رواية زهرة الاوركيدو
الفصل العاشر10
بقلم نوفا
كرم طلع من الغرفه وانا حسيتو عاوز يطلعني من الانافيو باي طريقه مشيت المطبخ وكالعاده لقيت احمد وعثمان عاجنين حاجات وبياكلو
ملك: هاااي
عثمان: هلا هلا
احمد: تعالي امي بتحبك
ملك: ههههههه لالا شكرا سبقتكم
عثمان: يا زول دي بقت تاكل مع كرم باعتنا خلاص
ملك: ههههههه ودي تجي برضو بس والله اكلت
شلت التنكه مليته مويه وختيتها ف الغاز
احمد: ف عروس بتسوي قهوه
ملك: ده طلب اخوك اعمل ليو شنو
عثمان: م عندو زوق والله
كرم: سمعتك علي فكره
عثمان: انت يا زول بتجي ناطي من وين
كرم: هههههههه من السما اكلو وتعالو السطوح ملك عاوزه مساعده
ملك: لالا
كرم: احمد م تخلي مرتي تشيل العده براها جيبها انت
احمد: امرك يا سعاده
كرم طلع وبقيت اضحك ف كلامو واسلوبو الاتغير
عثمان: مش قلت ليك يا لوكه خاتغيري كرم
احمد: اي والله طولت م شفتو بهذر وبضحك كده
عثمان: بركاتك يا شيخه ملك
ملك: ههههههه بطلو وارح فوق
طلعنا ولقيت علا وشهد وعاصم فوق حهزو القعده وكلهم قعدو وخلو لي مكان جمب كرم قعدت جنبو كبينا القهوه وهو كان حايب شيس وشكولاتات وزع ليهم وختا الكيس جنمبي
كرم: عشان عارفك بتحبيها
ملك: شكرا
احمد: احم نحن هنا
ملك🫣
كرم: انتو منو م بعرفكم
ملك: هههههههههه
بقينا نتونس ونضحك وبالجد كرم اتغير شديد وطول القعده ماسك يدي الشباب انسحبوا واحد ورا التاني وبقينا برانا
كرم: ملك انا م عايزك تخجلي مني طيب
ملك: بس انا لسه م متعوده
كرم: وانا م مضايق عاوزك تتعودي علي راحتك
ملك : طيب
كرم: بس يعني انا بتكلم ده كلو وانتي تقولي طيب
ملك: ما انا م عارفه اقول شنو
كرم: م تقولي شي بس خلينا قاعدين
ملك: طيب
كرم: تاني طيب
ملك: هههههههههههه
كرم: ضحكتك حلوة علي فكره
ملك.: شكرا
بقينا قاعدين والصمت عااام لحدي الساعه ١١
ملك: احم انا نعست حامشي انوم
كرم: طيب تصبحي علي خير
ملك: وانت من اهل الخير
نزلت منو زمشيت غرفتي طوالي لقيت شهد وعلا نايمين حنمب بعض بالجد حلوين
بقيت افكر ف حياتي الجايه لحدي م نمت
الصباح ::؛؛:؛؛
البيت جايط والضيوف وكل واحد ماسك شغله صحيت لقيت علا وشهد ملخبطين وشهم بقناع الفحم قطعو قلبي من الصباح مشيت استحميت وجابو لي الشاي نظام عروس وكده ولخبطو لي وشي برضو وبقينا نتصور بالجد كنت مبسوطه خبيرة التجميل جات وجهزو حاجاتي وماما جهزت لي شنطتي الحامشي بيها الشقه واتمكيجت وعملت تسريحه خفيفه ولبست توب احمر وحاجات العروضات الثقيله ديك والحفله بدت جا اكرم ال لأول مرة اشوفو حالق دقنو وخفف شعرو بالجد شكلو حلو وكان لابس حلابيه الجرتق دخل الغرفه ورفع الفركه وباس راسي وحصني ومسك يدي وطلعنا المعازيم والجوطه والناس بتبارك وانا نفسي كتم وكرم بقول لي بس دقائق اجمد اخوي قرأ سورة ياسين حتي كرم فتح وشي يا دوب حسيت بالهواء جرتقونا والحفله والناس ترقص كان يوم حلو جاتني دمعه لاني كنت متمنيه اليوم ده مع ماكس بس اتذكرت العملو مسحت دمعتي وكرم مسك يدي عاينت ليو لقيتو مبسوط وابتسمت وانتهت الحفله ودخلت الغرفه غيرت الحاجات الكتيره ديك لبست فستان وجاني احمد اخوي ودعني عشان مسافر بكيت معاو وطلع وجاني كرم
كرم: احنا حانمشي شقه اسبوع طيب
ملك: ممم
كرم: طيب يلا ؟؟
مسك يدي وماما وعلا ودوعوني وبكيت معاهم. ركبت العربيه وانا صدعت من كترة البكا كرم مسك يدي وتكيت راسي ف كتفو وشبه نمت حسيت بيو بقول لي وصلنا صحيت ونزلنا من العربيه وصلنا شقه حلوه كانت غرفتين وصاله
كرم: خشي غرفتك واخدي راحتك
ملك: عاوزه مسكن
كرم: طيب بدلي ملابسك وانا حامشي الصيدليه اجيب مسكن تمام
ملك: تمام
دخلت الغرفه رتبت ملابسي وشلت لي بجامه ودخلت استحميت وبقيت راقده وماسكه راسي حسيت بالباب دقه
ملك: اتفضل
كرم: ده مسكن ابلعي وتعالي نتعشي
ملك: كرم بالجد ما بقدر اكل
كرم: طيب م بغصبك يلا ابلعي المسكن ونومي
ملك: وانت ماشي وين
كرم: حانوم ف الغرفه التانيه م عاوز ازعجك
ملك: طيب نوم هنا انا بخاف
كرم: طيب حارتب حاجاتي واستحم وانوم انتي نومي
ملك: طيب
بلعت المسكن ورقدت ونمت طوالي لاني كنت مرهقه والصداع ماشي خافي