رواية حكاية حلم الفصل السابع عشر17بقلم رحاب محمد
قاسم ايوه انتي السبب انتي الي وصلتينى للنقطه دي بسبب عندك ومكابرتك ورفضك لاعترافك بحبك ليا وتعذيبك فيا سنين اول يوم هى جت فيه وانتي عملتى الي عملتيه معايا كنت مخنوق جدا وعايز حد اتكلم معاه حد يهون عليا وجعى يومها دارين كلمتنى
فلاش باك
قاسم قاعد فى اوضته والحزن والغضب مسيطر عليه من كلامها وتصرفتها معاه تعبان من كتمانه
حبها فى قلبه والي هو كان شايف ان هي مش حاسه بيه
تليفونه رن وكانت دارين
قاسم شاف اسمها على التليفون مردش مملتش ورنت اكتر من مره
رد بملل
الو
دارين بدلع : انت فين ي نوني كده من ساعه ما مشيت من عندك متسالش عليا وكمان مش بترد عليا فى الفون وانا الي كنت فاكره انك مش هتسبني لحظه وانا هنا وهتفسحني وتفرجني كل حته فى مصر
قاسم بيبعد التليفون عنه بزهق ورد بملل : معلش يا دودي غصب عني الشغل عندي كان كتير والفون كان بعيد عني فا مسمعتوش انا برضو اتاخر عليكي
دارين : لا لا برضو انا زعلانه ومش هسامحك غير لما تيجي وتقعد معايا شويه
قاسم : معلش خليها يوم تاني انا تعبان جدا والله ومش قادر اخرج
دارين بحزن مصطنع : كده يا قاسم اول طلب اطلبه منك ترفضو بجد انا زعلانه اوووي يعني
قاسم بتعب : خلاص يا دارين هجيلك بس مش عايز اتاخر لاني تعبان بجد ومش قادر اسهر كتير
دارين بخبث :لا متخافش يا نوني ده انا هريحك خالص
قاسم بتفكير خليني اروح اغير الجو الي انا فيه ده يمكن ابطل تفكير فيها يمكن دارين تقدر تنسهاني : طيب هقابلك فين
دارين بص انا هديلك اسم الاوتيل الي انا فيه علشان تيجي تاخدني انت عارف انا معرفش اماكن كتير هنا
قاسم : طيب ماشي شويه واكون عندك بس ياريت تكون جاهزه
وفعلا راحلها
ورن عليها وهو تحت
ايوه يا دارين انتي فين انا تحت زي مقولتلك ايه ده مالك مالك طيب بتعيطي ليه طيب طيب انا هطلعلك وطلع
اول ما فتحت الباب رمت نفسها فى حضنه من غير ما تتكلم وبتعيط دموع بمسكنه مزيفة
قاسم دخل بيها وبيحاول يبعدها عنه :دارين فى ايه طيب فهميني مالك
دارين : بابي يا قاسم اتصلوا عليا وقالولي انه تعبان اوي وانا مش عارفه اتصرف
قاسم قعدها على اقرب كرسي طيب
كلميهم واطمني
دراين عياطها بيزيد :محدش بيرد عليا وانا هموت من الخوف عليه
وقامت اتعلقت فى رقبته وبتحضنه جامد ارجوك بأقاسم متسبنيش ارجوك طمني على بابي
قاسم بيطبطب عليها وبيحاول يهديها :طيب خلاص اهدي انا هتصل عليهم ومش هسيبك غير لما نطمن عليه
دارين ياريت يا قاسم تطمنى عليه ياريت
قاسم بيحاول يبعد نظره عنها ومش عايز يبص عليها خالص بسبب لبسها الي كالمعتاد بيكون مفتوح اكتر من الازم وكمان المره دي هي بلبس بيت
قاسم اتصل بمدير شركه والدها
يعرف منه الاخبار وانهي المكالمه معاه
اطمني يا ستي هو اكدلي انه بقا كويس جدا دلوقتي وانتي كمان تقدري تكلميه شويه كده
دارين بجد يا قاسم
قاسم :اه والله بجد
دارين بتقرب منه وبدلع زياده وحركات كلها اغراء منها : انا مش عارفه اشكرك ازاي ولا من غيرك حالتي كانت هتبقى ايه بجد شكرا
قاسم بيبعد عنها متقوليش كده ده واجبي اني ابقا معاكي
وبيغير الموضوع : انتي مش هتغيري هدومك علشان نخرج ولا ايه
دارين : لا انا خلاص مش قادره اخرج خلاص الي حصل ده ضايقني
قاسم :طيب امشي انا واسيبك ترتاحي
دارين مسكت ايده لا لا خليك معايا شويه انتا مستعجل كده ليه
قاسم :مش حوار مستعجل يعني خلاص انا كنت جايلك علشان نخرج وانتي غيرتي رايك فا خلاص بقا هقعد ليه
دارين باستعطاف : علشان انا عايزاك معايا مثلا علشان خاطري خليك يا قاسم حتي شويه صغيرين انا مش عايزه اقعد لوحدي
قاسم ابتسم وقالها وهو بيحاول يجاملها : حاضر انا كمان مش عايز اقعد لوحدي
دارين بفرحه : بس يبقى خليك استني بقا هجبلك عصير الرمان الي بتحبه
قاسم : لا لا مش عايز ممكن قهوه ياريت يعني
ردت بحماس شديد : حاضر ثانيه وتكون عندك
جابت القهوه وهو بيشرب وبيتكلموا فى اكتر من موضوع وقاسم طول الوقت بيحاول يتجاهل حركاتها المبالغ فيها وكلامها إلى بتتعمد الدلع فيه وفجاءة بيمسك دماغه بتعب
دارين بقلق : مالك يا قاسم فى حاجه انت كويس
قاسم : مش عارف مالي كان عندي صداع من بدري وقولت القهوه هتفوقني بس ده زاد اكتر ودوخت كده مش عارف فى ايه
دارين استغلت الفرصة وقربت منه وبتقرب ايدها من وشه ايه ده انت بتعرق جامد كده ليه مالك
قاسم حاسس بختناق وبداء يفك اول زراير من قميصه وبياخد نفسه بصعوبه :مش عارف فى ايه
دارين مستغله حالته وبتقرب منه اكتر
للدرجه الي تخلي مفيش فاصل بينهم وبيمشي ايدها على وشه وكانها بتسمح العرق عنه
قاسم برغم تعبه اخد باله من قربها وحركاتها واتضايق وبعدها عنه :دارين بعد اذنك انا لازم امشي
دراين مسكت فى ايده وبصوت هادي لا تمشي ايه انا مصدقت انك تقرب منى
قاسم بتوتر وهو بيجاهد نفسه علشان يقدر يقوم : دارين لو سمحتي سبيني امشي كفايه كده
باااااااااك
وبعدها محستش باي حاجه غير اني صحيت لقتها نايمه جانبي
وكمل باقي كلامه باحراج : وووحصل الي حصل ساعتها معرفتش حتي اقولها ايه مشيت قبل حتي ما هي تقوم
صوته بقى أضعف وهو بيحاول يكتم دموعه قدامها ونبرته كلها ندم :مكنتش طايق نفسي وكارها وقرقان منها مش مصدق انا عملت كده ازاي ازاى سمحت لنفسى ارتكب ذنب عظيم زى ده استغفرت ربنا كتير كتير أوى والله وطلبت منه يسامحني على ذنبي وان إلى حصل حصل غضب عنى بس الظاهر ان ربنا مسامحنيش على الي عملته
وهفضل ادفع تمن الغلطه دي طول عمري هي فضلت تكلمني كتير بعدها وانا فهمتها انها ولا حاجه بنسبالي زي ما وريتك الفديو الي كان فى الشركه
لحد ما اتفاجاءت بيها قدام البيت الي بابا كان راجع فيه بعد ما سيبتك لقيتها
قدامي وبتقولي انها حامل بابا كان وصل وسمع كلامها وبقى فى حاله صدمه انا كدبتها وكنت مش عارف اقول ايه قدامه كان معاها التحاليل الي بتثبت كلامها وبرضوا مصدقتهاش وكدبتها
كنت بدور على اي امل انها تطلع كدابه اي حاجه تكدبها ومتكنش سبب فى بعدي عنك بابا لما لاقاني مصمم ان كل كلامها مش حقيقي قالي هنروح لدكتور هو بيثق فيه جدا وهنتاكد من كلامها
وعملها تحاليل تانيه
وبيكمل وصوته كل حزن وندم :وللاسف مطلعتش بتكدب يا حلم طلع كلامها حقيقي اصعب وقت عدا عليا فى حياتي الوقت ده
وكملت بتهديدها
فلاش بااااك
دراين بحده بص يا عمو انا مطلعتش بكدب وبابي جاي بكره الصبح وانا قولته كل حاجه حصلت وهو هيتصرف معاكم واظن انت فاهم كلامي كويس اووي عن اذنكم
مراد بيبص ل قاسم بحزن ونظراته كلها عتاب ولوم ومتكلمش معاه ولا كلمه
قاسم مش عارف يعمل ايه والتفكير هيقتلوا هيتصرف ازاي
بيصرخ بوجع غبي انا غبي وضيغت كل حاجه مني هواجها ازاي هقولها ايه اه يارب ساعدني والنبي يارب اغفرلي ذنبي وسامحني وخليني اخلص منه
وقعد على الحال ده لحد الصبح بيفكر ومش عارف هيتصرف ازاي
لغايه ما جيه معاد نزولهم الشركه
مراد طول الوقت مش بيتكلم معاه
وفى الشركه
مراد كلمه بحده : تعالا على مكتبى
قاسم راح معاه من غير اي كلام اول ما دخلوا عمر ابو دارين وهي معاه كانوا فى انتظارهم وقاعدين بثقه وبيبصوا عليهم بغل
عمر بسخريه : اهلا بجوز بنتي وشريكي العزيز وابوه
قاسم بستغراب : جوز مين
مراد بصلوا بمعني انه يسكت واتكلم هو
ايه طلباتك يا عمر من الاخر
عمر ابتسم باستفزاز :طول عمرك زكي يا مراد وبتفهمها وهي طايره
مراد : مهو انا مش جديد عليا وساختك يعني وطول عمري عارف ان عينك على كل حاجه معايا ومش عارف تاخدها وبيبص على قاسم بخزي
بس اعمل ايه ابني خلي واحد زيك ايدي تبقى تحت ضرسو ويجي يتكلم معايا بالطريقه دي
عمر بسخريه قصدك قاسم ده قاسم ده حبيب عمو بس الفكره ف دودي حبيبتي هي الي ذكيه شويه متلموش هو
مراد بصله بستحقار :بتاجر بابنتك عمري ما كنت اتخيل ان وساختك هتوصل بيك لكده غلطة عمري يوم ما خليتك شريك ليا
عمر بثقه : مهو مكنش بمزاجك برضو
مراد بعصبية : اخلص يا عمر عايز ايه من الاخر
عمر : نص الصفقه الي هتمضيها النهارده "وبتاكيد" مش هقبل اقل من النص ودلوقتي حالا تعلن جواز قاسم ودارين
قاسم مبقاش قادر يسكت اكتر من كده وبزعيق : انت بتقول ايه يبني ادم انت انا اتجوز دي ليه وصفقه ايه الي انت عايز تاخد نصها اخدك ربنا انت وبنتك دي ان شاء الله
عمر ابتسم بسخرية :لا شاطر وخوفتني بالكلمتين دول خد بالك يا شاطر ان محدش هيدفع تمن كلامك ده غيركم انا معنديش اي مشكله انا هاخد بنتي دي واطلع فى نص الشركه واقول انها حامل منك
وبعدها على الصحافه والدنيا كلها تعرف وساعتها الصفقه الي انت فرحان بيها دي مش هتتمضي اصلا لان بسبب الشوشره والقضايا الي هتترفع عليكم سمعتكم هتبقى زفت ومفيش شركه وحده هترضي تشتغل معاكم تاني وتفلسوا يعينى وتجيبوا ضرفها ايه رايك بقى
تاخد نصها ولا تخسر الي وراك وقدامك
قاسم بغل : ااااه يبن ال.....
مراد متاكد انه يقدر يعمل كده فعلا ومحدش هيخسر كل حاجه غيرهم ودي غلطه ابنه ولازم يتحملها صرخ بصوت عالى فى ابنه
قاسم اسكت خالص والي هو عايزه هيتم
قاسم بعصبية : بابا انت بتقول ايه انت موافق وهتتناذلوا كده بالسهوله دي
مراد : والله كل واحد غلط لازم يدفع تمن غلطته ياقاسم بيه
قاسم : وانا موافق اتجوزها واتحمل نتيجة غلطى وده كل الي ليهم عندنا وبس لكن ليه
ياخدوا تعبك انت والحاجة الي بقالك سنين نفسك توصلها
مراد بحزن : نصيبي كده ابني يكون سبب فى خسارتي
زفر عمر بملل وسخرية : والله انا مش فاضيلكم لفقره العتاب والمبادئ الجميله بتاعتكم دي اخر كلامك ايه خليني اخلص
مراد :هات الورق وخليني انا اخلص
عمر : مسك ملف كان حاطه على المكتب قصاده وادهولوا امسك انا مجهز كل حاجه انت هتمضي بس
مراد بيمضي وهو مخنوق وقلبه واجعه على كسرته قصاد واحد زي ده
عمر بغل : عارف يا مراد مفيش حاجه مريحاني دلوقتي غير اني شفت نظره الذل دي فى عنيك وشفت قلة حيلتك وضعفك قصادي
مراد : ياه للدرجه دي انت بتكرهني الغريب انك دايما كنت بتظهرلي عكس كده بس انا كنت عارف ايه جواك بس متخيلتش للحظه انه يكون بالشكل ده
عمر بغل وكره ظاهر فى كل كلامه : ده جزء من الي جوايا ناحيتك انت وابنك ولو على كرهى ليك فا هو اكتر من كده بكتير
باااااااااااك
وبعدها حصلت كل حاجه زي ما شفتى
حلم كانت بتسمع كل كلامه والدموع بتنزل من عنيها فى صمت
قاسم حاسس بالوجع الي هي فيه
وبيقرب منها علشان يهديها
حلم بعدت عنه وصرخت باعلي صوتها : اوعى تقرب منى تاني انت سامع انا بكرهك بكرهك
انت فاكر ان بكلامك ده انا هسامحك واعتبرك مظلوم ده لو كان فيه احتمال اني اسامحك بنسبه واحد فى المئه فا الاحتمال ده راح وكرهى ناحيتك زاد أضعاف
وبتضحك بوجع وسخريه " لا وايه برضو عايز تطلع برئ يعيني وانا الوحشه الي ظلماك "وبغل بتلكمه فى صدره" هو انت عندك قلب هنا ولا عندك ايه انت عايز تضمرنى وتنهيني علشان ترتاح بتحملني
انا تمن وساختك هااا انا السبب انا السبب ولا قذارتك انت هي السبب والي وصلتنا لهنا
رد عليا
وبتعيط بنهيار وتعب وبتاخد نفسها بصعوبه فقدة القدرة على المقاومه قعدت فى الارض تحت رجله بتعب وصوتها طالع بصعوبه : مشوفتش منك غير كل تعب وعذاب طول عمري بتعذب بسببك وكل ده مش مكفيك وكمان جاى تحملني انا سبب خيانتك ليا جاى ترمى عليا السبب الي دمرتني بيه ليه بتعمل معايا كده
قاسم نزل لمستواها وبيتكلم بهدوء :حلم انا مكنش قاصدي ان كل ده يحصل كل حاجه حصلت كانت غصب عني انا لغايه دلوقتى مش مصدق الي حصلنا رافض اصدق انك ممكن تتخلي عنى و
حلم قطعت كلامه بحده : متقولش اتخليت عنك انت الي اتخليت ودوست على كل حاجه كانت بينى وبينك بيعت كل ده بالرخيص اووي يا قاسم
رد بصوت كله انكسار : عمري مااقدر اتخلي عنك او اسيبك
ومسك ايدها برجاء : انا بحبك يا حلم والله بحبك ارجوكي افهمينى
حلم سحبت ايدها منه بقوة ووقف وهى بتمسح دموعها : لو كلامك ده حقيقى نفذلى اخر طلب ليا منك
قاسم بحب : أنتى تؤمرى وانا هنفذ
................................
يارا بتكلم امال فى التليفون : ايوووه يعني انتي دلوقتي اطمنتى على حلم
امال : اه الحمد لله مها طمنتني بس مش هقدر اجيب سيره قدام حد طبعا
يارا : اه اكيد مش مهم بقى المهم اطمنا هي فين عارفه يا امال انا بحسدها على حب قاسم ليها شايفه بيعمل علشانها ايه
امال ضحكت : ده مجنون يبنتي هو فيه حد طبيعي يعمل كده بس ايه الاتنين اجن من بعض كان نفسي يكونوا لبعض ومش فاهمه هو عمل كده ليه مع انه راح واتجوز غيرها
يارا : الجنون فى الحب عقل يا امال واكيد عنده السبب الي يخليه يعمل كده المهم استني بقى علشان انا نسيت اقولك
امال : ايه فى ايه
يارا : انا قررت ادي رامي فرصه واشوف هننفع مع بعض ولا لا والحقيقة يعني هو طلع بيحبني جدا وبيحاول يعمل اي حاجه علشان يرضيني حبه ليا خلاني اتعلق بيه اوي انتى مش متخيله هو بقى بالنسبالي حاجه غاليه اووي ونفسي يفاتحنى فى موضوع الجوز ده تاني وانا مش هتردد لحظه والله فى اني اوافق
امال بفرحه : بجد يا يارا احلفي يعني خلاص موافقه عليه وحبتيه بسرعه كده
يارا بصدق : اه والله بجد حبه ليا واهتمامه خلاني اتعودت عليه بسرعه جدا وكأن ربنا بيعوضني بيه عن اي حاجه فاتت
امال بفرحه وسعاده انها اتاكدت انها اختارتها هي ونفذت وعدها ليها ورفضت تكون سبب فى حزنها : حبيبتي انتي تستاهلي كل خير حقيقي انتي احسن حد انا عرفته فى حياتي
يارا : انتى بس الي ملاك عايش معانا على الارض ومينفعش تعيشى غير كل حاجه حلوه
امال ضحكت : ملاك مره وحده ايه يبنتي الافوره دي
يارا بحب : ده اقل وصف ممكن اقولهولك امال بقولك انا لازم اقفل دلوقتي رامي بيتصل هرد عليه واكلمك تأني ماشي
امال : ايوه يعم من لاقي احبابه نسي اصحابه ماشي يختي سلام
قفلت معاها وهي على وشها ابتسامت فرحه متتوصفش
كل الي هي رتبتله حصل
قالت ل يارا وهي متاكده انها هتختارها هي مش هو وفعلا حصل فرحانه بختيارها باللصاحبة الصح ايوه هي غلطت فى آلى عملته من البداية بس دي حاجه غصب عنها ولما عرفت غلطتها مترددتش انها تصلحها وترجع فى الي عملته هو ده الصاحب الجدع الي دايما تكون انت عنده اهم من اى حاجه
باسم كمان بداء يرجع زي مكان الاول ويرجع حبيبها هي وبس هو لسه اكيد جواه شئ ليها بس بيحاول يتغير مهو مش زرار هيدوس عليه هينسى كل الي فات وبيحاول يسدعها هي باى شكل وهي متاكده انه بيعمل كده علشان ندمان على الي عمله وفهم أنها كانت غلطة كبيرة وبيحاول بكل شكل يكفر عن ذنبه ناحيتها
وبتبص عليه بحب
وهو بيلعب مع مودي وعلى وشها ابتسامت انتصار وجرت الأمور كما خططت لها مش لازم تتهور وتخسر كل حاجه ممكن كل حاجه تتحل بالعقل من غير تهور فى الامور مش لازم خطط انتقامية وشر هى كانت اذكى منهم وحلتها بخطط منطقية مش انتقامية اختارت تطلع من الحرب بدون خسائر
باسم ساب مودي وبيقرب منها
اممم يترا ايه سبب الابتسامه القمر دي
امال : يارا قررت تتجوز رامى خلاص وبتقول انها بداءت تحبه
باسم أتأثر للحظة وبيحاول يبان طبيعي : ايه ده بجد يعني خلاص هتتجوزه بالسرعه دي حبيته
امال : اه هي بتقول كده
باسم بحزن : طيب ربنا يسعدها هي تستاهل كل خير
امال : فعلا والله انا كمان قولتلها كده
باسم الكلام عليها بقا يضايقه مش سهل انه ينسى كل الي كان بينه وبينها بسهوله كده ومش عايز امال تحس بحاجة هي كمان
امال انا عندي شغل بدري ولازم ادخل انام دلوقتى
امال : ماشي يا حبيبي تصبح على خير
باسم باس جبينها :وانتي من اهل الخير يا حبيبتي
واتحرك من قدامها علطول
امال : انا عارفه انك مش سهل تنسى بس متاكدة انك هترجعلي زي الاول يا باسم
................................
مها جوه الاوضه بتاعتها وقافله الباب وبتكلمه من جوه
متتكلمش معايا يا مصطفي علشان انا زعلانه منك بجد وهتفضل كده انت فى حته وانا فى حته لغايه ما تعترف بغلطك
مصطفي بغيظ :يبنتي انتي هبله انا اصلا معترف وانا الي قايلك وقلت غلطت انا اسف فى ايه تاني بقى
مها وكمان بتقولي هبله ماشي يا مصطفي ماشي يعني بتضحك عليا وتخطف صاحبتي انتي واصحابك وتستغفلني وكمان تشتمني
وبعدين ضحكت من غير صوت" بس هو عنده حق هو اعترف فعلا انا هبله بجد ايه الغباء ده
مصطفي :يا مها حرام عليكي الي بتعمليه فيا ده يعني هو يخطف وزمانه مقاضيها هناك وانا انام على الكنبه هنا ده الظلم ده
مها بتكتم ضحكتها :ايوه مهو انا لازم اعلمك متسمعش كلام حد بعد كده
مصطفي بتعب : واتعلمت والله اتعلمت افتحي بقا يا مها وحشتيني والله
مها بدلع : بجد يا طوفي وحشتك
مصطفي بحب : ده انتي وحشتيني اوووي اووي اووي حنى عليا بقا وسامحيني
مها : اه ثبتتي تاني يا اخويا وتطلع اشتغاله زي المره الي فاتت عايزني فى ايه يا مصطفي وحشتينى ياحبيبتي وفى الاخر تطلع بتضحك عليا
مصطفي :والله ابدا ولا المره الي فاتت كنت بكدب ولا المره دي انتي علطول وحشاني حتي وانتي معايا بتوحشيني يا مها افتحي بقا وميبقاش قلبك اسود هاين عليكي طوفي حبيبك يفضل بعيد عنك كده
مها بحب : لا مش هاين عليا
وفتحت الباب باستسلام
اول ما فتحت مصطفي خطف شفاي*ف*ها ف ب*وسه
فاجاءتها ولكن بسرعه استجابت معاها وحضنته جامد
بعد دقايق بيبعد عنها ومقرب وشها ليه وبيتكلم وهو بياخد نفسه بصعوبه " كده تبعدي عني كل ده عارفه لو فكرتي تعملي كده تاني انا هعمل فيكي ايه
مها ابتسمت وحشتني اووي يا طوفي ووحشني قربك مني
مصطفي بخبث :بس انا مش هسكت على الي حصل وتعالي اوركي هعمل ايه لو اتكررت تانى
وب*اسها تاني بحب وحنيه وشالها ودخلوا اوضتهم
وسكتت شهرزاد عن الكلام الغير مباح
................................
حلم بثبات تبعد عني يا قاسم طلبي الوحيد منك انك تبعد عني ومتدخلش فى اي حاجه تخصني بعد كده وتشوف حياتك الي انت اخترتها وتكلمها وتسيبنى انا كمان اتجوز واعمل الي عايزاه انا مليش ذنب ادفع تمن أخطائك
قاسم بنرفزه : انتي بتقولي ايه انتي بتطلبي مني المستحيل
حلم برجاء وصوت مخنوق من العياط : لو بتحبني زي ما بتقول اقبل اعمل حاجه وحده دليل على حبك ده خليني احس انى بجد اهمك ويهمك راحتي مش كله كلام منك وبس اعمل حاجه تثبت حبك ده انا شبعت وعود فارغه وكلام وفى الاخر بكل سهولة كنت مع وحده غيرى
قاسم : انتي اتجننتي انا لما ابعد عنك كده هبقى بثبت حبي ليكى انا كده ابقا بموتك وبموت نفسي معاكي ياحلم احنا روح وحده مينفعش حد فينا يفارق التاني
ولو انتي عايزه ده وتقدري عليه فا انا مقدرش واسف طلبك صعب التنفيذ
حلم لسه هترد عليه وهتزعق
الباب خبط جامد وخبط مش طبيعي
حلم ابتسمت واتنهدت بامل :اخيرا حد عرف مكانى وهيخلصنى منك
قاسم بقلق : متفرحيش اوي مستحيل حد يقدر ياخدك مني بس مين الي هيخبط الطريقه دي ده محدش يعرف المكان اصلا غير كمال ومصطفي
قرب من الباب بحذر : مين الي بيخبط
سمع صوت كمال بيرد بعصبيه :انا يا قاسم افتح
قاسم اطمن و فتح : ايه يبني في ايه فى حد بيخبط كده
كمال بحده قاسم انت قتلت دارين 😲