه يحبيبتي جيه
مازن برفعه حاجب خلاص الجراه خدتك تسالي عليه واحنا واقفين
احمد بضحك مستعجله البت
نور فضلت تضحك واكملت لالا والله عادي بسال عادي عيب عليكم ده انتوا اللي في القلب
احمد بضحك هصدقك واكدب وداني لما قولتي من كام يوم انه هو الاسااس
نور بضحك يا احمد ميبقاش قلبك اسود بقى
ياسمين بضحك الله وانتوا ايه يضايقكم مش جوزها ما طبيعي يبقى الاساس
مازن بضحك وغمز يعني انتي شايفه كده يعني
ياسمين ضحكت واكملت اه شايفه كده
مازن بحب خلاص وانا مع سمسم في رايها
شهد ياخرااابي عليكم طب يلا ياخويا منك ليها الناس مستنيه نرغي بعدين
احمد بضحك الصوت ده خرج منين
مازن بضحك على اللي بتردح ؟؟ لا دي شهد عادي
احمد بضحك يا بت اللي يشوف شكلك ميشوفش لسانك اللي مترين واطول منك ده اتهدي شويه
شهد بضحك بعينك مش هيحصل
احمد بضحك منا عارف والله فقدت الامل فيكي كده كده
شهد ضحكت واكملت طب يلا تعالى ننزل احنا وهما ورانا
احمد تمام ورايح يتحرك فمسكته واكملت ايه انت متمسعش عن الليدز فيرست
احمد بضحك ليه فين الليدز دي ??
شهد برفعه حاجب افندم ???
احمد بضحك ايه يا دكتوره بهزر معاكي مبتهزريش
شهد بصدمه احمد بجد هو انت مش شايفيني ليدي ???
احمد بضحك اه طبعا
شهد بصدمه ايه ???
احمد بضحك اه مش شايفك ليدي مستغربه ليه لان الكلمه دي كبيره عليكي اوي وابتسم وتابع بس شايفك بيوتي فل جيرل
شهد ابتسمت بفرح واكملت اه اذا كده ماشي
احمد بضحك دلوقتي ضحكتي
شهد بضحك اه طبعا
ولقيوهم خرجوا بيزغرطوا فاكمل مازن وهو ماشي مع نور زي العريس والعروسه : واقفين بتهببوا ايه يلا اتحركوا
احمد بضحك شوفتي ياختي بسبب الليدز فيرست والمرار الطافح ده محدش نزل خالص اهو
شهد ضحكت فمسك ايديها ونزل
تحت في البرنده كلهم متجمعين الاهل والمعارف والصحاب وحسام ويونس وسيف وعمر والاغاني شغاله والجو مبهج
والمأذون وصل فوقفوا الاغاني واكمل منصور اتفضل يا مولانا نورت
المأذون وهو بيقعد في المكان المخصص ليه يزيد فضلك يا حج ها فين العروسه لان لسه ورايا افراح تاني بعدكم
ايمن نازله يا مولانا خلاص على السلم
يونس كان قاعد وماسك الفون شاف حاجه ضايقته جدا فغمض عينيه بضيق وسكت ورجع راسه لورا وتنهد بعمق
سيف بصله واكمل بقلق مالك انت كويس
يونس بابتسامه كويس كويس متشغلش بالك
عمر انا عايز اعرف انت امتى كنت كويس ???
يونس بتنهيده حقيقي فعلا مكونتش ولا هبقى
سيف بقلق اهدى طيب كتب الكتاب يخلص ونروح في اي حته
يونس انا مش عايز اقعد مع حد يجماعه ارجوكم افهموني ولو مره حقيقي تعبان ومش قادر اتكلم
عمر بحزن طب احنا مصدقنا يعني بقيت غير الاول حصل ايه
يونس فتح الفون ووراهم الصور واكمل بوجع بصوا اي ان كان الكلام اللي بقوله واني جامد وعادي انا كداب ومجرد فعل صغير بيرجعني نقطه الصفر ويتعبني تاني ..يعني انا مش مستحمل كده مبالكم يتجوزها ؟؟ ونفخ بضيق شديد
سيف غمض عينيه بحزن وتابع والله فاهمك وانت عارف اني موجوع زيك بلظبط ومش مستحمل اشوفك كده بس
يونس بتنهيده سيف انت فيك اللي مكفيك مش مستني تهون عني حقيقي انا بتكلم معاك لان محدش يعرف عني كل حاجه غيرك انما انا عارف ان مشاكلك مش مخلياك تشوف قدامك وحقك كل واحد مننا ليه وجع مختلف
عمر بحزن حقك عليا يا يونس والله لو بايدينا كنا نغير حاجه
يونس ابتسم بسخريه واكمل لا لو لازم اغير حاجه فا حبي ليها هو اللي لازم يتغير مش هي نفسها لان هي عاشت حياتها عادي واختارت وانا بردو لازم اختار بس المره دي نفسي
وسمعوا اصوات الزغاريط ونور جايه باطلاله وكأنها ملاك واميره ولفتت كل الانظار ليها وراح مازن قعدها جمب قاسم في جمب التربيزه والمأدون في نص التربيزه وايمن قدام قاسم على الناحيه التانيه
قاسم بانبهار واعجاب همس ايه الجمال ده بجد
نور ابتسمت بفرح وسكتت
صافيه بحب زي القمر يابنتي يارب يحميكي
نور بحب تسلمي يا غاليه
هند جات هي وسيليا صحابها في الكليه واكملت هند بفرح كويس متاخرناش
نور قامت حضنتها بفرح واكملت ياقلبي تسلميلي انك جيتي
هند بحب زي القمر بجد مبروك ياقلبي
نور بحب الله يبارك فيكي
سيليا حضنتها واكملت بحب حقيقي جميله مبرووك يحبيبتي
نور بحب الله يبارك فيكي ياروحي عقبالك
قاسم بص ليونس وغمز وضحك علشان وجود سيليا يعني
يونس شافه واكمل وعهد الله اقوم اديك علقه
قاسم فضل يضحك واكمل خلاص خلاص اتكتمت
نرمين بحب زي القمر يابنتي بجد
نور بحب تسلميلي يا غاليه عقبال فرحتك بزينب
نرمين بحب يارب يانور من بوقك لباب السما
عمر تنهد بعمق وبص عليها لقاها باصه عليه فلما شافته غيرت اتجاه نظرها
جودي بحب مش يلا يا مولانا ولا ايه بقالي كتير فاتحه الكاميرا ابدا
المأذون اه يلا العريس ووكيل العروسه لو سمحتوا والبطايق
قاسم اهو اتفضل انا والعروسه
ايمن وانا والد العروسه واهي البطاقه
المأذون تمام توكلنا على الله وشاف البطاقه واكمل لنور في الميكروفون: هل تقبلي ب قاسم حسن الفاتح زوجا لكي
نور بحب نعم اقبل
والبنات حواليها زغرطت وسقفوا بفرح
المأذون هل تقبل بلانسه نور ايمن منصور الرفاعي زوجتا لك
قاسم بحب طبعا اقبل
والبنات بردو زغرطوا وسقفوا بفرح
المأذون على خير باذن الله وبدا بطقوس الزواج المعروفه ومضوا كل الاوراق وايمن مسك ايد قاسم وفضلوا يرددوا ورا المأذون ونور متوتره جداا وقاسم شافها وابتسم
وبلفعل دقايق وكانت انتهت كل الاجراءات واكمل المأذون بارك الله لكما وبارك عليكما وجمع بينكم في خير مبرووك وعايده شدت المانديل وقاسم قام وقف وااكمل بفرح بلحضن بقى
نور ضحكت واتكسفت وبصت لابوها فاكمل ايمن بضحك احضنيه يا حبيبتي عادي جوزك
نور ابتسمت وحضنت قاسم
فضمها لحضنه اكتر وشالها ولف بيها وسط الاغاني وكلهم زغرطوا وسقفوا بفرح
وقاسم نزلها وهو حاضنها وباس جبينها واكمل مليون مبرووك يحبيبتي
نور بصتله بحب واكملت الله يبارك فيك يا عريس
قاسم بحب ده العريس طاير بالله ده حلم سنين بحق وحقيقي
نور بضحك متحققش اوي بردو
قاسم بحب ومالو مش مهم بس بقيتي مراتي وشايله اسمي قطعنا مشوار طويل اوي علشان نوصل للحظه دي
مازن راح ناحيتهم واكمل بضحك قسما بالله تزعلها اجيب اجلك فيها نبهتك اهو
قاسم بضحك لالا عيب عليك في قلبي والله
مازن حضنه واكمل عارف هتحافظ عليها مبرووك يحبيبي
قاسم بحب الله يبارك فيك يا غالي عقبالك
مازن بحب تسلم يارب وحضن نور واكمل بحب مبرووك يا قلب ونورعين اخوكي ياربي والله ما مصدق بقيتي عروسه
نور حضنته اكتر واكلمت بحب الله يبارك فيك ينورعيني بجد
قاسم بضحك ما كفايه احضان يا بطل بغير
مازن بضحك اختي يا حيوان
قاسم بضحك ومراتي
مازن بضحك ااه بدانا .. اخلي المأذون يطلقك قبل مايمشي فاتلم احسنلك
قاسم بضحك لا خلاص انسي مفيهاش طلاق وحضن نور واكمل بحب وبقيت مراتي حبيبتي علطول
يونس بضحك انا لو منك اديله علقه افش غلي فيه
مازن بضحك اه والله صدقت ده عايز علقه فعلا وبص لنور وتابع اوعي من حضنه يابت انتي بتحضنيه قدامي ???
نور سابت قاسم واكملت بحرج اسفه مقصدش ازعلك حقك عليا
قاسم بضحك اسفه علي ايه يا مجنونه يابنت المجانين انا جوزك ليه محسساني انه قفشنا
نور بضحك طلما بيضايق متضايقهوش يا قاسم
مازن حضنها واكمل بضحك قلب اخوها دي طمر فيها التربيه والله
قاسم بضحك دي مجنونه والله العظيم
سيف بضحك قولنالك كده انت مصدقتش
قاسم بضحك وتم تدبيسي خلاص
نور بضحك تدبيس ماشي ماشي هوريك
شهد من بعيد نسبيا نور يلا شغللتك الاغنيه اللي بتحبيها ارقصوا سوا
قاسم بضحك ها يا مازن هتسمحلي ولا فيها زعل وقمص
مازن بضحك لالا ارقصوا عادي بس بأدبك
قاسم بضحك ده شكرا لافضالك والله يا استاذ مازن
حسام بضحك يابني احمد ربك سابك ترقص انا لو زينب مش هحركها من مكانها اصلا
سيف بضحك بلظبط كده
حسام بضحك معايا علي الخط انت يا برو
سيف بضحك ايوه طبعا ده كله الا زوزا
زينب بحب قلب زوزا انتوا الاتنين والله
قاسم بضحك طب نحمد ربنا بقى علي مازن ده طلع نعمه
مازن بضحك علشان تعرف بس
سيف خطيبتك مجتش ليه يا حسام انت معزمتهاش
حسام لا ده هي مسافره مصيف مع اهلها لو كانت هنا كانت جات اكيد
سيف بابتسامه ترجع بلسلامه يحبيبي وعقبال مانفرح بيك
حسام بحب في حياتك يا غالي
ويونس فونه رن فشافه و قال لسيف انه رايح يتكلم برا وخرج
وبلفعل نور وقاسم بدائوا يرقصوا سوا
معتز بستغراب مالك يا زينب في ايه يحبيبتي
زينب بتنهيده كويسه يحبيبي متخافش عليا
معتز كويسه ازاي بس انتي مش شايفه وشك
زينب بحزن ارهاق يا بابا متخافش
معتز تنهد بحيره وسكت
حسام جيه قعد جمبها واكمل مالك حد مزعلك ولا ايه
زينب بصتله واكملت ليه كلكم مصممين ان في حاجه
حسام بتنيهده يمكن لان ملامحك باينه انك مضايقه
زينب بتنهيده مش مضايقه انا بس خايفه من رايكم في حاجه انا قررتها
حسام بستغراب حاجه ايه
زينب بتنيهده هقولكم بعد الليله دي ماتخلص
حسام بتنهيده استر يارب
زينب بابتسامه متقلقش
حسام والله ما عارف مقلقش بس تمام
وبلفعل شويه والحفله خلصت وقاسم استأذن يتغدا برا مع نور وخدها ومشي والناس كلها المتجمعه مشيت بعد ما باركوا
والعيله طلعت اتجمعت في شقه منصور كلعاده وعمر كان معاهم والباب خبط فاكملت صافيه افتحي الباب يا شهد
شهد فتحت استغربت
منصور مين يا شهد
اسر دخل واكمل ده انا يا حج منصور
منصور بستغراب ازيك يا اسر يا ابني خير
اسر كل خير انشاء الله انا جيت بخصوص زينب
سيف غمض عينيه بعصبيه واكمل بحده هو احنا مش رفضنا وخلصنا ولا هي شغلانه
حسام بحده هو انت فاضي ولا ايه ولا هي البلد مفيهاش غير زينب ??انا عايز افهم انت جيت ليه تاني اصلا
زينب خرجت من جوه واكملت انا اللي قولتله يجي
كلهم اتصدموا وبصولها فاتابعت وموافقه اتجوزه