رواية احببته ولكن
الفصل الثامن8
بقلم ساره محمد
جو امي وابوي وبقو يبكو علي حالي وقلت لسامي م تجيب سيره عن الشفنا ف الكافيه لان ابوي م حايتحمل الزول الواثق فيو والسلم بتو يخونها
امي: سامي للحادث حصل كيف
سامي: والله يا خالتي انا لقيت زميلي ف الكافي وهي قالت عاوزه ترجع عشان الوقت شويه كده وعرفت انها عملت حادث
ابوي: معاذ وانت كنت وين
معاذ: انا كنت
سامي: معاذ كان قريب للكافي وانا لمن كلمتو بالحادث جا طوالي
غزل: اه اه
امي: غزل بتي اصحي نحن معاك
غزل: امي انا كويسه
ابوي: حمدلله علي السلامه
غزل: الله يسلمك يا ابوي
سامي: الدكتور بجي يطمنا عليها ونرجع البيت
معاذ: انا حاجيب ليها ممرضه ف البيت
غزل: انا حارجع بيتنا انت خلي بالك من حنان
معاذ: بس يا غزل
امي: اي يا معاذ خليها الفتره دي معاي
معاذ: طيب يا خالتي
الدكتور جا فحصني وقال ممكن تطلع امي لبستني ومعاذ وسامي سندوني للعربيه وانا طول السكه ساكته لحدي م وصلت البيت ودخلت غرفتي كنت متالمه بس م حبيت أبين لزول
امي: خليني اساعدك تغيري ملابسك
غزل: طيب
امي ساعدتني لبست فستان ورقدت شويه كده ومعاذ دق الباب وامي فضلتو
معاذ: غزل كدي افهمي الحصل
غزل: افهم شنو انك ليك يومين متغير علي لا وكمان م همتك مرقتي ماشي تطلع مع البنات
معاذ: اهدي طيب دي صديقة قديمه وكانت عاوزه تقابلني عشان اساعدها تلقي شغل
غزل: م فارقه معاي كتير والحمدلله لسه علي البر اسي يا ود الناس عاوزه ورقتي
معاذ: غزل عشان موضوع تافه زي ده تطلبي الطلاق
غزل: تافه ف نظرك تافه وانا بالنسبه لي خيانه صحي لا والمسكينه التانيه الحياتها ف خطر بسبب الحمل ذنبها شنو وريني
معاذ: غزل والله ماف بينا حاجه
غزل: معاذ ممكن تطلع انا تعبانه عاوزه ارتاح
معاذ: طيب لكن شيلي فكرة الطلاقةمن راسك وانا حاثبت ليك اني م خنتك
معاذ طلع وانا خلاص الفيني كملت بلغت مسكن ونمت طوالي
عند معاذ:::؛؛
بالجد انا م فكرت اخونها كيف اعمل كده اااااه يا راسي دخلت البيت وانا راسي جاايط
حنان : معاذ مالك اتاخرت
معاذ: كنت مع غزل
حنان: جد اتصالحتو؟؟
معاذ؛ حنان غزل عملت حادث
حنان: شنو كيف
معاذ: حنان اهدي م تقومي تتعبي اقعدي احكي ليك
حنان: هديت يلا قول هي كويسه
معاذ: اتصلت علي شذي تتذكريها
حنان: أي مش صحبتك المن الجامعه دييك
معاذ: ايووا طلبت مني نتقابل ف كافي لأنها بتفتش في شغل وكنا بنوتنس فجاءة لقيت غزل جايه علي وجايطه وقالت انا متغير عليها بسبب شذي يعني فهمت اني بخونها فهمتي
حنان: اوووف يا عزو مش قلت ليك تغيرك منها فجاءة بدخلك ف متاهات
معاذ: انا كنت ناوي اتكلم معاها قبل الحادث بس كل م اتصل بتختصرني
حنان: اها وحصل ليها شي
معاذ: كسرت يدها وكم جرح
حنان: لا حوله ولا قوه الا بالله انا عاوزه امشي ليها
معاذ: خلي بكره اسي بتكون نامت
حنان: طيب امشي ارتاح انت زاتك وانا بكره بحلها
معاذ: طيب
مشيت غرفة غزل رقدت في سريرها وحضنت مخدتها ونمت واتمنيت لو هي ف حضني اسي
ااصباح::
عبير: غزل غزل اصحي
غزل: امممم اي يا أمي
عبير: انتي من امبارح م ماكله قومي اكلي ونومي تاني
غزل: م عاوزه يا أمي
حنان: خالتي خليها باكلها انا
غزل: حنان جيتي متين
حنان: ههههههههه طلعت العيال المدرسه وقلت لمعاذ يوصلني ليك
عبير: خلاص جات صحبتك تفرق عليك
حنان: م تقلقي يا خالتي انا معاها
امي طلعت وانا دخلت الحمام اتسوكت واتوضيت وصليت
حنان: حرما
غزل: جمعا اها انتي كيف مع الحمل
حنان: كويسه باخد علاجاتي
غزل: الحمدلله بتكوني عرفتي الحصل
حنان: اممم عرفت بس عاوزه أوضح ليك حاجه
غزل: توضحي شنو معاذ خانا انا وانتي
حنان: معاذ انا بثق فيو اكتر من نفسي والبت المعاو دي شذي صحبتو من ايام الجامعه
غزل: بس كان بضحك واتونس معاها كأنهم حبايب
حنان: لالا دي غيره واضحه والله صدقيني دي صديقه ساي وفي حاجه تاني عاوزه احكي ليك عنها
غزل: شنووو
حنان: معاذ م اتغير منك بسبب بت هو اتغير منك لانو افتكر انك شفتي الحبوب
غزل: بس انا بالجد شفتها وعرفتها حقت شنو وكنت ناويه نبدا صفحه جديده ف علاقتنا بس هو بعد عني
حنان: أي لانو ف نفس اليوم انتي ابيتي الاكل ومعظم الوقت نايمه فهو اتحسس وقال م عاوز يضغط عليك هو بحبك وعاوزك بس م حابي يعمل شي بدون رضاك فهمتي
غزل: وانتي الموضوع ده عرفتي متين
حنان: بعد الحمل الدكتور مش منعني اني أقرب منو ؟
غزل: اي
حنان: فهو جا من السفر مشتاق اكيد م لي لاني عارفه لمن يكون معاك م بقدر يعمل حاجه بس بجيني بريح نفسو وانا الدكتور منعني فكان لمن يكون قريب ليك بتعب فهمتي والحبوب بتهدي لان الاحتقان بسبب الألم
غزل: يعني انا السبب
حنان: انا م قلت كده انا شرحت ليك لي هو بعد عنك فجاءة
غزل: طيب معاناها انا ظلمتو
حنان: بصراحه اي
غزل: اااه راسي حايط
حنان: راسك اسي خلي قومي جهزي شنطتك خلينا نرجع البيت انا مقلقه عليك ومع بقدر اجيك كل يوم
غزل طيب
بعد كلام حنان ارتحت وحسيت اني ظلمت معاذ قمت جهزت شنطتي وطلبنا ترحال ورجعنا البيت حنان قالت لي نعمل خطه علي معاذ امشي غرفتك وانا بقول انو راسك قوي ابيتي تسمعيني
غزل طيب
طلعت غرفتي بدلت ملابسي وبقيت منتظرة
معاذ: حنان قيلتي كيف
حنان: كويسه
معاذ: مالك
حنان: ياخ غزل راسها قوي قدر م فهمتها أبت
معاذ : اووووف مش قلت ليك
حنان: خليها ترتاح وبرجع ليها تاني
معاذ: طيب حامشي ارتاح شويه
طلعت غرفتي وانا زهحان يعني حنان م اقنعتها برضو دخلت استحميت وصليت مشيت غرفة غزل شميت عطرها القوي كأنها الغرفه بس شكلو بتهيا لي شلت فستان حقها وبقيت اشم فيو فجاءة سمعت صوت
غزل: احم احم
معاذ: غززززل
غزل: اممم غزل
معاذ: غزل انت جد هنا م بتهيا لي
غزل: ههههههههه اي انا هنا
معاذ: انا اسف انا والله
غزل: اشششششش انا عرفت كل شي وانا اسفه اني شكيت فيك
معاذ قرب مني وحضني كانو م مصدق
غزل: معاذ يدي براحه
معاذ: خههههههه والله م مصدق
غزل: ههههههه لالا صدق
معاذ مسكني من نصي وبأس راسي وعيوني وخدي
غزل: احم
معاذ: اسف بس مشتاق ليك
غزل: وانا كمان مشتاقه ليك
معاذ: تعالي ارتاحي
غزل: طيب
رقدني ف السرير
معاذ: غزل ف خاجه عاوز اقولها ليك بس
غزل: شنو
معاذ: بحبك بحبك با غزل حبيتك من اول مره شفتك فيها وحبيتك اكتر لمن تكوني قربي
غزل: وانا بحبك بحبك شديد
معاذ حضني وبقا يبكي كانو م مصدق