رواية عائلة الدمنهوري
الفصل العاشر10بقلم تسنيم محمود
عمر : طب تمام انا هعمل كل اللي هقدر عليه وان شاء الله هنقبض على الدكتور مجدي وكل التجار اللي معاه متقلقش بس بقولك انت ليه مقولتش لكريمان الحقيقه كانت هتقدرك وهتقف جانبك
كريم :اشطا بس انا مقولتش لكريمان كده علشان هي هتقول لجدي ولوالدي وانا مش عايز حد من البيت يعرف اللي حصل ده وكمان انا مش عارف اتصرف
عمر :خلاص يا كريم كل حاجه هتتحل ان شاء الله
كريم :اه نسيت اقولك صحيح
عمر :اشجيني يا جلاب المصايب
كريم :انا جدي وقفني عن العمل
عمر :بتهزر
كريم لا والله
عمر :طب هو عرف ولا علشان اللي انت هببته مع كريمان
كريم :لا معرفش هو عمل كده علشان اللي هببته وعلفكره انا قولت لكريمان ان في ورق كان ضايع في الشغل علشان مطقعش بالكلام مع أي حد ولو حد كلمك متقوليش غير كده
عمر :اشطا يلا قوم روح وانا هتصرف وممكن تلاقيني عندك في اي وقت في البيت
كريم :تنور يا حبيبي يلا سلام
(كريم اخذ بعضه وروح وعمر اخذ بعضه
وراح شغله علشان يشوف هيعمل اي في
موضوع كريم)
............ في منزل الدمنهوري................
كريمان :هو كريم لسه مجاش يا جدي
الجد :لا يا كريمان
سماح:انا حسه ان كريم مخبي علينا حاجه يا عمي
الجد :وانا والله يا سماح انا حاسس انه عامل مصيبه
كريمان في نفسها :طب اقولهم ولا لا أقولهم ان هو عنده مشكله في الشغل يا ربي اعمل اي
(يعيني متعرفش انه بيكدب عليها🥺)
الجد :اي يا كريمان سرحانه في اي
كريمان :اي لا انا مش سرحانه ولا حاجه انا معاكم اهو
.......... بعد مرور وقت كريم جه............
كريم :السلام عليكم ورحمة الله وبركاته
الكل :وعليكم السلام ورحمة الله وبركاته
كريم وهو متجه اللي الأعلى :انا طالع انام يا ماما يلا تصبحوا على خير
الجد :كريم انا عايز اتكلم معاك
كريم :اتفضل يا جدي اتكلم
الجد :تعالي ورايا المكتب
كريم :حاضر
................... في المكتب....................
الجد :اقعد يا كريم واقف لي
كريم قعد : نعم ياجدي لو سمحت بسرعه علشان عايز انام علشان ورايا طياره الفجر
الجد بصدمه : هو انت هتسافر يا كريم
كريم: ايوه يا جدي هسافر
الجد بحزن :ليه يابني
كريم :علشان انا مش ليا ولا شغل ولا مستقبل هنا وانا هروح اشتغل مع واحد صحبي في مستشفى الحياه في دبي
الجد :مين قال كده يا ابني وانت هتروح تشتغل في مستشفى الحياه وانت عندك مستشفى الدمنهوري انت اهبل يا كريم
كريم بنرفزه :اه انا اهبل وعبيط ومجنون وأهم حاجه مجنون دي علشان الكل بقى يقولي كده والكل شايفني كده انا بجد تعبت منكم محدش حاسس بالنار اللي جوايا انا بتعذب والله كل يوم من ساعه اللي حصل بجد انتم لو عرفتوا اللي حصل هتعزروني عزر كبير اوي وانا علشان ارتاح هسافر دبي علشان انا تعبت
الجد :اهدي يا كريم طب ما تقول اي اللي حصل واحنا نقف معاك يا ابني احكي لينا يمكن نخفف النار اللي جواك وبتعزبك كل يوم
كريم :خلاص يا جدي اتفضل قول حضرتك كنت عايزني في اي علشان عايز انام
الجد :عايز اعرف عملت كده لي يا ابني
كريم بنرفزه :علشان انا مجنون يا جدي انا واحد مجنون وهروح العباسيه قريب
الجد :ماشي يا كريم برحتك خليك مجنون
كريم :تصبح على خير يا جدي وقام مشي
الجد :وانت من اهل الخير يا ابني ربنا يهديك