رواية الصدفة
الفصل السادس6
بقلم اسيل
عند جمال وصلو شقه حقتو ومن دخل مسك نور من يدها وجدعها ف الكنبه
جمال: ممكن اعرف لي عملتي كده
نور: عملت شنو
جمال: رسلتي صوره لاسيل
نور: انا م عملت
جمال: لا عملتي ماف غيرك عارف سري
نور: انا انا خفت انك تسيبني
جمال: ياخ انتي مريضه
نور: مريضه عشان بفكر فيك مريضه عشان بحبك
جمال: وانا م بحبك افهمي
نور: م بفهم انا بحبك وم بخليك لغيري فاااهم
جمال شال فاظه وفناها بالحيطه وقعد ف الكنبه جاتو نور
نور : حبيييي هي م بتشبهك انا البشبهك
طلعت كيس بودرة انسي الموضوع وشم يلا
جمال: م عاوز
نور: حبيبي يلا
نور بحركاتها خلت جمال يشم ورقد ف الكنبه وهو دايخ نور رقدت جنبو واتصورت معاه
عند اسيل::
كانت نايمه قصي جا ولقا رغد معاها
قصي: ماله اسيل
رغد: م تقلق كانت مهبطه ووقعت لكن اسي احسن
قصي مشا قعد جنب اسيل مسك يدها اسيل من صحت وشافتو بقت تبكي حضنها
قصي: اشششسشس روقي حبيبتي مالك
اسيل: قصي انا عايزه ماما عايزاها
قصي: حبيبتي عليك الله روقي
اسيل بقت تبكي وقصي يهدي فيها لمن راقت
قصي: جبت ليك فيتامينات بتقويك تمام
اسيل: ممممم
قصي: يلا انا حبت غدا نأكل وتاكل معانا رغد
رغد جهزي الغدا
رغد : طيب
قصي: يلا قومي غسلي وشك
اسيل مشت الحمام غسلت وشها والباب دق قصي فتحو لقاو مهند
قصي: اتفضل
مهند: حبيت اطمن علي اسيل
قصي: كويسه عاوزين نتغدا تعال اكل معانا
مهند: انا سبقتكم والله
قصي : طيب اقعد نشرب القهوه بعد الغدا
مهند : طيب
جيت طالعه من الغرفه لاقيت مهند
مهند: بقيتي كيف
اسيل: احسن الحمدلله
قصي: يلا تعالي اكلي
قعدنا وقصي اكلني بالغصب وشربت العصير وقعدنا نتونس رغد عملت لينا قهوه هم بتونسو وانا ف عالم تاني بفكر ف جمال مهند ورغد طلعو مننا المغرب وانا طوالي دخلت غرفتي وقفلت تلفوني ونمت
عند جمال؛ :::::
صحا من النوم لقا نفسو نايم جمب نور قام مخلوع
جمال: انتي يا زفت الحصل شنو
نور : حصل حب خبيبي هههههههه
جمال: اووووووف
فتح باب الشقه وطلع نزل عربيتو وبقا يكورك لي لي عملت كده لي انا ضعيف طلع تلفونو اتصل باسيل الرقم مغلق جدع التلفون ف مقعد العربيه ودور رجع البيت لقا ناس بيتهم نايمين دخل استحم وصلي وبقي يستغفر كتير لحدي م نام
صباح اليوم التاني ::::::::::
عند اسيل قامت مصدعه بلعت ليها مسكن واستحمت وصلت اتصلت برغد قالت ليها م حاتقدر تمشي الجامعه وطلعت سوت الشاي لقصي
قصي: حبيبتي أصبحتي كيف
اسيل: كويسه حبيبي بس مصدعه
قصي: بلعتي مسكن
اسيل: ممممممم باخد لي راحه اليله
قصي: كويس حبيبتي انا بحاول احي بدري لو اتحتجي شي اتصلي بي
اسيل : طيب حبيبي
قصي مرق شغلو وانا ضايرت البيت ورقدت فتحت تلفوني كده جاتني مكالمه من مهند
اسيل: ألوو
مهند: كيف أصبحتي
اسيل: كويسه الحمدلله بس مرهقه
مهند: اخدي راحتك اليله
اسيل: اي ان شاء الله
مهند: تمام مع السلامه
عند جمال :::
صحا من النوم قام استحم وصلي وشرب الشاي وطلع وهو ف السكه اتصل باسيل مابترد قال احتمال ف الجامعه وصل الحامعه فتشها م لقاها ولقي الشله حقتها سلم عليهم وناده رغد بالجنبه
جمال: وين اسيل
رغد: م جات قالت تعبانه شويه
جمال: طيب مشت الدكتور
رغد: لالا بس إرهاق قالت بتاخد راحتها
جمال: تمام شكرا
جمال تاني اتصل علي اسيل المره دي ردت
جمال: اسيل انتي كويسه
اسيل: الحمدلله
جمال: انا عايز اشوفك
اسيل: مصدعه يا جمال م بقدر
جمال: علييييك الله حاولي
اسيل: طيب انت وين؟؟
جمال: انا ف الجامعه لكن بجي عليك
اسيل: طيب
اسيل اتصلت بقصي::::
اسيل: حبيبي كيفك
قصي: كويس وانتي
اسيل: انا كويسه طالعه مع جمال م بتاخر
قصي : طيب اشربي عصير وابلعي فيتامينك
اسيل: حاضر
قمت عملت لي سندوتش وعصير اكلت وبلعت الحبوب جاتني مكالمه من جمال
اسيل: ايوا
جمال: انا تحت تعالي
اسيل: طيب
لبست لي عبايه ونزلت فتحت العربيه وشكلو تعبان
جمال: بقيتي كيف
اسيل : احسن
جمال: اسيل بتثقي فيني
اسيل: بثق من نفسي لكن فيك صعب شويه
جمال: عارف طيب نمشي مكان هادئ
اسيل : طيب
جمال ساق العربيه وكان طول السكه ساكت وصلنا محل واسع وفاضي وقريب للبحر
جمال: انزلي
نزلنا وقعد اتربع ف الواطه وانا قعدت
اسيل: احكي
جمال : والله يا اسيل انا م كده انا زول من قمت بصلي وبصوم وبقرا قران لكن اصحاب السوء جروني لدا بديته بالشيشه وتاني حبوب وتاني البدره بقت الشغله حاره بشرب وبعد افوق بمشي اتوصا واصلي واقول تأتي م بعمل كده لكن برجع ةالله م بيدي
اسيل: السبب شنو انت زول كبير وواعي واي حاجه بتتمنهاها عندك ذنبها شنو امك وذنبهم شنو اخواتك انت راحل للبيت مفروض تكون عامود البيت اتخيل الصورة دي لو وصلت امك او اخواتك بتقدر تبرر
جمال: انا غلطان وعايز ابطل ساعديني
اسيل: انت مفروض تساعد نفسك
جمال : والله حاولت حاولت وم قدرت
اشيل: طيب موافقه
جمال: جد
اسيل: اي عشان خاطر امك واخواتك
جمال: شكرا يا اسيل شكرا
اسيل: ف حاجه تاني مفروض اعرفها؟؟
جمال: اي
اسيل: قوول
جمال. : انا عندي علاقه مع نور وهي مصوراني معاها عشان تبتزني بيها وهدتتني لو سبتها بترسل ليك الصور
اسيل: طيب نور هي الخلتك تاخد البودره صااح
جمال: اي
اسيل: اول حاجه م عايزاك تلاقيها ولا بالغلط عندنا شقه فاضيه ف العماره انا حاقعدك فيها لحدي م تتعالج وقول لأمك انك مسافر اتفقنا
جمال اتفقنا
اسيل : اسي وصلني الصيدليه حقت قصي
جمال: انتي م حاتكلمي صاح
اسيل: م تخاف ده سرنا تمام
جمال تمام
ركبنا العربيه ومشينا صيدلية قصي وقلت ليودايره ادويه خليتوا بتكلم مع جمال ودخلت المخزن حبت الادويه العايزاها وطلعنا منو جمال وصلني البيت وهو مشابيتهم
دخلت الشقه نضفتها وعقمتها ورجعت البيت نمت صحيت للمغرب لقيت قصي قاعد
قصي: كيفك
اسيل: تمااام وانت
قصي: الحمدلله جعانه ؟؟
اسيل: اي والله نجهز الأكل اسي
جهزت الغدا وبعد اتغدينا جو رغد ومهند اتونسو معانا مرقو العشاء قصي دخل ينوم
اتصلت علي جمال
اسيل : وين انت
جمال : طلعت من البيت
اسيل: تمام لمن تصل اديني تلفون
شويه كده وجمال اتصل قال وصل مشيت ودخلتو الشقه طبعا الشقه فيها عازل للصوت
اسيل: غير ملابسك وتعال
جمال : طيب
مشا بدل ملابسو وجا
اسيل: ممكن ترقد بعد ده
جمال رقد وجسمو كان برجف طلعت لي كم حقنه ومنهاحقنه مهدئه واديتهم ليو وبقيت ماسكه يدو لحدي م نام غطيتو وختيت ليو عصير ومويه جنبو ومشيت فتشت شنطتو وزي م اتوقعت لقيت كيس بودره شلتو فضيتو ف الحمام ورتبت ليو ملابسوف الدولاب وطلعت شقتنا رقدت نمت طوالي لان اعصابي كانت بايظه