رواية الصدفة
الفصل العاشر10
بقلم اسيل
عدا شهرين وانا وجمال علاقتنا كويسه وجمال بجهز لتخريجو عملتا ليو حنه مفاجاءة ويوم الزفه قال لي الا تلبسي توب وتمشي معاي لبست توب بالكحلي وهو لبس بدله كحليه واي زول علق فينا وتاتي يوم التخريج كان ظااابط وجمال عمل لي اهداء وحضني قدام الناس وااااي من الخجل عدا اسبوع وانا كنت ماجزه ونايمه اتصل علي جمال كن فتحت الخط جاني صوتو ببكي
اسيل: جمال مالك
جمال: اسيل امي يا اسيل امي ف المستشفي تعالي
اسيل: طيب طيب جايه
اتصلت علي قصي لقبت اسراء مكلماو وقال لي جاي عليك لبست عبايه وقصي جاني جرينا المستشفي وكانت حالتهم صعبه شديد خالتو مني جاتها جلطه وحالتها متأخره حضنت مروة واسراء وكانومتجرسات وانا زاتي قلبي وجعني دي امي التانيه عاينت لجمال عيونو بتقول لي عاوزك مشيت عليو وحضنتو وبقي ببكي زي الطفل بقيت واقفه جنبو وماسكه يدو وقصي مع اسراء بالجد كان موقف يقطع القلب فجاءة الدكتور مرق وقال الدوام لله ياخ الكلمه دي وقعت علي راسنا زي الصاقعه وانا اتزكرت ماما وبابا وبقينا بكا شديد المستشفي انقلبت فينا اما جمال م كان ببكي وده الخوفني عليو جمال وقصي كملو الإجراءات وخالتو مني مرقت معانا جثه يا حليله فقدت امي التانيه مشينا البيت والبكاء والناس مارقه وداخله انا وقصي قعدنا معاهم تلاته يوم وف التلاته يوم جمال م كان بياكل ولا بتكلم وكانت حالتو صعبه شدبد والخوفني عليو انا كنت مشيت البيت اجيب ملابس وانا راجعه لقيت نور طالعه من بيت جمال انا الساعه ديك اتشليت ومشيت قلت لاسراء البت دي كانت وين قالت لي قالت زميلة جمال وجات تعزي ومشت ليو ف غرفتو انا جدعت الشنطه وجريت لجمال لقيتو مكرفس ف السرير خفت اسالو يعصب رقدت جنبو وحضنتو وفجاءة حسيت بدموعو حاره نازله فيني واخيرا جمال بكا اصلي م سكتو بكينا سوا لمن نام ف حضني صحيت قريب المغرب لقيتو لسه نايم قمت منو براحه ومشيت المطبخ عملت ليو اكل وعصير وشلتو غرفتو م لقيتو ف السرير شكلو ف الحمام قعدت شويه كده وطلع وكان عيونو محمرة قلت احتمال من البكا م اتكلم معاي صلي وبقي قاعد ف المصلايه جيت قعدت جنبو ومسكت يدو
اسيل: حبيبي انت كده بتعزبها اقرا ليها قران ادعي ليها بس م تعمل كده
جمال: م بيدي يا اسيل انا بقيت لا ام لابو
اسيل: اششششش انا جنبك وكمان اسراء ومروة وقصي عاين لاخواتك ديل هم اسي محتاجنك اكتر من زمان
جمال: بحاول
اسيل: لا م تحاول اوعدني انك تشد حيلك خبيبي
جمال: ان شاء الله
اسيل: يلا تعال اكل
جمال: م عندي نفس
اسيل: انا م فطرت وجعانه لو وقعت يكون بسببك
جمال: طيب
قعدنا ناكل وبقيت اكل فيو لانو اكلو كان ضعيف اكل وشرب العصير
جمال: ممكن انوم ف حضنك
اسيل: تعال حبيبي
رقد ف حضني وحسيت بيو ارتاح ونام طوالي وانا موضوع حية نور مقلقه بي وكمان عيونو حمر معقوله يكون لالا هو وعدني م بعمله بقيت افكر لمن نمت صحيت مع الفجر صحيتو
اسيل: جمال جمال
جمال: ممممم
اسيل: حبيبي قوم نصلي وارجع نوم
جمال قام استحم واتوضا وصلينا سوا هو رجع نام وانا نزلت عملت الشاي بعد شويه كلهم صحو وجمال نزل شربنا الشاي وعملنا الفطور وقصي مشا شغلو وجمال قال لي ماشي مشوار بس م وراني وين
قعدنا تنونس مع اسراء ومروة العصر قصي جا اتصلت بجمال م كان برد اتغدينا وقصي ساق اسراء قال داير يغير ليها جو قعدنا انا مروة ف التلفزيون للساعه ٨ وجمال م جا قصي واسراء جو ومشو ينومو الساعه بقت ١٢ص جمال جا داخل م اتكلم معاي دخل غرفتو استغربت من ردة فعلو مشيت وراه وقربت عايزه احضنو شميت ريحة سجاير قويه
اسيل: ممكن اعرف كنت وين ؟؟
جمال: اسيل انا تعبان وعايز انوم
اسيل: ماف نوم الا ترد علي وبعدين لي ريحتك سجاير مش وقفت القرف ده
قرب مني شديد وحضني
جمال: معليش سيجارة واخده بس
اسيل: لي عملت كده خبيبي
جمال: اسششششش ولا كلمه اسيل انا انا عايزك
زحيتو مني ولقيت شكلو متغير
اسيل: عاوز شنو ؟؟
جراني من نصي دايرك انتي انا تعبان
اسيل: انتت جنيت ابعد مني
جمال: م ببعد انتي حقتي
قرب باسني وبقي يهبش فيني عرفتو م طبيعي اديتو كف ورميتو ف السرير وجريت غرفة مروة بقيت ابكي لمن نمت وحسيت انتي خلاص حاخسر جمال تاني
عند جمال :::::
باخ انا كيف عملت كده ولي عملت كده اااااااه انا مضايق اسف يا اسيل اسف والله م كنت عايز ارجع للقرف بس م قدرت جمال بقي يبكي لحدي م نام
صحيت الصباح مصدعه بلعت لي مسكن وعملت الشاي قصي واسراء ومروة صحو شربنا الشاي
اسيل: قصي بعد ده نرجع البيت
قصي: مالك ف خاحه
اسيل: ماف شي
اسراء: مالك فجاءة اقعدوا معانا احنا برانا
اسيل: بجيكم من فترة للتانيه
اسراء: طيب جمال عارفك ماشه
اسيل: كلميو بعد يصحا انا ماشه اجهز نفسي واطلع مع قصي
اسراء: قصي ماله اسيل فجاءة
قصي: والله انا زاتي م عارف احتمال انتاقشت مع جمال
اسراء: احتمال انا خامشي اصحي يشوفها
اسراء مشت لقت. جمال نايم بملابسو عرفت انهم اتشاكلو
اسراء: جمال جمال
جمال: ممممممم
اسراء: قوم اصحي
جمال: خليني انوم
اسراء: جمال اسيل راجعه بيتهم بتجهز ف شنطتها
جمال: شنو ولي
اسراء: انتو متناقشين
جمال: اي
اسراء: طيب قوم حاول امنعها
جمال طلع من غرفتو لقاني ف غرفة مروة
جمال: انا اسف
اسيل: م مشكله اخد راحتك انا ماشه
جمال: اسيل والله م كان قصدي انا م كنت بوعي
اسيل: بركه الاعترفت
جمال: طيب اسف على الله م تمشي
اسيل: جمال خليني
جمال قعد ف السرير وبقي يبكي
جمال. : انتي زاتك حتخليني زي امي انا م معاي زول انتي كل دنيتي انتي خبيبتي وامي واختي وبنتي
قعدت جنبو وسكت ايديه جمال انت جرحتني عرفت الكلام ده يعني انا خطيبتك مرات بحضنك وابوسك بس الكنت عايز تعملو امس انت اهنتني انا لو م واثقه فيك م بنوم معاك ف غرفه واحده اسبوع وانت كنت م بتقرب علي لكن امبارح
جمال: والله م اعمل كده تاني بس م تخليني طيب
اسيل: طيب بس اوعدني انك م تشرب تاني
جمال: اوعدك حبيبتي يلا ارح غرفتي طلعي لي ملابس
اسيل: طيب
مشيت غرفتو هو دخل استحم وانا جهزت ليو الغيار اتصل قصي قلت ليه غيرت رأي حسيت بيو انبسطت لانو عاوز يقعد مع اسراء
جمال طلع من الحمام صلي ونزلنا شربنا الشاي وبقينا نتونس مع اخواتو