رواية الخزلان الفصل السابع والعشرون27والاخيربقلم نوسه حمد
روضه قالت لي نوسه اعفي لي والله انا توبتا وعمري تاني م ح اغلط وم عاوزه منك شي غير انك تعفي لي وتكلمي لي عثمان اشغلني معاهو تاني عاوزه اكسب حلال قلت ليها ي روضه انا م مشكله مهما كان ح اعفي ليك والله بس الاهم انك انتي تتوبي لانو الطريق دا غير ذنوب م ح تكسبي منو شي واي شي بروح ف لمحه بصر شوفي هسي محمد الاتفقتي معاهو علي بين يوم وليله مات انتو لمن اتفقتو تدمرو طفل برئ م عندو ذنب في نواياكم م خوفتو من اللحظه دي وبعدين ي روضه خليك من دا كلو قلبك طاوعك كيف وتتعمدي تنزلي الفي بطني وانا الكنت خايفه عليك وقلت جاتك حاجه ودا كلو تمثيل م اتوقعتا منك نهاي قالت لي اعفي لي دا الشيطان شاطر وبعدين انا م كنت بعرف الحقيقه وظلمتك والله اعفي لي قلت ليها انا حقي عافياهو ليك بس ذنب الطفل البرئ البعفاهو منو ودموعي جرت جد قلبي وجعني حسيت اني ح اموت قالت لي نوسه اسفه انا بدعي ربنا كل يوم وم ح امل من الدعا وان شاء الله ربنا يغفر لي قلت ليها ان شاء الله قالت لي ممكن تتكلمي لي مع عثمان ارجعني الشغل اتزكرت نواياها قعدت اضحك قلت ليها معليش ي روضه لا يلدغ المؤمن من الجحر مرتين قالت لي نوسه والله العظيم انا توبتا مستحيل احقد عليك قلت ليها روضه قبل اليوم دخلتك بيتي وكنت واثقه انك مستحيل تحقدي علي ولا تضريني بشي ولا فكرت انك تسرقيني ولا فكرت انك تتسببي في ضياع طفلي دا كلوووووو م فكرت انو يحصل ليه لانو كنت مطمئنه ليك للاخر بس للاسف خزلتيني م ح اطمئن ليك تاني والنفس اماره بالسوء دموعا جرت قالت لي من حقك ي نوسه جد انا ظلمتك ومتوقعه منك تطرديني عديل قلت ليها لا انا م اتربيت ع كده والله عمري م ح اطردك ولا ح احمل ليك نيه كعبه بس اعفيني وراجلي خط احمر ي روضه انا المره الفاتت مشيتا ليك واستسلمت للخباثه بتاعتك لاني كنت مصدومه بس بعد الشفتو ف حياتي اتوقعي مني اي رده فعل تاني وعشان انتي بت خالتي انا ح اساعدك وح اقيف معاك شوفي مشروع افتحيهو وانا متكفله بيهو من الالف للياء ومن قروشي الربنا قسما لي بعد الدنيا كلها وقفت ف وشي قالت لي نوسه جد قلت ليها متين انا بهظر يلا شوفي ح تعملي شنو وانا م بقصر معاك وقبل دا كلو م عايزه منك غير الصدق عشان اطمئن ليك قالت لي والله وعد انا اكون صادقه وم اكذب بس انتي اقيفي معاي قلت ليها م بقصر منك انا والله وعد فرحت شديد حسيت فعلا انها اتغيرت عثمان جا داخل من بعيد اكورك لي ست البنات وينك الليله وم كان شايف روضه لمن دخل لقاها معاي سلم عليها من بعيد وقال لي نوسه بنتظرك بهناك بعد ضيوفك اطلعو كلميني قالت ليهو انا طالعه خلاص وحتي فيهو م عاينت شكلها خايفه مني ودي اهم حاجه عشان تاني م تحاول تلعب معاي وفاتت مني
عثمان جاني وشكلو مقلق قال لي نوسه روضه دي عاوزه منك شنو قلت ليهو لا لا م عاوزه شي قال لي البت دي انا م مرتاح ليها وكفايه الحصل منها وانا اي زول عايز يخرب حياتنا م عايزو ف حياتي قلت ليهو لا اطمئن ربنا بحفظنا ان شاء الله م بتجينا عوجه وروضه جاتني تايبه وندمانه وطلبت مني اعفي ليها قال لي نسال الله ربنا يغفر ليها ويهديها ويحفظك لي انتي واولادي قلت ليهو امين يارب قال لي عندي ليك مفأجأه قلت ليهو خير ان شاءالله قال لي تتزكري المدرسه الكنتي شغاله فيها قلت ليهو مالا قال لي سيدا عرض علي اني ادمجها مع مدرستي ومحتاج قروش رايك شنو وانا عايزه اشتريها منو قلت ليهو انت معاك قروش قال لي الحمد لله انتي رايك شنو قلت ليهو ما شاء الله مبروك قال تتباركي ي غاليه والحمد لله دا رزقكم انتو وجيت بدري عشان اسوقك معاي اتم معاهو الاتفاق وهو قال م عاوز القروش دفعه واحده انا ح اقسطهم ليهو قلت ليهو تمام النكلم مرتك الاولي قال لي كلمتها جيت عشان افرحك انتي البسي وانا منتظرك بهناك معاها خليتا تعمل لي ف قهوه قلت ليهو اولادي وين قال لي قاعدين معاها لقيتهم اياكلو انتي البسي وتعالي قلت ليهو حاضر لبست وجيت لقيتهم اتونسو واضحكو قلت ليهم م شاء الله ضحكوني معاكم قالو لي تعالي اقعدي ناخد ونسه وضحكه ضحكتين ونطلع قلت ليها ارح معانا قالت لي لا لا ي ريت والله انا خلاص قدرتي العندي دي دايره اعيش بيها باقي ايامي حسيتا يئسه اول مره تقطع قلبي قلت ليها م تقولي كده عليك الله انتي لسه شباب خلينا نكمل المشوار مع بعض انا واولادي م بنقدر نستغني عنك قالت لي ان شاء الله ربنا يطول في عمري واكون معاكم انا كمان اتعودت عليك وع اولادك انا اولادي م حسيت بيهم ولا حسيت بي تربيتهم قلت ليها ان شاء الله تفرحي بيهم معاي خليت اولادي معاها ومشينا انا وعثمان
وصلنا المدرسه لقينا المدير منتظرنا لمن شافني لمن انخلع قال لي نسيبه سلمت عليهو قلت ليهو ياها زاتا مفأجأه صح قال لي معقوله تخلي التدريس معانا عشان ترجعي ليهم عثمان قال ليهو فاهم غلط انت نوسه دي زوجتي انخلع قال ليهو يا راجل قال لي مالك م وريتيني كل م نسالك تقولي منفصله قلت ليهم فعلا بس الحمد لله رجعنا قال لي تستاهلي والله الزيك م بضيعوها عثمان قال ليهو تقول شنو دخلو بينا العوازل وانت عارف لمن العوازل يدخلو بخربو اي شي وعشان كده انا ح اكتب المدرسه دي باسمها لانها تستحق انا انخلعت قلت ليهو عثمان مستحيل انا اقبل بي كده انت عندك اولاد غيري م صاح زاتو قال لي عشان انا واثق فيك قلت ليهو عشان كده انا مستحيل اقبل بي كده واكتبها بأسمك وان شاءالله اسمك دايما مرفوع صاحبو قال لي اصيله وعشانك كلامك دا انا نهاي م بختلف معاهو عثمان رجل مجتهد استاهل واتفقو و حولنا المدرسه باسم عثمان وعملنا الإجراءات اللازمه وطلبت من عثمان ادرس فيها قال لي طوالي مرت الايام ومسكت الاداره وعثمان كان مبسوط بس حصل لي حمل وقفت شغل والمره دي مرت عثمان الوقفت معاي وكانت لي اكتر من ام والحمد لله واخدت مع نفسي عهد اني اقيف معاها ف الكبيره قبل الصغيره وم اعتبرها مرت زوجي اعتبرها اختي وهي من مات محمد اتغيرت بقت تعاملني بطيبه وحنيه زي الكنها خايفه من الموت وكنت بدعي ربنا انو م يصيبا مكروه وتكون معاي ع طول
نسيت احكي ليكم بي الويه طبعا سافرت مع مهند وكانت مبسوطه وجابت بنوته سمتا علي نسيبه ❤️
روضه وقفت معاها وعملت ليها مشروع اتكفلت بيهو وسندتها لمن وقفت علي رجليها زي م بقولو وبقت صاحبت اشهر براند في الكوزمتك واتزوجت وحياتا كأنت مستقره وكانت بتشكرني طوالي وم كده م قصرت مني نهااااي
بت عثمان ساقت امها عشان كانت عاوزه تلد واتجرسنا الاتنين يوم سفرها بس كمان بتها اولي بيها لمن فاتت خلت لي البيت مسيخ اولادي بمشو الصباح المدرسه مع ابوهم بخلوني براي كنت بزهج شديد بس ايام وعدت
ومرت الايام وولدت ولد وسميناهو محمد علي المرحوم ومرت عثمان جات راجعه عشان تحضر ولادتي وفعلا جات ويوم عرفت اننا ح نسمي محمد شبعت بكا وكانو محمد مات الليله وسبحان الله كان بشبه محمد شديد
مرت الايام والشهور والسنين وكنت مبسوطه شديد وكنت فخوره بي اني اتزوجت راجل مره واكتشفت حاجات كتيره في رحلتي دي من خزلاني لغايه م ربنا نصرني بحكيهم ليكم ف نهايه القصه والحمد لله انا الان عندي تلاته اولاد وتلاته بنات ومبسوطه شديد امي وابوي بقو كبار ف السن سكنتهم معاي ومرت عثمان جاتا جلطه وبقت طريحه الفراش بتها استقرت بره السودان وكان صعب انها تجي السودان وتلازم امها في فتره مرضها انا م قصرت منها وعثمان جاب لي بتين شغالات معاي واحده تنظف واحده تطبخ واولادي كبرو الحمد لله كنت مبسوطه بي نجاحهم سهل وسهيله دخلو جامعه الجزيره سهل طب وسهيله صيدله ومحمد ممتحن ثالث متوسط ومهيد ومها كانو ف سادس اساس واخر العنقود ف تالت اساس اسمها ميعاد ❤️
دي أسرتي الكريمه عانيت وانظلمت شديد حتي وصلت للانا فيهو دا وفي رحلتي اكتشفت حاجات كتيره واولها انو قسمتك القاسمها ليك ربنا في النهايه ح تاخدها ناهيك عن طريقه الوصول ليها كان كيف زي م حصل لي في الاول حبيت محمد واتزوجت ابوهو والويه اشتغلت معاي واتزوجت ولد خالتي محمد كان سبب في اني اصل لي قسمتي القاسمها لي ربنا وانا بقيت سبب في قسمه الويه ❤️
اهداف قصتي دي شنو واهم هدف كتبت عشانو الروايه ولد م طلبت يدك بالحلال م تثقي فيهو ولا تبني امالك عليهو حتي لو بتموتي فيهو م تدي نفسك فرصه تحبي واحد م عارفه هل هو صادق او بجر بيك زمن لان اصعب حاجه الخزلان والاصعب من كده انك ترفضي البتقدم ليك بالحلال وتعيشي قصه حب مجهوله المصير وتضيعي زمنك لانو مهما طال الزمن او قصر نصيبك ح تاخديهو ولمن اجيك الطالبك بالحلال وانتي تكوني حبيتو غيرو ح تحسي انو حبيبك بحبك اكتر من حلالك ودا اصعب شعور ح تعيشيهو وف النهايه ح يكون مستقبلك حلالك ابو اولادك ❤️
وتاني هدف راجل المره لمن تقبلي بيهو وتوافقي انو ف غيرك في حياتو م تبقي انانيه وتكوني عاوزه ليك انتي بس لانو بالعقل الما برضي ربنا م ح يرضيك انتي وحاولي ع قدر الامكان احترمي الكانت قبلك ناهيك عن سبب الزواج منك احترميها ح قدر م تقدري م تعيشو حياه العدوانيه والضر لانو م دايمه ليك ولا ليها كلنا ضيوف ومسيرين م مخيرين القسمه هي البتودينا لي اي سكه وختي ف راسك نصيبك لو قليل او كتير ح تاخديهو
رابع هدف دا للاولاد م تبقا اناني وتمسك بي بت زمن وانت اصلا خاطب ولمن تخليها م ترجع ليها ولمن تتزوج م تكلمها سيب الانانيه وخليها تستقر في حياتها الزوجيه حتي لو هي حنت ليك خليك راجل قول ليها ربنا يسعدك وارمي الماضي قدامك اياك ترجع وتتونس معاها بحجه حبكم لبعض انتو حبيتو بعض بس القسمه كانت لغيرك واصعب احساس ممكن يحسو الراجل بعد اتزوج مرتو تكلم حبيبها القديم الما بترضا لي نفسك م ترضا لغيرك لانو كما تدين تدان والنفس اماره بالسوء
خامس حاجه اصعب حاجه ف الدنيا السرقه حق الناس صعب لابعد الحدود في ناس عندهم مرض السرقه وم عيب انك تتعالجي منو بس العيب انك تدخلي حياه راجل برئ من مرضك وتفضحيهو قدام اصحابو وتسرقي ربنا بغفر اي شي الا حق الناس 😔🙅
سادس حاجه ودي الاهم الحقد والحسد. لو في الدنيا دي عجبتك حياه غيرك م تحسديهم زي م عملت روضه م تحاولي تفرقيهم ادعي ليهم ربنا يسعدهم ويرزقك بس م تجري ورا انك تفرقيهم عشان مهما حصل ف الدنيا وقدرتي تخربي البينهم ربنا قاعد بنصف الحق وكل اعمالك الشيطانيه بترجع ليك بالضعف وصعب انك تتحملي ضعف الشر الاتمنيتي لغيرك 😩اتمني الخير لغيرك ربنا برزقك بالأحسن ❤️❤️❤️❤️
تمت