رواية الحارث
الفصل الرابع4
بقلم ساره محمد
قصي واهلو مشو وأهل حور كانو مبسوطين وخلاص بدو يخططو للعقد وحور طلعت غرفتها بقت تتحسس وصلت الحمام استحمت وفكت شعرها ورقدت فجاءة سمعت صوت تلفون بس دي م رنة تلفونها وتلفونها اصلا اتكسر ف الحادث بقت تتحسس لحدي م وصلت التلفون شالتو وكان باين انو كبير فتحت الخط وجاها صوت قصي
قصي: يا حور قلبي
حور: ده ده تلفون؟؟
قصي: ده تلفونك جبتو ليك قبيل وقلت اكبد م حاتشيلي بالساهل عشان كده ختيتو ليك ف الطربيزه
حور: بس م كان ف داعي
قصي: من اليله اي حاجه في ليها داعي اتفقنا
جور : قصي انا م عاوزاك تتسرع
قصي: حبيبتي ماف اي تسرع والله كن علي كنت عاوز أعقد اليله واسوقك
حور: قصي والله انت مجنون
قصي: مجنون بيك والله انتي خليتني اتخيلك ف كل مكان حتي ف غرفتي بقيت اخش اتكلم براي كانك موجوده
حور: هههههههههههههه
قصي: ااااه ضحكتك بتكتلني ياخ الله يجيب يوم الجمعه سرعه
حور: قصي والله انا خايفه
قصي: من شنو ؟؟
حور: انو بعدين تندم لاني م عارفه حارجع افتح متين
قصي: حبيبي انا قلت ليك انا عاوزك كده حتي لو ما فتحتي انا راضي
حور: ربنا يساعدني ونظري يرجع عشان اقدر اسعدك
قصي: نظرك م عندو دخل بسعادتنا انتي بس سلميني قلبك
حور: سلمتك قلبي وانتهيت انت عارف انا بحاول اتخيل شكلك
قصي: احم اوصف ليك ولا اجيك بكرة تتجسسي بيدك
حور: وجاي لشنو بكره
قصي: جاي انا ورنا نسوقك السوق اجيب ليك طلباتك
حور: وانا م عاوزه حاجه والله
قصي: انا م شاورتك انا بأمرك بكره بعد تشربي الشاي بنجي عليك تمام
حور: ههههههههه تمام
قصي: اها اوصف ليك شكلي ولا تتحسسي بكره
حور: وصف لي
قصي: هههههههه طيب انا طويل واخدراني عيوني كبار وانفي مستقيم اما شفايفي تتحسسيهم براك
حور: قصي انت تافه وانا جاقفل
قصي: ههههههههههههه خلاص خلاص بطلت
يلا امشي اخدي راحتك وبكرة اجهزي بدري تمام
حور: تمام
قصي: حور بحبك
قفلت التلفون وشو وقلبها بقي يضرب دا شنو العملتو فيني يا قصي وبفت تفكر ف حياتها الجايه والحايحصل شنو لمن نامت
الصباح::،؛؛"؛
حور صحت علي صوت المنبه مشت الحمام استحمت وصلت وكانت مختارة تختار لبسها كيف نادت امها وامها طلعت ليها فستان الحكلي وطقمتو ليها وسندتها مشت صبحت علي ابوها وبشربو ف الشاي ويتونسو فجاءة التلفون ضرب
حور: ألوو
قصي: حبيبي أصبح كيف
حور: احم الحمدلله
قصي: انتي جاهزه؟؟
خور: اي
قصي: طيب نحنا قريبين ليك
حور: تمام
ابو حور: قصي شكلو ود حلال وانا كن م واثق انو حايسعدك م كان وافقت
حور: اي يا ابوي هو طيب
ام حور: ربنا يسعدكم يا بتي حانفقدك والله
حور: 😢😢انا زاتي يا أمي والله
ابو حور: خلاص م تقللبوها نكد
حور وامها ببكو والباب دقه ابو حور مسح دموعو وفتح الباب وسلم علي قصي ورنا وقصي من شافو اتخلع دخل لقا حور وامها حاضنين بعض ويبكو
قصي: يا جماعه ف خاجه؟؟
ابو حور: لا بس ام حور طالبه معاها نكد زعلانه عشان سايق بتنا مننا
قصي قعد علي رجلينو ومسك يد حور ويد امها
قصي: والله انا م احرمكم منها لو عاوزنها كل يوم اجيبها ليك بس انتي م تزعلي
ام حور: انت بس ختها ف عيونك وانا م عاوزه حاجه تاني
قصي: دي ف قلبي وعيوني وفوق راسي م تشيلي هم خلاص عايني بكيتي لي مرتي كيف
ام حور: ههههههههه لالا خلاص
قصي قعد جنمب حور وطلع منديل ومسح ليها دموعها
رنا: احم احم راعي لمشاعرنا
قصي: انتي منو يا اخت
رنا: هههههههههه خاتيه انا الجيت معاك
فصي: يا عمي نجن جانطلع عشان م نتأخر
ابو حور: طيب يا ولدي
قصي مسك يد حور وفتح ليها باب العربيه وركبو واتحركو وطول السكه ماسك يدها وهي متلجه وصلو المول ورنا بدت تشتري ف الحاجات حور م كانت شايفه حاجه بس قصي بوصف ليها انتهو من الحاجات ومشو الصائغ اشترو الدبل واشترا ليها طقم دهب وبعد خلصو خلاص ساقهم مطعم وطلب الفطور وكان باكل فيها كأنها طفل حور حست بحنية قصي اتجاها وكانت مبسوطه شديد خلصو وركبو العربيه ورنا قالت نست حاجه ماشه تشتريها نزلت منهم وبقو براهم ف للعربيه قصي قفل القزاز وشغل التكيف وقرب من حور الكانت م فاهمه شي هي انو الجو برد فجاءة قصي مسك يديها وختاهم ف وشو حور فهمتو وبقت تتحسس ف جبهتو وحواجبو وعيونو وانفو ولحيتو الغزيرة وفجاءة نزلت شفايفو الكانت مدورة وهو قرب منها وقال ليها
قصي: دي م بتحسسوها باليد
حور: ك ك يف؟؟
قصي قرب من وشها لمن انفاسهم اختلطت وهي غمضت عيونها وحست بنفسو الحار هو طوالي طبع ليها بوسه علي شفافيها وزح منها حس بنفسها م طبيعي ولسه مغمضه
تاني رجع باسها بس بوسه طويله وفجاءة الباب بدا يفتح زح منها سريع وفتح التامين لرنا وركبت وحور كانت ناشله مويه وماسكه شفافيها طول السكه وقصي كان مبسوط مسك يدها واتحركو وصلو البيت دخلها ودخل حاجاتها واستاذنو ومشو حور مشت غرفتها استحمت ورقدت ف السرير كانت بتتخيل ف الملامح الا تحسستها وفجاءة اتذكرت البوسه وبقت تضحك تلفونها ضرب
حور: ألوو
قصي: اها شعورك شنو
حور: قصي انت يوم بتكتلني بتصرفاتك دي
قصي: هههههههه عملت شنو انا بس ضقت شفايف مرتي
حور: قصي بطل ياخ
قصي: ابيييت م ببطل عاوز اقول ليك شفايفك جننتني
حور: بطل خلاص
قصي: طيب طيب انا عاوز انوم بتصل عليك بعدين
حور : طيب
قصي: م حاتقوليها
حور: شنو ؟؟
قصي: بحبك
حور: لا
قفلت التلفون وبقت تضحك ف تصرفاتو
لقراءة باقي الفصول اضغط هنا