رواية مغامرات ابناء العاصي الجزء الثاني من العاصي الفصل السادس والثلاثون36والاخيربقلم كنزي حمزه
صعدوا اليهم وهي مازالت مصدومه من كلماته، ألهذا الحد هو مرتبط بهذه المنطقه الشعبيه؟ بل و يريدها ان تستقر هي الاخري هنا معه، دلفوا اليهم لتتقابل عينها بعين والدته التي فتحت لها ذراعيها واحتضنتها بكل حب وفرحه لهما
روقيه: لاء انتي من هنا ورايح هاتقوليلي يا مامي زي غمزه وغزل بالظبط، اومال ايه مش هتبقي مرات ابني، يعني هتبقي بنوتي الصغيره ههههههههه
دانا: ربنا يخليكي ليا يارب
غمزه: الف مبروك النجاح ياحبيبة قلبي و ربنا يهنيكم انتي وعدي يارب
غزل: الف مبروك يا دانا والله لايقين علي بعض انتوا الاتنين
دانا: ميرسي اوي ليكم، ربنا يخليكم ليا، اومال فين زين وفين البنات
غمزه: زين جوه في اوضته مع عاصي والبنات فوق في شقتنا
دانا: طب عن اذنكم انا هادخل اسلم عليه
روقيه: اتفضلي طبعا يا حبيبتي
دقت باب الغرفه ودلفت الي اخيها تحت نظرات ذلك اللذي يقف يستند علي الجدار وهو يضع يديه في جيب بنطاله، فتحت باب الغرفه ورأت امامها اخيها
زين: دانا تعالي يا حبيبتي، الف مبروك
دانا بزعل: ياسلام يا خويا، انت لسه فاكر، طب كنت حتي اتصل بيا
ليصيح عاصي: ههههههههه معلش بقي ماهو كل واحد كان بيطمن علي اللي ليه، مبروك يا دانا
دانا: بقي كده، ماشي ياعم، علي العموم الله يبارك فيك يا عاصي وانت بقي مش هقولك الله يبارك فيك، هه بس
زين: هههههههه طب ماتزعليش اوي كده، حقك عليا يا حبيبتي، اومال انتي جيتي مع مين، بابا ولا عدي
عدي: لاء جات معايا انا وعلي فكره عاصي عايزكم تحت
دانا: طب انا هاطلع فوق عند البنات بقي
زين: ماشي يا حبيبتي اطلعي وانا هبقي اخدك اروحك
اومئت له برأسها وتركتهم وذهبت بعد ان حدقته بنظره لائمه علي كل كلامه معها
زين: مالك انت كمان، مش كنت نازل من هنا مبسوط انها مستنياك عشان تشوفلها النتيجه، ايه اللي حصل
چلس علي المقعد امامهم وهتف بغضب: الهانم مش عايزه تعيش هنا بعد الجواز، عايزه ڤيلا جنب مامي، اختك عايزاني اسيب شغلي في الوكاله واروح اعيش في زايد جانبها واستني بقي المصروف من اخواتي وابويا لحد ما خلص الكليه بعد ٦ سنين، شوفت الهنا اللي انا فيه
عاصي وهو يضحك بسخريه: ههه طب كويس انك جيت عشان تنضم لاخواتك
عدي: انضملكم، ليه في ايه
زين: مش تباركلي يا عدي مراتي جالها عريس
عدي: نعم، ايه إللي بتقوله ده يا زين، انت اتجننت ولا ايه؟
زين: والله زي مابقولك كده، المدرس بتاعها جبلها النتيجه وجيه يخطبها النهارده
عدي: لالالا، اوعي يابني، هو انا ناقص جنان، طب وانت بقي زعلان ليه انت كمان
عاصي: انا، لا ماتخدش في بالك اصل الهانم كانت نازله في اللي الاحتياطي لاختها ولما قولت لابوك هاعمل فرح في الشارع، ثارت وقعدت تعيط زي ما يكون قرصها تعبان
عدي: ههههههههههه فرح في الشارع ايه يا مجنون انت، هو لسه في حد بيعمل افراح في الشارع
عاصي: اه يا جدع كل شباب الجماليه بيعملوا افراحهم في الشارع
عدي: يابني دي بتبقي ليلة الحنه وتبقي كلها شباب بس ولا انت ناوي تعمل كده وتنزلها تقعد جانبك
عاصي: تنزل فين، لاء طبعا دي بتبقي فرحه شبابيه
عدي: زين هو الواد ده اهبل ولا مجنون
زين: من ده علي ده، تعالوا اما ننزل لابويا ونشوفه عايز ايه هو كمان
/////////////////////////ا
صعدت اليهم ودفت لهم غرفتهم وهي حزينه ولكنها تبدل حزنها عندما رأتهم
دانا: ازيكم يا بنات
تيا وليا: داناااااااااا
ليا: كويس انك جيتي تقعدي معانا
تيا: الف مبروك النجاح ياستي، ثم غمزت لها بعينها، والخطوبه كمان
دانا: مش باينلها خطوبه ياتيا، وتنهدت بقلة حيله وجلست علي الفراش
ليا: الله مالك انتي كمان
تيا: اوعي تقولي انك زعلتي انتي وعدي، انتوا لسه مالحقتوش تتخطبوا اصلا
دانا: عدي تفكيره صعب اوي ياتيا، لازم اللي في دماغه هو اللي يمشي
ليا: ليه هو حصل ايه
دانا: يا ستي بيقولي ان احنا قدامنا سنه ونتجوز قولتله ماشي، لقيته بيقولي هيهد ويبني ومش عارفه ايه واكتشف في النهايه انه عايز يقعد هنا في الجماليه بعد الجواز
تيا: مالها بس الجماليه يابنتي، ماحنا طول عمرنا عايشين فيها
دانا: شوفتي انتي قولتي ايه، انا بقي طول عمري عايشه في زايد، عايزاني ازاي بس اعيش هنا، وفي الاخر يقولي احنا لسه في الاول وفكري قبل ما نعمل الخطوبه
ليا: طب ماتزعليش كده، اكيد بابي هيحلها، اومال لو عرفتي الباشا بتاعي ناوي يعمل ايه
دانا: ليه ناوي يعمل ايه تاني سي عاصي بتاعك ده
ليا: الحيوان عايز يعمل فرحنا في الشارع
دانا: ههههههههههههههه ايه بتقولي ايه ههههههههههههه مش معقول، بجد الكلام ده
تيا: هههههه اه بجد ومن ساعتها وهي عامله زي المجنونه وعماله تصرخ
ليا: اسم الله عليكي ال يعني انتي اللي مش زعلانه
دانا: وانتي كمان زعلانه ليه
ليا: هههههههه اصل جالها عريس وزين ضربه وقلب عليها وقعد يزعقلها
دانا: هههههههههه طب والله التلاته مجانين
///////////////////////ا
جلسوا الثلاثه امامه في الوكاله وهتف فيهم بغضب
عاصي: ممكن افهم انتوا ايه الطريقه اللي بتعاملوا البنات بيها دي
زين: عايزيني اعرف ان فيه عريس جاي لمراتي وافرح، طب ماروح اباركلها بالمره
عاصي: يابني ادم وهي ذنبها ايه، عادي يعني موقف وحصل وضربت المدرس، مالوش لازمه بقي تنكد علي نفسك وعليها، وانت يا فقري
عاصي الصغير: مالي انا كمان، انا عايز اعرف اصلا الهابله اللي فوق دي عامله مناحه علي ايه
عاصي: يا حمار بقي في عروسه يتعملها فرح وماتحضروش
عاصي الصغير: مانت عارف ان الافراح دي بتبقي للشباب بس ومفيش بنات بتحضر فيها
ليصيح حمزه: طب ورافض ليه يتعمل فرح في فندق يا حيوان انت
عاصي الصغير: ياعم ماليش انا في جو الفنادق ده
عاصي: ولاااااا بقولك ايه، اظبط كده، قولت عايز تعمل فرح في الشارع قولنا ماشي لكن بنتي لازم يتعملها فرح في اكبر فندق فيكي يا بلد وتلبس احلي فستان فرح، يا كده يا تنسي الجوازه دي من اصله، قولت ايه
عاصي الصغير بهدوء: الله هو انا قولت حاجه، نعملها فرح طبعا بس ماتبقاش عنيف كده
حمزه: هههههههههه نيجي بقي للباشا الصغير اللي لسه ماقرأناش حتي الفاتحه وشكله قالب الدنيا، خير يا استاذ عدي
عدي: لاء اطمن شكلكم مش هتقروها
ليصيح والده الصامت حتي الان: هو لعب عيال ولا ايه ماتتعدل ياض في كلامك كده، مش هي دي اللي كنت بتعيط عشانها، جاي دلوقتي تقول مش هتقرا فتحتها
عدي: ماهي اللي رافضه انها تيجي تعيش هنا بعد الجواز وال عايزه تعيش جنب مامتها
عاصي: وانت مين اللي قالك انكم هتعيشوا هنا بعد الجواز، اصلا انا عامل حسابكم انتوا التلاته، كل واحد في ڤيلا صغيره جنب ڤيلتنا
عدي: وانت مين قالك اني عايز اسيب الجماليه، انا قولتلك اني عايز اهد بيت جدتي وابني مكانه عماره كبيره وهاخد ليا شقتين فوق بعض وافتحهم علي بعض من جوه عشان لا اسيب ابويا ولا شغلي في الوكاله، لكن تيجي انت تقولي ڤيلا وابعد عن هنا، لا شكرا مش عايز واللي ماترضاش بعيشتي دي انا كمان مارضاش بيها
ليهتف زين: الله ما تحترم نفسك ياض وماتنساش انها اختي انت ايه؟ شايفنا بنرميهالك ولا ايه؟
فضالي: بس انت وهو، انتوا هتتخانقوا قدامي ولا ايه؟
وكالة ايه اللي عايز تفضل فيها يا دكتور؟ انت تركز في كليتك وبس وعروستك اصلا مش واخده على العيشه هنا، يبقي ماينفعش تيجي تقولها انقلي حياتك كلها وغيريها عشاني
عدي: اه اركز في مذاكرتي وبس، اتجوزها في الڤيلا اللي اخويا جابهالي واستني بقي كل اول شهر عشان اجي امد ايدي واخد منك المصروف، مش كده؟ وبعدين تعالوا هنا، مانا امي واخواتي البنات طول عمرهم كانوا عايشين في الإمارات، ماقالوش كده ليه؟
عاصي: يابني افهم، امك واخواتك البنات ظروفهم كانت غير كده خالص، دول لما جم الحته هنا كانوا جايين طالبين الحمايه
عدي: اناعارف كل الكلام ده، ماتدخلونيش في حوارت، انا شغلي في الوكاله مش هاسيبه ومش هاسيب ابويا والعماره هاتبنوهالي وده اللي عندي
فضالي: يااخي الله............... ابوك
/////////////////////////////ا
اخذها اخيها بعد سهرتها مع زوجته وأختها وذهبوا الي ڤيلا ابيهم وداخل السياره دار بينهم هذا الحديث
دانا: بجد يا زين حرام عليك، طب هي ذنبها ايه تزعل منها وتمشي من غير ما تسلم عليها
زين: ماتخديش في بالك يا حبيبتي، هي عارفه اني لما اروق هاكلمها، انتوا بقي ليه قلبتوا علي بعض كده، طب كنت استنوا حتي اما نقرا الفاتحه
دانا: يا زين هو انا لحقت دانا بقوله انا مقدرش اعيش هناك على طول لقيته قلب مره واحده
زين: بصي يا دانا، عدي بالذات مرتبط بأبوه وامه جدا، وابوه اكتر كمان والوكاله من صغره وهو بيشتغل فيها وبصراحه كده عامل زي السمك مايقدرش يبعد عن المايه، وانتي لو بتحبيه يبقي لازم تتقبلي طبعه وتغيري حياتك عشانه
دانا: يا سلام واشمعني انت هاتجيب لتيا ڤيلا
زين: لأني ببساطه مش ابنهم، انا ابن العميد احمد السيوفي يعني مش هاروح اقول لبابا عاصي اديني شقه في الجامليه اتجوز بنتك فيها، فهماني يا دانا
دانا: ايوه يا زين فهمتك وبصراحه انا لما فكرت في كلامه لقيت انه معاه حق وكبر في نظري اكتر عشان مش عايز يسيب شغله في الوكاله وهو بيدرس ويخلي حد يصرف علينا بعد الجواز
زين: عين العقل يا حبيبتي، يبقي لازم بقي تكلميه وتقوليله الكلام ده، عشان هما المفروض جايين يقرأوا فتحتك بكره
دانا: لما نوصل هابقي اكلمه واقوله
//////////////////////////ا
كانت جالسه بجانب خالتها وتحتضن الصغيره علي قدمها
غزل: يابت ماتخافيش داحنا هانعملك احسن فرح وتلبسي احلي فستان كمان
ليا: والنبي تسكتي، ماتجنينيش، انتي مش سمعتي المجنون ابنك قال ايه
جن لما يلخبطك، احترمي نفسك واظبطي بدل ما اظبطك انا :قالها ذالك المشاغب وهو دالف إليهم
ليا: يخرب بيتك انت بتطلع منين، شايفه ابنك يا غزل
غزل: ولا اتلم، احنا مش قولنا هتبطل طريقتك دي معاها
عاصي: استني والنبي قبل ما تعيطي وتنكدي علي امي اللي قاعده جانبك دي، ابقي اجهزي بكره عشان لما ارجع من الشركه هاخدك ونروح نشتري العربيه بتاعتك وبالمره تبقي تشوفي فستان الفرح اللي انتي عايزاه
ليا بفرح وهي تتعلق في عنقه: هيههههههههه يعني هتعملي فرح في فندق يا عاصي
عاصي وهو يحملها بين يديه: هاعملك احلي فرح يا مجنونه، خليكي شاهده يا ماما هي اللي جات في حضني لحدها اهيه، هههههههههههه، وبدأ يدور بها وهي تخبئ وجهها من الخجل في عنقه
////////////////////////////ا
كانت تستعد للنوم في فراشها لتأتيها تلك الرسالة علي هاتفها منه
زين: جهزي نفسك عشان هاجي اخدك بكره عشان تروحي تجيبي عربيتك وتشوفي الفستان وكمان تشوفي الزفته الڤيلا بتاعتك يا هانم
تيا بغضب: زفته؟ لاء بقولك ايه، لو المشوار ده مضايقك كده، يبقي مش عايزه اشتري حاجه ولا اشوف حاجه
زين: مش بمزاجك علي فكره، هاتيجي تشوفي الڤيلا وربنا يقصر الايام دي بقي عشان تبقي بتاعتي واخلص واقفل عليكي ميت باب
تيا بحب بعد ان حدثته: هاتحبسني يعني يا زين؟
زين وهو يكلمها: اه هاحبسك جوه قلبي يا نور عيني، بحبك يابنت العاصي، جننتيني
تيا: مش كنت متفق مع بابي ان جوازنا بعد اول سنه من الكليه ماتعدي
زين: ولا هاستني ثانيه تاني، انا خلاص مش قادر ابعد عنك اصلا
تيا: زين
زين: عيونو
تيا: بحبك اوي
/////////////////////////////////////
امسكت هاتفها وقررت ان تبعث له رساله عبر الواتس اب
دانا: نمت ولا لسه صاحي
عدي: لاء لسه صاحي، انتي ليه مانمتيش لحد دلوقتي
دانا: كنت مستنيه حبيبي يصالحني عشان زعلني منه بس للأسف لقيت نفسي مش غاليه عنده، مش في دماغه اصلا
عدي: انتي في قلب حبيبك، مش في دماغه بس، بس علي فكره انتي تللي زعلتيه مش هو اللي زعلك
دانا: طب وعشان انا زعلته بقوله اني موافقه علي اي حاجه يقولها خاصه بحياتنا سوي
عدي بفرحه وهو يقفز من علي الفراش: بجد يا دانا، قولي والله
دانا: والله يلا تصبح علي خير يا حبيبي
عدي: هههههههههه وانتي من اهله يا حبيبتي، بصي الساعه تسعه الصبح بالظبط هتلاقيني عندك، انا بحبك اوي يا روحي
دانا بفرحه من كلامه: هههه وانا كمان بحبك اوي ياعدي
اغلق معها الهاتف وجري خارج الغرفه بل خارج الشقه وهو يصيح بأسماء اخواته ويصعد علي الدرج بسرعه
/////////////////////////////ا
كان ممدد جسده علي فراشه وهي نائمه علي صدره العاري بمنامه سمراء حريريه قصيره ذات حملات رفيعه جدا ويقرب شعراتها من انفه ليسكره رحيقها الفواح ويقبل كل جزء في وجهها برقه مره وبقسوه مره
عاصي: وبعدين معاكي بقي، هاتعملي فيا ايه اكتر من كده
غمزه: ايه بس يا حبيبي، انا عملت حاجه
عاصي: انتي عملتي كل حاجه، خلتيني احبك واعشقك وسحرتيني وخلتيني ماقدرش ابعد عنك لحظه
واذا به يستمع الي صراخ اخيه من الخارج وقبل ان يقفز من علي فراشه وجده فوق رأسه هو وزوجته وحمزه يقف بالخارج هو والفتايات يتسأل لماذا يصيح هكذا
عدي بصراخ: عاصي قوم انت بتعمل ايه، دانا وافقت اننا نعيش هنا
عاصي بغضب وهو يدثر زوجته المندهشه ممما يفعله اخيها الصغير: ........... ابوك لأبو دانا، اطلع بره يا حيوان، بره كلكم يا ولاد..................
//////////////////////////////
انها التاسعه صباحا استيقظت من نومها علي صوت والدتها
دارين: دانا قومي بسرعه، عدي تحت في الجنينه، قومي شوفي جايبلك ايه
دانا: يا مامي سيبيني انام شويه
دارين: بقولك قومي يا بنت عدي تحت
دانا: عدي جيه بجد يا مامي، وقفزت من علي الفراش
لتخرج من الغرفه بمنامتها، لحقتها والدتها وهي تصيح
دارين: استني يا مجنونه، هتنزلي بالبدي والشورت كده
وقفت علي الباب وانتبهت لملابسها ونظرت الي والدتها
دارين: يلا يا حبيبتي، ادخلي خدي حمامك بسرعه والبسي وتعالي شوفي المجنون ده جيابلك ايه معاه
دانا بفرحه: طب انزليله انتي يا مامي وانا جايالكم بسرعه، وجرت الي المرحاض واغلقت الباب من خلفها
دارين: هههههههههههه طب يلا بسرعه احنا مستنينك تحت معاه انا وبابي وزين
وبعد اقل من عشر دقائق كانت تقف امام باب الڤيلا الداخلي لتراه امامها
وقفت بجانب والدتها وهي تهتف
دانا: مامي ايه الدب ده ؟؟
****يتبع****
رواية / مغامرات ابناء العاصي
الخاتمه
وقفت مصدومه بجانب والدتها خائفه مما تراه امامها وتصرخ فيه
دانا: هي دي المفاجأة يا عدي، جايبلي دب يا عدي؟
عدي بدهشه: دب، ده مش دب يا دانا، ده كلب تعالي ماتخافيش
زين وهو يلاعب هذا الكلب: ده حلو اوي يا دانا ماتخافيش منه، ده نوعه طيب جدا ومش شرس
دانا: لاء والنبي، دا شكله يخوف وكبير قوي
احمد: هههههههههه تعالي يا دانا شوفي ده جميل خالص
اقترب عدي منها وامسك يدها
وهتف: عيب عليكي اوي لما تبقي خطيبتي وتخافي انتي مش بتثقي فيا
دانا: اه طبعا بس ده كبير اوي يا عدي، طب اقولك هاتلي واحد صغير اربيه واتعود عليه براحتي
عدي: ههههههههه لاء يا حبيبتي، خطيبة عدي فضالي يوم ما تحب تربي كلب يبقي لازم يكون بالحجم ده
امسك يدها بدأت تملس بها عليه وهي تضحك وتبعد رهبة الخوف عنها
دانا: الله ده حلو اوي يا عدي
عدي: انا بعت جبته ليكي من نيوزلاندا مخصوص وعلي فكره ده هادي جدا ومش بيهجم علي حد لأنه مخصص لمراعي الاغنام بس
احمد: ههههههههه يخرب عقلك يا عدي، ايه يابني ده، انت موسوعة في تربية الكلاب
عدي: مش قوي كده يعني
زين: طب يلا بقي انا هاطلع اجهز عشان نروح نجيب للبنات العربيات بتاعتهم وبعدين يشوفوا الفساتين
عدي: طب يلا يا دانا انتي جاهزه ولا ايه
دانا: ايوه هاروح اجيب شنطتي
احمد: طب تعالي بقي نشرب القهوه سوي عقبال ما ينزلوا
عدي: اتفضل حضرتك
جلسوا سويا ومعهم دارين التي امرت الخادمه بأن تأتي لهم بالفطار والقهوه
عدي: النهارده باليل هايجي ابويا واخواتي عشان يتفقوا مع حضرتك علي كل حاجه ونقرا الفاتحه ان شاء الله
احمد: تمام واحنا هنبقي في انتظارهم يا عدي
عدي: بس انا كنت عايز اطلب من حضرتك اننا في الفرح نكتب الكتاب مع عاصي وليا
احمد: مش احنا متفقين ان السنه دي تبقي خطوبه بس يا عدي
عدي: ايوه يا عمي بس يعني انا مش حابب اني ادخل واخرج معاها كده وكل اللي بينا خطوبه بس
دارين: عين العقل يا حبيبي، وافق يا احمد، عدي كلامه صح
احمد: والله انا شايف انك اكلت عقل دانا ومامتها يا استاذ عدي، موافق يا سيدي طالما بقيتوا اغلبيه هههههههههههه
//////////////////////ا
مازال غافي في فراشه، وقفت بجانبه هي وأخته الصغيره تلكزه في ذراعه حتي يستيقظ لتصيح الصغيره
طمطم: الله هو مات ولا ايه يا ليا
ليا: بعد الشر، اخص عليكي يا طمطم ماتقوليش كده تاني، ماتقوم بقي يا عاصي
طمطم: ما هو اللي مش عايز يصحي
ليا: اقولك روحي هاتي كوباية ماية ساقعه بسرعه
ذهبت الصغيره من امامها ووقفت هي تهتف له: طيب اذا كنت بقي مش ناوي تقوم من نفسك، انا بقي هقومك بطريقتي
لتجده يجذبها من يدها علي صدره وهو مغمض العينين
عاصي: طب فكري تعمليها كده وشوفي هاعمل فيكي ايه
تلجلجت هي من قربه هذا وحاولت افلات يدها من يده
ليا: ايه ده سيب ايدي، اوعي كده
عاصي بعد ان فتح عينه وهمس لها: اسيبها ليه، لسه خايفه مني
ليا: لاء مش خايفه بس ماينفعش تبقي قريب مني كده
عاصي: كلها كام يوم وماحدش يقدر يبعدني عنك يا قلبي
ليا بعد ان افلتت يدها وجلست بعيدا عنه: لاء طبعا ده كتب كتاب بس مش الفرح يعني
عاصي وهو يجلس امامها : طب ايه رأيك نخليها جواز يا حبيبتي
ليا بمشاكسه: لاء يا عاصي احنا متفقين بعد سنه، يبقي بعد سنه عشان كمان نكون جهزنا كل حاجه براحتنا
عاصي وهو يجذبها بجانبه: يبقي ماتفكريش اني هابعدك عني بقي
ليا: لاء ابعد عني
عاصي: بلاش تقولي الكلمه دي، مش عايز اسمعها منك تاني، انا لوبعدت عنك اموت يا ليا وفي حاجه كمان، مش عايز اشوف نظرة الخوف دي في عينيكي مني ابدا
اومئت له برأسها دون ان تتحدث وهي تنظر في الارض
اقترب هو منها وقرر ان يقبلها في وجنتها ولكن الصغيره قررت ان تفصل هذه اللحظه بينهم عندما ولجت اليهم وصعدت علي الفراش من خلفه وبودرها سكبت كوب الماء المثلج فوق رأس اخيها وهي تضحك
طمطم: هههههههههههه هيهه عاثي صحي اخيلا
عاصي بغضب: طمطمممممم يخرب بيت الفصلان
وقفت ليا بسرعه وجذبتها من علي الفراش واتجهت بها للخارج وهي تهتف
_هههههههههه حبيبتي يا طماطم احبك وانتي بتسحبي كده، يلا بقي البس بسرعه، انت غسلت وشك اهو، يلا يلا عشان نروح نجيب العربيه بتاعتي
//////////////////////ا
جلس داخل سيارته ينتظرها واذا بها تظهر امامه ليترجل من سيارته إليها ويمسك يدها بتملك ويفتح لها باب السياره ويجلسها بجانبه والتف حول السياره ليجلس هو الاخر في مقعده ويتولي القياده
زين: مفيش صباح الخير حتي
تيا: لاء مفيش عشان زعلانه منك
زين وهو يمسك يدها ويقبلها بحب: ليه احنا مش اتصالحنا امبارح في التليفون
تيا: بس ماتصالحناش علي انك تمشي وتروح تبات في الڤيلا بتاعتكم وانت زعلان مني علي حاجه انا ماليش ذنب فيها اصلا
زين: كان لازم اروح دانا وماتحاوليش تفتحي الموضوع ده يا تيا تاني عشان بجد بيثير غضبي وممكن اقول حاجه تزعلك
تيا بغضب: هاتقول ايه يعني ها، ما تتكلم قصدك ايه
زين بغضب وصراخ في وجهها: خلاص بقي قولتلك، قفلي علي الزفت الموضوع ده
صمتت بغضب ولم تتحدث ولكن عبراتها قررت ان تتلاعب بمشاعره
زين بهدوء: بطلي عياط ونكد يا تيا لو سمحتي
لم تعطيه جواب واضح ليوقف سيارته بجانب الطريق واذا به يضع يده تحت ذقنها لتلتفت اليه
زين: ممكن اعرف لازمته ايه النكد ده دلوقتي، قولتلك خلاص الموضوع خلص وما تحاوليش تفتحيه تاني، بتنكدي علي نفسك وعليا ليه دلوقتي؟
تيا بشهقات متفرقه: عشان انت جيه في تفكيرك اني ممكن اتكلم او حتي افكر في حد غيرك
زين بهدوء: يا سلام، علي اساس انك دخلتي جوه دماغي وعرفتي انا بفكر في ايه، لاء طبعا يا حماره انا عمري ما افكر في حاجه زي دي
تيا: اومال زعلت مني ليه ومشيت وسيبتني
زين: زعلت عشان غيرت لما فكرت ان الحيوان ده ممكن يكون بصلك او فكر فيكي بطريقه الرجاله بس هما اللي يعرفوها وانتي عارفه انا بحبك اد ايه
تيا: وانا كمان والله ومعرفش هو ليه فكر في حاجه زي كده
زين: خلاص يا حبيبتي اهو غار في داهيه وخد جزاءه كمان قبل ما يمشي دا انا اديته حته بوكس في وشه هههههههههه
لتضحك هي الاخري وهي تمسح عبرتها بطفوله
تيا: طب يلا بقي عشان نروح نشتري فستان الفرح بتاعي
زين: حاضر يا عيوني، امتي بقي اليوم ده يجي عشان نبقي مع بعض على طول
///////////////////////////////////ا
وصلوا جميعا بسيارتهم الي المول بعد ان حجزوا للفتيات سيارتهم وفي احد محلات فساتين الزفاف جلسوا الثلاث شباب ينتظروهم حتي يختاروا فساتينهم
زين وهو يتوسطهم: بقالنا ساعه قاعدين وقبلها ساعتين بيختاروا، هما مش هيخرجوا بقي
عاصي بصوت مرتفع: انا زهقت، بت يا ليا وربنا لو ماخرجتي دلوقتي لدخل اجيبك من شعرك، انا بقولك اهو
عدي: شششش وطي صوتك يا بني ادم، انت فاكر نفسك واقف في الوكاله
زين: هههههههه بس تصدق معاه حق، ما هي حاجه تزهق بصراحه
وقفوا الثلاثه متصنمين عندما رأوهم امامهم
كانت ليا تلبس فستان ذهبي اللون ضيق من علي الصدر يصل ضيقه الي خصرها، منفوش بالتل الذهبي ولكنه كان عاري الصدر وكانت تغطي كتفها وصدرها بشال ذهبي
انتفض عاصي بغضب وامسكها من رسغها لتصرخ هي
ليا: قبل ما تتنرفز ولا تعمل اي حاجه، هيتقفل وهلبس عليه الحجاب والله
عاصي: يبقي ماتخرجيش من جوه اصلا كده ادخلي قدامي،
دلف بها الي داخل بروڤة المحل ووقف امامها ينظر لها
ليا بغضب: خلاص روح هناك انا هاقلعه وابقي شوف بقي الفستان اللي عايزني البسه واشتريه وخلاص
عاصي بهدوء: شيلي الشال ده كده
نظرت له بأستغرب ليجذب هو الشال من علي كتفها ويشير بيده للفتاه التي تعمل بالمحل
عاصي: لو سمحتي الفستان ده ينفع يتقفل من الصدر والكمام بقماش تقيل ومش يبين حاجه
الفتاه: ايوه طبعا يا فندم، ينفع
عاصي: ماشي هنشتريه
اومئت له الفتاه وذهبت حتي تحضر له ما طلبه
ليا: بجد يا عاصي يعني عجبك
عاصي: زي القمر يا بنت اللذينا، انتي هتبقي احلي اميره يوم الفرح
وقفت دانا هي الاخري بفستان وردي اللون ذو اكمام طويله من خامة الدانتيل المنفوش، احب عدي جمالها الهاديء وهو يقف امامها
عدي: بسم الله ما شاء الله، جميل اوي يا دانا
دانا: بجد حلو وانت يا زين ايه رأيك
لم يلتفت اليها، لم يكن معهم اصلا فهو كان يقف كالمسحور امام ملكة قلبه التي كانت تطل له بالفستان اﻻبيض ذو الكرستيلات الفضيه والمنفوش بقوه وذيله الطويل من خلفها
زين وهو يقف امامها ويمسك يدها: مين دي
تيا بمرح: دي حبيبتك تيا
زين وهو يحملها ويحتضنها امامهم جميعا: لاء دي مليكتي انا لوحدي، وصاح وهو يدور بها وسط المحل
_بتاعتي انا لوحديييييي
تيا وهي خجله جدا مما يفعله زوجها: كفايه يا مجنون الناس بتتفرج علينا
زين: ههههههههههه طب يلا روحي غيري بسرعه عشان نروح قبل ماحد يحسدنا بقي
//////////////////////////////////////ا
وبعد مرور شهر بالكامل
اليوم هو يوم عقد قران ليا الذي صمم ذلك العنيد و شاء ان يكون في المسجد الذي يصلي فيه جده، وبعده يقيم ليله فرح للشباب فقط يرقصون فيها ويشعلون الشماريخ علي اغاني المهرجانات
و وقفت الفتيات ووالدتهم وجدتهم ودارين ودانا واسراء وابنتها مي الذين اتوا اليهم ليشاركوهم فرحتهم فوق سطح البيت ليروا كم الشباب الهائل الذين يأتون للمباركه لعاصي وعدي
مي: الف مبروك يا بنات والله المجنون ده عامل فرح جميل، مبروك يا ليا
ليابغضب: سيبوني في حالي، شوفتوا المجنون ده قالع قميصه وبيعمل ايه؟ ده بيرقص بالسيف بتاع بابي وسط الشباب ولا التاني الي بيرقص بالشماريخ ده؟
دانا: ماله ياختي التاني، طب والله شكلهم جميل والفرح حلو اوي
تيا: هههههههههه الحقي يا مامي بصي زين بيرقص هو وبابي وعمو حمزه وعمو احمد
روقيه: الله اكبر عليهم والله الفرح حلو اوي
اسراء: ما شاء الله عليهم، الف مبروك يا غمزه، مبروك يا غزل
غزل: الله يبارك فيكي يا حبيبتي، عقبالك يا مي
غمزه: امتي بقي هنفرح بيكي يا مي
اسراء: هانت شهاب اتفق مع باباها علي اول الدراسه
دارين: الف مبروك ياحبيبتي، ربنا يهنيهم كلهم يارب
وبعد انتهاء الحفل وذهاب كل المدعوين صعدوا جميعا اليهم وهم يضحكون
احمد: والله يا واد ياعاصي كانت ليله حلوه، انا عمري ما حضرت فرح زي ده ابدا ههههههههه
عاصي الصغير: شوفتوا، اهو سياده العميد بنفسه مبسوط بالليله
حمزه: بجد كانت ليله حلوه، مبروك يا حبيبي
عدي: قبل ماتقوله مبروك، تعالي يا زين نقلب الواد ده، ده لم كمية فلوس النهارده
زين وهو يغمض نصف عينه: اه ياض ياعدي، بص متبت علي الشنطه ازاي، ورينا ياض الشنطه دي كده
ليشهر الاخر سيف عمه في وجههم بمرح ويتجه خلف ليا الجالسه وهو يفتح سحاب تلك الحقيبه
عاصي الصغير: اياك حد فيكم يقرب مني، الفلوس دي بتاعت مراتي ياض انت وهو
واذا به يسقط عليها تلك الورقات من فئة المأتان والمائه جنيه ليشهقوا جميعا من كثرتها ويجلس هو امامها علي ركبتيه
عاصي الصغير: الف مبروك يا حبيبتي، دول بالظبط مائة الف جنيه الشباب اللي كانوا جاين ليا، دول كلهم جايين يردوا واجب انا عامله معاهم، عرفتي ليه بقي انا كنت مصمم اعمل الليله دي
اومئت له برأسها وهي فرحه جدا مما فعله
وربط جده علي كتفه
فضالي: جدع زي ابوك وعمك، مبروك يا واد الف مبروك
وقف امامه وبدوره احتضنه وهتف: الله يبارك فيك يا جدي
//////////////////////////////////////ا
اليوم هو يوم فرحهم، الكل يستعد لذلك الحفل المهيب الذي اقامه العاصي الكبير في افخم فنادق القاهره ويأتي إليهم كبار رجال الدوله وكبار رجال الاعمال
عاصي وحمزه واحمد امام باب القاعه الكبيره يرحبون بالمدعوين و اذا به يقف بغضب اما تلك التي ظهرت امامه بفستان سماوي اللون ضيق علي جسدها، ذهب اليها وهو في قمة غضبه
حمزه: ايه اللي نزلك لوحدك وايه اللي انتي لابساه ده اصلا
غزل: والنبي ياحمزه تسكت، انا تعبانه ومش نقصاك
حمزه: ايه مش نقصاني دي يا هانم، ومالك تعبانه فيكي ايه
غزل: انت اللي مالك بس يا حبيبي بتزعق كده ليه
حمزه: انتي مش شايفه الفستان اللي انتي لابساه ولا ايه
غزل: ماله بس الفستان، ماهو طويل ومقفل خالص اهو
حمزه بغضب: ماله ايه، دانتي زي القمر فيه، الرجاله هايكلوكي بعيونهم ياغزل، اقعدي جنب امك هنا وعالله تتحركي، انتي فاهمه؟
غزل: حاضر يا حمزه حاضر
دق علي كتفه اخيه ليلتفت اليه
عاصي: يلا يا حمزه عشان نطلع نجيب البنات من فوق
حمزه: ماشي يلا
وصعد هو اخيه وصديقه إليهم، دلفوا اليهم الغرفه وامسك عاصي تيا بفستانها الملائكي واتجه بها للخارج، فعل احمد مثله مع دانا، كما خرج بعدهم حمزه وهو يمسك ليا ولكن ما اثار فضول ذلك العاصي الكبير هو انه لم يري زوجته حت الان
خرجوا هم الاثنان بعد ان ذهبوا
وهتفت دارين: ههههههههه والله انتي جبانه، بتستخبي منه زي الاطفال
غمزه: اسكتي يا دارين، ده ممكن مايخلنيش احضر فرح بناتي لو شاف الفستان ده، انا مش عارفه ازاي سمعت كلامكم بس وجبته
دارين: هههههههههههه طب يلا بينا نلحق الزفه يلا
/////////////////////////////////////ا
بدأ حفل الزفاف واخذ كل عريس عروسته من ابيها ومازال هو يبحث عن تلك المختفيه عن اعينه
عاصي: بوده مامي فين، انت ما شوفتهاش؟
بوده: لاء يا بابي، اوعي بقي انا هاروح اتصور معاهم
وقف احمد خلفه: يلا يا عاصي المأذون جيه عشان يكتب كتاب عدي ودانا
عاصي: هه طيب هي مراتك فين، ما شوفتش غمزه؟
احمد: دارين وغمزه كانوا لسه قاعدين هنا تلاقيهم راحوا الحمام ولا حاجه
عاصي وهو يتلفت حوله: طيب يلا بينا
_اطلعي بقي يا ختي، هتفضلي مستخبيه تحت الترابيزه كده؟ :هتفت بها غزل الجالسه بجانبها
غمزه: اسكتي خالص انتي وهي، والله المجنون ده لو زعقلي ولا عمل حاجه تكسفني، ذنبي هيبقي في رقبتكم
جلس عدي امام احمد ووضع يده في يده وكان الاخوان شهودا علي عقد القران وسط فرحة ابيهم، واخيرا صاح المأذون بجملته الشهيره: بارك تلله لكما وبارك عليكما وجمع بينكم في الخير، ليجذب عاصي الصغير ذلك المنديل بمرح وهو يهتف للشباب
عاصي الصغير: عدي اتجوز يا جدعاااااان، ليحملوه الشباب بين يديهم وتصيح الزغاريط ويبدأ الdj في صيحات الاغاني
التفت عاصي الي حمزه بغضب وهتف: الله هي غمزه فين، انا مش شايفها من الصبح
حمزه: في ايه يابني، ماهي واقفه مع غزل والعرايس هناك اهي
كانت تقف معطيه له ظهرها واذا بها تجد من يجذبها ويلفها اليه بقوه
غمزه بخوف: عععععاصي والنبي اعمل اللي انت عايز تعمله بعد الفرح بس سيبني افرح ببناتي والنبي
عاصي وهو منبهر من جمالها: يخرب بيت جمال امك احمر يا غمزه، احمر لاء واكمامه تل كمان
غمزه: والله تحتيه بدي، ايدي مش باينه اهو، بس عشان خاطري ماتعملش حاجه الا بعد الفرح
عاصي: امشي روحي اقعدي علي التربيزه اللي انا قاعد عليها وماتتحركيش من جانبي، انتي فاهمه؟
غمزه: طب خليني مع البنات شويه
عاصي بصوت شبه مرتفع: يلا يا غمزه
ذهبت من امامه وحي محنية الرأس وجلست بجانبه الي ان انتهي الحفل اخيرا وجذب زين تيا ليصعد بها الي جناحهم بينما ترك ذلك العاصي الجميع خلفه، من يذهب يذهب ومن يجلس يجلس، وجذب تلك المسكينه من خلفه يذهب خارج القاعه متجه الي ريسبشن الفندق
غمزه: انت موديني علي فين، طب استني لما البنت تطلع الجناح بتاعها
عاصي: تعرفي تسكتي خالص، وقف اخيرا امام موظف الاستقبال وهتف: لو سمحت عايز احجز جناح
الموظف: تحت امر حضرتك يا فندم، كام ليله
عاصي: ٣ ليالي
اندهشت هي مما قاله ووقفت تنظر امامها كمن سقط عليها دلو ماء كبير وبعد ان اخذ منه المفتاح امسك يدها واتجه بها الي المصعد ودلف بها داخله
عاصي: اقفلي بوؤك، مالك مصدومه كده ليه؟
غمزه: انا، انت بتهزر صح، بنتك فرحها النهارده وانت بتحجز جناح ٣ ليالي، طب هطمن علي بنتي امتي
عاصي وهو يحملها ويخرج بها متجه الي جناحهم: عايزه تطمني عليها ازاي، هي مع حبيبها دلوقتي، ركزي انتي بقي مع حبيبك شويه بالفستان اللي جنني ده
غمزه بعد ان دلف بها الي داخل الجناح: اوعي تقرب من الفستان، انا مش معايا لبس هنا، لو اتقطع هالبس ايه؟
عاصي وهو يقترب منها ويحتضنها جيدا: مش مهم خالص لبس يا حبيبتي، اصلا مش هانحتاجه في حاجه
ليحملها مره ثانيه ويتجه بها الي الفراش ليتمم ليله من لياليهم التي لم تنتهي ابدا الا بكل حب
///////////////////////////////ا
واخيرا دلف بها الي جناحهم وهو يحملها علي ذراعه بفستانها الابيض ويغلق الباب من خلفه وينزلها امامه بكل رقه
زين: مبروك يا حبيبتي، اخيرا بقيتي معايا وفي حضني،
تعالي يا حبيبتي وانا هاساعدك
اقتربت منه في هدوء وبدأ هو يفك طرحتها وحجابها وهو يمطرها بقبلاته الحاره جدا ثم التفت خلفها حتي يجذب بيده سحاب فستانها وهو يذيب كل الجليد التي تتسلح به امامه ليسقط الفستان من عليها ويحملها بين يديه ويتجه بها الي الفراش
ليبدأوا سويا حياتهم بكل حب وشوق عاشق متيم لأبنة العاصي