رواية احببته ولكن
الفصل الثالث عشر13
بقلم ساره محمد
من علي قال كده كلنا جرينا غرفتو ولقينا واقع ف الارض هبشت النبض فيو نبض رشيتو بمويه وصحصح بس جسمو كان مسخن شديد سندتو رقدتو ف السرير وهديت حنان لان الخلعه ما كويسه ليها
غزل: معاذ حاسي بشنو
معاذ: انا انا وتاني غمض انا جسمي هبط عديل وجريت المطبخ عملت ليو مويه جلكوز واتصلت علي زميل دكتور قال بحي سريع
غزل: معاذ معاذ قوم اشرب دي
سندتو شربتو المويه شويه فتح بقيت جنبو الدكتور جا وفحصو وقال ملاريا وهو م ماكل حاجه ضغطوا انخفض ده الخلاو يقع
اداهو حقنه مسكنه عشان الحمه وقدمت طلعت جبت الادويه وجيت لقيتو لسه نايم سقت حنان ترتاح لانو بالي معاها رقدتها ف غرفتها وقعدت معاها امها والعيال كانو خايفين هديتهم ومشيت قعدت جنبو كان نايم ووشو كعب بعد ساعه حتي صحا
معاذ: غزل غزل
غزل: اي عاوز خاجه
معاذ: مويه
جبت ليو مويه وقعدتو شرب
غزل: حاسي بشنو
معاذ: بطني طامه
غزل: طيب حاديك حقنه للاستفراغ تمام
اديتو حقنة الاستفراغ وحقنه الملاريا ونزلت المطبخ عملت ليو عصير وشلت ليو فطور وطلعتا لقيتو مغطي وشو بيدو
غزل: يلا قوم اكل
معاذ: م عاوز
غزل: عاين انا م شاورتك يلا
قعدت جنبو بقيت اكل فيو مره ياكل ومره يابه لحدي م خلص وشربت العصير
نزلت الصينيه ورجعت ليو تاني
غزل: بتقدرتقوم لو استحميت بترتاح
معاذ: طيب
سندتو وديتو الحمام قال لي خليك معاي راسي لافي طلعت ليو ملابسو اتحمم وخلص وساعدتو لحدي م طلع صلي ورقد تاني
معاذ: تعبتك اعفي لي
غزل: م مشكله انت كويس
معاذ: اممم عشان انتي جنمبي
غزل: طيب حامشي اطمن علي حنان لأنها قبيل اتخلعت
معاذ: غزل ممكن م تخليني براي اليله
غزل: طيب حامشي واجي
غطيتو.مسك يدي باسها سحبتها منو ومشيت لحنان
غزل؛ حنون كويسه
جنان: كويسه معاذ كيف
غزل: م تخافي كويس اكل واستحم واسي راقد
حنان: عاوزه اشوفو
غزل: حنان معليش هو بحيك بس انتي م تتحركي كفايه خلعت قبيل خفت تأثر عليك والله
حنان: طول م انتي معانا مابخاف انتي عارفه لو حبت بت بسميها غزل
غزل: احم احم بعدين تديني حق الاسم
حنان: ههههههههه بديك البت زاااته
غزل: ربنايقومك لينا بالسلامه يلا خلينيافحصك عشان ارفع التقرير
حنان: هههههههههه دكتورتنا العسل
غزل: هههههههه راسي بكبر
فحصت حنان وكل شي كان طبيعي اتصلت علي عمو ووريتو
غزل: اخدي راحتك وانا حامشي اكل لاني للان م فطرت
حنان: غزل ممكن تكوني جمب معاذ اليله لانو لمن يعيا بتجرس
غزل: ممممممم طيب يلا انا ماشه
نزلت تحت لقيت خالتو مستنياني بالفطور فطرنا ولعبت مع العيال حبه وطلعت اطمن علي معاذ كان نايم قعدت ف الكرسي. الجنبو وبقيت شغاله بالابتوب للساعه ٥ هو ما صحا مشيت لمست راسو لقيتو كويس نزلت المطبخ عملت لي قهوه ف سيرمس لان مواعيد بشرب قهوتو وشلتها فوق لقيتو بدا يصحا
معاذ: كنتي وين
غزل: مشيت جبت ليك القهوه عشان ما تصدع
معاذ: شكرا بالجد بديت اصدع
غزل: طيب اشرب العصير اول
معاذ: م عاوز عصير اديني القهوه
غزل: معاذ علي فكره انا م بشاورك تمام اشرب العصير
معاذ: طيب اهدي براي عيان كمان تشاكليني
غزل: يلا اشرب
شرب العصير وانا صارة وشي وهو يتبسم قلت بسم الله الراجل ده الحمي طارت ليو ف راسو ولا شنو خلص العصير وكبيت ليو القهوه ومشيت قعدت ف الكنبه بقيت شغاله بالابتوب وجاني كم تلفون من المستشفي
معاذ: يا غزل كفاك بتتعبي كده
غزل: قربت اخلص عاوز حاجه انت
معاذ: لا بس خايف عليك
غزل: اممم انا كويسه
جاني اتصال من سامي:::؛
غزل: سامو مشتاقين يااخ
سامي: بلاكتر والله اخبارك
غزل: الحمدلله اها جيت
سامي: اي حيت اليله الصباح اسمعيني عربيتك طلعت حاجيبها ليك بعدين
غزل: ياخ والله احلي خبر تسلم لي يا غالي
سامي: يسلم الفي قلبك
غزل: ههههههههههه سمح حاجهز ليك قهوتك البتحبها
سامي: طيب يلا بااي
قفلت من سامي وبقيت شغاله بالابتوب
معاذ: سامي جاي
غزل: مممم حايب لي عربيتي
معاذ: مممم طيب
خلصت من شغلي لمن حسيت رقبتي وجعاني
غزل: أما حامشي غرفتي ارتاح شويه
معاذ: غزل خليك معاي انا لمن اكون عيان م بحب اكون براي
غزل: طيب حاجيب لي غيار لاني بحاجه للحمام
معاذ: طيب م تتأخري
مشيت غرفتي شلت لي بجامه ورجعت غرفة معاذ لقيتو بهبش ف تلفونو دخلت استحميت وطلعت وانا بنشف ف شعري ومعاذ كان بتكلم ف التلفون من شافني ارتبك وبقي يتمتم وانا بقيت ماسكه الضحكه وقفت ف المرايه جففت شعري وسرحتو وهو بقي يتكلم ويعاين لي اتعطرت وحاني اتصال من سامي انو جا لبست عبايه ونزلت سلمت عليو ودخلتو غرفة معاذ
سامي: ابو الشباب مالك
معاذ: هههههه والله ملاريا
سامي: سلامتك والله
معاذ: الله يسلمك وانت كيف من تعب السفر
سامي: كويس الحمدلله
غزل : طيب انتو اتونسو وانا حاجيب القهوه
نزلت تحت سويت القهوه وطلعت شربنا القهوه ومعاذ اخر ونسه وضحك مع سامي قلت الراجل دة عندو نفسيات غايتو
سامي اتونس معانا واداني مفتاح عربيتي ومشيت وصلتو البيت وجيت راجعه بالجد كنت منتهيه دخلت لقيت معاذ بتفرج ف التلفزيون طلعت عبايتي ورقدت بس عملت خاجز بالمخدات
معاذ: حبيبي لمتين الحاجز
غزل: معاذ انا تعبانه ممكن انوم
معاذ: غزل اديني فرصه والله تعبت من بعدك
غزل: وانا ما بقدر انسي الخصل بالساهل
معاذ: حبيبي عليك الله
غزل: معاذ والله تعبانه
معاذ : طيب اخدي راحتك بس اوعديني انك تحاولي تسامحيني
غزل: نشوف
طوالي قبلت ونمت
بلسان معاذ::::؛
قمت تعبان وجسمي مكسر حاولت امشي الحمام بي تاني وعيت الا بغزل بتصحي فيني وشفت الخوف ف عيونها الساعه ديك اتنميت تكون معاي وما ابقي كويس لحدي م جا الدكتور وفحصني وانا بين واعي ونايم شايف خوفه علي وعلي حنان ساقت حنان ودتها غرفتها وبقت معاي صحيت مضايق بس اهتمت بي واكلت وحسيت نفسي مرتاح قلت ليها عاوزك تكوني معاي لاني لمن اعيا بخاف اكون براي وهي وافقت ومشت تطمن علي حنان وتأخرت وانا نمت بس جاتني صحيه لقيتها حنمبي وشغاله بالابتوب قلت م اشغلها رحعت نمت تاني وتاني صحيت م لقيتها شويه كده وجات حايبه معاها القهوه لأنها عارفه مواعيدها بقيت اضحك لمن شاكلتني عشان اشرب العصير لاني انبسطت بالرغم من انها زعلانه بس مهتميه دخلت استحمت واناجاني تلفون من الشغل لمن جات طالعه لمن بقيت بتمتم والراجل البتكلم معاي بقيت م مركز معاو بقيت اعاين ليها لشعرها وملامحها قطع تفكيري سامي حا اتونس معانا ومشت وصلتو وحات قلعت عبايتها شكلها تعبانه بس زعلت لمن عملت فاصل بينا حاولت اتكلم معاها بس ماف فائده