رواية زهرة الاوركيدو
الفصل الاول1
بقلم نوفا
بطلتنا اسمها ملك عمرها ٢٠ سنه بتقرا صيدله في أمريكا وضعهم كويس بس ف الاونه الاخيره ادهور وابوها قرر يرجع السودان لان عندو كم أسهم ف شركة العيله قال احسن ليو السودان مع الاهل والأصحاب وخصوصا هو مغترب ليو ١٩ سنه يعني ملك كان عمرها سنه واخوها الكبير احمد عمرو ٢٦ وعندهم اخت صغيره اسمها علا عمرها ١٥ سنه اوصف ليكم بطلتنا لونها ابيض ناااصع شعرها كبدي عيونها واسعات وحواجبها مقرونه والانف صغغن ومحليه الزمام
ملك: يعني يا ماما ماف مفر
علياء: والله يا ملوكه ماف مفر ابوك نقل ليك اوراقك حانسافر الاسبوع الجاي
ملك: طيب حانقعد وين
علياء: ف البيت الكبير عندنا جزء برانا
ملك: اووووف يا ماما ما اظن اتحمل
علياء: فترة وتعدي وأمور ابوك تتصلح ونسكن برانا
ملك : طيب حامشي ادرس حبه
مشيت غرفتي وانا بفكر ف الحياة المنتظرين ف السودان وشنو حايحصل
عدا الاسبوع وودعت صحباتي ونزلنا السودان ف المطار جو أعمامي اتنين اول مره اشوفهم الا ف الصور سلمو علينا وركبنا العربيه ووصلنا البيت الكبير دخلنا والعيله كلها منتظرانا وسلام والبكاء بالجد حيلي اتهد لحدي م خلصنا ضيفونا وختو العشاء بس م قدرت اكل من التعب
حبوبه: يا شهد سوقي ملك غرفتها
شهد: حاضر يا حبوبه
شهد دي بت عمي اكبر مني بسنه ومخطوبه علي م اظن المهم ودتني غرفتي وانا لسه ساكته
شهد: لو احتجتي شي وريني تمام
ملك: مشكورة حبيبتي
دخلت الغرفه كانت عباره عن سريرين شكلو حاتنوم معاي علا وانا م متعوده علي كده فتحت شنطتي رتبتها وشلت لي بنطلون وتيشرت ومشيت استحميت وجيت جففت شعري وفكيتو لاني كنت مصدعه بلعت مسكن حاولت انوم بس م قدرت لاني لمن اغير مكان نومي بتعب فتحت باب الغرفه لقيت ف سلم قلت بس ممكن الزول يشم هوا طلعت لقيت باب السطوح مفتوح وكان مضلم والجو بارد طلعت تلفوني شغلت اغنية هادئه ولقيت كرسي قدت فيو وبقيت تاكيه راسي وسرحانه فجاءة احس بيد بطقطق ف وشي اتلفت لقيت واحد اسمراني شعرو كتير ودقنو كتيره خفت قلت احتمال حرامي بقيت بعاين فيو وميه فكره ف راسي هو جرا السماعه من اصاني
يا اخت منو انتي؟؟
ملك: I'm malk
اها انتي بت عمو صالح
ملك: نعم انت منو ؟؟
انا كرم ود عمك جمال
ملك: اهلين بس م شفتك مع الاهل
كرم: كنت ماف انتي هنا لي
ملك: م قدرت انوم فقلت اشم هوا اي problem
كرم: بصراحه انا بنوم هنا لاني م بحب كتمة الغرف
ملك: اوووبس اسفه طيب حانزل
كرم: تصبحي علي خير
ملك: وانت من اهل الخير
نزلت وانا زهجانه يعني م صدقت مزاجي اتعدل وجا خربو المصيبه ده اوووووف ياخ
دخلت غرفتي ولقيت علا مشغلا فلم رقدت جنمبها حضرت لمن نمنا
بلسان كرم:::
انا عرفت انو عم صالح جاي من أمريكا بس م لاقيتهم لاني كنت مع صحبي ف المستشفي رجعت البيت متأخر دخلت غرفتي بدلت ملاابسي واصلا سريري مفرش ف السطوح لاني م بحب الغرف طلعت بس لفت نظري ف زول قاعد ف الكرسي بقيت ماشي براحه براحه م كان بتحرك وصلت مع ضوء القمر شفت قمر تاني حاجه كده ف قمة الجمال ومغمضه عيونها بقيت سرحان فيها فجاءة فقت علي نفسي وطقطقت ليها بقت تعاين لي ومستغربه سالتها هي منو وعرفت انها بت عمي صالح وشكلها م جايها نوم بس م حبيت تقعد معاي ف السطوح برانا اصريت احرجهاا وهي نزلت طوالي
رقدت ف السرير وطلعت صورتها وبقيت اتكلم معها
كرم: رغد اشتقت ليك والله اسف لو اني عاينت لغيرك بس لفتني جراءتها بس اوعدك انتي الفي قلبي خته الصورة ف صدرو ونام
كرم شاب تلاتثيني اسمر ملتحي وشعرو كتير هو كان فرفوش قبل م يفقد حبيبتو الماتت لأنها عيانه من يومها هو تعبان نفسيا وجسديا وبحاول يكون قاسي عشان ماف بت تقرب منو