رواية مظاهر خداعه
الفصل السادس6
بقلم جمانه السعيدي
رشا....قبل المغرب اجا ماجد ياخذني من بيت اهلي
امي توسلت بي يبقى للعشى بس ما قبل واحنا راجعين
رحنا للسعدون يريد يشتري سم مشروب
نزل وعاف تليفونه بلسياره
اجا مسج مالحكت اشوف بس شفت كلمة فديو نار
اخذت الجهاز وحاولت افتحه ماكدرت كم محاوله بدون فايده شفته رجع رجعت الجهاز مكانه
شغل السياره ورجعنا وصلنا للبيت اجا اتصال
سمعته يكول بس اسبح واجيكم
دخل للحمام واني ركضت للتليفون
اذا اكدر افتح التليفون راح اعرف السر شنو
كل المصايب بلتليفون
شكد حاولت افتحه بس بدون فايده وعين على التليفون وعين على الحمام
خاف يطلع ويشوفني
سمعت باب الحمام انفتح شمرت التليفون وفتحت الكنتور
على اساس ارتب بلملابس
دخل للغرفه
رشا...تتعشى
ماجد...جماعتي عازمين على العشى
رشا...اتعوفني وتطلع
ماجد...تجين وياي تعاي اذا تردين بس ترا شلة ولد
وبيها شرب خاف الكعده ما تعجبج
رشا...بس اليله ابقى اني مشتاقتلك تعرف احنا مجاي نكعد سوا ولا نحجي
اريد اكعد كعده حلوه وياك
ماجد....مو ليله لان زحمه انطيتهم خبر اني جاي
رشا....وعد ليلة الأخ تبقى يمي
ماجد...وعد
قرب عليه باسني بخدي وطلع
جمانه السعيدي
من طلع اني قررت لازم اعرف الرمز
اذا كدرت افتح تليفونه ينتهي هذا اللغز
على الاقل اعرف راسي من رجليه ليش باقيه هيج مثل الثوله
بقيت منتضرته الساعه ١٢ بليل رجع سكران
بس زين مو فاقد السيطره
دخل للغرفه نزع ملابسه ونام بلشورت
نام على وجها من كد ما مطفي
اخذت التليفون وبديت احاول اريد افتح الجهاز
بعد ٣ محاولات انقفل الجهاز
هاي الاجهزه الحديثه بيها هيج نضام خاف تنباك
ماكدرت افتحه
ايست ونمت
اليوم الي بعدا كعدنا الصبح سوا
رشا...اليوم اليه انت كلت ما اواعد اي احد
ماجد...مو تدللين بس صيري حبابه ولا تنكين عليه
بيومها مارجع المغرب رجع بلتسعه بليل
عوض طلعة اليل العصر وكلما اتصل علي يكول شغل
بس اني متأكده مو شغل
جمانه السعيدي
اكو سر بلموضوع لازم اعرفه
اجا بليل بليلته اني وياا كعدنا نسولف وسهرنا سهره حلوه
قفل التليفون حتى لحد.يتصل علي
كل يوم احاول مرتين افتح التليفون بدون فايده
بس اني لازم افتحه ومراح ابطل احاول ابد
إلى أن يوم كعدت كباله بس صفح وفتحت الكامرا منتضره تليفونه يرن
لو تجي رساله ويفتحه
حتى اشوف حركة ايده شلون يفتح التليفون
فعلا اجته رساله فتح الجهاز
اني صورت حركة ايده
شويه بدل وطلع بقيت منتضرته اتأخر للساعه ثنتين وهو ماراجع
تعبت ونمت الصبح كعدنا اني وياا سوا
دخل للحمام واني ركضت احاول افتح التليفون
محاولتين سريعات بس ما ضبطن
رجعت التليفون مكانه
طلع من الحمام بدل وطلع للشغل
بقيت طول النهار افكر لازم الكه طريقه افتح التليفون
رجع العصر اتعشيا وطلع بقيت منتضرته
وكل شويه اعيد حركة ايده على التليفون اربد اركز
اجا متأخر وسكران طينه
اباوع علي ياربي شكد شكله كشخه الي يشوفه
يكول ماكو منه
اني وحده من الناس كنت متعجبه بي
ولله يستر شنو المضموم بعد
جمانه السعيدي
نام على وجها نزعته الحذاء والستره اخذت التليفون
حاولت محاولتين فشلت
شلون ياربي اموت واعرف شنو اكو داخل هذا التليفون
ثاني يوم كعدت قبله لبست روبي هو كعد
رشا...شدعوه هلكد شارب ترا موزين عليك
ماجد...ماشارب
رشا....وكعت على وجهك كوه نزعت الستره هسه ما تكلي بيش يفيدك الشرب
ماجد....ميخالف منا وهيج
رشا...تستهزء بكلامي
راسا اجته رساله بس لزم التليفون اني جنت واكفه يم راسه شفته شلون فتحه
رفع راسه لان جان شاك اني اباوع علي
راسا عفته وطلعت من الغرفه
بقيت واكفه على الدرج واراقبه بس طلع من الغرفه للحمام
اني دخلت راسا
لزمت التليفون بس فتحته انفتح
الله لإيراويكم الي شفته اتمني ميته بهاي اللحظه
ولا شايفه الي شفته
مقاطع مخزيه بين رجال ثنيين
راسا كمت ارجف وكلبي يدك على السريع
دخلت على غير مقطع لكيت ماجد وياا واحد بوضع مخل
كلبي كام يدك على السريع احس دكة كلبي صارت
بعلومي اديه كامن يرجفن
الموقف صعب عليه الشي الي شفته مو هين
ماكدرت ابقى واكفه كعدت
واني ادخل على المقاطع واحد ورا للثاني احس جسمي صخن
الله يلعنكم قوم لوط كمت اتنفس بسرعه
من العصبيه وكلبي يدك سربع
اديه يرجف بلكوه لازمه التليفون شفت اكثر من أربع مقاطع الماجد مقاطع مخزيه
شي ما يشيله العقل
صدك جذب
راسا طلع من الحمام دخل للغرفه شافني اكلب بتليفونه
ماجد...هاي شسوين
سحب التليفون من ايدي بسرعه
رشا... مسحت دموعي بس مجاي اكدر اوكف على حيلي
جسمي كله يرجف
هااااي شنو
ماجد...شنو انتي شنو شفتي
رشا...مسحت دموعي صدك انت انت مو واحد غيرك
ماجد...اس مااسمع صوتج
رشا...ووينه صوتي حتى حيل مابيه اوكف
انت انت مو واحد غيرك
ماجد....شنو يعني عادي اني احب الولد ماأحب البنات
احب معاشرت الولد
ووين الغلط بلموضوع
رشا.... تحجي عادي عادي عندك الله يلعنك انت حيوان
مو بشر
ماجد...باعي صوتج ما يعلى عليه اني من زمان عندي هاي الشغله من كنت عايش بامريكا
ترا هناك الشغله عادي
بس انتم هنا بلعراق عجيبه عدكم ليش مكبرين الموضوع
هاي حريه شخصيه
انتم ناس متخلفين
تدعون الحريه بس ما طبقوها
رشا.... ليش ازوجتني ليش دمرت حياتي ليش
اذا انت تحب الولد اني شنو ذنبي شفتني فقيره
الله واكبر عليك
انت العيشه وياك حرام
جمانه السعيدي
ماجد....حرام حرام تكدرين اطلعين برا هذا المكان
بس بشرط تطلعين بلثوب الي عليج
كلشي ما تاخذين وياج كلشي كلشي
واذا سمعت حاجيه كدام اي احد الشي الي شفتي
ادمر حياتج دمار فهمتي لو لا
مو على اخر وقت تجي وحده مثلج تخرب حياتي
برائيج ليش اني اختاريتج لان جمالج ماكو منه
اكو الاحلى منج الف مره
عائلتج واصله عائله راقيه شو داكهم الضيم دك
رشا.... لا اجيب عائلتي على السانك عائلتي صح فقيره
بس على الاقل شريفه
تاكل لكمتها بالحلال ما تغضب رب العالمين
عائلتي اهم شي عدهم الشرف
ما يخالفون رب العالمين مو مثلك تمشي وجاهر بلمعصيه
انت شكد خادع الناس الي تشوفك يكولون ماكو منه
اني اكثر وحده كنت مخدوعه بيك
كشخه وسياره وفلوس
وانت اتعس خلق رب العالمين
على الاقل احمد ربك وشكره على هاي النعمه
مو كاعد تعصي على أرضه وتحت سمائه
ياويلك من عقاب رب العالمين ياويلك من المعصيه
ماجد....اني ماخدعت احد اني انسان حر بتصرفاتي
رشا... حر وانت هاي تصرفاتك حر على نفسك
اني شنو ذنبي اتحمل واحد مثلك
ماجد...شوفي لا تكثرين حجي ما يعجبج امشي ولي الاهلج
اني ما ناقص دوخه
عايشه عيشه كل النسوان تحلم بيه
ساكنه بااحلى مكان وتلبسين وتصرفين بكيفج
تردين تعيشين وتسكتين ابد مااسمع صوتج
تردين تفضلي وريني عرض اجتافج
ورقتج توصلج باجر
بس اذا سمعت تحجين وياا نفسج بهذا الموضوع
ما تلومين اله نفسج
رشا...نفسي كامت تلعب وصخنت حيل
ركضت كعدت بلحمام حتى اتقئ
جسمي كله يرجف
صارت عندي حالة انيهار عصبي
مجاي اكدر اسيطر على نفسي
بقيت نص ساعه بلحمام طلعت لكيته طالع من البيت
روح الله لا يردك حيوان
خليت راسي على المخده وكمت ابجي
مااعرف اتصرف
اطلع من البيت لو ابقى
اذا طلعت راح اخسر كلشي بس اكسب نفسي
واذا بقيت راح اكسب كلشي بس اخسر نفسي
مااعرف اتصرف
احجي لو اسكت احجي كلشي شفته
لو اسكت واتكفا الشر
موقف صعب ومجاي اكدر اتصرف
نفسي كامت تلعب من ماجد مجاي اشوفه بشر
اشوفه خنزير بعيني
مستحيل اكدر اكمل ويااا
ياربي هذا شلون هيج حيوان
شني من نفس علي
شكد المضاهر خداعه الي يشوفه يكول بس هو وبس
كشخه ومنصب وفلوس
احنا البشر بسرعه ننغر بلمضاهر الخداعه
نقيس البشر من شكله وفلوسه
ومانعرف الي ورا هاي الكشخه شنو