رواية عبيري
الفصل الثاني عشر12
بقلم ساره محمد
قمت علي صوت ماما بتصحيح فيني
ماما: عبير عبير يا بت اصحي
عبير: ممممم
ماما: قومي احنا طالعين
عبير: ماما مصدعه ماقادرة امشي معاكم
ماما: ده كلام شنو يا بتي الناس منتظرانا
عبير: ماما والله م قادرة خليني بمشي مرة تانيه
ماما مشت كلمت عصام وجاني لقاني نايمه
عصام: بيرو انتي كويسه
عبير: عصومي والله كنت ماشه بس مصدعه
عصام: تعالي اديك حقنه مسكنه وتكوني كويسه
عبير: حبيبي بلعت مسكن وبروق طيب انتو امشو وانت مرة تانيه بمشي معاكم
عصام: طيب حبيبي لو اضايقتي اتصلي علي
عبير: طيب
ناس ماما مشو وانا حرفيا م عاوزه امشي والصداع ذاد لي حجتي رجعت نمت تاني
عند أهل خالد:؛؛؛؛:؛
اهل خالد استقبلو اهل عبير وسالو من عبير
ماما: والله قالت مصدعه بلعت مسكن ونامت
ام خالد: يا حليلها تعب عرس اختها لسه طلع منها
ماما: اي والله
خالد: ف نفسو يا ربي تكون زعلانه مني
طارق: احم طيب انا حامشي غرفتي واجي
طارق اتصل علي عبير:؛؛؛؛
طارق: عبير كيفك
عبير: مممم تمام يا طارق
طارق: صوتك كعب مالك
عبير:: مصدعه والله
طارق: زعلتيني لمن م جيتي
عببر: كنت جايه بس خفت اضايق اخرب عليكم عشاكم ساي عشان كده قلت انوم
طارق: طيب اخدي راحتك لو احتجتي شي اتصلي علي
عبير: تمام تسلم
طارق: بالجد البت دي شكلها مضايقه
خالد: بتتكلم براك مالك
طارق: كنت مقلق علي عبير ولمن اتصلت قلقت زياده
خالد: هي كويسه
طارق: قالت كويسه بس صوتها كعب
خالد: بتحبها
طارق: انا اكيد لا
خالد: بس انت لمن اتصلت عليك يوم قلت ليك انو ليندا حاترجع لي قلت انك معجب بيها
طارق: اي معجب بيها لكن م بحبها هي صديقتي وملت الفراق الانت خليتوا لمن سافرت
خالد: طيب ونستكم تعلقك بيها ده كلو إعجاب بس
طارق: اي والله انت كنت متخيلني بحبها يعني
خالد: اي لان كل م اتصل عليك م بتبطل كلام عنها
طارق: ههههههههههه انت عارف انو عبير هي السبب ف اني اكتشف حبي لرغد
خالد: رغد بت خالتك
طارق: اي انا كنت حاسي باعجاب بس لمن حكيت لعبير وجهتني اعمل حاجه خلتني اكتشف حبي لرغد ورغد زاتها اعترفت لي بحبها
خالد: ههههههههه انت جادي
طارق: يا زول مالك فرحته فجاءة
خالد: عشانك والله
طارق: طيب خلينا ننزل عشان ما يفقدونا
خالد: يلا
خالد ف نفسو كان مبسوط هو وقف من عبير عشان حس بطارق بحبها وم كان عاوز يكون عقبه ف حياتهم قرر انو لازم بكرة يتكلم مع عبير.
اتعشو وابو عبير طلب يد رشا لعصام ووافقو طوالي وحددوا الخطوبه تكون الجمعه يعني بعد تلاته يوم اتونسو وودعو اهل عبير وكل زول مشا غرفتو وخالد كان منتظر متين الصباح يجي ويتكلم مع عبير
اهل عبير رجعو البيت وامها مشت تطمن عليها بس لقتها واقعه ف الارض بقت تكورك ابوها وعصام جرو رفعوها ف السرير وعصام اتصل علي دكتور صحبو وحا فحصها وقال ليهم عندها التهاب ف الدم الأبيض ودمها ناقص كتب الادويه وحقن ومشا وعبير لسه نايمه وعندها حمه عصام مشا جاب الادويه و جا لقا امو ابو قاعدين جنبها
بلسان عبير:
صحيت بتلفون من طارق سألني لي م جيتي العشا وبعد قفلت حسيت نفسي عطشانه قل امشي اجيب مويه مشيت خطوتين وتاني م وعيت بنفسي الا ماما وبابا وعصام جنمبي ومركبين لي درب
ماما: انتي كويسه اريتني كن م خليتك براك
عبير: ماما انا كويسه
ماما: وينو كويسه يا بتي م معروف كنتي واقعه من متين
عصام: يا أمي اهدي عبير كويسه قدامك
بابا: اي الحمدلله
عبير: عصومي اها ادوك ولا كسفوك
عصام: افووو انا كمان بترفض والخطوبه بعد يومين
عبير: ربنا يسعدك ويهنيك يا رب. خلاص امشو ارتاحوا انا كويسه
عصام: أمي ابوي امشو ارتاحوا انا حاكون جنبها لحدي م الدرب يخلص
ماما: لالا حانوم معاها اليله
بابا: خليها يا عصام جنبها لانو كن مشت حاتكون ماشه وجايه
عصام. : طيب امشي انت ارتاح
بابا طلع وماما رقدت جنمبي وعصام كان ماسك يدي وقاعد حنمبي وانا كنت مدروخه نمت طوالي
الصباح ف الشركه :؛:؛:؛:،
خالد: طارق الساعه ماشه ل ٩ ماله عبير م جات
طارق: والله م عارفه خليني اتصل
طارق: الووو
عصام: اهلين يا طارق
طارق: عصاموالحمدلله عبير ماله م جات
عصام: عبير لمن حينا منكم لقيناها واقعه والدكتور قال عندها التهاب ف الدم ودمها ضعيف وحاليا مركبين ليها دربات عشان الحمي
طارق: لا خوله الله واسي كيف
عصام: نايمه من امس الحمي م نزلت الا اسي
طارق: طيب حاجي اشوفها بعد شويه
عصام : تمام
خالد: ف شنو
طارق: قال عبير لمن رجعو لقوها واقعه والدكتور قال التهاب ف الدم ودمها ضعيف
خالد: طيب منتظر شنو خلينا نمشي
طارق: يا زول من الصباح كده خلينا ننتهي من شغلنا ونمشي
خالد: اوووف طيب
عند عبير؛:؛،:؛:؛
صحيت لقيت عصام جنمبي وشكلو م نام
عصام: بيرو انتي كويسه
عبير: ممم كويسه بس انت عيونك محمرة
شكلك م نمت
عصام: بنوم المهم انتي كويسه اسي يلا قومي اتحممي واعملي حساب الفراشه دي
عبير: طيب
قمت مسيت اتحمتت وصليت ورقدت عصام اداني الحقنه وقلت ليو امشي نوم لانو كان تعبان مشا وماما جابت لي الفطور والعصير واكلتني بالغصب بعد خلصت رقدت ومسكت تلفوني لقيت مكالمه من طارق
عبير: الووو
طارق: عبير قلقتيتي عليك انتي كويسه
عبير: كويسه والله
طارق: م بقنتع انا جاي عليك ف الطريق
عبير:طيب
قفلت منو واتصلت علي مهند اشوفو وصل كيف
عبير: مهند اخبارك
مهند: بيرو تمام مالو صوتك
عبير: عيانه والله شكلو العرس مضاعفاتو يا دوب حاتني
مهند: سلامتك الف سلامه اسي كيف
عبير: احسن الحمدلله انت كيف من تعب السفر
مهند: كويس الحمد لله
عبير: طيب م اعطلك اكتر قلت اطمن عليك
مهند: تسلمي يا بيرو حاتصل عليك بعدين عشان اطمن
عبير: تمام
قفلت من مهند وجاتني ماما قالت لي طارق تحت لبست لي عبايه وماما سندتي نزلت لقيت طارق وخالد سلمت عليهم وقعدت
طارق: يا زوله للدرجه دي
عبير: هههههه بقيت خرده
خالد: سلامتك والله اسي كيف
عبير: الحمدلله احسن
ماما : الدكتور قال ترتاح لان دمها ضغيف وهي راسها قوي مهمله ف نفسها
طارق: اي وعادي تنسي مواعيد الفطور
عبير: طارق خليك محضر خير هي براها م ناقصه
طارق: ههههههههههه الا افضحك والله
ماما: طيب اسوي ليكم قهوه
طارق: اي عليك الله يا خالتي راسي كابس
ماما مشت المطبخ وبقيت اتونس مع طارق بس فجاءة جاو تلفون وطلع بره بقيت قاعده مع خالد الصامت
عبير: ليندا كيف
خالد: كويسه مغلبه ناس البيت
عبير : ربنا يحفظها
خالد: امييين عبير انا اسف لو عملت شي خلاك تزعلي
عبير: والله العملتو كتير يا خالد وللان انا ما فاهمه انا عملت شنو عشان استاهل منك معامله زي دي
خالد: كان عندي سبب بس حاقولو ليكوف والوقت المناسب
عبير: م اظن يكون ف وقت مناسب لأنك زي م طلعتني من حياتك فجاءة انا م عايزاك ترجع ليها تاني ولا حتي اصحاب
خالد: عبير انا
ماما: جبت ليكم القهوه وينو طارق
طارق: مممممم ريحة قهوتك ترد الروح
ماما: بالهنا
طارق: عبير انا ورغد حاننخطب مع عصام ورشا
عبير: جد مبرووووك ربنا يتم ليك علي خير
طارق: تسلمي وعقبالك
عبير: ههههههه مش قلنا كده حلوين
ماما: مبروك يا طارق وعقبالك يا خالد
خالد: امين يا خالتي
شربو القهوه واتونسو او بالاصح طارق الاتونس لانو خالد كان ساكت وبعدها استاذنو ومشو