رواية اجهاض حب
الفصل السابع7والاخير
بقلم اميره موسي
....
على جانب اخر كان ادهم ونور في شقتهم وكانوا مبسوطين و بيتفرجوا على تسجيل الفرح ..
نور : ادهم عايز اقولك حاجه
ادهم : نعم ي حبيبي تعالي قولي
نور بضحك : هقولك وانا هنا
ادهم : مش اتفقنا لما تيجي تحكي حاجه تيجي تقوليها وانتي ف حضني هسمعك بقلبي و شدها ادهم لحضنه
نور : هو انت ي ادهم عملت كل دا عشاني و لا عشان وصية بابا و لا عشان خايف على نفسك
ادهم و نور لسه ف حضنه : ي حبيبي انا عملت كل ده عشان بحبك انتي و عايزك انتي بابا الله يرحمه و صاني بس و صاني لما عرف اني بحبك و بعدين اخاف على نفسي مين
نور : يعني انت عملت كل دا عشاني
ادهم : ايو طبعا عمك من واحنا هناك عرض عليا مليون جنيه و اسيبك وامشي مردتش في بطلي هبل كدا عشان شكلي هقوم اخبطك علقه
نور بضحك : مليون جنيه مره واحده طاب كنت وافق
ادهم بغلاسه : كنت عايزه يهزها شويه و هوافق
نور : يا سلام يعني لو كان هزها كنت وافقت
ادهم : على حسب الهزه ... ما تقومي كدا يا بطل تهزيها انتي
نور : اهز اي
ادهم : اي هزيها هزي شيك شاك شوك💃
نور : متهزرش
ادهم بجديه : قومي غيري و تعالي هكون شغلت اغنيه ترقصي عليها هي نونوت في دماغي مش مراتي يلا
نور بكسوف : حاضر و قامت غيرت هدومها ولبست...
و قضوا سهرتهم الجميله
تابعوا بيدج روايات اميره موسي المنتقم العاشق
تاني يوم ادهم صحى من النوم ونور جمبه لسه نايمه
صحى ادهم و فضل يبص لها و يتامل جمال وبراءتها وهي نايمه و فضل يلعب ف شعرها شويه وقام راح المطبخ قطع بطاطس و حمرها و جبن و عسل الخ و حضر الفطار وحطه على السفره ودخل يصحي نور
ادهم : نور نور اصحي بقى
نور : يوووه سيبي شويه كمان ي ادهم
ادهم : قومي حضري لي الفطار
نور : حرام عليك ي ادهم
ادهم : اصحي بقى و حشتيني وبعدين متجوزك بقالنا اسبوعين و كل يوم تصحي اجمل من اللي قبله ووطى ادهم على نور شالها في حضنه و دخلوا الحمام غسلت نور وشها و سنانها ودخلت المطبخ تحضر الفطار لقت ادهم شالها و دخل السفره
نور : اي دا هي مامتك جابت لنا الفطار تاني ولا اي
ادهم : مامتي برضو انا ي حبيبي ال حضرته
نور : اي دا بجد ودا من امته
ادهم بخبث : اصلك ي حرام امبارح تعبتي جامد ف تنضيف الشقه هههههها
نور بكسوف : طيب افطر وخلي يومك يعدي
فطر ادهم ونور و جت نوال قعدت معاهم شويه ونور و هي قاعده مره واحده نفسها غمت عليها وجريت على الحمام ... نوال جمبها وادهم قلق عليها اوي وبعد شويه خرجت .. نوال كانت فرحانه اوي
ادهم : الف سلامه مالك ي نور
نور : منك لله ي ادهم انت حاطط اي ف الاكل
ادهم بضحك :والله ولا حاجه دا انا حتى حاطط سمنه زي ابوكي ما كان بيقول
نوال بضحك : اكل اي يولاد الهبله مبروك ي حبيبتي شكلك حامل ...
نور وادهم بفرح : بجد
نوال : ايوا ي حبيبتي يلا ادخلي ارتاحي بقى
ومشيت نوال .. وادهم كان مبسوط اوي
ونور نامت و صحيت بليل ساعدت نوال في الاكل و اتعشوا واخر السهره ادهم قاعد وواخد نور ف حضنه
ادهم : اتصدقي من كتر ما فتره خطوبتنا و جوازنا عدو بسرعه ملحقناش نختار اسم البيبي
نور : ي حبيبي هو انا رايحه اولد بكرا دا لسه ٨ شهور
ادهم : برضو نختاره دلوقت
نور : هو احنا عارفينه ولد ولا بنت
ادهم بلوم و ضم نور لحضنه جامد ونزل على شفايفها : بقولك اي بلو بيري قلبي ما تيجي نطمن عليه و بدل ماهو بيبي واحد نخليهم اتنين
نور بكسوف : اتلم و بعدين هتخليهم اتنين ازاي هو انا ميكروباص 😂
ادهم : المهم لو ولد هنسميه اي
نور : هسميه على اسم بابا دا بعد اذنك
ادهم باسها فوق راسها : يا حبيبتي دا حته منك متستاذنيش
نور : بجد ي ادهم انا مش عارفه من غير وجودك ف حياتي كنت هعمل اي
ادهم : كنت هموت
نور : بعد الشر عنك .. لو طلعت بنت بقى هنسميها اي
ادهم : هسميها فريده اسم حلو اوي
نور : اه تصدق جميل و سكتت لحظه ووشها قلب
نور بعصبيه : مين فريده دي هاه تعرفها منين
ادهم : اهدي اهدي في اي دا انا لسه بقولك بلو بيري
نور : رد على سؤال متوهش مين فريده دي
ادهم : والله ما اعرف اقسم بالله
نور : مش مصدقاك انا شكلي اتسرعت
ادهم : ياربي على الهرمونات دي تعالي بس ف حضني كدا اقولك سر
نور : ايوا اظهر وبان على حقيقتك
ادهم ضمها لحضنه : نور انا عرفت ناس كتير و صحبت كتير لكن لا حبيت و لا هحب حد غيرك انتي اول حب لقلبي بحبببببببك
نور بكسوف : بجد ي ادهم
ادهم : بجد ي قلب ادهم
نور : يلا دخلني عايزه انااام
وشلها ادهم ودخلوا يناموا
.....
على جانب اخر
رضوان وغفران و سالم اخواته وصلوا اسكندريه و عرفوا عنوان ادهم و سالوا الناس قالت دا اتجوز
رضوان كان من جواه نار و قرر ينتقم و يحرق الشقه باللي فيها وفعلا و قف عربيته في شارع جانبي جمب العماره و قرر انه هينفذ مهمته في نص الليل ..
عند ادهم وفي نص الليل الساعه ٢ونص بليل
نور قلقت من النوم
وادهم صحى لقها قاعدة جنبه على السرير وماسكة بطنها فسألها : مالك يا نور ي حبيبتي
نور : من ساعة ما اتعشيت ومعدتي بتحرقني أوي ومفيش لا زبادي ولا خيار ولا علاج للحموضه عندنا
ادهم : هنزل اجيب كل حاجة وقام عشان يلبس
نور : انت بتعمل اي
ادهم : بلبس عشان أنزل أجيب اللي عوزاه
نور : إنت عارف الساعة كام دلوقتي ؟
ادهم : مش فارقه لو كام كدا المهم انك ترتاحي
نور : ي حبيبي الساعه داخله على تلاته الفجر فهتلاقي معظم المحلات والصيدليات قافلة
ادهم : هنزل اتصرفي
نور : ي حبيبي الجو تلج
ادهم : ولو اي كدا فايدتي اي ف الحياه و انتي تعبانه جمبي وأنا نايم جمبك زي كيس الجوافة
قام ادهم ونزل ..
...
رضوان كان بيجهز انه يدخل العماره و شاف ادهم نازل من العماره بسرعه
قال بس دا الوقت المناسب .. ونزل رضوان من عربيته و اخد حبل في ايده و طلع شقة ادهم
ودخل فتح الباب ودخل الشقه لحد ما لقى نور وحاول يغتصبها مقدرش و ضربته نور على دماغه لكن رضوان اتمكن منها و ربط الحبل في رقبتها و خنقها بالحبل لحد ما حس انها معدش بتتنفس
...
ادهم اخيرا لقى سوبر ماركت و جاب لنور زبادي و شيبسي و شوكولاتات و جاب علاج من الصيدليه وراجع البيت ..
سالم اخو رضوان كان تحت في الشارع بيراقب ومستني رضوان و بيبص بعينه لقى كاميرات مراقبه ماليه مدخل العماره
طلع تليفونه بسرعه و رن على رضوان ينزل بسرعه وميعملش حاجه و يغطي وشه رضوان نزل بسرعه
واحرك هو واخواته رجعوا الصعيد
ادهم رجع من برا لقى نور مرميه و الاوضه متبهدله
ادهم نور نور نوووووووووووووور
نوال صحيت على صوت ادهم و الجيران اتلمت و الاسعاف جت و البوليس فرغ الكاميرات و عرف الفاعل
و اتقبض على رضوان و اخواته وابوه واتحكم على رضوان بالاعدام وسالم و غفران موبد و شرف اتقبض عليه ولقوا في بيته سلاح و مخدرات اتحكم عليه موبد و عياله كل واحد اخد ١٥ سنه سجن وراضي طلع براءه بعد ما اثبتت التحريات انه ملهوش علاقه بتجاره ابوه
تمت