رواية عائلة الدمنهوري الفصل الثاني عشر12بقلم تسنيم محمود
.............. بعد مرور وقت.............
كريم كان نازل على السلم وهو شايل شنطه السفر
سماح بعياط :كريم يا حبيبي خلي بالك على نفسك وأول اما توصل كلمني
كريم :حاضر يا ماما ومتعيطيش علشان خطري
الاء كانت واقفه على جنب عماله تعيط
كريم راح لها :اي يا لولو بتعيطي لي يا حبيبتي هو انا هموت يا قلبي
آلاء : بعد الشر عليك يا ابيه متقولش كده تاني ربنا يخليك ليا يا حبيبي
كريم :طب انتي بتعيطي لي بقى
آلاء وهي بتمسح دموعها :خلاص يا ابيه انا سكت اهو
كريم وهو بيبوس دماغها :شطوره يا قلبي يلا سلام وخلي بالك على نفسك ولو احتجتي اي حاجه كلميني
آلاء :سلام يا حبيبي حاضر هخلي بالي من نفسي وانت كمان خلي بالك على نفسك
......... وبعد سلامات كتير من العيله عمر وصل علشان ياخذ كريم........
عمر :يلا يا كريم علشان نمشي
آلاء :ينفع تاخذني معاك يا ابيه عمر
عمر وهو بيبص لكريم :لا مش هينفع للأسف علشان انا عندي شغل بعد ما هوصل كريم ومش هعرف ارجعك
آلاء :خلاص تمام
كريم :يلا روحى يا لولو علشان تنامي علشان الوقت اتأخر
آلاء :حاضر
...... ده كله كريمان كانت واقفه على جنب زعلانه علشان كريم مسافر...
كريم :يلا سلام يا جماعه خلي بالكم من نفسكم
الكل :سلام يا كريم خلي بالك على نفسك
........ بعد مرور وقت وصل كريم وعمر بيت عمر.....
عمر :ادخل يلا يا كريم علشان تنام والصبح ان شاء الله نشوف حل للموضوع ده
كريم :حاضر
............ بعد مرور وقت...........
صحي كريم من النوم على صوت عمر
عمر:اي يسطا النوم ده كله
كريم :صحيت اهو يا عمر
عمر :يلا علشان نفطر
كريم :مش ليا نفس يلا نشوف هنعمل اي في الموضوع ده
عمر :لا هنفطر الأول علشان نعرف نفكر
كريم :طب اخلص طيب
عمر :ما تهدي يا عم علينا شويه علشان مدكش بونيه الوحك
كريم :ما تتهد يا عم بقى اييييي
عمر :طب يلا علشان نفطر ونمشي ولا هنقعد نتكلم كتير
كريم :يلا يا عموره اعمل لنا الفطار
عمر بدهشه :عموره! انت اتهبلت ياض
كريم :اي يا عموره متضايق ليه شوفت بقى مين اللي عمال يتلكع ويتكلم
عمر :يلا يا أخرت صبري انا غلطان اني بساعدك والله انا المفروض ابلغ عنك
كريم بجديه:خلاص بقى يا عم انت يلا علشان ناكل ونشوف هنعمل اي
(وبالفعل دخلو الاتنين المطبخ وبداؤ يعملو الاكل)
........ بعد مرور وقت كانو الاتنين خلصو الاكل وراحوا قعدوا في المكتب علشان يشوفوا حل للمشكله
................. في المكتب.........................
كريم :هنعمل اي بقى
عمر :بص انا عايز تفريغ الكاميرات قبل اللي حصل ده بيوم
كريم :خلاص تمام هنروح المستشفى بس انت ازاي هتفرغ من غير اذن نيابه
عمر :مين قالك من غير اذن نيابه انا هروح واطلب منهم كده
كريم :خلاص اشطا
عمر : انا هروح دلوقتي اطلب منهم اذن نيابه واجيلك اخدك ونروح المستشفى
كريم :تمام روح وانا مستنيك
........ عمر طلع لبس واخد بعضه وراح النيابه........
كريم راح لبس هو كمان وبعد كده قعد يتفرج على التلفزيون .........تليفونه رن...
سماح : ازيك يا حبيبي عامل اي
كريم :الحمد لله يا أمي أنا بخير
سماح :يا رب ديما تبقى بخير يا حبيبي
كريم :انتي عامله اي يا أمي
سماح :بخير والحمد لله يا قلبي بس انا مش مرتاحه وانت بعيد عني كده
كريم :يا رب ديما تبقى بخير يا أمي مش مرتاحه لي يا حبيبتي انا بخير والله
سماح بعياط :لا يا كريم انا حسه انك مخبي عليا حاجه يبني
كريم بقلة حيره :لا يا أمي أنا كويس وكويس اوي كمان متقلقيش ومش مخبي عليكي حاجه صدقيني
سماح :مش مصدقاق بس تمام
كريم: بابا وجدو واللي عندك عاملين اي
سماح :بخير والحمد لله يا حبيبي مسألتيش على مراتك يعني
كريم بجد :اه صحيح هي عامله اي
سماح :بخير والحمد لله بس المفروض يا كريم يابني تكلمها هي وتسال عليه
كريم :ان شاء الله يا أمي
سماح :تاخد تكلمها دلوقتي
كريم :لا خليها في وقت تاني وانا هكلمها وكمان علشان ورايا شغل
سماح :تمام يا حبيبي ربنا معاك يا قلبي
كريم :يا رب يا أمي ادعيلي والنبي
سماح :بدعيلك والله يا ابني لا الله الا الله
كريم :محمدا رسول الله
عمر :انا جيت
كريم :نورت البيت اي عملت اي
عمر :اخذت اذن من النيابه وهروح المستشفى اهو يلا علشان نروح مش عايزين نتأخر
كريم :حلو يلا انا جاهز اهو