رواية هو انت مين الفصل الاول1 بقلم سحر السحرتي

*كانت تسرع بكل ما اتت من قوه لتحمل الطفل الصغير قبل ان تص-دمه السياره ... وفعلا لحقته وحملته و ارتط-مت بها بدلا عنه ولكن السائق كان ماهرا فلم يكن الارتط-ام ق-ويا ... ونزل من السياره وهو غاض-ب و يص-يح بصوت عالي

: انت ام انت ....  انت مهم-له ما تستحقيش  يبقى لك اطفال .... انا لو من جوزك اطلقك  ..... ما تقعدوا في بيتكم ايه الق-رف ده  .... ما دام مش قادره تتحملي مسؤوليه بلاش تتجوزي من الاول 

*نظرت له ببرود و طبطبت برفق على الصغير و قبلته 

:انت كويس يا حبيبي 

*فتحت حقيبتها واعطت له قطعه من الحلوى لكي يهدا وينتهي من البكاء 

:خلاص ما تزعلش بقى عمه ده صوته عالي و بيزعق بالشكل ده اصله كان خايف عليك

السائق : انت ايه البرود اللي انت فيه ده 

*كان بعض الماره قد تجمعوا على صوت فرامل السياره وظهرت سيده وهي تبكي وتص-رخ

: ابني مش لاقياه .... ابني حد شافه 

*الى ان اكتشفت ان الفتاه تحمله و انقذته 

:حماده حبيبي سبت ايدي ليه  ... شكرا يا حبيبتي مش عارفه اقول لك ايه ده ساب ايدي وثانيه وبدور عليه اختفى بسرعه اصله شقي ودائما بيخلي عيني في وسط راسي 

:ولا يهمك فعلا في اطفال كده اوعي تحسي انك اهمل-تي فيه 

*ونظرت لسائق السيارة بسخرية  ... وانصرف الناس من حولهم  .... واخذت الام ابنها وذهبت هي ايضا 

*نفضت يدها امامه والتفت من حوله وبدات تقول

 :هي فين هي فين اه اهي 

*وضعت يدها امام فمه وكانها تشد شيء ما وقامت بعمل طرقعه بفمها 

:الفيشه شدتها عشان تفصل شويه كنت بتقول ايه يا نجم .... اااه مش قادر تنطق طب انا هرجع الفيشه والحاجه الوحيده اللي عايزه اسمعها من لسانك اللي بينقط سكر ده هو الاعتذار

*فتظاهرت انها تعيد تشغيله ها مش سامعه لك حس يعني ... هما الرجاله كده تبدا تتهم الستات ولما يجي وقت الاعتذار القطه بتاكل لسانهم .... عموما انا حاسه انك عايز تعتذر و مش عارف وما عنديش وقت الصراحه على ما تستوعب الصدمه لاني دلوقتي عندي محاضره لدكتور اياد الرخ-م  ... اظن هيطلع شبهك كده 

*بدات تحدث نفسها

 :والله انا كنت حاسه من اول يوم دراسه واشوف الدكتور ده 

:استني يا انسه انت كويسه 

:اخيرا الكهرباء وصلت لسانك

 :مفيش داعي لطوله اللسان 

:ما افتكرش ان انا اللي لساني طويل ...  المفروض انك كنت تطمن على الب-قره اللي كانت تحت عجل عربيتك الاول وبعدين تبقى تتهمها بالاه-مال وتطلع عق-دك من الستات عليها 

: عق-دي

: اه الرصة  اللي رصيتها من شويه تقول انك مع-قد جدا مننا عموما حصل خير انا مش فاضيه عندي محاضره لماده غل-سه بأجل فيها بقالي كام سنه لان الدكتور بتاعها دمه يل-طش الجامعة كلها بتشكر فيه ما يتخيرش عنك

بقلمي سحر السحرتي 

: قلت لك بلاش طوله لسان 

: اظن حقي بما انك ما فكرتش تعتذر لغايه دلوقتي واكيد مش منتظره اعتذار منك 

*تركته وذهبت دون ان يكمل كلامه وكانت تعرج قليلا بقدمها من اثر الارتط-ام 

*ذهب كل منهم في طريقه وصلت الى جامعه الفنون الجميله بالزمالك ودخلت فاستقبلتها صديقتها هند

 :اتاخرتي ليه يا عنود ومال رجلك

: عربيه واحد رخ-م خبط ... 

*وقبل ان تكمل جملتها تفاجات بسياره امامها فقالت بصدمة وهي تاكل شفتيها

: هو ايه اللي جاب العربيه دي هنا

 :عربيه ايه

: العربيه دي السوداء 

:ااااه دي عربيه دكتور اياد

: الله اكبر يعني السنه دي كمان مش هدخل الماده  ... بشره خير انا قلت من الاول الماده دي واقفه  في زوري من زمان

: ليه ايه اللي حصل

: ما هو ده الرخ-م اللي خب-طني

: ده انت امك داعيه لك

: يا عيني على حظك يا لوزه ده انا اديته شويه كلام انما ايه زي اللوز 

: هو انت مش ناويه تلمي لسانك شويه ...  انا عن نفسي هروح احضر عشان ناويه اتخرج السنه دي اصل بابا مستحلف لي خصوصا  لما عرف اني سايبه الماده دي من سنه اولى 

: وانا هخ-اف انا داخله اصلا جيت بدري عشانها

:وهتدخلي ازاي 

:هقول لك هاتي بس الشال ده احطه على شعري و النظاره الشمس بتاعتك كمان و اسحبي ايدي وانت داخله المحاضره 

:اسحب ايدك ده ايه انت هتس-تهبلي هو في مكفوفين في كليتنا ما ينفعش

: ما هو ده التحدي خلينا ندخل بس واداري نفسي في اي حته بس نعدي من قدامه يا رب ما ياخد باله

: الطريقه اللي انت داخله بيها اصلا بتقول خد بالك 

:تعالي بس ونشوف انت بتنبري فيها ليه 

*كانت تدخل من باب القاعه وجدت اياد اول الواصلين عندما سمع اسمه منها اصر ان يراها وكان يدقق في كل الطلبه الواصلين

 *اياد شاب في ال 30 من عمره وسيم جدا لكنه جاد جدا في عمله فهو دكتور في كليه الفنون الجميله قسم التصوير نفس القسم الذي تدرس به عنود معروف عنه بص-عوبه مادته ومن ينجح بها فان والدته راضيه عنه كل الرضا 

*عنود فتاه شابه في 23 من عمرها جميله و فنانه مبدعه تدرس في الكليه بجد ونشاط ولكن لظروف سنتعرف عليها فيما بعد احيانا  تأجل المادة  وما زالت الى الان في الكليه ما يقارب من الست سنوات وقد تتم العام السابع 

*دخلت عنود كما خططت وكانها كفيفه فرات ابتسامه على وجه اياد الذي عرفها من ملابسها ولم يخ-دعه ذلك الشال الذي تضعه على راسها و النظاره ففهمت انه تعرف عليها فخلعت النظاره و الشال 

*وصعدت لتجلس وتعثرت على السلم الى ان جلست 

بقلمي سحر السحرتي 

 *بدا اياد في المحاضره وكلما نظر اليها كانت ترمش بعينيها وتضع كف يدها على وجهها كانها مكسوفه فكان يبتسم على غير العاده فقد كانت حركتها مضحكه لفتاه شقيه خفيفه الظل 

*انتهت المحاضره وتجمع بعض الطلبه لسؤال الدكتور كانت عنود تقف خلفهم حتى تتحدث معه بعدهم

*كان يرد عليهم بجديه بعد انصرافهم وقفت تبربش برموشها فقال لها 

:نعم عندك سؤال

 *تحدثت بخجل لا يليق بطوله لسانها

: لو قلت عندي اعتذار حضرتك هتقبله 

:انت عملتي حاجه داخل المحاضره عشان تعتذري 

: لا باره المحاضره 

:خلاص المحاضره شيء وخارجها شيء ثاني

 :افهم من كده ان انا خالصين

: نعم افندم

: اقصد احنا غلطنا في بعض باره المحاضره 

:اكيد مش خالصين ومش لايق عليك الكسوف ... وكمان ما يصحش طالبه زيك لسه في سنه اولى تغ-لط في دكتور بيدرسها ممكن الكلام يوصل له و تشرفينا هنا كام سنه على ما يرضى ينجحك في  مادته 

:اسفه بس الكلام اللي كان بيتقال على حضرتك خ-وفنا منك جدا قبل ما ندخل وان الطلبه بتنجح بالعافيه

 :الكلام ده غير صحيح الماده صع-به و محتاجه اهتمام ومش بينجح غير الطالب المجتهد وكل سنه اولى بيبقوا جايين يهر-جوا 

:عموما شكرا لتفهم حضرتك وانك من الدكاتره اللي بتفصل بين المحاضره وغيرها 

:هو لو ما كنتش قبلت اعتذارك كنت هتعملي ايه

: ابدا كنت أجلتها زي كل سنه بس كان نفسي أتخرج السنه دي 

:نعم تتخرجي انت سنه كام 

:انا اخر سنه بس كنت مأجلاها هي وكام ماده

: و مأجله مادتي ليه

: الحقيقية من اللي سمعته

: يعني فهمتي

 :بصراحه شرحك سهل وسلس بس يا ريت كانت الماده تتنقل لسنه تانيه عشان الطلبه تهتم اكثر

: يعني ما بقتش رخ-م

 :مين قال عليك كده قط-ع لسانه استاذن انا واضح انك مش بتنسى

*واسرعت تجري من امامه  وهو يضحك بداخله على أفعالها وكلامها

*صعد الى الى مكتب الدكاتره وجدها تطرق الباب نظر لها ظنا منه انها تريده وقبل ان يرد عليها وجد دكتور عزيز يتحدث معها 

:ادخلي يا عنود كويس انك جيتي دلوقتي انا كنت ماشي

 :اتفضل الاكسسوارات اللي طلبتها دينا 

:هو انت مش ناويه تتخرجي بقى قربت اشهر افلاسي من صاحبتك دي

 :كنت ناويه بس الظروف دايما ضدي

: لا انا هفضل ورا الدكاتره ينجحوك عشان اخلص 

:طب تصدق دينا اصلا جايه عليا بخ-ساره

: ليه كده

 :بتتشرط عليا التصميم اللي اعمله اقعد شهر ما اعملش زيه لاي حد على ما تلبسه وتبقى الوحيده ومش برضى ازعلها دي عشره طويلة من اول ثانوي هههههه 

:كان زمانك متخرجه معاها بدل ما انت ناطة لي كل شويه 

 :ايه يا دكتور انت مش طايقني ليه ده انا حتى بعمل لها خصومات ره-يبه 

:ويا صاحبه الخصومات عايزه كام النهارده

 *بصوت هامس :3000 

 *بصوت عالي: نعم كام ده قبل الخصم ولا بعده 

: هههههه بعده بس لو مش عايز تدفع بلاش قلت لها اشحنه مش بترضى لاحسن الشحن يب-وظه او يس-رقهم

 :يبوظ-هم  أو يس-رقهم ولا علشان بابا يدفع 

:اسالها بقى دي امور عائليه ما ليش اتدخل فيها 

: هههههه امور عائليه طب يا بكاشه حاجاتك غاليه قوي

: طب امسك كده و اتفرج على التصميم والخامات وحضرتك استاذنا هتلاقيني بستعمل انظف واغلى خامات ممكن بنظره الخبره تقدرهم ولو قلت مبلغ اقل انا راضيه 

:بصراحه التصميم هايل و الماتيريال نظيفه بتجيبيها منين 

:اسرار يا دكتور بس يعملوا كام  بجد ونظرة خبير

 :مش اقل من 5000

: ايدك بقى انا راضيه

 :بنت مش عشان جاملتك هتاخدي عليا 

:ده بيني وبينك يا دكتور انا اقدر 

:اتفضلي يا ستي ٣٥٠٠ اهم

: لا انا متفقه معاها على 3000

 :بس لا فعلا شغلك يستاهل بلاش تتنازلي قوي كده عشان صاحبتك 

:شكرا يا دكتور عقبال ما تشتري لها الشبكه

 :شبكه ايه انت كمان دي على العريس 

:يا دكتور شباب اليومين دول محتاجين دعم ينوبك ثواب فيهم

بقلمي سحر السحرتي 

 *اثناء ذلك الحديث الطريف بينهما دخلت دكتوره اشجان

: ايه ده عنود انت لسه في الجامعه ما اتخرجتيش

 *ردت بابتسامه صفراء لانها تعلم أنها  تكرهها

: اه يا دكتوره لسه

*تحدثت معها بكل تك-بر وسخ-رية 

: انت برده لو بطلتي تفرشي في الشارع ترسمي بورتريهات و خليتي بالك من مذاكرتك كان زمانك اتخرجتي زي باقي الطلبه 

:اعظم فنانين العالم يا دكتوره بداوا بالرسم على الرصيف وانا مش ببيع جرجير دي بورتريهات محترمه ادعي لي يبقى عندي الاستوديو الخاص والناس تدور عليا 

:الحاجات دي مش بتيجي بالدعوات بتيجي بالاجتهاد والعمل في ارقى الاماكن مش على الرصيف

: مسيري اوصل يا دكتوره لسه العمر طويل انا لسه صغيره والمستقبل قدامي

 *كانت تلمح ان اشجان كبيره في السن ولم تحقق شيئا سوى التدريس بالجامعه 

*نظرت بحب لدكتور عزيز

 :استاذن يا دكتور احسن الرصيف مستنيني افرش عليه فني 

:خلي بالك من نفسك 

:شكرا يا دكتور 

*بعد خروجها نظر لاشجان بح-ده 

:اظن ما كانش له لزوم كلامك الج-ارح ده

: هو اصلا المفروض ما كانتش دخلت المكتب هنا للدكاترة بس

: انا رئيس القسم واسمح لاي حد بالدخول والطلبة دائما بتدخل عادي تسال اي دكتور اشمعنى عنود دائما بتعلقي على دخولها

 اياد :هي ايه حكايتها يا دكتور عزيز انت واضح انك تعرفها 

:اه دي بنت شاطره و متفوقه بس ظروفها صعبه شويه وصديقه دينا بنتي من ايام ثانوي 

:متفوقه ازاي و بتس-قط 

: هي مش بتس-قط هي بتأجل بس و كل المواد بتجيب فيها امتياز  ... بس علشان مصاريف  خامات الجامعه عاليه مش بتقدر تمتحن كل المواد لولا ده  كانت ممكن تكون معانا هنا زميله لانها في اعدادي طلعت الاولى على دفعتها

 اشجان :ونسيت تقول  كل ده بسبب ان والدها طلع ح-رامي و اتسبب في الظروف اللي بتمر بيها دلوقتي 

                    الفصل الثاني من هنا

لقراءة باقي الفصول من هنا