رواية حب بعد الطلاق
الفصل الثالث3
بقلم ساره محمد
مشيت غرفتي استحميت وصليت العشاء ورقدت اقرا ف كتاب بعد زمن الباب دقه
ساره: اتفضل
محمد: سرو نمتي
ساره: لا عاوز حاجه
محمد: ممكن تعملي لي قهوه راسي عاوز يطرشق
ساره: بلعت مسكن ؟؟
محمد: ممم بس ماف نتيجه
ساره: طيب جايه
قمت مشيت المطبخ عملت ليو قهوه ووديتها لقيتو ماسك راسو
ساره: نصفي ولا كامل
محمد: نصفي
ساره: طيب اشرب القهوه دي لو م ارتحت تعال اديك حقنه تمام
محمد: طيب
رجعت غرفتي وبقيت اقرا ف كتابي لمن نمت بس صحيت بصوت التلفون لقيتو محمد والساعه ٢ ص
ساره: مالك
محمد: ساره انا تعبان تعالي
قفلت التلفون ومشيت لقيتو مضايق لمن مهبط جبت حقنه مسكنه اديتها ليو وركبت ليو درب عشان الهبوط واضطريت ارقد جنبو عشان اتابع الدرب لمن غفيت جنمبو
بلسان محمد::،:؛:،:؛
مشينا بيت اهلي وأهلي بحبو ساره اكتر مني لأنها م حصل غلطت فيهم وكمان اخوي يوسف بحبها كأنها اختو مرات بحسو بحبها اكتر مني اتغدينا وساره ويوسف مشو غرفتو وانا قلت افاتح ناس ابوي ف اني اتزوجت طبعا من كلمتهم القيامه قامت بس ساره اقنعتهم وم صدقت انتهيت من الموضوع ده رجعنا البيت وكنت حاسي ببداية صداع بلعت مسكن واستحميت وهو ماشي زايد وانا مويه م بعرف اغليها مشيت لساره وعملت لي قهوه شربتها وقلت انوم أمكن ارتاح اخدت لي غفوة بس صحيت مضايق زياده لمن جسمي مهبط م قادر اتحرك اتصلت علي ساره وجاتني ادتني حقنه مسكنه وركبت لي درب وتاني م وعيت نمت طوالي صحيت الصباح لأول مرة اشوف سارة نايمه جنمبي يعني لينا ٥ شهور مع بعض بس م حصل نامت جنمبي بقيت سرحان فيها وقدر شنو هي حلوة قبضتني بعاين ليها طوالي قبلت وشي عملت نفسي صاحي يا دوب
ساره: صباح الخير اها كيف اسي
محمد: الحمدلله احسن شكرا لانك تابعتيني
ساره: العفو خليني افك ليك الفراشه عشان تقوم تتحمم فكيت لمحمد الفراشه ولميت الادويه ومشيت غرفتي استحميت وصليت واتجهزت وطلعت عملت الشاي جا محمد لابس لبس البيت
ساره: م طالع ولا شنو
محمد: م قادر جسمي مكسر شوفي زول يحل مكاني
ساره: تمام انا طالعه الاكل ف التلاجه
محمد: طيب
ساره: يلا مع السلامه
محمد: الله يسلمك
مشيت المستشفي ومن دون الايام الشغل كتير شديد فضلت واقفه طول النهار علي رجليني للساعه ٨ انا م خلصت جاتني مكالمه من محمد
محمد: مالك اتاخرتي
ساره: اسكت والله اليله المستشفي م فضه
محمد: حاتبيتي يعني
ساره: لا م اظن بس عندي مراجعات حاعملها واطلع
محمد: تمام انا جبت اكل جاهز م تتأخري حارسك بالعشاء
ساره: تمام
قفلت من محمد جاني مروان ده زميلنا
مروان: انتي لسه قاعده
ساره: علي وشك اخلص سالم مشا
مروان: لا قاعد طيب ارح اتعشي
ساره: يا ريت والله لكن محمد حارسني بالعشاء
مروان: بختك يا عم محمد اسمعيني قدمتي ف دورة الطب
ساره: مممم قدمت ومنتظرة النتيجه
مروان: انا قدمت تركيا وانتي
ساره: برضو تركيا
مروان: ومحمد قدم
ساره: لا قال م عاوز
مروان: تمام ان شاء الله يشيلونا سوا
ساره: ان شاء الله
مروان: طيب انا ماشي عاوزه حاجه
ساره: نادي لي سالم
مروان: تمام
بقيت شغاله ف اخر تقرير وجا سالم
سالم: انا قلت طلعتي
ساره: طالعه خلاص اوصلك ولا عربيتك حات
سالم: لسه م جات ارح وصليني
ساره: تمام ارح سوق انت لاني تعبانه
سالم: ظابط
طلعنا وسالم ساق لحدي بيتهم اصلا هو ساكن ف نفس حينا نزل بيتهم وانا واصلت البيت دخلت لقيت محمد راقد ف الصاله وشكلو نايم دخلت غرفتي استحميت ولبست لي فستان اسود مع الركبه ورفعت شعري كعكعه وطلعت لقيت الأكل ف الا كياس سخنتو وجهزت السفره ومشيت صحيت محمد
محمد: مممم جيتي متين
ساره: قبل شويه يلا الاكل
قعدنا ف السفرة بناكل تلفوني ضرب وده مروان طبعا محمد بغير منو عشان هو كان بلمح زمان عاوزني
ساره: اهليين مروان
مروان: اها وصلتي البيت
ساره: ايووا اها النتيجه طلعت
مروان: لسه والله قالو بعد اسبوع
ساره: تمام يا زول وانت رجعت
مروان: راجع يا دب قلت بس اطمن عليك
ساره: لالا انا كويسه خلاص نتقابل بكره
مروان: تمام تصبحي علي خير
ساره: وانت من اهل الخير
قفلت منو ولقيت محمد سرحان
ساره: سرحان وين
محمد: كنت بقول ف نفسي لو انا طلقتك ممكن تتزوجي تاني
ساره: والله الساعه ديك القرار بكون ف يدي المهم عندي اسافر وبس
محمد: قدمتي يعني
ساره: مممم قدمت تركيا
محمد: وسالم ومروان قدمو
ساره: اي سالم قدم قطر ومروان تركيا
محمد: واشمعنا تركيا
ساره: والله م ادخلت ف حياتو هو حر
محمد: ممممم انا شبعت
ساره: بس انت م اكلت
محمد: م عندي نفس
ساره: براحتك
كملت اكلي وضايرت المطبخ وعملت كبايتين قهوه ومشيت قعدت مع محمد ف الصاله وكان عندي شغل ف الابتوب متابعاهو
محمد: سرو انا بعد بكرة حامشي اجيب مرتي حاتمشي معانا صاح
ساره: مممم بمشي
محمد: طيب ممكن تتحنني وكده
ساره: مممم طيب
بقيت شغاله ومحمد بحضر ف التلفزيون للساعه ١١ حسيت نفسي خلاص نعست قفلت الابتوب وغسلت كتابي القهوه ومشيت غرفتي نمت
تاني يوم صحيت استحميت وصليت واتجهزت مشيت المستشفي عندي كم حاله تابعتهم ومشيت الكوفير عملت حنه خفيفه وقصيت أطراف شعري وعملتو بالكبدي وعملت حمام مغربي ظبطت نفسي غايتو رجعت البيت جهزت الغدا ومشيت غرفتي لبست بجامه تلت اربع وقعدت ف الصاله شغاله بالابتوب شويه كده ومحمد جا ومن شافني بقي يصفر ويشاغل
محمد: اليله جعفر مشا وين
ساره: هههههههه سفرتو
محمد: بالجد طالعه مزه ممكن نتعرف
ساره: ساره دكتورة ومتزوجه
محمد: احم احم يا بختي بيك
ساره: هوي اتلم وامشي استحم عشان ناكل
محمد: طيب طيب
محمد استحم وجا اكلنا وعملت قهوه وهو طلع قال عندو مشاوير دخلت غرفتي لشتغلت شويه ف الابتوب ونمت طوالي
اليوم التالي كان الجمعه وماجزه
صحيت استحميت وصليت وقريت قران خبه ونضفت البيت وبخرتو وعملت الشاي قعدت اشرب جا محمد طالع وشكلو تعبان وعيونو محمرة
محمد: صباح الخير
ساره: صباح النور ف عريس بكون وشو كده
محمد: امبارح م نمت يااخ
ساره: والسبب
محمد: مشيت اقضي كم مشوار عشان مناسبة اليله وضربو لي ن المستشفي ف خاله خطيرة حات جيت داخل الساعه ٥ ص
ساره : اها خلاص اشرب الشاي أمكن تفوق ا
محمد؛ طيب
ساره: اها نطلع متين
محمد: الساعه ١٢
ساره: تمام انا عندي حاجات حاقضيها واجهز
محمد: ممكن تجهزي لي جلابيتي وكمان ف كيس بتاعك بتلقي جوه
ساره: اوووكي
مشيت غرفة محمد الكانت حايطه كالعاده ضايرتها وبخرتها وطلعت ليو جلابيتو ولقيت كيس فتحتو لقيتو جايب لي توب الزيتي ومطقم كمان شلت التوب ومشيت غرفتي اشتغلت شويه والمواعيد جات مشيت استحميت وكويت شعري وعملت ميكب خفيف ولبست التوب مشيت لقيت محمد جهز
محمد: التوب ظابط لكن
ساره: سمحه الشماعه يا اخوي
محمد؛ عاجباني ثقتك ف نفسك
ساره: لازم لازم يلا عشان م نتأخر
طلعنا مشينا لأهل محمد الوشهم حايقع منهم ولقينا خالاتو اتنين ببناتهم دخلنا سلمنا عليهم وسامعه بقولو محمد م عندو نظر ف زول بعرس ف ساره م اشتغلت بزول اتوزعنا ف العربات وانا طلعت مع سالم ويوسف وبت خالت محمد وصلنا وناس العروس كانو عاملين حفله صغيره دخلنا وضيفونا وبقينا نتونس واي زول يعاين لي ويعلق نظام مرتو وجات عرسو امانه انا م هاميني داقه الونسه شويه كده ومحمد جاب رؤي وجا وبدت التبريكات ومشيت باركت ليو وهي عاينت لي نظرة نصر م اشتغلت بيها حضنت محمد باركت ليو لمن هو اتخلع ورجعت قعدت جنمب خالتي وجا يوسف وسالم قعدو جنمبنا بقينا نتونس ونعلق ونضحك الحفله انتهت وجاني محمد
محمد: ساره م تقعدي براك اقعدي مع ناس امي
ساره: لالا م بجيني شي حارجع شقتي
محمد: ساره عليم الله م تعاندي لحدي م اجي بس
ساره: اوووف يا محمد خلاص تمام
ركبت مع ناس يوسف ورجعت معاهم للبيت وطبعا خالتي وعمي زعلانين انا بحاول ارفه عليهم قدر المستطاع ويوسف كان مبسوط اني قاعده معاهم كنت بمشي الشغل وبجي بدقها ونسه معاهم فرقت عليهم غايتو وهم م خلوني افقد اهلي اي انا اهلي ف السعوديه من عرسي تاني م جو
محمد من يوم عرسك م اتصل علي وانا م شغاله بالموضوع كتير
صحيت استحميت وصليت واتجهزت للشغل ونزلت صبحت علي ناس خالتو
الهام: اليله محمد جاي وراك
ساره: اي يا خالتي معاناها حارجع شقتي
الهام: حاتسكنو سوا؟؟
ساره: لا هو حايسكنها ف الشقه التحت
يوسف: طيب اقعدي معانا
الهام: عيب يا ولد تقعد محل راجلها قاعد
ساره: ايواا طيب انا اليله م حاجي من الشغل حامشي البيت
الهام: تمام يا بتي وانا حاجي عليك ف اليامات الجايه
ساره: تشرفي يا خالتو
ودعتهم وشلت شنطتي مشيت المستشفي عندي كم حاله انتهيت منهم العصر اذن ومشيت شقتي دخلت شنطتي جوه وبديت نضافه وعملت لي كم اكله ختيتهم ف التلاجه واستحميت ولبست لي بجامه وقعدت ف الصاله