رواية زي ماهي حبها
الفصل الثاني2
بقلم بسمة محمد
ضحكت على كلام عمر وقلت ليهو يازول مش الشهادة دي والله بشيلها تب قال لي قرايه انت ماحاباها ماحتنجزي فيها ضحكت عليهو قلت ليهو انا فتاة لااومن بالحب 😂😂قالت لي صحيح مجنونه انا ماشي عندي محاضرة
اعرفكم بي نفسي انا احلام محمد من الولايه الشماليه عيلتي بتتكون من ابوي عندو مزارع بتاعه نخيل 🌴وبيزرعو القمح والتوم وماادراك المهم امورنا تمام الحمدلله امي الحنينه واختي متزوجه وعندها اولادها مجننا واخوي مهندس مغترب في السعوديه وانا 🌝واخوي عبدو اصغر مني انا برلومه تمريض من وانا صغيرة بقول عاوزة اكون رائده فضاء اصل النجوم 😂😂كبرت وكبرت احلامي معاي لمن وصلت تالته ثانوي ابوي قال اشيل احياء وانا عاوزه هندسيه قال لا احياء اخوي اقنعني اشيل احياء وانو حاقراء علوم فضاء اتوكلت واجتهدت جبت 85 ابوي قال اقراء طب وانا اعترضت قال بس طب ولا ماف قرايه 🥺وانا الطب نهائي مارغبتي بعد تحانيس قلت ليهم خاص مابقرا وهو قال ماف اعادة تقري خاص بس اخوي علشان يرضي الطرفين قال تقراء تمريض قريب لي الطب ابوي اقتنع بس انا فقدت الشغف والقرايه بقت اخر همي قدمت تمريض وشالوني جاء معاي ابوي للتقديم وسجلني في الداخليه ورجع ومن هنا بدات حكايتي.
يابت والله مشتاغين سرحانه وين انت عاينت لي مصدر الصوت صرخت قلت ليها شوشو والله شوق مبالغه يابت قالت لي يابت حكايتك شنو كل يوم مطروده من المحاضرة قلت ليها مافارقه احنا احفاد نيوتن بننجح من دون محاضرات 😂😂
قالت لي الله يهديك فجاءة جات باقي الشله الكريمة مرافي وسهى والاء واحمد ومصطفى وهم بيضحكو فيني اخدنا قعدتنا وكان اليوم داك عندنا محاضرة واحدة فطرنا وقالو نشرح مع بعض علشان الامتحانات قربت قعدنا لي الشرح وانا ولا على بالي مع التلفون مندمجه مع روايه بقراء فيها فجاءة احس بي تلفوني اتسحب مني رفعت راسي لقيتو