روية ما يخفيه القدر الفصل السادس والاخيربقلم رحاب القاضي
اتصدمت نرمين من كلامه وقالت
انت بتهزر صح انت مش بتحبني، واخدني كوبري عشان تغيظ اميره اللي انت نش في بالها اصلا، انا كنت حاسه كنت باخد بالي من نظراتك ليها واهتمامك بيها بتعمل ايه وزعلك لما اتخطبت واتحوزت، بس كنت بكدب نفسي واقول لا هو اكيد بيشوفها زي اخته وبيهتم بيها ما كنتش عمري اتخيل انك تبقي عايش معايا وانت بتحب اختي..
هااشم بضيق
انا اسف انا مستحقر نفسي بجد علي كل اللي حصل ده، انا ما استاهلكيش ولا حتي كنت استاهل اميره، هي كان ليها الحق ما تحبنيش..
نرمين مسحت دموعها وقالت
طلقني يا هاشم انا مش هقعد علي زمتك دقيقه واحده بعد النهارده واللي عرفته، انا يمكن وحشه وبتعامل بتناكه مع امك واخواتك بس هما كانو برضو بيعملو زي اهلي بيقاىنو بيني وبين اميره، انا عمري ما كرهت اختي انتو اللي بتكرهوني فيها.
هاشم بحزن
اهدي يا نرمين تعالي ننسي اللي فاات ونبدأ من جديد، نطلع اميره دي خالص من حياتنا هي واهلك يبقي صفر علي الشمال عشان نقدر نكمل..
نرمين بسخريه
وهي اختي عملت فيا ايه عشان اطلعها من حياتي، بالعكس دي كانت بتخااف علي زعلي انت وبابا وماما كنتو ديما بتخلوني امىها واعاملها وحش باهتمامكم بيها وانكم بتخلوني احس اني وحشه وهي اللي كويسه، بس الحقيقه انها هي الوحيد ه اللي كانت بتساعدني وبتخاف علي زعلي، عمرها ما وجعتني زيكم ولا حتي غلطت فيا، انا هختار اهاي واهلي اللي ماليش غيرهم وانت واهلم وكل حاجه هنا هي اللي صفر علي الشمال يا هاشم، وتطلقني يعني تطلقني..
هاشم بحزن
اللي انتي عايزاااه يا نرمين حااضر انا هطلقك وهسيبلكم البلد كلها وامشي انتي واختك وامي وكل حاجه..
_واطلقت فعلا نرمين ورجعت بيت اهلها، وفي شقة اميره كانت بتعيط وقالت لعمر..
اميره
انا النهارده يا عمر هروح عند نرمين، انا مش قادره اصدق ان هشاام الحيوان ده بعمل فيها كده، ويطلقها من غير اي سبب..
عمر بضيق
انتي عارفه وانا عارف السبب، الواد ده عيل اصلا هو كان بيتنيل يحبك انتي وراح خطب اختك ما كنتيش سكتي يا اميره اختك عمرهل ما كانت هترتاح مع واحد قبل انه يتجوز اخت البنت اللي بيحبها، الراجل الجدع اول ما يحب بنت اخواتها بيبقو اخواته بيحرمهم عليه عشان غلط وعيب ومش اصول ابداً انه يحب واحده ويتجوز اختها، وكمان انا مش عابزك تروحي عند اختك هي رخمه وهتقولك كلام رخم زيها..
اميره بضيق
ما تقولش علي اختي كده يا عمر، وبعدين هو انا كنت اشتكيتلك وختي لو قالت عادي مش هزعل منها هي غريبه دي اختي ومالناش الا بعض انا وهي وهي والله طيبه بس ما حدش فاهمها وما قابلتش الشخ الصح اللي يعرف يطلع الحلو اللي جواها..
عمر
انا مش قصدي والله حاجه هو براحتك بس انا مش عايزك تزعلي وكمان ولادي اللي ي بطنك دول ابزعل هيأثر عليهم هستفاد ايه انا لما تجبيلي عيال نكديين زي امهم..
ضحكت اميره وقالت
لا اطمن هخليهملك فرفوشين زي ابوهم طول الوقت ومش بحسدك ما تبصليش كده، المهم اوعي بس عديني اجهزلك الفطار..
عمر
لا طبعا انتي عايزه بابا ياكلني ده منبه عليا ما تقوميش من علي السرير خالص عشان ما تتعبيش.
اميره
شااايف الراجل السكره خايف عليا انا لاتعب هاا مش رخمم ومش بيحس وخايف علي ولاده وبس من الزعل ليطلعو نكاديين..
عمر
مقبوله منك يا ست، المهم طيب ما تطلعيش وتدخلي المطبخ عشان ما تتعبيش وكفايه هتروحي لاختك وكده تعب عليكي..
.
اميره
طيب قوم بقي ساعد باباك حرام يبقي في المطبخ لوحده وابعتلي يارا عشان اسرحلها شعرها قبل ما تروح المدرسه..
قرب منها عمر وقال بحب
يا بختي بيكي يا اميره انا عمري ما كنت اتخيل اني هتجوز واحده تحب اهلي زي اهلها بالشكل ده، وديما كنت بقول قبل ما افكر اني اتجوزك او احبك اصلا يااارب اللي اتجوزها تبقي زي الدكتوره اميىه كده، يقوم ربنا عشان بيحبني يجوزني الدكتوره اميره بنفسها..
ابتسمت اميره وقالت
مش باخد منك غير كلام بتثبتني بيه وخلاص وعارف اني بتكسف ومش هعرف ارد عليك بنفس الطريقه فيلا يا حبيبي كده قوم ساعد عمو علاء في المطبخ وابعتلي لمار يلااا..
_ابتسم عمر بهدوء وعمل اللي قالتله عليه، وبعد شويه راحت فعلا عند نرمين وقعدت جنبيها في اوضتها وقالتلها...
اميره
علي فكره الدكتور مانعني اني اتحرك كتير، بس انا ما عنديش اغلي منك يا نرمين انتي ومالك وبابا وماما..
بصتلها نرمين بدموع وقالت
حقك عليا يا اميره انا ظلمتك كتير واتنمرت عليكي اكتر، بس انتي كنتي ديما احسن مني انتي رفضتي هاشم عشاني انا وكنتي عايزه سعادتي برعم اي حاجه بس انتي كنتي خايفه علي زعلي ودي حاجه كبيره اووي بالنسبالي، انا ايوه خسرت هاشم بس عرفت انك بتحبيني اووي واللي حصل ده فوقني علي حاجات كتير اولها ان اختي واهلي هما اللي ليا بجد واني ما بنفعش اظلمهم واجي عليهم..
حضنتها اميره وقالت بدموع
انتي اختي يا نرمين ما فيش بينا زعل ونتحمل بهض ونقف ديما جنب بعض عشان ما يجيش حد غريب ويستضعفنا، وما تزعليش ان شاء الله ربنا هيرزقك بالاحسن منه مليوون مره..
مسحت نرمين دموعها وقالت
ان شاء الله هو خلاص صفحه واتقفلت، انا كمان ما كنتش ملاك بجناحات معاه ما انا برضو كنت بغلط في اهله وهما ما كانوش بيحبوني هي جوازه كانت غلط من الاول اصلا..
اميره
المهم انك اتعلمتي وربنا يعوضك عنها خير، بقولك ايه ما تنزلي تشتغلي كده وتعتمدي علي نفسك بلاش قعدت البيت هتخليكي تتكتفي وتدايقي اكتر، بصي انا هخلي عمر يشوفلك شغل منااسب وتنزلي تشتغلي وما تقلقيش احنا في ضهرك ومعاكي كلنا ومش هنسيبك لوحدك ابداً..
_وعدت الايااام وفعلا اشتغلت نرمين واميره ولدت وجابت بنت وولد توأم، وفي يوم راحتلها نرمين بيتها واول ما فتحلها عمر قال..
عمر
اهلا بالعروسه بتاعتنا تعالي اتفضلي يا نرمين..
نرمين دخلت وقالت
عروسه ايه هي ايه الحكايه معاك انت ومراتك النهارده واشمعنا يعني النهارده عازميني عندكم..
عمر
ولا حاجه كل الموضوع ان فس عريس متقدملك فانا واختك قررنا في البدايت نخليكم تشوفو بعض وتتعرفو هنا قدامي هاا عشان دماغك ما تروحش بعيد وبعديم نبقي نشوف هنعمل ايه..
نرمين
لا بقولك ايه انا بنسحب انا مش عايزه اتجوز سلام عليكم قال جواز تاني قال مش لما اتعافي من الاولاني.
عمر وقف قدامها وقال
ما فيش طلوع يا نرمين وبعدين انا مش بقولك يلا تعالي هجوزك ليه انا بقولك نتعرف انا وانتي واميره وبابا عليه، وبعدين فكري بالعقل شويه انتي مش هتفضلي كده طول عمرك وخالد ده ابن نااس ومحترم ومطلق زيك بس هو مطلق بسبب ان مراته بتاعت مشاكل وكمان كانت بتكدب عليه انها بتخلف والعيب منه والحقيقه انها هي اللي مش بتخلف المهم يعني انه قالي عايز عروسه وانا استخسرتو في حد غريب..
اميره
استخسرتو ماشي يا عمر انا هدخل عشان بس ما احرجكش قداام صاحبك انما والله حسابك انت ومراتك كبير معايا، وعاملين ايه اكل النهارده انا جعانه..
_ضحك عمر ودخلو قعدو مع خالد صاحبه واميره قالت لعمر بصوت واطي.
اميره
شايف يا حبيبي شكلهم كده اتفقو بيتكلمو في حاجات متفاهمين فيها..
عمر
اااه شايف بس اختك تفكها شويه بدل ما هي قالبه خلقتها كده علي الراجل..
اميره
دي بتتقل عليه وبراحتها هي اي عروسه دي نىمين اختي وهو يحمد ربنا انها بتتكلم معاه..
عمر بغيظ
اميره خليني ساكت والعيال بيعيطو جوه قومي شوفيهم، ولا كمان مش سمعاهم..
اميره
لا سمعاهم بس تعالي معايا عشان مش هعرف اشيلهم لوحدي، واهو بالمره نسيبهك يتكلمو لوحدهم باباك دخل نام وانا وانت قااعدين زي عواجيز الفرح اهوو..
عمر
معاكي حق طيب يا جماعه بعد اذنكم هنروح نشوف العيال جوه وجايين حالا بيتك ومطرحك يا خالد..
خالد
شكرا يا عمر ربنا يكرم اصلك.. بس انا خلاص لازم امشي وان شاء الله بكره هنروح انا وانت للاستاذ محمد عشان نتفق علي معاد اجيب اهلي فيه ونروح عندهم ونتشرف بمعرفتهم انا اتفقت مع المدام نرمين خلاص..
ابتسمت اميره هي وعمر بأتساع وقال عمر
بس كده من عينيا يا صاحبي تعالي بقي هوصلك لحد الباب..
_وعدت الايام واتجوزت فعلا نىمين خالد وكانو سعدااء جدا، وفي يوم كانت واقفه اميره قدام. سوبر ماركت وولادها قدامها في العربيه بتاعت الاطفال، ووقفت قدامها وفاء ام هاشم وقالت..
وفااء
اميره انا مش مصدقه اني شوفتك يا بنتي عامله ايه واخبارك ايه، دول ولادك مش كده؟..
اميره
الحمد لله يا طنط ايوه دول ولادي، حضرتك عامله ايه والبنات مش كويسين..
وفاء بحزن
الحمد لله عزه بتجري اهو علي الخلفه وربنا ما اكرمش وهاشم سابنا ومشي عايش بره مصر، انا كان نفسي اشوفك من زمان عشان اقولك انا اسفه انا رفضت جوازك انتي وهاشم وو..
قاطعتها اميره وقالت
ما ليش داعي يا طنط انا وهاشم اصلا ما كانش بينا حاجه ولو ما كنتيش انتي رفضتي انا هرفض هاشم شاب كويس بس ما عرفش يخليني اوافق بيه وكنت خايفه من ارتباطي بيه جدا، وانا اتجوزت عمر جوزي لاني مالقيتش حد في الدنيا بيحبني قده، والجواز في الاول. الاخر قسمه ونصيب برضو. ..
وفاء
معاكي حق يا بنتي وربنا يريح قلبك، همشي انا بفي وفرصه سعيده..
مشيت فعلا وفاء وقرب عمر من اميره وقال بهدوء
هو انا قولتلك النهارده اني بحبك..
اميره ابتسمت وقالت
احمم لا ما قولتش وانا عامله نفسي مش واخده بالي حضرتك..
ابتسم عمر وقال
بحبك يا اعظم اختياراتي، ربنا ما يحرمني منك انتي والولاد ابدا..
اميره
ولا يحرمنا منك يا حبيبي، يلا بينا بقي نروح عشان الحو برد علي العيال..
_واخدها عمر ومشيو وكملو حياتهم في سعاده وكان نصيبهم وقدرهم احلي بكتير من خوفهم من اللي كانو متوعينه..
تمت