رواية الصدفة
الفصل الثاني2
بقلم اسيل
جمال : والله احلي صدفه ياخ اخبارك شنو
اسيل: اي والله صدفه حلوه والله اخباري انت عرفتها فجاءة بقيت يتيمه وبقي معاي قصي بس
جمال: البركه فيكم ان شاء الله زعلتيني والله
اسيل: الحمدلله
جمال: وانتي جيتي متين
اسيل: جيت قبل شهر
جمال: وقصي هنا ولا ف الامارات
اسيل: قصي اصلا عايش هنا وماسك صيدليات بابا ولمن حصل الحادث مشا الامارات صفا شغل بابا وجابني معاو
جمال: والله غريبه اني م حصل شفتو
اسيل: انت ف الحي القديم ؟؟
جمال: اي والله
اسيل: وكيف ناس بيتكم واسراء ومروه كيف
جمال: كويسين الحمدلله مروة ف الثانوي واسراء شغاله في البنك
اسيل: م شاء الله والله بالجد اشتقت ليهم
جمال: ليهم بس وانا
اسيل: انت كمان والله وم متخيله نتلاقه تاني
جمال: القدر لعب لعبتو
اسيل: اي والله
تلفوني ضرب وكانت رغد
اسيل: الو اي يا رغد
رغد: يا بت مشيتي وين
اسيل: انا ف الاستراحه
رغد: طيب تعالي المحاضره حاتبدا
اسيل: طيب جايه
قفلت الخط
اسيل: انا ماشه المحاضره حاتبدا
جمال: طيب ممكن نتقابل بعد المحاضره ؟؟
اسيل: طيب
جمال: جيبي تلفونك
جمال شغال تلفوني سيف رفمو واتصل سيف رقمي
جمال: يلا امشي ونتلاقى
اسيل: تمام مع السلامه
مشيت ودخلت المحاضره طوالي
عند جمال:
بالجد صدفه حلوه وكمان اسيل شكلها اتغير وملامحها زادت حلا بس الحزن ف عيونها رغم ضحكتها بالجد المرت بيه م هين ربنا يرحمك يا عمو عبدالله
نور: حبيبي انت اختفيت وين وسرحان مالك
جمال: ماف حاجه بس لاقيت شخص عزيز علي
نور: منو
جمال: صديقة طفولتي سافرت الامارات وكان عمرها ١٠ سنه واليله بالصدفه عرفتها
نور: مممممممممم وده الشاغلك عني
جمال: حاتبدي خلاص م تخليني اندم اني حكيت ليك
نور: طيب انا ماشه لصحباتي نتلاقه بعدين
جمال: تماام
جمال بعد نور مشت : اووووووف حاتفكا منك متين انتي اسي خليني امشي محاضرتي عشان الاقي اسيل بعد المحاضره
عند اسيل:::
انا كنت مركزه مع المحاضرة بس ملاقاتي بجمال كانت شاغلاني صحي القدر لعب لعبتو
رغد: يا بت سرحانه وين
اسيل : ولا شي
انتهت المحاضره وطلعنا الشله قالت امشو يفطرو ومشينا الكافتيريا جاتني مكالمه من جمال
جمال: الووو انتي وين
اسيل: انا ف الكافتيريا
جمال: تمام جاي عليك
اسيل : تمام
قفلت الخط
رغد: ده منو
اسيل: صديق قديم لاقيتو بالصدفه
شويه كده وجمال جا
جمال: شنو يعني مش اتفقنا نفطر سوا
اسيل: ههههههه معليش اتلخمت
جمال: كيفكم يا شباب
الشله سلمت عليه
جمال: حاسوق منكم اسيل عشان عازمها
خالد: ههههههههه جدا علقتها بالسرعه دي
جمال: دي انا معلقها من الطفوله واليله القدر رجعها لي
لينا: وااااو صدفه عجيبه
جمال: عن اذنكم
جمال ساقني بره الجامعه وركبنا العربيه
اسيل: ماشين وين؟؟
جمال: مطعمي المفضل م تخافي م حنتاخر
اسيل: طيب
وصلنا مطعم وشكلو جمال معروف هناك نزل لينا الاكل اكلنا وبقي بحكي لي بعد سافرنا خصل شنو والقرايه والحي
اسيل: بالجد ده كلو حصل
جمال: اييييييك واكتر حاتجي تسلمي علي ناس امي متين
اسيل: خليها بكره استأذن من قصي
جمال: تمام بكره تتغدي معانا
اسيل: ان شاء الله يلا نرجع عشان م تتأخر
جمال: جدا ارح
رجعنا الجامعه وجمال قال ماشي محاضرتو وانا مشيت فتشت الشله ولقيتهم
لينا: اوووو اختنا جيتي اخيرا
خالد: قلنا خطفوك
اسيل: هههههههههه لالا كنا قريبين من هنا
رغد: يا بت انتي حاده بتعرفي جمال ده
اسييل: اي انا وجمال اتربينا ف حي واحد وانا سافرت واخبارنا انقطعت عن بعض واليله بالصدفه اتلاقينا
احمد: والله صدفه عجيبه لكن زولك م سنقل اعملي حسابك
اسيل: كيييف؟
لينا: جمال ده كل اسبوع مع بت واسي ليو شهر مع وحده اسمها نور وخده متعجرفه وشايفه نفسها
اسيل: جمال صديق بس م عندي شغله ب نور ولا غيرها
خالد: برضو اعملي حسابك
اسيل: ان شاء الله
احمد: يا شباب المحاضره بدت
دخلنا المحاضره وانا مستغربه من جمال الكان بخجل فجاءة بقي زي م بقولو يلا وانا مالي يعمل العايز و
انتهت المحاضره اتصل اخو رغد وقال منتظرنا بره طلعنا وانا طالعه شفت جمال واقف جنمب عربيتو ومعاو بنت وشكلهم مناقشين جمال من شافني حاني جاري
جمال: اسيل وقفي
اسيل: ههههههههه شيل نفسك كدي
جمال: ههههههه خلاص ماشه
اسيل: اي يلا مع السلامه
جمال: مع السلامه حاتصل عليك بعدين تمام
اسيل : تمام
ركبت العربيه ومهند اتحرك طوالي
عند جمال؛؛؛؛؛؛
بالجد استمتعت بالفطور مع اسيل حسيتها م اتغيرت ف برائتها وعفويتها رجعنا الجامعه ونور جاتني مشحونه فل لان مفروض نفطر سوا وانا نسيت جاطت معاي وأثناء م هي جايطه شايف اسيل طالعه وحاتركبت عربيه مع صحبتها خليت نور بتتكلم وجريت عليها كان نفسي اقول ليها اوصلك بس خفت عليها من نور تعمل ليها مشكله ودعت اسيل ورجعت لنور
نور: والله دي الجديده يعني
جمال: نور قلت ليك دي صديقة طفولتي وعزمتها فطور ف شنو
نور: وانا انا خلاص
جمال: كن م طريقتك دي معانا بالجد حانكون خلاص
نور: كلو عشان شنو
جمال: عشان انا خر ف تصرفاتي فهمتي واسي انا ماشي
نور: طيب امشي لكن م تنسي انت حقي
جمال: اسمعي انا م حق زول تمام
دورت عربيتي وفحطت ف نور ومشيت محل الشيشيه البطلع فيو زهجي وانا بفكر ف اسيل
عند اسيل: ::::
مهند: شنو يا اسيل م بتتونسي معانا مالك
اسيل: لا بسمع فيكم بس
مهند: اها يومك الأول كيف
اسيل:حلو والله
رغد: اكيد حلو لأنها لاقت صديق طفولتها بالصدفه
مهند: جد والله كلام
اسيل: تصدق
مهند: القدر ولعبو
اسيل: اي والله
رغد: اسيل اليله حاتتغدي معانا
اسيل: م بقدر والله لاني باكل مع قصي
مهند: نعزم قصي زاتو
اسيل: طيب
رجعنا البيت خشيت استحميت وصليت واتصل علي قصي
اسيل: حبيبي وين
قصي: شويه وطالع مهند عازمنا غدا امشي قدامي وانا حاجي
اسيل: تمام
لبست لي عبايه وكنت عامله صينيه فراخ سخنتها وشلتها ومشيت ناس رغد فتح لي مهند
مهند: اتفضلي شنو التعب ده
اسيل: حاجه بسيطه
دخلت وسلمت علي امهم وقعدنا تتونس شويه كده وجا قصي اتغدينا وسوينا القهوه شربنا للمغرب طلعنا شقتنا
قصي دخل غرفتو وانا دخلت بدلت ملابسي ومشيت الصاله فتحت التلفزيون جاني قصي
قصي: اها يوم الاول كيف
اسبل: حلو شديد وم حاتصدق لاقيت منو؟؟
قصي: منو؟؟
اسيل: جمال محجوب
قصي: جمال محجوب الواحد داك
اسيل: تصدق
قصي: انتي عارفه ده من يوم سافرنا تاني م شفتو
اسيل: هو زاتو م قايلك انت قاعد هنا
قصي: والله كلام
اسيل: وبكره عازمني اسلم علي اهلو
قصي: طيب امشي وانا بجيكم هناك
اسيل: تمااام
قصي: انا طالع مع اصحابي م حاتاخر قفلي كويس تمام
اسيل: تمام خبيبي خلي بالك من نفسك
قصي: وانتي كمان
قصي طلع وانا فتحت شيتاتي راجعت حبه جاتني مكالمه من جمال
اسيل: الو كيفك
جمال: تماام الحمدلله وانتي
اسيل: كويسه الحمدلله
جمال: بتعملي ف شنو
اسيل: ولا شي كنت بقرا
جمال: ظابط يا زوله
اسيل: وانت ؟؟
جمال: انا حيت البيت وحكيت لناس البيت اني لاقيتك وهم متشوقين اشوفوك
اسيل: وانا كلمت قصي وهو قال لي امشي وهو زاتو بجينا
جمال: ظابط حاتنومي ؟؟
اسيل: اي لاني مرهقه
جمال: تمام تصبحي علي خير
اسيل: وانت من اهل الخير
قفلت من جمال ورجعت اقرا جاتني رساله من رقم
[ شرفتينا اليله ]
اسيل: [ منو معاي؟؟]
[ مهند]
اسيل[تسلم كتير]
مهند[اسف لو شلت رقمك بدون اذنك بس حبيت نتواصل]
اسيل[ماف مشكله ]
مهند[ بتعملي ف شنو]
اسيل[ قاعده اقرا]
مهند[ بالتوفيق لو حابه مممن اشرح ليك مع رغد]
اسيل[ ماف مشكله ]
مهند[ طيب م اعطلك تصبحي على خير ]
اسيل: [ وانت من اهل الخير]
قفلت التلفون وقفلت الشبتات ونمت
بلسان مهند:::
اليوم اتعرفت علي اسيل حسيت بيها انسانه هادئه وكنت مستغرب من سكوتها ولمن رغد حكت لي قصتها والمرت بيو زعلت شديد لأنها صغيره علي كل ده وفي الغدا كانت بتتونس وتضحك بس ظاهر انو من ورا قلبها شلت رقمها من رغد لاني حسيت اني ممكن اخفف عليها لأنها تستاهل الفرح