رواية احببته ولكن
الفصل الثالث3
بقلم ساره محمد
شويه كده وجا طالع معاذ وشكلو تعبان
معاذ: صباح الخير
غزل: صباح النور انت كويس
معاذ: مضايق شويه من الحساسيه
غزل: حساسيه شميت حاجه ولا شي
معاذ: الغرفه فيها ريحة بوهيه جديده
غزل: طيب عندك علاجات
معاذ: اي بلعت بس م عملت شي
غزل: طيب اشرب الشاي وممكن تنقل غرفتي مافيها ريحه
معاذ: طيب
معاذ شرب الشاي ورقد ف الكنبه الجمبي بقيت مشغوله مع القرايه ومره مره اعاين ليو بقيت مركزه ف ملامحو وعروق يدو بالجد كان حلووو حسيت بنفسي مسهيه فيو قعدت اضحك مشيت غرفتي جبت بطانيه وغطيتو وهو نايم بعمق بعد ساعتين وانا لسه بقرا صحا وكان شكلو احسن
معاذ: انتي لسه بتقري
غزل: تقريبا خلصت انت كويس
معاذ: مممم احسن ما جعانه
غزل: طيب حاجهزو
معاذ: لا ارتاحي انا بجهزو
دخلت شيتاتي الغرفه ومشيت المطبخ لقيتو جهز فطور خفيف فطرنا وبقينا نتونس بالجد كان انسان راقي عدينا اسبوع وطبعا هو عند وعدو ورجعنا البيت لقينا جنان مجهزه الغدا اتغدينا وودتني غرفتي كانت ومفرشه ومنظمة غيرت ملابسي وحوني اولاد معاذ بقو يتونسو معاي وطلعنا للعشاء والعيال مشو ينومو وبقينا نتونس انا وحنان ومعاذ كان ماف شويه كده ومعاذ رجع
معاذ: كيفكم
غزل: اهلييين
حنان: جعان اجهز ليك العشا
معاذ: لا انا شبعان بعد تخلصي تعالي غرفتي
حنان: طيب
معاذ مشا وانا استغربت لمن قال غرفتو
غزل: غرفتو لي م قال غرفتنا
حنان: لاني انا ومعاذ م بنوم ف غرفه واخده الا يكون عاوزني بطلبني
غزل: كيف ولي
حنان: معاذ من اتزوجنا م كان بقعد معاي كتير معظم وقتو مسافر ولمن يجي ما بحس اني مشتاقه ليو ولمن اكون معاو بكون أداء واجب م اكتر
غزل: قريبه البشوفكم يقول متفاهمين
حنان: معاذ ماف زول بفهو هو كتوم
غزل: طيب انا ماشه غرفتي تصبحي علي خير
حنان: وانتي من اهل الخير
مشيت غرفتي وانا لسه بحاول افهم علاقة معاذ وحنان وبقيت افكر لمن نمت
عند معاذ:::"""
معاذ كان بفكر ف غزل قدر م حاول يتناسها بس بتذكر لمن كانو ف الشقه الونسه والضحك وكانت بتحكي ليو يعني خلتو يتعلق بيها واول مره يحس انو عاوزها جنمبو شويه كده وجات حنان بكامل اناقتها وحصل الحصل معاذ نام طوالي وحنان قامت استحمت ومشت غرفتها
الصباح::::::
قمت استحميت وصليت ولبست لي عبايه باللحمي وطلعت لقيت معاذ وحنان بشربو ف الشاي قعدت شربت معاهم
معاذ: اليله حاتنزلي الجامعه؟؟
غزل: اي ومن هناك عاوزه امشي اسلم علي ناس ابوي
معاذ: طيب انا خاوصلك وبعدين اجي اسوقك من أهلك
غزل تمام
معاذ: حنان اليله جهزي لي شنطتي
حنان: مسافر وين
معاذ: حامشي بيروت تلاته يوم
حنان: تمام
طلعنا وركبنا العربيه ومعاذ فجاءة مسك يدي
معاذ: انتي عارفه امس فقدت ونستنا
غزل: ههههههه بالجد
معاذ: شكلي اتعودت عليك
غزل: احم ممكن نمشي حاتاخر
معاذ: ههههههه يلا
فكا يدي وحسيت بيو مبسوط وصلني الجامعه وقبل م انزل مسك يدي تاني
غزل: احم ف حاجه
معاذ: عاوز اعمل حاجه بس م تفهميني غلط
غزل : شنو
قرب مني وباسني ف راسي
معاذ: حبيت اعمل كده
غزل: احم طيب انا حانزل
نزلت وانا خلاص جسمي هبط دخلت الجامعه وحضرت محاضراتي وطلبت ترحال مشيت بيتنا واتونست مع امي وابوي والمغرب معاذ جا اتونس معانا وطلعنا البيت مشينا لقينا البيت صاني
معاذ: شكلهم نامو
غزل: اي شكلو كده انا حامشي غرفتي
معاذ: غزل ممكن اجيك بعد شويه اتونس معاك
غزل: ماف مانع