رواية زي ماهي حبها
الفصل الخامس5
بقلم بسمة محمد
رديت عليهو الو رد على بي لهفه كدا قال لي احلامي كيفك قلت ليهو هلا وغلا الحمدلله بخير كيفك انت قال لي الحمدلله وين مختفيه كدا ولا بتسالي عن الناس قلت ليهو والله البلد مافيها شبكه علشان كدا انت ماتسال 🌝🌝قال لي والله كان عمي عيان ومع جري المستشفى وكدا قلت ليهو عليك الله واسي كيف قال لي اتوفى من اسبوع كدا 💔طبعا اتخلعت ماف زول كلمني سكت ساهي تاني استوعبت قلت ليهو البركه فيكم واحسن الله عزاكم قال لي البركه في امه محمد كيف انت مع البلد وعلى فكرة مبروك النتيجه قلت ليهو شفت نتيجتي 🥹قال لي قبل مااشوف حقتي زاتو 😂😂اها كم واحد قال لي شنو الكم واحد دا 🌝قلت ليهو الملاحق قال لي يابت انتي غبيه اقول ليك مبروك على الملاحق كيف يعني 😂جبتي جيد طبعا مااستوعبت من الفرحه صرخت ليهو في التلفون وقفلت ليهو الخط في وشو وجريت لي امي وانا بنطط ياامي ياامي قالت لي يابت مالك المات منو في الليل😂😂 دا قلت ليها ياخ موت شنو نتيجتي طلعت والحمدلله نضيفه قالت لي الحمدلله جريت لي ابوي برضو باركو لي ورجعت غرفتي لقيت كميه من المكالمات من الشله وعمر يادوب استوعبت العملتو 🌝🥹اسي اعمل شنو ارجع ليهو بي ياتو وش نتيجتو ماسالتو منها اتوكلت ورجعت ليهو بالاول رد علي طوالي قال لي الله يبارك فيك يارب 😂😂ضحكت وقلت ليهو انت معروف انك بوص الدفعه يعني ماضروري اسالك اتونسنا كدا وقال لي حتجي الاسبوع الجاي صح قلت ليهو لع البعدو ليه يابت تعالى علشان تحصلي محاضراتك مش قلتي لو نجحتي في السمستر دا حتجتهدي تاني 😂ولا كان طلس منك ساهي 😂قلت ليهو بحاول اجي خلاص قفلت منو رجعت لي مرافى عرفت نتائجهم مرافئ ومصطفى امتياز وانا واحمد جيد 😂والباقين جيد جدا.
مرت الايام يوم وبعد بكره خلاص مسافرة كنت العصريه كدا في حوشنا 🥹بعصر لي ابوي في رجلينو واتونس معاهو قال لي احلام ماتفكري انو انا جبرتك تقري كدا لكن يابتي انا بفكر في مصلحتك ومستقبلك وانا مادائم ليك عاوز قرايه تخليك تعتمدي على نفسك في الدنيا دي ماتحتاجي لي زول قلت ليهو ابوي الله يديك العافيه ويخليك لينا انا زاتو الموضوع دا نسيتو قال لي مااظن نسيتيهو لكن يابتي امنى مستقبلك اول وتاني ابقى اقري فضاءك دا كهوايه ضحكت عليهو وقلت ليهو سمح.
وانا خلاص مسافره قلبت البيت بكا انو تاني ماحاجي الا اخلص السنه التانيه شعور ولا اصعب منو.
ابوي كلم خالد وجاء وصلي الموقف ويشيل ويوصي فيني وقعد معاي لمن البص اتحرك اداني قروش قلت ليهو تسلم بس مايحتاج قال لي مامعتبراني زي محمد اخوك قلت ليهو اكيد قال لي خلاص يلا شلتهم منو وقال لي يلا ياالسمحه خلي بالك من نفسك واتحرك البص 😴انا صحيح فاهمه حركات خالد وتلميحاتو بس بقنع نفسي انو مش فاهمه 😂
وصلت وطوالي على الداخليه اشتقت لي مرافي والبنات لاقوني من باب الداخليه 😂😂تعالو شوفو الونسه والضحك ومحضرين لي العشاء اتعشنا وصليت الصلوات الفاتتني وطوالي قالو لي نومي علشان محاضراتك شلت تلفوني لقيت رساله من عمر قال لي وصلتي؟ رديت عليهو يب وقفلت التلفون ونمت
الصباح صحينا واتجهزنا ومشينا الجامعه وانا مشتااااااقه لي عمر 🥹🥹لاقيت الشله كلها سلام وونسه وضحك حضرنا محاضراتنا وانا فاتني اسبوع وطبعا نازله مدسن وسيرجي(باطنيه وجراحه) مشيت الكفتريا وكالعادة مركبه سماعاتي جاء ماهر سنيرنا دفعه عمر قعد جنبي اتونسنا كدا ويعلق على الماشي والجاي فجاءة قال لي انتي يااحلام معاكم واحدة اسمها سناء من وين 🌝قلت ليهو ليه مالها قال لي والله بس مكرش عليها 🌝طبعا اتخلعت وشوشو موقفها شنو دائما المواقف بتثبت لي انو ماف حاجه اسمها حب......