*تفاجأ اياد و الموجودين من كلام هشام لكن اياد رد بهدوء عكس ما بداخله
: ليه يا استاذ هشام
:اولا قول يا هشام انا مش كبير كده ... ثانيا اصل مسافر بعد ثلاث ايام ما قدرتش اخد اجازه اكتر من كده فلو تكتبوا قبل ما اسافر عشان اطمن على عنود يبقى احسن تكتب الكتاب واسافر على طول
*تنفس بعمق وقال بفرحة كبيرة
: يا سلام ده انا كنت عايز اكتبه النهارده يا راجل ما قلتش ليه
ام اياد :شايفه مستعجل ازاي يا عنود عمري ما شفته كده انتي عملتي فيه ايه
*نظرت عنود بحب
:مفيش يا طنط احنا الاثنين لقينا بعض
فاطيما: اتفضلوا يا جماعه العشا جاهز وعلى فكره عنود اللي عملته كله واياد يشهد
اياد :انا عن نفسي ما شفتش حاجه
عنود :نعم باماره لما كنت ...
*وصمتت وخجلت من نفسها
: يرضيكي كده يا طنط
:تعالي يا حبيبتي سيبك منه اكيد اكلك حلو زيك
*جلست عنود بجانب اياد الذي كان كل لحظه يحاول ان يمسك يدها ووجهها من الخجل يزداد احمرار
:مش ممكن يا طنط هو ده الاكل اللي كانت عنود بتعمله
: اه حلو ولا بلاش تتجوز غير لما تتعلم
:لا دي تتجوز بجداره ده طعمه حلو قوي لدرجه اني مش مصدق انها اللي عملته حاسس انه اتبدل
عنود :شكرا على ثقه حضرتك فيا هي دي تسلم ايدك انت حتى شفتني منقوعه في المطبخ من امبارح ما حدش ساعدني في معلقة
:بصراحه اه يا جماعه اشهد هي اللي عملت كل ده
والد اياد: عارفه ليه الاكل طالع حلو قوي عشان عملتيه بحب اكيد بتحبي اياد قوي
: قوي قوي يا اونكل
*ثم انتبهت لما قالته فضحك الجميع عليها ووجهها ازداد احمرار فهمس اياد
:وانا كمان بحبك قوي
بقلمي سحر السحرتي
*انقضى الوقت سريعا كان الجميع يضحك ويتسامر وانصرف الضيوف ما عدا اياد الذي جلس مع فاطيما وهشام ليتفقوا على ترتيبات الحفل
هشام: وهتعمل حفله ليه اكتبوا الكتاب وبعدين اعملوا الحفله على مهلكم عشان اقدر اكون وكيلها .... اصلا انا ما كنتش هقدر انزل بس باباها احرجني وقال لازم حد مننا يكون معاها وقريب قوي هيبقى موجود يمكن يلحق الفرح
:بجد يا خالو بابا هيجي
*ض-ربها بمزح فوق راسها
:ايه خالو دي انا مش كبير انت هتست-هبلي
اياد :صحيح بجد ايه فرق السن ده
فاطيما :اصل بابا جاب بنتين وقال الحمد لله بس كان نفسه في ولد فضل يدعي ربنا واقول له انت كبرت يا بابا هتجيبه يعمل ايه دلوقتي قال لي هتاخدي بالك منه وانا متاكد ان ربنا هيراضيني وهيستجيب وفعلا ماما حملت وهي عندها حوالي 48 سنه بابا كان تقريبا 55 او يمكن اكبر مش فاكره بس كان مبسوط قوي وذب-ح كثير والناس كانت مبسوطه لفرحته .... عشان كده هشام ابني مش اخويا اصل ماما كانت حامل معايا وانا حامل في احمد ابني
عنود :وانا صغيره اقول لجدو لما هشام يغ-لس عليا انت جبته ليه يقول لي اصل كنت شقي ما فهمتش غير وانا كبيره وكان دائما يفتخر بيها قدام الناس واتش كان بيتكسف
*ضحكوا جميعا ولكن امسكها هشام من اذنها
:مش هتنسي بقى وتبطلي تذل-يني
اياد :طب همشي انا عشان نبدا بكره نجهز للحفله
هشام :انت مصر
:اه عشان تقدر تحضر وتكون جنب عنود هي قالت لي انها بتحبك قوي
:مش هوصيك عليها يا اياد
: مش محتاجه وصايا ما فيش عندي اغلى منها تعالي بقى يا عنود وصليني
:ما انت عارف الطريق
: السلم ضلمه
*وغمز لها بعينه
*فاطيما: قومي وصليه يا عنود عيب كده قولي حاضر على طول
:حاضر يا ماما
بقلمي سحر السحرتي
*وقف على السلم واحتضنها وقبلها قبله عاشق اخيرا التقى بمحبوبته بعد أن بحث عنها طوال عمره
: خلاص ثلاث ايام يا حبيبتي وهتبقي على اسمي
:مش مصدقه بجد
: بكره هستناك نشوف القاعه والفستان
:ايه رايك نعمله هنا في الشارع زي فرح بنت ام جابر
:معلش مش هينفع لاني هعزم دكاتره اصحابي واهلي والعدد هيبقى كبير
*وجد الحزن في عينيها قبل يدها
: عارف ان العدد عندك قليل بس اهلي هما دلوقتي اهلك و اصحابك في الجامعه مش شويه اعزميهم كلهم واصحابك في الشارع هنا كمان كثير وبعدين انت عروسه افرحي بقى انت هتاخدي ارخ-م واحد في الجامعه
*ابتسمت رغما عنها : ما تقولش على نفسك كده
:ايوه ابتسامتك دي مش عايزها تختفي
*قبلها على راسها وانصرف
*تم الاعداد لاحتفال كبير وتم دعوه جميع الناس المقربين من الطرفين
*الحفل كان جميلا وراقي كانت فاطيما تشعر بسعاده واطمئنان على عنود بعد الع-ذاب الذي تذوقته في سن صغيره فهي تعلم كم عان-ت صغيرتها واحتضنتها
*كانت عنود ترقص مع اياد على اغنيه هو انت مين لانغام و اسمتها اغنيتهم فقد كانت تحمل معاني لقصتها معه فقد اكتشفت انها تعشقه بشدة أكثر مما كانت تتصور
$هو إنت مین
علشان في ثانیة تشیل حاجات
و تھ-د رصة ذكریات
و تلخَّص العمر في یومین
$ لیه تبقى مین
علشان تزورني تقوم تبات
جوة في سواد العین وأخبیك بالسنین
$یا أخي الشوق لیك و اخذني لفین و مین عنك یرجعني
$قلیل منك ما یرویش عین ولا كثیرك مشبعني
$یا قلبك لو عینیك نایمین وعن نوم عیني تمنعني
$بحبك كل یوم حبین وأجیب قلبین منین یعني
$ھو إنت مین
*كانت أعينهم تشع حبا كبيرا لبعضهما كل من يراهم يظنهم عاشقين لسنين طويلة
*مر الحفل بسلام وحبهم كل دقيقه يزيد( غريبة صح 😃)
*انتشر خبر خطوبه عنود واياد بين اصدقائهم المقربين على مواقع التواصل وتبادلوا التهنئه
*علمت بتول بخطوبه عنود من النت وان خطيبها دكتور جامعي ورات صورتها وكم هي سعيده وامها ايضا في صوره اخرى تقبلها بحب فقررت الذهاب لهم لتبارك ولكن اتصلت على اياد اولا
بقلمي سحر السحرتي
:دكتور اياد
:ايوه مين حضرتك
:واحده قريبه عنود كنت عايزه ابارك لكم ومعايا هدية ليكم هتكون عندها امتى
:بكره وليه بتتصلي بيا
:اصلنا زعلانين مع بعض فلما تكون موجود اكيد هتحل الخ-لاف بينا بما أن لك معزة خاصه دلوقتي عندها
:تنوري بس الاول مش اعرف انت مين
:اما اوصل هتعرف الساعه 5:00 هكون هناك اتمنى تكون موجود الموضوع مهم جدا والهدية تستاهل
*تقابل اياد في نفس اليوم مع عنود ووالدتها ليشاهدوا شقه الزوجيه
عنود :ايه ده يا اياد هي الشقه غرفتين نوم بس وصغيره كده
*شعر اياد انها تستصغر الشقه فقال بحزن
: ايوه بس هنكبرها مع بعض
*فص-رخت عنود بفرحه :الحمد لله يا رب هنظف غرفتين بس لا مش عايزه اغيرها دي ممتازه
*فابتسم اياد بفرحه على تلك الطفلة
:هو ده اللي يهمك
:اصل بيت جدو كبير وهد حيلي في التنظيف وطمطم يوم الاجازه بتظبطني
:انا فكرتك زعلانه انها صغيره انا واخذ شقه اكبر في كومباوند بس لسه العماره تحت الانشاء
:ليه ... ليه يا حبيبي ده زي الفل والمهم اننا نكون مع بعض
فاطيما :الشقه حلوه فعلا يا اياد ودمها خفيف مبروك عليكم بس مش هتهربي من بيت جدو انتم هتقعدوا معايا وبعد عمر طويل تنقلوا
: بعد الش-ر عنك يا ماما ما تقوليش كده انا طبعا موافقه بس مش عارفه راي اياد
:موافق يا ابني بصراحه ما اقدرش ابعد عن عنود الشقه اللي فوقي فاضيه
:لا الشقه اللي فوقك ايه كده هتفحت فوق وتحت
:طبعا يا طنط مفيش مانع بس هوضب دي نقعد فيها اول اسبوع جواز و الاجازات يعني تغيير جو مش اكثر لو ما فيش مانع عندك
: اكيد يا حبيبي
:طب اتفضلي اقعدي مع ماما تحت على ما اشوف عنود عايزه تعمل ايه هنا
*بعد ان نزلت وجد علامات قلق على وجه عنود
:اسالي على اللي مح-يرك
: هي دي شقه مراتك الاولى
: لا يا حبيبتي ده بيت بنيناه بعد طلاقي منها وبابا عمل لكل واحد فينا شقه صغيره عشان لما نتجمع نقدر نريح دي معموله للاجازه زي استراحه مش للسكن هتلاقي شقه ماما تحت اكبر
:امال انت عايز تقعد هنا ليه
:اصلهم دلوقتي لوحدهم لان اخواتي كل واحد اضطر يروح بلد ثانيه عشان شغله فقلت اكون جنبهم عندك مانع
:لا طبعا يا حبيبي انا حبيتهم قوي
*احتضنها من ظهرها
: تعالي بقى قولي نفسك في ايه عشان نغيره
:اهم حاجه هرسم انا لوحات في الريسبشن
:طبعا وانا معاكي
: ايه ده بجد انا مبسوطه قوي اننا هنعمل بيتنا بايدينا مع بعض
*قام بلف وجهها امامه واحتضانها وقبلها قبله عشق واشتياق شردت معه في جمال الحب غير مصدقة انها احبت وتزوجت من تحب الى ان ابتعدا كي يلتقطا انفاسهم
*فاسرعت وتركته وذهبت قبل ان يته-ور اكثر من ذلك فنادى عليها
:تعالي بس ارجعي افتكرت حاجه
:لا قولها تحت عند مامتك
:تعالي بجد فيه حد كلمني النهارده
*وقص لها و جرب رقم المتصل على هاتفها لكي يعلم من هي لكنه لم يكن رقم مسجل لديها
:ايوه يعني مين اللي كلمتك
: قالت بكره هتقول لي مالك قلقانه ليه
: مش عارفه قلبي مش مطمن و خ-ايفه قوي يا اياد احسن حد يكون عايز يوقع بيني وبينك
:مهما يقول مش هسيبك انت مراتي ودنيتي
*امسك يدها وقبلها ونزلوا لشقه والده
بقلمي سحر السحرتي
*ظلت عنود طوال الليل مشغوله البال غير مطمئنه تفكر من هي واستبعدت انها قد تكون بتول
*في اليوم التالي انتظرت عنود مع اياد الزائره الغامضه عندما دق الجرس ارتجف جسد عنود
:اياد في ايه مالك اهدي مفيش حاجه تستاهل
*ذهب ليفتح علم انها اخت عنود من الشبه و لانه لمحها في المطعم
*لم تدخل قلبه هل لانها فعلا خب-يثه و حق-وده مما حكته اختها ام هي فعلا من البشر الذي لا ترتاح لوجوده
*دخلت ففرحت فاطيما بها و احتضنتها بشوق ومحبه مفرطه
:الحمد لله جوزك اخيرا سمح لك تيجي تزورينا ما جبتيش الاولاد ليه عشان اشوفهم وحشوني قوي
:بس انا جوزي ما كانش مانعني
:ايه امال كنت مقط-عانا الفتره اللي فاتت دي ليه
:عنود اللي منعتني
*ونظرت لها بخ-بث
:عشان ما كنتش راضيه عن اللي هتعمله وقلت لها هنتصرف في فلوس المستشفى
:وهو ايه اللي عنود عملته و جايه دلوقتي ليه
:انا لما لقيتها اتخطبت قلت اكيد غش-ت خطيبها ما خلصنيش انها تخ-دعه و تخ-دعك انت كمان اللي فضلتيها علينا وكنت بتدلعيها وكل الحب و الدلع كان لها
:انا عمري ما فرقت بينكم دي كانت اوهام في دماغك انت حتى اخوك عمره ما قال كده وانا مش مصدقاك ان عنود منعتك انت طول عمرك بتح-قدي عليها
:قدامك اهي تك-ذبني
*عنود بعص-بيه :عايزه ايه يا بتول اطلعي بره ما حدش عايز يعرف منك حاجه
: انت اللي مش عايزاهم يعرفوا اي حاجه الدكتور لازم يعرف هو هيتجوز مين واخلاقها ايه
فاطيما :بتول اخلاق عنود ما فيش غبار عليها وانا واثقه و متاكده من بنتي
:بلاش الثقه الزياده دي يا ماما ما سالتيش جابت فلوس علاجك منين و بتصرف على البيت طول السنين دي كلها منين
عنود: ما يخصكيش انت رفضتي تساعدي
*طبطبت على خدها
:اهدي يا قطقوطه لان جايه افتح عينيهم على اللي عملتيه ولسه بتعمليه
:لو كلمه واحده قلتيها عليا انا مش هسكت يا بتول و هاذي-كي فاهمه
:خاي-فه قوي ماما تعرف ان حبيبه القلب باع-ت نفسها عشان تعالجها وطبعا هتحضنك و تطبطب عليك وتقول لك ضح-يتي بنفسك علشاني زي كل غل-طه كنت بتعمليها زمان وانت صغيره
:انت ك-ذابه انا ما عملتش كده
:خلاص قولي دبرتي فلوس المستشفى منين ومصاريف البيت طول السنين دي
: انا عمري ما هاكل امي من ح-رام او اعالجها بفلوس ح-رام ومش ملزمه اقدم تقرير لجنابك
اياد: مدام بتول لو سمحتي كلامك ما لوش لازمه اتفضلي مع السلامه ... انت لما كلمتيني قلت انك جايه تباركي لو اعرف انك جايه تولع-يها كنت قفلت الباب في وشك
:هو انت يا دكتور مش مصدق ان اللي انت خطبتها مش زي ما انت شايفها بريئه وطيبه
:انا متاكد من مراتي وعارف اخلاقها وبلاش حقيقتك انت اللي تظهر قدام مامتك خليكي بعيد بحجه ان جوزك اللي منعك
بقلمي سحر السحرتي
*نظرت له باستغراب ودهشة
:هي ضحكت عليك انت كمان واضح ان تاثيرها جامد بتعرف تتحكم في عقولكم وقلوبكم
فاطيما :بتول اطلعي بره سواء جوزك منعك او لا البيت ده اوعي تفكري تدخليه ثاني
:مش مصدقه انها باع-ت نفسها
*كررتها بح-قد
: بنتك باع-ت نفسها
*علا صوت فاطيما وهي تشير على الباب
: بره ومن اللحظه دي هنسى اني امك من الاساس ولو م-ت اوعي تيجي تمشي في جن-ازتي
عنود: اهدي يا ماما ارجوكي
*وبكت بشده من الخوف على صحه والدتها
:خرجيها حالا يا عنود
:اياد لو سمحت وصلها للباب
*اوصل بتول واغلق الباب فامسكت فاطيما ذراع عنود
:تحكي لي دلوقتي كل حاجه مخبياها عني كل حاجه و هعرف لو بتك-ذبي
: يا ماما ما انت عارفه كل حاجه
:لا كلامها بيقول ان في حقيقه مستخبيه بس اللي متاكده منه انك ما بعت-يش نفسك
*و اكملت بح-ده وهي تدف-عها لتجلس
:كل حاجه يا عنود اوعي تخبي حاجه
*توجهت بنظرها لاياد
: اسفه يا اياد مع السلامه انت دلوقتي ولينا كلام مع بعض
: يا طنط اللي هتحكيه كله انا عارفه
: يعني المغ-فله الوحيده هنا هي انا
:لا يا طنط اهدي بس و اسمعيها للاخر هتعرفي انها معذوره تخبي عليك هي ك-ذبت بس ان بتول جوزها منعها عشان بس ما تزعليش غير كده هي ما عملتش حاجه غلط و صارحتني بكل حاجه عشان ما تغش-نيش
: اتفضلي يا هانم احكي
*جلس اياد بجانب عنود واحتضنها وامسك يدها
:احكي يا عنود وطنط هتقدر ما تخافيش
*بدموع منهمره حزنا على مجهودها الضائع في اخ-فاء ما قد يحزن والدتها وقد ي-ؤذي صحتها
*بدات تحكي ما حدث معها ولم تستطيع اخفاء اي شيء
*وقفت فاطيما واخذت عنود في حضنها
: ياااه استحملت كل ده يا حبيبتي وانت لسه صغيره
: والله يا ماما ما دخلت عليك قرش ح-رام كله بتعبي و مجهودي
:متاكده يا حبيبتي انا زعلانه انك اتعرضتي لكل ده حتى امتنعتي من حضني تفضفضي فيه وتزيحي اله-م اللي كان على قلبك ... وانت كنت عارف يا اياد ووافقت
: عنود ما غلطتش يا طنط ربنا مش بيحاسب على ذنب الإنسان كان هيعمله هحاسبها انا
: طب روح انت اليوم كان متعب و طويل وانا كمان محتاجه اريح يلا كل واحد يروح ينام
*قبل اياد راس عنود
:لو احتجتي حاجه اتصلي بيا انا هنزل تحت في المرسم هقعد ساعه عندي شغل هخلصه
*قبل أن يتجه للباب
فاطيما: اياد خلي بالك من عنود اوعى تسيبها دي أمانة في رقابتك انا وافقت على جوازك منها لما حسيت انك هتحافظ عليها
: عنود في عنيا ما انا حكيت لك انا بحبها قد ايه مش كل دقيقة توصيني عليها يا طمطم تصبحي على خير
:وانت من اهله
*نزل وقبل ان يفتح باب المرسم استمع الى صراخ عنود