رواية مغامرات ابناء العاصي الجزء الثاني من العاصي الفصل الاول1بقلم كنزي حمزه
ازيكم عاملين ايه، انا بوده او عبدالرحمن العاصي ابن بابا اللي في الصوره ده
اختي تيا هي اللي بتقولي يا بوده بس زين اخويا حبيبي دايما بيزعق لها ويقولها بطلي تدلعيه
هو بقي راجل وعنده ٧ سنين واللي معايا في الصوره دي طمطم او فاطمه بنت عمو حمزه وخالتو غزل، شفتوا حلوه وقلبوزه اذاي
انا بحبها اوي ودايما بتخانق انا واختي التانيه ليا عشان بتزعلها وتقعد تزعقلها
بس ايه بقي طمطم دايما بتعرف تاخد حقها لو انا مش موجود، عاصي اخوها الكبير بيظبط ليا هههههههه
ويقعد يزعقلها والله بتصعب عليا ساعات عشان معاها حق اصل طمطم فتانه شويه دايما تسمع اللي هي بتقوله وتروح تنقله كله لعاصي
اما بقي القمر ده يبقي عدي لالا استنوا عيب، اسمه عمو عدي احسن بابي يزعل
دايما بيقولي احترم عمك وماتندهلوش بأسمه هو هيبقي دكتور اد الدنيا وانا اقوله ده لسه في سنه اولي يقولي اولي طب مش زيك لسه اولي ابتداءي، اقوله طب ماهو عاصي اولي هندسه اقوله ايه، يقولي قوله يا ابيه بس عاصي ما رديش وقاله استنه اما اقلده لكم
هو كان بيقوله كده: ابيه مين يا عم الحج ولااااااا لو سمعتك بتقولي الكلمه دي هنفخك، انا مابحبش الاحترام الزياده ده، قولي ياعاصي زي بتقول، خلي ابيه دي لزين باشا، اهو ده اللي لازم تحترمه ليعلقك بجد ههههههه
رد عليه عمو حمزه وقاله: بقي ياحمار مش عايزه يحترمك وعايزه يحترم زين عشان بقي ظابط، طب مانت دخلت الهندسه اهو
رد عليه عاصي وقاله: كل عيش يابا، ايه يعني دخلت الهندسه بس لازم كلنا نحترمه هو مفيش مهندسين يعني بيدخلوا الحجز، اهو لو دخلناه هو يطلعنا منه
ضحك بابي عليه وقاله: هههههه ظابط في الحربيه يا حيوان مش في الدخليه
عاصي قاله: وماله ياعم المهم له ظهر جامد
بابي قاله: طب قوم يا حلوف من قدامي بدل ما اخلي عدي يجي يتدرب عملي في خياطة وشك ده، قوم يلاااا من هنا
هههههههه
جري عاصي من قدامه وهو بيقول: ههههههه لا وعلي ايه، دا عدي حبيبي انا نازل اقعد معاه هو وجدي في الوكاله، سلام يا بشوات انتوا مش رايحين شغلكم ولا ايه
بابا قاله: رايحين يا خويا واعمل حسابك اني هنزلك تدريب عملي في الشركه، انا مش لسه هاستني لما تتخرج
عاصي: طب حتي سيبني افرح بالكليه شويه واخرج واتفسح وانبسط كده
بابا قاله: تتفسح وتنبسط ولا تمشي مع بنات يا صايع، امشي يلا من هنا ههههههههه
نزل عاصي جري من قدام بابا وعمي وهما بيضحكوا عليه، الله هي طمطم راحت فين
اسيبكم انا بقي معاهم واروح ادور عليها، لازم طلعت تتصنت علي ليا وتيا وهما قاعدين في اوضتهم اما الحقها قبل ما ليا تضربها ولا تزعقلها، عديني يا مامي بقي
غمزه: بوده وبعدين معاك، اتكلم بأدب ومالك بتجري كده ليه
_سيبيني هاروح ادور علي طمطم هي راحت فين يا خالتو
غزل: هههههههه يادي طمطم اللي مجننه الكل طلعت عند تيا وليا تندهم يا سيدي اقعد افطر انت وهما دلوقتي هاينزلوا
_لاء هاروح اجيبها احسن ليا تاكلها
ضحك الجميع عليه وهو يخرج من باب الشقه
غمزه: انا مش عارفه الواد ده عامل فيها الحارس الامين بتاع طمطم كده ليه
عاصي وهو يضع يده علي كتفها ويضمها اليه: الله طالع لابوه بيحافظ علي اللي يخصه يا قلبي
_هههههههه ماشي يا باشمهندس ماهم ماشين علي اسلوبك انت واخوك
حمزه: وماله بقي اسلوبنا، مش عاجبكم بعد ١٨ سنه جواز اسلوبنا ولا ايه
غزل: انا عن نفسي عاجبني وجدا كمان يا حبيبي
حمزه وهو يضمها من خصرها: هههههههه ايوه بقي، اهو بعد الكلمتين دول انا ممكن ماروحش الشغل النهارده واقعد هنا طول النهار
ولكن عاصي لم يعطيه هذه الفرصه وامسكه من قميصه من الخلف: لا وعلي ايه يا حبيبي، يلا يا خويا قدامي وانا هدلعك انا هههههههههه، واخذه وخرجوا من باب الشقه
غزل: شوفتي جوزك، مش هاين عليه يسيب حمزه يوم واحد اجازه ازاي
غمزه: ههههههههه يا ختي قولي ربنا ما يحرمهم من بعض، يلا انا هاروح اشوف مامي قاعده في اوضتها ليه واخرجها بقي عشان نفطر علي ما البنات ينزلوا
_طيب وانا هاروح اعملي كوباية نسكافيه
دخلت غمزه علي والدتها وجدتها كانت تصلي
_حرما يا روكا، انتي كنتي بتصلي الصبح متأخر كده ولا ايه دي الساعه داخله علي عشره
روقيه:جمعا يا حبيبتي لا دا انا كنت بصلي الضحي، ايه هو جوزك وجوز اختك نزلوا ولا ايه
_ايوه يا مامي فطروا وراحوا علي الشركه، يلا بينا احنا كمان عشان نفطر وهنزل فطار لعدي وبابا في الوكاله
روقيه وهم يخرجون من غرفتها: لاء يا حبيبتي هما فطروا من بدري، انا حضرت لهم الفطار قبل ما ينزلوا، ده حتي عاصي لما نزل قعد معاهم شويه بس مارديش يفطر معاهم وقال هايستني حمزه
غزل: صباح الفل يا مامي، انتي لسه صاحيه ولا ايه
_صباح النور يا حبيبتي هو انا خم نوم زيك ههههههههه، انا صاحيه من بدري بس كنت بصلي
دخلت عليهم فاطمه ذات الخمسة اعوام سريعا وهي تبكي ومن خلفها عبد الرحمن الصغير
غزل: الله مالك يا طمطم، بتعيطي ليه، عملتي ايه تاني خليتي ليا تزعقلك
_انا مس عملت حاجه، انا كنت واقفه ساكته، هي اللي بتسعقلي
_مش عملتي حاجه يا سهونه انتي، مش هتبطلي الخصله اللي بقت فيكي دي حتي واحنا نايمين بتصنتي علينا
_والله لأقصلك ودانك دول: قالتها ليا القادمه من الخارج وهي مرتديه منامه ببنطلون برمودا قصير وتيشرت نصف كم
وشعرها اشعس اثر النوم
غمزه: يا ساتر يا رب، ايه المنظر ده، دي غوله داخله علينا دي ولا ايه، ماهي لها حق البنت تتفزع من شكلك ده، غوري اغسلي وشك وسرحي شعرك ده يا غوله انتي
ليا: بقي في ام تقول علي بنتها اللي في ثانويه عامه كده بردو شاهده عليها يا نانا
روقيه: هههههههههههه شاهده يا ختي شاهده، بس بصراحه معاها حق اذا كنت انا ذات نفسي خوفت من منظرك ده
غزل: بس بقي بطلوا، ماله منظرها، مش لسه صاحيه من النوم، تعالي يا حبيبتي ماتزعليش انا هالملك شعرك وقوليلي البت دي عملتلك ايه تاني
هتف عبد الرحمن بغضب طفولي: عملت لها ايه يعني، هي مش عملت حاجه، مش انتوا اللي قولتولها تروح تنده لهم، الغوله دي اول ما شافتها قدمها كانت هاتكلها، والله يا ليا لو كلمتيها لأقول لبابي ولا اقولك انا هاقول لعاصي اخليه يطلع يظبطك زي كل مره
_شايفه ياخالتو الحيوان بيهددني بأبنك ازاي، طب والله لو مد ايده عليا تاني لأقول لبابي عليه بس
_صباح الخير عليكو جميعا
روقيه: يا صباح الفل علي ملكة جمال العيله كلها هههههههههه
غمزه: ياخواتي علي الروقان اللي انتي فيه، ايه يا انسه تيا انتي فين من الحوار ده كله، لاء ونازله مغيره بچامتك ومسرحه شعرك ورايقه علي الاخر، طب علمي اختك حاجه
تيا: وانا مالي اصلا، ما هي اللي شعنونه وكل شويه بحال والله البت طمطم دي مظلومه معاها انا شايفه انها ماعملتش حاجه
_صبرني يا رب انتي ايه يا ختي طبعا ماانتي ما شوفتيش كانت واقفه بتسجللك ازاي وانتي بتكلمي زين في الموبايل
غمزه: ايه ده، هو زين اتصل بيكي يا تيا، ماقالكيش هايجي امتي، دا وحشني اوي
_بيقول لسه قدامه يومين وبيقولك حرام عليكي كمية الموبايلات اللي عندك دي ومش بتشيلي واحد في ايدك، هو قعد يتصل بيكي الصبح اد كده عشان يكلمك وبعدين اتصل علي بابي بس قاله انه نزل ورايح علي الشركه
_هههههه والله نسيته علي الكمود فوق، روح يا بوده هاته قبل ما باباك يتصل وماردش عليه
_لاء مش هاروح، خليه يجي يعلقه في رقبتك بسلسله زي ما قالك ههههههههههه
ليا: بوددددده عيب كده، كلم مامي كويس
روقيه: يخرب بيت حنجرتك فزعتيني يا شعنونه يا مجنونه انتي
ليا: هههههههه انتي اتخضيتي يا روكا يا قمر انتي ولا ايه، طب ماتزعليش، حقك عليا، وبدأت تزغزغها وتداعبها بحركات مضحكه
_هههههههههه اتلمي يا بنت عاصي، حوشي بنتك عني يا غمزه، الله هي راحت فين
تيا: طلعت هي تجيب الموبايل قبل ما الوحش يتصل وياكلها في التليفون ههههههههه
غزل: طب يلا بقي اقعدوا افطروا عشان نلم السفره دي
ليا بعد ان جلسو جميعا وأجلست فاطمه بجانبها، فهي برغم كل مشاكستهم معا الا انها تعتبرها صغيرتها تطعمها وتهتم بها وتحبها كثيرا: امسكي يلا يا طمطم، كلي السندوتش ده كله
_ده ايه ده، انا عايسه لبن
_طيب مانا هجيب اللبن، بس بردو كلي السندوتش ده جبنه رومي اللي بتحبيها
_لاء مامي هاتجيب لي، مس عايسه منك حاجه
ليا بصوت مرتفع: امسكي يا حيوانه وكلي يلا، انتي هاتدلعي ولا ايه، عارفه لو قومتي قبل ماتخلصيه، انتي حره في اللي هايجري ليكي بقي
خطفت فاطمه منها السندوتش وجرت من جانبها للخارج وهي تصيح: انا هاكل السندوتس كله بس هالوح اقول لعاصي عليكي، عسان يجي يسبطك ويخليكي تبطلي تثلخي سويه يا سعنونه
اخذ عبد الرحمن كوب اللبن بعد ان احضرته لها وسندوتشه في يده الاخري وجري خلفها: استني يا طمطم خدي اشربي اللبن بتاعك
ليا وهي تمصمص شفاها: حنين اوي يا خويا، اجري وراها بكوباية اللبن اجري بس اوع تكفي علي بوزك
ظغرت لها غمزه بعيناها معنفه اياها علي ما قالته: كسر بوزك انتي يا ام لسان طويل، طب يارب عاصي يطلع يقطم رقبتك، والله ما هاحوشه عنك يا ليا
_هو انتي من امتي وانتي بتحوشي عننا اصلا، اذا كنتي انتي ساعات اللي بتحرديهم علينا اذا كان هو ولا زين، ربنا يخليلنا غزل حبيبتنا هي اللي مامتنا ودايما بتحاميلنا انما انتي ونانا، اخ ياني منكم انتوا الاتنين ياني
تيا: لاء محدش ليه دعوه بروكا، روكا دي بتاعتي انا لوحدي، هي وجدو عبد الرحمن حبايب قلبي دول
روقيه: هو في زيك انتي يا نور عيني، ربنا يخليكي ليا واشوفك عروسه يارب
غمزه: ايه ده كده بردو بعتوني في لحظه يا كلاب
غزل: هههههههه هو انتي عايزه تكوشي علي حب الكل ولا ايه، مش كفايه عليكي الشباب وبوده وطمطم، اشبعي بيهم دول حياله بنتين خايبين، انا بقي ربنا يخليلي زين وعدي وعاصي كفايه انهم بيخافو عليا من زعل عاصي الكبير ومابيستحملوش يشوفوني زعلانه
روقيه: اه والله ولا بوده لما وقف قدامه عشانك دانا كنت مرعوبه لا يمد ايده عليه
غزل: يمد ايده علي مين يا مامي، انتي ناسيه هو بيحبه ازاي، الصراحه هو بيحب العيال كلهم وعمره مامد ايده عليهم
غمزه: وهو محتاج يمد ايده، ده كفايه يبص لهم بس
روقيه: فاكرين لما غمزه كانت بتولد بوده عمل ايه ههههههههههه
غزل: يالهوي ده فتح دماغ الدكتور ياعيني وكسر المستشفي عليهم لما قاله انها تعابنه ولازم تولد قيصري
تيا: ايوه انا فاكره، دااحنا ساعتها كان عندنا ١٢ سنه وانا كنت بعيط جامد عشان مامي، فاكره يا نانا
_ههههههههه ايوه لما اتسحبتي وركبتي جانبي في العربيه وانتي بتعيطي وهو قفل الباب عليهم كلهم ولما شافك وانتي راكبه وماسكه فيا، بصلك بغضب وسكت
غمزه: دا انا كنت بموت فعلا في الواد ده وهو ياحبيبي بقي مرعوب واللي طالع عليه يقولي ماعملتيش زي المره اللي فاتت ليه، انتي مابقتيش جامده ولا ايه
غزل: هههههههههه واول مانزلنا من العربيه وشالك ودخل بيكي المستشفي وخدوكي منه والدكتور قاله كده، فضل يضرب فيه ويقوله هافتحلك دماغك دي قبل ماتفتح بطنها وفضل يشتم فيه لولا احمد وحمزه جم ومسكوه وخلصوا الدكتور من ايده، كان مات وكل مايسمعها بتصرخ قبل ما يدوها البنج، يكسر اي حاجه قدامه لحد ما بابي واحمد خدوه ونزلوا في الكافتريا تحت وفضل كل شويه يتصل بحمزه لحد ما ولدت
ليا: يا سيدي يا مامي دا بابي بيحبك اوي
روقيه: بصراحه باباكم ده خساره فيها من يوم ماتجوزها وهي مجنناه
يتبع
رواية / مغامرات ابناء العاصي
البارت الثاني
دلف عليهم عدي الي داخل الشقه وهم جالسون يستفهم حديثهم: هي مين دي اللي مجنناه
غمزه: صباح الخير يا نور عيني، تعالي يا قلبي افطر معانا تلاقيك لما نزلت بدري مالحقتش تفطر
_لا يا حبيبتي انا فطرت من بدري انا والحج الصبح بس قولولي بتحكي علي مين
روقيه: هههههههه علي عاصي وغمزه لما كانت بتولد عبد الرحمن فاكر
_اخ ودي حاجه تتنسي بردو، دي المره الوحيده اللي مد ايده عليا فيها، فاكره يا ماما لما اداني بالبوكس في وشي وشال عاصي حدفه بعزم ما فيه في قلب البيت وقفل علينا، والمصيبه انكم مشيتوا كلكم وساب الوكاله مفتوحه هههههههه
غزل: اه دانت قعدت وشك معلم ازرق كام يوم ياعيني والواد عاصي لما جينا لقيناك مغرق دماغه بن من الجرح اللي كان فيها
روقيه: اومال انت طلعت ليه دلوقتي
_فكرتيني صحيح، ليا مالكيش دعوه بقي بفاطمه، عاصي كان طالع يتخانق معاكي وانا قولتله اني هاطلع ازعقلك
ليا بغضب: هايعملي ايه يعني، شايفه بنتك يا ست غزل، طب والله بعد كده ماليش دعوه بيها خالص ومش هاكلمها كمان بس عالله بقي تيجي تقولي اتاخلي يا ليا عايسه انام في حضنك
غزل: معلش يا حبيبتي ما تضيقيش نفسك بس اما تطلعلي الفاتنه دي،
وبعد قليل رن هاتف غمزه وهم جالسون
_الو ايوه يا دارين، عامله ايه يا حبيبتي
دارين: الحمد لله يا حبيبتي وحشتوني اوي
_طبعا لازم نوحشك مش حضرتك اللي سايبانا انتي والست دانا بنتك وقاعدين في السخنه طول الصيف
_والله يا بنتي انا زهقت من القعده هناك بس هاعمل ايه بقي في الهانم، مقدرش اسيبها لوحدها واجي وهي مش كانت عايزه ترجع وتسيب اصحابها، دي ماوفقتش الا لما باباها زعق وقالها كده كتير قوي واننا لازم نرجع بقي، المهم انا عايزه اشوفك انتي وغزل، انتوا واحشني خالص
_وانتي كمان يا روحي وحشتينا طب ماتيجوا بكره تقدوا معانا اليوم
_ها لاء مانا بتصل بيكي اصلا عشان اعزمكم بكره تجيبوا البنات وتيجوا تقضوا اليوم معانا
_مش عارفه اقولك ايه بس انتي عارفه لازم ناخد رأي عاصي وحمزه الاول
_اه طبعا مفيش مشكله، خلاص كلميهم وابقي ردي عليا وسلميلي علي غزل وانطي روقيه اوي
_ماشي يا حبيبتي سلام
_مع السلامه
اغلقت معها الهاتف وانضمت اليهم بالحديث
غزل: اخيرا رجعوا من المصيف
غمزه: اه بتقول ان دانا مش كانت عايزه ترجع عشان اصحابها بس احمد زعق وقالهم لازم يرجعوا
ليا: يابختهم والله باقولهم شهر في السخنه واحنا مش عارفين نروح اسبوع
تيا: مع اننا عندنا الشاليه بتاعنا جنبهم بس احنا بقي عاملين زي اللي مغضوب عليهم ماينفعش نروح في حته من غير الرجاله كلهم وايه هو اسبوع واحد بس وطول السنه قاعدين هنا في البيت ده وفي قلب الجماليه وسجن الجماليه
عدي بغيظ: ايوه في ثانيه هاتتحولوا مش كده، اه طبعا ماهي الاميره المغروره جات وهاتتلموا عليها بقي وتتقلبوا علي البيت وعلينا وعلي الجماليه بحالها
ليا: انا مش عارفه ايه اللي عاجبكم في العيشه هنا، مع اننا عندنا ڤيلا كبيره في زايد
_وحضرتك بقي، "دانا" مابقتش عجباك في ايه وليه دايما بتقول عليها مغروره، ماهي لها حق، واحده جدها الله يرحمه كان لواء سابق وابوها عميد واخوها ظابط في الحربيه عايزها تيجي الجامليه تحب فيها ايه يا دكتور
عدي: ما شاء الله ما حبتها يا ختي واخوها وابوها اللي بتقولي عليهم دول بيعشقوا القعده هنا في الجماليه ولازم تفهموا ان ابوكم لما عملكم اللي انتوا عايزينه وجاب الڤيلا وفرشها دا عشان ماتحسوش انكم اقل من حد، ولازم بردو تفهموا انه متمسك بالعيشه هنا عشان جدكم مايقدرش يسيب البيت ده ولا الوكاله اللي هي كل حياته، فياريت بقي تبطلوا هبل ودماغكم دي تتعدل وتبطلوا تمشوا ورا المغروره دي
روقيه: خلاص ياعدي، اهدي يا حبيبي هما عارفين الكلام ده كويس، صح يا بنات
وقفت تيا من علي مقعدها واقتربت منه وهي تصيح بمرح: خلاص بقي يا ديدو، ماتزعليش يابطه، داحنا بنحب نناغشك هههههههه
عدي بغضب: يعني مش كفايه ديدو دي لاء وكمان بطه، دانتي يومك مش معدي النهارده، خدي يابت هنا ولكنه قبل ان يمسك وجد من تقفز علي ظهره من الخلف وهي تضحك
ليا: مش عجباك ديدو، طب بلاش نقولك يا دوده هههههههه اوعي تكون عايزنا نقولك يا عمو ما تنساش انك اكبر مننا بست شهور بس يادوده
عدي ههههههه: لا والله طب انزلي يا ....... من علي ضهري، فاكره نفسك خفيفه اوي واحترموا نفسكم معايا في الكلام شويه، انا عمكم غصب عنك انتي وهي يابتوع ثانويه عامه انتوا
تيا بعد ان جلست علي الاريكه: صحيح انا مش عارفه يعني احنا الفرق بينا مش كبير كان لازم بقي فرق الشهور يضيع علينا سنه بحالها، يابختك انت وعاصي عديتوا السنه دي ودخلتوا الكليه واحنا لنا الله في الثانويه العامه
غمزه: انت مش كنت بتقول يا عدي انك هاتكلم المدرسين عشان يدوهم دروس خصوصيه
عدي: لاء ماانا لما قولت لزين قالي ماتوقفش مع حد غير لما هو ينزل ويجي معايا، هو اصلا مش عايزهم يخرجوا ياخدوا دروس بره واخويا عاصي مش عايز يدخل حد غريب هنا، بصوا الموضوع كبير مش بالسهوله دي
غزل: اه يعني لازم مجلس العائله الذكوري ينعقد عشان دروس تيا وليا، معاكم ربنا بقي ههههههههه
عدي: ههههه اه والله لاء وخدوا التقيله بقي، الاستاذ عاصي باشا مصمم اني ماتفقش مع مدرس الالماني اللي كان بيدينا، بيقول انه صغير وواخد مقلب في نفسه كده
ليا: نعم طب وهو ماله ان شاء الله، هو اصلا مالوش راي عشان يتدخل فينا
عدي: اتلمي يا ليا ومالكيش دعوه، عاصي خايف عليكم وانتوا اصلا اللي مالكوش رأي، المدرسين اللي هانجيبهم ليكم هما اللي هاتخدوا معاهم، يلا انا نازل تحت يا ماما، مش عايزين حاجه
روقيه: لاء يا حبيبي بس ابقي هات حد ينضف سطح البيت بتاع جدتك الله يرحمها، الكلاب اللي بتربيها خليته بقي فظيع يا عدي
عدي: الله يرحمها حاضر يا ست الكل هاشوف حد يجي ينضفه النهارده، يلا سلام أنا نازل
تركهم ونزل الي الاسفل لتهتف غمزه: يلا ياهوانم عشان نشوف اللي ورانا، تيا ادخلي وضبي اوضة عاصي وعدي وجدو وانتي يا ليا اطلعي وضبي شقتنا
وغزل لتهتف: انا هاطلع اوضب شقتي، مش محتاجه اوامر منك يا سيادة المدير العام ههههههه
روقيه: تمام وانا وانتي بقي هاندخل علي المطبخ، يلا غموزه هههههههه
غمزه وهي متجهه الي المطبخ: ههههههه يلا بينا، انا مش عارفه ليه بس عاصي وحمزه بعد ماجوزوا حسنه مارديوش يجيبوا حد تاني، دا حتي لوزه بعد نانا الله يرحمها قالت انا مقدرش اقعد هنا تاني والحاجه مش موجوده
روقيه: ياحبيبتي لوزه كبرت وولادها بردو كبروا وهي ماحبتش تخلي حد يبصلهم بصه وحشه ولا يقلهم كلمه مش كويسه ففضلت انها تقعد في البيت وكتر خيره باباكي عبد الرحمن لحد دلوقتي بيبعت لها شهريتها هي وحسنه مع بعض
غمزه: هو بابي عبد الرحمن ده في منه، دا الحنيه كلها والدلع كله هههههههه
/////////////////////////////
صعدت الي شقتهم حتي توضبها مثلما امرتها والدتها ولكن هاتفها قد نوي ان يعطلها مثل العاده واعلن عن اتصال من صديقتها المحببه اليها هي واختها، التقتطه بيدها وجلست علي فراشها لتحدثها ولم تنتبه لتلك الصغيره التي ولجت اليها ووقفت بجانب باب الغرفه تستمع لها دون ان تحدث اي صوت
ليا: هاي دانا عامله ايه وحشتيني
دانا:.وانتي كمان وحشتيني يا ليا عامله ايه وتيا كمان وحشتني اوي
_بأمارة ما سافرتي وقاعدتي الفتره دي كلها ونسيتينا مش كده
_سوري يا ليا والله بس انشغلت مع اصحابي وبصراحه القعده هناك لطيفه خالص
_اه ياختي يابختك قعدتي الفتره دي كلها في السخنه واحنا هنا بنتشوي في الحر ده
_هههههههههه طب وانا مالي، مش انكل عاصي هو اللي مارديش، دا حتي بابي لما قاله، قاله لاء انا ماعنديش بنات يسافروا لوحدهم، وقولت لكم تتحايلوا عليه وانتوا اللي مارديتوش
_مكانش هايوافق يا دانا، احنا عارفين بابي كويس المهم قوليلي هاتيجي مع انطي دارين بكره لو احنا مش جينا ولا بردو مش عايزه تيجي الجامليه
_مانتي عارفه يا ليا انا مش عايزه اجي ليه ولا انتي عايزاه يتخانق معايا تاني ويسمعني كلامه اللي زي السم ده
_يا بنتي والله عدي طيب هو بس مش بيحب حد يتكلم عننا وحش
_وهو انا اتكلمت وحش عنكم فين، ده انتم صحابي وانا بحبكم زي اخواتي، هو اللي مش بيطيق ليا كلمه وكفايه انه كل ما يشوفني يقولي انتي بنت تافهه ومغروره علي الفاضي
_معلش يا دانا هو من ساعة ما سمعك وانتي بتكلمينا علي اننا نروح نعيش في الڤيلا بتاعتنا وانك مش حابه المنطقه هنا وانا مش عارفه ايه اللي قلبه عليكي كده
_سبيه براحته، المهم احنا عايزين بقي نبقي نخرج انا وانتي وتيا مره قبل الدراسه ماتبدأ نروح مول او اي حاجه بقي
_ماشي بكره نبقي نتفق بس مش عارفه بقي بابي هايرضي ولا ايه وكمان الزفت عاصي ده لما يعرف هيقف زي العضمه كده في الزور ويقعد يقوله يعني ايه يعني بنات يخرجوا لوحدهم
_ههههههه اقولك ماتقوليلهمش واحنا نبقى نتفق احنا التلاته ونحاول نخرج من وراهم
_هههههههه ضحكتيني والله، دا علي اساس ان الانسه تيا هتقدر تخرج كده من غير ماتقول لزين، دا كان جيه سود عيشتنا
_انا معرفش انتوا بتخافوا منه كده ليه، اذا كنت انا اللي اخته مش بخاف منه كده
_الله ما هو اخونا احنا كمان بس انا مش بخاف منه ولا حاجه، هو اصلا مش مركز ولا معايا ولا معاكي، كل تركيزه يا عيني مع تيا، مش بتعرف تاخد نفسها منه ههههههه
دانا بمكر: اهو انا شايفه بقي ان تركيزه ده مش اخويه خالص ههههههه اخوها ايه، ده بيموت فيها، تعرفي انه شايل في محفظته كذا صوره لها من وهي بيبي لحد دلوقتي
_ههههههههه انا كمان شايفه كده بس انتي عرفتي منين يعني انها صورها هي مش يمكن تكون صوري انا
_لاء مانا سألته قالي دي تيا قولتله انت ازاي بتعرف تفرقهم من بعض، قالي من ساعة ما اتولدت تيا وهي بيبي وفتحت عينها وانا بعرف افرقها عن ليا، قولتله للدرجة دي بتحبها يا زين، بصلي بمكر كده وقالي طبعا بحبها وبحب ليا زي ما بحبك بالظبط انتوا التلاته اخواتي الاميرات الثلاثه، مش عارفه ليه مش عايز يقولها ويعترف لها بحبه ده
_علي فكره هي كمان بتحبه اوي بس بتخاف منه وطبعا عمرها ما هاتروح تقوله كده عاااااااااااا
_ايه مالك يا ليا بتصرخي ليه
_الحيوانه طمطم خضيتني، بلف لقيتها واقفه في وشي، والله لاموتها النهارده، اقفلي يا دانا سلام
_ههههههههههه سلام يا شعنونه
القت الهاتف من يدها واتجهت سريعا اليها وامسكتها بين يديها
_انتي مش هتبطلي الحركه دي يا حيوانه
فاطمه بخوف: مس عملت حاجه يا ليا انا كنت عايسه اقعد معاكي
القتها علي قدمها وظلت تضربها علي مؤخرتها وهي تصرخ
_انا هابطلك الخصله دي يا فتانه، واقفه تتصنتي عليا، عارفه لو شوفتك بتعملي كده تاني هافضل اضرب فيكي كده
فاطمه وهي تصرخ: سيبيني يا ليا حلام عليكي مس هاعمل كده تاني
تركتها من يدها وهي تصرخ فيها: امشي من هنا انا مش بكلمك ومخصماكي، اوعي تيجي تتكلمي معايا، انتي فاهمه
جرت الصغيره من امامها وهي تصرخ من الالم نزلت سريعا الي الاسفل، لم تذهب الي والدتها ولأنها تعلم حبها الشديد للاخري وانها سوف توبخها مثلها
جرت الي خارج البيت ودلفت سريعا الي اخيها، وجدها حملها جدها علي قدمه ذلك الكهل الطيب الذي كما احب ابناءه غمر احفاده بحب جم.