رواية احببته رغم كبريائي
الفصل الرابع عشر14
بقلم مريم احمد
رجعت مليكة البيت بعد ساعتين من معاد انتهاء اليوم ف الكلية
لاقيت ريحة أكل مامتها مالي الفيلا لها ،راحت للمطبخ و بالفعل لاقيت امها عاملة الاكل بس امها مش موجودة
مليكة...ماما
ندهت عليها عشان تيجي بس مكنش في اي رد
خدت تايفونها و رنت عليها
جالها صوت امها و هي بتقولها
خديجة...تعالي يا مليكة انا هنا
راحتلها مليكة اول م عرفت انها ف الريسيبشن
ابتسمت خديجة و قالتلها
خديجة...عامله ايه
هزت راسها و قالتلها بهدوء
مليكة....الحمدلله
ابتسمت خديجة
خديجة...عملتي ايه ف الكلية انهاردة باين كان عندك مخاضرات كتير
اتوترت مليكة جدا و قالتلها
مليكة...الحمدلله
استغربت خديجة من توتر بنتها و قالتلها
خديجة...مالك
هزت مليكة راسها يمين و شمال بنفي و قالتلها
مليكة....مفيش حاجة
خديجة...متأكدة ؟
هزت راسها بمعنى ايوا و حاولت انها تغير الموضوع و قالتلها
مليكة...ريحة الاكل حلوة اوي اوي يا ماما
ابتسمتلها خديجة بحب و فرحه و قالتلها
خديجة...عملتلك الأكل الي بتحبية يا كوكي
ابتسمت و قالتلها
مليكة...شكرا
.....استغفر الله العظيم الذي لا اله الا هو الحي القيوم و اتوب اليه
في مصر الجديدة
و تحديدا ف شقة كاميليا
كانت بتذاكر لـ إيناس عشان الحضانة
لاحظت انها سرحانة قالتلها بتحذير
كاميليا...ركزي يا ايناس عشان مس اسماء متضربكيش
هزت ايناس راسها بخوف و كاميليا ادتلها القلم الرصاص و قالتلها
كاميليا...يا اكتبي و انا هروح اشوف الاكل خلص ولا ايه
هزت ايناس راسها و قالتله
ايناس...راسها و قالتلها حاضر
طبطبت كاميليا عليها و قالتلها
كاميليا...شطورة
و قامت دخلت المطبخ
قالتلها ايناس بصوت عالي عشان تسمعها
ايناس...ماما ممكن عصير
كاميليا...حاضر
شافت الاكل و كان بالفعل خلاص خلص
قفلت البوتجاز و راحت خدت تليفونها و رنت على اسلام
فضلت مستنية لحد م يرد
و بالفعل بعد ثواني رد
اسلام...الو
ردت علية كاميليا و هي بتقوله
كامليا...الو يا اسلام عامل اي
رد عليها و هو مركز ف الورق الي ف ايده
اسلام...الحمدلله انتوا كويسين
هزت كاميليا راسها و قالتله
كاميليا...ايوا
استغرب و قالها
اسلام...اومال بتتصلي ليه ؟
اتفاجئت من سؤاله و قالتله باستغراب
كاميليا...هو لازم يكون في حاجه عشان اكلمك يا اسلام ؟
كان بيقرأ الورق الي قدامه بتركيز و دا خلاه بيسمعش ردها اصلا ف بالتالي مردش عليها
اما هي ف دمعت عيونها بحزن من عدم رده و قالتله
كاميليا...عموما الاكل خلاص خلص انا كنت بكلمك اشوفك قدامك قد اي ف الشغل عشان لو كدا نستناك
هز راسه بنفي و قالها
اسلام...لا لا كله انتوا
هزت راسها و قالتله
كاميليا...سلام
هز راسه بمعنى ماشي و حط التليفون على المكتب كل دا وهو باصص ف الورق
مسمعتش رده عليها كل دا ف قفلت الخط و هي مش شايفة قدامها من كتر الدموع الي ف عيونها
قالت بحزن و سخرية
كاميليا...كلمة سلام مكنتش هتزعلك ف حاجة لو قولتها
سمعت صوت ايناس الي بتقولها
ايناس...يا ماما انا جعانة هو كل دا الاكل مخلصتش
كامليا...حاضر يا ايناس
مسحت دموعها و خدت طبقين و بدأت انها تحط فيهم الاكل عشان تأكل بنتها
حطت الاطباق ف صينية و دخلت اوضة بنتها
قالت كاميليا لبنتها و هي شايله الصينية
كاميليا...شيلي الكراسة عشان متتبهدلش
هزت راسها بطاعة و شالت كل حاجة من على الطربيزة
و كاميليا حطت الصينية و قعدت جمب بنتها
لاحظت ايناس ان مامتها في حاجة مزعلاها
ايناس...مالك يا ماما
بصتلها كاميليا و هزت راسها يمين و شمال بابتسامة و قالتلنا قبل م تخليها تاكل
كاميليا...يلا قولي بسم الله
قالتلها ايناس بترجي
ايناس...خليني انا اكل
هزت راسها برفض و قالتلها
كاميليا...لا هتبهدلي نفسك يلا قولي بسم الله
ردت ايناس كلام مامتها و هي بتقول
ايناس....بسم الله
و كلت
بصت كاميليا قدامها بحزن كل م تفتكر طريقة كلامه معاها و قد ايه كان مخنوق من اتصالها
بصت لبنتها الي كانت بتبصلها بزعل ان مامتها زعلانه
ابتسمت كاميليا و قالتلها
كاميليا...مالك يا نوسة
ايناس...انتي زعلانه
هزت راسها بنفي و قالتلها
كاميليا...لا يا حبيبتي مش زعلانه يلا عشان تاكلي
و رجعت تأكلها تاني
...سبحان الله و بحمده سبحان الله العظيم
كانت مليكة ف اوضتها بتعيط و هي بتكلم مودة و بتقولها
مليكة...انا بقيت كذابة يا دكتور مودة ماما فاكراني كل دا كنت ف الكلية انا بقيت من المنافقين الكذابين
جالها صوت مودة و هي بتطمنها و بتقولها
مودة...اهدي يا مليكة متعيطيش كدا
مردتش مليكة بس صوت شهقاتها من العياط كان واضح
مودة...بصي محدش هيحبك ف الدنيا دي قد حب امك ليكي و محدش لما يعرف انك بتتابعي مع دكتور نفسية هيدعمك غيرها ف حاولي انك تتكلمي معاها و تقوليلها بدل عياطك دا
مليكة...صعب عليا يا دكتور غصب عني هخاف اقولها
اتنهدت مودة بحزن عليها و قالتلها
مودة...طيب بس برضو فكري ف الموضوع
هزت مليكة راسها و قالتلها بطاعة
مليكة...حاضر
...لا اله الا الله وحده لا شريك له له الملك و له الحمد يحيي و يميت و هو على كل شئ قدير
الساعة 7 بليل
رجعت حبيبة البيت
لاقت رضوى بتضر.خ بفرحة و هي بتقول
رضوى...ماما حبيبة جت
خرجت حنان من المطبخ لاقيت بالفعل حبيبة مبتسمة لـ رضوى
حنان...حمدلله على السلامة يا بوبة
حبيبة...الله يسلمك يا حبيبتي
سألتها حنان باستغراب و هي بتقولها
حنان...انتي اجازة انهارده من الشغل ولا اي
هزت راسهاوبنفي و قالتلها
حبيبة...لا كان في ساعتين بين المحاضرة التانية و التالته ف روحت الشغل فيهم بدل. من 7 لـ 9 قولت ارجعلكوا بدري انهاردة
حنان...احسن حاجة عملتيها
هزت حبيبة راسها بتأكيد و رضوى قالتلها
رضوى...هننزل نشوف الفستان امتى
قفلت حواجبها باستغراب و قالتلها
حبيبة...فستان ايه؟
رضوى...فستان خطوبتك
ضحكت حبيبة و حنان و رضوى استغربت دا جدا و قالتلهم
رضوى...هو ايه دا انتوا بتضحكوا على ايه
حبيبة...خلاص قررتي اني اتخطبت
رضوى...اومال الناس الي جايين يوم الجمعة دول ايه
ابتسمت حبيبة و قالتلها
حبيبة...دول لسه جايين يتقدموا و لو طلعوا مناسبين خلاص ساعتها بقى نوافق و يبقى في قراية فاتحة و بعدين نحدد معاد لاخطوبة
هزت رضوى راسها بعد م فهمت و بعدين قالتلها بابتسامة
رضوى....يعني انتي هتوافقي
حبيبة...لو كانوا مناسبين لينا
هزت رضوى راسها و حنان قالت لـ حبيبة
حنان...هروح اصلي و نحط الاكل على طول
هزت حبيبة راسها بمعنى ماشي
و حنان راحت تتوضى
قالت حبيبة لرضوى
حبيبة...ماما عاملة اكل ايه يا بت
هزت رضوى راسها يمين و شمال بمعنى معرفش و قالتلها
رضوى...انا كنت صاحية و هي بتكلم صاحبتها و بعدين نمت و صحيت من شوية
قالتلها حبيبة بهزار
حبيبة...ايوا بقى الناس الي خدت الاجازة
ضحكت رضوى و حبيبة قالتلها باستغراب
حبيبة...بس مين صاخبة ماما دي ؟
قالتلها رضوى بعدم معرفة
رضوى...معرفش كانت بتقولها يا خديجة باين ووووو